####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00022
Uniform title: īśvarapratyabhijñāvivṛtivimarśinī Volume 3
Author : abhinavagupta
Editor : śāstrī m. k.

Description: 
Text taken from Vol. 65 of the Kashmir Series of Texts and Studies, The īśvarapratyabhijñā vivṛtivimarśinī by Abhinavagupta Vol. 3     Volume 3 of 3 volume set.


Notes: 
Data-entered by the staff of Muktabodha under the supervision of Mark Dyczkowski.    Revision 0: 19/11/2005  

Publisher : Research Department Jammu and Kashmir State
Publication year : 1943
Publication city : Bombay
Publication country : India
####################################################

kāśmīra-saṃskṛtagranthāvaliḥ
granthāṅkaḥ 65

īśvarapratyabhijñāvivṛtivimarśinī

śrīmanmahāmāheśvarācāryavarya-śrīmadabhinavaguptaviracitā |

śrīrājarājeśvara-mahārājādhirāja-kāśmīranarendra-
śrīharisiṃhajībahādurājñayā

risarca-kāryālayādhyakṣa-paṇḍita-madhusūdanakaula-śāstriṇā

uddiṣṭakāryālayasthetarapaṇḍitasahāyena

saṃśodhanādisaṃskaraṇottaraṃ

saṃpādya

mumbayyāṃ nirṇayasāgara mudraṇālaye mudrāpayitvā 
prākāśyamupanītā |

(tṛtīyo bhāgaḥ)

saṃvat 2000.     kāśmīra-śrīnagara  khraistābdaḥ 1943.

(asya granthasya mudrāpaṇādyadhikārāḥ proktamahārājavaryaiḥ 
svāyattīkṛtāḥ santi)




īśvarapratyabhijñāvivṛtivimarśinī |

mahāmāheśvaraśrīmadācāryābhinavaguptapādaviracitā |

kriyādhikāraḥ |

atha prathamo vimarśaḥ |
     
     śivamamṛtavapuṣamamṛtakalācatuṣṭayatṛtīyabhāgajuṣam |
     praṇamāmi bhāsayantaṃ kramarahite'pi kramamanekam ||

     evaṃ jñānaśaktirūpaṃ vitatya nirṇīya kriyāśaktisvarūpaṃ 
tathaiva nirṇetavyamiti kriyādhikāra ārabhyate | tatra ca ślokāṣṭakena

     ata eva yadapyuktam---------------------------------------|

ityādinā

     tathā vijñātṛvijñeyabhedo yadavabhāsyate |

ityantena bhagavati vastuto'kramāyā api kriyāyāḥ paśupramātṛgatakra-
māvabhāsanayogāt sakramatvamiti upapādyate | tathāhi ekena uktapūrva-
pakṣanivāraṇam, ekena sakramatvākramatvavivekaḥ, trayeṇa kramasva-
rūpam, dvayena sakramatvākramatvayorviṣayavibhāgaḥ, viṣayavibhāge'pi 
tayostattvata ekatraiva viśrāntiriti ślokena,-iti prakaraṇasya arthaḥ, 
pratisūtraṃ tu nirūpyate | adhunā jñānaśaktitattvanirṇayopayoginā 
nyāyena prakṛtaṃ prameyāntaramapi siddhamadhikaraṇasiddhāntadiśā,-
iti sūtram
     
     ata eva yadapyuktaṃ kriyā naikasya sakramā |
     eketyādi pratikṣiptaṃ tadekasya samarthanāt || 1 ||

(page 2)

     anubhavavikalpātmanā santānavṛttīni jñānāni eva prakāśante, 
natu eṣāmāśrayaḥ kaścit | smṛtiśca saṃskārata eva siddhā | jñānaṃ ca 
yadi jaḍaṃ, kasya arthaprakāśatā | ajaḍaṃ cet, na asya deśakālayogāt 
bhedāḥ,-ityātmanaḥ kathamanyat tat,-iti pūrvapakṣīkṛtaṃ tāvat | tatra 
yaduttarīkṛtam-bhinnānāṃ saṃvedanānāṃ na vyavahārāṅgatā, na 
saṃskāramātrāt smṛtiḥ, jñānaṃ ca asaṅkucitasya eva saṃvedanasya 
svaśaktinirmitajñeyoparāgasaṅkucitarūpaṃ-śaktiriti, dharma iti ca 
ucyate,-iti | ata eva hetukalāpāt kriyāviṣayamapi pratipakṣāyitaṃ 
pratikṣiptam | na kevalaṃ jñānaviṣayaṃ dūṣaṇamiti apiḥ | tathāhi yat 
coditam-ekā kramikā ca kathaṃ kriyā, āśrayasya ca tadyoge 
kathamekasvabhāvatā, sambandhaśca dviṣṭhādirūpa ekaḥ katham,-iti, 
tatra iyān saṅkṣepaḥ-ekamanekasvabhāvaṃ kathaṃ syāt,-iti | tatra 
darpaṇasya iva anekābhāsa-bheda ekatāmanapabādhamāno na 
virodhamāvahati,-iti ukternirbādha-
pratyabhijñāpratyakṣaprasādhitaikabhāvaḥ padārtha ābhāsasārastathā-
bhūtāneva viruddhānākārān svātmani upagacchan haṭhādeva 
kramikāṃstānābhāsabhedānātmani abhinne bhāsayan kriyāśrayaḥ,-iti 
yuktameva | sambandhāderapi ayameva siddhiprakāraḥ | evamekasya 
āśrayasya samarthanāt hetoḥ kriyāśakticodyāni api pratisamāhitāni,-iti 
sūtrārthaḥ | sarvatra iti bahirantaśca | icchanti iti kāṇādādyāḥ | iha tu iti 
ābhāsasāravastuvāde | pratītisāro hi yadi bhāvaḥ, tat pratītimullaṅghya 
bhedena kathaṃ śapathairapi vyavasthāpyeteti ākūtam || 1 ||

(page 3)

     nanu kramikatvameva kriyāyāḥ prāṇitam | kramaśca 
kālānavacchinne bhagavati kathaṃ syāt | etat samādhatte sūtreṇa

     sakramatvaṃ ca laukikyāḥ kriyāyāḥ kālaśaktitaḥ |
     ghaṭate natu śāśvatyāḥ prābhavyāḥ syāt prabhoriva || 2 ||

     utkṣipati avakṣipati | hastamiti ye hastasya pūrvottare kṣaṇāḥ, te 
tāvat kramavantaḥ | tatra keṣāṃcit te eva kṣaṇāḥ kriyā ekā vibhāga-
saṃyoganimittabhūtā, keṣāṃcit taddhastagatoktarūpabhedasampādikā 
nityānumeyā api kramikakāryabalāt kramikā eva anumīyata iti laukikyeva 
bhedaviśrāntā kriyā sakramā yujyate ābhāsavicchedotthāpakabhagavat-
svātantryalakṣaṇayā kālaśaktyā hetubhūtayā | prabhostu 
kālānavacchinnatvāt yā kriyā, sāpi kālānavacchinnaiva prabhuriva 
śāśvatī sā yataḥ | etaduktaṃ bhavati-laukikajñānavyavahāramūla-
jñātṛjñeyaprakāśane sāmarthyaṃ jñānaśaktirdevasya | tatraiva 
saṃyojanādisvatantratātmā vimarśaśaktireva vastutaḥ kriyā | uktaṃ ca 
etat

     kriyā ca paravāgvṛttyādikā----------------------------|

ityādipradeśeṣu | sā tu vedyacchāyācchuraṇamacchatvādavacchedakama-
bhyupayatī kramavatī bhāti vastuto'kramatve'pi,-iti sūtrārthaḥ | vṛtti-
vivṛtī spaṣṭe | kālagrāsādapi iti kālānavacchedāt tāvadakramatvaṃ 
sthitameveti | kimatra ucyate | unmiṣite'pi vedyagrāme māyāpramātṛpada-
mapi adhyāsīno bhagavān yāvadeva bāhyāntararūpaṃ vedyakulaṃ 
svātmani

     prakāśasyātmaviśrāntiḥ-----------------------------| 
                                                       
                                                  (a. pra. si. 22)
                                                       
                                                       
               
(page 4) 
                                                       
                                                       
                                                       
                                                       
                                                       
          
     idamityasya vicchinnavimarśasya-------------------| 
                                                       
                                                       
                                                       
                                                       
                         (a. pra. si. 15)

ityādinayena grasate viśramayati, tāvat tanniṣṭho'vabhāsanakramo'pi 
grasta
eva,-iti ahamiti yā saṃyojanādicitritasamastabhāvaprakāśopasaṃhāra-
paryantadaśāviśeṣavimarśalakṣaṇā kriyā, sā niṣkramā eva || 2 ||     
     
     nanu ko'sau kālaḥ, yo bhāvānāmavacchedaka ucyate | yo hi kaiścit 
nityadravyaviśeṣātmā upagataḥ, sa ekatvāt saṃyogaviśeṣāt citrākāra-
cirakṣiprādidhīhetuḥ katham | upādhibalāt tathābhidhāne te eva 
upādhayaḥ santu | kiṃ tena | guṇakarmādeśca tena asaṃyuktasya na 
kālāvacchedo bhavet,-ityāśaṅkya bhagavata eva śaktiḥ 
kramamavabhāsa-yantī kālaśaktiḥ | tadavabhāsyaśca māyāpramātṛlagna 
eva pradhānatayā bhavennetadviṣayīkaraṇīyabhāvaniṣṭhaḥ krama eva 
kālaḥ,-iti darśayituṃ sūtraṃ

          kālaḥ sūryādisañcārastattatpuṣpādijanma vā |
          śītoṣṇe vātha tallakṣyaḥ krama eva sa tattvataḥ || 3 ||

     niyataparimāṇaṃ yat prativartakādi tena, kanakaṃ mīyate; naca atra 
anavasthā anyonyāśrayo vā | tadvat prasiddhaparimāṇayā kriyayā 
arkodayāstamayamayyā caitragamanam | taducyate-divasaṃ caitro gacchatīti 
| ādityakriyā api yadā parimitsitā bhavati, tadā prasiddhābhirnālikāsruti-
bhirmīyate-triṃśataṃ nālikāḥ sūryo dṛśyate iti | tena yasya yatra yadā 
ābhāsavarga iyattayā pariniṣṭhitaścandrasūryaśītoṣṇakokilasaṃma-
dādeḥ, tasya tatra tadā sa eva kālaḥ | tena sūryādigato yo niyataḥ 
svabhāvabhedaḥ, sa kramaḥ; sa eva

(page 5)

kālaḥ | tena sūryasañcārādibhiryo'nyo lakṣyate pravahaṇadharmā 
navapurāṇatādirūpaparatvāparatvatadvaicitryatadbāhulyādupakalpitayauga
-padyetaraciraśīghratādyasaṅkīrṇabhāvasvabhāvotthāpako vaiśeṣi-
kāṇāṃ dravyarūpaḥ, kāpilānāṃ rajaḥsvabhāvaḥ 
pravartanātmakatvāt, vaiyākaraṇānāṃ nityānāśritapravṛttisvabhāvaḥ, 
saugatānāṃ santanyamānabhāvaikaparamārthaḥ; so'pi vastutaḥ 
kramarūpatāṃ na atikrāmatīti krama eva nāma bahiḥ kālaḥ,-iti 
vyavahriyate | svapnasaṅkalpamāyendrajālaprāye cetanasya ābhāsavarge 
kramasya iyattāniyamo hariścandrarajanīvṛttāntakramasya iva | tadatra 
saṃvicchakti-reva pratapati tannirmitatvādābhāsacitratāyāḥ | 
tadāśrayatvācca kramasya yatrāpi kāraṇe kālākhyeti ucyate, tatrāpi 
divase jāto madhyāhne jāta iti arkasañcārakramasyaiva kāraṇatāpratītiḥ 
siddhā, natu nityadravyātmanaḥ pariniṣṭhitarūpasya kasyacit | dravyamapi 
tatpravahaṇadharmakameva 
navapurāṇatārūpaparatvāparatvatadvaicitryotthāpakamiti cet, tarhi punarapi 
kramarūpatā eva asya anubhavānusāreṇa vyavatiṣṭhate, na rūpāntaramiti 
krama eva ābhāsane'nupraveśātmā kālaḥ,-iti siddham | 
vakṣyamāṇāt iti

     kramo bhedā----------------------------------------------(2|1|4)

ityādisūtreṣu | nālikādi iti muhūrtādeḥ kalpāvasānaparyantasya pari-
grahaḥ | nanu yena kalati kṣipati paricchinatti, sa kālaḥ | kriyā paricchedyā, 
tat kathaṃ sā kālaḥ | atra āha viśiṣṭa iti | iyattayā prasiddhatvamanena 
lakṣayatā tasyāmapi parimātumiṣṭāyāṃ nālikāsrutyādikriyāntarameva 
kāla ityāha | anavasthādi ca kanakaprativartakavṛttāntena 
kṛtasamādhānameva |

(page 6)

prāksiddhadhruvakakalpyaprasiddhyantaropajīvanena ca kālo vyavahriyate | 
sarvo hi vyavahāraḥ prāksiddharūpopajīvanenaiva | tṛptilābho'pi hi 
pūrvaprasiddhatṛptiyogata eva | tata eva cinmaya eva iti | sarve vyavahārās-
tasya eva purāṇatvena prākprasiddhatāyāmavivādāt,-iti darśitameva | 
saṃvideva hi prāṇanakriyayā prākkālamullāsayet | mahāpralaye ca 
brahmaṇi svapatyapi tanniḥśvāsocchvāsādikriyayā, uttaraviṣṇurudrapra-
bhṛtikāraṇavargagatayā ca kriyayā kālavyavahāraḥ | bhagavati tu na 
kālavyavahāraḥ kaścit | tacchaktau tu māyāyāṃ prabhavantyāmābhāsa-
bhedaścedutthitaḥ, tat kramātmā kālo'pi vijṛmbhata eva | nanu yadi 
sañcā-reṇa godohādirlakṣyate, natu ādigrahaṇena svīkriyate; tarhi sūtre 
kimarthaṃ tat | ucyate | anyagraha iti candrāderanyasya grahasya parigrahaḥ | 
yuktaṃ ca etat-godohādisaṅgrahāya cedādipadaṃ syāt, sañcārādiriti 
brūyāt | tat sarvam iti uktamupalakṣitam, ādiśabdopāttaṃ ca yat sūtre; tat 
saṅkṣepa-vṛttau vīpsayā vyākhyātam | natu vāśabdāstrayo vā 
kartavyāḥ pratyeka-saṅkrāntavikalpyamānatvadharmābhidhānāya, eka 
evavā vikalpyamāna-tāyā ekatraiva uktāyāḥ svabhāvamahimnā 
anekopakrāntaniṣṭhatvapra-tīteḥ | tat kathaṃ dvau vāśabdau sūtre | 
maivam | ādyo vāśabdo dvayoḥ 
pakṣayorvikalpyamānatāmācakṣāṇastulyavṛttāntatāmāha | tathāca 
prathamau pakṣau paricchedakriyopayogī kāla ityanena āśayena sthitau, 
tṛtīyastu kāraṇe kālākhyetyanena āśayena | tatra ca kāraṇasya

(page 7)

sato'vacchedakatvameva kālatāyāmupayujyate | avacchedakatve ca krama-
rūpatā eva āgacchati,-iti vaktuṃ vāśabdaḥ | evaṃca akāraṇarūpo vā 
kāraṇarūpo vā astu kālaḥ iti pakṣadvayaśeṣatā eva paryavasyati,-iti 
vāśabdadvayameva prayoktuṃ yuktam | etadāha na kevalam ityādinā | 
siddharūpaḥ kriyātmā, ādipadāt svalakṣaṇasya upādānakāraṇamapi | 
etat iti sarvam | nanu svecchā api prasiddhimanavalambya vartate avacchedaka-
kalpanāyai | satyam | prasiddhirapitu na ekaghanā,-ityāha prasiddheśca iti | 
śītādiḥ kāla ityamuṃ pakṣaṃ śodhayan kāraṇe kālākhyā,-iti 
sūtrasya uktarūpamarthaṃ vyācaṣṭe śītādīnām iti | śītāderapi 
avacchedakatā eva kālatāyāmupayuktā, sā ca 
pravahaṇadharmakramarūpa-tvāveśenaiveti tadgataḥ krama eva kālaḥ-
ityuktaṃ bhavati | etacca iti avacchedakatvam | etena sarveṇa sūtroktena 
upalakṣyamāṇaṃ yatkiñcit kalpitamavacchedakam | sthirarūpam iti 
prasiddhaṃ vyavahartṝṇāmeka-rūpatvena, sarvatra ca kramasya 
tādṛśatvameva pravahaṇadharmaṇaḥ kālaliṅgāviśeṣāt,-ityekaṃ yat, 
tadeva kālaḥ | sa ca padārthānāṃ prameyāṇāṃ pratītimavacchinatti | 
prameyaṃ hi pramīyamāṇameva anyathā na bhavati yāvadāsīt, asti, 
bhaviṣyati,-ityamunā rūpeṇa kramātmanā na anugṛhītam | tena 
pratītidvāreṇa samastakriyāvaccheda-katvaṃ kālasya,-ityuktaṃ bhavati | 
sthirarūpapadārtha iti vā samastaṃ padam | krama eva iti | krama evahi 
viśiṣṭaḥ paratvāparatvalakṣaṇāṃ purātananūtanasthitiṃ darśayan 
santatābhyāṃ paratvāparatvābhyāṃ ciravyavahāram, anyathāca 
aciravyavahāraṃ, svarūpeṇa kramasthitiṃ,

(page 8)

bhāvāntaropāśrayeṇa anekabhāvaparicchedena yaugapadyaṃ mūrtikṛta-
dūratvādūratvarūpābhyāṃ paratvāparatvābhyāṃ 
saṅkīryamāṇatayā bhāveṣu vidadhat kālaḥ,-ityucyate | tatraiva ca 
uktanītyā nityatvaikatve yadi vyavahriyete, dravyatvaṃ ca 
svātantryāropaṇena; tadā kāṇādamatasya api na kācit kṣatiḥ 
satyasmaddarśanaśaraṇabhāvopagamane,-iti ākūtam | nanu vasantādiḥ 
kālaḥ prasiddhaḥ, sa ca kathaṃ kramātmā | itthamityāha tathāhi iti | 
mīnameṣarāśisaṃcaraṇanimittā arkasya udayādikriyā varta-mānā 
vasanta ityanubhūyate | nanu sa vasantaḥ kālo'rkasya kramarūpaḥ 
sahakārodbhedasya kathaṃ kālaḥ,-ityāśaṅkya brūte tenaiva iti | 
vāśabdena asya eva pakṣasya dārḍhyaṃ dyotayati | yathā kanakasya 
svameva rūpaṃ māṣaka iti paricchinnamucyate, prativartakagataṃ tu tatra 
upalakṣaṇamātraṃ-natu anyatratyamanyatra saṅkrāmati-tathaiva 
sahakārābhāsasya āntaratvagrāhyatvabāhyatvābhāsānāṃ korakamu-
kulavikasvarādivaicitryabhājāṃ yo nijaḥ kramaḥ, sa eva vasantaḥ | sa tu 
arkodayastasya upalakṣaṇamātram | evaṃ sarvatra mantavyam | nanu 
vasantādiśabdebhyo'kramameva siddharūpaṃ vastu pratipattipathamabhyeti, 
na kramaḥ | atra ucyate vasantādi iti | etacca

     ----------------------------tiṅvācyakarmavat | (1|5|17)

ityatra vitatya uktam | ākhyātapadādeva hi yathā kriyā pratīyate, na 
anyataḥ; tadvat tata eva kriyāsvarūpahṛdayapraviṣṭaḥ kālaḥ | abhūditi hi 
bhāvāva-bhāsasya bhavanakriyā 
avabhāsasphuṭatvatadasphuṭatvakramopaśliṣṭā nirbhāsate | 
bhaviṣyadādayastu ghaṭāditulyameva arthamāhuḥ | tata eva bhaviṣyat, 
abhavat, idaṃ vartamānaṃ dinam,-ityādau na kālasya saṅkīrṇatā 
kācidabhavadityasya

(page 9)

eva atra kālatvena unmeṣāt, vartamānabhaviṣyacchabdārthasya siddharūpa-
dinaviśeṣaṇataikaviśrāntisatattvatayā kriyāvacchedakatvāyogāt | etacca 
agre vitaniṣyate,-ityāstāṃ tāvat | yasmāt kriyāśarīrāntaranupraveśa-
vaśonmiṣitaśarīraḥ krama eva kālaḥ, tat iti tasmāt hetorevamavatiṣṭhate-
yat kila bhāvavikāraṣaṭkakramaparamārtha eva kālaḥ | nahi 
bhāvavikārādhikā kācit kriyā asti | yathāha tatrabhavān
     janmādayo vikārāḥ ṣaḍ bhāvabhedasya yonayaḥ | (vā. pa. 1|3)
iti || 3 ||

     nanu evaṃ bhāvānāṃ svabhāva eva kālaḥ,-ityastu | tataśca 
kālaśaktirnāma kā anyā, yena uktaṃ

     sakramatvaṃ ca------------------------------| (2|1|2)

ityatra kālaśaktitaḥ iti | etat samādhatte sūtreṇa

     kramo bhedāśrayo bhedo'pyābhāsasadasattvataḥ |
     ābhāsasadasattve tu citrābhāsakṛtaḥ prabhoḥ || 4 ||

     svabhāvabhedamātraṃ cet kālaḥ, aṅgulīnāmapi kālabhedaḥ syāt 
| tasmādābhāsanānābhāsanābhyāṃ yo bhedaḥ, 
tathābhūtabhedanimitta-kaḥ kālātmā kramoḥ; na bhedamātranimittakaḥ | 
ābhāsasadbhāvāsad-bhāvau ca yau vaicitryeṇa, tau svapnasaṅkalpanādau 
kramotthāpanadṛṣṭa-sāmarthyasya prabhaviṣṇoreva sakāśāt bhavataḥ | 
yaduktaṃ tatrabhavatā
     ekasyaiva tu sā śaktiryadevamavabhāsate | (vā. pa. 2|22)
iti, tathā anyatrāpi

     tamasya lokayantrasya sūtradhāraṃ pracakṣate |
     pratibandhābhyanujñābhyāṃ tena viśvaṃ vibhajyate ||

(page 10)

     yadi na pratibandhīyāt pratibandhācca notsṛjet |
     avasthā vyatikīryeran pauryāparyavinākṛtāḥ ||

iti | anena hi svātantryamābhāsanānābhāsanayorvadatā aiśvaryamuktam | 
sa hi bhagavān citratayā ābhāsān karoti | tat yathā-dṛḍhalohitonnata-
ghaṭābhāsān sāmānādhikaraṇyena, ghaṭapaṭābhāsau sahaiva pṛthak-
tvāvabhāsena, svātmani ekarasena ābhāsena, anyonyaṃ tu ekarasena 
anābhāsena | iyati na kramaḥ kaścit | yadā tu vasantābhāsaṃ 
grīṣmābhā-sena, imamapi tena śūnyaṃ samābhāsayati; tadā kramasya 
unmeṣa ityevaṃ bhagavata eva ābhāsānābhāsaprathanasamarthatā yā, 
saiva kālaśaktiḥ | tato bhavan bhāvopādhibhūtaḥ kramaḥ kālaḥ,-iti 
sūtrārthaḥ | enamava-tārayati krama iti | paryālocanayā iti 
anyathānupapattyā kramasyeti ākūtam | vicitram iti 
ābhāsānābhāsayuktaṃ kṛtvā yat ghaṭapaṭādya-vabhāsakaraṇam | 
iyameva bhagavataḥ kartuḥ kalanakriyā | etadevaca bhāvopādhibhūtasya 
kramātmanaḥ kālasya āviṣkriyamāṇasya āviṣkaraṇasāmarthyam | 
ityādau iti asmin vākye yat avabhāsa ityādi śakalakaṃ, tat kartṛ, tat iti 
vivṛtiprārambhe yaduktaṃ, tat karmabhūtamāha,-iti saṅgatiḥ | asya iti 
sautrasya | ekāśrayatvāyogāt iti kramotthāpakayo-riti manyate | anyathā 
ghaṭo na ābhāseta, ābhāseta ca,-iti kimekāśrayatā na yujyeta ityanayoḥ 
bhedahetutvena ca iti kramotthāpakabhedanimittatayā | upādānāt iti 
sūtre | bhinnatvam iti kramaṃ prati upayogi,-iti bhāvaḥ | ata eva iti 
yato'smin

(page 11)

prakṛte krame dvayamupayogi | upātte iti vṛttau bhinnāvabhāsavaicitrya-
śabdābhyāṃ napuṃsakaikaśeṣo'tra dvayasya upayogitāṃ darśayati | 
citratvam iti | bodhātmanaḥ iti citrajñānasya | tathāca iti citrabodhaikatva-
bhedaikatvayośca virodhe vāgbharamāryavacanena karoti | ādyaṃ hi 
pādatrayeṇa atra uktam, anyat tu turyeṇa | etat vacaḥ saṅkṣepeṇa vyācaṣṭe 
nīlādīnām ityādinā | anena turyapādo vyākhyātaḥ bodhaḥ ityādinā 
śeṣaḥ | anyonyāparityāgena paricchedāt ityanena

     ----------------------------ananyabhāk |
     aśakyadarśanaḥ----------------------| (pā. vā. 3|220)

     ityasya prasaṅgasya yat viparītamabhīṣṭamarthatattvaṃ, tat 
vyākhyātam | taireva iti uktarūpairnīlādibhirbrahmavādibhirvā evaṃ 
tāvat vadadbhiranakṣaramakṣaramapi brahmatatvaṃ citramaṅgīkṛtaṃ 
bhavati | sarvajñabodhasya sārvakālikasārvadeśikabhāvābhāvābhāsa-
citrasya svayaṃca bodharūpatayā deśakālānākalitasya aṅgīkaraṇāt 
yairdūṣayitumabhīṣṭaṃ, tat teṣāmeva saṃvitparāmarśakuśalaparipāka-
prasannamaheśvaraprasādoditāvadātapratibhāpratilambhādeva sphuritamiti 
evakāraḥ | citraṃ kṛtvā yā viśvātmabhāvena bhagavataḥ sthitiridameva 
kālaprathane nimittam | nanu avabhāsarūpatāṃ muktvā ke pare bhāvā 
nāma, yena uktaṃ bhāveṣu iti | tatra āha māyā iti | ubhayarūpāpi iti | 
anena idamāha-sūtre vṛttau ca ubhayarūpo'pi ayaṃ deśakālakrama 
ābhāsānābhāsopakṛtabhāvabhedāśrayatvena tāvaduktaḥ, sūtrāntare 
ca vibhakṣyate | mayā tu vivṛtikṛtā-kriyāprasaṅgāyātaḥ 
kālaśaktivicāraḥ,-iti kālakramābhiprāyeṇa sūtravṛttī nīte iti || 4 ||

(page 12)

citrābhāsakṛttvaṃ darśayati sūtreṇa

     mūrtivaicitryato deśakramamābhāsayatyasau |
     kriyāvaicitryanirbhāsāt kālakramamapīśvaraḥ || 5 ||

     mūrtīnāṃ saṃvedyarūpāṇāṃ bhāvānāṃ yat vaicitryaṃ 
gṛhaprāṅgaṇavipaṇidevakulārāmāraṇyādibhedena, tato hetostat vaicitrya-
mābhāsayan parameśvaro deśakrama vaitatyāvaitatyātmakamavabhāsayati 
| ekapratyabhijñābalāt tu yat svarūpeṇa abhinnaṃ hastādi, yadvakṣyati

     vimarśaikyenātirohitābhinnadravyātmanaḥ

iti; tasya yadanyānyadeśatvamanyānyadharmatvaṃ svarūpaikatāmabādha-
mānaṃ-gacchati caitraḥ, pacyate phalam,-ityevaṃbhūtaṃ kriyāvai-
citryaṃ, tasya nirbhāsanāt hetorīśvaro virodhamavirodhaṃ ca svātantryāt 
nirbhāsayan kālākhyaṃ kramamekasya virūddharūpatayā anucitamapi 
avabhāsayati,-iti sūtrārthaḥ | anekasmin vastuni deśakramo 
gṛhāṅganavat, kālakramaḥ sahakāramallikādivat | ekasmiṃstu na 
deśakramo dūratādera-bhāvāt | vaitatyamapi aṃśānām | tadekatra 
kālakrama eva pacyamānāmra-phalavat,-iti vṛttitātparyam | vedye eva 
kālāvasthitiḥ, na saṃvidi | jñāne'pi vedyāṃśe eva kālaḥ, na 
svasaṃvedanāṃśe; naca vimarśa-rūpaśabdānāṃśe,-iti ghaṭayati 
svarūpamātram ityādinā | ākāśī-yasya iti 
prāṇapreraṇanairapekṣyeṇa eva icchāprayatnamātraprakṣobhite ākāśe 
hṛdayagagane ahamiti parisphurato grāhakarūpasya jñānabhāge vā 
paśyantīmadhyamātmanā sphurata idamiti grahaṇarūpasya | 
bhedābhāvāt iti avedyatvādityarthaḥ | yadāha tatrabhavān

     avyaktaḥ kramavāñśabda upāṃśu yo'bhidhīyate |
     akramastu vitatyaiva buddhiryatrāvatiṣṭhate || (vā. pa. 2|19)

(page 13)

iti | vāyavīyādeḥ iti ghaṭa-ityādervaikharīpadāpannasya 
śukaśukādeśca vāyavīyasya, dhagadhagādestaijasasya, chalachalādeḥ 
sālilasya, ṭakaṭakā-deḥ pārthivasya śabdasya dūrādibhedaḥ sajātīya 
vijātīyāpekṣayā bhavatyeva | vivṛtā iti natu 
asarvagatadravyaparimāṇamiha mūrtiḥ kāṭhinyaṃ veti āśayaḥ | atra 
kaścit śabdasya mūrtatvamasahamāno deśakramaṃ ca mṛśyamāno, na 
mūrtatā deśakramopayojikā,-iti pūrva-pakṣayati nanu iti | kārya iti 
śukaśukādi | kāraṇam iti śabdatanmātra-mapi hi vāyoḥ kāraṇam | 
śabdasparśajo hi vāyurāviśati,-iti na vāyureva asau yena mūrtaḥ 
syādityarthaḥ | nanu tasya asau dharmaḥ | satyaṃ dharmaḥ, natu śabda eva 
vāyuḥ | sparśaguṇāderbahirvāyurvilakṣaṇaḥ | etat darśayati 
āviśannapivā iti | tasya iti vāyavīyasya | anyasya iti taijasādeḥ | yadica 
mūrtirnibandhanaṃ deśakrame, śabdasya tarhi sa na syāt | asti so'sya,-iti 
darśayati yugapadevaca iti | anena sajātīyāpekṣayā sphuṭaṃ 
dūrādūrādi darśayatā na kāraṇādyupādhikṛtamatra taditi darśitam | 
evamanayā bhaṅgyā paramārthata ākāśe eva śabdo, na vāyvādau; yena 
tasya mūrtatvāt taddharmo'pi abhedena pratīyamānaḥ śabdo mūrto bhavet 
| tathāhi viśiṣṭaṃ hi aparaṃ pareṇa iti nyāyena vāyvādau tadupalambhaḥ 
| vāyvādi ca mūrtaṃ na ākāśamiti asarvagatadravyaparimāṇaṃ mūrti-
mupagacchatā codite pratyāha astvevam iti | loke bhavatu amūrtavyavahāraḥ 
śabdasya, śāstrāntare vā | loko hi saṅgrahaparigrahadānādiyogyaṃ 
mūrtaṃ manyate, na śabdam | tadanusāreṇa eva paribhāṣitamasarvagateti | 
mūrtau ghanaḥ

(page 14)

(3|3|77) ityatra ca kāṭhinyaṃ mūrtiruktā, saca na iha prakāra iti darśayati 
viśeṣaṃ dyotayan ihatu iti | kriyārahitam iti | na atra deśakrame, kriyā 
upayuktā | sā astu mā vā bhūt, vedyasvarūpaṃ tu yat, tadeva mūrtirdeśa-
bhedakramopakārāya ālambyate ityarthaḥ | anekasya iti padena anena 
mūrtirvivṛtā vedyavasturūpatvena | lakṣaṇe iti itthaṃbhūtalakṣaṇe 
tṛtīyā, jñāpakasya vā lakṣaṇayā hetutvavivakṣāyāṃ hetau | naca iyaṃ 
svamanīṣikā,-ityāha tatrabhavat iti | icchan iti anyairapi

     mūrtikriyāvivartāvavidyāśaktipravṛttimātram |

ityādibhiḥ śrutyantavākyairvyavahṛtamabhyupagacchannityarthaḥ | nanu 
jñānavimarśāvapi na niḥsvarūpāviti tatrāpi syāt deśakramo mūrtipra-
yuktaḥ | maivaṃ, na svarūpamātraṃ mūrtiḥ, apitu ābhāsyamānaṃ 
vedyāntareṇa tulyakakṣyatāṃ sahamānam | natu evaṃ jñānaśabdane, 
vidyoparakte hi te, natu vedye | etadāha jñāna ityādinā | athavā iti amūr-
tasya api śabdasya mūrtāstāvat pavanādayaḥ āśrayāḥ | guṇideśakaśca 
guṇaḥ | tat guṇini vāyvādau mūrte yo deśabhedaḥ, sa tatrāpi saṃyukta-
samavāyāt lakṣyate, na pāramārthikaḥ,-iti mūrtānāmeva deśakramaḥ, 
-iti śāstrāntarīyamūrtyupagame'pi na kiñcit khaṇḍitam | prathamaṃ 
ślokārdhaṃ vyākhyāya aparaṃ tu vyākhyātumupakramate saṃvedanāt-
mana eva ityādinā | gauṇī kartṛtā ityatra hetuḥ kartṛtopacārāt iti | 
vedyasya vedanāntaḥprakāśamānatvena nimittena 
kartṛtādhyāropādupacāre

(page 15)

mukhyārthabādhaṃ hetumāha saṃvedanātmana eva iti | 
mūrtimatāmapi iti vedyatvena asaṃvedanātmanāmapītyarthaḥ | evaṃ 
paramārthasthityā gauṇatvaṃ nirūpya prasiddhyanusāreṇa āha yathā 
pratīti mukhyāṃ vā iti | kālabhedo'pi iti anekasya na paraṃ 
deśabhedaḥ, yāvadayamapi,-iti apiranekatāmākṣipati | ekasya 
kālakramo'gre vakṣyate ekasya punar ityādinā | taṃ kālaṃ vibhajati 
ābhāsānābhāsayogena tathāca iti | yasya iti pramātuḥ | yasya iti arthasya 
| tasya iti pramātuḥ | sa iti arthaḥ | vartamāno bhāti iti sambandhaḥ | 
vākyāntare yasya iti arthaparāmarśakamanuvartya sambandhaḥ kartavyaḥ | 
pramāturarthasya yasya anābhāsamānasya kāraṇasattāvabhāsanena 
vartamānāvabhāsatvaṃ kalpyate kāraṇāvabhāsasya vartamānasya 
pratyakṣasya vināśābhāsena saha, so'rthaḥ pramāturbhāti,-iti saṅgatiḥ | 
bhūtavartamānayoḥ prasiddhatvāt na udāharaṇamuktam, bhāvini tu 
bhaviṣyati pramāṇābhāvāt iti nyāyena karkiviṣṇvādivṛttānte 
bhaviṣyadudāharaṇe vicikitsurudāharaṇāntaramāha yathā iti | 
adyatanadinakaraṇīyamiva hyodinasaṅkalpitādyatanakartavyasya 
apratihatecchasya svāminaḥ sattāvināśau dvāviti bhāvavikārau 
dvābhyāmeva avabhāsabhāvābhāvābhyāṃ saṅgṛhītau,-iti darśayati | 
nanu kimatra pramātrā prayojanamavabhāsanena vā janmādibhāvavikāra-
vaicitryakriyābalena ekakālakramasiddheḥ, tat kimarthaṃ pramātuḥ iti 
bhāti iti ca vivṛtau darśitam, yat vṛttau na spṛṣṭaṃ; kriyāmukhena iti 
iyatī vṛttiḥ | etat pariharati askhalita iti | vastucintā hi iyaṃ

(page 16)

prasiddhau tu nidānaṃ kṛmisarvajñādyapekṣayā yataḥ śāśvata eṣāṃ 
citsambandhaḥ | etat evakāreṇa sūcitam | vakṣyate iti kāryakāraṇatattva-
vimarśaprakaraṇe

     ābhāsabhedādekatra-------------------------------------------| (2|4|19)

ityādau sūtre mūrtivaicitryavato'nekasya kriyāvaicitryāt kālavaicitryaṃ 
vartitaṃ vivṛtaṃ ca | apiśabdasūcitaṃ tu tadvaicitryavikalasya api 
ekakālavaicitryaṃ yat, tasya yā vṛttiḥ ekasya ityādikā; tāṃ vivṛṇoti 
ekasya punar ityanena deśakramābhāvaṃ darśayatā tu vyākhyātā | 
gṛhe'pi yat vaitatyaṃ, tat na gṛhasya deśabhedaṃ karoti; apitu 
gṛhāvayavānām | bhedā bhinnā eva | ata eva avayavī na deśabhinna 
ekatvāt | tatastaddeśatvātaddeśatvacodanā tatra anubhavabahirbhūtā eva | 
paṭa iti hi niyataparimāṇe tatra pratyayaḥ | naca parimāṇameva vaitatyam | 
vaitatyaṃ hi bhūyodeśasaṃyogaḥ | deśasya bhūyastvaṃ bhedāt | 
bhedaśca asya ādheyabhedāt | ādheyaśca avayavī nāma ekaḥ, natu anekaḥ 
| anekatvaṃ tu tantūnām | teṣāṃ deśakrama eva vaitatyam | tantubuddhau 
ca na paṭaḥ parisphurati, paṭadhiyi ca na tantavaḥ | ābhāsanasāraṃ ca vastu 
| kaścit pramātā hi kvacidābhāse pratapati | tato'saṅkareṇa eva avayavā 
avayavī ca,-ityāstāṃ tāvat | mātrapadena deśakramam, evakāreṇa 
svarūpabhedaṃ nirasyati | teṣāmevaca iti kramavatām | tatrāpi kramo 
yāvadekaḥ kṣaṇaḥ | sa ca pūrvāparamadhyapātī

(page 17)

vyavahāryo, natu śuddhaḥ,-iti tatrāpi kramavattā eva | yat tatrabhavān

     pūrvottaraistathā kṣaṇaiḥ (dā bhāgaiḥ) samavasthāpitakramaḥ |
     ekaḥ so'pi tadadhyāsādākhyātairabhidhīyate || 
                                                       
                                                       
                                                       
                                                       
                                   (vā. pa. 3|8|11)

iti | acetanagatamapi pariṇāmaṃ bhedena vyācaṣṭe dāḍimādiphale iti | 
pākākhyo'yaṃ pariṇāma ityarthaḥ | udbhavantī iti avicchinnatvena 
abādhitatvaṃ darśayatā santānādhyavasāyaṃ sannivartakadharmaka-
bādhakaśatairicchan bauddho'ṅgīkaraṇīya eva | kriyātattvapratibhāsa-
mukhaprekṣiṇāveva hi virodhāvirodhau, natu śuṣkāveva aṅgulimoṭana-
ṭaṅkitau vastusiddhiṃ kurutaḥ,-iti nirūpitam | ekāśrayatvena iti 
ekasminnapi pratyabhijñāpratyavamarśaikyena siddheryato bhavati, tato 
deśakramādanekatraiva vartamānāt bhidyate, na atra deśakramaḥ 
saṃbhāvanīyaḥ,-iti yāvat | natu ekāśrayatā eva kālakrame prayojikā 
vasantagrīṣmādau tasyāmasasyāmapi taddarśanāt | nanu bhavatu evaṃ 
kramarūpatā kālasya, vartamānādirūpatā tu katham | itthamityāha 
snāna ityādinā | uttarasūtravakṣyamāṇena nyāyena vartamānaḥ sa 
ābhāsa ucyate yasya sphuṭādirūpatā | tādṛśaśca kaḥ | yasya 
grāhakābhāsena śarīrādinā māyīyena sahaiva prathanaṃ, sa 
sahabhāvaḥ,-iti cet, āha antar iti | yadā sa grāhakābhāsaḥ, tadā tasya 
grāhyasya ābhāsanaṃ na; yadāca sa grāhyābhāsastadā tasya grāhakasya 
ābhāsanaṃ na,-ityevaṃbhūto yo'nyonyamabhāvasya ābhāsaḥ 
ābhāsasattvam ityevaṃ pūrvamuktaḥ; tena yo vyavadhānābhāvaḥ,

(page 18)

tamavalambya sā sahapratheti ucyate-ayamasau sahabhāvo nāma | etat lokena 
saṃvādayati sphuṭa iti | nanu evamabhāvavyavadhāne sati vartamānatvā-
bhāve tulye kathaṃ bhāvibhūtatvabhedaḥ,-ityāśaṅkya tamupapādayati 
asattvam iti | evakāravyavacchedyaṃ darśayan bhūtakālamupapādayati 
bālaḥ ityādinā | bhavanadharmāpi iti evaṃ sphuritasya bāhyarūpasya 
eva bālyasya adhunā api saṃskāratayā antaraparikṣataṃ 
bhavanamityarthaḥ | avabhāsasya iti bāhyatārūpasya | idānīmetasya 
kālakramasya  sakalaloka-siddhatvena svasaṃvedanasiddhatvena ca 
anapahnavanīyasya bāhyārthanaye bhedadṛśi samarthanā na kathañcit 
yujyate | tadavaśyasamarthanīye'smin-nābhāsavastuvāda eva śaraṇam, na 
bāhyavādaḥ,-iti darśayannīśvara-pratyabhijñopayogamasya 
kālaprakaraṇasya darśayati ata eva iti uktanayena yo'yaṃ kāla vyavahāro 
bhāvābhāvānupraveśe nimittatvena uktaḥ, tata eva hetorekasya tau 
viruddhau tannimittakasya api kālākhyasya kramasya virodhamutthāpayataḥ | 
tathā iti viruddhaḥ | syādetat-na ekasya kaścit kālakramaḥ | apitu sa eva 
bhūtvā na bhavati, abhūtvā ca bhavati | ayamevaca paramārtho 
bhūtabhāvivartamānavikalpairvyavahriyate | naivaṃ,-ityāha sataḥ iti | 
asataśca utpattiḥ,-iti mantavyamiha | etacca

     yadasat tadasat-----------------------------| (2|4|3)

ityatra vakṣyate | yadātu na kaścidartho nāma paramārthataḥ, tadā tu kasya 
virodhaparyanuyogaḥ | yat kila asya tattvaṃ, tat cidrūpaṃ svatantraṃ ceti 
tasya api kaḥ paryanuyogaḥ | evaṃ prasaṅgādābhāsasāratvaṃ

(page 19)

vastūnāmabhidhāya, prakṛtameva nirūpaṇīyam,-iti darśayati yogināṃ 
tu iti | tuśabda āśaṅkāmimāṃ sūcayati-yadi sphuṭābhāsamānatā eva 
vartamānatā, tarhi yogino yadatītānāgatavastusākṣātkāri jñānaṃ, tatra 
tayoratītānāgatayoḥ sphuṭatvaṃ tāvat-sākṣātkriyā hi anyathā kā-
tataśca tayorvartamānatāprasaṅgaḥ iti | atra nirākaraṇahetuḥ anyonya iti | 
etaduktaṃ bhavati-yogino'pi sarvadā parityaktamāyāpramātṛpadasya ko 
nāma atītādibhedaḥ | tattu aparityajata eva saṃskāra śeṣatayā bhavet saḥ | 
tadaparityāge ca dehābhāsena samādhānakālabhāvinā saha tasya 
hrāhyābhāsasya uktasthityā saṃbhavata eva ābhāsānābhāsau,-iti 
kathaṃ vartamānatā | nahi sphuṭatvameva sā sattvamiti uktam | 
atītagrahaṇaṃ bhāvino'pi upalakṣaṇam || 5 ||
     nanu uktanītyā deśakālakramāvābhāseṣu eva syātām, na 
pramātari | nirābhāso hi asau | tasya hi sarvamābhāsate, natu kasyacit saḥ | 
naca asau kadācit na ābhāsate | anābhāsānupraveśanimittakau ca tāvuktau 
| tat satataprakāśasvabhāve kathaṃ syātām | kāraṇānupalambhāt hi 
tadabhāva eva yuktaḥ | dṛśyete ca etau-abhavam, bhavāmi, bhavistāsmi,-
iti; gṛhe, grāme, araṇye tiṣṭhāmi,-iti; prāsādāt mañcakasthānam,-iti ca 
| pramātari ca tadabhāve bhāveṣu svātmano bhūtāderdūrādeśca 
ayogaḥ,-iti kṛtvā pratītiparyālocanayā tadapekṣayā eva bhāveṣu 
nirūpitau tau grāhyeṣu api kathaṃ syātāmiti kutra imau baddhaniveśāviti 
yo muhyet, sa pratyāyyate sūtradvayena | tatra kālakramastāvadupapādyate 
prathamasūtreṇa

(page 20)

     sarvatrābhāsabhedo'pi bhavet kālakramākaraḥ |
     vicchinnabhāsaḥ śūnyādermāturbhātasya no sakṛt || 6 ||

     apiśabdaḥ prameyaṃ samuccinoti | sarveṣu ekānekarūpeṣu 
bhāveṣu yaḥ kālakrama uktaḥ, tasya ya ākaraḥ prathamotpattinimittabhūta 
ābhāsasya bhedo bhavanābhavanavaicitryaṃ, sa śūnyadhīprāṇadeha-
lakṣaṇasya pramātrīkṛtasya bhavati,-iti saṃbhāvyate, yato'sau 
vicchinnabhāḥ | tasya hi bhāsanaṃ na svarūpaṃ nīlādivadeva jaḍatvāt | 
saṃvitsphuraṇamevahi asya api bhāsanam, yadāhi na saṃvit tadātmatayā 
sphurati, tadā na asya bhāsanaṃ mūrcchāyāmiva | tatastasya anābhāsana-
yogādasti bhūtādirūpatā, tadapekṣayā ca bhāvānāmapi | yastu 
sakṛdvibhātaḥ | ityanayā brahmavidvācoyuktyā satatamavicchinnaprakāśa-
naikasvabhāvaḥ paramārthapramātā nirūpitaḥ, tasya na kadācidābhāsa-
bhāvābhāvau | tato na kālayogastatra, nāpi tadapekṣayā bhāveṣu api sa iti 
sūtrārthaḥ | yadavicalaṃ bhāvasya, tat na anyāpekṣaṃ nīlatvamiva; naca 
avicalametat,-iti ananyāpekṣatvavyāpakāvicalatvaviruddhaṃ 
vicalatvamupa-labhyamānamananyāpekṣatāṃ vyāpyāṃ niṣedhati,-iti 
vicalatvamupa-pādayati tathāhi iti atītānāmāgāminām iti evaṃ hi 
sarvajñabrahma-viṣṇvādayo mantreśvarādayaśca vyavaharanti | 
aidaṃyugīno vyavahāro rāmāderāgāmitayā parisphuraṇayogyaḥ 
karkiviṣṇupramukhānāṃ ca bhūtatayā,-iti yadā tadā iti tasmādityarthe 
| vivṛtam iti bhāve ktaḥ | sūtrānupāttamarthapadaṃ vṛttau prakṣipya 
sūtrārtho vyākhyātaḥ | tadvyākhyānaṃ tata eva iti 
uktarūpamarthamabhipretya | sa hi iti |

(page 21)

śūnyadehādyābhāsaprākkāla iti bahubrīhiḥ | smṛtim iti smṛtau 
kevalaṃ bhāsate ityarthaḥ | aviśeṣeṇa iti pramātṛbhāgo vā arthabhāgo 
vā na atra uddiṣṭa ityarthaḥ | ābhāsābhāvaṃ dehāderddṛḍhīkaroti 
śarīrādeḥ iti | avasthābhāso yathā vicchidyate, tathā avasthāturapi 
svarūpam,-iti vakṣyate

     tāvanmātrasthitau proktaṃ sauṣuptaṃ pralayopamam | (3|2|15)

ityatra | tathā iti | prakāśanamasya svabhāvaḥ | vāgrahaṇena 
vācoyuktidva-yasya āpāte bhaṅgībhede'pi phalatulyatāmāha | nanu 
ekatveka āvarta-nārthaḥ iti ekaśabdāt kathaṃ kṛtvo'rthapratyayaprayogaḥ, 
-ityāśaṅkāṃ nivārayati ekasyāḥ ityādinā | sthitireva āvṛttitvena 
upacaryate, nimittaṃ ca atra dvitīyatṛtīyādau sthitau; 
tadekabhāvaviśrāntakriyāyā yadāvṛttirū-patvamasti, tat sāhacaryaṃ 
nāma | dvitīyādikāṃ hi sthitiṃ niṣeddhuṃ yāvat tāmādyāṃ sthitiṃ 
vivakṣyati, tāvat sā prathamā sthitirdvitīyādi-sthitibhirniṣiṣitsitābhiḥ saha 
sphurati | prayojanaṃ ca upacāre āvṛttiprati-pattiḥ | ekā sthitirāvṛttiḥ,-iti 
hi ukte dvitīyā api āvṛttirūpatvena asti,-iti saṃbhāvyate | avaśyaṃ ca 
etadeva mantavyam, anyathā lokasthitiḥ prasiddhā viparyasyeta,-iti darśayati 
anyathā iti upacāre na aṅgīkṛte, āvṛttiśabdena dvivacanāntena āvṛttī 
ityanena dve sthitī na ucyeyātām | ādyā hi sthitireva, na āvṛttiḥ; dvitīyā 
tu sthitiḥ, ekā āvṛttiḥ; tṛtīyā sthitiḥ, dvitīyā āvṛttiḥ,-iti dvirbhuṅkte iti 
tisro bhojanasthitayaḥ pratīyeran | tadāha ekārabdhatvāt iti | dve hi sthitī 
ekayā āvṛttyā dvitīyasthitirūpayā

(page 22)

ārabdhe na dvābhyāṃ āvṛttibhyāṃ, evaṃca sakṛdityanena dve sthitī 
ucyeyātām | naca evaṃ laukikaḥ śabdārtha ityevamayaṃ grantho guru-
pādaiḥ saṅgamitaḥ | dve iti dvayoḥ iti ca āvṛttiviṣayatvena cet spaṣṭena 
pathā vyākhyāyate, tat dvayorāvṛttyoḥ kā anupapattistisṛṣu sthitiṣu | 
tasmāt yathoktaiva gamanikā yuktā | tena iti uktena nyāyena aupacārika-
vṛttyā sakṛcchabdārthaḥ iti lokaprasiddhaḥ,-ityāśayaḥ | yadi nāma iti 
śrīsadāśiveśadaśāyām || 6 ||

     deśakramasya api eṣā eva vārtā,-iti sūtreṇa ucyate

     deśakramo'pi bhāveṣu bhāti māturmitātmanaḥ |
     svātmeva svātmanā pūrṇā bhāvā bhāntyamitasya tu || 7 ||

     mitātmana iti hetuḥ, ṣaṣṭhyantaṃ ca idam | āvṛttyā tu lyablope 
pañcamī vṛttau vyākhyātā, natu pañcamī eva tatprakrame 
ṣaṣṭhīnirvāhe prakramavirodhe tuśabdasya asaṅgateḥ | 
svātmāpekṣaṣaṣṭhīyojane kliṣṭatā | svātmanā pūrṇā yataḥ 
prakāśamātrasvabhāvā aparimitasya pramāturbhāvā bhānti, tataḥ 
svātmatulyā eva, amitā eva, deśakramavi-hīnā eva bhānti ātmani; iti 
śuddhasvātmāpekṣayā na īśvarasya deśa-kramo, nāpi īśvarāpekṣayā 
bhāvānām | ghaṭādeḥ padārthasya svaṃ rūpaṃ deśaḥ, 
śarīraprāṇaśūnyāderevam; tataḥ parasparadeśaparihā-reṇa 
avasthānamiti sa śarīrādiḥ pramātā ghaṭādiṃ padārthavargaṃ svataḥ 
parasparataśca bhinnadeśaṃ paśyati | deśabhedameva bahudhā darśayati 
puraḥ ityādinā | saṃsthānaṃ vakrādirūpaṃ tasya prathate | tacca 
kiṃrūpam | āha, diśā pūrvāparādirūpayā, deśena vitatādinā yaḥ 
kramaviśeṣaḥ,

(page 23)

tasya ya ābhāsaḥ-etadeva rūpaṃ caturaśratādeḥ saṃsthānasya tathā ca 
catasṛṣu dikṣu samena deśavaitatyena yadābhāsanam-idameva cātura-
śrayam | evamanyat | sa tarhi digdeśakramaḥ kiṃnimittakaḥ | āha 
citrābhāsakāritvalakṣaṇayā uktarūpayā saṃvicchaktyā yugapat 
samakālamupapāditau yāvābhāsasya nīlādeḥ sadbhāvāsadbhāvau-
nīlaṃ bhāti, na bhāti ceti, tābhyāmānīto yo bhedo'nyatvaṃ; 
tannimitāko'sau | ata eva mayā stutam

     ābhāsapratibhāsatadvirahayościtrātmanoścañcalā 
     svātantryādavabhāsvarasvavapuṣostyaktakramaṃ yā sthitiḥ |
     tatsaṃvedanasāgarasya vilasaccandrārdhaśobhābhṛto
     rūpaṃ bhāvavibhātṛtāmayamahaṃ nityoditaṃ saṃstuve ||

iti | na kvāpi aprakāśa iti vṛttivākyasya iyaṃ yojanā-
     
sakṛdvibhāto'yamātmā pūrṇasyāsya 
na kvāpyaprakāśanasaṃbhavaḥ | 

iti sārasvatasaṅgrahasūtraikadeśārtho'dhyāsadṛṣṭyā śabde hetutvena 
ukte kathita eva bhavatīti āgamo'yaṃ, na svamanīṣikā,-iti ca prathitaṃ 
bhavati,-ityāśayena anukaraṇāt pañcamī vidhāya hetutayā vṛttāvuktaḥ 
iti | yathā na veti vibhāṣāyāmarthagrahaṇamiti vākyaikadeśāt pañcamī-
vigrahe'pi nañaḥ paryudāsavṛttitvaṃ samarthayiṣyate itivā āśayena 
aprakāśasya asaṃbhavāt,-iti yojanā | ghanatā yadyapi kāṭhinyaṃ 
mūrtau ghanaḥ iti vacanāt, tathāpi tena iha asaṃbhavatā 
svasahacārivijātīyāvyavadhānaṃ lakṣyate |

     ciddhanamātmapūrṇaṃ viśvam-----------------------------|

iti hi sūtram | kartṛtvāt iti bhāvatayā ayabhāsane svātantryādityarthaḥ |

(page 24)

poṣayati sahate idaṃbhāga iti pūrveṇa saṃbandhaḥ | kriyāprasaṅgāt 
kālaśaktau vaktavyāyāṃ taddṛṣṭāntatvena deśakrama iti

     mūrtivaicitryata-------------------------------| (2|1|5)

ityatra sa pūrvamuktaḥ, caramaṃ tu kālakramo dṛṣṭāntasya pūrvaṃ 
vaktavyatvāt; iha tu upasaṃhāraśloke prakṛtaḥ kālakramaḥ prāguktaḥ || 8 
||
     
     nanu evaṃ bhagavati na astyeva kriyeti āyātaṃ kriyāsvarūpavyāpa-
kakālakramayogābhāvādityāśaṅkāṃ śamayannubhayamapi idaṃ 
kramarūpaṃ kriyāśaktereva vijṛmbhitamiti ca darśayannasya 
kālaprakaraṇasya īśvarapratyabhijñopayogamapi darśayati sūtreṇa

     kintu nirmāṇaśaktiḥ sāpyevaṃviduṣa īśituḥ |
     tathā vijñātṛvijñeyabhedo yadavabhāsyate || 9 ||

     na etāvat deśakālakramatattvam, apitu anyadapi atra vaktavyamasti | 
taducyate tathā iti deśakālakramavāṃstata eva bhinnaḥ pramātṛprameya-
vargo'vabhāsyate | etat yadavabhāsanaṃ, tat bhagavata eva nirmāṇasā-
marthyaṃ kriyāśaktirūpam | tacca evamiti taṃ bhedaṃ viduṣastajjñāna-
śaktimayasya tata eva tathā icchāśaktiyuktasyeti akṣarārthaḥ | etaduktaṃ 
bhavati-iha icchaiva bhagavataḥ kriyā, yadupasaṃhariṣyate

     -------------------evamicchaiva hetutā kartṛtā kriyā | (2|4|21) 

iti | caitrasya api pacāmīti yaiva icchā, saiva adhiśrayaṇādispandasahasre'pi 
anapāyinī svātmanā akramā api kramarūpabhāvābhāsarūṣitā bhāti, 
tathaiva parameśvarasya api jñātṛjñeyakrama ullasatu,-iti yā svātmani 
icchā īśe sphurāmi pratyavamṛśāmi ghūrṇe ityādiparamārthā, sā 
svayamakramā api pramātṛprameyabhedoparāgāt

(page 25)

sakramā bhāti, makuramaṇḍalamiva akramamapi nityapravahadvitatasarit-
krameṇa udayamānavyayamānataḍitsahasrarūpeṇa ca uparaktaṃ sakramam 
| tataḥ sarvatraiva iyaṃ kriyā svayamakramā eva uparāgāt kramaṃ 
pratipadyate iti na asyāḥ śuddhameva kramarūpaṃ vyāpakaṃ yena 
vyāpakānupalabdhyā bhagavati sā niṣidhyeta,-iti sūtrārthaḥ | idameva 
saṃvedanasya saṃvedanatvam-yadevaṃbhūtābhāsanasvātantryamiti | 
yathoktaṃ

     paricchinnaprakāśatvam---------------------------------| (bo. paṃ. 8ślo.)

ityādi | anena āśayena avatārayati tadatra iti atra uktaṃ tadadhikamucyate iti 
kintu iti vyākhyātam | evaṃ viduṣaḥ iti vyācaṣṭe sthitaiva ityantena | 
jñānaśaktirūpā hi śrīsadāśivādidaśā | tatra tu iti pūrṇatāyām, 
anyathāhi nāmamātreṇa pūrṇatā sā bhavediti bhāvaḥ | nirbharatayā 
camatkṛtimato yā parameśvaratā-eṣā śaktiḥ-iti vākyamadhye 
vṛttikhaṇḍayojanā | mahacchabdaṃ vyācaṣṭe yatra iti | apiśabdādanye 
koṭiśaḥ sṛṣṭisaṃhārāḥ | nanu saṃhāraḥ sṛṣṭau praviṣṭaḥ-iti kā 
bhāṣā virodhāt | na virodho'yamityāha saṃhāre'pi hi iti | bījātmanā 
iti saṃskāraśeṣataucityena | nanu evaṃ kaḥ saṃhārārthaḥ | āha kevalam 
iti | ābhāsānāṃ yojanāyojanayorayaṃ vyavahārabhedaḥ,-iti yāvat | 
asyāḥ iti mahatyāḥ sṛṣṭiśakteryo brahmādirūpatayā viśeṣo 
jñātṝṇāṃ prajāpatyādisthāvarāntānāṃ guṇamayānāṃ 
prameyānāṃ ca ghaṭasukhādīnāṃ guṇamayānāṃ tathā tathā 
sṛjyamānānāmekaghanasṛṣṭitāyāmapi iyaṃ sṛṣṭiśaktiḥ, iyaṃ 
sthitiśaktiḥ, iyaṃ saṃhāraśaktiḥ,-iti samuccīyamānaḥ, sa 
māyāśaktyā kṛtaḥ | tatra hi iti māyāpade īśvara

(page 26)

eva brahmādirūpeṇa sthitaḥ | anena mahāsṛṣṭikartṛtve'pi parameśvarasya 
sṛṣṭisthitisaṃhārakāritvena pūrṇameva sarvakartṛtvamupapāditam | 
sarvadā brahmarūpeṇa viṣṇurūpeṇa rudrarūpeṇa īśvararūpeṇa ca 
navatayā anuvartamānatayā bījāvaśeṣitāgamanena ca avāntaravaicitrya-
mātrāt sṛṣṭisthitisaṃhāraśabdavācyā, apiśabdācca śuddharūpeṇa 
mahāsṛṣṭiśabdavācyā sṛṣṭirnāma yā ucyate; sā uktasya jñātṛjñeya-
vibhāgasya yadavabhāsanaṃ, tadātmikā eva | tadeva mahāsṛṣṭyantar-
bhūtaṃ sṛṣṭyāditrayaṃ sṛṣṭirūpaṃ vyācaṣṭe tādṛśāṃ ca iti 
vibhāgena avabhāsitānām | anayā bhaṅgyā sā mitasṛṣṭirvyākhyātā 
mābhūt punaruktatā,-ityāśayena | evaṃ trairūpyeṇa iti 
brahmādirūpa-tvocitena sṛṣṭyāditrayeṇa | nanu evaṃ devatātritayasya 
sadāsannihitatve rudrabhaṭṭārakoditaḥ saṃhāra ubhayavipakṣa iti na 
sṛṣṭisthitī dṛśyeyātām | atra ucyate tatra ca iti devatātrayamadhye | 
etaduktaṃ bhavati-ābhāsaparamārthavastuvāde yasya pramāturyeṣu 
yathā mama evamamī bhāsante iti vyavahāraḥ, tasya te tathā | kvacit tu 
ābhāsāṃśe bhagavadicchāta eṣāṃ melanamiti uktam | tataśca ādyatve 
bhagavadrudrapramātrapekṣayā paranirodhasamavasthitasuṣuptibhūmikā-
rūḍhayogipramātrapekṣayā pralayākalavijñānākalapramātrapekṣayā 
gāḍhasuṣuptāpannajīvadapekṣayā ca bījabhāva eva bhāvānāṃ bhāti | 
te hi tatra ābhāse militāḥ | brahmaviṣṇubhaṭṭārakāpekṣayā 
jāgratsvapna-padacārisaṃsāripramātrapekṣayā ca nūtanatā 
anuvartamānatā ca bhāti te atra anyonyaṃ militā yataḥ | nanu anena 
vibhāgāvasāyena vibhāgasya eva avabhāsanāt prakāśāvibhāgo 
viccheditaḥ iti prakāśamānatvaṃ na syāt bhāvānāmityāśaṅkya yā 
vṛttiḥ naca ityādikā, tāṃ

(page 27)

vivṛṇoti maheśvarasya tu iti | vidyādiśivāntakatattvapañcakamayasya 
brahmādirūpatayā vibhāgaṃ kurvatastadrūpasya sato bhedanirdeśayogyā 
api svātmani ahantayā sāmānādhikaraṇyena ekalolībhāvagamanaparyan-
tena avacchāditāstathāvidhasamāpattilakṣaṇaturyatadatītapadabhājāṃ ca 
bhāsante kartṛtāyā udrekāt

     mukhyatvaṃ kartṛtāyāḥ----------------------------| (3|2|12)

ityatra vakṣyamāṇāt | etena iti naca ityādinā vṛttigranthena virodhaḥ 
parihṛtaḥ | ko'sau | yaḥ pūrvake vṛttigranthe sautrasya apiśabdasya vivaraṇe 
apiśabdena āśaṅkitaḥ sambhāvyamānatvena uktaḥ | kasya asau virodhaḥ | 
jñātrādivibhāgasya avāntaroktasya prakāśaghanatvasya 
pūrvasūtrārtha-prastāvādihāpi āpannasya | nanu bhagavantaṃ 
śivādividyāntamapekṣya yat bhāvābhāsanaṃ mahāsṛṣṭiśabdena uktam, 
tat saṃhāro'pi na kasmāt | āha, bhavatu asau saṃhāraḥ; yathāhi 
bījatopagamanaṃ saṃhāraḥ, tathā ahantāntarmagnatāpi | śivatve tu 
bhāvānāṃ nāma api nāsti,-iti natu sṛṣṭirna saṃhāraḥ | tadarthameva 
uktaṃ sadāśiva iti | uktiḥ iti vastu ekameva sṛṣṭisaṃhāravācoyuktyoratra 
| nanu pūrvāvasthāyāṃ sṛṣṭi-rūpatā, uttarāvasthāyāṃ 
saṃhārarūpatā; tat kathaṃ vastu atra na bhidyate iti | atra āha natu iti | nahi 
atra paurvāparye kiñcit paramārthatā | evaṃrūpaprathā ca anugrahaḥ, 
sthitisṛṣṭyavāntararūpa evaca vilaya iti kṛtyapañcakaprapañcanaśaktisāro 
bhagavāniti tātparyārthaḥ iti śivam || 9 ||

iti śrīmahāmāheśvaraśrīmadācāryābhinavaguptapādaviracitā-
yāmīśvarapratyabhijñāvivṛtivimarśinyāṃ kriyādhi-
kāre kriyāśaktivimarśaḥ prathamaḥ || 1 ||



(page 28)
atha dvitīyo vimarśaḥ |

     saṃjīvanaturyakalākalitavibodhaṃ samastabhāvānām |
     dūṣaṇaviṣaśīrṇānāmamṛtodgāraṃ śivaṃ vande ||

atha

     kriyāsaṃbandha-------------------------------------------|

ityādinā

     tena na bhrāntirīdṛśī----------------------------------|

ityantena ślokasaptakena apratihatameva svātantryaṃ kriyāśaktirūpaṃ 
bhagavato nirvāhyate paradūṣitasya kriyāsaṃbandhādipadārthasya 
bāhyavāde anupapadyamānasya atra darśane pūrṇaiva upapadyamānatā-
iti vimṛśatā | ekānekarūpaṃ kriyādi viruddhadharmādhyāsāt parair-
dūṣitamapi avaśyasamarthanīyamiti ekaḥ samastavaktavyagrahaṇakasūtra-
kalpaḥ ślokaḥ, ekastatra samarthanopapattisūcakaḥ, nirvikalpakānubhava-
vedyo'pi ayaṃ padārthavargo vikalpāvasare eva sphuṭarūpa ityarthasūcaka 
ekaḥ, dvāvekatvānekatvaviṣayavibhāganirūpiṇau, prathamasūtroddiṣṭa-
saṃbandhasvīkṛtakriyākārakabhāvādisvarūpābhidhāyī ṣaṣṭhaḥ, 
saptame arthakriyopayogameṣāṃ cintayati,-iti prakaraṇārthaḥ; pratisūtra-
marthastu vicāryate | nirmāṇaśaktyā nirmīyamāṇasya avabhāsanaiva 
nirmāṇaṃ , na anyaditi uktam | sā ca 
dvicandrādernīlasukhādestanniṣṭhasya kriyā sāmānyāderaviśiṣṭā,-iti 
asatyaṃ, satyaṃ, saṃvṛtisatyamiti vibhāgena kathaṃ vyavahāraḥ | satyaṃ, 
saṃvṛtisatyaṃ na kiñcit sāmānyādeḥ satyatvāt, asatyaṃ tu bhavati 
dvicandrādi | tathāhi iyamatra upapattiḥ-iti sūtreṇa āha 

     kriyāsaṃbandhasāmānyadravyadikkālabuddhayaḥ |
     satyāḥ sthairyopayogābhyāmekānekāśrayā matāḥ || 1 ||

(page 29)

     saṃvittattvādanyatra yā kriyābuddhiḥ kriyābhāsa ekānekarūpaṃ 
māyāśaktiviccheditaṃ kriyātattvaṃ viṣayatvena āśrayastallagnaḥ satya 
eva yataḥ sthiro bādhakena anunmūlyamānavimarśaḥ saṃvādavāṃśca 
abhisaṃhitāyāṃ grāmaprāptilakṣaṇāyāṃ kriyāyāmupayogī | bhāvo 
hi arthakriyāṃ kurvan bhedābhedaṃ svīkaroti saṃvādavāṃśca | tatra yat 
tasya avyabhicaraṇīyaṃ svarūpameva, sā mūrtiḥ; yadābhāsabalena asva-
rūpamapi svarūpībhavati mūrtilagnameva, sā kriyā | tathāhi 
tattaddeśakā-lākārabhinnacaitramaitraśarīraṃ tadeva idamiti 
ekatāmatyajadeva nirbhāsate | tadeva kriyā-caitro gacchatīti | na 
tathābhūtāyāmasyāṃ vimarśo'nu-vartamāna unmūlyate kadācit, 
yathādhyavasāyaṃ caitragrāmaprāptira-khaṇḍitaiva arthakriyāḥ; 
dvicandrasaṃvedane tu unmūlyate eva anuvivarti-ṣito vimarśaḥ; 
āhlādodvegahetutve'pica ekacandrajātīyatayā adhikatimi-
rāpasāraṇaprabhṛtyarthakriyopayogavaikalyādasatyo viṣayasya | evaṃ 
sambandhādiṣu kālānteṣu uttarasūtrānusāreṇa yojyamiti sūtrārthaḥ | 
kriyāśaktyaiva vyākhyātayā bāhyāpi kriyā vyākhyātaiva bhavati,-
ityāśayena vṛttau kriyāśabdaḥ sautro dṛṣṭāntasya ayaṃ 
dvandvanirdeśaḥ ityeṣaṃ vyākhyātaḥ | sarvadopayoginām iti 
sthairyamuktam arthavattvena iti arthakriyopayogaḥ | sūtrārthamavatārayan 
prakaraṇena prācyena prakaraṇāntaraṃ yojayati tadevam ityādinā | kriyā 
atra dṛṣṭāntatvena upāttā,-iti sūcayati yathātathāśabdābhyām | 
asmaddarśana eva etadupapadyate ityāha tadekeśvara ityādi | naca 
etadasamarthya udāsituṃ yuktamityāśayena satatāvigītapadena sthairyam 
eka ityādinā svarūpaṃ nirvāhita ityādinā 
arthakriyāvattvalakṣaṇamupayogaṃ vyācaṣṭe | prakāśita ityādinā 
īśvarapratyabhijñopayogametasya sūcayati |

(page 30)

uktaṃ hi

     --------------------------------saṃbandhe sāvadhānatā | (vi. bhai. 106)

iti | ābhāsamānataiva bhāvānāṃ rūpaṃ, natu arthakriyākāritvam; sāca 
eṣāmasti,-iti hṛdaye gṛhītvā arthakriyākāritvaṃ parīkṣate iha ityādinā 
uktaṃ vakṣyate ca ityantena bhūyasāsandarbheṇa | tatra arthakriyākāri-
tvaṃ sattvasya tādātmyādavyabhicāridharmatayā vyabhicāridharmatayā 
ca svarūpaṃ vā lakṣaṇaṃ vā lakṣaṇasamīpavṛttitvena upalakṣaṇaṇ vā, 
-iti vicārayati | tatra svarūpatvamaupacārikamiti brūte upacārāt iti | 
tathāhi śākhādimattaiva vṛkṣateti ekavyāvṛttimātraṃ paryāyarūpatvāt 
na tathā asannarthakriyāṃ karoti iti loke paryāyatvena aviditatvāt | naca 
lakṣaṇatva-miti darśayati lakṣyate ca iti | hetumati liṅā lakṣaṇatāyā 
heturavyabhicā-raṇīyatā anyonyam, anyathāhi avyāptyativyāptī 
syātāmiti darśitam | yadyapi hi sākṣātkārijñānaṃ kalpanāśūnyaṃ 
vedanaṃ ceti na idaṃ paryāyarūpaṃ bhinnavyāvṛttiniṣṭhatvāt, tathāpi 
parasparamavyabhicārāt lakṣyalakṣaṇabhāvo'nayoḥ | anyeṣām iti 
jñeyānām | anena idamāha-yasyaiva yat sākṣātkārānubhavarūpaṃ 
jñeyasya, tasyaiva tat pratyakṣaṃ; tena vikalpaḥ svata eva pratyakṣaṃ; natu 
artha iti | prakṛte tu na ayaṃ nyāyo vyāpteḥ,-ityāha tattu iti lakṣaṇatvena 
abhimatam | tataśca iti arthakriyā-kāritvasya abhavanāt | co virodhaṃ 
darśayati | lakṣaṇābhāve lakṣyaṃ bhavati,-iti hi viruddham | 
kriyāvattvamapi na dravyasya lakṣaṇam | ananya-vṛttitāmātreṇa lakṣaṇatve 
ghaṭatvābhisambandho'pi asya lakṣaṇaṃ syāt | naca anyato 
vyāvartakatvamātrameva lakṣaṇasya svarūpam, apitu lakṣyate yena

(page 31)

tadrūpasarvasvaṃ niścīyate | naca etadavyāptimataḥ saṃbhavati | tasmāt 
kriyāvattvamupalakṣaṇaṃ, svātantryaṃ tu upalakṣitaṃ sat tasya lakṣaṇa-
miti | atha upalakṣaṇatāṃ śaṅkate atha iti | etat dūṣayati tathāpi iti asmin 
vākye yaduktaṃ, tadapi na labhyate kiñcidityarthaḥ | tataḥ iti svarūpavyati-
rekeṇa tasya anupalambhādarthakriyāviśiṣṭatāyāmeva tatsāmarthyasya 
upalakṣaṇaṃ saṃvedanaṃ syāditi saṃbhāvyate yadi param iti | aruciṃ 
sūcayannidamāha-jalaṃ snānapānādikāle'pi na jalatvādadhikena 
rūpeṇa lakṣyate, pramātā kevalaṃ tatkāryāṃvalokane sati karaṇamidaṃ, 
idaṃ samarthamiti vikalpayan vyavaharatīti | atha paro vyāptimapasārayan 
lakṣaṇatāṃ pratyujjīvayati nanu antataḥ iti anyasya jñāturabhāve 
ityarthaḥ | tadupalakṣitam iti tallakṣitamityarthaḥ | etadapi ativyāptyāpāda-
nena dūṣayati tatrāpi iti | jñeyatvam iti jñeyatvabalena kevalaṃ 
kalpanīya-miti yāvat | tataśca iti jñeyatvabalopanataṃ jñānajananaṃ 
dvicandrakeśa-makṣikādāvasadabhimate'pi asti,-iti ativyāpakam | nanu na 
jñeyatvamātra-balena jñānaṃ prati janakatvamarthasya, apitu sati arthe 
pūrvabhāvini bhavati jñānamiti yo'nvayo'sati na bhavatīti ca yo 
vyatirekaḥ, tadātmakaṃ taddvāreṇa vyavaharaṇīyam | tadetadapi na 
dṛśyate jñeyatā ityādinā jñānāt iti kāryābhimatāt, anena 
anvayābhāvo darśitaḥ | nanu parvatasya upatyakāmāśrito 
dhūmādagnimanumāya yadā adhityakādhirūḍhastaṃ paśyati, tadā 
tasmāt darśanāt pūrvasiddho vahnirasti,-iti siddho'nvayaḥ | etat na 
sārvatrikamiti darśayati nahi iti sahacāryekasāmagryadhīnaṃ kapitthe 
mṛdusparśa iva nīlarūpasya | nanu nīlajñānaṃ

(page 32)

kādācitkaṃ tatra cakṣurādiṣu satsvapi na sadā bhavati, tato'nyanimittakena 
anena bhavitavyam | evaṃ yastadabhāve kāryasya vyatirekaḥ prasajyamāno-
'bhāvaḥ, tataḥ prasaṅgaviparyayadvāreṇa pūrvasiddho'rtho heturasti,-iti 
siddhaṃ jñānajanakatvaṃ sattvamiti | etadāśaṅkya dūṣayati kārya 
ityādinā | turbhinnakramaḥ | yadi tu iti yadi punarevamucyate-kāryavyatire-
keṇa api bhavati anumānamiti, tadā bhavadapi na svārthaṃ puṣṇāti 
yatastādṛganumānaṃ kasyacideva bhāsanasamakālāt bhāsamānāt 
nīlādanyasyaiva kāraṇamātrasya syāt | tasyaiva iti ābhāsamānasya | 
bhāsanasamakālasya nīlādeḥ sattvaṃ kiṃ syāditi ca prastuto vicāraḥ, 
tadeva hi vicāraṇīyaṃ, na punaritarat naraśṛṅgaprāyam | tata eva ābhāsa-
mānasya bhāsanādanarthāntaratve siddhe kṛtakṛtyamānī vijñānavādī 
yadāha

     bāhye'pyarthe tato bhedo bhāsamānārthatadvidoḥ |

ityādi, tatra ca tajjñānakāritayā kāraṇasya kasyacidarthakriyākāritvaṃ 
sattvamiti sidhyati; natu ābhāsamānasya tajjñānasamakālasya nīlasya | 
nanu astu bhāsanasamakālasya api kāraṇatvam | atra etadeva tāvat 
vaktavyaṃ-tulyakālayoḥ kāryakāraṇabhāvaḥ iti, etat tu na uktaṃ 
prameyāntarapari-ghaṭanāyeti dūṣaṇāntaram | atra āha tulya iti 
bhāsamānataivahi tadānīṃ kāraṇatāvyavahāre nimittaṃ, tacca 
aviśiṣṭaṃ dvicandre'pīti bhāvaḥ | atha satoreva anvayavyatirekayoryat 
nirbhāsamānaṃ pratibhāsanatulya-kālaṃ, tadeva jñānakāraṇaṃ, tau 
nīle staḥ, tat vijñānāt pūrvamabhū-deva, natu dvicandre | etadāha tathā 
iti | nanu yo'sau bhāsanāt pūrvakālabhāvī nīlalakṣaṇo 
yadanvayavyatirekānuvarti

(page 33)

bhāsanalakṣaṇaṃ jñānaṃ, sa eva bhāsamānaḥ kṣaṇo na bhavati; 
tataśca sa eva prācyo doṣo bhavet tasyaivaca arthakriyā ityādiḥ | etat 
pariharati naca iti | tvaddarśane tāvadayaṃ doṣo na avatarati,-iti 
niṣpratyūhamuhya-tāṃ tvayā arthakriyākāritvaṃ sattvamiti dṛṣṭiḥ | tena 
bhavatpakṣe kāraṇaṃ jñānasya yat, tadeva nirbhāsate iti aviruddhameva | 
evaṃhi bhavataḥ saṃvedyasya dharmaḥ pārimityalakṣaṇaḥ kālaḥ, 
vedyaśca vedanameva, naca tatra kālasparśaḥ; svarūpamevaca kṣaṇa iti ca 
paribhāṣā nimeṣādikriyāntareṇa, tasya kaḥ sanbandhaḥ iti kā kṣaṇikateti 
| nanu bhavatā idānīmutsavakāriṇā daridreṇa iva 
paradarśanaparipūraṇaṃ kāmaṃ kṛtaṃ, nijā tu dṛṣṭirapūritaiva | 
pūritā ca,-ityāha kṣaṇabhaṅge'pi iti | santānābhiprāyeṇa tadeva 
pūrvottararūpamiti abhimānāt susamartho'yamartho yadyapi, tathāpi 
kimiyatā yatnena, yataḥ pūrvakṣaṇa uttaraṃ kṣaṇaṃ, so'pi 
anantaramityādiprabandhena arthakriyā-kāritvaṃ sidhyatyeva sattvamiti 
pareṇa samarthitaṃ svapakṣaṃ dūṣayati atra iti | 
anvayavyatirekānugṛhītaṃ nirbhāsamānaṃ jñānakāraṇaṃ 
nīlamityucyamāne dvicandro'pi kasmāt na evaṃvidhaḥ,-iti na niścitam | 
nahi anirbhāsane prācyasya nīlakṣaṇasya dvicandrakṣaṇasya vā viśeṣaḥ 
kaścit | atra aparamāśaṅkate nīlajñānam iti | anyat iti timirādi | nāsti iti 
vedavākyādestathā niścaya iti manyate | tathā iti pūrvabhāsi sat 
nirbhāsamānamadhunetyevam | nānyat iti vāsanāprabodhādi | nanu yadi 
dvicandro'pi pūrvakṣaṇe syāt bhāsanakṣaṇa iva, tadūrdhvamapi syāt; 
naca evamasti nivṛtte timire tadaiva tadadarśanāt | atra āha tathā iti 
jvālāvat niranvayavināśasya api saṃbhāvyamānatvāt ghaṭāderapi 
tathābhāvāt kapālādisthānīyasya

(page 34)

ca kāryamātrasya yādṛśatādṛśasya dhūlipavanapuñjaprāyasya 
militaika-piṇḍīkṛtacandrasyaivavā dvicandropādānakatayā sukalpatvāt | 
yacca api uktamuttarottarasvasantānagatakṣaṇakāraṇatvāditi, tadapi anenaiva 
pratyāha tathā iti | jvālāyāmantyaḥ kṣaṇo na kaṃcit sajātīyaṃ prasūte 
kṣaṇamitīyatā arthakriyākāraṇaṃ sattvamiti yat pratyāvartitaṃ, tat 
dūṣitameva | adhunā adhikadūṣaṇābhidhitsayā athāpi ityādinā tat 
pratyāvartayati | yaduktaṃ atha vyabhicāryatve'pi yathā kāka ityādi 
rūpameva iti sasvarūpataiva sattvam iti yuktam, tacca evamanusṛtaṃ 
bhavatīti evakāraḥ | nanu svarūpaviśeṣa eva cet tat, tarhi arthakriyā asya 
kimartha-mupalakṣaṇīkṛtā | ucyate tat kevalam iti | vivecanīyam iti 
śakye'rhe ca | niścīyate iti sattvāsattvavibhāgena | kecit iti 
ābālyādabhyastavyavahārāḥ pratibhānādiyuktāśca | etat prativakti 
atrāpi iti | maṇi iti vaidharmyeṇa | maṇerhi 
gaurasaṃsthānapramāṇavarṇaprabhāsparśaśabdaviśeṣayogāt 
jātyājātyavyavasthā yuktā, tacca evaṃ yena sā upadiśyate parasmai | 
keśasya tu rūpasvarūpalakṣaṇasvabhāvasya na vaicitryamupalabhyate 
vyutpannairapi | timiraparītanetratāyāṃ vyutpanno'pi keśaṃ 
keśāntarajā-tīyameva paśyati | timirānmamaivamityapi saṃvedayamāno 
na na paśyati tāvatā, apitu kāraṇāntaraprabhāvito'sau syāt, natu na 
keśaḥ | jñānaṃ tat tatheti cet, nīle'pi na durvacametat | nanu sa tāvat 
keśo'nya eva vyutpanna-sya pratibhāsate yo na spṛśya ityāśayena āha astu 
vā iti | tat iti svarūpa-vaicitryam | pāribhāṣikī iti svarūpe hi sati 
vaicitryaṃ, svarūpamevaca sattā,-iti yuktam tadekataravaicitrya eva sattvam, 
na anyatreti samayamātrameva idam |

(page 35)

etadeva ghaṭayati tathāhi iti añprayoge prasajyapratiṣedhāt tucchataivavā 
pratīyate asūryaṃpaśyeti yathā | atra hi dṛśyamānaviṣayadṛgabhāva eva 
tātparyam, śaṅkitaparākaraṇadiśā tatsadṛśatā vā abrāhmaṇena 
hutamiti yathā | atra hi kṣatriyapratipattiḥ | lākṣaṇikavirodhasambhave sati 
vastusva-bhāvapratipipādayiṣayā 
prasajyapratiṣedhayuktavastvantarapratipattiryuktā itinayena 
tadanyarūpatāmātraṃ vā yathā sarvatra anumānādau | 
dvairāśyakalpanāyāṃ nīlānīlāgnyanagnibrāhmaṇābrāhmaṇādau 
tridhā'pica asattā na upapadyate iti darśayati kiṃ sattā ityādinā | atha 
ityādi tṛtīyaprakāranirākaraṇam | yadi nāma iti abhyupagama eva ayamiti 
darśayati | nanu dṛśyatve astu evam, vikalpanīye tu kā vārtā | tatra āha 
yadapi iti | taduktaṃ bhaṭṭapādaiḥ tatrābhedo bhramaḥ iti avapuḥ iti ca | 
etaduktaṃ bhavati-na tāvadiha niḥsvarūpatā yuktā keśoṇḍukapītaśaṅ-
khacañcalapādapālātacakrādisaṃvedanānāṃ mūrcchākalpatvena 
abhedaprasaṅgāt | bhedena sasvarūpatā cet, iyameva tarhi asāmayikī 
sadrūpatā,-iti sthitametat-prakāśamānataiva satteti | etat prameyamupa-
saṃharan prakṛte upayojayati-------------mityādinā | nanu iyatā taimirikakaca-
prabhṛtinā vikalpyarūpe ghaṭābhāsādinā tulyaiva sattā kriyāsambān-
dhādeḥ pratipāditā bhavati | naca etadanaṅgīkṛtaṃ pareṇa | naca iyatā 
parīkṣaṇīyatā yuktā | arthakriyārthino hi vastu parīkṣante lokikāstadupa-
deśodyatāśca parīkṣakā ityāśaṅkāṃ nikṛntati upayogitvena iti 
syādeva iti | tataśca dvicandrāderapi upadeśyatā syāditi codyaśeṣaḥ | 
ekasmiṃścandre yādṛśī dṛṣṭā tena arthakriyā, na taddviguṇā saiva 
dvicandrāt | tataśca aparaśaśisamānajātīyo

(page 36)

dvicandro na bhavati aparakeśasthānīyaśca taimirikakeśaḥ | ābhāsāntara-
bhāvābhāvataśca evaṃ, na keśābhāsena | naca tathā tatra keśādinā 
khyātavyena rūpeṇa khyāyate iti bhrāntatvamasatyatā ceti | tena 
ābhāsasya eva sata ābhāsāntaramiśritādabhilaṣitāt keśābhāsādanyo 
yaḥ keśā-bhāsaḥ, tatra asatyasaṃjñā | tadāha uktā iti | satyābhāsāḥ 
iti vṛttau karmadhārayapakṣeṇa tāvat vivṛṇoti ābhāsasāratvāt iti | nanu 
sambandhādaya ekānekasvabhāvāḥ, natu tadviṣayāḥ | satyaṃ, yattu 
bāhyamekānekarūpaṃ sambandhādi, tat buddhyābhāsānāṃ viṣayaḥ; 
tato viṣayiṇo dharmaṃ viṣayeṣu upacarya itthamuktam | upacāre prayojana-
māha ābhāsasāratām iti | evamupacāre sati yat pariniṣṭhitaṃ jātaṃ, tat 
darśayati sambandha ityādinā | agre iti

     svātmaniṣṭhā viviktābhā-----------------------------| (2|2|4)

ityādisūtreṣu | satyapadasya vyavacchedyaṃ darśayati ābhāsamānatvā-
deva iti | nanu satyatvaṃ viṣayasya vaktavyaṃ, natu ābhāsānāṃ viṣayi-
ṇāṃ; tat kathaṃ karmadhārayaḥ | natu satyānāmābhāsāḥ iti ṣaṣṭhīsa-
māso yukta ekatraiva vākye saṃbandhādīnāṃ mukhyopacāravibhāgena 
yugapadābhāsebhyo bhedābhedayogāt | etat pariharati ābhāsasatyatayaiva 
iti | na ayamupacāra upacāra eva, māyāpadāpekṣayā hi ayamupacāraḥ | 
yathā ucyate

     bhagavadadhiṣṭhitatvāt bhagavāneva sarvam |

iti | tato na atra ābhāsādābhāsamānasya bhedaḥ kaścit | tadāha 
tadrūpatvāt iti | evaṃ māyāpade'pi paramārthapadamanujjhatā 
karmadhārayeṇa vyākhyātam | atha bahubrīhipakṣāśrayeṇa

(page 37)

māyāpadameva āśrayan vyācaṣṭe athavā iti | amīṣāṃ tu iti 
sambandhādīnām | so'pi iti upayogaḥ | ata eva iti asmatprasādhitaireva 
nyāyairyo'rthakriyopayogaḥ, tata eva hetoḥ,-iti vaiyadhikaraṇyena 
tasipañcamyau yojye, anyathā evakāradvayamasaṅgatameva syāt | ete iti 
sambandhādayaḥ | etadeva ghaṭayati saṃvṛti ityādinā | kena vacasā te 
aindriyikāt mānasācca bhramāt pṛthaguktāḥ | āha tathāca iti | yadihi 
bhramarūpato vailakṣaṇyaṃ saṃvṛtisato'bhimataṃ syāt, tat bhrāntiśab-
doktāt mānasāt hi bhramāt taimiropalakṣitācca aindriyikāt na asya pṛthak 
nirdeśo yuktaḥ syāt | bhrāntereva prapañcāt tathā nirdeśaḥ kutaścit 
viśeṣaleśata iti cirantanaprāmāṇikavyākhyānaṃ dūṣaṇāya ācaṣṭe 
tatpunaḥ iti | anena svavyākhyānāt viśeṣo dyotitaḥ | etat na sahate evaṃ 
khalu iti | khaluśabda upahāsaṃ dyotayati | anena idamāha-bhrāntyantarāt 
viśeṣaleśo'tra vyākhyāne na labhyate yena pṛthagabhidhānārhatā 
bhavediti | nanu vikalpyena rajatena dṛśyaṃ kathamācchādyate | sāmānyā-
dinā api tarhi katham | dṛśyāvaṣṭambhena adhyavasāyāditi cet, samānami-
hāpi etaditi nirūpayati śuktideśa iti | nanu na taddeśāvaṣṭambhanamātra-
mavacchādanaṃ, kintu bādhakayoge'pi sadātanaprasaratvaṃ yena tadvi-
vikto'rtho nijena vapuṣā na kadācidavasīyate ityevaṃ bhūtamavacchā-
danam | tacca sāmānyādinaiva vikalpanīyena dṛśyate, na rajatādinā,-
ityetena leśena bhrānteḥ pṛthagupādānam | etat athāpi ityādinā 
anubhāṣya dūṣayati tadetat iti | iha kāraṇamavidyāśaktistimiramiva 
kacakūrcake, dūratāsādṛśyāpraṇidhānānīva ca rajate | nivartante iti na 
tāvatā viśeṣaleṣaḥ kaścit bhramatvasyeti mantavyam, natu pareṇa

(page 38)

uktaṃ-bhramavyavahāro'tra nāsti-iti | bādhajñāne'pi ityatra cchedaḥ 
| tasya iti bādhajñānasya | hiśabdena hetutvamasya dyotayatā ayamartha 
uktaḥ-jñātabādhatvena yataḥ pravṛttirna bhavati dvicandrādibhrāntitaḥ, 
tato'pravṛttasya visaṃvādanaṃ vipralambhātmikā viḍambanā na saṃbha-
vati apravṛttatvādeva; tathāpi na tat satyarūpagrāhi,-iti bhrāntameva 
dvicandrasaṃvedanaṃ bhavanmate yuktam | yattu

     bhrāntitve cāvasāyasya-------------------------| (1|3|5)

ityatra uktam-nahi aindrajālikasya asatyavastudarśanamasatyatvenaiva 
jñāyamānaṃ bhrāntivyapadeśyamiti, tat paradarśanābhiprāyeṇeti na 
pūrvāparavirodhaḥ | tādavasthyāt iti anyabhramebhyo nirviśeṣatvāt | 
anyathā iti saviśeṣatve yato bhrāntimātrarūpataiva | tat iti tato hetoḥ | nanu 
saṃvṛtibuddhirevamācchādikā bhavati yadi buddhyutthāpita eva na 
kadācidapi yo dṛṣṭaḥ, sa āropyate sāmānyādiriti ārope tulye'pi anena 
viṣayeṇa sāṃvṛtasya pṛthagupādānam | etat dūṣayati nāpi iti candrasya 
dvitvasya dṛṣṭataiveti cet, anekagrāhyasādhāraṇasya api ekasya 
dṛṣṭataiveti tulyo vidhiḥ | evamiyatā bhrāntitvasya na kaścidadhiko viśeṣa 
iti upāpādya bhrāntiviśeṣatā api na saṃmatā granthakṛta eva dvandvena 
nirdiśata iti brūte samāropya ityādinā | yugapadadhikaraṇatāyāṃ 
dvandvaḥ | sā ca tulyasvarūpayoreva | sāmānyaṃ ca 
sakalaviśeṣānāgūrya vartamānaṃ viśeṣāntaravantamapi vivakṣitaṃ 
viśeṣaṃ kroḍīkurvan pṛthagapratilabdha-śabdaniveśameva karotīti | 
āñjasyena iti lokapratītyā spaṣṭayā | dāntava-līvardādiśabdairevahi 
āryalaukikāḥ puṅgavānāhuḥ, gośabdena tu strī-gavīreveti tathaiva 
pratītiḥ | gomadidaṃ nagaramityuktau hi dadhikṣīrasampattireva

(page 39)

nirbhāti | sāṃvṛtatvam iti sāṃvṛtasya lakṣaṇametāvanmātramiti pareṇa 
anicchatāpi iyadeva aṅgīkartavyam | tallakṣaṇaṃ lakṣyapadena saha 
nirdiśati yattathā ityādinā | asmiṃśca lakṣaṇe 
avabhāsanopayogābhyāmapāsite anupapannatve asmākaṃ jayaḥ, 
anupapannatayā punarapākīrṇe upayoge parasyetyanena āśayena 
parāpekṣāṃ tāvadāha nanu iti | avayavinā suprasiddhena 
tulyayogakṣemaḥ sambandhādiḥ padārtharāśiriti avayavina-meva 
prasiddhaṃ puraskṛtya ayaṃ vicāraḥ | tathaiva iti ekasthūlarūpatayā | 
tathaivaca na ityatra hetuḥ sthūlasya ityādi | nanu paramāṇavo bahavaḥ, te 
kathamekāṃ niyamena arthakriyāṃ kuryuḥ | ucyate-rūpādayo bhinnā 
yathā ekaṃ jñānaṃ janayanti niyatāḥ, tathā paramāṇavo'pīti | vyaktaya 
evaca bhinnāstadevamupayuktanayena ekākārāṃ buddhiṃ janayanti | 
bhinnā eva ca kṣaṇā ekaudanasampattiphalāḥ pākavyapadeśyāḥ | nanu 
kasmādeṣaiva vyavasthā sarvatra,-ityāśaṅkya hetumāha nahi iti | 
indriyā-dayo bhinnatvenaiva saṃviditāśca adhyavasitāśca 
bījabhūmijalātapava-ditita eva ekaṃ jñānamaṅkurabuddhiṃ dadīranniti 
yuktaṃ nāma, ihatu ekamavabhātamadhyavasitaṃ ca svakāryakāri,-iti 
kathamanyasya prakalpa-nam | nīle'pi avabhātādhyavasite arthakriyākāriṇī 
pītamarthakriyākāri,-iti hi na nirbandhanaṃ kalpyeta | nanu iha 
anupapadyamānatā asti,-iti anyakalpanamityāśaṅkya tāmeva dūṣayati 
eṣaivaca iti | avabhātataiva atra nāsti,-ityāha paraḥ natu iti | atra 
upapattimāha sthūlāvabhāso hi iti | yuktaḥ iti vaitatyaṃ hi deśabhedaḥ, 
saca svarūpabhedamanvāyatate iti sarvataḥsaṅkucito mūrtitaḥ kālataśca 
yaḥ, sa eva viruddhadharmādhyāsavandhyaḥ paramārthaḥ paramāṇuḥ

(page 40)

kṣaṇaśca | nanu pratibhāsata eva sthūlatā | satyaṃ, sā tu nirantarabahutara-
paramāṇupratibhāsanāntarīyakasvabhāvaiva dvitvamiva ghaṭapaṭāva-
bhāsamātranāntarīyakam | nanu yadi vikalpa eva sthūlaḥ, tataḥ kim | āha 
nirvikalpaśca iti | etat dūṣayati tat iti | vikalpyatānibandhanamasatyatvamā-
cakṣāṇena tadvyāpakaviruddhanirvikalpatvopalabdhyā 
vikalpyatvavyāptasya asatyatvasya haṭhādeva niṣedhaḥ kartavya iti 
dvicandrapītaśaṅkhādīnāṃ satyatvaprasaṅgaḥ | nirvikalpakatā ca na 
prāmāṇyasya vyāpiketi darśayati anumāna iti | syādetat | vastumūlaḥ 
ko'pi vikalpaḥ, ko'pi avidyāmūlaḥ | vastumūle prathamapratyakṣaṃ 
nirvikalpakameva pratapati, tanmūlameva tatra prāmāṇyam; dvitīye tu 
aprāmāṇyameva, avayavyādivikalpaśca avidyā-mūlaḥ | 
etadāśaṅkamāno dūṣayati yadica iti | tataḥ iti anubhavavāsanā cet 
tadvikalpotthāpikā, tarhi avidyāvāsanākalpane kiṃ nidānam | tataśca 
apiśabdo'nupādeya eva | etadeva ghaṭayati ataśca iti | yadi hi anubhavastyaj-
yeta, tat nīlāṃśo'nubhūyamānaḥ, tadgataṃ ca avabhāsanaṃ 
anubhavasya yat svabhāvabhūtaṃ 
tadanubhūyamānātiriktasthūlātmakavikalpyaika-niṣṭhe vikalpe sarvathā 
parihīyeta | paraḥ satyapi anubhavavāsanāyā upayoge'sti 
avidyāvāsanāyā avakāśa ityāha tattu iti | ananusaraṇaṃ sphuṭayati 
anubhavo hi iti | viruddhadharmayuktā digbhedādibhedābhājo bahavaḥ 
paramāṇavo ghaṭādyākāreṇa sthūlasvalakṣaṇasvabhāvāḥ-
anekadharmo hi sthūlatā, ekadharmastu paramāṇutvamiti avabodhamāha 
bāhyārthavādī-pratibhāsante yasmin; tathā ghaṭāntarādanyadeśakālāt 
viruddhadharmayogī ghaṭādyākāro yaḥ sthūlaḥ svalakṣaṇātmā, natu 
sāmānyākāraḥ, sa pratibhāsate yasmiṃstādṛganubhavaḥ;

(page 41)

etadviparītastu vikalpa iti brūte vikalpābhāsastu iti | ekatvam iti natu 
bahavaḥ | anugatatvam iti na svalakṣaṇam | nanu evaṃ sadaiva vikalpo-
'vidyāvāsanāmapi upajīvati, tataśca asāvapramāṇamiti anumāna-
vikalpasya kathaṃ prāmāṇyamityāśaṅkya pariharati kevalam iti | 
atadgrāhiṇāpi iti | vastu agṛhṇatāpi atatkāriṇastadarthakriyākaraṇa-
śūnyādarthāt yat vyāvartanamapohanaṃ vyavacchedātmakaṃ 
saṃvidrūpavidhivilakṣaṇaniṣedhasvabhāvaṃ, tadeva paraṃ kartavyaṃ 
yasya, tasya bhāvaḥ; tena hetunā yasya vastu vikalpena avasīyate; tato 
hetorbāhye'rthe aucitī sā vikalpasya | tāmeva ghaṭayati bāhye'pi hi iti | 
tatra ca iti vikalpe sati | yatra iti anumāne, pratyakṣānantarabhāvini ca 
adhyavasāye | anyatra iti svatantravikalpe | tadartha iti vikalpaḥ | tadartha iti 
yo'rthaḥ paramparāyātaṃ vikalpamajījanat, tasminnarthe | nanu vikalpyasya 
asatyatvam, asatyasya ca na upayogaḥ kvāpi,-iti sthāpite sāṃvṛtasya tarhi 
kiṃ lakṣaṇamityāgūrya āha tat iti vikalpaviṣayīkṛtasya pratītiḥ 
sārvatrikī sadātanī ca yato na nivartate | keśarajatādi tu na sārvatrikatayā 
sadātana-tvena vā parisphurati, tataśca bhrāntiviśeṣa eva sāṃvṛtaṃ 
dvandvastu bhrāntiśabdasya āsamañjasyena keśarajatādāveva 
prasiddheriti tvatpratisamādhānādeva labdhaḥ | nanu yadasmābhiruktaṃ 
lakṣaṇaṃ-kvacidupayujyate'pīti, tat kimiti tyajyate | āha upayogo'pi | iti 
anyathā iti anekatayā raktasya amatayā ca | sacāpi iti pradīpaḥ | tasya iti 
taimirikasya | tathā iti anyathārūpeṇa | abhīṣṭam iti vastuprakāśanādi | 
aparihāryatimirāvidyāderanivṛttau yat tatheti vicitraṃ

(page 42)

mithyādarśanaṃ tadupāyamātraṃ prāptaye yasya pradīpasya paramāṇu-
sañcayasya vā, tasmādeva arthakriyā, natu avastuno vikalpāt | nahi vikalpe 
kiñcidābhāsate, abhimānamātraṃ paraṃ tatra, natu ābhāsaḥ kasyaciditi | 
atra pūrvapakṣe taditi samucitamuttaraṃ yat, taduktaprāyam, uktaḥ prāyaḥ 
prapañco yasya taditi vā uttaravākyārthaparāmarśaḥ | athavā yato'yaṃ 
pūrvapakṣa evaṃbhūtaḥ, tasmāt na atra adhikaṃ vaktavyam | anubhavasya 
ananusaraṇaṃ yat kathañciduktam, tat dūṣayiṣyannanubhavānusaraṇaṃ 
tāvadāha vikalpe'pi iti | ananusaraṇaṃ tu kathaṃ, kiṃ tāvat tatraiva 
ābhāte dharmabhedāt, 
anubhavāparigṛhītavastuvilakṣaṇavastvantarollekhāt vā | dharmabhedāt na 
anyatvamityāha sphuṭa iti | vicāritaḥ iti

     viśeṣo'rthāvabhāsasya------------------| (1|8|2)

ityetasminvimarśe | vicārayiṣyate ca iti

     dūrāntikatayā-------------------------------| (2|3|10)

ityatra | dvitīyamapi pakṣaṃ nirākaroti sāmānya ityādinā | yadeva hi 
anubhūtaṃ, tadeva bhāti vikalpe | ghaṭa iti hi vikalpe dṛṣṭasvabhāva eva 
bhāti anadhikaḥ pṛthubudhnodarākāro lohitaḥ | gauḥ pavitramityapi sāsnā-
dimadrūpameva dṛṣṭam, natu dṛṣṭātiriktaṃ kiñcidavayaviśabdavācyaṃ 
sāmānyaśabdavācyaṃ vā laukikaṃ bhāti | nanu yadeva tat dṛṣṭaṃ 
bhāti, tadeva sāmānyaṃ tādātmyāt tatsamavāyādvā tādrūpyeṇa 
pravṛtteḥ; siddhāntadṛśā vā aviśeṣaṇacikīrṣitābhāsāntaravirahāt 
dṛṣṭameva nīlādi yat, tadeva sāmānyam | ādigrahaṇāt kriyāvayavyādi | 
evaṃ tarhi bāhyameva tat tathārūpamiti nirvilpakena api kiṃ na gṛhyate | 
saṃnihitaviṣayabalotpannaṃ

(page 43)

hi tat ghuṣyate | tataśca yaduktaṃ-na sambandhāvayavikriyāsāmānyādī-
nāmityādikaṃ svoktakalpasamarthanāya, vikalpābhāsastu ekatvānugata-
tvādinā sphurati, na anubhavābhāsaḥ-iti, tat svayameva tyaktaṃ bhavet 
yato bāhyarūpa eva sāmānyātmani upagamyamāne nirvikalpakagrāhyatā 
asya prasajati | ata eva hetorvikalpyarūpasya sāmānyasya bāhye'rthe 
anugamā-bhāvamavocat jñānādavyatiriktamiti ātmakhyātau 
jñānātmabhūtam, asadkhyātāvavastubhūtatvena jñānāt na anyat | nanu 
na vikalpena nīlagha-ṭādi vastu spṛśyate yena tasya samānādirūpatve 
nirvikalpakasya api sāmānyādiviṣayatā prāpnuyāt, kintu anartha eva tena 
spṛśyate vastuni punarabhimānamātrādāropalakṣaṇāt pravṛttiprāptī 
vikalpāt, tata eva asya kvacit prāmāṇyamiti yat pūrvapakṣe nirūpitaṃ 
kevalamanubhavaviṣayī-kṛtasya ityādigranthena, tat dūṣayati 
adhyavasāyo'pi ca iti | āropayatau nayatāviva dvikarmake pradhānakarma 
bāhyamajāsthānīyam, apradhāna-karma punarabāhyaṃ 
saṃbhāvyavyadhikaraṇatākaṃ grāmasthānīyam | abhiniviśate iti 
abhimanyate | etacca vācoyuktivaicitryamātram, natu bhinnārtham | naca 
asaṃvidrūpaḥ saṃvidrūpasya vyāpāro yuktaḥ | vyāpāro hi nāma 
tasyaiva phalāvacchinnaṃ svarūpamucyate | ata eva 
saṃvedanasukhādivadabhimāno dharma ityapi asat sukhādivadeva arthaṃ 
prati akiñcitkaratāpattiprasaṅgāt | atha ucyate dṛśyavikalpyayorvivekāpra-
kāśa eva abhimāna iti ucyate, tatrāpi āha yadihi iti | avabhāsamāna eva 
iti saptamī prathamā ca śleṣeṇa āropyasya āropasthānasya ca 
prakāśamānatāṃ nirūpayitum | prāk iti

(page 44)

     bhrāntitve cāvasāyasya------------------------------| (1|3|5)

ityatra | seti abhimānaśabdena yaduktam, tatra mūrkhasya paṇḍito'hamiti 
yathā śabdaprayogaḥ; tathā ghaṭa iti vikalpe bhavet | etadupasaṃharan yat 
pūrvapakṣe kathitaṃ-upayogo'pi na vikalpapratītasya, apitu paramāṇū-
nāmeveti, tat dūṣayati evaṃca ityādinā tadviparītamācakṣāṇaḥ | nahi 
anābhāsamānena arthakriyā kācit | ābhāsanaṃ ca na avimṛṣṭe | naca 
paramāṇuvimarśo ghaṭādipratītau kasyacit svapne saṅkalpe'pivā | 
vibhāge alpataraprasaṅge yato na alpīyastatra avasthānamityanayā tu nītyā 
bhavan-napi asau na ghaṭaviṣayaḥ kadācit, apitu tannāśotprekṣāyāṃ 
dūravyava-hitavastvantaraviṣayaḥ | naca anyena arthakriyādhyavasāyena 
anyasya sā kāryā,-iti yuktamatiprasaṅgāt | tadetat sarvaṃ vṛttipṛṣṭhe 
yojayati yuktamuktam iti | tadayaṃ prayogaḥ-na asatyaviṣayā 
dravyādibuddhayo-'bādhitārthakriyākārirūpaviṣayatvāditi 
asatyaviṣayatvaviruddhena satyaviṣayatvena vyāptasya asya hetorupalabdhiḥ | 
na ghaṭādyarthakriyāsu paramāṇavo'rthakriyākāriṇaḥ iti kadācidapi 
tathānadhyavasitatvāt | asya iyamarthakriyetyatra vyavahāre kāraṇaṃ 
tathādhyavasāyaḥ, tadviruddhaśca anadhyavasāyaḥ,-iti 
kāraṇaviruddhopalabdhḥ

     -----------------------------tena hetoḥ siddhirabādhitā |

ityādeḥ, anyathā paramāṇūnāmarthakriyākāritvaheturasiddho bhavet || 1 
||

     nanu tathāpi na hetoḥ siddhirabādhitatvaviśeṣaṇasya asaṃbhavāt, 
ekānekātmakā hi dravyādaya itivadatā bhavatā yadeva ekaṃ, tadeva 
anekaṃ; tacca kathamiti svayameva bādhakamuktamityākṣepaṃ 
pratikṣeptuṃ

(page 45)

     tatraikamāntaraṃ tattvaṃ tadevendriyavedyatām |
     saṃprāpyānekatāṃ yāti deśakālasvabhāvataḥ || 2 ||

     tatra kriyādau kriyādeḥ satyatve vā sthite sati kriyādervā ye ekatvā-
nekatve ukte, te vṛttiguṇīkṛte api pradhānaprameyatayā iha samarthanīye iti 
parāmṛśya nirdhāraṇam | tayorekatvānekatvayormadhye ekatvamevaṃ 
samarthyate, anekatvaṃ ca evamiti nīlādīnāṃ bhāvānāṃ pāramārthi-
kaṃ yadāntaraṃ saṃvinmātralakṣaṇaṃ tattvaṃ, tatra na kalanā kācida-
bhedaghanatvādekatāyā api tatra abhāvāt | yattu āntaramābhāsāntarā-
nāmiśramantaraṅgam, āntaraṃ ca antaḥkaraṇamātravedyaṃ tattvamekam; 
tadekam | tadeva punaratyaktaikatākaṃ bāhyendriyavedyatāṃ prāpya iha-
amutreti adhunā-tadeti kṛśo'kṛśa iti ca deśādibhedādanekatāṃ yāti | 
naca virodhaḥ pratīterakhaṇḍanāt kāraṇatvākāraṇatvayoriva vyavahāra-
mātraparamārthatayā viṣayabhedasya api suvacatvāt | tasmādekatvāne-
katvanekatvayorna virodhaḥ kaścit caitraścalatīti kriyāyām, evaṃ samban-
dhādau vācyamiti sūtrārthaḥ | antarabhinnaṃ tattvaṃ saṃvinmātratayā, 
māyāpramātuḥ punarantaḥkaraṇābhāsāt bāhyakaraṇābhāsācca bahir-
bhedāt vastu phalata ekānekam | anekatve hetuḥ bahiḥ 
ityādītivṛttisaṃgatiḥ | evaṃ sati iti vidyamāne kriyādau tadgate ca satyatve 
iti sādhāraṇī uktiḥ | evam iti yathā ślokapādena uktam parataḥ iti yathā 
pādatrayeṇa śiṣṭena | prathamaṃ kalanāśūnyatvena abhinnatvaṃ 
vyācaṣṭe sarveṣām ityādinā | yadi yattacchabdau, tadā evaṃ yojanā-
yadeva āntaratvam, ayameva ekatvā-vabhāsaḥ | yadātadāśabdapāṭhe tu 
spaṣṭam | anantāni iti ekaghaṭādya-
nyatamābhāsabhitticitrīkaraṇenetyarthaḥ | raso madhurādiḥ ṣoḍhā, 
avāntarabhedena anantaḥ | vīryaṃ

(page 46)

jaṭharāgnisambandhaja uṣṇādisparśaḥ, prabhāvaviśeṣaśca; jaṭharānala-
saṃbandhakṛtaṃ tu rasāntaraṃ yat madhurādi, sa vipākaḥ | guṇā anye 
gurutvasnehādayaḥ || 2 ||

     nanu viṣayabhedādekamanekaṃ ceti yaduktam, tat kena grahītavyam; 
cākṣuṣānubhavena tāvat caitro deśabhedabhinna eva nirbhāsate, na asya 
ābhāsabhedamiśrīkaraṇasāmarthyamavicārakatvāditi hi āhuḥ, vikalpena 
tu mānasena vastu naiva spṛśyate | tadatra ucyate sūtreṇa

     taddvayālambanā etā mano'nuvyavasāyi sat |
     karoti mātṛvyāpāramayīḥ karmādikalpanāḥ || 3 ||

     iha yadyapi avikalpe'pi sanniti vā ghaṭa iti vā sattāmātraghaṭa-
mātrāvabhāsādau sāmānyāderābhāso vitatagrahaṇe ca yoginaḥ 
karmā-vabhāsaḥ kālāvabhāsa ityucyetāpi, tathāpi tadā tat sāmānyādi 
nijaṃ jīvitaṃ na pratilabhate | tathāhi sāmanoparañjakatā, 
sambandhibhedodrekaḥ, 
santanyamānakṣaṇabhedaikyagraho'vayavarāśīkaraṇamavadhyavadhimad-
bhāvāvabhāsa iti sāmānyasaṃbandhakriyādravyadigābhāsānāṃ 
jīvitaṃ, tacca vikalpane sphuṭamabhivyajyate | vikalpanaṃ ca manaso'nuvya-
vasāye yadavasare māyāpramāturabhivyaktiḥ | tena manaḥ kartṛ anuvyava-
sāyaṃ sākṣātkāravimarśasya paścādbhāvinaṃ vimarśaṃ vidadhat 
kriyāsaṃbandhādiviṣayāḥ kalpanā vikalpajñānāni svatantrapramātṛ-
vyāpāraprādhānyena karoti taduktapūrvaṃ dvayamekānekalakṣaṇamā-
lambanaṃ yāsāṃ, tādṛśīḥ tena vikalpadhiyaiva ekānekātmakarūpa-
dvayasparśaḥ, natu vastuspṛk vikalpaḥ | pramātuḥ kila ayaṃ vyāpāraḥ | 
pramātā ca pūrvānubhavāntaḥsvasaṃvedanarūpo vikalpane'pi 
pūrvātmatāṃ na ujjhati | tasya tu māyīyatāvyaktau mano'nuvyavasāya 
eva

(page 47)

avasaraḥ | tatraivaca vyāvahārikaṃ kriyāsambandhādi, na śivatādaśā-
yāṃ, nāpi sadāśivādibhūmau, nirvikalpakāle ca śivasadāśivādirūpa-
samudāya iti sūtrasya tātparyam | etadavatārayati bāhya ityādinā ekībha-
vantaḥ ityantena | tāvatyāṃ bhūmau pratyuta bhedo vigalatīti na pramātṛ-
tāvasara ityācaṣṭe taddaśāviyogaṃ ca uttaradaśāyāṃ śatrevābhyām | 
svasmin nijanije pramātari pratyāsannaṃ yat manolakṣaṇamantaḥkaraṇama-
sādhāraṇapramitikāritayā, tadeva sādhanaṃ yasya anuvyavasāyavyāpā-
rasya, tatra pravṛttāḥ | lokayātrām iti lokavyavahāram, yatra kriyāsamban-
dhādikameva niviḍamupayujyate iti manyate | manasi ayaṃ kasmāt bhara iti 
cet, āha yadyapi iti tāvatī na sukhādau, tata eva atra na pūrṇā śuddhiriti 
avyavahārayogyā eva iyaṃ daśā aśanakriyāyāṃ 
bhasmasūtakādidaśāvat | aṃśabhedaiḥ iti

     ekābhidhānaviṣaye mitiḥ------------------------------| (2|3|2)

iti hi vakṣyate | anuśabdaṃ vyācaṣṭe paścāt iti | mana eva parikalpanāḥ 
karotīti sambandhaḥ  | tasya svarūpaviśeṣaṇaṃ karaṇam ityantam, 
śatranta-dvayaṃ tu hetutāgarbhaṃ kalpanākaraṇe | kayormadhyasthaṃ 
mano vṛttā-vuktamiti śaṅkitvā grāhyagrāhakayoriti darśayati bahiḥ 
ityādinā tasya ityantena vākyena | pramātrā saha bhedasaṃbandhau 
vyatirekaviśrāntī vyavahartumaśakyau yeṣām | tasya iti pramātuḥ | atra 
hetumāha pramātuḥ iti | pramātā bāhyamāntaraṃ ca vikalpyaṃ 
viṣayaṃ yadadhyavasyati vicitrābhiryojananābhiḥ, tadeva ucyate 
kriyāsāmānyādi | vyavaharati iti vṛttiyojanāṃ karoti mānasītvam 
ityādinā | hetuḥ iti vākyatrayaśeṣaḥ | nanu ko'nyaḥ pramātā nāma 
yasya vyāpāratayā kriyādivikalpā

(page 48)

uktāḥ, anubhavavikalpātmakasaṃvedanasantatimātrameva hi 
antastattvamityāśaṅkya āha pramātaiva hi iti satyapramātā 
maheśvararūpa evetyarthaḥ | prāk iti

     na cedantaḥkṛtā--------------------------------------| (1|3|7)

ityantaḥ prabhṛti | saṃskārajā iti saṃskāro hi 
pramātrekatāparyavasāyīti uktam | tato bauddhā yathā 
anubhavasaṃskārajanyatāṃ manyante, tathā atra na bhavati,-iti mantavyam 
| cakṣurādiṣu ca ityādeḥ niṣṭhatvāt ityantasya tātparyaṃ vyākhyātaṃ 
sūtravyākhyānārambha eva | atra ca sāmānya-grahaṇena sarvaṃ 
sambandhādi upalakṣayati | sāmānyarūpā api iti asphuṭaprāyā iti 
yāvat | sāmānyamucyante iti na sāmānyamiti vyavahri-yante | atra hetuṃ 
teṣāṃ ityādikaṃ vakṣyamāṇaṃ sāvakāśīkartuṃ 
sāmānyasvarūpāviṣkaraṇāya āha viśiṣṭānāmanugāmi ityantam | 
nanu atra avasare sa ekākyābhāsaḥ kimucyatām, na tāvat sāmānyamiti 
tvameva avādīḥ | naca aviśeṣatvena arthaṃ loko vyavaharati | satyaṃ na 
vyavaharati, avyavaharaṇe tu nidānam-arthakriyārthī hi lokaḥ, naca 
ābhāsa-mātramarthakriyākārīti | etat darśayati tadarthakriyā ityādinā, 
ca uktā-śaṅkādyotakaḥ, yogiprāyasya syurapi,-ityāśayena 
viralatvamuktam | natu abhāva eva abhilaṣaṇīya iti sat vastraṃ paridadhātīti | 
nanu gṛhe kiñcidasti navā,-iticintāyāṃ sadābhāsamātreṇa api 
arthakriyā hṛdbhaṅgaparihāralakṣaṇā kriyate eva | vakṣyateca etat

     tathaiva sadghaṭa------------------------------------| (2|3|5)

ityatra | tat kathamuktaṃ ābhāsāntaramiśratāyāmeva arthakriyā iti | 
atra uttaramāha deśa ityādinā | iha idānīṃ

(page 49)

sannitīyataiva sadābhāsasvalakṣaṇībhūta iti rūpanīlādyābhāsairbahi-
raṅgaiḥ svalakṣaṇatāyāmaprayojakaiḥ kiṃ tatra kṛtyam | deśakālābhā-
sābhyāṃ vinā na ābhāsasahasraiḥ saṃbhede'pi svālakṣaṇyaṃ parya-
vasyati nīlaṃ vastraṃ vitataṃ kārpāsaṃ mṛdu tanvityādau sāmānya-
rūpatāyā eva sphuraṇāt | idaṃ taditi tu deśakālābhāsasaṃbhedaḥ 
sāmānyarūpatāmapahastayati | tataḥ sa eva antaraṅgaḥ 
svālakṣaṇyāpattau | etadeva upapādayati tayoreva iti deśakālayoḥ 
pūrvāparādirūpatvena | deśo dūratvādūratvādilakṣaṇaṃ 
paratvāparatvavaicitryamullāsayati, kālastu navapurāṇatādilakṣaṇam | 
nanu parasparamābhāsānāṃ tulyame-lane ko'tra niyamo yat 
sadābhāsastābhyāmābhāsābhyāṃ militaḥ 
svalakṣaṇamarthakriyākārīti ca ucyate, natu jātu deśābhāsaḥ 
kālābhāso vā ābhāsāntaramiśritaḥ iti | atra ucyate nityameva iti | yat kila 
prathamā-nirdeśyaṃ pṛthakparāmarśapadavīmavatīrṇaṃ, tadeva vastu 
pradhānaṃ dravyamarthakriyākārīti yuktam | deśakālayośca tathātve 
diśyate'nena, kalyate'neneti yadanyaparatantraṃ rūpasarvasvaṃ, tadeva 
vighaṭitamiti svatantrābhāsarūpatve 
tayordeśakālābhāsāntarasaṃbhedenaiva svalakṣaṇībhāva ityeṣa eva 
unmīlati pakṣaḥ | tau ca upasarjanībhūtau kiṃ kuruta iti cet, āha 
vyāpinitya iti ābhāsaṃ mūrtitaḥ kriyātaśca prasisīrṣuṃ saṅkocayataḥ, 
saṅkucitaśca upayujyate saṅkucitasvabhāvasya pramātuḥ | evaṃ melanaṃ 
nāma yat, tadeva svalakṣaṇam | nanu yasya sadābhāsasya unmīlanaṃ 
svalakṣaṇaṃ, sa sadābhāsastasya svalakṣaṇasya bhedakatāmāpanno 
bhedyaśarīratādātmyena vartamānaṃ yuktaṃ yat bhedyavṛttāntamudvahet 
| bhedaśca saṅkucitasvalakṣaṇātmā, tatastenāpi yuktaṃ saṅkucitumiti 
vinaṣṭaṃ sāmānyaṃ syāt | tataśca kathamucyate nityavyāpirūpaṃ 
sāmānyamiti | etat

(page 50)

samādhatte viśeṣaṇatve iti viśeṣyabhāgo hi pradhānam, tatraiva ca 
viśeṣaṇakṛta upakāro yuktaḥ, natu upasarjane viśeṣaṇabhāge | tato nīlaḥ 
paṭo mṛduriti mārdavaṃ viśeṣaṇaṃ nīlatāṃśe viśeṣaṇe yathā 
akiñcit-karam, tathā sāmānyātmani ābhāsavarge viśeṣaṇabhūte 
deśakālaviśe-ṣaṇaṃ na saṅkocaṃ vidhatte | tatra iti viśeṣaṇatve | tasya 
iti sāmānyasya | kimato jātamityāha tadāca iti yaduktametat, tato 
hetorityarthaḥ | khyāpyante iti ekalolībhāvena bhāsanāt | bhāsanasya tu 
pradhānabhūtaṃ yat vimar-śākhyaṃ jīvitaṃ, tadviśeṣarūpaṃ vikalpo 
yadādiśati; tadbhāvastattva-miti darśayati tathāpi iti | prāyeṇa iti 
vākyārthavikalpo'pi ayamadhunā iha ghaṭa iti yadā yadā 
puro'vasthitaghaṭābhāsaḥ tadā tadā itthamudeti,-iti 
prātisvikadeśakālatattvasvīkārāyogāt sāmānyaviṣaya eva | ata eva āha 
syāt iti | tatra hi tatkālasannihitavaktṛśrotṛpratyakṣādipramāṇāntarasa-
civāt tato vākyāt vivikṣitaviśeṣapratipattiḥ kāmaṃ saṃbhāvyate, natu 
vākyārthavikalpo niyatatatsvalakṣaṇasvīkārākṣamaḥ | tata eva

     camasenāpaḥ praṇayanti vrīhīn prokṣati ṣoḍaśinaṃ gṛhṇāti |

ityādau laḍapi na viśiṣṭaṃ vartamānāvabhāsamavagamayitumalamiti 
śabdāt pratīyamāno'rtho'ṅgulinirdeśādisāhāyyakamantareṇa deśa-
kālānavacchinna eva pratīyate iti ayatnasiddho'yamarthaḥ | etacca pramāṇa-
lakṣaṇe bhaviṣyati | iyatā anuvyavasāyavyāpāra eva sāmānyakriyādi-
tattvaṃ pratyujjīvayati | yat prakṛtaṃ, tat nirūpitamiti upasaṃharati evaṃca 
iti | asmin iti yatra svalakṣaṇasāmānyarūpatā cintanayogyā, tādṛśe | na 
tadā iti mānasāvasāyakāle | sāmānyam ityatraiva cchedaḥ | atra hetuḥ

(page 51)

deśādi ityādi sambandho'pi tadā iti kriyāpi tadeti sambandhaḥ | 
granthāntaraṃ heturūpam | uktam iti mano'nuvyavasāyi iti kalpanāḥ iti 
ca | vakṣyate iti

     ----------------------------------ālambante vikalpanāḥ | (2|2|5)
iti || 3 ||
     evamiyatā saṃvṛtau vikalpabuddhau sphurataḥ sāmānyādeḥ 
saṃvṛtisattvaṃ nāma sattvaviśeṣa eva avatiṣṭhate, na 
dvicandrādivadasatya-teti upapāditam | tatra ayamavataraṇakramaḥ 
saṃvidaḥ-sarvamidaṃ svātan-tryāmarśanalakṣaṇāyāḥ 
kriyāśaktervijṛmbhitam-yat saṃbandhasāmā-nyādi | tatrāpi 
sambandharūpataiva anekaikarūpatālakṣaṇā sarvatra tāttvikaṃ rūpam | 
tatra tu asādhāraṇarūpāntarayoge nāmāntaram | aneka-vyaktigrāmasya ya 
aikyātmā sambandhaḥ, tatra gāva iti vyapadeśāntara-sahiṣṇutvaṃ; tatra 
sāmānyavācoyuktiranekakṣaṇapravāhe āśrayabalā-dekībhavati spandate 
iti vyapadeśabalāt kriyāvyavahāraḥ, tantūnāmaikye paṭo'yamiti 
dravyavyavahāraḥ, bālyādyavasthānāmaikye avasthātṛvyava-hāraḥ | 
evamanyatra | vyapadeśāntaragranthivandhyatāyāṃ tu nirviśeṣā 
saṃbandhabhāṣaiva, prātipadikārthāt tu yadatiriktaṃ bhāti, tat sambandha 
eva sarvam | tata eva

     bhedābhedātmasaṃbandhasahasarvārthasādhitā |
     lokayātrā----------------------------------------------|| (ślo. 1)

iti uktaṃ sambandhasiddhau bhinnasāmānyavādibhirapi samavāyasya 
sambandhasya anugṛhṇāti sambandhaḥ iti nītyā sambandhena vā 
anugṛhītasya aṅgīkaraṇāt | sambandhaśca ekānekatāmayaḥ 
pramātṛsvā-tantryātmakakriyāśaktimahimnā | tataḥ sambandhaḥ eva 
pramātraikyasiddhau mūlaṃ


(page 52)

     -----------------------sambandhe sāvadhānatā | (vi. bhai. 106)

ityukteḥ | tatstameva vicārayituṃ sūtraṃ

     svātmaniṣṭhā viviktābhā bhāvā ekapramātari |
     anyonyānvayarūpaikyayujaḥ saṃbandhadhīpadam || 4 ||

     rājā puruṣaśca viviktatvena yato bahirbhāsete, tataḥ svātmanyeva 
samāptau tathāvidhāveva yadā ekasmin pramātari aikyaṃ bhajataḥ | tacca 
na aikyamātraṃ svarūpavigalane sambandhāyogāt, kintu paraspararūpa-
śleṣasamakālanimajjadunmajjadbhedābhedakoṭidvayadolāyantrarūpaman-
vayalakṣaṇam; taccāpi na pramātraiva saha, apitu anyonyaṃ rājñaḥ 
puruṣaḥ, yadivā tasya rājeti | kevalaṃ tadbhāvagamane saṃvitsparśaḥ 
eṣāmupāyamātratvena aṅgīkriyate kanakapṛṣatamelane agniriva svarūpa-
malumpanneva | tādṛśena aikyena yujyamānau tau tau bhāvau sambandha-
buddheḥ rājñaḥ puruṣa ityādikāyāḥ padaṃ viṣayaḥ | sarvatra dviṣṭha 
eva saṃbandho yadyapi kathitanayena, tathāpi sambandhavyaktīnāmānantya-
mabhidhātuṃ bahuvacanamiti sūtrārthaḥ | nanu amāyīye pade abhedasya 
ekarasatā, māyāpade bheda ekarasaḥ; bhedābhedajīvitastu sambandhaḥ 
kāṃ daśāmadhiśetāmityāśaṅkya māyādaśāmeva śuddhadaśā-
kṣepeṇaiva vartamānāmiti darśayati kartṛkarma ityādinā buddhiḥ ityan-
tena | antaḥkaraṇapravṛtteravasare māyāpramātari ullasite lokavyavahārāḥ 
pravartante, natu pūrvam | tadāhi saṃsāripramātā anabhivyaktaḥ | nanu 
tadāpi samastabāhyendriyakaraṇam, tacca paraśuriva cchedakapuruṣasaṃ-
sargaṃ chedyasaṃparke'pi pramātṛsaṃsargaṃ prameyasaṃsargaṃ ca na 
ujjhatyeva,-iti bahirapekṣayā bhedo'ntarapekṣayā ca abhedo'styeveti 
bhedābhedātmasambandhamayo vyavahāraḥ kasmādanabhivyakto'bhidhī-
yate,-iti codyamanūdya pariharati

(page 53)

tāvatī iti | sā hi paśorapi sadāśiveśvaradaśeti pratipāditameva | tasyāṃ 
ca abheda eva viśramo bhedāṃśasya ācchādanāt | nanu māyāpramātari 
abhivyakte bheda eva ekarasaḥ,-iti punarapi kathaṅkāraṃ bhedābhedamayā 
vyavahārāḥ | etadapi pariharati mukhya iti | prakāśamayatvaṃ hi na 
bhāvāt kadācit vicalati | prakāśaśca tadā dehādisaṅkocābhāsabhāgī 
api svarūpādapracyuta eva | yadajaḍapramātṛsiddhiḥ

     tadātmanaiva tasya syāt kathaṃ prāṇena yantraṇā | (ślo 21)

iti | tato māyīye sthite'pi bhede prakāśamahimnā na abhedo vicyavate | 
ekaika iti eka eva asau māyāpramāturvyāpāro yena saṃbandharūpaṃ tat 
bhāvadvayaṃ sṛjyate ca prakāśyate ca vimṛśyate ca | vibhinnam iti 
pūrvasyā asaṃbandhāvasthāyā vilakṣaṇamityarthaḥ | ata eva vikalpa-
vyāpāreṇa pramātṛsaṃbandhinā ullāsitatvādantaḥkaraṇagamyatvena 
asādhāraṇatvāt pramātṛbhedena bhāvasya sambandhavaicitrye 
sambandhā-vasthā ca bhavantī na duṣyati | kvacana ābhāsāṃśe hi 
parameśaḥ kadāci-dāmiśrayati pramātṝn, anyāṃśca viyojayati,-iti 
uktaṃ bahuśaḥ | nanu bhedābhedamayatvameva sambandhalakṣaṇamiti 
guṇapradhānatādinā sambandhinorvaicitryaṃ kutaḥ, kutaśca 
sāmānādhikaraṇyādibhedena ṣaṣṭhī, daṇḍakapaṭhitabhedasaṃbhāreṇa 
ca saṃbandhavaicitryam,-ityā-śaṅkāṃ parākaroti tacca iti | na khalu 
ekarasatayaiva ābhāsānāṃ saṃyojanamiti hi uktam | nanu mānase 
vikalpe'bāhye bāhyaṃ rūpaṃ na sphuratyeveti śaṅkāṃ parihartuṃ 
svadarśanaṃ smārayati manasāpi iti | ata eva iti yaduktaṃ bahirantaśca 
iti tato hetoridamavatiṣṭhate ityarthaḥ | parihṛtaviruddhadharma iti 
yaduktaṃ, tadeva spaṣṭayati bāhyāntaratayā

(page 54)

iti | nanu evaṃ bhinnaviṣayatayā kāmaṃ virodhaḥ parihṛto bahirbhinnaṃ 
antarabhinnamiti, iyatā tu ekasya etadrūpamiti na siddhaṃ bāhyāntaratvena 
ābhāsayorbhedāt | etadapi pratisamādhatte vimarśabalādeva iti || 4 ||
     atha sambandhānugrahādaikyānaikyamayatve'pi yathā 
vailakṣaṇyaṃ jātyādyavabhāsānāṃ, tathā bhedāntaramabhidhātuṃ 
prakramate

     jātidravyāvabhāsānāṃ bahirapyekarūpatām |
     vyaktyekadeśabhedaṃ cāpyālambante vikalpanāḥ || 5 ||

     jātyavabhāsānāmābhāsaparamārthānāṃ jātīnāṃ yā 
grāhikā vimarśikāśca kalpanā vikalpabuddhayaḥ, tā na kevalamantareva 
aikyaṃ bahiśca anaikyameva viṣayayanti; yāvat bahirapi ekagotvānugamā-
daikyamekaprātipadikaprayogaprayojanaṃ bahuvacanaprayogopayoginaṃ ca 
āśrayabhūtavyaktiparigrahāvaśyaṃbhāvinaṃ vyaktigataṃ bhedamālam-
bante prakāśayanti vimṛśanti ca imā gāva iti bahirmukhatayaiva abhedasya 
viśeṣaṇatayā bhedasya ca viśeṣyatvena uparañjanīyatayā pratīteḥ | evaṃ 
dravyāvabhāsānāṃ kalpanā bahirapi ekatāmavayavabhedaṃ ca 
ālambante ghaṭa iti niḥsandhibandhanatayā ekasya vaitatyena ca 
anekāvayavasya prati-pattiryataḥ | ābhāsasāratayā ca citrasaṃvedanavat na 
virodhaḥ kaścit raktāraktādibhede'pi,-iti sūtrārthaḥ | enamavatārayati 
saṃbandha iti | nanu cākṣuṣe mā nāma ābhāsāntarāṇi ābhāsiṣata, 
deśakālābhāsau tu iha adhuneti kathaṃ vyapagacchataḥ | itthamityāha 
yadā iti sāmānyena deśakālānavadhānena ca yadā prakāśaḥ | paśorapi 
ghananidrāmūr-cchāmadānantaraprathamaprabodhādyavasareṣu tadā 
vastumātrāvabhāsaḥ | svarūpabhedaṃ hi yuktvā na tatra aparo bhedaḥ 
pratibhāti | svarūpaṃ ca ābhāsamātrameva |

(page 55)

sa iti gomātrāvabhāsaścākṣuṣaḥ, cākṣuṣe iti saptamyā pāṭhe 
vyavahāre iti mantavyam | prathamāpāṭhastu spaṣṭaḥ | sa iti yaḥ sāmānya-
sya lakṣaṇatvena uktaḥ samānānāṃ bhāvaḥ | tadāpi iti na ekābhāse, 
nāpi anekābhāsa ityarthaḥ | sampadyate iti kāṇādadarśane'pīti manyate | 
tathā ca hetuḥ ayuta ityādi | tathāhi tatrabhavān

     ātmāntarasya yenātmā tadātmevāvabhāsate | (vā. pa. 3|3|9)

iti | ata eva iti yaduktaṃ-ekānekarūpatā īdṛśī cākṣuṣe na avabhāti-iti 
vistareṇa, tato hetorityarthaḥ | syāt iti yuktyā saṃbhāvyate tāvat sannihita-
vastvavabhāsitatvāt cākṣuṣasya sāmānyāvayavyādeśca sarvasādhā-
raṇatayā spaṣṭasya tadāpi sannidhānāt | yadāha kaṇavratamuniḥ

     rūpidravyasamavāyāccākṣuṣāṇi sāmānyāni | (4|1|11)

iti | anabhivyakteḥ iti bhedātmakarūpalakṣaṇaprādhānyenaiva 
pratītiviśra-maṇādityarthaḥ | caitra iti | yadyapi ghaṭādikamapi 
avayavisaṃmatameva tathāca vakṣyati tilasyānyatastilāt ityādi, tathāpi 
ayamahametāvat gacchāmi tiṣṭhāmi veti ekatāparāmarśasya na kathañcit 
jīvaśarīre vyabhicāro'sti,-iti darśayitumevamuktam | ghaṭo hi 
gṛharathagrāmasenādi-vat samudāyasvabhāvo'pi ekārthakriyākārī 
syāditi bhavedapi saṃbhāva-nā | bālādyavasthā iti | na atra 
avasthānāmaikyānusandhānaṃ vivakṣitaṃ tasya 
avayavibuddhāvaprayojakatvāt, apitu etāvānahamayamadya 
pūrvarūpādetāvatā bhinnavaitatyo niḥsandhibandha itīyati atra tātparyam | 
ata eva bheditairavayavirūpairāviṣṭa eka iti uktam, evaṃ prameyasya 
rūpasaundaryamevaṃbhūtaṃ yat kalpanābuddhau, tadavabhāsa iti

(page 56)

uktam | adhunā tu pramātṛsvarūpaparyālocanāto'pi evameva yujyate iti 
darśayati pakṣāntaraṃ parigṛhṇaṃn athavā iti pramātā ca iti 
māyocitaḥ | sambandhamukhaprekṣi ca sarveṣāṃ jātyādyābhāsānāṃ 
rūpamiti vyāpakamukhena api vyāpyasya itthameva yuktamiti tṛtīyaṃ 
prakāraṃ darśayati samuccayadvāreṇa sambandhādīnāṃ ca iti | 
tatprasaṅgādapi iti ekapraghaṭṭakatvena ekarasatvāt | saṃbandhavadeva 
atra yuktaṃ kalpanāviṣayatvam | sambandhasya ca vyāpakatvāt vyāpyasya 
tadeva rūpaṃ prasajyate ityapi mantavyam | nanu ekavacane tarhi 
sāmānyamekameva avamṛṣṭaṃ, na svalakṣaṇabheda iti tatra na syāt 
samānānāṃ bhāva ityevaṃrūpasya sāmānyasya pratītiḥ | atra ucyate 
yatrāpi iti svalakṣaṇā-saṃsparśe hi kā saṅgatirānayetyādeḥ | nanu na 
bahūni svalakṣaṇāni sphuranti pratipattuḥ prayokturvā atra imā gāva 
ityādāviva bahutvasya apratīteḥ | etadāha yadyapi iti | atra samādhiḥ 
tathāpi iti | chāyāpi iti sāmānyamātrameva śuddhamiti | kiṃ tarhi 
parisphurati | āha eṣām iti govyaktīnāmekatamā vyaktiryā hṛdaye 
parivartamānā kṛṣṇā ca ānataśṛṅgā ca utthitā ca anyādṛśī vā yathā 
yathā saiva parisphurati atra prayokturanyasya ca na sā sphurantī saiveti 
niyamena proktā prakāśate, apitu tatpramukhīkāradṛśā, sā yatheti sāpīti 
saivetyabhāvarūpā ceti amunā rūpeṇa aniyatameva tat vastu bhātaṃ 
bhavati aniyatatvādeva svalakṣaṇebhyo vilakṣaṇamapi tāni svalakṣaṇāni 
abhedena svīkurvāṇam | aniyatatve yuktyantaramapi āha ataśca iti | yadi 
nāmapadamavyutpannamidaṃ tama-----------vā, tadā ekatamamiti vā 
pāṭhaḥ | atha ekācca prācām (pā. sū. 5|3|94) iti ḍatamajayaṃ,

(page 57)

tadā ḍatarādipāṭhādaḍḍādeśe ekatamaditi | pratipattā iti prayoktā 
prati-pattā ca atra vivakṣitaḥ | pratītānuṣṭhātṛtā prayoktari, 
pratītapratipāda-katā pratipattari, pratītā ānetṛtā | etaduktaṃ bhavati-
prayoktrā kṛṣṇa-cchāyopakrame gavi hṛdayasthe yadā śabdaprayogaḥ 
kṛtaḥ, tadā śukla-cchāyamapi puraskṛtya pratipattā gāṃ pratipattuḥ 
kapilavarṇamapi yadi ānayati, tadubhāvapi kṛtimāninau bhavata eva | tat yadi 
aniyamo na syāt, kathamitthamupapadyate | aniyamācca 
aśeṣasvalakṣaṇapratipattirayatnasiddhā | yatra iti rathapratibhāse | 
anantarameva iti rājapuruṣādisambandhanyāyena | saṃyogena iti 
asamavāyikāraṇatayā nirbhāsamānena saṃyogābhyāṃ 
saṃyogairvetyarthaḥ | kāryadravyam iti yasya na kevalamāntarameva 
ekatvaṃ dvitīyamapitu bāhyam | etadeva sphuṭayati yasya iti | etadvailakṣa-
ṇyaṃ tu rathādau darśayati rathādiṣu hi iti | saṃyogo'pi antar iti | 
evaṃhi tatra pratipattiḥ-aho suśliṣṭamidaṃ, suyojitamidaṃ 
sughaṭitamidaṃ carmaṇā saha kāṣṭhalohamṛdādi-iti, natu ghaṭe eṣa 
pratibhāsaḥ-kapā-lāni imāni yojitāni bhānti-iti | nanu 
ghaṭacaitrādiprakāśe'pi kapālapā-ṇyādikameva pratibhāti, tacca evaṃ 
yena digbhedabhinnavastugrahaṇakṛ-tyaṃ vaitatyaṃ nirbhāsate | atra āha 
caitra ityādi | na asmābhiravayavapra-kāśo'pahnutaḥ, apitu 
ekaghananiḥsandhibandho'vayaviprakāśo bhavanneva 
avayavaprakāśākṣepeṇa bhavati,-iti brūmaḥ | nanu ta eva avayavā 
ekārthakriyākaraṇopādhibhedāt rathādivadekatayā nirbhāntu, kimanyena 
ekena avayavinā kalpitenetyāśaṅkya ekapratibhāso'tra anapahnavanīya iti 
darśayati yadica iti | atyanta iti | anena dṛṣṭasajātīyatayā

(page 58)

tatrāpi aikyābhāsa iti vacanāvakāśaṃ vyudasyati | ekadeśamātrakam 
iti dākṣiṇātyo hi na karabhasya grīvāmātraṃ smarati | sa iti ekadeśaḥ | 
pratheta iti pratyakṣe | pratyuta iti | vaitatyāvabhāso yaḥ pareṇa avayava-
mātramatra prakāśa ityatra hetūkṛtaḥ, tena pratyuta avayavino'pi prakāśa 
ākṣiptaḥ | vitataṃ hi bhāsamānamekabhavabhāsate | yatratu bahuṣu 
ghaṭeṣu vaitatyapratītiḥ, tatra bhrama eva ekatvākṣepeṇa yato vitatatā bhāti 
| tadayaṃ viruddho heturiti | bāhyavāde'pi iti śuddhe kāṇādadarśane 
evaṃ, kiṃ punarasmaddarśane iti yāvat | atra bāhyavādaśabdamākarṇya 
svaṃ pakṣamudgrāhayan pūrvapakṣitvena śaṅkyate atha ityādinā 
syāditi ityantena | asambhavam ityādinā naca parisamāptyavadhirasti iti 
samādhī-yate | tadā'pivā ityetat atyantādṛṣṭapūrvam ityasya 
samādhānam | tāvatparamāṇupuñjātmā karabho hi dākṣiṇātyasya 
vismayasvabhāvaṃ sukhaṃ, bālakasya vā trāsasvabhāvaṃ duḥkhaṃ 
janayet | tadarthakriyo-pādhibalādeva ekatvamaupādhikam | 
svapakṣamupasaṃharati sarvathā iti | nanu niviḍatā sthūlatvaṃ ca yat 
bhāti, tat paramāṇuṣu nāsti tāvat; tadetat kutratyaṃ bhātu | atra āha 
anekasya iti aṅgulipañcakaṃ hi yugapat gṛhya-māṇaṃ 
ekakapratibhāsavilakṣaṇasthūlarūpatayā bhāti antarālasya ca 
asattvādevavā pratibhānaṃ nīlarūpamadhye śuklāderiva sata evavā 
rasāderiva atadindriyavedyatvāt | tadantarālasya apratibhānādeva 
idamekaghanamiti pratibhāso

     -----------------------dūrādekaghanaṃ vanam |

itivat | anekasya yugapadgrahaṇe antarālasya ca agrahaṇe evameva pratibhāsa 
upapadyate aucityāt sthūlamekaghanamiti, natu anyathā |

(page 59)

tataḥ pratibhāse sati bāhyasya ayaṃ dharmo bhāti, pratibhāsasyaivavā 
sākārasaṃvedanavāde jñānākāralakṣaṇasya eṣa dharmo, na bāhyasya, 
-iti tathābhāso'yamavayaviprakāśa iti na yuktaṃ gaditum | evaṃ 
pratyakṣaṃ pramāṇaṃ yat pareṇa darśitamavayavisiddhau

     sarvāgrahaṇamavayavyasiddheḥ | (nyā. 2|1|34)

iti sūtreṇa, tat nirākṛtam | atha

     dhāraṇākarṣaṇopapatteśca | (nyā. 2|1|35)

iti yadanumānamuktaṃ, tadapi nirākaroti hetumanyathāsiddhīkurvan 
paramāṇusañcaya ityādinā | svabhāvavaicitryāt iti, ghaṭādīnāṃ ye 
paramāṇavasteṣāṃ svahetubalena tatsattānurūpānubandhitayā utpādāt, 
ghaṭādīnāṃ ca ye bhoktārastatkarmāṇi tatra adhipatipratyayaḥ | 
vāśabdaḥ samuccaye | etacca avayavivādināpi saṃyogānāmasamavāyi-
kāraṇānāṃ parirakṣaṇāya pavanasaṃyogādisaṃbhāvyamānodayavi-
bhāgārambhakakarmānutpāde nidānamavaśyopetamiti | evaṃ prasādha-
kaṃ pramāṇaṃ parākṛtya bādhakamavayavini darśayati eka ityādi | eṣa 
svarūpāgato bādhakaḥ | dhāraṇaguṇapūrvaprakramadharmamukhena api 
tamāha dvyaṇukādi iti | tathaiva tantugatāni rūpāṇi paṭagataṃ ca rūpa-
miti pareṇa gṛhyamāṇe rūpavattva-------------------------ca svakāryāpātama-
dhikaṃ vidadhyuriti tattattulāvamānāt paṭe adhikādhikaṃ tulāyā 
namanaṃ bhavediti | atra pūrvapakṣe pratividhānamucyate | tatra 
saṃkṣepeṇa tāvat sarvametadayuktīkaroti syāt ityādinā arthāḥ ityantena 
| eṣa doṣaḥ iti sādhakābhāvabādhakasadbhāvarūpaḥ | atha etadeva 
sphuṭayati evaṃca iti asmin saṃkṣepe sthite ityarthaḥ | pareṇa ca 
paramāṇūnāṃ samūha eva itthaṃ bhāti,-iti yaduktaṃ, tatra 
samūhapratibhāse

(page 60)

prasiddhaṃ yat vibhaktāvabhāsatvamantarālāgrahaṇotthāpitasaṃyogaṃ 
nāma sahakṛtādeva vyāpakatvādekarasabhedodbhidyamānaṃ vyāpakaṃ, 
tat darśayati rāśi iti | tadanupalabdhiṃ prakṛte ghaṭayati yo'yaṃ 
caitrāva-bhāsaḥ ityādinā | nanu yadi eka eva, kathaṃ tarhi uktaṃ-
ekānekātmā avayavīti | etadāha vibhāgānavabhāsāt punar ityādi | 
atra uttaraṃ tathāpi iti | tat iti pāṇyādīnāṃ pṛthak 
yo'nekatvāvabhāsaḥ, taṃ vyabhi-carati yo vaitatyāvabhāsastadrūpo 
yataścaitrāvabhāsaḥ; tasmādekāneka-tvam | tata eva uktaṃ -
vaitatyamavabhāsamānaṃ sati eva vāstave ekatve bhāti-vitato'yamekaḥ 
paṭa iti | vitataṃ vanamityādau tu ādhārabhūta-
dharaṇīgolakagatādekatvādevamavabhāsaḥ | etadeva sphuṭayati caitre hi iti 
| tasyaiva iti avayavigatasya | ekāvayavivyāptatayā eva bhāntaste 
avayavatvena bhātā bhavanti, itarathā tu svatantrā eva 
ayogolakanikarakalpāḥ kasya avayavatayā bhāseran | etat saṃkṣipati ata eva 
vibhakta ityādinā | āntaram iti natu bahiḥ | evaṃ pratyakṣameva 
pramāṇamavayavisiddhau pariśodhya anumāne bharamakṛtvaiva 
svarūpagataṃ bādhakaṃ nirasyati ata eva iti | tathaiva iti nahi tat raktaṃ, 
araktaṃ vā kiñcit | citrameva tu tadavayavino rūpam | aparamapi parāsyati 
tulya iti svapnamāyāsaṅkalpagata iva ghaṭa-
paṭādirdvyaṇukādiprakramamanādṛtyaiva utpadyate iti vakṣyate nirupādā-
nāmicchāmātropādānāṃ vā bhāvasṛṣṭiṃ nirūpayatā | niyativaśāt 
tu tathākramāvabhāse'pi paramāṇuṣveva gurutvamavayavinipātakāri 
bhavatu nityam, natu gurutvamavayavini utpadyate | yadivā sadapi gurutvaṃ 
tathā na utpannaṃ yena pātādhikyaṃ kuryāt | vicitrā hi 
bhāvasvabhāvāḥ | ghanāvasthāsthaṃ lavaṇaṃ jalasaṃyogi

(page 61)

karoti tulānativiśeṣaṇam, tadeva tu drutaṃ na karoti sadapi 
rasātiśayopalam-bhāt | makṣikāsahasramalikulamapi ca 
kṣaudrapūrṇapātre na tulāmadhi-kaṃ namayatīti | ata eva iti 
yato'vayavānām, ato'tra bahutvam | uktam iti yadupakrāntaṃ 
ekānekāśrayāḥ iti, tadiha sūtre nirṇītaṃ prāgevetyarthaḥ | vivṛtam iti 
vṛttau || 5 ||
     kriyākārakasambandhe'pi bhedābhedau vimṛśyete sūtreṇa, 
tatprasaṅgena ca digādisvarūpaṃ

     kriyāvimarśaviṣayaḥ kārakāṇāṃ samanvayaḥ |
     avadhyavadhimadbhāvānvayālambā digādidhīḥ || 6 ||

     ananyatrabhāvalakṣaṇā nimittatā atra viṣayārthaḥ | vṛttigranthe'pi 
evam | kārakam iti dravyaṃ śaktiśca | tadiyaṃ yojanā-śaktyādhārā-
ṇāṃ dravyāṇāṃ yaḥ samanvayaḥ, sa saṃśleṣakajatusthānīyakriyā-
parāmarśanimittako yathā pramāṇaprameyayoḥ pramānimittakaḥ; pramā 
ca pramātṛviśrāntatā,-iti kartari cidrūpe yadabhedagamanaṃ bhinnānā-
mapi kārakāṇāṃ, sa eva samanvayaḥ | evaṃ kāṣṭhasthālyādīnāṃ 
paktari vācyam | evaṃ kārakaśaktīnāmapi samanvayaḥ kartṛviśrāntipar-
yanta eva kriyāmukhena tadullāsāt kriyāyāśca kartari viśramaṇāt | evaṃ 
kriyāyāḥ svalakṣaṇāpekṣayā ādikārakāpekṣayā ca yo bhedo, yaśca 
ekakartṛviśrāntyā phalaikyena ca abhedaḥ; sa eva samastasambandhajīvita-
bhūtaḥ | asmādidaṃ paramaparamiti ca yā dikkālabuddhiḥ, sāpi avadhima-
vadhimantaṃ bhinnameva santamantarabhedapurvakaṃ bhedāvamarśana-
madhyamabhedaparyantatayā melayantī sambandharūpatvapradhānaiva | 
tatrāpica cetanasya yā parāmarśakriyā, saiva vijṛmbhate iti 
kriyāśakterbhagavatyā ayaṃ sarvaḥ

(page 62)

sphāra iti tātparyamiti sūtrārthaḥ | grahaṇakasūtraṃ

     kriyāsambandha-----------------------------------| (2|2|1)

ityādi | tatra kriyāyā eva tāvat bhedābhedau kārakamukhena upapādayan 
bhedaṃ tāvadāha kārakāṇām ityādinā | tadrūpoparāgāveśena ca 
kriyā bhātā,-iti bhedarūpatvamasyāḥ | tathā āha kārakavārtike

     bhinnaṃ paceḥ svarūpaṃ kārakabhedena tadbuddheḥ |

iti kriyābuddheḥ | atha abhedamapi āha pacatīti ca iti cakāreṇa bhedena saha 
abhedaṃ samuccinoti | pacati-iti amutra parāmarśe 
kriyābuddherabhinnaviṣa-yatā, yata etadrūpaḥ pākasvātantryamayo yaḥ 
kartā, tadekāviṣṭatayā sā kriyā tayā buddhyā viṣayīkriyate | tasya ca 
karturekarūpatvaṃ paramārthaḥ | etaduktaṃ bhavati-kāṣṭhaiḥ 
sthālyāmodanaṃ caitraḥ pacatīti vākya-gamyo'rthaḥ, sā tattvataḥ kriyā, 
tata eva ākhyātaśabdo vākyamiti ucyate atrabhavatā | tatra ca kāṣṭhagataṃ 
jvalanādi, sthālīgataṃ santapanādi, taṇḍulagataṃ vicaṭanādi ca yat; tat 
pākarūpamityevaṃ bhedena āmarśe sphuratyapi 
caitracetanasvātantryaviśrāntyāmabheda eva paryavasyati | etat-
prameyamupasaṃharati kriyāmatirapi iti | na kevalaṃ sambandhadhīraneka-
viṣayā,-iti apiḥ | nanu pūrvameva uktametat

     sakramatvaṃ ca laukikyāḥ kriyāyāḥ---------------| (2|1|2)

iti | satyam, idaṃ tu anyathā bhedasya nirūpaṇam | tadāha na kevalam iti | 
kartraikyācca iti na kevalaṃ phalaikyāditi yāvat | evaṃ kriyāmekāneka-
rūpāmupapādya vṛttigranthasya matiḥ ityantasya tadvyākhyātasya 
ślokārdhasya ca prakṛtamarthaṃ tātparyeṇa vyācaṣṭe tatra iti vṛttigranthe 
ślokārdhe ca | kārakatābuddhirapi

(page 63)

yā, sā bhinnānāmapi kārakadravyāṇāṃ bhavantī ekaviṣayā api aneka-
viṣayā kārakatāyāṃ buddhirityetadatra uktam | kriyākārakatābhāvaprati-
patteḥ śeṣasambandhapratipatteśca ekānekaviṣayatāyāṃ tulyāyāṃ 
vailakṣaṇyamāha rājñaḥ iti pratipatturityarthaḥ | nanu śeṣasambandhe'pi 
kriyākārakapūrvakatvamuktam,-ityāśaṅkya āha atrāpi vā iti natu 
tasya pṛthakparāmṛśyateti bhāvaḥ | digdeśakālā vimṛśyamānā 
āntarameka-tvamāśrayante yataḥ prāgvyākhyātayā sambandhapratītyā 
viṣayīkriyante | te hi dvitīyasambandhyapekṣayā pūrvāparatvena 
vyavatiṣṭhante | etadeva udāharaṇena darśayati eṣo'sau ityādinā, 
madhyamadūranikaṭāvamarśo-'yaṃ krameṇa | kālo'pi ityādi 
kālodāharaṇam | adhunā iti pṛthakkāla-parāmarśaḥ, ayamiti tu 
bhāvagatāvasthānakriyayā ekaśīlasya vartamā-nasya, sa iti 
atītānāgatayoḥ | ubhayatrāpica vimṛśyamānaḥ iti hetuśāna-jantaṃ 
sambandhanīyam | evaṃ yato deśaḥ kālaśca vimṛśyate, tataḥ sarvathā ete 
digādayo vimṛśyamānapūrvāpararūpatvena vyavatiṣṭhante, tato 
bahirbhinnaviṣayā āntaramabhedamāśrayante iti saṅgatiḥ | anuktamapi iti 
sūtre | nanu evaṃ bhedābhedamayatvaṃ sarvatra tulyamiti sāṅkhyādī-
nāṃ ko bhedaḥ,-ityāśaṅkāṃ śamayituṃ na ekarasatayaiva sarvatra 
ābhāsānāṃ pramātṛviśramagamanam, apitu pramātuḥ 
svātantryādanan-takalpena vaicitryeṇa,-iti darśaṃyati saṃkhyāti iti | 
saṃkhyāyamāna eva arthaḥ saṃkhyā parasparavyavacchedane yadā 
pratīyate, naca vyāvṛtti-mātrarūpatayā nīlānīlavat, apitu 
parasparāpekṣayā, naca tayaiva kevalayā itaretarayogapratītivat, apitu 
parasparavyavacchedakatveneti |

(page 64)

etaduktaṃ bhavati-iha bhāvābhāse yadā ābhāsāntaraśaṅkāśamanaṃ 
kartvavyaṃ bhavati, tadā ābhāsāntareṇa nirākriyamāṇena avacchidya-
māno bhāva eka iti ucyate | tata eva ekavacanāt śabdasaṃskāramātreṇa api 
caritārthīkartuṃ śakyādekaśabdena abhidhāne viśeṣaḥ pratīyate-ekaḥ 
śivaḥ śaraṇaṃ asmākamiti | evamarthāntarāvacchedenaiva 
idamarthāntara-miha kārya iti dvitvasaṃkhyā | tata eva dvāveva  puruṣāviti 
prayogaḥ | tatra hi na anyaḥ praveśaṃ labhate iti pratipattiḥ | dvāvapūpau tu 
uktāviti anyā-praveśaḥ kathañcidapi na tatparivarjanaṃ tena vinā na 
anyasya tatkriyopayoga ityevamābhāsān melayati pramātā | evaṃ traya 
ityādau parārdhānte para-sparāvacchedena tadupayogo bahuśākho 
mantavyaḥ | tatra ca āścaryānāś-
caryaharṣaviṣādādyarthakriyāsahasrasaṃbhedaḥ | tata eva samyagiti 
prādhānyena cet bhāvasya ākhyānaṃ, tadavaśyamāgacchati svarūpasya 
ābhāsāntareṇa apekṣyamāṇena anapekṣyamāṇena vā cchedaḥ | tata 
ucyate

     na vinā saṃkhyayā kaścit sattvabhūto'rtha ucyate |

iti | tatra tu prātipadikārthasya saṃkhyābhāsa upasarjanabhāvaṃ 
pratipadya-te | vibhaktyarthasya hi svabhāvo'yaṃ-yat prātipadikārthe 
guṇībhāvaḥ | tata ekādiśabdaiḥ parasparāvacchedābhāsaḥ 
prādhānyena avamṛśyate | tena ca vasturūpameva 
saṅkhyātadvibhedātmakam | saṅkhyā tu bhedagaṇanātmiketi ucyate | 
parimāṇamapi iti

     aṇu mahat hrasvaṃ dīrghaṃ ca |

iti yat parimāṇaṃ kāṇādānāṃ prasiddham, tatra hrasvaṃ dīrghaṃ ceti 
adastāvat

     āyāmastu pramāṇaṃ syāt-----------------------|

(page 65)

iti pramāṇalakṣaṇāpannam | pramāṇaṃ ca nāma paricchinnavastvantarā-
pekṣamiti caturviṃśatyaṅgulatayā prasiddho yo hastābhāsaḥ, tena yaḥ 
samīkaraṇābhāsaḥ, na bahiḥ saṃyogamātraṃ; tat | ata eva āha 
parimāṇa-mapi antaraikyabhāgeva parimeyasya vastrasya apekṣyamāṇena 
hastena samanvayagamanāt iti diṣṭya (yaṣṭyu)pādānaṃ 
hrasvadīrghavibhāgotthā-panārtham | aṇu, mahaditi tu yaducyate, tatra 
aṇutvaṃ yadi abhāgatāmātram, tat guṇakarmādīnāmabhāgānāṃ syāt 
| atha dravyasya abhāvatvamaṇu-tvaṃ, tadākāśasya api syāt | 
tasmādatisūkṣmatayā prasiddhena sarṣapaka-vāṭapiṭikapeṭakebhyo 
laghīyastamameva yat paritaḥ paricchedayogyatvaṃ, tadeva aṇutvaṃ, anyat 
mahattvamiti | tadetat

     -----------------------parimāṇaṃ tu sarvataḥ |

ityanena gṛhītam | tadāha prasthaḥ kuḍavaḥ iti parimeyasya 
tilāderapekṣya-māṇena kāṣṭhasamudgakaprāyeṇa sarvatra 
saṃmīkaraṇābhāsalakṣaṇaṃ yat parimāṇaṃ, natu saṃyogamātram; 
tadapi antaraikyabhāgeveti | yattu unmānaṃ nāma ūrdhvamānamiti 
lakṣitam, tat kāṇādairgurutvameva patanakarmakāri uktam; natu tathā na 
bhavati gurutvamātre mānavyavahārā-bhāvāt, apitu prasiddhaṃ yat 
prativartakādigurutvaṃ; tatsamīkaraṇameva unmānaṃ yuktamiti 
vaiyākaraṇāḥ | tathāca mānatā nāma tritaye samānā; prakṛṣṭeti, parita 
iti, ūrdhvatayā vā māno'tra mānarūpatayeti viśeṣaḥ | etadevaca 
yuktamityāha māṣako raktikā iti | parimeyasya kanakāderapekṣyamāṇena 
prativartakena gurutvasamīkaraṇābhāsalakṣaṇa-miti 
parimāṇamantaraikyabhāgeva vyavahāre krayavikrayādau prakarṣā-
pakarṣābhyāmeva parimāṇamupayujyate iti sandhānena dve dve nidarśane 
likhite | pṛthaktvamapi bhedagrahaṇapūrvakamantaḥśaṅkyamānābheda-
madhyaṃ bhedābhāsarūpam |

(page 66)

tadeva saṃkhyāvacchinnamekapṛthaktvādiparārdhapṛthaktvāntam | saṃyo-
go'pi aśliṣṭarūpayoḥ śliṣṭatābhāsaḥ, vibhāgo'pi śleṣābhāsapūr-
vako neti ya ābhāsaḥ, yato viviktatā bhāsate; sa eva paratvāparatve 
dikkāla-vyākhyānena vyākhyāyate | anyadapi yadatra 
sasaṃgṛhītamanyāpekṣaṃ bhāti, tat yathā-itaretarayogo 
dvandvapadārthadharmaḥ, samuccayaścādi-śabdāvaśeṣaśca; tat sarvaṃ 
sambandhasya visphāramātramiti darśayati dhavaḥ ityādinā | 
vikalpaviśeṣānvācayaprabhṛti yadapi atya--------nta 
cādinipātapadārtharūpaṃ, yadapi samanvayarūpameva kevalaṃ pāśava-
sṛṣṭirūpaṃ; tat sarvaṃ sādhāraṇībhāvaniyamādityāśayena 
kāṇādairi-taretarayogādi pṛthakpadārthatve na gaṇitam | 
sukhādivadasādhāraṇatā-yāmapi yuktameva gaṇanamiti tu ācāryo 
manyate | tata eva dharmapadārtha-vādibhirvaiyākaraṇaiśca evamādi na na 
gaṇitamiti | etat darśayati kimadhi-kena ityādinā | ata eva iti yato 
bhinnānāmapi yadabhedāvabhāsanaṃ, tanniṣṭhā eva vyavahārāḥ; tatoḥ 
hetoḥ tatra iti kāṇādadṛśisamavāya iṣṭaḥ | sahi ayutasiddhānāṃ 
bhavaṃstānayutasiddhān pṛthag jatiyogyatā-śūnyānekarūpatayā 
abhedena avabhāsanaśīlān karoti | nanu samavāya-lakṣaṇe sambandhe 
bhavatu abhedaviśrāntatvaṃ, yutasiddhasambandhe tu saṃyoge tat nāsti | 
atrāpi āha daṇḍī iti | saṃyogo hi daṇḍapuruṣayoḥ samavāyena 
vartamānaḥ saṃyogena abhinnau tāvābhāsayan paryavasyati | nanu evaṃ 
taiḥ kāṇādaireva yadiṣṭam, tadeva yuktamiti kimamunā 
darśanāntarapakṣapātena | ucyate teṣāṃ punar iti | dravyādayo hi 
padārthā yadi bhedena iṣyante ābhāsanāt, tadā dravyaṃ dravyatvābhi-
saṃbandhāditi samavāyasya aikyāt sarvapadārthasaṅkarastāvat dravyena 
upalakṣitaḥ samavāyo

(page 67)

viśeṣaka ityapi śabdamātram | tathāhi upalakṣaṇamātraṃ gṛhakākavat 
vā syāt, utpalanīlavat vā, sphaṭikaraktatāvat vā | prathamapakṣe na kaścit 
tadbhedādupalakṣyasya bhedaḥ | kākacaṭakaśyenopalakṣaṇatrayeṇa 
kramāt yugapadvā upalakṣyamāṇaṃ hi gṛhaṃ tadeva | dvitīyapakṣe 
viśeṣaṇavi-śeṣyabhāvo'pi adṛṣṭarūpe dharmarūpe vā samavāyenaiva 
vivṛtta iti tasyāpi na bhedaḥ | tṛtīye dṛśyabhāgaḥ samavāyaḥ 
sarvarūpoparāgacitrī-kṛto yat yadanugṛhṇīyāt, tat sarvaṃ 
sārvātmyaśavalatāsaṅkīrṇamava-bhāsayet samavāyeṣu bhinneṣu 
upagamyamāneṣu, tatrāpi samavāyatvaṃ sāmānyaṃ, tatrāpi samavāya 
ityādyanavasthā | pramāṇasiddhabhedāṃ-śca bhāvānabhedena 
samavāya ābhāsayati cet, satatabhāvitayā bhāsa-mānamabādhitaṃ 
muktvā kimanyat pramāṇamasti yataḥ siddhabhedā dravyaguṇādayo 
bhaveyuḥ | anumānaṃ tadasti,-iti cet, tat tarhi abādhita-
pratyakṣabādhitatvādananumānameva | atha abhedena bhāsanaṃ 
bhrāntaṃ, tarhi bhramotthāpakaḥ samavāyaḥ | tataśca niyamena 
pratītivaicitryaṃ kutaḥ | yacca ucyate tādātmyena iva bhāsanaṃ 
samavāyāditi, tatrāpi ivārthaḥ sādṛśyam, utprekṣā vā | sādṛśyaṃ ca 
kalpitam, akalpitaṃ vā | kalpanāyāṃ vikalpamātrasāratvam, 
utprekṣāyāmayameva vidhiriti alaṃ vastucintayā | akalpitaṃ kasya kena 
sādharmyaṃ ghaṭatvaghaṭayoḥ, ghaṭalauhityayoḥ, ghaṭotkṣepaṇayośca 
sādharmyābhāvāt | atha ayamaparyanuyojyaḥ samavāya evaṃ karotīti, 
tarhi śrutyantopakalpitā anirvācyākārā iyamavidyā 
samavāyavācoyuktyā vyavahṛtā bhavet | atha samavāyasya evaṃvidhaṃ 
svātantryam, tarhi parameśvara eva, tacchaktirvā anena nāmnā abhihitā,-
iti asmaddarśanameva śaraṇīkāryamiti alamavāntareṇa

(page 68)

bahunā | tadetadāha bhedābhedādivirodhāpattidūṣaṇaiḥ iti || 6 ||

     iha sattāsambandhaḥ sattvamiti avyāptyanavasthāvyarthatvopahatam, 
arthakriyeti tu vyadhikaraṇaṃ, tatkaraṇatvaṃ na sadātanam, jñānajananena 
tathātvaṃ sadātanamityapi na yuktamaṅkura iva bījasya svajñāne janita-
vyābhimate anvayavyatirekagrahaṇābhāvena kāraṇatvāniścayādartha-
kriyākaraṇayogyatvaṃ satyāsatyayorduravadhāram, arthakriyāntareṇa ca 
anavasthā; sarvasya ca asya aprakāśe śaśaśṛṅgasadṛśatā,-iti prakāśa-
mānataiva anunmūlyamānavimarśā sattvam | sā ca sambandhādīnāma-
nātaṅkaiveti sthite'pi yadi durgrahāt kaścidācakṣīta-lokastāvadartha-
kriyāmabhilaṣati, sā kimasti sambandhādīnāmiti | tasya 
hṛdayamāśvāsayati sūtreṇa

     evamevārthasidhiḥ syānmāturarthakriyārthinaḥ |
     bhedābhedavatārthena tena na bhrāntirīdṛśī || 7 ||

     yadi satyaṃ pratyeṣi, tat bhedābhedamayena sambandhena vinā na 
kācit vyavahārabhūmāvarthakriyā | yatrāpi sa na saṃvedyate, tatrāpi 
avaśyamantaḥsphuranneva āste | tathāhi sukhādi arthayamāna 
evamarthayeta yadi tat jānīyāt | evaṃca jānīyāt, yadi tadeva tat syāt 
tathāpica anartha-nīyaṃ bhavet tasya niṣpādāt | ata 
idamāpatitamanatilaṅghanīyam-yat tadatadrūpayorbhedābhedamayatā 
saṃbandhasāmānyādirūpeti | etacca yadi asatyaṃ, kimidānīṃ 
satyamucyate | tena yo'tra bhrāntivyavahāraṃ karoti, sa eva paraṃ bhrāntaḥ 
| tat grahaṇakasūtritau sthiratvopayogau yuktāveveti sūtrārthaḥ | 
enamavatārayati pratibhāsānāmeva iti prakāśamānataiva satteti yāvat | 
bahiṣkaraṇaṃ bāhyendriyam | tadapiceti ekamabhilaṣyatāṃ

(page 69)

smaryamāṇākāratayā āha, aparaṃ tu yadityanena saṅgatam | māyīyam 
iti bheda eva atra paramasatya iti yāvat | sa vā iti | asyāṃ vyākhyāyāṃ 
bhāvasya arthakriyāṃ kurvata ekānekarūpatāsvīkaraṇamitikartavyatā,-
ityevaṃbhūta upayoga uktaḥ, sthairyaṃ tu saṃvādaḥ; uttaravyākhyāne tu 
sthairyaṃ bādhakābhāvaḥ, upayogastu saṃvādaḥ iti bheda iti śivam || 7 ||

iti śrīmahāmāheśvaraśrīmadācāryābhinavaguptaviracitā-
yāmīśvarapratyabhijñāvivṛtivimarśinyāṃ kriyādhi-
kāre bhedābhedavimarśo dvitīyaḥ || 2 ||




atha tṛtīyo vimarśaḥ |

(page 70) 

     ekamanuttararūpātprabhṛtitrikaśaktipūritānandam |
     amṛtāsyamasya jagataḥ pramāṇabhūtaṃ śivaṃ vande ||

     kriyāśaktivijṛmbhā iyamiti abhidhātuṃ sambandhopakramaṃ 
sāmānyādīnāṃ tattvamupapāditam, adhunātu sambandhatattvameva 
upapādyate vitatya | tatra paramārthato dvividha eva sambandho 
jñāpyajñā-pakabhāvo yo jaḍājaḍaniṣṭhaḥ, kāryakāraṇabhāvaśca yo 
jaḍaniṣṭhaḥ | tatra pūrvo mānameyātmako yanniṣṭhitamuktaṃ 
vakṣyamāṇaṃ ca siddhyati | pramāṇādhīnā hi vastusiddhayaḥ iti 
prasiddhametat | ata uktavakṣyamāṇavastusamarthanopayogitayā 
sambandharūpatayā ca avaśyanirṇetavyaṃ mānameyavyavahāraṃ 
nirūpayituṃ vimarśāntaraṃ saptadaśabhiḥ sūtraiḥ

     idametādṛk----------------------------------|

ityādibhiḥ

     ----------īśādivyavahāraḥ pravartyate |

ityantaiḥ | ślokadvayena ca atra pramāṇatatphalasvarūpaṃ nirūpyate; tataḥ 
prameyatattvanirūpaṇāya pratyābhāsaṃ pramāṇavyāpāraḥ, natu 
niyamena svalakṣaṇātmakavastvekaviśrāntaḥ,-ityamunā tātparyeṇa 
vimarśabalādābhāsavyavastheti daśakena; tatprasaṅgato mithyājñāna-
tattvamekena; prameyatattvaṃ ca prakṛtameva īśvaravāde ghaṭate iti ekena; 
mānameyaphalavibhāgaḥ sati eva uktarūpe pramātari upapadyate, tata eva na 
asya prameyatvaṃ yena bhagavatyapi pramāṇaṃ upayujyeta āñjasyena, 
vyavahāramātrasādhanaṃ tu atra pramāṇamiti trayeṇa,-iti 
prakaraṇārthaḥ | pratisūtraṃ tu artho nirūpyate | yaduktam-
kriyādibuddhayo

(page 71)

na bhrāntāḥ-iti, tat nirṇetuṃ pramāṇatatphalasvarūpaṃ prasiddhameva 
anūdyate ślokadvayena

     idametādṛgityevaṃ yadvaśādvyavatiṣṭhate |
     vastu pramāṇaṃ tatso'pi svābhāso'bhinavodayaḥ || 1 ||
     so'ntastathāvimarśātmā deśakālādyabhedini |
     ekābhidhānaviṣaye mitirvastunyabādhitā || 2 ||

     vastu bāhyaṃ nīlādikaṃ, āntaraṃ ca sukhādi yadvaśāt yasya 
sāmarthyāt vyavatiṣṭhate vibhaktāṃ niyatāṃ maryādāṃ na ativartate 
idamiti svarūpeṇa, etādṛgiti nityatvādiviśeṣaṇabhūtadharmāntarayogena; 
tat pramāṇamiti tāvat prasiddhaṃ loke | tatta kiṃ syāditi vivecako yāvat 
vimṛśati, tāvadidamāpatati-iha vastu svavaśādeva na vyavatiṣṭhate, 
tadāhi mama nīlaṃ prakāśate caitrasya veti na syāt; tadidamanyavaśena 
vyavatiṣṭhate | anyaśca yadi jaḍaḥ, tadidamandhena andhasya mārgadarśa-
nam, tasmādanyo'sau saṃvidrūpaḥ | so'pi nirviśeṣo nīlapītādi kathaṅ-
kāraṃ vibhāgena avasthāpayet, tadasau nīlopahito nīlonmukho 
nīlaprakāśa iti sa ābhāso nīlasya vyavasthāpakaḥ | 
nīlaprakāśasvabhāvatāyā hi na aparā vyavasthāpakatā kācit | nīlasya ca 
avyatiriktasya cet prakāśastathā bhavet, sa tarhi pītāderapi na kiṃ bhavet 
saṃvittattvatādātmyāviśeṣāt sarvasya | tato vyatiriktasya nīlasya sa 
ābhāsaḥ prakāśaḥ | itthaṃca asya vyatiriktatā yadi 
mahāprakāśādavyatireke pāramārthike sthite'pi vyatireka ābhāsate | 
tataśca idaṃ jātam-śūnyādyupādhisaṅkoca eva yaḥ prakā-śasya, 
ayameva ekayaiva sṛṣtiśaktyā pramātṛpramāṇaprameyollāsaḥ | 
yathoktaṃ siddhapādaiḥ

     udetyekaḥ samālokaḥ pramāṇārthapramātṛjaḥ |

(page 72)

iti | tena dehādyapādhisaṅkocavato'nantakālāntarmukhasaṃvedanala-
kṣaṇāt māyāpramāturyatiriktīkṛta iva sa ābhāso bāhyaprameyonmukho 
yāvat vartate, tāvat prameyagatadeśakāloparaktatayā kṣaṇe kṣaṇe anyā-
nyarūpatayā navanavodayaḥ saṃstasminneva svaśabdavācye ekasminneva 
anantakālavyāpini māyāpramātari sambandhitvena nirbhāsamāno mama 
nīlādyavabhāso yasyaiva pītādyavabhāsa ityādinā rūpeṇa yaḥ, sa eva 
pramāṇamiti yataḥ sa ābhāsaḥ pramāniṣpattau savyāpāraḥ | kā khalu 
pramā,-iti cet, āha sa eva bodhātmā ābhāso mitiḥ pramāṇasya phalamiti 
sambandhaḥ | naca paryāyatā, yato bāhyonmukhatvena prakāśarūpatayā 
tat pramāṇam, antarmukhātmanā vimarśarūpeṇa kevalaṃ 
viṣayoparāgasaṅ-kucitena śabdanātmanā phalam | ekaniṣṭhe hi 
śūratvavijayitve vivekinā hetuphale iti nirūpyete, tathā 
nīlaprakāśatadvimarśarūpe | tata eva uktaṃ
     
     tadvaśāt tadvyavasthānāt-----------------------| (pā. vā. 3|308)

iti | vyāpārātmakameva hi karaṇasya prathamasādhyatvāt phalam | vyāpā-
raśca vyāpriyamāṇāt karturvyāpāryamāṇāt vā karaṇādananyātmaka 
eva yukta iti mukhyatvena pramāṇaphalayorabheda eva nyāpyaḥ, 
phalaphalena tu prayojanāparaparyāyeṇa pravṛttiprāptyādinā vyatiriktena 
bhūyatāṃ nāma | ato vimarśa eva phalam | tadbalena bodhaḥ pramāṇam | 
vimarśaśca śabdaṃ 
deśakālaviśeṣābhāsānāliṅgitasāmānyarūpābhāsa-viśrāntaṃ 
jīvitatvena apekṣate | ayam ityapi hi yat vartamānaṃ puraśca, 
tāvanmātramāha | kiṃ bahunā, caitro'yamiha adhunā tiṣṭhati,-ityapi 
yāvat śabdagocaraḥ, tāvadeṣaiva saraṇiḥ | proktṛgatapratyakṣātmakavastu-
svālakṣaṇyabalāt tu viśeṣaniṣṭhatā,-iti ābhāsamātre pramāṇasya 
vyāpāraḥ | svālakṣaṇyābhāse'pi

(page 73)

miśraṇābhāsasvabhāve śuddhe eva pramāṇaṃ vyāpriyate | tat tu 
vimiśra-ṇābhāgiṣu anantareṣu gṛhītagrāhitvādapramāṇam | tataḥ 
pramāṇaviṣa-yatābhājaḥ pṛthageva ābhāsavargasya vastutvam | saca 
vimarśo dvicandra-bodhādutpanno'pi unmūlanamante sahiṣṇuḥ pūrvamapi 
unmūlita eva | antarmukhena hi vapuṣā sa eva asau, na anyaḥ | 
svasaṃvidevaca atra sākṣiṇī tadaiva idaṃ na rajatamitipratīteḥ | 
dvicandramapi parasya vismayāya darśayan 
paropahāsāvajñākṛpādipātrīkriyamāṇa eva dvicandravimarśaṃ 
prācyaṃ tadaiva vartamānatatprakāśabalopanatamapi evamunmūlitameva 
abhimanyate iti | tata uktaṃ so'ntaḥ iti | evaṃ sūtrārthamavatārayati 
idānīm ityādinā | ata eva iti yata evamuktamādisiddhasūtre iti vyavahita-
mupajīvanīyam, tarhi ādau mā bhūt (?) tannirdeśaḥ, etatsthāne tu 
kimarthaḥ | āha ānuṣaṅgika iti kriyāśaktivisphāraṇaprasaṅgātmakā-
danuṣaṅgādāgatā ekapramātṛtattvaviśrāntilakṣaṇānuṣaṅgaprayojana-
kāśca ye jātyādayaḥ, teṣāṃ vyavasthāne ādisiddha iti yena anavasthādi 
na āpatati iti vyavahriyate iti na prameyavat ityante pṛthagbhūtastata eva 
dharmatayā asau yukta ityarthaḥ | nanu nityatvādi vastuno viśeṣaṇaṃ 
sarvapratyakṣeṇa gṛhyate, kāmaṃ katipayaṃ gṛhyatāṃ, tat kathamuktaṃ 
viśeṣaṇaṃ ca iti | atra āha nityatādi iti | nanu viśeṣaṇavyatiriktaṃ 
kimanyat svarūpamityāśaṅkya āha vastumātreṇa iti | saṃsargaikānta-
vādināpi hi dharmādhārarūpaṃ svarūpamabhyupetameva yadekaniṣṭha-
tayā taddharmasahasrasāmānādhikaraṇyapratipattiḥ-ayaṃ ghaṭo rakto 
raukmo mahān hṛdya iti | nanu avisaṃvāditvaṃ pramāṇasya yat lakṣaṇaṃ, 
kimiha tyaktameva tat, na tyaktaṃ lokikatvāditi darśayati vastu iti | vastu

(page 74)

vyavatiṣṭhate iti hi anena tadeva uktam | pramātradhīnam iti pramātradhī-
natāṃ tasya prakaṭīkartuṃ vṛttau ṇicprayoga iti yāvat | 
pramātradhīnatāṃ sphuṭayati vimarśodaye hi iti vimṛśyate iti ṇijartho 
darśitaḥ, vyavatiṣṭhate iti ṇijartho'pi prakṛtyartha eva pradhānamiti 
sautramapi vyavasthānamanu-sṛtam | asyaiva iti prameyatāṃ māyāśaktyā 
nītasyetyarthaḥ | vyākulīka-raṇāt iti bahirmukhatvādaraṇena 
antarmukhatāyā avabhātāyā api anupa-lakṣaṇāt | atra ca iti 
sambandhitvena siddhāvudgacchanneva hi avabhāsaḥ svaprakāśatayā 
itthaṃ prakāśate | nanu bādhitametat svasaṃvedanamiti kiṃ na 
saṃbhāvyate | naivamityāha dvicandrādi iti | bhrāntabodhe'pi sva-
saṃvedanamabhrāntaṃ sarvatreti ghaṭayati | atra hi iti | bāhyaṃ prati iti 
cakṣurālokabodhaiḥ saṃbhūya janite'pi bodhe bodharūpatā bodhādeva, 
indriyāttu viṣayākārateti; tato yathā kumbhakārabuddhiprabhavo doṣaḥ 
kumbhasya sanniveśaṃ paraṃ dūṣayet, na mṛdaṃśamapi; tathā 
cakṣurupa-rañjakaviṣayāṃśameva, na bodhāṃśaṃ bhrāntīkuryāt | 
cākṣuṣaṃ bāhyaṃ prati bhrāntaṃ svasaṃvedanaṃ tu sarvadaiva 
abhrāntamiti vākya-sambandhaḥ | madhyagranthastu bāhyaṃ prati 
bhrāntatāsamarthanāya | yataścakṣurvikṛtaṃ, tato bāhyaṃ prati 
bhrāntamiti kutaḥ | viṣayākāratā hi arthāt, na indriyāt | āha naca iti | 
pramā hi viṣayoparāgayoginī tathā bhavati | viṣayaśca indriyeṇa 
sannikṛṣṭo vā indriyavṛttinipatito vā tathā kuryāditi indriyavikāre satyeva 
na aindriyiko vibhramaḥ | nanu gacchato marudarśanādau na indriyavikāraḥ, 
athaca iṣyate asya vibhramasya aindriyi-katvam | ka evamāha-na 
indriyavikāro'treti darśayati tāvanmātra iti indriyavikāra eva 
kevalo'kṣavibhramasya hetuḥ |

(page 75)

avikṛte hi indriye bhavan kathamaindriyiko vibhramaḥ syāt | tadeva ghaṭayati 
nauyānādibhiḥ iti | āśubhramaṇanauyānavātaprakopādibhirindriyameva 
bhramarūpārūḍhamaśaktaṃ ca saṃpādyate,-iti cakṣuṣa eva tatra vikā-
raḥ | nanu svasaṃvedanaṃ na bauddhavadiha svatantram, apitu mahābodha-
paryantapaśupramātṛlagnam | tataśca bodhamātratā svasaṃvedanena 
siddhyet, na dvicandrabodhatā dṛṣṭe; nāpi prakṛte nīlamābhāti 
ityevaṃrū-patā,-iti | etat pariharati avyabhicarita ityādi abhinno'tyantaṃ 
pṛthaktā-bhūmimaprāpto'pitu sādāśivapadamadhyāsīno yaḥ 
ābhāsaviśeṣo dvi-candranīlādistadviṣayo yastathābhāvaḥ 
saṃvedanarūpatāprakāśatvaṃ, tadavyabhicaritamabhrāntamanapāyi ca 
yasya, tat tathā | etaduktaṃ bhavati-bhinnābhimataṃ yat nīladvicandrādi, 
tadavaśyamabhiśaṅkanīyam | yattu bodhe darpaṇa iva nirbhāsate, tat 
bodhasiddhyaiva siddhamiti dvicandranīlā-dyābhāsarūpe atra 
svasaṃvedanamabhrāntameva | dvicandrapratibhāsa iva iti dṛṣṭāntaṃ 
nirūpya dṛṣṭāntāntaraṃ samuccayena āha yathāca iti yathā 
sādhāraṇyena nīlābhāsavikalpakāle svasaṃvedanādeva pratipadya-te; 
yathā mama evamābhāsate ityapi yat prakṛtaṃ, tat svasaṃvedanādeva 
pratipadyate iti yojanā | atraca arthe svasaṃvedanaṃ yat pramāṇamuktam, tat 
sākārabodhavādinā api avaśyābhyupagantavyamiti darśayati ata eva iti  | 
yathā svasaṃvedanaṃ muktvā bodhasya ākārabhūtāḥ iti, bodhasya 
sambandhinaḥ iti, bodhasya niyamena karmatāvyavasthayā viṣaya iti ca 
yaducyate, tat svasaṃvedanādeva siddhyati, na anyataḥ pramāṇāt | tathāpi 
sambandhitvena siddha eveti yaduktam, tatsiddhyā prakṛtamapi 
prameyāntaraṃ siddhyati,-iti adhikaraṇasiddhāntatāmapi anenaiva 
granthena

(page 76)

darśayati | ata eva iti bodhasambandhitvena siddhatvāt bodhamātraparamār-
thatvaṃ nīlādīnāmiti yat prakṛtaṃ prameyaṃ, tadapi siddhameva bhavati 
saṃbandhasya abhedaviśramaprāṇatvena tādātmyaparyavasānāt | evamiti 
hi yat nīlātmakaṃ rūpaṃ, tadavabhāsate iti sāmānādhikaraṇyena ava-
bhāsabruḍitam | sa ca avabhāso bodhasya sambandhī san bodhatādātmyā-
pannaḥ | tat kimanyadavaśiṣyate yat bodhātiriktaṃ nīlasya svarūpaṃ syā-
diti | nanu evaṃ svasaṃvedanasiddho nīlābhāsavikalpo bāhye nīle kasmāt 
na pramāṇamityata āha yataśca iti | caḥ śaṅkāṃ dyotayati | āntare 
vikalpe nīlaṃ mama avabhāsate ityetāvanmātramasti, natu 
bahirmukhākāratve | bodhāvabhāsa eva etat nīlamityevaṃrūpaḥ iha tu asti 
| yata evaṃ mama ābhāti, tat etat nīlamiti | tataśca bahiṣkaraṇapratyakṣeṇa 
pramitaṃ gṛhīta-metaditi nīlādi bāhyamucyate, natu 
vikalpasvasaṃvedanapramitaṃ tat bāhya-mucyate | evaṃ svabhāsamanyathā 
vyākhyāya abhinavodayaḥ ityasmin vyāvartyamapaśyato 
mohamapahartumāha sa ca iti punaḥpunariti kālabhe-dena sarvadaiva 
abhinavatvādanavodayo na kaścidābhāsaḥ, kintu vedyoparā-
gādanyatvānanyatve tatra, vedyasya api te pratyavamarśabalāditi tātparyam | 
vāstavābheda iti avabhāsa eva sthitaḥ iti vṛttipadairābhāsavyatiriktaṃ 
na anyat sthitaṃ rūḍhaṃ satyaṃ kimapi asti,-itivadadbhirabheda ukta iti 
yāvat | evaṃ pramāṇasūtre vṛttiṃ vyākhyāya phalasūtre vyācaṣṭe sa 
evaca iti | atra iti vṛttivākye | atrāpi iti na kevalaṃ pūrvamiti arthasiddham | 
bauddhā-dṛśi darśanādhyavasāyayoḥ kālabhedāt kathamaikyamiti na 
pramāṇa-phalayorabhedaḥ, taddṛṣṭāviva tvaddarśane'pi 
kathamasāvityāśaṅkate

(page 77)

cakṣurādi ityādinā yadyapi ityantena | tathāpi ityādinā atra uttramāha | 
bauddhadṛṣṭyā api vikalpā hi pratyakṣāyante iti darśanādhyavasāyayore-
katvavyavahāraḥ | evaṃ paradṛṣṭyāśayena upapādya 
sthitadarśanāśayena upapādayati athavā iti atraiva ekaghane 
prakāśavimarśātmani rūpe | uktaṃ hi
     
     sākṣātkārakṣaṇe-------------------------------| (1|5|19)

iti | tadeva ghaṭayati ekaivahi iti | ekasyāṃ pratītau cinmātrarūpatayā 
tāvatā pramārthapramātṛrūpā vedyacchāyoparaktā saṃvidrūpā ca 
īśvaratā pramāṇātmikā | vakṣyate iti āgamādhikāre | nanu śivatā 
pramātṛdaśāḥ; īśvaratā tu pramāṇadaśā, phaladaśā tu kā | āha 
tadevaca | iti ayam iti svasaṃvedyaḥ | savyāpāravimarśaṃ vyāpārasaṃ-
pattyā pramātṛtāyā ullāso vidyātattvātmā vimarśo bhāvasvarūpa-
mātre viśeṣaṇe vā dvaye vā yaḥ, tadeva pramāṇasya phalaṃ; saṃsāra-
bhūmau tu sarvametat māyāspṛṣṭatvāt malinamiti āśayaśeṣaḥ | nanu 
vastuno viśeṣaṇaiḥ iti upakrāntā vṛttiḥ, tata evaṃ vṛttyantareṇa bhavi-
tavyam idamiti nityamiti vā, tat puṃnirdeśe ka āśayaḥ | ayamityāha 
ābhāsa eva iti | sa evaca ābhāsaḥ iti hi vṛttigranthe ya ābhāsaḥ 
pramāṇatvena uktaḥ, tameva atinikaṭamapekṣya nirdeśaḥ prakṛtaṃ 
pramāṇaprameyayorabhedaṃ tāttvikamācaṣṭe ityarthaḥ | nanu evaṃ 
pratītiḥ pramātṛpramāṇamayī,-iti katham | pūrvaṃ pramātā, tato'pi 
tadvyāpāryamāṇaṃ karaṇaṃ, tadviṣayaśca prameyamiti hi yuktam | naiva-
mityāha sati iti | nanu evaṃ cet, kathamayaṃ lokavyavahāraḥ-pūrvaṃ 
pramātetyādi | ucyate anyadā tu iti | yat vyākhyātamasmābhiḥ-
māyāspṛṣṭametat sarvamiti,

(page 78)

tadeva bhaṅktvā nirūpayannevam ekābhidhāna ityādivṛttiṃ vyācaṣṭe 
sāṃvyavahārikasya ca iti saṃbhūya saṃvṛttya saṃkocena ca vyava-
hāraḥ, tata āgatastatprayojanastatrabhavaśca yaḥ pramātā; tasya | prāk iti
     
     tadatatpratibhābhājā-----------------------------| (1|6|3)

iti prakaraṇe | abhilāpena sādhāraṇo ya eva abhilāpaviṣayaḥ, sa eva artho 
yasya tadbhāvastattā; tayā | abhilāpasādhāraṇaśca abhilāpena saha tasya 
yaḥ prathate, so'bhilāpasaṃvalita iti yāvat | yadyapi abhilāpasādhāraṇār-
thatvamekasāmānyaviṣayatāyāṃ hetuḥ tathāpi pūrvapratipādanamātra-
tātparyeṇa samuccitya anayorabhidhānaṃ tat yathā śabdasya 
kṛtakatvamani-tyatvaṃ ca uktamiti | iyatā vimarśaviśeṣamanusarati 
avaśyaṃ ya ekaikaḥ śabdastadvācya iti yā vṛttiḥ, sā vyākhyātā | ata 
eva iti yata ekasāmānye pramātṛvyāpāraḥ | ekaikamevaca sāmānyaṃ 
vastu pramātradhyavasāyā-darthakriyāyogācca,-ityāha 
bhinnābhinnasandhāna iti kaścit pramāṇa-viṣayaḥ | vastu iti pradhānaṃ 
dravyam | bhavati iti vidheyaṃ vastu apekṣya sthityā nirdeśaḥ, evamuttaratra 
viśeṣaṇamapekṣya | tadeva kuto'sya viśeṣyatvam | ucyate tadantar iti | 
tadvicitrīkaraṇavyāpṛtaireva taiḥ pṛthu-budhnodarākārasādhyairvā 
arthakriyā nirvāhyate | yadyapi ca teṣāṃ nijanijā nānā asti sā, na ca na 
arthyate bhinnābhisandhānādeva; tathāpi citrapaṭena ātānavitānātmanā 
yaiva āvaraṇarūpā kartavyā, tasyāmeva śobhābhimānādi anupraviśat 
citratādhāyakam | nahi rahasi kāntasametā ramaṇī citrapaṭaṃ paridhatte 
śobhāmādhātum, narapatirāsthānamaṇḍape vā racayati śirasi 
maṇinicitamapi kanakakalaśamityāśayena

(page 79)

āha prāyeṇa iti ata eva iti pṛthaganarthyamānatvena | atra iti tu 
viśeṣyapra-dhānabhūtadravyavācī | yathā pūrvamuktaṃ

kiñcit vastu bhavati |

iti

     ātmā vastu svabhāvaśca śarīram |

iti ca | agre iti

     tathaiva sadghaṭadravya----------------------------| (2|3|5)

ityatra | vikalpasyaiva iti, anena vimarśabhedānusāritvameva draḍhayati | 
kadācit iti sannihitānāmapi madhye ekaiva arthyate, tāvatā tu na 
tāvatīnā-masannidhānamiti bhāvaḥ | sarvathā iti ekasmin sāmānye 
tatsamūhe vā bhavatu vimarśaḥ, idaṃ tu aheyaṃ māyāpade iti 
vyavahārapadena āha | ata eva iti yato'rthakriyāprāpakatvamasya, tataḥ | 
nanu arthakriyāprāpakatvaṃ ca astu bādhyatvaṃ ca, ko virodha 
ityāśaṅkya virodhaṃ darśayati artha-kriyā iti | arthakriyākāri bāhyaṃ 
sādhāraṇametat na bhavati,-iti bādhasya rūpam | etadviparītaṃ ca 
pramāṇapratilabdhasya arthakriyākṣamavastuprā-paṇasya,-iti yukto 
virodhaḥ | nanu arthakriyākṣamarūpasya bādhakaṃ kiṃ karoti | ucyate 
aindriyikamānasavibhramabhedena udāharaṇadvayamuktam | no ruṇaddhi iti 
jhagityevavā utpannamapivā āntaronmūlanena | evakārārthaṃ svayameva 
sphuṭīkaroti anuvṛttibhaṅgakaraṇena hi unmūlanaṃ prāyaśo vimarśasya, 
bādhakena tu utpattivirodha eveti spaṣṭayituṃ nanu ityādinā | ata eva iti yat 
sampannaṃ pratibhāsanaṃ, tat kiṃ bādhakaśatairapi śāpa-śatairapivā na 
sampannaṃ bhavati,-iti yataḥ, tato hetorabādhitatvamiti pramāṇatāyām, 
bādhanīyatvamiti apramāṇatāyām |

(page 80)

anena virodho bādhapramāṇatvayornirvāhitaḥ | māyāpade ca avaśyameta-
dupayujyate iti darśayati pramāṇaṃ hi iti jñānameva pramāṇam | upayu-
jyate iti pramāṇatayā upayujyate | evamartham iti anvayadvāreṇa prayoja-
naṃ darśitaṃ tanniścāyitaḥ iti vyatirekopakrameṇa | tena visaṃvādabhī-
rubhiḥ pramāṇamarthyate iti saṃvādakameva pramāṇamiti | nanu kiṃ 
saṃvādanena, pravartakatāmātreṇaiva tathā astu | na,-ityāha pravṛttiḥ iti 
apiśabdādajñasya api viparītavedino'pi arthitātāratamyāt | matto'pihi 
pravartate saviṣe'pica anne jñāte mūḍhaḥ, anyathā dṛṣṭapratyavāye'pi 
parasvaharaṇādau kathaṃ pravarteta anarthaniścayavānapi | evamiyatā 
māyāpade bāhyadarśane iva prāmāṇyaṃ yadupapāditaṃ, tat vijñāna-
vādī vighaṭayati siddhāntimate madhya eva anupraviśya evaṃ tarhi ityā-
dinā pratipattavyam ityantena tvayā kutaḥ prakārādetadaṅgīkartavya-
mityarthaḥ; siddhāntī vā pūrvāparavirodhamāśaṅkyamānaṃ 
parihartuṃ svadarśanameva vimṛśati anena granthena, śiṣyo vā vimarśayati 
evaṃbru-vāṇaḥ | niścīyeta iti arthakriyāsamarthatayā api bhāsvarataiva 
niścīyate iti saṃbhāvyetetyarthaḥ | niyatiśakteḥ iti pañcamī, tayā 
hetubhūtaya arthakriyāsamartha iti pūrveṇa sambandhaḥ | uktaṃ hi 
cinmayatvasūtre

     arthakriyāpi bāhyatve sā bhinnābhāsabhedataḥ | (1|8|6)

iti, vakṣyate ca

     arthakriyāpi sahajā nārthānām---------------------| (2|3|12)

iti | bhavati iti yat saṃbhāvyate | tathāca iti evaṃ satītyarthaḥ | 
keśāderdar-śanamātrāt viśeṣo na avadhāryaḥ, ayamityādirityantaśca 
viśeṣasya ākāraḥ kāmamiyatyapi yaduktaṃ, tadapi

(page 81)

vighaṭayati arthakriyājñānāvasare'pi iti | etadavabhāse iti keśārtha-
kriyāvabhāse yo lokākarṣaṇādiḥ kāntāyāḥ | kūṭakārṣāpaṇādapihi 
mūlyaprāptirbhavati | vidhivaśato'narthakāriṇo'pi iti arthakriyākāri-
tvena yo na abhimataḥ, tasya api | tato'pi iti sukhādyarthakriyāto'pi na artha-
kriyāsamartho'vadhāryate ayameva tathā, ayaṃ tu na tatheti | naca yuktaṃ 
vaktuṃ-pramātṛvyavasitārthaṃkriyākāritvena satyatvamiti 
pramātrabhima-tatvasya bahudhāvighaṭanadarśanāt | sa evahi 
rūpakaviśeṣaḥ kadācit tṛṇa-śataṃ prāpayet, kadācit 
tṛṇapañcāśatamiti bhūyānaniyamaḥ | ata eva tadarthakriyākāritvaṃ 
yathāniyataṃ, tathā tatkāraṇajanyatvamapi | tathāhi 
araṇilohayantragalvarkendhanapāṣāṇaprabhaveṣu vahniṣu katamaṃ vahni-
mācakṣīmahi | atastajjanyatvaṃ bhāvābhāsasya svabhāva iti ayuktam | 
nahi yāvān vyāvṛttivarga ekadā bhāvābhāsasya dṛṣṭaḥ, tādṛśena tena 
sadā bhavitavyaṃ taddeśatvatatkālatvādyābhāsānāmapi 
anyatānuvṛtterayuk-tāyā api prasaṅgāt | atha yāvatā vyāvṛttivargeṇa 
sāmānyasamūhena vā tat bhāvaśarīramavaśyaṃ vyāpyate, tāvat tasya 
vapuḥ | tatrāpi na iyattāṃ vidmaḥ | pratītiparyālocanayā ca bhāvasya 
ābhāsamānarūpatātyāgena rūpāntaramupapadyate iti | 
tadasatyābhimate'pi keśe keśatayā pratibhāsa-māne kathaṃ na satyateti | 
evamarthakriyāsamartharūpāvadhāraṇasya aśakyatvamupapādya 
vyarthatvamupapādayati uttarakālam iti | aniścitaprā-māṇyādevahi 
pravṛtteḥ paścāllabdhāyāmapi arthakriyāyāṃ pramāṇaṃ 
parīkṣaṇamiti na tatra prāmāṇyaniścaye sā upayoginīti

     pravṛttisāmarthyādarthavat pramāṇam |

iti vātsyāyanīyamapi ayuktameva | evaṃ pratyakṣamupaplutīkṛtya 
anumānamapi

(page 82)

tathā karoti tat iti | pratyakṣasya prāmāṇyamaniścitaṃ cet, tarhi pakṣadhar-
matvasapakṣasadbhāvavipakṣavyāvṛttiprāyaṃ svarūpaṃ pratyakṣeṇaiva 
mūle niścetavyaṃ yasya liṅgasya, tadapi na siddhamapramāṇagṛhītatattva-
sya aliṅgatvāditi liṅgato'rthadṛk iti yadanumānaṃ, tadapi na kiñciditi na 
pramāṇavyavasthā kācit | prāmāṇyāvadhāraṇasya 
aśakyatāmupagamya yat niṣphalatvamuktam, tat tāvat pariharati aśakyatā hi 
pūrvapakṣavādinaiva abhyupagamaṃ darśayatā śithilīkṛtetyāśayena | 
iha ityādinā vibhagavyut-pattaye prāmāṇyamavadhāraṇīyam | sā ca 
yatnahātavye yatnopādātavye ca avaśyamupayujyate | tadāha kadācit iti | 
vināpi iti grāmāt svaveśma pratyāgacchan na dagdhaṃ, na luṭhitaṃ, na 
tato dhanasutadārāḥ kenacit nītāḥ iti kathaṃ niścinuyāt | tathāca iti tena 
prakāreṇa yo'bhyāsastato hetorityarthaḥ | yuktaṃ ca etadityāha tathāhi iti 
sanniveśāntare tu iti dūradeśaviguṇendriyāspaṣṭālokādau sati | 
arthāḥ iti arthaviṣayajñāna-svarūpamevaṃ bhavati,-iti saṃbandhaḥ | 
tena hi iti saṃvādena | tatsvarū-paṃ darśayati yattat iti lokaprasiddhameva, 
natu apūrvaṃ svaparibhāṣitaṃ kiñcit pramātraiva kriyate iti | pramātuḥ 
svātantryaṃ yaduktam, tat darśayati avyabhicāryarthāntara ityādinā | 
vyavatiṣṭhate iti parokṣe'rthe jñāna-miti siddhantaḥ | etaduktaṃ bhavati-
pratyakṣamarthasāmarthyāt, anumāna-marthāntarasāmarthyāt, āgamaḥ 
pramātṛsāmarthyāt tathā vitatāvitata-pramātrantarasāmarthyāditi 
viśeṣaḥ | tiraścāpi iti | te hi daṇḍamudyataṃ dṛṣṭvā 
prahāramanumimate, upadeśaṃ gṛhṇanti, svajātiprasiddhiṃ ca ādriyante | 
asakṛtpariśīlite'pi avadhānarakṣaṇā bhavati upadeśe

(page 83)

iti dṛṣṭāntena ghaṭayati asakṛt ityādinā | tadarjanopāya upadiśyate iti 
saṃbandhaḥ | parasya lokāyatasya sambandhinaṃ ślokoktamākṣepamā-
śaṅkya nanu prāmāṇyaviṣayo'navadhānajanito mohaḥ kimiti 
yatnanivarta-nīyaḥ | āha adṛṣṭe ca iti | dṛṣṭe'pi tāvat prāmāṇiko janaḥ 
pravṛtto viphalatayā viḍambanātastrasyati, adṛṣṭe punarmahān pratyavāyo 
duḥkha-vedanīyanarakātmā, anantaṃ ca kramatāratamyena 
svargāpavargalakṣaṇa-mānandarūpamavaśyaṃ hānopādānaviṣayaḥ 
prekṣāvatām | anartha iti dṛṣṭaviṣaya iti mantavyam | tathāhi rājilasarpaṃ 
mālātvena niścitya upā-dadāno maraṇe narakapātānubandhinā 
prayujyate iti pratyakṣaṃ vivekta-vyam | anumānaṃ ca tatra anusaraṇīyam-
evaṃvidhe mahati kāntāre kutaś-citrakusumombhitasraksambhavaḥ iti | 
evamiyatā pratyakṣānumānayordṛṣṭa-viṣayatayā sātiśayānveṣaṇīyaṃ 
satyādau citrādau dṛṣṭaviṣayatāyā-māgamamapi anugrahītumasti 
sāmarthyamiti darśayatā parasparānugraha-tantratvaṃ 
pramāṇānāmuktam | tathāhi pratyakṣadṛṣṭamapi arthakriyāsu 
śiṣṭairyojyamānāmāgamalakṣaṇāṃ prasiddhimapekṣate eva-iyaṃ sā 
gauryasyāḥ kṣīraṃ pathyaṃ pavitraṃ ca, iyaṃ sā gardabhī yasyāḥ 
payo'gnisādanamapavitraṃ ceti | tata eva pramāṇasamūhādeva pravṛttiriti 
vakṣyate

     sā tu deśādikā---------------------| (2|3|9)

iti | saca 
ekāntarmukhasvatantraparāmarśasaṃyojitaviyojitābhāsasvasaṃve-
danarūpaparameśvarasvātantryavāda eva yujyate,-ityetadapi agre bhaviṣyati 
| iha āstāṃ tāvat | tataśca iti yadavaśyānusaraṇīyamuktam | idaṃ ca 
asmābhirādivākya eva vyākhyātam, vivṛtikṛttu 
pūrvamākhyātamadhunā saṃkṣepato vyākhyātuṃ paṭhati

(page 84)

prasiddha iti | pratīternirūḍhirdṛḍhatā | śabdanarūpatvaṃ vimarśanaṃ 
yadāntaraṃ citsvabhāvasya antaraṅgaṃ rūpaṃ pratyakṣāderapi jīvita-
kalpaṃ, tena yat vimṛṣṭaṃ, tat tathaiva bhavati,-iti na atra vivādo yathā 
garuḍa eva ahaṃ krīḍāmi pannagairviṣamamṛtīkaromīti | tathāca āhuḥ

     ātmānaṃ yādṛśaṃ yo'tra bhāvayettādṛśo hyasau |

iti,

     ātmānaṃ yādṛśaṃ veda devā enaṃ tathā viduḥ |

iti ca | tataḥ sa eva vimarśa āgama iti ucyate mukhyatayā, tadupayogitayā tu 
upacāreṇa tajjanako'pi śabdarāśiḥ | parokṣe ca arthe tasya prāmāṇyam | 
pratyakṣapramite hi tatphalamakiñcitkaramiti dhūma iva agnerityādikaṃ 
kevalamapramāṇam | etat hi pramāṇamadhye niṣedhyatvena vā upayogānta-
reṇa vā deśakālabhedasṛṣṭyantarādinirūpaṇena vā pramāṇatāṃ 
bhajatāṃ nāma añjanādi iva pratyakṣatām | yatra yadā iti vyācaṣṭe 
yathā yasya arthasya iti | anena ca etat parihṛtam-yadāhureke vaktavyaṃ 
ko'sāviti vṛddhāmbhiriti, tathā kasya ka āgamaḥ iti parasparaviruddhopade-
śino hi āgamāḥ, naca ya ekasya āgamaḥ, so'nyasya anāgamaḥ iti yuktaṃ 
pramāṇasya apakṣapātitvāditi | tathāhi apakṣapātitvaṃ kīdṛk pramāṇa-
sya | kiṃnu khalu bhoḥ pratyakṣānumāne caitrīye maitrasya 
nīlavahnyādika-mavabhāsayato yena apakṣapātinī syātām | caitraṃ prati 
vā yaḥ siddhā-deśaḥ prāptaḥ-te nidhilābho bhāvitā-iti, sa kiṃ 
maitrasya āgamaḥ | atha tathājātīye pratyakṣānumāne maitrasya api 
kadācit bhavata iti apakṣapā-titā, sā tarhi āgamasya api aviśiṣṭā | 
avaśyaṃ hi saugatacārvākāderapi

(page 85)

kvacana pratyayitapuruṣavacasi pratītinirūḍhirbhavedeva | tathāhi dṛḍhavi-
marśarūpaṃ śabdanamāgamaḥ ā samantādarthaṃ gamayatīti tatra 
yathaiva apramāṇabhūtadvicandrasaṃvedana 
upayogamupagacchadālokendri-yādikamapramāṇam, naca iyatā samyak 
pratyakṣasya pakṣapātitā prasajyate kācit; tathā jyotiṣṭomādivākye 
śūdrādīnāmanadhikāriṇāmadṛḍha-vimarśarūpa āgamābhāse 
upayogaṃ vrajannapramāṇabhūto'pi śraddhādaravati dvije 
dṛḍhavimarśātmakasamyagāgamarūpaśabdanopa-yoge 
prāmāṇyamāsādayan na pakṣapātādivācyatārhaḥ | sarva evahi āgamo 
niyatādhikārideśakāladaśāsahakāriprabhṛtīnāmṛśya vidhiniṣe-
dhādivimarśamayaḥ | tataśca kaścit puruṣaḥ kaṃcideva 
devasiddhādyanya-tamakaraṇīyocitavimarśaṃ svātmasaṃyojanena 
vimṛśan bhagavatā sṛṣṭaḥ, anyastu anyaṃ vimarśamiti riktasya jantoḥ iti 
asadetat | dṛḍhanirū-ḍhirevaca tattadadhikārilakṣaṇaṃ mukhyamiti 
darśitaṃ śrutyaiva yaścaina-mevaṃ veda | iti vidvān yajet | iti | 
tadarthamevaca uktaṃ śraddhāmayo'yaṃ puruṣaḥ | ityādi | etacca agre 
sphuṭībhaviṣyatīti | yuktimān ityādi vyā-caṣṭe tasyāśca iti 
pratītinirūḍheḥ | nyāyaḥ iti anumānam | īśvarasad-bhāve hi 
sanniveśakāryādiliṅgajamanumānamastyeva, tattvabhuvanādī-nāṃ tu 
iyattāyāṃ nāsti anumānamiti āgama eva tatra śaraṇam; evaṃ 
śāstranibaddhāyāmubhayaṃ vyākhyāya lokaparasparāpratiṣṭhitāyāṃ 
vyācaṣṭe loke'pi iti | kaśmīreṣu iti madhyapūrvakāladeśādau hi dhī-
varā eva gṛhakaraṇīyaṃ bhūyasā vidadhate; śāstrāśritāyāṃ 
śāstreṇa gṛhītavyāptikā yuktiranumitiḥ, tayā anugamaḥ saṃvādo 
mukhyamiti tenaiva vastuno niścaye kṛte yuktergṛhītagrāhitvam | nanu 
viparyayo na kasmādityāśaṅkya āha yataḥ iti | pratyakṣeṇa

(page 86)

hi tāvadindriyajena svasaṃvedanena yogābhyāsajena ca nīlasukhabrahmalo-
kādirarthaḥ sākṣādeva avabhāsate | tatra saṃśayābhāvāt yujyate iti na 
yujyate vaktum | yatra hi parokṣatvaṃ tata evaca saṃśayāspadatvam, tatra yo 
niścayo viṣayabhāvo'rthasya; sa yujyate iti vyapadiśyate | tatra hi adrau 
dṛṣṭe pareṇa kimatra agnirnavā,-iti pṛṣṭe agnirasti atreti prayukte kathamiti 
punaḥ pṛṣṭe dhūmāditi ukte prathama āha yujyate iti heturna upapādya iti 
yāvat | tathāca tatrabhavānāha

     prasiddhanyāyakaraṇo yujirbhāṣye udāhṛtaḥ |

iti | ato yujyate yayā sāmagryā arthaḥ, sā yuktiranumānameva ucyate | yattu 
kaiścit

     buddhiḥ paśyati yā bhāvān-----------------------------|

iti yuktiryuktireva iti amandatvaṃ prajñāyāḥ iti anumānaparikara iti yukti-
svarūpamuktam, tadagre parīkṣiṣyate yoginirmāṇatāsūtre pratibandhacin-
tāyām | nanu yuktiranumānaṃ yadi, tathāpi kathamiyamamukhyā | āha 
tacca iti anumānam | kāryādi iti kāryasvabhāvadvayarūpaṃ kāryaṃ, 
kāraṇaṃ saṃyogi samavāyi virodhi ceti laiṅgikamiti vā pañcakarūpam | 
idamasya kāryam, asya svabhāvaḥ; asya kāraṇaṃ asya saṃyogi asya sama-
vāyi asya virodhi niyamena,-ityevaṃbhūto yaḥ kāryādibhāvaḥ, sa 
durlakṣaḥ sannapi avadhārayitumaśakyo yasya, tathābhūtaṃ liṅgam | 
tataśca suvivecitam ityādi yaduktam, tadaśakyānuṣṭhānameva śeṣaśiro-
ratnadhāraṇasaṃpādyavyādhividhvaṃsavat | evaṃ sadapi niyataviṣayaṃ 
kāryāditvamanavadhāraṇīyamuktvā tadapi na saditi darśayati yogi iti | 
yoginirmitaṃ vā idaṃ syāt, itarat

(page 87)

vā laukikamityapi na avadhārayituṃ śakyam | prāk iti

     arthakriyāpi bāhyatve sā bhinnā--------------| (1|8|6)

ityatra | nanu dhūmasya pāṇḍuratvodgacchattvādivadagnijatvamapi rūpam, 
tadanagnijo dhūma eva na bhavati; yadi syāt ihāpi anagnijatvameva asya 
āpatediti agnerna syādasāvityāśaṅkya āha kāryakāraṇabhāvaśca iti 
āsvābhāvika iti | yadihi kaścidagnirnāma bhavet dhūmo vā, tadā tayoryo 
niyamaḥ paurvāparyalakṣaṇaḥ; sa svabhāvo bhavet yāvatā tāveva na 
kaucit saṃvidvijṛmbhāṃ muktvā | saṃvidevahi tathā prathate 
svapnasaṅkalpayogi-nirmāṇādāviva | kevalaṃ saṃvidvijṛmbhāvaśādeva 
yatra niyatiśaktyā ānantaryaniyamo'vabhāsyate, tatra jāgradvyavahāraḥ 
kāraṇatāniścaya-śca | tatra kuto'yaṃ niścayaḥ-agnyanantareṇaiva 
dhūmena bhavitavyaṃ tātkālikasya darśanasya sarvatra avyāpārāt 
bhūyodarśane'pi anāśvā-sāt | bhūyodarśane ca sāmagrīmadhye 
svātmasannidhānasya praveśitatvāt mayi 
etāvaddeśaviśeṣāṃśamātramanadhitiṣṭhati adraṣṭari na bhavati dhūma 
ityapi syāt, paradarśanopajīvanena tathā niścaye āgamo'ṅgīkṛto bhavet | 
nanu evaṃ dhūmasya kiṃ rūpam | āha ekapratyavamarśa iti dhūmasya 
hi dhūmābhāsataiva prayavamarśadārḍhyamāpannā rūpam, na 
agnyanantaratā, nāpi kṇṭhākṣivikārapūrvatā | evaṃhi sati vahnerapi kiṃ 
rūpaṃ, yadi indhanādyantaratā, dhūmādipūrvabhāvitā ceti; anena 
krameṇa anavasthā anyonyāśrayatvaṃ ca | evaṃ kaṇṭhākṣivikāre'pi 
dhūmāpekṣayā anyonyāśrayatvaṃ, svakāryāpekṣayā ca aviśrāntiriti 
na kadācit dhūmo dṛṣṭo bhavet | tataśca sarvo'ndho badhiraśca bhavet 
bhāva-tattvādarśanāt | naca yāvatyo vyāvṛttaya ekadā dṛṣṭāḥ, 
tāvatyaḥ sarvadā bhavitumarhanti 
deśakālāntarāyogaprasaṅgādekasvalakṣaṇāva-śeṣatāpatteḥ |

(page 88)

katipayavyāvṛttiyojanaṃ ca paribhāṣitaṃ bhāvasya rūpaṃ syāt, katipaya-
tve ca avadhirdṛśyaḥ, parāmarśa eva avadhiniyamaheturiti cet, tadidamasma-
duktameva āpatati dhūmapratyavamarśanīyo dhūma iti, natu etatkāryametat 
kāraṇamiti | etaddeśa etatkāla etaddṛśya iti hi yathā na bhāvāṃśapra-
viṣṭametadābhāsāntaratvāt, tathā kāryakāraṇābhāso'pi kevalaṃ 
nitya-tābhāsabhedavyāmiśraṇayā svalakṣaṇotthāpanaṃ kriyatāṃ 
nāma, natu tadakāraṇatve tadakāryatve vā dhūmābhāso na 
dhūmābhāsaḥ | atra udāharaṇamāha yathā iti | lokasya hi pratipattiḥ-aho 
maṇimantrādeḥ prabhāvo yadagnirapi ayamavikalo na dahatīti | evaṃ yathā 
kārye na niyamo bhāvasya, tathā kāraṇe'pi, iti darśayati śālūkaṃ ca 
iti utpalakandam | śālūkaparāmarśānivṛtteśca tajjātīyameva tat | tat 
kathamiti | kāraṇabhe-dāt kāryabheda itinaye bījāt yat kandaṃ kandācca 
yat kandaṃ kadalījanma vyavadhinā udbhinnameva kandadvayamiti, 
tatkandadvayodbhave kadalyāvapi bhidyeyātām, tadbhedācca 
kadalīphalādīnāmapi bhedaḥ syāt | tataśca yaducyate-anantaraṃ 
kāraṇaṃ kāryamanumāpayati tattulyarūpāṇāṃ tulyaṃ yathā 
prabaddhayoḥ kadalyoḥ kandodbhavaḥ; yatra tu sākṣāt hetu-bhedaḥ, tatra 
rūpabhedo'pi yathā tayoreva bījakandodbhavayoḥ-iti, tat vighaṭitaṃ 
syādādyena hetubhedena sarvatraiva kārye sākṣāddhetubhe-dasya 
samānatvāt | yathāca marudeśanivāsī gomayameva vahneḥ kāraṇa-tvena 
niyamayan mūrkhaḥ, tadvat dhūmasyāpi angniṃ so'pi hi kalpayet; yadi 
agomayo'gniḥ syāt, ayamapi syāt; naca asti, tasmādanyo'pi agnirgomaya 
eva bhavati | atra indhanamātrameva tena kāraṇatayā kalpyam, dhūmasya

(page 89)

api anantaraṃ kiñcit vastumātramiti ko viśeṣaḥ | nanu tayorapi kadalyorastu 
bhedaḥ | etadapi anuvadati dūṣaṇāya tadastu iti | 
asmadāpāditamaṅgīkṛtya api na phalasiddhiriti darśayati tathāpi iti | asau  
iti bhedaḥ | tathāhi kimidaṃ rāgāduditāyā vaktukāmatāyā vacanam, uta 
karuṇāta iti yathā sannapi kāraṇabhedāt kāryabhedo durjñānaḥ, tathā 
sarvatreti suvivecitatvopāyā-bhāvādaśakyānuṣṭhānopadeśo'yaṃ yat

     bhavadbhireva śakyeta jñātuṃ so'tiśayo yadi |

iti | kiṃca sāmagrī sarvatra kāraṇam, tasyāṃ ca sahakārivargo'pi vicitro 
bhavan kāryabhedaṃ yadi vidhatte, tat phūtkārāt pavanajavāt nigharṣācca 
utpadyamānā anya eva te vahnayaḥ iti kiṃkāryasya idānīṃ dhūmateti na 
vidmaḥ | tasmāt durlabhamanumānamiti | dhīvarasparśo hi pāpasparśatvāt 
pāpādhāyīti kāraṇāt kāryānumānametat yogyatānumānaṃ vā | tatra 
ca pratibandhakasambhavāt niyativijṛmbhāderna bhavedapi pātakahetuteti 
tatra anumānamanādṛtya sparśaparihāre aṅgatāmagama eva  āgacchati 
svaccha-prasiddhirūpaḥ | tadāha tat iti | prasaṃkhyānavatāmeva iti 
sāvadhānā-nāṃ vivekināṃ viḍambanabhīrūṇāṃ ca | āgamo hi nāma 
ayaṃ śabdanasaṃkrāntiśarīraḥ | yathāha bhagavānanantaḥ

     paratra svabodhasaṃkrāntaye śabdena upadiśyate |

iti | tatra svabodhaḥ pratyakṣeṇa svasaṃvedanātmanā, śabdaśca śrotrendri-
yādhyakṣeṇa prameya iti pratyakṣasya cet prāmāṇyaṃ prati daurbalyaṃ 
syāt, tadā āgamasya api tadāpatedityāśaṅkāṃ śamayati pratyakṣaṃ 
ca iti | etat saviśeṣaṇaṃ kartṛ, sāmānyaṃ tu avasthāpyamānaṃ karma | 
atra udāhaṇaṃ yathā iti | pratyakṣādeva iti pratyakṣeṇa hi gṛhābhāsaḥ 
prāptiprepsāviṣayatvena niścita eva | nanu evaṃniścaye

(page 90)

kathaṃ tadviruddhaḥ saṃśaya iti kathamavādi saṃśayādapi iti | atra āha 
kevalam iti ābhāsāntare'pramāṇābhimate sa saṃśaya iti yāvat | guḍa 
iti, nahi madhuramātre kaṭhinamātre raktamātre vā guḍavyavahāro 
madhuni loṣṭe lākṣāyāṃ ca tadabhāvāditi milite eva 
rūpādyābhāsavarge tadvya-vahāraḥ | tata eva iti | pratyakṣāt | nāsti iti 
abādhitavimarśenahi pratibhā-sena tadavasthāpitaṃ sākṣāt, tat 
kathamanyathā bhavet | nanu evaṃ rajataṃ syāt vā, na veti, rajatameva 
idamiti, natu rajatamidamiti kathaṃ sakṛdeva rajatatattvagrāhiṇā pratyakṣeṇa 
avadhārite rajate saṃśayaniścayaviparya-yavibhāgaḥ; niścayarūpatayaiva 
hi ekarasatayā yuktaṃ bhavitum | satyame-vaṃ, rajatābhāsāṃśe 
saṃśayaviparyayau tu deśakālābhāsāntarami-śraṇapuraḥsaro 
yo'rthakriyābhāsastanmahimnā bhavata iti traidhaṃ na anupapannam | 
tadāha sarvatra ca iti | pūrvavat iti | yathā pūrvamuktaṃ

     sukhādiṣu ca saukhyādihetuṣvapica------------------| (1|8|3)

ityatra prakaraṇe grāhyatvabāhyatvādyābhāsāntarasaṃbhedādicintanam, 
tathā atrāpi anusaraṇīyam | yadvā pūrvamatraiva vivṛtigranthe yaduktama-
nantarameva kevalaṃ deśakālabhedāpekṣayā iti, tadatidiśyate 
pūrvavat iti | nanu sāmānyamātre tāvat vimarśodayaḥ iti uktam, tat 
kimanena deśādiviśiṣṭaṃ punaḥ svalakṣaṇam ityādinā | āha niścite 
ca iti | yadyapi pratyakṣeṇa ekasāmānyaviṣaya eva prāmāṇyamāsāditam, 
tathāpi miśraṇābhāsāṃśe prāmāṇyamakhaṇḍitameveti sāmānyaṃ 
sarva-deśakālagataṃ siddhyati, svalakṣaṇaṃ tu asarvadeśakālamiti 
vibhāgo-'yaṃ siddheḥ kṛtaḥ sarvadeśakālagāmitve'pi | tathaiva iti 
deśādiviśiṣṭam |

(page 91)

punar iti vākyadvayena | viṣaya iti sāmānyādau iti ca vaiyadhikaraṇyena | 
anekasāmānyamelanena iti tata eva siddhyati ityantaṃ yaduktam, tadeva 
vyavahāre svabhāvahetusamarthanāya hetutvena upajīvati ata eva iti | atra iti 
śiṃśipātve | tasya iti vṛkṣatvasya | saca iti yadetat niyatimahimnā 
traikālye-'pi śiṃśipātvamantarbhāvitavṛkṣatvam, eṣo'sau 
tanmātrānusambandhaḥ śiṃśipātvamātra samākṛṣyatvam | yadāha

     tanmātrabhāvānvayiniḥsvabhāvo heturātmani |

iti | syāt iti nanu saṃbhāvyametat bhinnatvādanayorābhāsayoḥ | nanu 
vṛkṣatvaṃ samujjhya bhavantī śiṃśipā niḥsvabhāvā kathaṃ bhavet | 
atra āha agre iti yoginirmāṇatāsūtre | tathā iti pratyakṣāgamavaditi yāvat 
| lokasaṃvyavahāre tu kā pīḍā (?) nyāyena upayujyate | tata eva 
parameśva-rāgamaprasiddhimūlatvena deśadaśāpuruṣaviśeṣāntare'pi 
yā prasiddhi-rabādhitā niyati svarūpānuvartinī, tanmūlānāmeva 
anumānānāṃ karaṇakartranumānānāmiva nirvivādaṃ prāmāṇyam; 
natu svayaṃkalpa-notthāpitānāṃ sadvitīyānyataratvādīnām | ā 
janmano'nantapūrvajan-makoṭisahasrāvadhervā yat 
vyavahārapariśīlanaṃ, tadbalena vā; parakīya-paripakvapratibhopajīvanena 
arthakriyālābhena vā pratibhāparipāke jāte pramāṇasya 
sārvatrikavastutathātvaniścaye vyāpāro'khaṇḍitaḥ | tadāha abhyāsāt 
iti | ata eva iti | yato'bhyāsādevaṃ bhavati, tato yaduktaṃpaś-
cātsaṃvādena kiṃ kṛtyamiti, tat nirastaṃ bhavati abhyāsāṃśe tasya 
upayogāditi tātparyam | tadā iti sākṣātkārasamaye | etasmāt 
vastusiddhirjātā, sa sākṣātkāraḥ svasamaye

(page 92)

pramāṇamiti yo niścayaḥ, sa tadā tadvastusiddhiniścayaḥ | anyathā iti ana-
bhyāsena arthakriyārūpaniścayābhāve | tathāhi tadā saṃvādāntarama-
pekṣante | saṃvādo'pica iti tasya arthakriyādeḥ | kāryasahacāriprabhṛ-
teryā prāptiḥ, sa saṃvādaḥ iti sambandhaḥ | etat sarvaṃ bāhyarthasiddhi-
saṃmatamapi taddarśane na kathañcidupapadyate abhyāsādeḥ saṃskāra-
sāratvāt tasya ca pramātrekatāyāmupapatteriti hi darśittaṃ

     dṛksvābhāsaiva------------------------| (1|3|2)

ityādyuddeśeṣu | tadasmaddarśane tu upapannamityāśayena punariha vitatya 
darśitaṃ mantavyam, niyatiśaktistu mahābhāsasāratayā tatra 
praveśanīyeti adhikamiyat | tathāca iti yedetaduktaṃ prameyaṃ, tena 
hetuprakāreṇetyar-thaḥ | tāvat iti saṃvyavahāre dṛṣṭaviṣaya iti manyate | 
ka iva iti ekapramā-
tṛrūpasaṅkucitaprakāśāveśinīlādyavabhāsavimarśanarūpāt pratya-
kṣāt samastāvigītavimarśanarūpaparicchedaśūnyāsaṅkucitaprakāśa-
viśrāntabhāvatattvāvabhāsavimarśanasvabhāva āgamo balavāniti yāvat 
| enamāgamamavigītaprasiddhilakṣaṇaṃ vibhajati tathāhi iti | 
vedaśaivavaiṣ-ṇavādīnāṃ hi yo'rtho vimṛśyamānaḥ 
parasparānuṣṭhānena prasiddhaḥ; so'nenaiva uktaḥ, anenaiva utpāditaḥ, 
amuṣmāt kālādārabhyaiva pravṛtta iti na avacchedabhāgīti 
anavacchinnaprakāśadharmo vimarśātmā parame-śvara eveti 
anāditvameva tatra | kaṭhādibhirbhārgavamataṅgādibhirnārada-
prabhṛtimiśca prasiddhānuṣṭhānamanādi eva nibadhyate yataḥ śabdanaṃ 
samāsavyāsopakalpitavākyayojanābhiḥ | naca asyā yatnasādhyaṃ 
pārameśvarītvamiti darśayati sarvaiva iti | upapāditam iti 

     tatra jñānaṃ svataḥ siddham------------------------| (1|1|5)

(page 93)

ityādau | upapādayiṣyate iti

     itthaṃ tathā ghaṭapaṭādyābhāsa-------------------| (2|4|21)

ityādisthāneṣu | yadi sarvā mānasī vāṅmayī vā pravṛttiḥ 
pārameśvarī, tarhi, manorājyādāvapi sā pravṛttiḥ kathaṃ visaṃvādinī | 
āha tasyāstu iti | bāhyārthaparyantībhāvena satā asatā ca upalakṣito 
yo'syāḥ pravṛtte-rādyāyā aiśvaryāḥ sambandhini 
pāśavavāṅmanasavyāpāre rūpavaila-kṣaṇyabhedaḥ prātisviko viśeṣaḥ 
saṃbhavannapi durlakṣa iti pravṛttirupa-pannā lokasya, pravṛttau ca 
visaṃvādo'pi upapannaḥ pāśavavāṅmanasa-vyāpārabhāvāpattau, tatra 
ca bāhyārthaparyantībhāvābhāvābhyāṃ rūpavailakṣaṇye tasya 
durlakṣatvam, tataśca pravṛttāvapi visaṃvāde parameśvarecchayā iti 
hetutvena yojyam | nirudhyamānāpi iti niroddhu-miṣṭā apītyarthaḥ | 
niścalaiva iti nirodhecchayā cālyamānā api avicalā | pratibhāsaṃjñā 
iti pratibhānalakṣaṇā iyaṃ śabdabhāvanākhya āgama eveti yāvat | 
bhāvitam iti |

     atthivisaṃṇatthivisaṃṇatthitihu aṇesa ale |

ityādyupadeśaviśeṣaiḥ śabdanarūpairotaprotīkṛtaṃ vyāptamantaḥkara-
ṇaṃ saṅkalpābhimānaniścayavṛttitrayamayaṃ yasya, mantrā apihi 
śuddhasaṃvidrūpaparameśvarasambandhipurāṇatamasiddhaikarūpavi-
śiṣṭavimarśasvabhāvā yasyaiva pramāturvimarśamātmanā abhivyāpnu-
vanti; tasyaiva tathārūpatāṃ balādeva 
ullāsayantastathāvidhaviśiṣṭaphala-dāḥ | tata eva uktaṃ

     sahārādhakacittena---------------------| (spa. kā. 27)

iti | nanu paśupramāturyo'bhimānātmā śabdanaviśeṣaḥ, sā kathaṃ 
pārameśvarī vāgityāśaṅkya parameśvararūpatā sarvatraiva aniruddhā, 
kevalaṃ tadicchayaiva tasyāḥ kvāpi aṃśe vicitre pronmajjananimajjane 
bhavata

(page 94)

iti darśayati saṃsāriṇo hi iti | tadānīm iti parameśvaratāparihārakāle 
loṣṭādivadasvātantryāt | pramātṛtā iti prāṇādeḥ pramātṛtā kathyate 
vyavahriyate param, na tāttvikīti yāvat | pāramaiśvaryasya aśeṣaprakāśa-
vimarśamayasya yogastataḥ | etaduktaṃ bhavati-yathaiva viśvaprakāśāt-
mā parameśvaraḥ, tathā viśvavimarśātmā | tatra 
bāhyatvagrāhyatvārtha-kriyātatsahakārivargasya yathā prakāśaḥ, 
tathaiva vimarśaḥ | tata īśvare-cchayaiva yo yatra vimarśāṃśe ekīkṛtaḥ 
samujjhitumicchurapi na ujjhituṃ śaknoti, tata eva

     rudrāṃśo rudrabhaktastu-----------------------------------------|

ityādinā bhāvāṃśakaprādhānyamāgameṣu upadarśitam | sā iti pratīti-
stādṛśī sārvajñyaṃ pratyetavye vastuni tathābhāvaniścāyakateti yāvat | 
nanu īśvarecchayaiva yat yasya nirūḍhaṃ śabdanaṃ, sa eva tasya āgama iti 
ka idānīṃ prāmāṇikānāṃ protkarṣaḥ | āḥ ke varākāḥ 
prāmāṇikāḥ | īśvara evahi tathā bhāti vimṛśati vimarśayati ca | nanu 
evaṃ tūṣṇīma-vasthīyatām, kiṃ 
śāstrapraṇayanopadeśaśravaṇānuṣṭhānaiḥ | satyama-vasthīyate yadi sa 
tathā avatiṣṭhāsīta parameśvaraḥ | tat sudhākandarodvahanamapi 
īśvarecchaiva | tathāca śivadṛṣṭiḥ

     sa eva śāstrakartṛtve-----------------------------------| (3|75)

ityādi

     -----------------------yāvattadanuṣṭhānatatparaḥ |

ityapi | iyatā mānasīṃ vṛttiṃ vicārya vāṅmayīṃ vicārayati vāgapi iti | 
tathāca iti yataḥ prarūḍhā satī pramāṇam, tataḥ parayūthyeṣu prarohā-
bhāvalakṣaṇena bādhanena avimarśīkṛtā naiva pramāṇam | nanu 
nirūḍhatvāt na pramāṇam, apitu pramāṇopapannatvāt |

(page

naivamityāha yuktyaṃśastu iti | na tāvat sarvatra nyāyo nirvahati; yatrāpi 
nirvahati, tatrāpi pūrvoktadṛṣṭyā kāryādirūpasya durjñānatvāt 
durbalaḥ; svagṛhe balavānapi vādyantarotthāpitanyāyāntaradṛśi durbala-
tarībhavati | tathāpi ca ādyāpi yāvadāsaṃsāraṃ pravahatāṃ 
kartaṣaṭka-tadbhedasahasrotthāpyamānānāṃ nyāyānāṃ na 
paryavasānaṃ kiñcidapi labhyate | yadāha

     yatnenānumito'pyarthaḥ-------------------| (vā. pa. 1|34)

iti
     sarvaḥ phalocitānarthānāgamāt pratipadyate |
     viparītaṃ ca sarvatra śakyate vaktumāgame | (vā. pa.1|142)

iti ca | parakīya iti kramayaugapadye kramakāryakāritvasya vyāpake iti 
yaducyate, tat kiṃ vastu apekṣya; atha saṃbhāvya, na tāvat viruddhe dve 
ekasya vyāpake vastuno bhavitumarhataḥ, anyatarasya api evaṃ kathaṃ 
vyāpakatvam, kramaśca na asakṛt vā karaṇaṃ, tacca asaṃbhāvyeva vastuta 
iti tadapekṣayā dvitīyo'pi rāśirna kaściditi tadatadrūpaparicchedavyava-
cchedābhyāṃ tṛtīyarāśyabhāvaniścayo nāsti,-iti gatyantarakṣayo'pi na 
kaścit | saṃbhāvanā tu vikalpamātraṃ, na tayā samutthāpito vyāpyavyā-
pakabhāvo vastu āviśati,-iti kṣaṇiko'pi na tāvat krameṇa karoti 
ananuvṛtti-dharmakatvāt, na akrameṇa ekena vapuṣā kāryakaraṇe 
tadbhedāyogāt, anekena api karaṇe yaugapadyāyogāt, sahakārisaṃpātāt 
tathā karaṇe tasyaiva vyāpakatvaṃ syāt na kramākramayorityādiko 
naiyyāyikokto durbalībhavati nyāyaḥ | eṣā piśācoktiḥ, anyoktā 
śakyaparihāreti sarvathā tarko'pratiṣṭha eva | tathaivahi parameśvareṇa sa 
sṛṣṭaḥ | tata eva iha śaktisaṃvardhanakrameṇa 
antaḥsaṅkucitavimarśaśaktisamākarṣaṇena

(page 96)

tathaiva bhogāpavargopayoginā upayujyamānaḥ prameśvareṇa sṛṣṭastarka-
saṃsāraḥ kāvyasaṃsāravadapara eva | vicitrā hi amī saṃsārāḥ | apra-
tiṣṭhitatve'pitu tarkasya na asmaddarśanasya khaṇḍanā kācit | 
ābhāsamā-navastuvāde hi parameśvarecchayā ayamābhāsaniyamaḥ | sā 
ca vaicitryeṇa ābhāsānutthāpayantī tatsaṃyojanaviyojanavaicitryeṇa ca 
pramātṝn vicitrīkurvāṇā aparyanuyojyā,-ityetāvadeva 
nyāyamavatiṣṭhate | tadaya-malabdhagādha eva tarkaḥ śobhate | atra tu 
svabuddhigarveṇa pratiṣṭhāṃ paśyan 
svagṛhaprāṅgaṇamdhyakalpitaniḥśeṣabhūgolakamadhyadhruvakas-
thānavat mūḍho vā ḍimbaviḍambako veti āstām | sarvathā anumāne na 
āśvasitavyam, apitu āgama eva | sa ca yo yasya hṛdaye nirūḍhimupagataḥ, 
sa eva | nanu evaṃ yasya na kiñcit nirūḍhaṃ, tasya kim | nanu evaṃ yasya 
cakṣuṣī na staḥ, tasya kim | tatkartavyahānopādānaviraha iti cet, ihāpi 
āgamaviśeṣasaṃpādyabhogāpavargopādānanarakapātādiparihāraviraha 
eveti | yadāha mīmāṃsakāgraṇīrbhaṭṭanāyakaḥ

     mahānti pātakānyāhuryadājñāvaśataḥ surāḥ |
     pāvanāni namastasmai svacchandāya harāya te ||

iti | atra tridhā vidhyanuvādayogo vyākhyātavya iti | nirūḍhatayā āgamo 
mānam | tadāha prasiddhaṃ tu iti yat yadā yathā yatra ityanena krameṇa 
sarvāgamānāṃ prāmāṇyam | mlecchādyāgamo hi tāvati pramāṇaṃ 
bhavannapi anāryasaṃparkasaṃbhāvyamānamlānirāgamābhāsaḥ | tathā 
śrutyukteṣu eva

     mahājaṃ vā mahokṣaṃ vā--------------------------|

ityādikartavyeṣu madhyāt tadicchāvaśāt mahokṣaprokṣaṇe'tyantaviru-
ddhe'pi

(page 97)

cirajīvināmṛṣiprāyāṇāmevaṃ buddhirjāyate adya etat yuktamiti adya na 
vidhīyate, natu pūrvamayuktakāriṇo vayamiti | yatra tu anyāgamasaṃvala-
nayā pramātuḥ pūrvameva ahamayuktakārī abhavamiti pratyayo jāyate, 
tatra na āgamatvameva | tatrāpi bhagavanniyatyā pārameśvarāgame evaṃ-
vidhabuddhyutpāde vilayavyavahāro'nantapratyavāyaphalaḥ, anyatratu 
tathātvodaye pārameśvarāgamasamāśvāse'nugrahavyavahāro''nantā-
bhyudayalābhāt | tatrāpi ca tadāgamatyāgapratyavāyaparihāro 
liṅgoddhā-rādidīkṣayā parameśvareṇaiva nirūpitaḥ, natu 
śaivāgamādyasamāśvas-tavaiṣṇavādau tathā darśitamiti 
vastutattvānusāriṇa āgamāḥ | puruṣapra-jñāstu 
svotthāpitapakṣapātayuktāḥ svabalena utkarṣāpakarṣāvutthāpa-yantyaḥ 
saṃbhāvyamānabādhāḥ,-iti alamatijalpitena | natu evaṃ yadi 
aniyatakartṛkaiva vāk pārameśvarī, tarhi siddhāntaśrutyādeḥ 
prāmāṇyaṃ syāt

     adṛṣṭavigrahācchāntācchivātparamakāraṇāt |
     nādarūpaṃ viniṣkrāntaṃ śāstraṃ paramadurlabham ||
iti
     amūrtādgaganādyadvannirghāto jāyate mahān |
     śāntātsaṃvinmayāt tadvacchabdākhyaṃ śāstram------||

ityanena krameṇa anāditvāt parameśvare prakāśavimarśasvabhāve kālā-
nullāsāt, buddhādipraṇītatvāttu na bauddhāgamādīnāṃ bhavet | atra 
samādhiḥ bauddha iti | nahi buddho nāma niyataḥ kaścit, api tu bhāvanā-
balapratilabdhakṣaṇikādidṛḍhavimarśaḥ | tasya kṣaṇikādibhāvanopadeśī 
guruḥ pūrvabuddhaḥ, tasyāpi anyaḥ,-iti krameṇa aniyatavaktṛkatvāt pāra-
meśvaravimarśamayataiva vastutaḥ | evaṃ caturviṃśatitattvabhāvanābhā-
vitaḥ kapilo mantavyaḥ | ata eva sarvāgamā

(page 98)

anādaya eva | tathāca pārameśvareṣu api śāstreṣu tadvṛttāntāḥ 
śrūyanta eva

     buddhitattve sthitā bauddhā avyakte pāñcarātrikāḥ |

iti

     yatkiñcidvāṅmayaṃ loke bauddhamārhatavaidikam |
     vaimalaṃ pāñcarātraṃ ca lākulaṃ sāṃkhyameva ca ||
     tadgrāhayenna sandeha-----------------------------------------|

iti

     ityevaṃvādināṃ teṣāṃ vādināṃ tu śatatrayam |
     triṣaṣṭyabhyadhikaṃ ca-------------------------------------| (sva. 10|680)

iti

     etatpuruṣavijñānaṃ kapilāya mahātmane |
     mayā proktam--------------------------------------||

ityādi ca | tena kaṇṭhoktivat sugatoktistatra, natu tatkṛtaṃ prāmāṇyam | tat-
kṛtatvamevahi prasiddhimantareṇa kiṃpramāṇakamiti prasiddhireva ekā 
pramāṇam | parameśvarechāvaśācca sugatakapilādayo'pi tatprasiddhyanu-
praviṣṭāḥ kṛtā anugrāhyāstāneva anyāṃśca anugrahītum | lokaprasi-
ddhiḥ iti yo yatra vyavahāre vyavahartā, sa tatra lokaḥ | deśe iti tattadvyava-
hārasthāne | etat saṃvādayati kāmam iti | kenacidāgamaniścayena yadyapi 
nirmitamanyalokācāreṇa ca viruddhaṃ tathāvidhamapi caraṇaṃ ceṣṭitaṃ 
yat; tadapi pratipadyante kāmaṃ bahavo'pi ekavākyatayā aṅgīkurvanti, 
natu tatra eṣāṃ vicikitsā bhavatītyarthaḥ | tatra hi iti 
tathāvidhaviruddhavyava-hāranimittabhūtā vāgityarthaḥ | yadi 
pārameśvarī vāk pramāṇaṃ, tadā vedaḥ katham | āha īśvarājñā hi 
iti ā samantādapratihatam,

(page 99)

ā ca phalasiddhervyāpriyamāṇam, āvinayaṃ hṛdayaṃ vyaśruvānaṃ 
vimarśarūpamājñā

     numastvāmṛgyajuḥsāmnāṃ śukrataḥ parataḥ param |
     yasya vedātmikājñeyamaho gambhīrasundarī || (sta. ci. 69)

iti, yasyeti ṛgādīnāṃ śukraṃ sāraṃ vīryaṃ vāktrayaṃ pūrvaṃ 
vyākhyātamicchādiśaktitrayamayaṃ, tato yatparaṃ paraśaktyātmakamā-
nandadhāma; tataḥ paraṃ 
samastaśaktipratiṣṭhārūpaparamaśaktiviśrānti-dhāma; tat numaḥ | aho iti 
gāmbhīryasya saundaryasya ca atiśayaṃ dyotayan-
nadhyātmādhibhūtādhidevādiviṣayārthasahasragarbhatvamācakṣāṇaḥ 
sarvāgamāvisaṃvāditāṃ vedāgamasya āha | yathoktaṃ

     --------------------------sarvajñānamayo hi saḥ |

iti | ubhayī iti nibaddhā, anibadhā ca | viparyayo viruddhā prasiddhiḥ 
prāmāṇyalakṣaṇamaśnute iti saṃbhāvyate iti sambandhaḥ | tathāca

     ------------------śukrātprabhṛti madyasyāpeyatā dvijaiḥ |

ityādi śrūyate iti sāpi prasiddhireva | sāpica anādiḥ | anādikālabhāvinyo 
hi sarvāḥ prasiddhayaḥ | tatra tu kācit kadācidunmajjati, kācit nimajjati,-iti 
unmajjananimajjane eva udāharaṇena spaṣṭayati tathā ca iti | tadupacāra-
vastu iti nāmākṣarāṇi śrotramanogocarīkāryāṇi api lipau yataḥ upacar-
yante ciratarabahujanmābhyastavyavahāraparicayadṛḍhanirūḍhena parame-
śvarājñānuvartitayā śrīmatsarvavīrabhargaśikhādyanugatayā tathaiva 
satyena sāmānādhikaraṇyena dṛḍhavimarśavaśāt vyavahriyante | 
dṛḍhasya ca vimarśasya satyatvam | tatasteṣu āpyāyakasantāpakādirūpa-
varapramukhavarṇopacaritarūpalipyakṣarayuktyaivavā 
āpyāyakasantāpakādirūpakṣīrāvasekakhadirāṅgāratāpanādiyuktyā

(page 100)

vā āpyāyanādikarmapraiṣādyabhidhāyivarṇopacaritarekhāyogena vā 
āpyāyiteṣu athavā santāpiteṣu 
tallipyakṣaratādātmyavimṛṣṭavarṇarūpa-
pratyavamarśābhedaprāptaprakāśasvabhāvo'sau puruṣa āpyāyitaḥ, 
tantāpito vā bhavatīti | tatra īśvarecchayā sa bhāvo yathiva prakāśe prati-
bimbātmanā sṛṣṭo viśiṣṭarūpādiprakāśamayaḥ, tathā viśiṣṭarūpopa-
rāgavicitravimarśaviśeṣamaya iti kathamevaṃprāyāṇāmarthāsaṃspar-
śitvaṃ śabdānām | tadeva draḍhayituṃ nidarśanāntaramāha tannāma-
nakṣatre ca iti | ṣaḍṛkṣopatāpādivicāre janmanakṣatrādapi mukhyanā-
mākṣaradvārāyātaṃ nakṣatramavakahaḍādiṣu cakreṣu svarodaye 
mukhya-tayā gaṇyate | tacca atīvasaṃvādi dṛṣṭam | evaṃ śāstradiśā 
kāryakāri-tvena tasya śabdasya tadarthātmakatvaṃ pradarśya 
lokapratibhāmukhena api āha tathā iti | paśormātāpitṛprāyasya yadyapi 
icchā tatra vyāpṛtā, tathāpi īśvarecchaiva atra mukhyatvena vijṛmbhate 
vāstavatātparyāt | udāharaṇasphuṭīkṛtamāgamalakṣaṇaṃ sarvatra 
saṃcārayati evam iti | atra iti vyavahāre | tena iti īśvareṇa | anyathā iti 
tadadhyāsaṃ vinā | etacca

     ghaṭo'yamityadhyavasā--------------------------| (1|5|20)

iti sūtre vivecitam | nibaddhaḥ iti viśiṣṭavākyaracanābhiḥ, anibaddhastu 
yatra tathā nāsti | mahājano yatra kartavye yaḥ prasiddhiṃ yāto vargaḥ, sa 
eva mantavyaḥ-yathā vedānuṣṭhāne cchāndasaḥ, vaiṣṇavānuṣṭhāne 
bhāgavatākhyaḥ | yathāha varāhamihiraḥ

viṣṇorbhāgavatā maghāśca savituḥ śambhoḥ sabhasmadvijā 
mātṝṇāmatha mātṛmaṇḍalavido viprāstvatha brahmaṇaḥ |
śākyāḥ sattvahitāya buddhavapuṣo nagnāstathaivārhato
     yairyo deva upāsyate svavidhinā taistasya kāryā kriyā ||

(page 101)

iti | te te hi tattadvimarśatādātmyapratipattisaṃvedanāstattatphalamayatnata 
ullāsayituṃ samarthāḥ | kaścit punarāgamo maheśatāvibhāgalakṣaṇa-
paramanirvāṇaphalo bhavannanantasāmānyanikurumbasvīkārighaṭābhā-
savadanantābhāsasvīkāreṇa vartamāno'dharaśāsanābhihitabhogāpa-
vargasamartho'pi bhavati, natu adhara ūrdhvaphaladānasamarthaḥ | tata 
ucyate

śaivavaiṣṇavabuddhārhadāgamārthavyavasthitāḥ |
uttarottarasāmarthyāḥ pūrvapūrvavighātinaḥ ||
tasmācchaivāgame tiṣṭhannanyānugrahaṇecchayā |
vaiṣṇavādyāgamajñebhyastattadāgamayenmatam ||
natu vaiṣṇavadīkṣādisaṃskṛtasya kadācana |
śaivāgame'dhikāro'sti vinā taddīkṣayā punaḥ ||

iti | tena yathā iti prasiddhirūpeṇa vādena | tena iti pratipattrā | tatra iti 
deśe | tadā iti kāle | evakāreṇa śāstrāntaralokācāravirodhe'pi na 
vicikitsita-vyamityāha vigāne iti tadviruddhavimarśodaye | anibaddhāpi iti 
mahājanā-nuṣṭhānaśeṣatayaiva sthitā | nanu adṛṣṭaviṣaye prasiddhyā 
paryantaphalo-dayayā bhavitavyam, natu asāvarthasaṃsparśinīti kutaḥ 
prāmāṇādavase-yamityāśaṅkya āha nirvicikitsā iti | yathāhi 
vṛkṣatvaṃ śākhādimattva-rūpaṃ pratyakṣeṇaiva sakṛdudgatena madhye 
bādhakavaidhuryamanāsāda-yatā traikālye trailokye ca niścitam | evaṃ 
nirvicikitsaprasiddherbāhyārtha-paryantatvaṃ nāmanakṣatrādau 
viṣabhūtagrahādau ceti pratyakṣeṇaiva prāmāṇyaniścayaḥ | nanu madhye 
bādhakaṃ na udeśyatīti katham | atrāpi āha adṛṣṭaviṣaya eva iti | 
dīkṣāto mokṣaḥ iti

(page 102)

     nāsti dīkṣāsamo mokṣaḥ---------------------| (sva. 11|119)

ityāgamāt nirūḍherbādhakasaṃbhāvanā nāsti, madhye tu udite bādhake 
vilayayogādaprāmāṇataiva | ata eva iti yataḥ prasiddhirūpa eva āgamastato 
hetoḥ | tadāha

     anye tvevamajānantaḥ śrutvānyebhya upāsate |
     te'pi cātitarantyeva mṛtyuṃ śrutiparāyaṇāḥ ||

iti |

     idaṃ puṇyam-------------------------------------------|

ityādimunivacanaṃ bhartṛhariṇā (vā. pa. 1|40) āgamapramāṇyadār-
ḍhyāya upanyastamiti tanmukhena iha likhitam | tathā prastāvadārḍhyārtha-
meva śāstraśabdena viśiṣṭavākyaracanā atra ukteti darśayati nanu iti | 
evaṃ pratibhārūpeṇa nibaddhānibaddhaprasiddhidvayātmanā ca trividha-
māgamaṃ pradarśya rūpāntaramapi asya darśayati anyo'pi iti | etāsu 
tisṛṣu prasiddhiṣu pramāṇāntaramūlatvaṃ na anveṣyam, āptavāde tu 
tadanveṣaṇīyameva | āptirvaktavye vastunyadhigatistataśca 
vaktavyavastvadhi-gatiḥ, sā vidyate yasya, sa āptaḥ | ata eva tadā 
lokavacanarūpo vā śāstra-vacanarūpo vā niyatākāraṃ kartāraṃ ca 
apekṣya api vartamāno'pi śaṅkanīya eva 
mūlabhūtatatpramāṇasaṃbhave vicikitsābhāvāt | tadāha āptaśca iti | 
nirvicikitsā iti vyastaṃ pratīterviśeṣaṇam, samastaṃ vā anuṣṭhānasya | 
tenāpi iti āptasaṃmatena | astyeva iti, natu nāstīti anubha-vasya 
anapahnavanīyatāmāha | ya upadeśyo yasya āptasya saṃbandhi jñānaṃ 
pramāṇāntaramūlatayā utpannaṃ na abhiśaṅkate, naiva 
saṃśayaviparyayājñānarūpatayā abhimanyate; tamupadeśyaṃ tathā-
bhūtāptavākyopadiṣṭavastusaṃvedanādanuṣṭhānaparopadeśaparyantāt

(page 103)

nivartayituṃ na kenacitprakāreṇa anyo bhavati śaktaḥ | yato'sāvupadeśyas-
tatra āptasambandhini jñāne pratyakṣapakṣāśrayeṇa sthitaḥ | yadāptena 
uktaṃ-mayā sākṣādetat jñātamiti, tatra asāvupadeśyo'bhimanyate-
mayaiva etat sākṣātkṛtamiti | naca bālo'pi sākṣātkṛtāt yuktiśatairapi 
śakyanivartanaḥ | yathāhuḥ pare'pi

     nirupadravabhūtārthasvabhāvasya viparyayaiḥ |
     na bādhā yatnavattve'pi buddhestatpakṣapātataḥ || (pā. vā. 1|223)

iti | buddhipakṣapātena hi dṛḍhatamatayā anunmūlanīyavimarśatvameva 
prāmāṇyasya nibandhanaṃ vyāpakamiti tatsadbhāvo yatra yatra, tatra tatra 
prāmāṇyameva | tata kriyāsambandhādidhiyaḥ satyāḥ iti āveditaṃ  
prāk (2|2|1) | āgamaḥ pramāṇamabādhitavimarśatayeti svabhāvaḥ | nanu 
āptatvamasya kathaṃ niścitamiti cet, āha ceṣṭāviśeṣaiḥ iti | tatrāpihi 
kāryasya suvivecanā kiṃ na sahyate | praticaraṇam iti śāstrāptavādaḥ | 
tathāhi pāṇinivararuciprabhṛtervyākaraṇe āptatā prasiddhā, na akṣapā-
dādeḥ | puruṣāptavādena tu lokāptavādaparigrahaḥ | tadāha caraṇāpta-
vādaḥ iti | ayaṃ ca āptavādaḥ pūrvoktamāgamabhedaṃ yathāyogaṃ 
vyākhyānādidvāreṇa anugṛhṇāti | tata eva sarva āgama āptopadeśaśab-
dena bhagavatpatañjaliprabhṛtibhiḥ saṃgṛhītaḥ | āgamasya svarūpamabhi-
dhāya pratyakṣasya āgamasya ca anumānāt balavattvaṃ yat pradarśitam, 
tadeva saṃvādayitumupasaṃharati tadevam iti | sarvameva iti bhrāntāvapi 
svasaṃvedanasya prāmāṇyānapāyāt | uktakrameṇa iti abhyāsādinā | 
ārṣam iti pratibhārūpavedādiprasiddhirūpasadoditalokaprasiddhyātmaka-
mṛṣiṇā samyak draṣṭrabhimatena āptena utthāpitamanumānasya 
bādhakameva | pratyakṣāgamayorhi

(page 104)

yat prakāśyaṃ ca vimṛśyaṃ ca, tat yathākramaṃ 
prakāśavimarśamukhe-na anyāpekṣāśūnyam | pratyakṣe hi 
prakāśadvāreṇa vimarśo'nyatratu viparyayaḥ | anumāne tu 
nāntarīyakavastvantaraprakāśavimarśāpekṣānu-meye 
prakāśavimarśayoga iti sāpekṣatvāt dūrā iyaṃ pramitiḥ prameyāt | 
tatrāpica nāntarīyakatājñānaṃ durlabhamiti uktaṃ | naca vācyamāgame-
'pi śabdavimarśanapūrvakamarthavimarśanamiti tatrāpi sāpekṣatādi 
bhavediti | nahi śabdavimarśanādaparamarthavimarśanaṃ kiṃcit śabdasya 
svaparavimarśātmakatvāt

     ghaṭo'yam-----------------------------------| (1|5|20)

ityatra upapāditāt | nanu na sarvairāgamasya prāmāṇyamabhyupetaṃ tat 
kathamasya vimatipadapatitasya anapekṣatvaṃ bhavatā uktam | abhyupetame-
vetyāha prasiddhiḥ iti | nanu lakṣaṇena jñāyiṣyate chāgādiśabdārthaḥ, 
kimatra prasiddhyā | atrāpi āha catuṣpāttva iti | so'pi iti 
lakṣaṇāntargataḥ | nanu iti hāsapurāṇādivyavahārāt jñāsyate iti cet, 
tatrāpi prasiddhiśara-ṇatvaṃ na vighaṭate ityāha purāpica iti | tathāca āha 
lokeyeṣvartheṣu iti | prāgapi iti prathamasūtra eva | na kevalaṃ 
dṛṣṭānumitārtha eva āptaḥ, yāvadāptāntaropajīvyapi,-ityāha upadeśa 
iti | āgameṣu hi gurava āptāḥ paṭhyante evaṃ vai tat | nanu śāstrite'rthe 
ye svayamaśāstrajñāḥ, param-parayā ca tadarthavedinaḥ; teṣāṃ tatra 
pramāṇyaṃ bhavati vā na vā bhavatītyāha upadeśapāramparyepi iti | 
āgamagranthāvabhodhena vināpi upadeśaparamparāyāṃ kevalāyāmapi 
āptāgamasyaiva tatra prasa"gādāp-tāgamatā prasajyate prasiddhirūpatā 
ca paryavasyati, yena āptatayā madhya-vartinyā maulikyā ca 
pārameśvarānādiprasiddhirūpatayā tādṛśā api

(page 105)

guravo'nyasya upadeṣṭāro bhavanti | yata evaṃ samasteṣu āgamagrantheṣu 
paṭhyate

     mukhānmukhāgataṃ jñānaṃ karṇātkarṇamupāgatam |

ityādi | samastāgamagranthapāṭhāditipāṭhe nañamanye paṭhanti vyāca-
kṣate ca-nahi samastamāgamagranthaṃ kecitpaṭhanti, apitu guruparampara-
yaiva upadeśena vyavaharanti,-iti; yadivā yadyapi kecitpaṭhanti, tathāpi na 
samastāḥ paṭhanti, te'pi ca guravo bhavanti; yadivā itthamavatāraṇā-
āgamarūpatā kācit svamātropakāriṇī yā samayyāditrayasya, tatra 
upadeśapāramparyameva kevalam; yā tu svaparopakāriṇī gurutve sati, sā 
samastasya āgamagranthasya arthāvabodhe yaḥ pāṭhaḥ, tata eva; anyathā 
punarāptāgamatvaṃ tatra na prasajyate, nāpi prasiddhiḥ paryavasyati | tata 
eva tatra tatra āgame ucyate

     catuṣpātsaṃhitābhijñaṃ gurutve yojayetpunaḥ |
iti,
     sarvalakṣaṇahīno'pi jñānavān gururiṣyate |
iti,
     yataśca mokṣadaḥ proktaḥ svabhyastajñānavān guruḥ |

iti | evametat lokaprasiddhasamastavyavahāropayuktaikadeśagurutābhiprā-
yeṇa pūrvaṃ vyākhyātam, anyattu prakriyākramāyātaśāstroktasamasta-
gurutābhiprāyeṇeti ubhayathā api idamasmadgurubhirnirūpitam | 
madhyagata āptaḥ, prasiddhiśca mūlata iti pradhānam | yataḥ samasteṣu 
āgamagrantheṣu guravaḥ paṭhyante

     evaṃ paramparākhyātamidam-------------------------|
iti,

(page 106)

     mayāpyetatpurā prāptamaghorāt-----------------------|

ityādiceti | etatpramāṇaṃ yaduktaṃ, tatkiṃ nityamuta anyatheti vivecayati 
tacca iti yat pramāṇatvena uktam |

     kevalaṃ bhinnasaṃvedya-----------------------------------| (1|5|21)

ityatra ca idaṃ pūrvamuktam | pratyakṣasyevaca iti ābhāsāṃśaḥ pramā-
ṇaṃ, vimarśāṃśaḥ phalamiti | nanu anumāne etadastu jñānātmake, 
āga-mastu śabdarūpatvāt jaḍaḥ; tatra kathamiyaṃ vyavasthā,-
ityāśaṅkya asmannaye tasya api ajāḍyamiti upapādayati āgamo'pi iti | 
nanu astu evaṃ prasiddhirūpe nibaddhānibaddhe, āptopadeśe tu 
āptasambandhi yat śabda-nātmakaṃ jñānaṃ, tat kathaṃ parasya 
saṃvedanarūpaṃ pramāṇaṃ syāt; pratipattari tu tadudīritaśabdadvāreṇa 
yadutpannaṃ, tasya pratipattreka-viśrāntasya āptāt bhinnasya 
kathamāptasambandhitā bhavet | ubhayathā api na doṣa iti darśayati | 
āptasyāpi iti | ca uktāśaṅkādyotakaḥ guṇapra-dhānatāstu ca ityuktaḥ 
| ata eva iti yatastadānīṃ tayorabhedāpattistato hetoḥ | pratipādayitari hi 
asau sakramaḥ śabdo'kramavimarśātmakapratīti-mūla iti tathaiva 
pratipādye saṃkrāman pratītiparyavasāyī tato'nanyatvāt tasya | upayogaḥ 
iti āgamatveneti śeṣaḥ | śrotrajñānagamyatve hi asau rūpādivat 
viṣayamātraṃ, na pramāṇarūpaḥ | nanu vācakaḥ sannāga-maḥ, saca 
pūrvaṃ vaktari, tataḥ śrotarīti bhinnakālayoḥ kathaṃ tādātmyam | 
naivamityāha pramātṛtā iti | antaḥsaṃvedanabhūmau vācakatvaṃ, sāca 
kālāspṛṣṭā; dehādyupacārāttu kālabhedavyavahāra iti 
sarvamanavadyam | tadiyatā nityaṃ saṃvedanarūpaṃ yat bhagavati, tat na 
pramāṇamiti upapāditam, nahi bhagavati vidyātattvāntaṃ prameyasya 
pṛthak prakāśaḥ kaścidahamityevaviśrānteḥ |

(page 107)

sarvajñānāmapi kālasparśe 
tatpramātṛtāsaṅkocādaśeṣaprameyaniṣṭha-mapi jñānaṃ 
kālaspṛṣṭameva, yadi paraṃ nityapravṛttavartamānatodreke-ṇaiva teṣāṃ 
jñānaṃ vyavahriyate, tadā sarvaṃ vidantīti || 2 ||
     nanu

          ekābhidhānaviṣaye mitiḥ-------------------------| (2|3|2)

iti uktaṃ, tatra svalakṣaṇaṃ cet tathā, tarhi pratyābhāsaṃ pramāṇamiti 
kathaṃ yujyeta; ābhāsamiśrīkāre hi svalakṣaṇamitiśaṅkāśāntyai 
sūtraṃ

     yathāruci yathārthitvaṃ yathāvyutpatti bhidyate |
     ābhāso'pyartha ekasminnanusandhānasādhite || 3 ||

     ghaṭa iti āpāte yadyapi eka eva artha iti lokasya abhyāsādavivekitayā 
prasiddhistathāpi asau vivekena pṛthagnirbhajyamānatāṃ na na sahate | vive-
kaśca tridhā-svātantryeṇa, arthitvānusāreṇa, pūrvaprasiddhyupajīvanena 
veti | tarhi ekatvamarthasya katham | āha ābhāsānāṃ pṛthagbhāsamānā-
nāṃ prakāśapramāṇabhūto vimarśaḥ kadācit pratyābhāsaṃ viśrānto 
yatra sāmānyavyavahāraḥ, jātucit guṇapradhānatayā 
atredamitthamitivyā-miśraṇāprāṇo'nusandhānanāmā | tatra antyena 
sādhite ekasminnapi sva-lakṣaṇātmani arthe ruciṃ svātantryaṃ vā, 
arthakriyārthitvaṃ vā, vṛddha-vyavahāraṃ vā anatikramya ābhāsā 
bhidyante iti sūtrārthaḥ | vṛttāvevena apyartha eva ākhyāta ekatvaṃ tatra 
na na yuktamityācakṣāṇe-na | ata eva 
avatāraṇikāyāmavicāritatvamekaniyamaṃ prati nimittaṃ mantavyam | agre 
iti

     pṛthagdīpaprakāśānām--------------------------| (2|3|7)

ityatra yasmādevaṃ vakṣyate, tasmāt kathaṃ tat svalakṣaṇaṃ sanniveśa-
buddhimātraviṣayaḥ, kathaṃca tat mṛnmayatāmātrarūpam | nahi ābhā-
sāntaragamyamābhāsāntaragamyena ekarūpaṃ bhavitumarhati ghaṭasya 
api

(page 108)

paṭena ekatāprasaṅgāditi yo doṣaḥ śaṅkyate, sa na | atra hetuḥ pūrvatara 
iti

     tātkālikākṣa----------------------------------| (1|8|1)

ityatra prakaraṇe tāvadābhāsavaicitryamupapāditam tatsaṃyojanaviyojana-
svātantryaṃ bhagavataḥ iti | yena iti yena vimarśasāmarthyena sā evaṃ-
bhūtā bhavati pṛthvāditā yā sanniveśamātre mṛṇmayatvarājatatvādya-
napekṣiṇi vyavahṛtā | kīdṛśī bhavati | āha anyairābhāsairmṛṇmayo lohita 
unnata ityādibhirviśiṣṭairekarūpe viśeṣyarūpatvādeva kevalaṃ sannive-
śasāmānyābhāsāt vilakṣaṇābhāse'pi bhavantī pūrvapratipannāt 
sāmānyāt sanniveśamātrākārāt rūpādabhinnā | evaṃ mṛṇmayatā | 
etadanyatra atidiśati evam iti mahattvādi | yadekaikamanāmiśramanekaṃ 
bahusaṃkhyākaṃ sāmānyaṃ, tadviṣayatvena ye niścitāḥ parāmarśāste 
punarekasmin svalakṣaṇe pravartamānāstaṃ sāmānyātmānaṃ viśeṣī-
bhūtamapi pūrvaṃ sāmānyapratipattivyavahārakāle pratipannena 
viviktena anāmiśreṇa bahusaṃkhyākena tadekaparāmarśaviṣayeṇa 
sāmānyena ekatāṃ nayanti | tadevaca iti ekatvāpādanam | iyatā ekasmin 
ityādau sūtrāṃśe vastuni ityantā vṛttirvyākhyātā | 
śeṣasūtrāṃśavṛttiṃ vyācaṣṭe punar iti | hiśabdena asya arthasya 
pūrvasūtrārthe pratyābhā-saṃ pramāṇavyāpāraḥ ityasmin 
hetutvamāha | svecchā bahiṣkaraṇe vyāpriyate, antaḥkaraṇe veti darśayati 
bhāgaśaḥ iti prayatna iti ca | atha iti yadiveti yāvat | sanniveśe'pi 
svecchāto vaicitryāntaraṃ darśayati citra iti pṛthubudhnāditāvaicitryaṃ 
sanniveśatāmātraṃ vā tatsāmānyaṃ bhāti | atra dṛṣṭāntamāha 
tathāhi iti bhittiriva svalakṣaṇaṃ rekhāvibhāga iva sāmānyavibhāgaḥ | 
evaṃ yathāruci bhavatyekatrāpi

(page 109)

bhinna ābhāsa ityatra arthe bhitticitrarekhādṛṣṭāntena sphuṭīkṛte yathār-
thitvam iti vibhajati arūpamātratayā iti etadīyāvayavavibhāgānādare-
ṇeti yāvat | yathāvyutpatti iti vyācaṣṭe aviśeṣeṇaiva iti | idamapi 
śākhādimat svalakṣaṇamidamapi, tata eva śākhādimanta ete arthā iti 
pratipattiḥ | tatrāpi vṛddhavyavahāranaipuṇena vibhāgollāsaḥ-
dhavo'yaṃ, khadiro'yaṃ, kadaro'yamiti sphuṭīkaraṇārthaṃ 
rucyarthitāvyutpattaya udāharaṇabhedena nidarśitāḥ | ekatrāpitu 
ghaṭasvalakṣaṇe trayamapi śakyayojanameva || 3 ||

     dīrghavṛttordhvapuruṣadhūmacāndanatādibhiḥ |
     yathābhāsā vibhidyante deśakālāvibhedinaḥ || 4 ||
     tathaiva sadghaṭadravyakāñcanojjvalatādayaḥ |
     ābhāsabhedā bhinnārthakāriṇaste padaṃ dhvaneḥ || 5 ||

     prasiddhena jaḍājaḍagatena rucyādyutthāpitena bhedena sāmānyā 
bhāsātmanā prathamaślokoktena aprasiddhamābhāsabhedaṃ ghaṭagataṃ 
ślokāntareṇa sphuṭīkarotīti sūtradvayasya tātparyam | vṛttikāro dvayaṃ 
dvayaṃ bhinnaviṣayaṃ vyācakṣāṇo jaḍarūpaṃ dṛṣṭāntadvayamajaḍa-
rūpamekaṃ vyācaṣṭe | ghaṭa evahi ūrdhvāvayaveṣu eva avahitanetrasya 
dīrghaḥ pratibhāsate | tadāha bhāgāntara iti bhāgāntarāṇāṃ yo 
deśas-tānyevavā deśastatparihāreṇa tatra cakṣuṣormanasaśca 
praṇidhānena | tryaśra iti dvigurmatvarthīyājantaḥ | yathāruci iti 
pūrvasūtroktamudā-hṛtaṃ (dantodāharaṇaṃ kṛtaṃ) dīrghavṛtta 
itīyatā | yathārthitvamapi udāharati ūrdhvapuruṣa iti, vyutpattau tu 
udāharaṇaṃ dhūmacānda-natā iti | tatra ca na vṛttau nidarśanāntaraṃ 
darśitamityāha vyutpattau iti | na kevalamatra udāharaṇaṃ, 
yāvadudāharaṇe'pi prasiddhaṃ nidarśānāntaramuktamiti apiśabdaḥ | 
nanu

(page 110)

pratyakṣajñānamatra vicāryate, tat kiṃ nidarśane saṃbhavati,-
ityāśaṅkya saṃbhavatyeveti bhartṛharivacanena darśayati

     pareṣāmasamākhyeyamabhyāsādeva jāyate |
     maṇirūpyādiṣu--------------------------------------| (vā. pa. 1|35)

iti | anena āptoktatvamānumānikatvaṃ ca neti darśayatā ābhyāsikapratya-
kṣatvamuktam, tata eva vyutpattāvetaditi sphuṭaṃ nidarśitam | atra ca iti 
udāharaṇatraye'pi | natu svalakṣaṇāntaratvam ityatra htuḥ deśa ityādiḥ 
| na spṛśati iti vyācaṣṭe atra iti | ekasvalakṣaṇatvam iti 
dīrghavṛttādidva-yaparāmarśāvasthā | sadhūmatvaṃ jātiḥ, 
cāndanatvamiti vyaktiḥ | ekatvam iti ekasvalakṣaṇatā | evaṃ 
dṛṣṭāntaślokaṃ vyākhyāya dārṣṭāntikaṃ vākyaṃ vyācaṣṭe evam iti 
| dārṣṭāntikatāṃ samartha-yate anupalakṣya iti upalakṣayitumaśakyaḥ, 
tata eva aprasiddha ābhāsā-nāṃ bhedo yatra svalakṣaṇe, tatra 
dharmabhedeṣu ābhāsabhedeṣu avabhā-savadasya prakāśanabhedasya 
saṃbhavo dṛṣṭāntānusāreṇa anusaraṇīyaḥ | katham | āha avadhitsādi iti 
rucyādibhedatrayāśrayeṇetyarthaḥ | evamiha ghaṭa eva 
ūrdhvatādīrghatādyavabhāsena prasiddhabhedena dṛṣṭānta uktaḥ, 
aprasiddhabhedena tu sattvaghaṭatvādinā dārṣṭāntikaḥ | nanu na atra 
ābhāsasya vailakṣaṇyaṃ, śabdaḥ kevalamanyaḥ sanniti | etat na sahate nahi 
iti | evaṃhi paryāyamātrataiva bhavet-san ghaṭa iti, naca evamityāśayaḥ | 
nanu sannityābhāsena ghaṭe'pi viśrāntena yataḥ 
paṭaśakaṭādikamābhā-sāntaramākṣipyate, tato ghaṭābhāsāt bhidyate; 
natu sadābhāso nāma kaścidanya ityetadapi niṣedhayati nāpi iti | tadevahi 
iti yat tvayaiva upagatam | asmaduktadṛśi tu etat yujyate ityāha yadāhi iti 
yatra

(page 111)

abhyupagamāvasare | teṣām iti paṭādyābhāsānāṃ madhye ghaṭādeḥ 
kasyacidekatamasya aniyatasya arthasya sannityasyāṃ dhiyi avabhāsaḥ 
saṃbhāvyate yataḥ satsvalakṣaṇena sādhyā sā arthakriyā prastutā, natu 
paṭenavā ghaṭenavā | tat yathā dvayoḥ paṇapūrvake vivāde gṛhe'tra na 
kiñcidasti kiñcidastītivacanāt saṃbhāvyā atra arthakriyeti darśayati 
sattā iti sadityābhāsasya deśādyavacchedena viśeṣībhūtasya 
tadabhāvena vā sāmānyarūpasya parasparaṃ vilakṣaṇā anyataśca 
paṭadyābhāsādastye-veti śeṣaḥ | nanu sadityābhāsāntarvartī 
satparāmarśaḥ, sa  kathamarthakri-yeti uktaḥ | arthakriyā hi kāryaṃ, natu 
svabhāvaḥ | atra āha parāmarśa ityādi | 
hṛdbhaṅgaparihāranimittabhūtā yā dhṛtiścittasya, sā api artha-kriyā | 
sadābhāsasya paunaruktyaṃ śaṅkyamānaṃ vṛttau pratihanti 
mahāsāmānyam iti | ekapadaprayoge hi sāmānyaviśeṣatā api gamyate | 
nanu ca vṛttau vakṣyamāṇeṣu ghaṭakrāñcanādyābhāseṣu anyātmatā-
parihāro vakṣyate-tatraiva ghaṭe ghaṭa ityābhāso yaḥ paṭādiṣu nāsti, 
kāñcana ityābhāso yo mṛṇmayādiṣu nāstīti, tadvat sattābhāso'pi 
kasmāt uktaḥ | atra ucyate bahiṣkaraṇa iti | sadityavabhāso hi 
ghaṭādyābhāsebhyo nikṛṣṭaḥ kevalaṃ

     ------------------------mano'nuvyavasāyi sat | (2|2|3)

ityuktanītyā antaḥkaraṇena ābhāsyate, natu bahiṣkaraṇena 
śuddho'sāvā-sādayituṃ śakya iti teṣāṃ 
sadvyatiriktānāmanyeṣāmabhāvābhāsā-nāṃ parihāro na ukto vṛttau | 
sannityābhāso yo ghaṭādivivikteṣu abhāveṣu nāsti itinaiva ukto 
vṛttāviti yāvat | tat iti paṭādipratiyogitvaṃ vṛttāvuktam | 
sāmānyaśabdaḥ iti vṛttigataḥ | tatra iti mṛdvikāreṣu | 
ūhāpohābhyām

(page 112)

iti anugamānanugamasaṃvedanābhyāmityarthaḥ | nahi yadeva anugamabu-
ddhigrāhyaṃ, tadeva vyāvṛttisaṃvedanasya viṣayaḥ,-iti ukta ābhāsabhe-
do'tra syādeveti bhedaprasiddhiriti saṃbandhaḥ | svātmanaḥ iti 
svasaṃveda-nena siddhe'napahnavanīyatāmāha | evamābhāsabhedā 
bhinnārthakā-riṇaḥ iti vivṛtya te padaṃ dhvaneḥ iti vivṛṇoti tathā 
śabdairapi iti | sautramādipadaṃ leśato vyākhyātuṃ yā vṛttiḥ caitraḥ 
ityādikā, tāṃ vyākaroti avasthā ityādinā | svalakṣaṇaikarūpatvena api 
yaḥ saṃmatas-trāpi itthaṃ sāmānyarūpatvena caitraśabdapravṛttiriti 
darśayati svalakṣa-ṇaikā ityādinā | ekasantānatāmātreṇa pratyabhijñā 
bhaviṣyati, alamatra sāmānyena yathā saugato manyate | etat niṣedhayati 
anyathā iti sāmānya-rūpatānaṅgīkaraṇe | hyodṛṣṭena iti yatra 
sadṛśāparāparodayaprabandha-pratyayo'vicchinna iti yāvat | nanu evaṃ 
sarvatra sāmānyarūpatānuprave-śo'stīti śuddhaṃ svalakṣaṇaṃ kadā 
bhavatītyāśaṅkāmapāsyati sāmānyatva ityādinā | anabhivyakteḥ iti 
uditasya asya asphuṭatāyām, anudite tu sarvathā māyāpramātari 
sarvamidamahamiti śrīsadāśivabhū-mikā svalakṣaṇarūpatā | tata eva 
āha sahajedantā iti anena samayānupa-yogādanumānupayogamāha | 
anyadā iti avasthāprādhānyābhāve | vita-tāvayavivat iti avayavī 
deśavitato bhāti, avasthātā punaravasthābhedānu-
sandhānaikatāvivakṣāyām-aho khalu ayaṃ cirajīvī dṛṣṭavyavahārasa-
tattva iti ābhāsanīya ekaḥ kālavitataḥ avayavyābhāsavaditi ekasminneva 
kṣaṇe śiraḥpāṇyādimanekamavayavamavabhāsayantyeva yathā ekaghana-
rūpagrāhiṇī avayavibuddhistathā janmaprabhṛti vā 
svakānantāvasthābhāsanamaṅgīkurvatī

(page 113)

ekaghanarūpagrāhiṇī avasthātṛbuddhiḥ | nanu evaṃ yathā ekakālavitate 
pratyavasthaṃ bhedenaiva vyaktitayā gṛhīte satyeva ekānusandheḥ 
sāmānyarūpatā avasthārūpavyaktyanuyāyinī kalpitā, tathā deśavitate-
'pi kasmādekakṣaṇe'pi sā na kalpyeteti bhramaṃ bhinatti nanu iti | tatra hi 
avayavena avayavānusandhānanirapekṣaiva pratyekaṃ caitrabuddhirna udeti 
śira eva caitra ityapratīteḥ | bālyāddyekatamāvasthābhāji punaravasthātu-
ranusandhānavandhyatāyāmapi udeti caitrabuddhiḥ, śirobuddhistu bhavantī 
pāṇyādikamavayavāntaramavaśyamanusandhāpayati; tato bhavatyapi śirasi 
tādṛśī caitrabuddhiḥ, natu sarvathā na bhavatīti mukhyagrahaṇam | tadeva-
mābhāsādekaikataiva arthakriyā | tatra tu ābhāsāntarasya 
anveṣaṇanānta-rīyakatayā vahnyarthitāyāmiva pātrasya tata eva aniyatasya 
anveṣaṇamiti pratibhāsavimarśārthakriyābhirābhāsa eva vastviti 
prasiddhataraprasiddhā-prasidhāśayena eko'pi artho vicitratayā vibhaktaḥ 
sūtre dīrghavṛtta iti dhūma iti sadghaṭa iti || 5 ||

     nanu evameko'rtho ghaṭatvalohitatvādyātmā na vastu bhavet, 
bhavatītyāha sūtreṇa

     ābhāsabhedādvastūnāṃ niyatārthakriyā punaḥ |
     sāmānādhikaraṇyena pratibhāsādabhedinām || 6 ||

     ābhāsānāṃ miśratve kaścidābhāsaḥ pradhānam, so'nyeṣāṃ 
samānamadhikaraṇam | tena saha yasteṣāṃ sambandhastatsāmānādhika-
raṇyam, tadupalakṣito yaḥ pratibhāsaḥ svānurūpeṇa eṣa iha-idānīṃ 
ghaṭo'stīti vākyārthavimarśena anuprāṇitastato nimittāt ye'bhedina 
ekasvalakṣaṇatāmāptāḥ svaṃ bhedamanujjhantasteṣāmanyā arthakriyā 
samudāyarūpā, ābhāsavimarśabhede punaranyā niyatā

(page 114)

ekaikamātrasvabhāvā | punaḥśabdo viśeṣadyotakaḥ | bhedāparityāgācca 
svālakṣaṇye'pi yadābhāsamātrarūpatvaṃ, tadeva samānavyaktyuparañ-
jakaṃ paramārthataḥ sāmānyam, śuddhaghaṭābhāsamātrāvamarśe tu 
yogyatāmātreṇa sāmānyarūpateti sūtrārthaḥ | anekasyaikatā itivṛttau 
saṃbandharūpaṃ smāritam | nanu anekāmarthakriyāṃ kurvat kathamekam 
| āha pramāṇena iti ekāṃ kurvadekamityapi hi na pitṛbhyāṃ prīṇitamiti 
aṅgīkāryam, apitu pramāṇena | tacca ābhāsapratyavamarśātmakam, naca 
pratyavamarśonmūlanamityāha balagrahaṇena | vṛttitātparyaṃ vyācaṣṭe 
pratyābhāsam iti | atra iti ekasmin ityādau vṛttigranthe | nanu tatha 
prathanaṃ cedantarlīnatvaṃ vastūnāṃ kuta iti mohamapohati prathātma-
katvācca vastutattvasya iti | nanu yadi tā eva arthakiryāstebhya ābhāse-
bhyaḥ, tarhi bhinnā eva te santuḥ; kimeṣāmupari vṛthaiva idamekatvāmā-
ropyate | vṛthaivetyāha ekaprathā iti | vakṣyate iti pṛthagdīpasūtre (2|3|7) 
tato'pi iti ābhāsanavimarśanābhyāṃ tāvadekatvaṃ siddhamekārthakri-
yākāritvamapi paralālitamanayorhastaṃ dadātu ko doṣa iti apiḥ | niruktaḥ 
iti nirbhajya vyākhyātaḥ | punaḥśabdena iti bhedapṛṣṭha eva abhedātmā 
viśeṣo dyotito bhūyastāvānekatvābhyāmābhāsasya yaugapadyena, natu 
dvitīyavāravācī punaḥśabdo'tra punarbhuṅkte ityādāviva | tadāha natu 
iti | nanu pṛthaktvāvabhāsāt kathamadhikaraṇavyavahāra ityāśaṅkya āha 
adhikaraṇaṃ ca iti | tathātvam iti samavāyaḥ | etadvivakṣita ityādi 
samā-sapadam | ekādhikaraṇatvaṃ samānādhikaraṇatvamiti yadyapi 
śabdaprayogo na vivakṣitaḥ, tathāpi arthabheda eva vastuto 
nīlotpalaśabdayoḥ sāmānādhikaraṇyaṃ caitramaitrayoḥ


(page 115)

samānamadhikaraṇamitipratītyoratyantavailakṣaṇyāt | nanu vikalpotthāpita-
metat sāmānādhikaraṇyādi, natu vastu; tattu asya na kiṃcit | āha buddhi iti 
yadyapi samavāyādi eva sambandharūpaṃ, tathā saṃbandha evaca 
anekasya ekatā; tathāpi samavāyaḥ pṛthakpadārthaḥ | 
sāmānādhikaraṇyādyapi adṛṣṭarūpaṃ vastvantaraṃ vā 
dharmātmakaṃ pṛthageveti yeṣāṃ dṛṣṭi-stadāśayena sambandhasya 
sarvānugrāhakatvamabhidhātuṃ pṛthaguktame-katvamapica anekasya 
vāstavamiti | tathāhi tatrabhavān samavāyasya rūpamabhidhāya abhyadhāt

     tāṃ śaktiṃ samavāyākhyāṃ bhedābhedapradarśinīm |
     anugṛhṇāti saṃbandha iti pūrvebhya āgamaḥ || ( vā. pa. 3|11)
iti
     śaktīnāmapi sā śaktirguṇānāmapyasau guṇaḥ | (vā. pa. 3|5)

ityādi ca | etadartha iti svalakṣaṇavācī, natu ābhāsamātravācīti yāvat | 
ekatvaṃ viruddhaṃ matveti saṃbandhaḥ | tathābhimāne hetuḥ 
samarthanāya aśaktatvam | hetau śatā | parvatāt luṭhan yathā 
kuśakāśamavalambamā-nastenaiva saha patati, natu tadasya pratanukāmapi 
rakṣāṃ vidhatteḥ; tathā yannyāyāvalambanaṃ kriyamāṇamapi na 
prakṛtaparipuṣṭaye prabhavati, tadevamucyate | kuśakāśāvalambanaṃ ca 
teṣāṃ samavāyādervyatirikta-padārtharūpatā gaṅgodakapavitratāvacca 
svayaṃ vṛttisvabhāvatetyādi | atra hi pakṣe

     tau ca bhāvau tadanyaśca---------------------|

iti dūṣaṇaśalyamaśakyoddharaṇameva, ihatu darśane na virodhaḥ kaściditi 
nirūpayati buddhi iti | buddhipratibhāsitvaṃ sato lakṣaṇam | tatrāpi artha-
kriyākaraṇopādhitve sattvasya viśeṣo vastusattvamityetadadhikaṃ nāma | 
tadetāvat vivecyaṃ-prakṛtaṃ yadekasya anekatvaṃ

(page 116)

tadvastusat syāt na veti | atrāpi ucyate evaṃ vastvavastunoḥ ityādi | prati-
bhāsāsaṃbhavaṃ darśayati bhāve hi iti ā samantāt rupyate iti tathā naca 
sarvato yadrūpitaṃ tat na kathañcana rūpitamiti bhavati | ekaprathā iti 
ekatayā prathetyarthaḥ || 6 ||

     nanu na atra ekā kācidarthakriyā yatkriyāyai 
svalakṣaṇamekamaṅgī-kriyate | arthakriyāḥ kila bahvyo bahubhya 
ābhāsebhyaḥ ityetāvadastu, pratyuta ābhāsā bhinnā miśrībhavanti,-
ityucyamāne niyamanidānaṃ vaktavyaṃ yena 
jalāgnyābhāsayorghaṭapaṭādyābhāsānāṃ vā na miśrībhāva iti 
vadantaṃ pratyāyayituṃ sūtraṃ

     pṛthagdīpaprakāśānāṃ srotasāṃ sāgare yathā |
     aviruddhāvabhāsānāmekakāryā tathaikyadhīḥ || 7 ||

     pṛthagvartinyaḥ pradīpaprabhāḥ sūkṣmatamā avalokanaśaktyā-
dhānaṃ na akārṣuḥ, ekabhavanasaṃmūrcchitāstu kurvate | tatra na 
bahvyo'rthakriyā yāḥ prāk pṛthagapi bhavanti | sāgarapatitāni srotāṃsi 
bahutarataraṅgasaṃbhārabhāvitatayā adbhutasaṃrambhārambhīṇi 
bhaṇyantāṃ, ko'tra arthakriyāṇāṃ samudāyaḥ | tadvat ghaṭaḥ 
kāñcano lohito mahāniti, ataḥ śivaliṅgasnapanocita iti 
tīvraprītirūpāmekāmeva arthakriyāṃ viddhatte iti kathaṃ tatkāri ekaṃ 
svalakṣaṇaṃ bhavet | arthakri-yākāritayā hi lukikaṃ vastusattvamiti uktam | 
yattu uktaṃ niyamanidānami-tyādi, tatra ucyate-yeṣāmeva 
avirodhasteṣāmeva miśratā, na rūpābhāsa-pavanābhāsādīnāṃ; 
virodho'pica niyatiśaktimahimnaiveti | pṛthak ye dīpaprakāśāsteṣāṃ 
saṃbandhi yadekaṃ vastu gṛhe tanmelanātmakaṃ, sāgare ca mahatyāśaye 
srotasāṃ saṃbandhi yadekaṃ vastu mahājalāvayavirūpaṃ; tena ekena 
kārya yathā

(page 117)

aikyadhīriti aikyabuddhistadupalakṣitaśca ekavimarśaḥ, ekāca artha kriyā; 
tathaiva aviruddhā ye'vabhāsā ghaṭalohitonnatādayasteṣāṃ sambandhinā 
ekena svalakṣaṇātmanā melanena kāryā aikyadhīrvyākhyātarūpā,-iti 
sūtrārthaḥ | ekadhā iti ekasya bhāva aikadhyamityakārāntatā upapannā, 
anyetu amuñantātsvārthe'nudarśanamityatra dhyamuñantādapīti smaranti 
| vyākhyānena vṛttigatena itīdamuktaṃ bhavatīti sambandhaḥ | kiṃ tat | 
āha sūtra ityādi | nanu vṛttau cakāraistribhirbhāvyamekena vā | atra āha 
cakā-reṇa iti ekaena avibhāgena ityādikā kriyā samuccitā cakāreṇa 
ākṛṣṭeti, dvitīyena tu dravyasamuccaya iti āśayaśeṣaḥ | tadgatatvenaiva 
iti cintāgata-mavastvapi bhavet, vastu ca iha dṛṣṭānta ityarthaḥ | nanu nīlaṃ 
pītamiti dṛṣṭaṃ viśeṣaṇatvaṃ yathā nīlaṃ vastraṃ tava asti, pītaṃ tu 
hṛdyatama-miti; tadapi sajjyatāṃ tvayeti kenacidukte pratyāha nīlameva 
mama pītamiti | etat samarthayati guṇaguṇyādi iti | guṇyate āropyate 
hṛdyatādidharmeṇa sādharmyāditi guṇa āropyamāṇaḥ; yatra āropyate, sa 
guṇī | tata aupacāri-kamevamādi sāmānādhikaraṇyamiti uktaṃ bhavati | 
ādigrahaṇāt niṣe-dhyādi tathā pītaṃ nīlamiti neti upacāre 
dṛṣṭāntamāha siṃha ityādinā | nanu 
ekavicitracamatkārātmakārthakriyābhāve'pi pānakabuddhirdṛṣṭā | 
netyāha avyutpanna iti | vṛtti vākyaṃ vyācaṣṭe śauklyādyābhāsāḥ 
ityādinā | prathamaprasiddhyanurodhato vākyabhedena vṛttiṃ vyākhyāya 
ekavākyatayā śāstranyāyāvalambanena vyācaṣṭe atha iti | na 
brāhmaṇo-'brāhmaṇaḥ iti vṛttisamānārthatvāt vākyasya 
anityasamāsatvācca naña-samāsasyeti manyate | śiṣṭāśca prayuñjate 
evam | tathāhi akṣāpādamuniḥ

(page 118)

     teṣāṃ mohaḥ pāpīyānnāmūḍhasyetarotpatteḥ | (4|1|6)

iti avocat | ayaṃ hi atra arthaḥ-amūḍhasya itarānutpatteriti | yadyapi anekā-
bhāsayoga uktastathāpi na pūrṇatā svalakṣaṇasyeti tasyāpi iti apiśabdaḥ 
| tataśca anyadapi deśakālābhāsarūpaṃ tatra yojyamiti dvitīyo'piśabdaḥ 
| tadyojanaṃ vinā tu na pūrṇatā, tadyojane tu anyāyojane'pi pūrṇatā sva-
lakṣaṇasyetyāha deśakālabhedādeva iti | nanu uktena prakāreṇa ya ekā-
bhāsaḥ, sa bhrānto'stu,-iti sāmānyābhāsā eva vastusanta iti kaścit | 
taṃ niṣedhati tathāca iti caḥ śaṅkādyotakaḥ | tathā iti tena prakāreṇa | 
tathā śauklyena dārṣṭāntikatā tathāśabdena sūcitā | sa ko'pi 
arthakriyāviśe-ṣo'sti,-iti saṃbandhaḥ | tataśca iti 
arthakriyāviśeṣasaṃbhavāt | anyadā iti 
dvayorviruddhayoryugapatsamakakṣyatayā pratipattumekaviṣatvenāyogya-
tvāt | tathāpi iti na samakakṣyatayā pratipattiḥ, apitu guṇapradhānabhāve-
neti tātparyam | anyathāvā iti samudāyāsamudāyitvādinā na atra darśa-
nāntarasamarthane'smākamabhiniveśa iti yāvat | anyathā iti yadi tadāpi 
tathāpratibhāso na bhavet, tadā tāvato vimarśāt bhedaṃ na sahate yaḥ 
prakāśaḥ, sa na syāt | atra dṛṣṭāntaḥ yathā iti | ananubhūyamāno'neko 
raso yena pramātrā yasya pittādyanyatamodrekāt kaṭureva madhura evavā 
bhāti, na tasya pramātuḥ pānakarasaḥ pratipanno bhavati | nanu pratyakṣe'pi 
yadi ekamanekaṃ ca bhāti, tarhi

     taddvayālambanā etā mano'nuvyavasāyi------------| (2|2|3)

iti kathamuktamityāśaṅkāṃ nikṛntati kevalam iti | yena hi pramātrā 
maricaguḍādi na āsvāditaṃ kadācit, pānakamevatu

(page 119)

āsvādyate iti; tasya sa bhinno raso vikalpena vyavahāryatāṃ na netuṃ 
śakyaḥ pratyakṣāvabhāto'pi, aparasya tu śakyastata ucyate-
pūrvasaṃskā-rāpekṣatvādvikalpena sphuṭīkriyete bhedābhedāviti | na 
kevalaṃ tāvat vimarśasahatvaṃ yat prakāśasya, tadeva 
anekapratibhāsasambhavaheturyā-vat kāryakāraṇagatasya vailakṣaṇyasya 
bhāvo'pīti darśayati kāryakāra-ṇabhāvo'pi iti | anyasya iti 
mṛddaṇḍādikāt | nanu aneka eva ābhāso'stu vimarśabhedāt 
kāryabhedāt kāraṇabhedācca, ekābhāsatā tu kutaḥ | āha 
ekābhāsaśca iti tadanekābhāsapṛṣṭhe so'pīti caḥ | na kevalamanubhava-
vimarśabalāt, kāryabalādapi ekābhāsa ityāha arthakriyābhedaḥ iti | 
teṣām iti vivekinām | tadā iti ekābhāsāpahnave satye'rthakriyā | nanu 
jvarādiśamana ityādinyāyena anekasmādapi ekā sā bhaviṣyati | netyāha 
naca iti | nanu jvarādiśamanaṃ pañcamūlādeḥ katham | ucyate dravyān-
tara iti | tatra hi pṛthak rasavīryādinā doṣāṃśaśamanaṃ yat yasya 
prasiddhaṃ dravyasya, tadeva dravyāntarasaṃparkeṇa upabṛṃhyate 
doṣāntaroddīpakatvaṃ parirakṣyate iti nyāyaḥ || 7 ||

     nanu maricādīnāṃ guḍādidravyāntarasaṃparkāt rasāntarameva 
udeṣyati rūpāntaramiva tāmbūlīdale cūrṇakasitakhadirāṇām | naitadiha 
samamiti darśayati tadāvirbhāve vā iti | asti ca kuśalasya pātustathā 
pṛthaktvena parijñānaṃ maricādinā etat kṛtamitipratyayāditi bhāvaḥ | 
kāraṇamapi ekasāmagryābhāsarūpamasti prasiddhamiti tu na darśitam | 
nanu na maricādiṣu śauklyābhāsādiṣviva sāmānādhikaraṇyamasti 
pṛthagbhūtāntyāvayavidravyasvabhāvatvena eṣāṃ prasiddheḥ | satyam, 
sāmānādhikaraṇye tu na

(page 120)

ayaṃ dṛṣṭāntaḥ | kva tarhi | āha ekatāpatterupapattau iti | nanu na 
dṛṣṭā-ntamātrāt vastusiddhiḥ | ucyate pṛthaganekābhāsatve 
vimiśratāyāṃ ca ekābhāsatve yataḥ sādhanaṃ 
prakāśavimarśakāraṇakāryabhedābhedā-bhāsalakṣaṇamasti, tena 
hetunā; na dṛṣṭāntena | dṛṣṭāntena tarhi kim | āha maricādīnām ityādi 
| aneko vilakṣaṇo rūpasparśarasādirguṇo yasya dravyasya, tadrūpāṇām; 
pṛthagiti pṛthagdeśānāṃ maricādināṃ dravyāntareṣu guḍadadhyādiṣu 
pṛthagdeśeṣu tathaiveti vilakṣaṇaguṇeṣu bhinnajātīyeṣu anupraveśe 
vyāmiśratāyāṃ satyāmāpanna upanata aikyāvabhāsastāvadupalabhyate, 
naca kākatālīyena, apitu asakṛt | evaṃ yatra upalabhyate vyavahāre sati 
tasmin sattvādīnāṃ vyavahāre kadācidapi 
pṛthagananubhūtasvatantrabhāvānāṃ kā vimatiraikyāvabhāsa iti parasya 
asaṃbhāvanāṃ nirākartuṃ dṛṣṭānto'yaṃ satyapi hetau nanu iti | etadeva 
ghaṭayati nahi iti | maricaguḍadadhnāṃ na dharmadharmibhāvena guḍa eva 
dadhi maricameva guḍa iti vā na prakhyā, na upākhyā pānakabhūmau 
gaṅgāyamunāvitastādīnāṃ sāgare | guṇa iti lauhityasya ghaṭadravyasya 
ca paṭatvādeścetanagatasya dharmapadārthamadhye gṛhītasya caitrasya 
dharmadharmibhāvo vāstava evetyāśaṅkāpūrvakaṃ sūtramavatārayati

     tatrāviśiṣṭe vahnyādau kāryakāraṇatoṣṇatā-|
     tattacchabdārthatādyātmā pramāṇādekato mataḥ || 8 ||

     ekaika iti, co'pyarthe śaṅkyamānatvamarthasya āha | adyapi pratya-
kṣasya pratyābhāsaṃ prāmāṇyamupagataṃ, tathāpi aviśiṣṭe vahnyā-
bhāsamātre pratyakṣeṇa gṛhīte'pi indhanakāryatābhāso dhūmakāraṇa-
tābhāsa ityādivastvantarāpekṣo ya ābhāsavargaḥ uṣṇatābhāsa iti 
anapekṣa ityetāvānakṛtrimaḥ sarvadeśakālagato niyatiśaktyā

(page 121)

kṛto, yaśca tasya tasya śabdasya ayamarthastattacchabdābhidheyatābhāsaḥ 
katipayadeśakālaniyataḥ saṅketābhivyaktyapekṣī niyatyā kṛta ātmā 
svabhāvaḥ ādigrahaṇādurdhvadiksaṃyogitā rasagandhābhāvaviśiṣṭatā 
jalavirodhitvamiti; sa ātmā ekasmādeva niyativadanāvalokinaṃ pratyakṣāt 
mataḥ siddha iti sūtrārthaḥ saṃkṣepeṇa vyākhyātaḥ sarva ityādinā | 
sarvaśabdena yathocitaniyatiniyamitadeśakālakārtsnyamucyate | sūtre 
dvitīyatṛtīyapādau samastāveva | vṛttau hi samāsa eva sphuṭīkṛtaḥ |

     ardhayukpādavṛttānte viśrāntiḥ--------------------|

iti tu kāvye'yaṃ samayo, na śāstre; 
apekṣānapekṣāpauruṣeyatvādivibhā-gapradarśanāya vibhāgena 
bhāvapratyayaḥ | nanu pratyābhāsaṃ saṃvya-vahāre pramāṇasya 
pravṛttirna anubhūyate deśakālābhāsayoḥ sarvatra antato 
vyabhicārābhāvādityāśaṅkāmanuvadan pariharati prācuryeṇa yadyapi 
iti | nanu kimarthaṃ prakārāntareṇa vastusvabhāvaṃ jijñāsate | āha tat iti 
| tasminneva vyavahāre upayoginī sā pratyābhāsaṃ jijñāsā bhavet 
tattatkāryādyaṃśasiddhaye | tattatkāraṇāṃśasaṃbharaṇaṃ hi 
ūhāpohābhyāmabhyaste vibhāge sati saṃbhavati, na itarathā | kadācit iti 
jijñāsāvasare iti yāvat | vṛttau deśakālābhāsāveva tyājyatvena kasmā-
duktāvityāśaṅkya āha deśa iti | tāvevahi ākārasya ākriyamāṇasya 
arthasya bhedamanyatra anyadā ca ananugāmitāṃ pratiṣṭhāpayataḥ, tada-
bhāve hi ābhāsāntaramiśraṇā viśeṣarūpatāṃ viśrāṇayantī api na 
svālakṣaṇyamākṣipati | tat nidarśayati tathāhi iti | śāvaleyādiḥ iti 
sattvadravyatvaprāṇitvapaśutvagotvābhāsānantyamavyabhicarannapīti 
bhāvaḥ | tena mahāviṣayatvālpaviṣayatvābhyāmāpekṣikābhyāṃ

(page 122)

sāmānyaviśeṣarūpatvamaniyatam, svālakṣaṇyaṃ tu niyatam | evaṃ svā-
lakṣaṇyasya deśakālābhyāṃ vyatirekamābhāsāntaraiśca tadabhāvaṃ 
pradarśya, tasyaiva tābhyāmanvayaṃ, taiśca tadabhāvaṃ darśayati deśa-
kālābhāsa ityādinā | etadeva ghaṭayati deśa iti | tat iti deśakālatyāge | 
iyati ca niyatireva anuprāṇiketi ghaṭayitumuktapūrvameva smārayati deśa-
kālabhedo'pi ityādinā | atra ca idaṃ tātparyam-iha tyāgo ya uktaḥ, sa 
kayoḥ; deśakālayoriti cintāyāṃ svarūpībhūtayormūrtyavabhāsakriyā-
vabhāsātmanormantavyaḥ | sahi bhedasvarūpanāntarīyaka eva | tataḥ sadā-
bhāso'pi asadanābhāsāt mūrtibhedarūpa eva | tatra tu ghaṭa ityasti 
mūrtyābhāsāntareṇa saṃbheda iti sāmānyataiva | iyatica atra 
sāmānyavi-śeṣatā sarvatra prakāśāpekṣayā | yatra tu paryantavartini 
mūrtikriyābhā-se'nyasaṃbhedāsaṃbhavaḥ, sa viśeṣa eva | tadetadāha 
ābhāsabhāvā-bhāvau ca iti | svalakṣaṇaṃ 
svarūpamābhāsāntarādauṣṇyādyābhāsāt vyāvṛttaṃ yeṣāṃ 
rūpādyābhāsānāṃ, te tathābhūtā eva sṛṣṭā iti 
svarūpībhūtadeśakālātyāga eva bhavet vyatiriktadeśakālayogastu tyā-
jyaḥ | so'pi viśeṣarūpatayā śakyatyāgo, na sāmānyarūpatayā | nahi etat 
bhavati-bhāsvararūpābhāso na kenacit deśena kālena vā viśiṣṭa iti | 
anena āśayena āha iti ca yat vṛttāvuktaṃ taddeśakālasāmānyayoge'pi 
tasya rūpādyābhāsasya sāmānyarūpatvaṃ na hīyate iti pratipādayitumiti 
| nanu deśādisāmānyābhāsaḥ kasmādaheyaḥ | yata ityāha svarūpa iti 
svarūpabhedāvabhāsena ākṣiptatvātsa eva asāvuktaḥ | tadeva ākṣipta-
tvaṃ darśayati nahi iti | vasturūpau iti pṛthagarthakriyākārī 
bhūtalādirādityodayādiśca bhavatyeva deśakālātmā | atra 

(page 123)

āha yadyapi iti | upacaryeta iti vyavahriyeta, yadivā gauṇavṛttyā 
ucyetetyarthaḥ | bhedāvabhāsenaiva iti svarūpabhedaparyavasāyeneti 
yāvat | taṃ bhedāvabhāsaṃ darśayati bhinnena ca iti ekaśco hyarthe | 
etadupasaṃharati tat iti tasmāt | svātmābhāsasya rūpādilakṣaṇasya 
viśiṣṭadeśakālayogābhāve na bhedastadavaśyaṃ kvaciddeśe kāla iti vā 
sarvatreti vā tatsāmānyāvabhāsaḥ, bhinnena tu yogo daṇḍena iva puṃso 
bhavan svarūpameva bhindaṃstathā bhavati | etaduktaṃ bhavati-
svarūpameva saṃkoci deśakālau, tatrāpitu madhye saṃkocāntarāt 
sāmānyatā, yāvatsaṃkocāntaraṃ mūrtibhedāntaramasahamānaṃ 
viśeṣa eva, na sāmānyam; mūrtibhedagarbhatāsahaṃ tu 
mahāsāmānyaṃ sattā | etat sphuṭayati tathāhi iti | deśo 
dūrādibhedānapi sandadhānaḥ sphuṭatādhānenaiva upakārīti 
smaryamāṇatvamasya divasādivat na nidarśitam, kālastu tridhā bhavan 
vartamānātmā sphuṭatayā, anyastu asphuṭatvena bhavatyupakārītyāha 
athavā iti | smaryamāṇena ata eva asphuṭābhāsena sahitaḥ kriyāviśeṣo 
yasya avabhāsate, sa bhūtaḥ | prāk iti kālacintāyām | atra ca 
smaryamāṇena utprekṣyamāṇo'pi upalakṣitaḥ | cakāreṇa ca anāgataḥ 
saṃgṛhītaḥ, yadivā anāgate'vabhāsanaṃ prācuryeṇa niścitaṃ na 
saṃbhavati,-iti na asau darśitaḥ | nanu sūryasaṃcārāderapi vartamāne iva 
gatirasti, sā katham | itthamiti darśayati svātmanyeva iti | dehāvasthānāṃ 
prāṇagamāgamānāṃ ca vaicitryāt kālabhedaḥ sūryāderiti yadyapi, 
tathāpi paryante prāṇādīnapi ayaṃ parityajya buddhāvapi cittarūpāyāṃ 
pramātṛtvābhimānena prameyatayā vā yadā viśrāmyati, tadā

(page 124)

     vyutthānanirodhasaṃskārayorabhibhavaprādurbhāvau | (yo. sū. 
3|9)
iti
     śāntoditau tulyapratyayau | (yo. sū. 3|12)

iti ca nayena avaśyaṃ sphuṭāsphuṭarūpatvaṃ saṃbhavatyeva | nanu 
cittavyāpārasya kena rūpeṇa sphuṭatvamasphuṭatvaṃ ca | cittaṃ 
vyavasāyarūpam, avasāyaśca vimarśaḥ; saca prakāśasya ātmā, 
prakāśaśca adeśakālakalitaḥ | atra āha viṣayāvabhāsa eva iti | 
viṣayoparāgasaṃkucitatvādevahi tat cittamucyate, anyathātu cideva, natu 
cittaṃ kiñcit | viṣayaśca vedyarūpaḥ, dhyeyādyākāro vā 
cittapralayādavasthitasvarūpa eveti tadātmanā sphuṭāsphuṭatvayogo yukta 
eva | tadevamiyatā rūpādyābhāsānāṃ sāmānyadeśakālayoge'pi 
tadviśeṣāyogāt sāmānyarūpataiva, tasyāmevaca pramāṇavyāpāra iti 
upapāditam | nanu yatra ekavyaktirūpatvaṃ caitro maitra ityādau, tatra 
sāmānyāyoge kiṃniṣṭhaḥ pramāṇavyāpāra iti codayituṃ 
vismaraṇaśīlatāṃ darśayati ekāvayavi ityādinā | avasthātṛrūpṃ hi 
tatra ekaṃ sāmānyamiti upapāditam | 
ekamekaikasāmānyasvarūpamupapādya prakṛtaṃ sūtrārthaṃ tatra 
yojayati tathābhūte ca iti bhittikalpe te svabhāvā 
dharmyavaicitryātmānaḥ | nanu yat rūpagrāhi pramāṇaṃ cākṣuṣaṃ, 
tadeva kathamauṣṇyagrāhi | auṣṇyaṃ hi spārśanaṃ, na cākṣuṣam | atra 
āha ekatvaṃ ca iti | na asmābhiruktam-yenaiva bhāsvaraṃ rūpaṃ 
gṛhyate pramāṇena, tenaiva auṣṇyamiti; apitu evamucyate-yenaiva 
prathamaprathamapravṛttena pramāṇena 
bhāsvarasanniveśaviśeṣarūpamauṣṇyādi avyabhicāritayā gṛhītam, 
tenaiva trailokye traikālye ca bhāsvararūpasaṃniveśaviśeṣasya 
tadauṣṇyāvyabhicāritvaṃ niścitamiti na tatra pramāṇāntaropayogaḥ |

(page 125)

evamauṣṇyaviśeṣo'pi tathārūpāvyabhicāritayā yenaiva pramāṇena 
prathamaṃ niścāyitaḥ, tenaiva sārvatrikastathaiva vyavasthāpita iti | tat tu 
katamat pramāṇaṃ syāt yadevamavyabhicāraniścayāya abhiṣicyate iti 
adūre eva vitaniṣyate | atra iti vṛttau | nanu svabhāve evamastu, 
kāryakāraṇādiyoge tu parāpekṣake katham | kathaṃca na syādityāha 
kāryatvādi iti | pramāṇena na viṣayīkṛtaṃ taditi tāvadaśakyavacanaṃ 
pratītyapahnavāpatteḥ; viṣayīkṛtaṃ cet, svabhāvabhūtameva tat 
jātamanyāpekṣamapi vyavahriyamāṇam | atraiva upapattiṃ 
sūcayaṃstattacchabdavācyatve'pi ayameva nyāya ityāha ata eva iti 
ekavārapravṛttaṃ pramāṇaṃ yadi sārvatrikatayā bhāvaniścaye 
mandībhavet, tadā ayamagniriti mahānase gṛhītasaṅketaḥ śmaśāne 
kathaṃ vyavaharedagnirayaṃ jvalatīti | yatra ca sāṅketike'pi ayaṃ 
mandastatra akṛtrime tatkāryatvatatkāraṇatvādau kā nāma 
anavakḷptirityevaṃ vaktumata eveti madhye nirūpitam, natu ekarasameva 
uktamagniśabdavācyatāpītyādi | ādigrahaṇāt iti vṛttigatāt, 
ṭīkāgatādapi ādiśabdāt pavanasakhatvādergrahaṇam | 
svabhāvaśabdena iti vṛttigatena | adhunā tat vitanoti yaduktaṃ katamat 
pramāṇaṃ tat syāditi | tatra pūrvapakṣaṃ tāvat karoti atra ca iti | caḥ 
prameyasamuccaye | atra sūtre yadevaṃvidhaṃ vaktavyāntaramupayogi, etat 
kathaṃ vyavasthāpanīyamiti atidūreṇa saṃbandhaḥ | kā asya 
vyavasthāpane durghaṭateti cet, āha ekasmāt iti 
sandhigdhasattākamarthāntaraṃ bhūtalāntarnidhānādi | paraspara iti yat 
sat, taduṣṇamiti | evamekaikasya parasparasvabhāvatāgrahaṇe 
kuṇṭhaśakitvamupapādya samūhasya api upapādayati anekenāpica iti 
śikharasthasaṃvedanenaiva

(page 126)

gṛhāpaṇarathagajādi | nanu pramāṇasamūhānantarabhāvi vikalparūpaṃ 
saṃkalanājñānamanyonyasvabhāvatāṃ vyavasthāpayiṣyati | neti brūte 
saṃkalanā iti | daṇḍapuruṣapratisandhānavadetadapi bhaviṣyatīti uttaraṃ

     -----------------tadasiddhaṃ yadasiddhena sādhyate |

ityupālambhena bhinatti daṇḍa iti avabhāsa iti avabhāsena | nanu 
anekābhāsaṃ yat vijñānaṃ, tat viṣayamelanāṃ kurvadeva ekaṃ 
pramāṇaṃ bhavet | uktamatra

     gajaturagarathādermelanaṃ naikadṛṣṭau |

iti | tāvat doṣāntaramapi āha anyathā iti | parasparaṃ 
viṣayasvarūpamapekṣamāṇameva yadi pramāṇaṃ syāt, tadā 
dvicandramapekṣyaiva nabhogrāhi pramāṇaṃ nabhasi pramāṇaṃ bhavet, 
na dvicandro'stīti apramāṇameva syāt; gaganamapekṣya vā dvicandre 
pramāṇamiti gaganasya vastvantarasya ālokādirūpasya vā saṃbhavāt 
tadapekṣayā dvicandre'pi syāt pramāṇam | atha dvicandre'sya pṛthak 
vyāpāraḥ pṛthagavagamaviṣayīti, tarhi satyeṣu api prameyeṣu pṛthageva 
asya prāmāṇyam, na anyonyāpekṣayeti | nanu ekaikatā astu 
prāmāṇyamekaikaṃ tu svalakṣaṇarūpamucyate, tacca 
anekavyāvṛttikalpanīyadharmatāmātramiti tenaiva 
rūpasaṃniveśordhvagāmitātmakaṃ vahnisvalakṣaṇaṃ gṛhītam; 
bhavanmate'pi ekaṃ svalakṣaṇamanekasāmānyamelanarūpamiti 
ekasvalakṣaṇatāgrahaṇabalādanekasya tasya anyonyāpekṣā api 
siddhyedeva | etat nirākurute anekāvabhāsitve'pica iti jñānasya 
parāmṛśata eva prāmāṇyāditi saṃbandhaḥ | atra hetumāha bauddhamate 
kṣaṇikatvādau bhāte'pi aniścite'dhyakṣasya mābhūtprāmāṇyamiti 
aparāmṛśato'pi hi prāmāṇye kṣaṇikatve'pi---------

(page 127)

vā vyatirekitayā gṛhīte syādeva pratyakṣaṃ pramāṇam, naca etadiṣṭaṃ 
parasya | nanu parāmṛśata eva prāmāṇyaṃ cediyatā kim | āha 
parāmarśānāṃ ca iti |

     yāvanto'rthasamāropāstanniṣedhe'pi niścayāḥ |
     tāvanta eva--------------------------------------------------|| (pā. vā. 1|51)

itinaye prativyāvṛtti bhedena vartamānaḥ parāmarśaḥ pramāṇamapi 
ekaikasyāṃ vyāvṛttau sāmānyarūpāyāṃ pṛthageva vartamānaṃ 
paryavasāyayati | nanu tena pramāṇena 
samastatāvadvyāvṛttirūpasāmānyābhāsānāmekasvalakṣaṇaviśrāntā
-vabhāsānāmabhedo gṛhītaḥ | satyaṃ gṛhītaḥ, kintu taṃ gṛhītamapi 
avadhīrya pṛthageva prāmāṇyaṃ yuktam | avadhīraṇe 
heturyato'sāvavabhāso grahaṇātmā vimarśavaśenaiva upayujyate 
pravartakatvādinā prāmāṇyaṃ bhajate | prameyamupasaṃharati tataśca iti 
pṛthakpṛthagvyāvṛttau prāmāṇyādityarthaḥ | svaviṣaye 
ekavyāvṛttimātraṃ viśeṣaṇaviśeṣyatvaṃ yat bhāsvaraṃ, taduṣṇaṃ; yo 
dhūmajātīyaḥ, so'gnikārya ityevaṃbhūtaṃ jñātumaśakyam | tataśca 
pūrvoktā iti etatsūtradarśitā anantarasūtradarśayiṣyamāṇā ca 
pravṛttirna bhavet viśiṣṭārthitayā viśiṣṭasya pramāṇena kvacidapi 
apradarśitatvāt | nanu arthitābalāt pravṛttiriti uktaṃ, satyam, arthitāpi sati 
arthasaṃśayādau bhavedyatra kvacidarthitākṛtapravṛttyabhāvaḥ | naca 
kvacidapi kadācit viśiṣṭaṃ dṛṣṭamanena kiñciditi arthasaṃśayādyeva 
asya na bhavediti prekṣakaścet na pravarteta kvacidapravṛttereva prekṣakatā 
tadānīm | tadāha prekṣa iti | kiṃca arthitātāratamyena pravṛttimān 
mūḍhaloko bhavati, na prāmāṇikaḥ | so'pi ca vartamāno dṛṣṭa iti 
tatpravṛttirna bhavedeva uktakrameṇa | tadapi āha prekṣa ityādi | yeṣām iti

(page 128)

saugatakāṇādādīnām | aparihāryaḥ iti sarvathā atra nāsti parihāraḥ | 
tathāhi yaducyate taiḥ-agnirdhūmakāraṇatāṃ, dhūmaśca 
agnikāryatāṃ tyajannakāraṇako bhavedauṣṇyādikaṃ ca tyajan 
niḥsvabhāva eva syāditi, tat siddhena kāraṇakatvādyābhāsena saha 
dhūmābhāsādestādātmyena bhaṇyate nāma | tadeva tu pṛthagābhāseṣu 
pramāṇeṣu na siddhyati | tathāhi-grāhakaṃ kiyatīti 
parāmarśabalātparāmarśācca pṛthageveti darśitam | 
ekagrahaṇagṛhītavastuviṣayā yāvantaḥ 
parāmarśāstadadhyavasitatāvadvyāvṛttimaya eko'rthātmeti cet, etadeva 
durjñānamekagrahaṇena kiyadgṛhītamiti | etāvantaśca parāmarśā 
etadgrahaṇapūrvakā ityapi durjñānataram | uktaṃ hi

     dṛk svābhāsaiva------------------------------| (1|3|2)

iti | tataśca kena etat tṛtīyena jñeyaṃ 
grahaṇānantaramayaparamarśātmādhyavasāya iti | svasaṃvedanatayā hi 
ubhe api jñāne svātmānaṃ jānītāṃ nāma, na adhikaṃ tu 
jñātumarhataḥ | ata eva idamapi ayuktamuktamanagnau bhavan dhūma eva na 
syāt | agnyanantarasvabhāvo hi saḥ, atathātve punarekavāramapi tathā na 
syāt | yadihi ekavāramapi etat sidhyet, sārvakālikatā yāvagatā, tadgale 
granthirlagna iti na śakyaṃ kiṃcidauṣadhamupayoktumākraṣṭuṃ vā 
doṣajātam | tata eva tanmātranimittatvaṃ tanmātrasvabhāvaṃ 
tanmātraprāpaṇatvaṃ tanmātrānubandhitvaṃ tanmātralakṣaṇatvaṃ 
dhūmavattvādervahnimattvādinā,-ityādivācoyuktisahasramapi 
vairāṭairiva raṭitaṃ balavadbhirupacite grahe'kiṃcitkaramiti 
asmaddarśanameva aiśvarānugrahārjitārjunatejo'tra śaraṇīkartavyam | 
tadāha asmābhiḥ punaḥ iti upapannaṃ yuktamabhinnaprakṛtitvaṃ 
pāramārthikamekasvasaṃvedanātmakatvaṃ yāsāṃ, tādṛśyaḥ 
samarthitāḥ saṃvidaḥ | naca śuṣkeṇa ekatvamātreṇa api etat

(page 129)

nirvahati | tata ābhāsamelanāṃ niyatāṃ kartumaiśvaryamupeyamiti 
khyāpayati pratyavamarśa iti | sā iti saṃvit | pramāṇam iti 
svasaṃvedanalakṣaṇam | nanu aikyaṃ gṛhṇatyā tayā saṃvidā 
svālakṣaṇye na gṛhīte'bheda eva tāttvikīkṛta iti sāmānyātmāna 
ābhāsā eva paramārthā iti ābhāsavastuvādastruṭyati | na truṭyatīti 
darśayati aikyamapica iti aparāgniśabda iti vācyabhāga iva 
vācakabhāge'pi abhedātmā sāmānyarūpatayaiva pradhānamityarthaḥ | 
sāpi saṃvit sāmānyaviṣayaiva yata aikyamapi sāmānyarūpatayā 
pramimīte iti saṅgatiḥ | evamevaca iti svasaṃvedanarūpatayā deśena 
saṃbandho dharāyāṃ vahniriti, kālena grīṣme dāvāgniriti, 
dravyāntareṇa pavano'sya uddipako jalavirodhīti; 
ādigrahaṇādūrdhvajvalanādikriyādyātmanā dharmavargeṇa 
saṃbandhaḥ | itthamevaca iti idaṃ ca asakṛt nirūpitam | nanu yat 
saugatairatyantānanugāmi svalakṣaṇamucyate, tatra kā vārtā | āha yat 
punaḥ iti | tatra māyāśaktivaśādatyantānanugāmitābhimānaḥ param, 
anugāmitaiva tu paramārthaḥ | tahāhi-yadā tāvadayaṃ bhāvātmā 
māyīyaparāmarśapadavīmeti, tadā ayamidānīṃ viśiṣṭo ghaṭo mayā 
caitreṇa iha mīyata iti vākyārthaparāmarśo'pi evaṃjātīyatayaiva 
punaḥpunarudayocitaḥ | tataḥ sāmānyarūpataiva tāttvikī | 
māyīyatvānudaye'pi ahamidamiti śuddhā api idantā yā 
saṅketānapekṣiṇī tata eva kālāntarānuvṛttyādiśūnyasvālakṣṇya-
mātraparyavasitā, sāpi ahantāyāmabhinnāyāṃ līyate māyīyatāyā 
anabhivyakteriti ko'sya avasaraḥ kutra bhedastāttvikatāṃ pratītyanusāreṇa 
avalambate muktvā tadabhimānamātraṃ māyotthāpitam | sarvatra hi

(page 130)

     idamityasya vicchinnavimarśasya-----------------| (a. pra. si. 15)

itinayena pramātṛtāyāmeva viśrāntaṃ svarūpaṃ sarvaṃ, pramātṛtā ca 
abhinnā | etadāha yatpunaḥ ityādinā upapāditāvibhedatvam ityantena | 
bahubrīherayaṃ bhāvapratyayaḥ | nanu satyaṃ pramāturabheda upapāditaḥ, 
kintu māyīye pramātari nīlasvalakṣaṇapratītirviśrāmyati; saca 
nīlāvacchinna iti kathaṃ tasya abheda ityāśaṅkāṃ nirākaroti 
tathāvidhārtha iti | nīlasvalakṣaṇapramātṛtā api 
uktavākyārthaparāmarśarūpā deśakālasādhāraṇī eva | 
tathāvidho'pi iti svalakṣaṇātmā api | tāttvikaḥ iti 
māyīyābhimānamātrakṛtastu bhedaḥ 
pūrṇasvātmarūpākhyānamātrasāra iti yāvat | tadāha

     satyāsatyau tu yau bhāgau pratibhāvaṃ vyavasthitau |
     satyaṃ yattatra sā jātirasatyā vyaktayaḥ sthitāḥ || (vā. pa. 3|32)

iti | etadupasaṃharati tena iti svalakṣaṇamapi yatnena yathā upapāditaṃ, 
tathā darśayati sāmānyapadena | atraivaca iti svalakṣaṇatāyām | 
bhedamātrāt iti svalakṣaṇatāvyatirekādityarthaḥ | prasiddhaṃ hi 
samānoparañjakatvaṃ, lakṣaṇaṃ tadeva | evaṃ svadarśane 
tattvamupapādya, paraḥ svadarśanamevaṃ yadihi utpādayet-nanu mā 
bhūdadhyavasāyabalena prativyāvṛtti prāmāṇyaṃ, niraṃśa eva astu 
svalakṣaṇe bhāsvarordhvagāmirūpe prāmāṇyamiti, tat ko'sya doṣaḥ | 
ayamityāha tadekatraiva iti | taditi tasmādabhyupagamāt hetoḥ 
kṣaṇikatvāṃśe na pramāṇaṃ, sthairyāṃśe tu pramāṇamiti hi 
viṣayabhede sati śobhate, natu ekavastuviṣayatāyām | taduktānyeva iti 
yāni sarvavādyantaropamardanaparamāstrāṇi viruddhadharmāpādanāni |

(page 131)

nanu mā bhūdeṣā pramāṇāpramāṇādivibhāgaprakriyā, kim hi anena 
vādāntaragamanena | prakṛtaṃ hi tāvat siddham-vahnirekasvabhāvo, natu 
vyāvṛttātmā pramāṇāt sidhyatīti | prakṛtameva na siddhamiti darśayati 
taiśca iti saugatairbhāsvaratvasanniveśordhvagāmitvādāvekendriya-
grāhyasya eṣa kramo, bhinnendriyagrāhyasya tu ekena jñānena 
grahaṇāsambhave kathaṃ bhāsvara 
uṣṇo'gnirityekasvabhāvatāvyavasthā-panaṃ; tataśca bhāsvaraḥ 
śītamapanudatīti avidite bhāsvaraṃ dṛṣṭvā api śītāpanodārthī 
kathamupasarpediti tathāpi vyavahāralopaḥ | yadi nāma iti 
viśeṣaṇaviśeṣyatātmakasambandhapratītau nāsti vyāpāro'dhyakṣasya, 
kiṃca ekaghanādhyavasāyodayo nāsti,-iti ka ekaghano gṛhīta 
ityetadevābaddhaprāyamiti | atrāpi avajñāṃ darśayati manovijñāne iti 
vikalparūpe | tat hi kāmamekasminneva kṣaṇe'nekaṃ 
rūpādikamatadvyāvṛttimātreṇa sāmānyarūpamaniyataṃ viṣayīkuryāt, 
natu anyonyayojanāmavikalpakena akṛtapūrvāṃ kartuṃ yogyaṃ bhavati | 
ektatra iti ekatvena saṃmate'rthe na syādevamākārā prattipattiryata 
evaṃbhūtaṃ vijñānasya svarūpamiti saṅgatiḥ | saptamī nimittārthe | atra 
parābhiprāyaṃ śaṅkate atha iti | rūpāśraya iti rūpasya 
āśrayo'dhikaraṇaṃ samavāyidravyaṃ tatra, rūpamevavā 
āśrayo'tinikaṭa iti rūpasannikarṣa iti sādhāraṇyuktiḥ | ata eva 
upasaṃhariṣyati natu ekadeśatā sannikṛṣṭatāsannikṛṣṭatā vā iti 
hastasannikarṣe sparśagrahaṇaṃ rūpaṃ ca tatraiva upalabhyate iti | eṣā ca 
sā tṛtiyā saṃvit siddhāntimate pāramārthikī sthitā lokasya, parantu etat na 
upapadyate iti vikalpayati paramākṣipan nanu iti | atrāpi iti asminvastutattve 
sthite'pi tava kathametaditi yāvat | hasto hi

(page 132)

rūpasparśātmā vastutastatra vikalpyate yo hastasya sparśa āntaro 
nairmalyādviṣayasparśagrahasamartha iti indriyatayā uktaḥ, sa 
tannairantaryeṇeti tāvadyuktam | etena āśayena vikalpadvayaṃ kṛtvā 
antyaṃ vikalpaṃ ghaṭayati sparśa eva hi indriyam, anumeyatā tu tasya yato 
niyate deśe niyatena karkaśasukumāraśītādinā rūpeṇa 
avadhāryamityevaṃ yadyapi uktaṃ, tathāpi yāvadgati vicāraṇīyamiti 
darśayati tatra yadi iti | enaṃ pakṣamasambhavenaiva pratikṣipati kena iti | 
rūpasparśobhayagrāhiṇā rūpasparśanairantaryaṃ gṛhyate, naca 
tadvijñānamasti | nanu rūpamupalabhyaiva sparśamupalabhate, viparyayo 
vā sakṛt satu dhiyaḥ | iti dṛśi vā yugapadrūpasparśopalambhadvayam | 
bhavatu evaṃ tāvat, prakṛtaṃ tu na prasiddhyatīti darśayati kevalam iti 
paurvāparyāt niyatāt kāryakāraṇatā yaugapadyādekakāryatā siddhyet, 
naca ayaṃ niyamaḥ-kāryakāraṇayorekakāryayorvā niyamena 
ekadeśatvaṃ saṃnikarṣo vā-iti dharmādharmādīnāṃ 
bhasmadhūmādīnāṃ ca pūrvāparasamānakṣaṇātmano viśvasya apivā 
kāryakāraṇasamānasāmagrīkarūpasya api saṃnikṛṣṭatayā darśanāt | 
etadeva ca asmaddarśana eva upapadyate

     pratyakṣānupalambhānām---------------------| (1|7|4)

ityuktayuktyetyāśayena abhyupagamamātrametaditi sūcayati yadi nāma 
ityanena | atha hastasya yaḥ sparśaḥ, sa na indriyaṃ sparśagrāhakam; apitu
     
     tadvijñānāśrayarūpaprasādāccakṣurādayaḥ | (a. ko. 1|9)

iti ābhidhārmikanītyā hastasya yadrūpaṃ tat sparśagrāhi, rūpaṃ ca 
cākṣuṣapratyakṣeṇa upalabhyate hastasya ca agneśca; agnirūpasannikarṣa-
parigṛhītahastarūpasannikṛṣṭaśca tenaiva hastarūpeṇa 
sparśanendriyasaṃ-jñābhājā

(page 133)

sparśāgnisparśa upalabhyate iti | etadapi dūṣayati tatparokṣam iti 
hastarūpaṃ hi yadindriyīkṛtaṃ, tat na upalabhyate iti tasya 
agnirūpasaṃnikṛṣṭatā durjñānā abhyupagamyā adhyāhāryāpīti | 
hastarūpaṃ hi cākṣuṣeṇa jñānena gamyamagnirūpaṃ ca, agnisparśaśca 
sparśanendriyatābhiṣiktahastasvarūpajena jñānāntareṇeti dvigrāhakaṃ 
na jñānaṃ samarthitaṃ kiṃcit | evaṃ rūpasparśayoḥ 
saṃnikarṣamekāśrayatāṃ vā grahītuṃ na kiṃcit saṃvedanakuśalamiti 
upapādya jitakāśitayā hastasya nairantaryamagnisparśasyetyetadapi 
durupapādamiti darśayan hastanairantaryeṇaiveti bhāṣāmātrameva tava na 
yuktamiti darśayati athāpi iti yuktamapi pakṣamupagacchatā duṣṭaṃ ca 
tyajatāpi bhavatā durupapādamiti yāvat | anena iti karaṇasya 
adhyakṣatāmāha | naca iti tena rūpasya karaṇatā sparśaṃ 
pratītyayuktapakṣatyāgaṃ brūte | tena iti hastasparśena 
indriyabhūmikāmāśrayatā | sparśāntaram iti agnisparśaḥ | nahi iti 
āntaratā hi tasya ātmābhedena vartamānatā,-iti ātmani avidite kathaṃ 
viditā bhavet | tataśca iti tato'pītyarthe | tadayamarthaḥ-
pratyakṣamindriyaṃ svaparaprakāśakamiti tāvadatyantamalaukikam, 
tato'pitu aṅgīkṛtādagnisparśo hastasparśena nirantara iti siddhyet, na 
hastarūpeṇa nirantara iti | atha iti lokapratītimātrāvalambanena idamucyate | 
ekasya iti hastasya sparśena saṃnikṛṣṭaṃ rūpamiti agnerapi tathā 
tajjātīyatvāt, kiṃca ekasyeti hastasambandhinaḥ sparśasya yat sannikṛṣṭaṃ 
hastarūpaṃ, tadasya api sparśasya agnisambandhinaḥ sparśajātīyatvāt | 
tataśca idaṃ jātamityāha yena iti evaṃvyavasthāpanena | atra mūlameva 
nikṛntati tatrāpi iti | tajjñānayoḥ iti hastasambandhirūpasparśajñāne

(page 134)

hi svātmaniṣṭhe eva, evaṃ rūpasvalakṣaṇe sparśasvalakṣaṇe ca 
deśakrameṇa nairantaryamāntaratvādinā avadhārayitumaśakyaṃ paramate 
iti upapādya kālakrameṇa api avadhāraṇamaśakyamityāha yathāca iti 
kālakrame ca bhinnākṣajñānaviṣayatvaṃ na upajīvanīyam | tathaiva iti 
svarūpaniyatisthitikatvena | ekatra iti kramo hi yayorvicāryate, tau 
kathamekatra jñāne bhāseyātām | tatrāpi iti vikalpe na iti vāstava iti 
bhāvaḥ | nanu ekavikalpapratibhāsyataiva astu krama ityāśaṅkya āha nahi 
iti | evaṃ prasaṅgato madhye kālakramaṃ paramate nirākṛtya 
deśakramameva prastutaṃ vicārayati devadatta iti | yadihi kaścit brūyāt-
bhāvayoḥ prātisvikasvarūpadarśanameva deśakālādibhedagrahaṇamiti 
tadanena vihatamohaḥ kriyate tathātvena iti vāstavena nairantaryeṇa | sa eva 
iti ya āvṛttaḥ, athavā sa eva yo dṛṣṭapūrvo, natu anya iti śaṅkayā 
dvitīyatā ? naiva niścayo deśaviśeṣeṇa saha apekṣāyā agrahaṇe 
ghaṭamātrasyaiva ucitatvāt | dvitīya iti dvitīyasya yat kila darśanaṃ 
nakṣatrasya, tat na apekṣyate nakṣatrāntaradarśane tena jñānena | 
pṛthagevahi sve sve viṣaye ekasyāpi jñānasya prāmāṇyamiti uktam | anena 
yugapadgrahaṇe'pi paramate na kathaṃcit samarthyo'yamarthaḥ iti darśitam 
| nanu nakṣatradvayanirantaratāpratyayo bhrānto'tidūravyavahitatvāt 
nakṣatrāṇām | atra āha nairantarya iti vikalpo'pi iṣyamāṇa iti 
saṃbandhaḥ | sarvadaiva iti manorājyādāvapi | tataśca 
ābhāsavastuvādo'yaṃ syāditi āśayaḥ | etadupasaṃharati tasmāt iti | 
vyavasthitam iti vastusthityā deśakālakramavadapītyarthaḥ | evaṃ 
kramacintāyāṃ

     kramo bhedāśraya------------------------------| (2|1|4)

(page 135)

ityatra ya ukto nyāyastena upalakṣite ye ābhāsasadasattve, tābhyāṃ 
sādhyo yaḥ, sa na sidhyet tayoreva aniścayāt paramate | yasmādevaṃ 
tayoraniścayastasmātparasya naiva sidhyediti hiśabdena āha | tasmāt iti 
pravṛttapūrvaghaṭābhāsābhāvopalakṣitaṃ tādṛśaṃ santaṃ 
paṭamapekṣyaṃ nirantaraḥ pūrva iti lokadṛśaṃ padārthavādidṛśaṃ ca 
āśritya viśeṣaṇadvayam | kāṇādadarśane hi paratvāparatve 
diksaṃyogakārye | agrea.pi evaṃ mantavyaṃ bhūtatā pūrvatā ca 
ityādau | kramaḥ paurvāparyam, vyavadhānaṃ sāntaratvam; ādipadāt 
dūratvādikam | iyadeṣāṃ ghaṭādīnāṃ 
pramātṛśarīrādikamanapekṣyaiva 
svagatamanyonyābhāsābhāvamanyonyatra 
ekapramātṛsvatantraprakāśavimarśamahimnā utthāpitamapekṣya bhavatīti 
uktam | paurvāparyādi tu iti pūrvamidaṃ, paścādidaṃ, dakṣiṇata idam, 
uttarata idamityādi | apiśabdādanyonyābhāsasadasattvakṛtatvamapi 
anujānāti ghaṭasya dakṣiṇataḥ paṭa ityapi vyavahārāt | evaṃ deśakrama 
ekapramātṛtattvādhīna iti upapādya kālakramo'pi upapādyate kāla 
ityādinā evam iti deśavadeva ābhāsasadasattvāpekṣatvādityarthaḥ  | 
evaṃ svatantradravyāṇāṃ vicārya, dharmarūpāṇāmapi taṃ kramaṃ 
vicārayati rūparasādīnāṃ ca iti 
ādipadādekasāmagryadhīnataikārthasama-vāyitvāvirodhitvādi | evaṃ 
jaḍagatatvena vicārya, cetanagataṃ vicārayati jñānānāmapi iti 
rūparasādīnāṃ ca kramo bodhyaireva sādhyaste'pi ca vicāryā iti 
darśayati | tataśca prāk yadyapi

     evamanyonyabhinnānām----------------------------| (1|3|6)

ityatra prakaraṇe nirūpitam, tathāpi ekapraghaṭṭakāvasthitaṃ prameyaṃ 
kartumatra smārayati kadācit iti yugapajjñānasattopagamapakṣe | tasyāḥ 
iti asattāyāḥ na svayaṃ prathā śakyā iti jñātumasatteti

(page 136)

pūrveṇa sambandhaḥ | tat iti tasmāt rasajñānāt | sarvadaiva iti 
rasajñānasattopagame'pi | sarvadaiva iti satyapi rasajñāne nāsti 
vyatiriktaṃ rasajñānamiti asattā asya niścīyate | tat iti rasajñānasyaiva yat 
svarūpeṇa abhāvaḥ, sa eva tarhi abhāvavyavasthāyā abhāvaniścayasya 
hetustadanvayavyatirekānuvartanāt | sa ca nīlarūpo na prathate iti uktam | atra 
parakīyamāśaṅkate atha iti | tasya iti rasajñānasya | etat dūṣayati tat iti | 
tasmāt tvaduktādeva vacanāt hetoretādṛk cet rūpajñānasya sāmarthyaṃ 
-yat rasajñānābhāvaṃ niścāyayati, tat pūrvoktaṃ 
dūṣaṇamavighaṭitameva | pradeśa iti nāsti iti saṃbandhaḥ | 
svarūpamātraniṣṭhito hi sadā bhāvaḥ | nanu pradeśajñānaṃ yathā 
ghaṭena sahitaṃ ca saṃmiśraṃ ca bhavati, tathā ihāpi bhaviṣyatīti | etat 
parāsyati na tatheha iti | atra hetuḥ svaprakāśasya iti | syāt iti tatra 
asaṃmiśratve rasajñānābhāvaniścayo yujyeteti āśayaḥ | etat nigamayati 
tasmāt iti | nanu kena indriyeṇa rūparasau tatsaṃvedane vā melayedasau | 
āha praṇālikā iti na asya indriyādhīnaṃ kartavyasarvasvaṃ 
svātantryaśaktyaiva tannirvāhāt, māyāpramātṛtāparigrahe tu niyatirasya 
vijṛmbhamāṇā pramukhe tāvadindriyopayogaṃ karaṇabhāvena 
ādarśayati; paratastu 
tadindriyajñānānuprāṇakavimarśaśaktivisphārarūpeṇa 
vikalpaśabdavācyena pramātṛvyāpārarūpeṇa bhāvān vyavasthāpayati | 
tadetadāha sa hi iti ekaḥ pramātā | ātmani iti svarūpe | vyatirikta iva iti 
jñānaśabdavācye dharmarūpe kathaṃ tulyakālatāṃ tayo rūparasayorna 
vyavasthāpayedanyathāca bhinnakālatāṃ kathaṃ na vyavasthāpayediti 
saṃbandhaḥ | bhinnakālatāyāṃ


(page 137)

hetuḥ anyathāvabhāsanāt iti | nanu paradarśane vikalpa eva evaṃ 
racayiṣyati, rūparasavastuspṛktvaṃ ca asya na duḥsamartham | 
anubhavāyante hi vikalpāḥ | etadeva tarhi prakṛtamapākarotītyāha 
rūpānubhava eva iti ātmakālamanubhavakālamapekṣya | tathā iti 
tadanubhavasamānakālatvena adhyavasyet | nanu svasaṃvedane vikalpānāṃ 
pūrvānubhavāpekṣā kācit, tat kathamuktaṃ-nijaṃ jīvitameṣāṃ 
nāstīti | atra āha svasaṃvidaṃśa iti svayam iti saṃvedanarūpatāyāṃ 
vedyadharmaḥ kālo na unmiṣati, unmiṣannapivā rūparasayorakiṃcitkara 
ityāha bahirmukhatvābhāvācca iti svasaṃvedanaṃ 
rūparasavikalpasaṃvedanavikalpasya yat, tadeva kariṣyatīti cet, āha 
svasaṃvedanaparipāṭyā api na tulyātulyakālādivyavasthāpakatā yuktā | 
nahi tatrāpi svasaṃvedane kalpite 
rūparasadvayaviṣayamekakamanubhavāntaramasti bhinnendriyavedyatvāt 
tayoḥ | nanu ca sa vikalpa eva anubhavāyate | satyam, yatra asya vikalpatā 
svasaṃvedanātmakasvarūpātirikte rūparasāṃśe, tatra 
anubhavāyatāmanubhavāyaiva tu prakṛtoparodhinī tadetadāha yatra punaḥ 
iti | anena iti vikalpena anayo rūparasayorna kālapratītisaṅgatiḥ | sāhi 
anyonyāpekṣaṇena bhavati | tacca nāsti ayojitayoreva tayostena vikalpena 
avabhāsanāt | svānubhaveneva iti sādharmyadṛṣṭāntaḥ | svena svena 
anubhavena yathā tāvayojitāveva gṛhyetām, tathaiva tadanusāriṇā 
vikalpena adhyavasāyabalādavabhāsyete, natu anyathā | asādayet iti natu iti 
saṃbandhaḥ | nanu vikalpo yena vikalpāntareṇa vikalpyate, tenaivaṃ 
kariṣyate rūparasau pūrvaṃ vikalpitau yau tāvekakālāviti | netyāha 
vikalpasya iti rūparasaviṣayamaindriyikaṃ

(page 138)

maulameva anubhavamanusarati so'pi aparo vikalpaḥ | nanu vikalpo'nena 
vikalpyate, na anubhavaḥ; taṃ kasmādanusarati | ita ityāha naca iti vikalpasya 
vikalpanavyāpāraṃ vikalpayati vikalpo na svasaṃvedanam | etacca

     aśakyasamayo hyātmā---------------------------------| (pā. vā. 3|249)

iti vadatā pareṇa upagataṃ vikalpavyāpāraśca paramāṃśaḥ iti 
tadanubhavasya mūlabhūtasya avaśyamapekṣyam | tataśca tatra yat nāsti 
lālāṭe iva tarjanayatnasahasreṣu ? iva tat vikalpanasahasreṣu api kutaḥ | 
tadāha anubhavena avabhāsitasya arthasya rūpāderyā vṛttiryo vṛttānto 
nirūpito'nyonyāpekṣakālabhedaśūnyatvaṃ, tasyāmeva paryavasāne 
viśrāntau satyāṃ vikalpaparamparāśate'pi 
udite'nubhavādatirikto'rthāvabhāsanavyāpāro nāsti, anubhavaśca na 
evaṃkārī,-iti punaḥ punaḥ smārayati naca iti | nanu tvatpakṣapātito'pi 
vikalpaḥ kathamevaṃ kuryāt | satyaṃ kuryāt | asmanmate hi asau 
prāṇitāntarameva pratipannaḥ | yadabhinavabhāratī

     prabhuparicayāddharmaṃ dhairyaṃ dhiyaṃ ca parākramaṃ
     parijanajano dhatte nāsya svakaṃ sphuritaṃ kvacit |
     rajaniśaraṇāḥ śocyatvaṃ ye tamobhiraśiśraya-
     nnaharabhi     sṛtāḥ paśyaite kiṃ bhavanti muhūrtakāḥ ||

iti | tadāha syāt punar iti | idanīmeva bhavatpakṣapātitvaṃ dūṣitaṃ 
vikalpasyeti apiśabdaḥ | ayam iti vikalpaḥ | kālāvibhāgena iti deśo'pi 
atra upalakṣitaḥ | svātmanā deśakālāspṛṣṭo'pi 
māyāpramātṛbhūmikāvatīrṇaḥ svātmani kālaṃ deśaṃ ca 
avabhāsayaṃstena saha bhāvasya taddeśatāṃ tatkālatāṃ 
nirbhāsayanneva tasya bhāvasya bhāvāntareṇa saha tāmavabhāsayati,-iti 
na kiñcit

(page 139)

duḥstham | kālāvabhāsaṃ ghaṭayati tathāhi iti, deśabhedaṃ tu 
deśabhedo'pi iti | ekadravyātmatām iti dravyabuddheḥ satyatve 
samarthitatvāt | apiśabdaḥ saugatasaṃmataṃ sannikarṣaṃ sūcayan 
paradṛśi dūṣitaṃ svadṛśi samarthayitumāha yaḥ punar iti | sannikarṣo hi 
nairantaryamantarābhāvaḥ | tasya ca itthaṃ saṃvedanaṃ yadi tasya antarasya 
vyavadhāyakasya upalambhalakṣaṇaprāptatvaṃ bhavet, naca tadastīti 
tātparyam | nanu evaṃ pṛthaganubhūtayorgṛhayoryadi deśakramo na 
saṃcetyate, tarhi tau kramaśūnyāveva kiṃ nirbhāsete | satyamevameva, 
deśakramāpekṣayā yo hi kramo'vabhāsate tatra, sa kālato, na deśataḥ | 
etaṃ darśayati pṛthak iti | nanu pṛthaganubhave kālakramo'pi kathaṃ 
bhāsate tasyāpi parasparāpekṣāprāṇitatvameva nanu, kiṃ sahānubhave 
kālakramaḥ kaścit, tarhi kathamayamupapādayitavyaḥ | itthamiti darśayati 
vikalpa iti vikalpakāle ye saha bhāsete, naca ekarasatayā, apitu sphuṭatvena 
ekamaparaṃ ca asphuṭatvena; tayoḥ pṛthaganubhavabalādeva tathābhūte 
sati ābhāsabhede kālakrama eva bhāti, na deśakramaḥ | 
kaśmīrakānyakubjādestu sahānubhavābhāve deśakramo'numīyate, natu 
pratyakṣaḥ | etena tadapi pradarśitaparamārthaṃ kṛtaṃ yaduktaṃ 
nirantarayorghaṭayoḥ iti | tatra hi kālakrame'nubhavakriyāpekṣe 
prāṅnirūpitasthityapekṣayā paścāttanastathānubhavāpekṣo vikalpo 
deśakramamanumāpayati yadi sa pūrvo ghaṭo'pasāritaḥ, anyathā 
paścādbhāvisahānubhavabalenaiva pratyakṣatayā 
vikalpyate'nayordeśakramaḥ | atha yaduktaṃ nakṣatradvayam iti | tatra āha 
nakṣatrayośca iti viprakṛṣṭatvena yāvabhimatau pūrvapakṣe nirūpitau, 
āgamādinā vā tathā saṃmatau nakṣatrarūpāvarthau; tayoḥ sahaprathane 
sannikarṣo nairantaryaṃ yadavabhāsate, tat tathaiva iti satyarūpameva | 
yadihi

(page 140)

upalambhalakṣaṇaprāptamantaraṃ bhavet, tadupalabhyeta; naca evamiti 
asadeva antaram, sadapitu piśācādikalpaṃ; na sāntaratā vyavahārahetuḥ | 
ata eva āgame'pi evamucyate

     anayoradya samāgama ekarkṣagatatvam------------------|

ityādi | evaṃ svadarśanamupapādya tīvraṃ vyāmohasthānamidaṃ 
mūḍhānāmiti manvānaḥ svadarśanaparadarśanayormahadantaraṃ 
bhavadapi aniścinvānān parān pratyāyayituṃ tulārohaṇapaunaḥpunye-
naiva tayorantaraṃ kartukāmaḥ punarapi paradarśanānupapattiṃ darśayati 
anubhavāt ityādinā yadi paramiti tau tathābhūtau bhāvāveva dvau 
dṛśyamānau saṃnikṛṣṭatvaviprakṛṣṭatvavartamānakālatvaṃ 
cetīyataivottareṇeti manyate, natu atrāpi parasparāpekṣā 
nirvahatītyāśayaḥ, kālaviśeṣasya vartamānatāmātrasyeti mantavyam, 
natu prājñasya avyavahitasyāpi ca pratipattuṃ śakyo 
deśakālaviśeṣāvabhāso deśabhede kālabheda indriyabhede vā satīti 
saṃbandhaḥ | nanu indriyabheda ityeva avaśyam | netyāha ekendriya iti | atra 
hetuḥ arvāk ityādi | nanu
     
     vikalpayannapyekārthaṃ puro'nyadapi paśyati | (pā. vā. 3|207)

itinyāyena ghaṭaṃ ca anubhavet paṭaṃ ca asphuṭaṃ vikalpayedayameva 
tayoḥ kālabhedaḥ | naivamityāśaṅkāpūrvakamāha yadyapica iti yena iti 
svātantryeṇa | svakālo vikalpanasya vartamānatā sphuṭatvena, svadarśane 
tu nāyaṃ doṣa ityabhimatatvādanubadhnāti sarva ityādinā | 
sarveṣāmanubhavajñānānāṃ yadāntaraṃ 
saṃvedanasvarūpatvamekaṃ, tadeva svātantryādanubhavamayīṃ tāṃ 
bahirmukhatāṃ parāmṛśat svarūpasya anubhavasya ca ekībhāvāt 
svayaṃkṛtamanubhavakṛtaṃ ca svayaṃkṛtamabhimanute iti vastu eva idaṃ, 
na anyathā | etadeva ghaṭayati sahi

(page 141)

iti vikalpaḥ | anyathā iti anubhavarūpānapekṣayā | yogī hi na 
prācyānubhavāntarasāpekṣapratipattikaḥ | nanu iti bhinnatvena 
saṃvedanebhyaḥ prācyebhyo'bhimato yo vikalpaḥ, sa kathaṃ 
viṣayonmukho bhavet viṣayavedī ca | yadevaṃbhūtaṃ vastu uktaṃ vakṣyate 
ca

     ata eva hetubhūtādasya darśanasya parābhyupagamādviśeṣaḥ |

tat vastu darśyati yasyaiva iti saṃvedanalakṣaṇasya āntarapramātuḥ | aneka 
iti anubhavabhūmikāparigrahe | sa eva iti vikalpabhūmikāvagāhane | natu 
iti saugatādivadityāśayaḥ | kāṇādadṛṣṭiṣu api duḥsamarthametat 
jñānānāmekarūpatvābhāve satyekasaṃvidrūpāśrayamātrayogasya 
akiṃcitkaratvāditi uktameva prāk | svadarśanaṃ krameṇa pūrayati sa evaca 
iti | tathāca iti kiṃcetyarthaḥ | anekātmakam iti rūpasparśādimayam | 
bahutaraprameyataraṅgāndolitaṃ sūtrārthaṃ sthirīkṛtatvena unmīlayati 
evam iti natu anyatheti yāvat | arthasvabhāvaḥ iti ekaikābhāsarūpa 
ityarthaḥ | etat tāvat iti | anena sūcitaṃ prameyāntaramapi 
upapannamadhunetyāha yadapi iti vastu iti anekābhāsātmakamekamiti 
yāvat | saiva iti dāhakādirūpaikāgnipratītiḥ | ubhayatrāpi iti 
ābhāsabhedeṣu, tadekābhāse ca | tataḥ iti pramātuḥ | ataḥ iti yata evaṃ 
vastutaḥ pramātaiva pramāṇaṃ, tata eṣa sidhānto jāyate ityarthaḥ | 
saṅkocataḥ sa pramātā cākṣuṣapramāṇarūpatāṃ pratipadyate iti 
saṅgatiḥ | svātmāpekṣayā iti 
pramātṛprakāśatādātmyavṛtterābhāsasya aikyāpekṣayā | evameva iti 
tasya ca nāma kriyamāṇaṃ yuktiriti samucitaṃ 
pramāṇaparigṛhītābhāsabhedayojanātmakatvāt gandhayuktivat | ata eva 
anekapramātṛgatābhāsabhedayojanaṃ yathā yathā sphuṭībhavati, tathā 
tathā

(page 142)

prājñatvaṃ prakṛṣyate, aparathāca viprakṛṣyate | etadapica 
bhagavatsvātantryamayyā icchāśaktereva vijṛmbhitamiti saiva sarvatra 
śaraṇam | taduktaṃ

     buddhirjñānamasaṃmoha-----------------------------| (10|4)

ityādi | atrāpi iti anantarūparasādyābhāsamiśrīkaraṇābhāse | etat iti 
anekātmakaikasākṣātkārātmakaṃ pratyakṣam | na kevalaṃ 
sākṣādanubhavayojanātmikaiva yuktiḥ, yāvat smṛtidvāreṇa api 
anubhavayojanātmikā seti darśayatā 
vitatasvabhāvavastuvyavasthāpanamiva vitatakālavastuvyavasthāpanamapi 
itthaṃ yujyate iti darśyate śarat ityādinā | pramātraiva tatkāle 
ekapratyakṣarūpatāṃ pratipādya evaṃbhūtā vitatākārā paripāṭī 
pratīyate iti saṃbandhaḥ | parasya tu etat na saṃbhavatītyāha nahi iti | tat iti 
nirantaraparipāṭyābhāsātmakaṃ vastu sat | nanu pareṇa cedetadurarīkṛtam, 
kastarhi svapakṣe pakṣapātaḥ | āha taccaitat iti pareṇa upagataṃ yat, tat 
kramikebhyo'nubhavebhyastadvikalpe-bhyastatsmaraṇācca vyatiriktena 
ekasaṃvedanātmanā yuktivācoyuktyuktena nirūpayituṃ śakyam, na 
anyatheti | etat iti yadeva tadaikyābhāse sākṣātkārarūpe, tat 
puṣpasvarūpaṃ puṣpasmaraṇātmakam | evaṃ 
vitatakālavastuvyavasthāpanena muhūrtādermahākalpaparyantasya 
ābhāsasya vastutāṃ vyavasthāpya vitatadeśavastuvyavasthāpanayā 
krośayojanādeḥ samastakālānalabhuvanaprabhṛtisadāśivāntabhuvana-
vargagatasya api abhedātmana ābhāsasya satyatāmavasthāpayati 
sannikarṣa ityādinā | arthāntarāṇāmalpatvaṃ mahattvaṃ ca 
ābhāsamānaṃ vidyate yayorarthayoḥ 
sannikṛṣṭaviprakṛṣṭābhimatayorābhāsyamānayostāvā-bhāsete yasmin 
jñāne, tena yathāsaṃkhyaṃ sannikarṣetarau vyavasthāpayituṃ

(page 143)

śakyau | yastu manyate-vastunī eva te dve sannikarṣo'nyo veti, tasya 
antarālavartiṣu vastvantareṣvapi agṛhyamāṇeṣu tadgṛhyamāṇavastudvaya-
mātraniṣṭhitau tāvapi vyavasthāpanayogyāvabhaviṣyatām | naca evam | 
tadāha natvantarāla iti | sarvatra ca dūratādigrahaṇe'ntarālagrahaṇaṃ 
prayojakaṃ mantavyamiti upapādayati yattu iti | niśīthasamaya iti yatra 
antarālavartināṃ nadīparvatādīnāṃ grahaṇamasaṃbhāvyamityāśayaḥ 
| sannikarṣamādigrahaṇāt viprakarṣaṃ, tatrāpi ca tāratamyaṃ 
vyavasthāpayataḥ pramāturyat pravṛttau vaicitryamiha śīghraṃ gantavyaṃ 
na gantavyamityādi; tatra antarālasya na agrahaṇamapitu grahaṇameva | tat 
darśayati yataḥ iti | dvayaṃ iti digdvayādutthitam | tasya iti 
śabdapravāhadvayasya | nanu na deśadvayavartitayā pravāho gṛhyate, apitu 
śrotraśaṣkulyavacchinna eva nabhodeśe gṛhyate yathā kāṇādā manyante, 
utpattideśa evavā gṛhyate yathā kāpilā manyante śrotravṛttiḥ 
śabdotpattideśa eva śabdasākṣātkārātmanā pariṇamatīti, natu ubhayatra 
grahaṇaṃ, nāpi antarālagrahaṇam | etat dūṣayati anubhavaṃ pramāṇayan 
śrotradeśa evaca ityādinā | tadaiva iti utpattikāle | tataśca kālabhedena 
pratipattirna bhavet, sāca astītyāha na caivam iti utpattideśasya dūratve 
utpattikālamatikramya cireṇa pratipattirdṛṣṭā, atidūratve ciratareṇa; ata 
ubhayadeśamadhyavartī pravāhasvabhāvo'sau śabdo'vagamyate iti 
upagamyam | yo'pi āha utpattideśe śabdasya śrotreṇa na grahaṇam, apitu 
śrotrākāśāvakāśāśrityā antyaśabdaviśeṣaṇaliṅgena anumānata iti, 
tenāpi ānumānikaṃ tāvadantarālagrahaṇamupagatameva; tena 
digviśeṣadigdvayāgatatvaṃ śabdasya durjñānam | śabdasya hi

(page 144)

viśeṣaḥ kāmaṃ dūratādi jñāyatāṃ, natu digādiviśeṣaṇaṃ 
sambandhigrahaṇakāla eva tadaparijñānāt cakṣuṣā 
bherīdaṇḍādisaṃyogaprabhṛtikāraṇāvalokane'pi

     nāvaśyaṃ kāraṇāni--------------------------|

iti nyāye'nyakāraṇatāsaṃbhāvane saṃśayānivṛtteḥ | naca 
digviśeṣajena śabdena janitasya antyaśabdasya viśeṣeṇa bhavitavyaṃ 
kṣaṇikadṛśi iva dakṣiṇottaraprākpaścimadigāgatānāṃ puruṣāṇāṃ 
puro netrapātināmiti alamavāntareṇa sarvathā tāvadutpattideśe'pi gṛhyate 
śabdaḥ, natu antya eva mandatamaḥ | ataśca evaṃ-yadatidūrādapi 
gītamākarṇayannavaiti-tāratāraṃ gāyatīti, tat tīvratā api tatra anyā 
gṛhyate | yathātu dūrāt gṛhyamāṇo'ntarālapatitarajaḥprabhṛtibhāvānta-
rāvaraṇavaśādasphuṭa iti pratīyate, tathā sa tīvranādena ārabhyate 
yastīvro'pi madhyavartirajaḥsthānīyasaṃbhāvyamānavāyavī-
yādiśabdāvaraṇavaśādasphuṭaḥ pratīyate; antya evatu sphuṭaḥ | 
anubhavasākṣikaṃ ca idaṃ-yat niḥśabdāyāṃ rajanyāṃ yata eva dūrāt 
dhvanirākarṇyamānaḥ spaṣṭavarṇatvena avabhāti tata eva 
pravṛttajanasaṃpātavacasi divasadhāmani aspaṣṭavarṇa eva 
nādamātratayeti | tadetadupasaṃharati tasmāt iti | dṛśyate iti 
pramāṇopapannā avalokyate ityarthaḥ | nanu kimarthaṃ 
śabdāntarārambhaṇamiṣyate, tadapica deśāntare yena 
pravāhadvayamityuktam, tāvantaṃ kālaṃ sa eva śabdo'vasthāsnurastu; 
ārabhamāṇo vā tatraiva ārabhatām; ārambhe vā ko'sya 
virāmāvasaraḥ; sarvataśca ārambhe cartudikkamapi 
śabdaśravaṇaprasaṅgaḥ-ityāśaṅkāḥ śamayati agrasthita eva ca iti | 
tena na carturdikkaṃ śravaṇam | apratihata iti vāyvādipratīghātādeva 
viramatīti yāvat | yena iti śabdāntarajananena

(page 145)

dūrasthitāḥ pramātāro yāvati kāle śabdaṃ śṛṇvanti, tāvantameva 
kālamutpattideśasthā api pramātāraḥ śṛṇuyuryadi sthiro'sau bhavet, 
tatraivavā śabdāntaramārabheta | ubhayathāpi hi asau 
tatrasthastatrasthapramātṛśrotragamyatāṃ na ativartate | naca evaṃ 
kāṣṭhaparaśusaṃyogāddhi śabdaḥ sa tatrasthaistadaiva śrūyate, 
dūravartibhistu punaḥ paraśorudyamanakāla eva | tena 
antarālavartiśabdagrahaṇapūrvakameva śabdasya api dūratādigrahaṇamiti 
sthitam | yattu uktaṃ śabdasparśetyādi, tatra tatpravāhātiriktasya śabdasya 
apratītiruktā mantavyā || 8 ||

     evaṃ pratyābhāsaṃ viśrāntena pramāṇena 
bhāvasvabhāvavyavasthāpanaṃ kriyate | parasparasvabhāvaniyamo'pi 
ābhāsānāṃ 
tadābhāsaniyatabhinnapramāṇānuprāṇakāntarmukhabahir-
mukhatobhayabhājā svasaṃvedanena pratyābhāsaṃ gṛhītagrāhiṇā api 
miśraṇāṃśe pramāṇabhāvabhājā pramīyate ityevaṃ mānasyāṃ 
pravṛttau pramāṇopayoga uktaḥ; kāyapravṛttau tu yathā pramāṇavyāpāra 
upayogī, tathā darśayituṃ sūtrāntaraṃ
     
     sātu deśādikādhyakṣāntarabhinne svalakṣaṇe |
     tātkālikī pravṛttiḥ syādarthino'pyanumānataḥ || 9 ||
     
     tuḥ pūrvato viśeṣakaḥ | arthakriyākāriṇāmapi viśeṣāṇāṃ 
prakāśaparāmarśamayacitsvarūpaviśrāntyā yadyapi viśeṣarūpatā 
viśīryate eva, tathāpi māyāśaktyā dṛḍhīkriyate iveti viśeṣasādhyayā 
arthakriyayā yo'rthī, tasya yā tasmin svalakṣaṇe tatkālamātropayoginī, 
natu bhāvasvabhāvavyavasthāpanavat kālāntare'pi upayujyamānā 
vāṅmanaḥkāyapravṛttiḥ; sā deśe kāle svarūpe 
svarūpāntarānusandhānādau ca yāni adhyakṣāntarāṇi bahūni 
pratyakṣāṇi, teṣāṃ bhinne bhede sati saṃbhāvyate; na anyathā, 
pramāṇasamūhādevaca, natu ekaikataḥ pramāṇāditi yāvat, yadivā 
deśādikāni yāni adhyakṣāntarāṇi

(page 146)

pratyakṣībhūtāni ābhāsāntarāṇi, tairbhinne svalakṣaṇe sati tannimittā 
pravṛttiriti saṅgatiḥ | atrāpi prameyabahutvamukhena pramāṇasamūha eva 
nimittatvena ukto bhavati, yadivā pāramārthikarūpābhiprāyeṇaiva yojanā 
| deśādikeṣu adhyakṣeṣu satsu ābhāsayojanayā viśeṣarūpatāyāmapi 
satyāṃ teṣāmeva adhyakṣajñānānāmantariti pramātṛbhūmāva-
bhinnaṃ yat svalakṣaṇaṃ, tatra pravṛttiriti | na kevalaṃ pratyakṣakṛtāyāṃ 
pravṛttāvayaṃ kramaḥ, anumānato'pi yā pravṛttistātkālikī, sāpi 
pramāṇasamūhādeva | tat yathā-parvatagrāhi pratyakṣamagnigrāhi 
anumānaṃ, śītāpanodagrāhi anumitānumānaṃ, caurādyupadravaviraha-
grāhi āptavacanamiti | ataḥ 
pramāṇasamūhādekāntarmukhasvasaṃvedana-niṣṭhā pravṛttiriti 
sūtrārthaḥ | tamavatārayati yatra iti | punaḥ iti | turvyākhyātaḥ 
mātraśabdena apiśabdena ca | sarvathā vastusvabhāvavyavasthāpanaṃ na 
niṣiddhamityāha sambandhe yadi kāyīyā pravṛtiḥ syāt, sa tarhi ekenaiva 
prayojakena pramāṇena gṛhīta iti pramāṇasamūhāt pravṛttiriti kāmaṃ 
hīyeta; natu sambandhe pravṛttiḥ | atra hetuḥ antar iti | pravartate bahiḥ, 
saṃbandhaśca antaraikyam | yathoktaṃ
     
     --------------------------bhāvā ekapramātari |
     anyonyānvayarūpaikyayujaḥ----------------|| (2|2|4)

iti | svalakṣaṇameva kasmāt vicitrāmarthakriyāṃ karoti | āha 
sāmānyasya iti bhāsvaratayā hi prakāśeta paraṃ, na dahet pacet vā | 
yadātu bhāsvaratā auṣṇyābhāsena milati, tadā dāhapākādi | tadāha 
yadā punaḥ iti teṣāṃ svabhāvānāmābhāsātmanāṃ yadaikyaṃ, 
tadviṣayaṃ yat pramāṇaṃ yojanāgrāhi; tena sahabhāvīni 
ekātmatābhāñji api na sarvathaiva galitabhedāni ābhāsāntarāṇi

(page 147)

apitu kaṭakatalamilitavicitrasanniveśotthāpakakanakapṛṣatakalpāni 
pravṛttiṃ kurvate | apyanumānataḥ ityaṃśaṃ 
vyākhyātumanumānavṛttāntaṃ saṃkṣepeṇa tāvadāha anumānaṃ ca 
iti śabdavācyatvaṃ pratyābhāsamiti kathitamasakṛt | nanu 
deśāyogavyavacchedāya yadukta-matrāpīti, tat yadi na darśyate; 
ko'numānasya doṣaḥ | na kaścit, apramāṇaṃ tu tat bhavediti nirūpayati 
dhūma ityādinā kāryasvabhāvayorudāharaṇadvayam | nāpi iti 
pratyakṣeṇeti śeṣaḥ | niyate iti deśe tata eva pravṛttiyogye | tadbalāt iti | 
taddeśapratipannāgnyavyabhi-cāridhūmabalāt | tat iti yā 
pratītirevaṃbhūtā, tadanumānamityarthaḥ | etadeva pariśodhayati nahi iti 
sarveṣāṃ saṃbhāvyamānānāṃ pratyakṣāṇāṃ sambandhino 
vyāpārasya yato na viṣayastato'numānenaiva gantuṃ jñātuṃ 
śakyor'haśca | nanu evaṃ pratyakṣasya naiva atra vyāpāraḥ | 
maivamityāha pratyakṣa iti dhūmagrāhiṇā pratyakṣeṇa atra 
ākṣipyate'gnyābhāso vyāptigrāhipratyakṣasāmānyāditi tayorapi asti 
vyāpāraḥ | satyapi tasmin svato nijarūpamahimnā yadi so'gnyābhāsaḥ 
sphuret, na pṛthaganumānaṃ pramāṇatvena udaghoṣiṣyata, natu evaṃ; tena 
anumānaṃ pramāṇāntaram | nanu tarhi samūhena na kiṃcit kṛtyam | 
kathaṃ na kṛtyamityāha naca iti | ādipadāt vyāptiliṅgādi | yatra iti 
svayameva niścayasvabhāvamananyāpekṣamanumānamiti yatra gīyate, 
yatra ca etadvaktuṃ kaścidudyacchet-nanu dharmyādigrāhakaṃ 
pratyakṣādi yat pramāṇāntaraṃ, tadanumānasyaiva tāvatparikara iti; 
tatrāpi yāvat pramāṇasamūhādeva pravṛttiḥ kimaṅga pratyakṣe iti | 
tathāhi sambandhamātre'numānaṃ pramāṇamatra agniriti | naca tatra 
pravṛttirapitu sambandhini; tatrāpi deśaviśeṣādiniyata 
ityevamābhāsāntaraviśrāntāni pratyakṣāṇi

(page 148)

kathaṃ na pravṛttyaṅgībhaveyuḥ | parikararūpamapi ca na tadeva 
bhavitumarhati tasyaiva tatparikaratvāyogāt | bhinnaṃ cet, jaḍamajaḍaṃ vā; 
jaḍaṃ cet, prameyamityavaśyaṃ tadgrāhipramāṇāntarāpekṣā; 
ajaḍamapi asaṃkucitaṃ cet, na asya niyataparikaratā yuktā; saṃkucitaṃ cet, 
pramāṇāntararūpamiti vidhināpi aśakyabhaṅgā iyaṃ paramārthakathā | 
tena pramāṇasamūhamayī eva sarvatra yuktiḥ pravṛttau prayojiketi 
sthitameva aneka ityādinā pratyakṣoktameva nyāyaṃ mandabuddhīn prati 
anusandhatte | ekatāmātra iti āntarasambaddharūpe | nanu 
evamekapravṛttikāritvādeka-meva tat kiṃcit pramāṇamasti | netyāha natu 
eṣām iti | viṣayabhedena kālabhedamākṣipatā avaśyaṃ svarūpabhedo'pi 
ānetavyaḥ | nahi dharmagrāhakaṃ pratyakṣaṃ 
liṅgajavahnijñānamātrarūpasya anumānasya śarīrībhavitumarhediti 
samūhādeva pravṛttiriti yuktam || 9 ||

     evaṃ vimarśabalādeva bhedābhedavyavasthā | saṃvidrūpasya hi 
bhagavatastadeva svātantryamaiśvaryam | dūrāntikādau ca arthābhedo yaḥ 
parairucyate, sa vimarśabalādeva upapadyate; natu ābhāsamātrabalāditi 
ślokadvayena āha

     dūrāntikatayārthānāṃ parokṣādhyakṣatātmanā |
     bāhyāntaratayā doṣairvyañjakasyānyathāpivā || 10 ||
     bhinnāvabhāsacchāyānāmapi mukhyāvabhāsataḥ |
     ekapratyavamarśākhyādekatvamanivāritam || 11 ||
     
     pratibhāsamātreṇa vyavasthāṃ kurvan dūrādūrādau 
sakalāsakalāvṛtānāvṛtaspaṣṭāspaṣtaraktakṛṣṇasaṃmukhaparāṅmu-
khāderbhinnapratibhāsagamyasya kathamekatāṃ bhajet | nanu vimarśo'pi 
pratyābhāsaṃ jīvitakalpo bhinna eva | satyam, aparastu tatra yo vimarśo ya 
eva mayā

(page 149)

dūrādasakalo dṛṣṭaḥ, sa eva nikaṭe sakalo dṛśyate iti ekastena 
pramāṇarūpeṇa ā samantāt khyānaṃ prathanaṃ yasya pūrvābhāsāpe-
kṣayā mukhyasya tadekavimarśatādātmyāvasthitāvabhāsasya, 
tamavalambya bhinnāvabhāsacchāyānāmapi 
bhāvānāmanivāritamekatva-miti saṅgatiḥ | bhinnā avabhāsane 
prakāśane ccyāyā, natu prakāśanasya svarūpaparamārtho vimarśamayo 
bhinno yeṣāṃ, te tathā teṣām | sarvadā iti satyatvāvasare'pītyarthaḥ | 
tadeva iti ādyābhāsarūpam | tasya ca iti vimarśātmanaḥ phalasya | ata eva 
iti yataḥ pramāṇābādhayā na satyāsatyabhāvavyavasthā, apitu 
vimarśābādhayaiva; tato hetoḥ | te iti saugatāḥ | tathātvam iti natu 
tadagrahaṇamiti hi śapathaśaraṇameṣāṃ, na pramāṇavṛttopanatam | naca 
ativyāpakametaditi brūte śuktikāyām iti vimarśastatra unmūlya eveti 
yāvat | unmūlanaṃ ca yā netyābhāsena svavartinā paravartināpivā 
tāvati pramātraikyabalopanatena yojanā saṃbodhyate netyābhāsasya 
yojanīyāntaronmūlanarūpatvāt | sādhāraṇye eva ca unmūlanaṃ, tata eva 
sukhādāvāntare nābodho'sakṛduktaḥ | anyādṛśābhāsādapi iti 
pūrvaṃ yā mṛṇmayatābhāsamiśritādavalokitā, sā 
rājatatvāvabhāsamiśritādapi upalabhyate 
tāvadākāśadeśavyāpakajaladhāraṇādikā arthakriyā | tasya iti 
sāmānyābhāmasya | dūrāntikatayā iti vyākhyāya tatprasaṅgāt 
anyathāpivā iti vyākhyātam evam ityādinā | adhunā parokṣa ityādi 
vyācaṣṭe dhūmādapi iti | pramātrantaraiḥ iti vanecaraiḥ, 
sarvajñairmantreśvarādibhiḥ, yogibhirbhāvanāprabhāvodbhūtaparokṣa-
saṃvedanaiḥ | etat nigamayati tat iti tasmāt | bāhyāntaratayā iti

(page 150)

vyākurute tathā iti | pūrvoktanītyā iti
     
     sa naisargika evāsti-----------------------------| (1|6|10)

ityatra uktayā | doṣairvyañjakasya iti vivṛṇoti sūrya ityādinā | 
raktotpalaṃ nīlamiti dīpena dṛṣṭaṃ yat, tadeva sūryālokane raktamityeva 
bhāti | yathā iti yena nyāyaprakāreṇa | tathā iti tena 
pramāṇavṛttaprakāreṇa | idaṃ yujyate iti vṛttimadhunā sūtreṇa 
saṃgamayati parokṣasya ityādinā anyathāśabdārtha ityantena | na 
vyākhyāta iti vṛttau | naca saṃkṣepamātrametat, apitu prauḍhirapi 
nyāyavyutpādiketi darśayati avabhāsamātra ityādinā | adhika ukta iti 
sūtre | anena dūrāntikatayā ityasya bāhyāntaratayā ityasya ca 
paunaruktyāśaṅkā śamitā | ata eva iti yato bāhyāntarate 
sphuṭāsphuṭatvaṃ tacca vṛttāvuktaṃ yena sarvadharmasaṃgrahastato hetoḥ 
| na vivṛta iti vṛttikṛtā | tadapi  iti vyañjakabhedābhede'pi 
parāmarśaikyādaikyamityevaṃbhūtasya tattvato'tra vākyārthasya 
parāmarśāt napuṃsakanirdeśaḥ | nāpi sautrasya anyathāśabdasya artho 
vivṛtaḥ | ata eva hetoriti samanvayaḥ | tanmukhya ityādikāṃ vṛttiṃ 
vivṛṇute mitiḥ ityādinā pūrvoktaṃ vastu anuvadan | ābhāsasya iti 
prakāśasya | sphaṭikasya saṃvidi yadrūpamiti vaimalyam, tat nīlādinā; tato 
nīlādi tatra cchāyeti ucyate | tathaiva prakāśasya saṃvidi svasaṃvedane 
yadrūpaṃ, tat tena na apahanyate iti yojanā saṃvidrūpānapaham iti 
pāṭhe | āvaham iti pāṭhe tu ayamarthaḥ-yathā nīlādi sphaṭikasya 
cchāyā kevalā na saṃvidrūpatāṃ sphaṭikasya āvahati, tathā ābhāsasya 
prakāśasya; vimarśa eva tu asya tāmāvahatīti sa eva pradhānam || 10, 11 ||

(page 151)

     nanu astu dūrādūrādau sa eva artho'rthakriyaikyāt, bāhyāntaratve 
tu tat neti kathamaikyam | atra āha sūtreṇa uttaram

     arthakriyāpi sahajā nārthānāmīśvarecchayā |
     niyatā sā hi tenāsyā nākriyāto'nyatā bhavet || 12 ||
     
     arthakriyāpi iti sā tāvat svarūpaṃ na bhavatīti uktam, 
asvarūpabhūtāpica na sahajā ananyāpekṣā īśvarecchāniyatyapekṣaṇāt 
| tena tasyā akaraṇāt na anyatvamiti avastutvaṃ, vastvantaratvaṃ vā 
bhavitumarhatīti sūtrārthaḥ | ullekhā eva ghaṭādayasteṣāṃ bāhyasya 
svalakṣaṇasya yā arthakriyā tayā virahe'pīti vṛttyarthaḥ | anyathātvam iti 
abhāvarūpatāṃ ghaṭasya pradeśe kuryāt svabhāvo'san, bhidyamānastu 
svabhāvo vastvantaratāṃ tasyaiva ghaṭapaṭāpekṣayā kuryāditi 
sambandhaḥ | purastāt iti
     
     yadasattadasa--------------------------------------------| (2|4|3)

iti prakaraṇe | asya ābhāsabhede iti ābhāsaviśeṣe sāmānyarūpe 
viśeṣātmani vā | avabhāsāntaram iti sāmānyarūpam || 12 ||
     
     vimarśaikyādaikyaṃ yaduktaṃ vastūnāṃ, tat 
bhrāntivṛttāntabhaṅgakāritvādatiprasaṅgāvahamāśaṅkya sūtraṃ
     
     rajataikyavimarśe'pi śuktau na rajatasthitiḥ |
     upādhideśāsaṃvādāddvicandre'pi nabho'nyathā || 13 ||
     
     rajatatayā yadyapi śuktirajatasya aikyaṃ vimṛśyate, tathāpi śuktau 
yat rajatamiti bhātaṃ manovijñāne, na tasya sthitiḥ satyarajataikyena 
nirūḍhā | bāhyatā vastutā sarvasādhāraṇyena vikrayādiyogyā na 
bhavati tasya vimarśasya unmūlyamānatvādupādhideśe'tra 
rajatamitideśarūpatayā uparañjakasvabhāvāyāṃ 
śuktāvasaṃvādādunmūlanāt

(page 152)

satpratipakṣabhūtavimarśasthairyāt na idaṃ rūpaṃ rajatamti | 
samyagvadanaṃ bhāsanaparāmarśatmanātmakaṃ saṃvedanaṃ, 
tadvipakṣo'saṃvādaḥ | yathāca mānase bhrame, tathā 
aindriyikasaṃmate'pi bhrame dvicandre na sthitiryataścandrāntarākrānto yo 
nabhodeśo vimṛṣṭastatra anyathābhūtaṃ vimarśāntaramunmūlakamudeti 
-na asmin nabhodeśe dvitīyaścandra iti sūtrārthaḥ | rajate iti satyarajate, 
śuktau ca iti rajatatvena adhyavasitāyām, dvicandre'pi buddhirmithyā iti 
vṛttiyojanā | sūtrārthamavatārayati tathā iti bhedena yaḥ 
pratibhāsastadanādareṇa, sahārthe tṛtīyā | tat iti vimarśaikyam | ko'yam 
iti na ayaṃ satyāsatyaviṣayavibhāgakārītyarthaḥ | anayā bhaṅgyā 
samanantaraprameyaśeṣabhūtamapi sūtraṃ 
pradhānaprākaraṇikapramāṇaprameyabhāvopayogipramāṇalakṣaṇaśeṣa
-bhūtatvena yojitam | upapādiyitum iti satyāsatyatve viṣayavibhāgena 
avasthāpayitum | rajatasāmānyam iti taddeśakālādityāgena 
rajatābhāsamātram | nanu kṣetrajñanirmitaṃ cet, tat 
svalakṣaṇābhāsarūpaṃ tathāpi kathaṃ brūmaḥ | āha naca iti | tathā iti 
kṣetrajñanirmitatayā ākhyānamevaca bhrāntiriti vitaniṣyate | 
asthairyamātraṃ ca ityādi pūrvameva nirṇītatattvam | nanu 
saṃvādābhāvāt kathaṃ bhrāntatetyāśaṅkya āha pramāṇaṃ hi iti 
apramāṇaṃ hi pramāṇalakṣaṇaviparyayeṇa bhavati | bhrāntitattvaṃ 
nirūpayituṃ codye pīṭhabandhaṃ karoti nanu ca iti | athāpi ityādinā 
astyevam ityantena granthena asatkhyātimasthirakhyātimasādhāraṇakhyāti-
manarthakriyākārikhyātiṃ viparītakhyātiṃ ca krameṇa paryavasāyya 
kevalamasau ityādinā tāmapi asatkhyātau viśramayya 
akhyātiparamārthatāṃ nirvāhayaiṣyati etāvanmātra

(page 153)

ityādinā | viruddham iti prakāśamānatvameva sattvamiti kathitaṃ jvālā 
ityādi | atra vaktavyaśeṣaṃ yadasti-jvālādi khalu tathābhūtamevetyādi, 
tat sukhādiviṣayavakṣyamāṇanyāyasāmyāt na pṛthaguktam | tadapi iti 
yadevaṃbhūtaṃ niyataṃ rūpaṃ bhavatā darśitam, tat kathaṃ kena 
prakāreṇa pramāṇasya evaṃvidhaniyamanidānasya abhāvāt | tameva āha 
yehi iti | tatra iti evaṃsthite | evam iti asādhāraṇaikasvabhāvam | tat iti 
rajatādi | bījakandāt kandakandācca kadalī ekajātīyaiva sparśopayogāt 
sraṃsinīva harītakī nīlotpalakandaṃ ca kandajaṃ gomayajaṃ ca 
ekajātīyameva | anena iti vimarśaikyameva sarvatra pratapatīti yāvat | 
anyathābhūtameva iti abhimatārthakriyāśūnyaṃ 
pramātrantarāsādhāraṇaṃ ca | anyathā iti viparītakhyātitāṃ 
darśayituṃ yat prayuktaṃ, tadeva spaṣṭayati viśiṣṭa ityādinā | 
dṛṣṭāntameva ghaṭayati taddhi iti kāraṇatvādi | atra dṛṣṭāntaghaṭane'pi 
vaidharmyadṛṣṭāntamāha yathā iti | punaḥ iti anabhyā sakalāpekṣayā 
bhūya ityarthaḥ | śūddhatvena iti jātyādinā | nanu yadi kāraṇatvādi na 
adhikaṃ nīlādibhyastarhi paryāyamātratā syādityāśaṅkya āha kevalam 
iti ucyatāmeva iti āpekṣiko vyapadeśo na vastusattāmanyathā karoti yathā 
na idamasmākaṃ suvarṇaṃ saditi | etat iti prathamānasya 
pramātrantaraviṣayatvasya viruddho na prathate iti 
pūrṇaprathābhāvādapūrṇakhyātirūpā iyamakhyātireva bhrāntiḥ | 
yadyapi sarvaiva saṃsārakathotthā bhrāntistathāpi svapne svapno gaṇḍe 
sphoṭa iti nyāyena māyāpade'pi bhrāntivyavahāro'yaṃ tāvatyapi 
samucitopayogipūrṇaprakhyāvirahāt | nanu sa etadviruddhaḥ kiṃ kadācit 
prathate | satyamityāha

(page 154)

svātmani iti niścitastimiralakṣaṇa upaghāto netradoṣo yaiḥ | nāyam iti 
keśādiḥ | iha punar iti bhramatve | evaṃ vidhe vā iti āpekṣikī 
viśiṣṭadharmarūpā | evaṃ vyatirekābhāvaṃ vicārya 
tadātmyābhāvamapi vicārayati ghaṭaḥ paṭo na iti | nanu 
kasmādaparāmṛṣṭasvātantryaḥ kṣetrajño'tra nirmātā | nanu īśvara eva, 
so'pivā kṣetrajñaḥ 
pratyabhijñānaparāmarśabhāvanābhāvitasvātantrya ityāśaṅkya brūte 
pramātrantarāsādhāraṇatvena iti parataḥ iti 
sāmānādhikaraṇyaprayogānantaraṃ na ityevamavabhāsate | ata eva iti 
yataḥ pūrvaṃ sāmānādhikaraṇyātmā samāropaḥ, parataśca 
śūnyātmā vyāvartanarūpo nañarthastata ityarthaḥ | yasyaivaca iti aikyam 
iti paṭena saha tasyaiva ghaṭasya paṭe śūnyatākhyo dharma iti 
pratyavamarśabalāt | ata evahi padārthavādina itaretarābhāvaṃ 
bhāvaviśeṣaṇaṃ manyante | evamakhyātirūpatve bhrānteḥ 
sthite'satkhyātiviparītakhyātināmadheyādhānamapi 
pratibhāsapratyavamarśabalāyātam, tathā paramārthavastuvādena na 
sahyamityāha tadevam ityādi | akhyāterevatu bhrāntitvaṃ 
bhramavyavahāra iti darśayati vastutastu iti | ātmakhyātirūpatvaṃ tu na 
bhittibhūttamatreti darśayati ātmakhyātirna iti na kiṃcidadhikamiti 
kevalaṃ dvicandrajñānādau smṛterakhyātirna sphuṭeti 
vyāpakamakhyātirūpameva vaktavyaṃ yatra smṛtitvākhyātirapi 
antarbhaveditibhāvaḥ | mahābhrame'pi atra saṃsāralakṣaṇe'khyātireva 
tattvamiti prathayati māyāvaśāt iti | bhedapratītiḥ iti vidhirūpā | atra 
hetuḥ bhedasya iti prakāśamānasya anādyantaprakāśaparamārthatvāt | 
yat nareśvaravivekaḥ

(page 155)

     idaṃ nīlamitīhāpi nāmarūpe prathātmake |
     na heye anayorheyā tvahaṃbhāvāprathaiva sā |

iti | na kevalamatra samastasaṃsāripramātṛsādhāraṇyāṃ 
mahābhrāntāvakhyātiḥ paramārthaḥ, yāvatpratipramātṛniyatāyāmapi 
pramātṛvikalparūpāyāṃ mahābhrāntau saiva tattvamiti darśayati māyā 
iti | māyāpramāturvyāpāro yo vikalpo-mama idaṃ 
sukhasādhanamityādiḥ, sa rūpaṃ yasyā bhrānteḥ 
saṃsārasaṃmatāyāḥ, sāpi sarvaiva samasteṣu pramātṛṣu pratyekaṃ 
bhedena vartamānā advayākhyātirūpeti pūrveṇa saṃbandhaḥ; natu 
apūrvasya arthasya yā khyātirvividharūpaḥ 
prakāśastadrūpāprakāśanaṃ bhrantiḥ | nanu kena saha tatra advayasya 
akhyātiḥ | āha niravabhāsa iti apūrvāvabhāsanaśūnyaḥ 
sadāprakāśanavapurghaṭādyavabhāsaviśeṣaniṣkramaṇāvadhibhūtaśca 
śūddho dehādyupādhisaṃkocaśūnyaścidrūpaḥ paramārthapramātā, 
tato vyatirekaśūnyo yaḥ sa iti māyāpramātāḥ; tadvyāpārarūpataiva 
prakṛtaḥ svabhāvo yasyā vikalparūpāyā bhrāntestena saṃsāripramātuḥ 
paramārthapramātrapekṣayā yadadvayaṃ na prakāśate, tato 
vikalpavyāpāraḥ pāśavasṛṣṭisvabhāvatvena bhrama iti ucyate, anyathā tu 
paramārthataiva tatreti tātparyam | vikalpo hi aiśvaryapraveśe ṛjurmārgaḥ | 
yat mamaiva

     jalāt sphūrjajjvālājaṭilavaḍavāvahninivahaḥ
     sudhādāmnaḥ pūrṇādibharadanadambholidalanā |
     vikalpādaiśvaryaprasarasaraṇeḥ saṃsṛtidaraḥ
     kiyaccitraṃ citraṃ hatavidhivighātāt prasarati ||

iti | vakṣyate iti āgamādhikāre, saṃgrahe ca | evaṃ prasaṅgāt 
mahābhrāntivṛttāntaṃ vitatya prakṛtameva rajatādibhramamuddiśya 
vicārayati abhāva iti | pramātrantarasādhāraṇatvābhāvasya

(page 156)

yadākhyānaṃ tanmahimnaiva asattāvaiparītyavyapadeśau 
yuktāvanvayavyatirekābhyāmiti darśayatā yena anyatheti vyatireka 
uktastaṃ samarthayitumudāharaṇaṃ hetugarbhatayā darśayati keśādeḥ 
iti | taimirikamātmānaṃ yo manyate, taṃ prati keśāderna asattvena, nāpi 
viparītatvena vyapadeśaḥ | tena hi pramātrantaraṃ prati na viṣayo'yamiti 
niścitam | tat keśādi | hi iti yasmādevaṃ tasmāt yukto vyatirekaḥ | 
udāharaṇe'pi dṛṣṭāntamāha aindrajālikam iti indrajālena 
māyopādhimantralāghavaśambarādinā carati yastaṃ prati yathā 
alīkarūpāṇāṃ maṇiprabhṛtīnāmābhāsaparamārthānāṃ tathaiva 
satāṃ na asattvaṃ, nāpi viparyayaḥ kaścit; tena 
asattvaviparyayavyavahārasya vyāpikā akhyātireveti tadvyāpakābhāve 
tasya abhāva iti nirṇayaḥ | ata eva iti pramātrantaraviṣayatvābhāvasya 
akhyātireva yato bhrāntitā, tato bhrāntinivṛttasya khyātiriti bhāvaḥ | 
kevala iti rajatasya yaḥ śūnyatākhyo dharmastadviśiṣṭāyāḥ śuktikāyā 
yat prathanametadeva pūrvameva pramātrantarāṇāmaviṣayo'yamityasya 
rūpasya prathanam | dvicandrasya ca iti viṣayatvābhāvapratheti sambandhaḥ 
| uktam iti pūrvavyākhyātasya vṛttivākyasya punarāvartanāt 
bhūtapratyayaḥ | tatprasaṅgapatitatvācca nabhodeśa iti vṛttivākyamapi 
uktamityeva uktam | nanu kimatra 
śuktyākāśadeśādestacchūnyatvāviśiṣṭatvaprathanena, rajatasyaiva 
abhāvaprathā kasmāt na ucyetetyāśaṅkāvighaṭanaṃ hetuṃ 
tacchūnyata ityāha | tata eva iti śuktyādestacchūnyatvena prathanāt, natu 
rajatasya abhāvarūpatayā prathanāt | tadeva hi svātantryeṇa upapadyate 
rajatābhāsamātrasya 
anyadeśādiviśiṣṭarajatābhāsamātratātādātmyapratipannasya 
abhāvāyogāt | etadeva darśayati rajatādeḥ punaḥ iti || 13 ||

(page 157)

iyatā ābhāsānāmeva vastutvaṃ darśayatā āgamasidhānyeva tattvāni 
vastūnīti darśitam | tathāhi kāṭhinyābhāsaḥ pṛthivī, lauhityābhāso 
rūpaṃ niyatarūpo bhāvāvabhāsaḥ sanniveśa; iheti deśātmā, adhuneti 
kālābhāso, rajoguṇo melanābhāso, yāvacchivarūpatā 
prakāśamānatābhāsa iti ghaṭe eva yathā bhedābhedadṛṣṭistathā 
pārameśvare prakāśa iti vyavahāro'pi ayaṃ bhagavadanugṛhītānāṃ 
paramārthapraveśe pratyuta abhyupāyaḥ, natu virodhī | tathāca 
parameśvarāyattaiva bhedābhedātmakasamastaprameyasiddhiḥ sūtreṇa 
ucyate

     guṇaiḥ śabdādibhirbhedo jātyādibhirabhinnatā |
     bhāvanāmitthamekatra pramātaryupapadyate || 14 ||

     anuvṛttavyāvṛttātmanā cakāsatsu bhāveṣu 
punarunmajjananirodhakasya paramārthabādhakasya kvāpi 
bhāge'saṃbhavādubhe'pi anuvṛttivyāvṛttī saṃvedanasvātantryāt 
nirbhāsamāne na upālambhamarhataḥ | kiṃca abhedaparamārthaṃ 
kriyāsaṃbandhādi yathā sati eva pramātari pratisandhātari yuktam, tathā 
bhedo'pi tadbhedāvadhipratisandhānakṣame bhagavati eva sati yuktastata eva 
pramāṇalakṣaṇe pramātṛpradhānatāsūcakaṃ svagrahaṇamiti 
pramāṇalakṣaṇasyaiva ayamiyānparīkṣākrama iti sūtrārthaḥ | na 
kevalam ityādinā etat tāvat siddhaṃ kimatra ucyate, idaṃ tu adbhutamapi 
aṅgīkartavyamiti tātparyaṃ bruvāṇaṃ dvitīyaṃ pādaṃ dṛṣṭāntatvena 
vyācaṣṭe prasiddhatvādasya arthasya | co hetau | ekānekaviṣayatāyāṃ 
pramātraikyākṣepakatvaṃ na kevalaṃ yāvat bhedakaikarūpatve'pi,-iti 
spaṣṭe tu vyākhyāne guṇānāmapi ekānekaviṣayateti saṃbandhanīyaṃ 
syāt, naca tathā yuktam | bhedakaikarūpatvaṃ hi tathā teṣāṃ na syāditi 
pūrvaiva gamanikā atra yuktā | nanu jātirapi

(page 158)

bhedikā bhavatītyāśaṅkya tathāpi iti gaurgauḥ iti gotvasya vapuḥ | 
svaguṇakṛta eva iti gotvāśvatvayoryo nijaḥ kaścit dharmaḥ 
pavitratālakṣmīsaṃpattyāvirbhāvakatvādirāśrito'stitvameyatvādisa-
brahmacārī tadvṛttirekārthasamavāyī vā, tena kṛto bhedaḥ | tadāca iti 
bhidyamānatāyām | nanu śuklaguṇo haṃsahimasudhādiṣu anuvartate | 
naivamityāha śuklatvenāpica iti | samānam iti guṇānāṃ jātyādīnāṃ 
ca niyatameva bhedakatvamabhedakatvaṃ ca krameṇeti yāvat | 
śabdādibhirevaca viśeṣaṇabhāvena avasthitairyogisarvajñādīnāṃ 
paramāṇvādiṣu vyāvṛttapratyayasiddhiriti kimanyairantyairviśeṣairiti 
ākṛtiśabdavācyatayā jātitvamāśaṅkitaṃ nirākṛtya saṃsthānasya 
guṇatvameva vidhīyate | anyairapi etadaṅgīkṛtamiti darśayati paramāṇu iti 
| paramāṇuparimāṇaṃ hi pārimāṇḍalyamiti tairvyapadiṣṭaṃ, tacca 
vartulatvātmakasaṃsthānameva  | ādigrahaṇāt dvyaṇukaparimāṇaṃ 
dīrgharūpam | tryaṇukaparimāṇādīnāṃ tu 
viśiṣṭadigavayavasaṃyogasacivānāṃ 
tryaśracaturaśrādirūpatvamatisphuṭameveti saṃsthānaguṇa eva | nanu 
cakṣurādigocaro'rtho guṇa ityeva uktam | saca bhedakaikasvabhāva ityapi 
darśitaṃ tadānīm | adharordhvādidigvyavasthā, eko'yaṃ ghaṭa 
ityavayavī, ghaṭo ghaṭa iti jātiḥ, caitraścaitra ityavasthātetyevamādi 
cākṣuṣaṃ ca abhedasāraṃ ca kathaṃ syāt | atra āha etāvadeva iti 
rūpādiṣaṭkam | tanmukhena tu iti rūpādaya evahi sūkṣmatayā 
kṣubhitatayā ca ekākitayā miśratayā ca 
vartamānāstanmātramahābhūtarūpatattvātmānaḥ | teṣāmevatu 
ābhāsāntaravyāmiśraṇākṛtametat digādīti māyābhūmau 
bhedakarūpameva indriyajñānena māyāpramātrucitena vikalpātmanā 
grāhyapradhānaṃ tanmukhaṃ, natu abhedakarūponmeṣaḥ |

(page 159)

nanu evamavikalparūpāyāṃ bhuvi kā vārtā | āha prathama iti | na tat iti | 
sā hi śrīsadāśivāvasthā na vyavahārapadam | parataḥ iti 
ahantāntarlīnībhavanocitāsāṅketikedantāvabhāsānantaraṃ 
māyāpramātari abhivyakte | nanu yadi śukla ityanena 
jātiparyantatāmavāpnuvatā bheda eva ākṣipyate sākṣāt, tarhi gotvasya api 
evamucyatām | na śakyaṃ tasya evaṃ vaktumityāha natvevam iti | tasya hi 
jīvitamanuvartamānataiva | nanu gotvasya idaṃ rūpaṃ yat 
sāsnādyavayavasanniveśaḥ | evaṃ tarhi na tat sāmānyaṃ bhavet, apitu 
guṇa eva | sa ca bhedaka eva, abhedakatā tu jātiparyantatayeti yaduktaṃ; 
tadabhedamavatiṣṭhate | tadāha avaśiṣyamāṇamapi iti | nanu 
ākṣepo'nubhūyate, na bhedābhedau tau; durbalena ca pramātraikyaṃ 
kalpanīyam | tathāhi bhedāvadhimabhedayogyaṃ pramātā ekaḥ 
svaviśrāntatayā prathayatīti | atra āha bhedābhedāvapi iti | na 
kevalamavadhibhūtabhedasya abhedasya ca viṣayamākṣipan pramātā 
upayujyate tatra yāvat svarūpamapi tayorupapādayanniti darśayati 
pramātaiva iti | nanu deśakālabhedādeva svālakṣaṇyaṃ nāma bhedaḥ | 
tatra kiṃ pramātrā kartavyam | atra ucyate avabhāsabheda iti | tena hi vinā 
deśakālabheda eva kutaḥ, avabhāsabhedaśca pramātrāyatta iti 
kramavicāre carcitacarametat | tata idamāyātam-yaduktaṃ pramātaiva 
deśakālabhedamapi racayatīti | nanu evamavabhāsabheda eva bhedaka iti 
śabdādayo bhedakā iti vyāhanyate | netyāha sa ca iti avabhāsanabhedo hi 
avabhāsamānāvabhāsyamānarūpeṣu vedyeṣu śabdādiṣu eva bhāti | tata 
eva pañcārthatattvameva vedyam iti āgamaḥ | nanu evaṃ 
śabdāderbhedakatvena guṇatve jātirnāma kā anyā syāt, na

(page 160)

anyāḥ; apitu ta eva śabdādyābhāsā deśakālābhāsānāliṅgitātmāno 
jātiḥ | tatra ca ābhāsasāratvāt vyaktisarvagatatāvāde'pi

     nāyāti naca tatrāsīt-----------------------------|

ityādidūṣaṇānāmavakāśo nāsti tatretyādervastutaḥ kasyacidabhāvāt | 
sarvasarvagatatāvāde'pi sarvajñabhramaniṣedhāropādibhūmiṣu 
sārvātmyāvabhāsādaṅgīkriyamāṇe niyatiśakteḥ 
pramātṛdeśakāladaśāvaicitryaniyamaucityena niyāmakatvāt na sarvaḥ 
sarvātmakriyākārī syādityādidūṣaṇāśaṅkārtham | tadāha tasyaivaca 
iti | nanu evaṃ yato vyāvṛttiryatra ca anuvṛttistadapi indriyeṇa 
nirbhāsyatām, kiṃ tatra pramātraikyena kṛtyamityāśaṅkya āha 
ākṣepārthastu iti | nahi sarvo vyaktigrāmastatra avabhāti yāvato bhinnaṃ 
tat yāvati anuvṛttaṃ ca | tathāvabhāsane hi ka ākṣepārthaḥ | sa ca iha 
astīti darśayati sphuṭa iti | ata eva iti yataḥ sphuṭamavabhāsanaṃ 
nāstyalakṣaṇaṃ, bhavati ca bhāsanaṃ; tata ityarthaḥ | apiśabda iti vṛttau | 
virodhacchāyām iti svātantryasūcanāyeti āśayaḥ | naca paramārthato 
virodha iti cchāyāpadam | atiśayoktiṃ ca iti

     kriyāsambandha-------------------------| (2|2|1)

ityādinā krameṇa pramātā siddhyatītyayamartho naiva sādhyaḥ, api tu 
siddha eva | kimatra teneti atiśayoktiravyāmohasthāne'pi janasya 
vyāmohasthānatāmāha | duḥsādho'yamarthastato'tra 
kathamutsoḍhavyamiti mandotsāhatvaviharāṇāya 
śiṣyāśvāsanamatiśayoktiphalam | tadāha avaśyopayantavyatā iti 
anenaiva āśayena vṛttau bhedavyavasthaiva upasaṃhṛtā, vivṛtau ca 
tatpradhānatvenaiva avatāraṇaṃ kṛtam || 14 ||

(page 161)

nanu evaṃ bhedābhedarūpasamastaprameyaniḥśaṅkaviśramasthānaṃ 
pramāteti tatraiva pramāṇamupanyasanīyam, na prameye | yadāha pradhāne 
hi yatnaḥ phalavān iti | tadetadāśaṅkya śāstraprārambhoktameva 
ādisiddhatvaṃ jñāte pramāṇasvarūpe sphuṭamadhunā vartate | 
evaṃbhūtaṃ hi pramāṇaṃ, tat kathaṃ paramārthapramātari kramate iti | 
tat darśayati ślokadvayena

     viśvavaicitryacitrasya samabhittitalopame |
     viruddhābhāvasaṃsparśe paramārthasatīśvare || 15 ||
     pramātari purāṇe tu sarvadābhātavigrahe |
     kiṃ pramāṇaṃ navābhāsaḥ sarvapramitibhāgini || 16 ||

     saṃkucitapramātṛlagnaḥ prameyonmukho navanava ābhāsaḥ 
pramāṇamiti uktam | tat prakāśanamātrasvabhāve pūrvasiddhe katham | 
tathāhi tasmin sati yat tasya dehādisaṃkocāvabhāsi rūpaṃ, tallagnāṃ 
prameyasya siddhimādadhat pramāṇam | pramātuśca kiṃlagnā siddhiḥ | 
viśvalakṣaṇaṃ hi vaicitryaṃ tatra pramātari citramiva samabhittitale 
viśrāntaṃ sat prakāśate bhittiprakāśamantareṇa 
sindūraharitālādiprakāśacitraprakāśāsaṃbhavāt | ekatra hi 
nimnonnatādi rahite bhittitale rekhopakalpitanimnonnatādivibhāgajuṣi 
nimnamadhyā pṛthunitambā unnatakucakalaśā iyamiti citrāvabhāsaḥ | 
evaṃ prakāśabhittāveva satataprakāśamānatāyāṃ tallagnatvena 
bhedābhedātmakaviśvavaicitryapratibhāsa iti | sā 
tāvadanapāyisvaprakāśasadātanarūpeti kiṃ tatra pramāṇena 
abhinavābhāsātmanā | naca vācyaṃ-pūrvamasya prakāśo na bhavati, 
sati pramāṇe bhavatīti; tarhi sa eva na bhavatīti syāt | prakāśa eva hi asya 
rūpam | naca sa eva na bhavatīti yuktaṃ paramārthasattvādaiśvaryācca | 
tathāhi sa eva tattvato bhavati, na anyat; anyattu tatsvātantryarūpaṃ 
saṃbhavati |

(page 162)

tadasya bhavanasvabhāvasya abhavanena kathaṃ saṃsparśo virodhāt | 
syādetat-aiśvaryamasya aprakāśitaṃ pramāṇena prakāśyate, tadapi na | 
yadihi asau pramātā na bhāsate, ka evamudyacchet; bhāti cet pramātṛtayā, 
saiva tarhi aiśvaryamiti sarvadābhāta eva tadīyo vigraho 
vividhagrahaṇarūpamasādhāraṇaṃ svarūpam | abhāvānupraveśena ca 
vyāptaḥ kālavyavahāro'bhāvāspṛṣṭe vyāpakānupalambhāt nāstīti 
purāṇo'sau | tatra evaṃbhūte kiṃ pramāṇaṃ kutaḥ prayojanāt 
pramāṇaṃ, nirupayogameva etaditi yāvat | naca vācyaṃpratyakṣādi 
vyatiriktaṃ kiṃcit bhaviṣyatīti | sarvasya hi pramāṇasya navābhāsataiva 
rūpaṃ pramitikāritvena | sarvāśca pramitayastatra pramātari viśrāmyanti | 
tatastasmin pramitsite tatpramitiḥ kutra anyatra viśrāmyet jaḍe'jaḍe veti 
ādisiddhasūtroktameva anusandheyamiti | uktaṃ yat mayaiva

     yat prameyīkṛto'smīti sarvo'pyātmani lajjate |
     kathaṃ prameyīkaraṇaṃ sahatāṃ tanmaheśvaraḥ ||

iti saṃkṣepeṇa sūtrārthaḥ | nanu pramāṇaviśeṣānabhidhāya vaktavyaṃ 
kiṃ pramāṇamiti tatra te kasmāt na sūtre lakṣitā 
ityāśaṅkāśamanapuraḥsaraṃ sūtramavatārayati evam ityādinā | tathā 
iti pramāṇatayā | atra iti saṃkhyāyām | pramātṛviśeṣam iti

     -------------------------------māturarthakriyārthinaḥ |
     bhedābhedavatārthena---------------------------------| (2|2|7)
iti
     yathāruci-----------------------------------------| (2|3|3)
iti
     tātkālikī pravṛttiḥ syādarthinaḥ--------------------| (2|3|9)

(page 163)

ityādinā māyāpramātāraṃ pratipādyetyarthaḥ | 
sāmānyarūpamābhāsātmakameva vastviti tattvamiti upapāditam

     ekābhidhānaviṣaye--------------------------| (2|3|2)

ityādinā pariśiṣṭena bhedābhedamayatvam | nanu

     niṣprapañco nirābhāsa------------------------------| (mā. vi. 2|42)

iti āgamastat kathamāttha vṛttau nityāvabhāsinaḥ iti | atra āha 
prakāśamātram iti āgame tu ākāreṇa īṣadarthavācinā 
prameyatādharma ābhāsaśabdena ukta iti yāvat | śeṣa iti anyathātu 
niyamāt tṛtīyaiva syāt | arthāvabhāso hi dharmatvena ucyate, natu 
svarūpāvabhāsa ityāśayaḥ | taṃ darśayati nityāvabhāsinaḥ svabhāsa 
iti | anantaram iti apravartitasūtre (2|3|17) | prāk iti ādisiddhasūtre | prāk 
iti bāhyārthavāsanādidūṣaṇāvasare | atra iti vaicitrye upapattiḥ 
kāraṇaṃ tadicchātaḥ ityanena śabdena vṛttāvuktā | nanu 
māyāśaktivaśāt iti samanantaragranthaḥ katham | āha icchāviśeṣa iti  
ekarasākāro'nupapadyamāno'pi yayā atidurghaṭakāriṇyā bheda 
upapadyate, sā icchā māyāśaktisṛṣṭeti | yathāhi bhittireva vartulatvena 
nirbhāsamānā stano nāma tanurekhāvaśāt, tathā prakāśa eva 
pṛthubudhnāditayā prakāśamāno ghaṭaḥ | sā tu anadhikā api prakāśato 
māyāśaktivaśādadhikeva avabhāti | paramārthasati iti vivṛṇute 
prathaikavapuṣa ityādinā | yeṣāṃ tu iti nīlādīnāṃ jaḍābhimatānām 
| yathoktam

     evamātmanyasatkalpā----------------------------| ( a. pra. si. 13)

ityādi | kālottare vā iti āgamabhāṣayā svamataṃ saṃvādayati | 
mūrtivaicitryamanyonyābhāvaprāṇitam, tacca digdeśotthāpakam |

(page 164)

anyonyābhāvaśca apoharūpo na saṃbhavati bhagavatīti uktam

     ahaṃpratyavamarśa-------------------------------| (1|6|1)

ityādinā prakaraṇeneti darśayati prathāmātra ityādinā 
anyonyābhāvaprāṇitaṃ mūrtivaicitryaṃ deśabhedamutthāpayatīti | 
yadatra granthe prathāmātretyādau gamyamānatvena sthitaṃ, tat 
parakīyamatanirākaraṇe hetutvena upajīvati ata eva iti jñānāni 
svaprakāśaikarūpāṇi, jñānāntaravedyatvaṃ ca eṣāṃ viruddham | tāni 
ca bahūni,-iti ye manyante bāhyamarthamavayavinaṃ ca paramāṇurūpaṃ 
ca icchanti, teṣāṃ mate nīlādirūpāṇyeva jñānāni 
svaparasantānagāmi-tayā yugapadavasthitāni parasparasvarūpaparihāreṇeti 
svarūpalakṣaṇena deśena bhinnāni, tataśca mūrtimanti | tataḥ kimiti cet, 
āha iti iti | ato mūrtimattvāt hetorbāhyaparamāṇūnāṃ yathā 
ṣaṭkayogādasattaiva āpatati, tathā teṣāmapi | vitato hi artho yadi na ekastat 
vitataṃ jñānamapi kathamekaṃ syāt digbhāgabhedavibodhasya 
tadavasthatvāt | tato'nekajñānasaṃcaya eva vitatajñānam | sa ca anekaḥ | 
bahūni ca jñānāni pratyekaṃ svasaṃvedanaviśrāntāni,-iti 
vitatapratibhāsāyogāt deśabhedo na kaścit yo virodhamāpādayediti cet, 
kālabhedo'pi ko'nyo yo virodhāvaho bhavediti jñānabāhyatvaṃ kutaḥ | 
naca iti bāhyārthābhāvāt | nanu astu asau bāhyaḥ, tarhi 
vyavadhāyakatayaiva avaśyaṃ vyavadheyamadhyapatitastena 
vyavadhātavyena samparkamāgacchediti tatsaṃparkāt sāṃśateti | athavā 
jñānānām ityādinā prasaṅga eva ityantena granthena dūṣite 
jñānabahutve gamyamānatayā yadāpatitaṃ saṃvittattvasya aikyamiti, tatra 
kāladigdeśottaratvaṃ pūrvoktaṃ hetutvena

(page 165)

upajīvitam | ata eva iti svarūpadeśakālabhedābhāvādekameva 
cittattvamavatiṣṭhate iti yāvat | prakṛtaṃ prameyamupasaṃharati tadevam iti 
| pratipadyate iti karmaṇi | tam iti satyapramātāram | pramātaiva iti 
anujjhitakartṛbhāva evetyarthaḥ | anyathāhi sa na pratipanno bhavet, 
pratipādito vā | taduktaṃ

     jñātāsi kartāsi sadaiva siddhaḥ karmāpi satkartṛtayaiva bhāsi |

iti | karmatā tarhi kathamiti cet, pūrvoktaṃ smārayati pūrvameva ityādinā 
| pramāṇādinā iti guruśiṣyādirūpeṇa | satya iti uktaṃ yato

     yadyapyarthasthitiḥ-----------------------------| ( a. pra. si. 20)

ityādi | etat sarvapramitibhāktvamupasaṃharati tataśca iti cidrūpe 
satyapramātari bhagavati maheśvare, nīlādau jaḍarūpe śūnyādau ca 
pramātrīkārādajaḍīkṛte jaḍājaḍarūpe vividhe prameye pramīyamāṇe 
yā pramā, tadbhittibhāgena mukhyasya saṃvidrūpasya 
pramāturavyabhicāraḥ sarvathāprakāśamānatvāt || 16 ||

     yadi na sarvātmanā bhagavati pramāṇasya upapattyupayogau, kiṃ 
tarhi śāstreṇeti śaṅkāśāntyai sūtram

     apravartitapūrvo'tra kevalaṃ mūḍhatāvaśāt |
     śaktiprakāśeneśādivyavahāraḥ pravartyate || 17 ||

atra vṛttivivṛtyarthaḥ spaṣṭīkṛtaḥ

     kintu mohavaśāt--------------------------------------| (1|1|3)

ityatra, yojanāmātraṃ tu kriyate | kṛtī bhavati iti ghaṭasādhyaṃ prāpya na 
kliśyate iti yāvat | sarvajanātmani iti ekasminneveti bhāvaḥ | yathā iti 
yena prasādhanaprakāreṇa | sa iti saṃsārijanātmā | tathā iti 
īśvararūpatayā prakāśamānaḥ

(page 166)

sāsnādimattānibandhano'yaṃ gauriti vyavahāro vāmanatāsahabhāvītye-
vamākāro yo mohastataḥ | dārṣṭāntikaṃ samakakṣyatayaiva āha anyatra 
vā iti jñānādinibandhanatvena jñāto'pi mohāt na pravartitaḥ | tathāhi 
agre viśvādhiṣṭhātṛśabdena aṣṭamūrtiśabdena ca idamāha | 
bhedavādibhirapi tasya bhagavato viśvaṃ śarīratayā aṅgīkṛtam, tatra 
kevalaṃ jaḍaṃ na saṃvidaḥ pṛthak, saṃvidapi na saṃvidantarāditi 
abhedavādaparamārthatayaiva purāṇāgamādīnāṃ vyavasthānam | 
tatastatpramāṇasiddhe bhagavati viśvābhedādātmābhedo'pi siddha iti 
bhedasya asya moha eva sāram | mohasya mithyājñānasya ākārato 
nirdeśaṃ karoti anya iti 
dūrabhuvanaviśeṣavṛttitvādasmadādyadṛśyatvā-dinā apūrveṇa asmān 
prati aprakāśamānena arthena asahabhavanaśīlo'sāvaiśvaryavyavahāraḥ 
svātmani, tathābhūtāpūrvarūpavirahiṇi viruddha iti yo vyāmohastena 
otaprotahṛdayaḥ kathaṃ tathā vyavaharet | pravartyate iti lokena 
asmābhiśca upadiśadbhistatsamarthācaraṇena pravartayaṃllokaḥ prayujyate 
iti sūtre'pi śleṣacchāyayā kāritadvayaṃ vyākhyeyam | vastuni jñāte'pi 
prāptāyāmapi ca arthakriyāyāṃ vyavahārasādhanamupayogavadeva tasya 
yadviśiṣṭaṃ kāryaṃ tatsaṃpādanāya katham | āha yat tat iti bahutaraṃ 
yatkāryaṃ viśiṣṭaśabdopadheyaparāmarśagocaratāpuraḥsarībhāvena 
jñātaṃ, tat yasmāt tathābhūtopākhyālakṣaṇaśabdavyavahārapravṛtti-
mantareṇa na āsādyate iti saṃbhāvyate ityato hetoḥ | nanu śabdena 
abhihito'nabhihito bā tāvāneva arthaḥ | nanu evaṃ pramitaśca tāvāneva 
arthaḥ | tataḥ kim | ihāpi tataḥ kim | kiṃ śabdapravṛttyarthanayeti cet, 
tathāpi kiṃ pramāṇavṛttyarthanayā | sā pramāturupayoginīti cet, samaḥ 
samādhiḥ | etat darśayati pramāturhi

(page 167)

iti | pramāṇasyaiva vimarśo jīvitaṃ phalaṃ yat, tadeva śabdavyavahāreṇa 
poṣyate iti bhāvaḥ śāvaleyatvaviśeṣābhāso yathā gavābhāse'dhikaḥ | 
na tacchabdavyavahāre pravartite'pi tasya bāhyasya idantāpatitasya 
svarūpaṃ saṃbhedena ābhāsāntaraṃ bhāsate | śabdābhāsabhāge'sya 
idantāyāmasaṃpāta iti hi uko

     ghaṭo'yamityadhyavasā---------------------------------| (1|5|20)

ityatra | nanu evaṃ śabde pravartite'pi anādhikyaṃ tasya arthakriyākāriṇi 
rūpe cet, tarhi kastatpravartane bharaḥ | ucyate kevalam iti | 
dṛṣṭhānte'bhidhāya prakṛte yojayati evam iti | asau iti 
vyavahārasādhanādṛtaḥ pramātā | nirūḍha iti ahamiti viśrāmyan | 
ārabhate iti yo'sau tadārambhakastameva svātmānamabhimanyate 
dārḍhyena satyapi māyāsaṃskāraje dehādyahantābhimāne ityarthaḥ | 
nanu vyavahārasādhanaśatairapi ātmano 
maheśvaratāyāmanāśvāsavanto jantavaḥ satatamupalabhyante | 
satyamityāha kadācit ityādinā | sa iti gorūpo moho'nena bhūyaḥ paraṃ 
pārameśvaraṃ kimapi kṛtyaṃ nirvāhaṇīyamiti so'saṃbhavannapi 
saṃbhāvya eva | prayatna iti caturvidhasya kṛtyasya tatprāṇitatvāt | 
tatprasādādeva iti yatraiva parameśvarātmā prasanno 
dehādyabhimānakāluṣyatyāgena, sa eva mohamahārṇavāduttarītuṃ 
samarthaḥ | tat iti parameśvarokte śāstre yā upapāditā bhāvena iti 
saṃskāro dīkṣādikriyā dhyānādiyogo yogo jñānaṃ tasyāḥ 
samantataḥ sāmarthyāt tāṃ tām iti heyarūpāṃ 
dehaprāṇapuryaṣṭakaśūnyādipramātṛmayīṃ 
bhogādhārabhogyādilakṣaṇāṃ bhuvanabhāvādimayīṃ bhuvaṃ 
pariharaṃstyajan svayaṃ dhyānayogajñānādiṣu 
parameśvaraguruprasādadvāreṇa ca dīkṣādau sa parameśānugṛhītaḥ 
prakāśatāṃ nayati aiśvaryamātmani,-iti pūrveṇa

(page 168)

saṃbandhaḥ | iyati dīkṣādīnāṃ sarveṣāṃ sāmarthyamuktaṃ yadatraiva 
janmani parameśvaratālābha iti yogajñānayoḥ prādhānye'pi 
jñānadīkṣāpūrvakatvāt | yadāgamo

     na cādhikāritā dīkṣāṃ vinā yoge'sti śāṅkare |
     kriyājñānavibhedena sāca dvedhā nigadyate || (mā. vi. 4|6)

iti | yadātu dhyānayogānanabhyasyanneva jñānadīkṣāsamāśvastastadā 
asya kimityāha bhāvanā iti | kecit iti yoginaḥ | vibhūtibhāgam iti 
sarvajñatvasarvakartṛtvayoraṃśamadhikajñānakaraṇasāmarthyamaṇimā-
divibhūtyaṣṭakalakṣaṇaṃ tattadbhuvanaviśeṣaviṣayamiti | tadanena 
pratyakṣata eva adhikasadbhāve'pi na prakṛtasya hāniriti pradarśya yuktyā 
api etadeva upapadyate ityāha nahi iti | ātmabhāva iti paramātmana iti ca | 
ubhayatrāpi parasparaṃ sannidhānayorna virodha iti uktam | nanu mā bhūt 
prāṇāderātmabhāvasannidhānena paramātmanaḥ sannidhāne virodhaḥ, 
svasaṃvedanātmakasvaprakāśatvavirodhastu bhavet | maivam, 
saṃnihitaścet paramātmā, tadasau svaprakāśaikasvabhāvaḥ | tadāha naca 
iti | nanu paramātmā cet svaprakāśaḥ, tarhi prāṇāderātmabhāvaḥ 
katham | tatprathā iti paramātmano yā svātantryeṇa prathā, 
tatprabhāvādeva tasya iti prāṇādeḥ tathā iti ātmatayā prakāśanaṃ 
yataḥ | etadeva draḍhayati apareṣāmapi iti prāṇādervedakatāspṛktvamasti 
vedyatāyāmapīti ekagrahaṇam | bhāvānām iti vastūnām | etat 
spaṣṭayati avastūnāmapyevam iti darśayan abhāvasyāpi iti | nanu 
saṃvittattve mā bhūdīśvaratvamapūrvaṃ sādhyam, prāṇādau tu 
ātmatāniṣedho'pūrva eva sādhyo'stu | so'pi na apūrva ityāha 
prāṇādīnām ityādi |

(page 169)

tathāca iti prameyatayā | prameyaṃ hi smaryate'nubhavavicchedanabalāt | 
pramātṛrūpaṃ tu yadavicchinnaprakāśasāraṃ, tatra smaraṇaṃ na 
upapadyate | tata eva uktaṃ

     natvevaṃ smaryamāṇatvaṃ tattattvaṃ pratipadyate | (spa. kā. 13)
iti | yadvaśāt iti niṣedhavyavahārasiddhisāmarthyāt | prāk iti

     evamanyo'nya----------------------------------------| (1|3|6)

ityatra ṭīkāyāmupapāditametat | cidrūpasya tu iti bhavataiva hi 
upapāditamidaṃ vitatya

     bhinnayoravabhāso hi syāt------------------------| (1|6|2)

ityatra | param iti idaṃbhāvam | upajātā iti nirūḍhiṃ gateti yāvat | 
pūrvam iti

     kaivalyaṃ jāyate sadyo netrayoḥ stabdhamātrayoḥ | (vi. bhai. 113)

iti | upadeśaṃ smārayati parataḥ iti vikalpodaye 
māyāpramāturabhivyaktau | saṃsāraphalaḥ iti 
dharmādharmanibandhanajātyāyurbhogahānādānaprabandharūpasaṃsa-
raṇakārītyarthaḥ | yatra iti tato yuktamuktaṃ tacca 
viruddhasvarūpaprakāśanenaiva nivartyate iti āśayaśeṣaḥ | ata eva iti 
yataścinmayā eva arthāḥ, tataḥ | atra iti asmaddarśane | natu iti mukhyaḥ 
iti sambandhaḥ | sāṃkhyānāṃ tu ayameva mukhyo moha iti saṃmataḥ | 
nanu yadi saṃvinmayā eva arthāstarhi prāṇādirātmaiva, natu anātmā; tat 
kathamuktaṃ prāṇādāvanātmani iti,-ityāśaṅkāmapohati sa tu iti | 
anātmanyātmābhimānastadā bhavati, yadā ghaṭādibhyo'hantocitebhyo 
vyāvṛttya ghaṭāditulyīkṛta eva idantāspade prāṇadehādau bhavati | 
tadāca iti niyate prāṇādāveva ātmabhāve'hantāsarvasvasya

(page 170)

samāropaṇādutthāpite | tadapekṣayā iti 
ahantānurāgasamālambhanalabdhapramātṛtāsaubhāgyamapi 
anujjhitedantāmalakalaṅkaprāṇādikamapekṣyetyarthaḥ | tadeva āha so'pi 
iti nanu iti ca | īśvarasya yena prakāreṇa sarve'rthā ahantāspadaṃ 
yatastena kiṃcidivajāyante tadā prāṇādirna ahantāspadamiti yojanā | 
etadeva upapādayati yataḥ iti | asau iti prāṇādiḥ | ahantā iti 
īśvaradaśāyām | evaṃ prasaṅgena māyāpramātuḥ svarūpaṃ nirūpya 
tadviṣaye niṣedhavyavahāra iti yat prastutaṃ prameyaṃ, tadeva anubadhnāti 
tatra ca iti dehaprāṇādau | krameṇa iti bhāvanābhyāsena | pūrvaṃ hi iti 
bhāvanākramasya abhāve | anivṛttau hetuḥ ghaṭāt ghaṭādīn prati 
grāhakatvāt iti | ubhayatra hi kāraṇamasti nivṛttau ca | tatra 
pravṛttikāraṇadṛḍhasaṃskārasūtranibaddhaṃ ca vartamānaṃ ceti 
nivṛttikāraṇaṃ sadapi udāste, tat vartamānatvavigame 
tatsaṃskāraparikṣaye ca phaliṣyati | tadāha kevalam iti śarīrapātāt iti 
prayāṇaśabdavācyāt | ūrdhvam iti prayāṇānte iti purānirūpite | 
tāvataḥ iti yasya tāvat dehe'hambhāvo vigalitaḥ, sa 
dehasambandhopanatadharmādharmanibaddhadehāntarārambhābhāvāt 
vigate dehe prasṛtilayādibhāve'vatiṣṭhate iti buddhyantādadhvana uttīrṇaḥ 
| yathoktaṃ

     ------------------------------------karmataśca śarīriṇaḥ

ityādi | evaṃ prāṇādyuttaraṇamapi āgamādhikāre vakṣyate | adyaiva iti 
śarīre'pi apatite | apiśabdena stokāvaśeṣatvena 
prāṇaśarīrādāvahantābhiniveśasya sthitirapi astīti vyācaṣṭe 
sarvathānivṛttau śarīrapātāpattyaiva adyetivācoyukterayogāt | nanu tadā 
asya yoginaḥ kutra ahantādārḍhyam | āha tadāca

(page 171)

iti | prāṇādau iti vedyīkṛte | ghaṭādiṣvapivā iti 
samādhānasaṃskāradārḍhye vyutthito'pi śarīrādi na 
grāhakatvadārḍhyena adhiśete iti yāvat | tathā iti pṛthagbhāvabaloditena 
parimitatvena | etat prasiddhena śarīrādinā samīkaroti yathā iti | nanu 
śarīrādergrāhakatvāvasare'pi prāṇādyapekṣayā sphuṭameva 
grāhyatvaṃ, tat kathamuktaṃ yogyatvamiti | etat niṣedhati natu iti | vakṣyate 
iti āgamādhikāre | iyatā ca idamuktam-
grāhyagrāhakabhedaparamparāyā anivṛttau māyāpade 
bhūṣaṇamiyamanavasthā, pramātṛtāyāṃ tu na prameyatāṅgamiti na 
prameyāsiddhidūṣaṇamiti | nanu yadi śūnye śūnyāntaraṃ 
grāhakamiṣyate, tatrāpi śūnyāntaraṃ; kāmamanavasthā | śūnye tu 
cittattvaṃ grāhakamiṣyatām, tataśca prakāśamiti kā anavasthā | 
etadāśaṅkya āha naca iti | aśakyatve hetuḥ tasya grāhakatvābhāvāt iti 
| tatrāpi pūrve hetuḥ, tatrāpi pūrva ityevaṃ neyam | tasya ca iti cittattvasya | 
nirābhāsam iti śuddhe śivatve | viśvābhāsam iti īśvaraparyante | 
śivatvam iti bhāvapratyayena avasthārūpatvamatra vadatā paripūrṇe 
dharmiṇi avasthātari avyapadeśyatāṃ pūrṇatvena āha yathoktaṃ prāk 
pūrṇe tu sarvamasti ityādi | atha ayaṃ dehādāvahantāniṣedhābhyāsaḥ 
kiṃ sarvathaiva atra upayujyate | omiti cet, tarhi sūtre so'pi vaktavya eveti | 
atra āha tacca iti śivatvamīśvaratvaṃ ca pratyabhijñāya siddhyanti 
śivarūpā bhavanti | pratyabhijñānasyaiva svarūpamuktaṃ 
bhaktiśālinaḥ haṭhagrahagṛhītānapohanīyatathābhimānā ityarthaḥ | 
tatra hetuḥ ukta ityādinā uktaḥ, tatrāpi saṃpradāya ityādinā | dehasya 
sukhādiśūnyasya pramātṛtayā saṃvit nāsti, gaura

(page 172)

eva ahaṃ sukhīti hi pramātṛpratipattiḥ; tato dehāvasthāyāmiti na uktam | 
etaduktaṃ bhavati-kecana krameṇa bhūmikāsamārohādabhyāsakrameṇa 
śūnyamapi yāvat pramātrīkṛtaṃ sphuṭatvena vedyatayā adhaspadīkṛtya 
paramārthapramātari abhimānaṃ gṛhṇīyuriti prahataḥ panthāḥ | 
dehaprāṇapuryaṣṭakabaddhāsthā evatu tattyāgamanabhyasyanto'pi 
aniṣiddhatadātmabhāvā eva ullaṅghanakramamanādriyamāṇāḥ śarīre 
cakrādhārādau mahāvidehānandabhūmikādau ca baddhapadāḥ pratyuta 
vedyāntaratādātmyaparipoṣaṇena viśvātmānaḥ saṃpadyante iti tānprati 
dehādāvahantāniṣedhābhyāse na kiṃcit kṛtyam | 
tathāvidhasaṃpradāyapātratāvirahitānāmeva sa upayogī 
abhyastadehādyātmatātyāgāya | paryante tu tairapi 
anavasthābhayādidameva ālambanīyamiti | idānīṃ 
prakṛtamidantāhantayorvirodhamupasaṃharati tadevam iti | nanu yathā vā 
gamanarūpagovyavahāro'prayatnasiddhaḥ pūrvamūḍhasya, tathā 
ātmavyavahāre sati īśvaravyavahāraḥ kva siddhaḥ | yadi tu tatrāpi 
asiddhaḥ, tarhi anavasthā | tāṃ pariharati dṛṣṭāntatvena iti punaḥśabdo 
viśeṣaṃ dārṣṭāntikāt dyotayati | nahi atra ātmā īśvaro bhavatīti 
vyavahāraḥ pūrvaṃ pravartitaḥ | etadevakāreṇa āha | ātmaiva hi viśiṣṭa 
īśvara iti tadvādinaḥ | tadāha puryaṣṭaka ityādi | 
puryaṣṭakaśarīraprabhṛti yat māyīyaṃ, tadrūpaśūnye apṛthagbhūtatvāt 
prakāśāvyatirekāt jñānādiśaktiyogācca 
ātmatveśvaratvavyavahāro'siddhaḥ svātmani caitramaitrādibhedini 
tābhyāmeva nibandhanābhyāṃ sādhyate, natu apṛthagbhāvaḥ 
prakāśāvyatirekaḥ, saca ahamiti vyavaharaṇīyaḥ; ātmāyamiti tu anena 
prakāśāt vyatiriktamiva vyavahriyate | jñānādiśaktimattvaṃ ca jānāmi 
karomītyevaṃrūpamahamityevavyavahārasya nibandhanaṃ, natu īśvara 
ityasya | etat svayamāśaṅkya

(page 173)

yadyapi ityādinā pariharati tathāpi ityādinā prāguktameva smārayan | iha 
iti na kevalaṃ pūrvamiti bhāvaḥ | nanu iha sūtre vyavahāraḥ pravartyate 
itivacanena vyavahārasādhanaṃ karaṇarūpaṃ, taddvāreṇa ca 
kriyātmakamasya śāstrasya abhidheyamiti uktam, pūrvaṃ tu

     -------------------------------pratyabhijñopadarśyate || (1|1|3)

iti pratyabhijñānaṃ, tat kathaṃ saṅgamayitavyamityāśaṅkya 
ekasaṃvedanaṃ vastutattvamityupapādayati pratyabhijñā ityādinā | atra 
ca karaṇasya kriyāyāmupayogāt kriyāyā eva abhidheyatvaṃ śāstraṃ 
prati nirūpitam | kriyā ca karaṇasvarūpavivecanadvāreṇa vācyeti 
pratyabhijñānaṃ pramāṇamasya śāstrasya abhidheyaṃ lakṣaṇīyatveneti 
tatpratipādanaṃ prayojanaṃ pramāṇasvarūpapratipattiḥ, tasyāṃ phalaṃ 
tadvyāpāraṇaṃ, tasya phalaṃ pratyabhijñodayaḥ, tataḥ 
paryantaphalamaparyanuyojya phalāntaraṃ 
pūrṇānandānantaśaktiparameśvararūpatonmeṣa iti tātparyam | nanu 
aprāpte śāstramarthavat itinyāyāt prasiddhe svātmani kiṃ 
śāstravyāpāreṇetyāśaṅkya āha śāstrāṇāṃ hi iti loka iti 
arthakāmādyupayogini pramāṇe vā iti | yaduktaṃ pūrvaṃ

     ------------------------------śāstraṃ mohanivartanam |

iti | asiddha iva iti na vyavahāryo bhavatīti pūrveṇa sambandhanīyam | 
punaḥ iti vṛttyantareṇa ityarthaḥ | nanu prameyādarthakriyā, pramāṇācca 
prameyasiddhiriti prameyasya pramāṇasya ca upayogitvāt 
tadviṣayaviṣamavimohavyapohane 
hetuvyavahārasādhanapramāṇānveṣaṇaṃ kriyatām, pramātā tu kutra 
upayujyate yena tatra vimohāpasaraṇaṃ kriyate | tasya anupayogādevaca 
dūrāpāstā satteti | tataḥ etadapi na vācyamapunarāvṛttiphalaṃ tat 
bhaviṣyati vyavahāraphalatvābhāve'pi

(page 174)

ātmā jñātavyo na sa punarāvartate ityādinayeneti tat kiṃ pramātātari 
mohāpasaraṇenetyāśaṅkāmādisiddhasūtrārthapratyāvartanadiśā 
śamayati yadyapihi iti | sarvatra khalu sa eva upayujyate ca 
bhagavānavabhāsate ca | upapadyate tadyadi na rūpyate tat, pratyuta 
pramāṇaprameyavargo'yaṃ na kvacidasti, na kvacit bhāti, na 
kvacidupayujyate svatantratayeti tātparyam | tathāhi pramātṛprameyavargasya 
jagadantarvartinaḥ prasuptaprāyatāṃ darśayiṣyati 
svātmamātraniṣṭhatvāśayena | ihahi pramāṇasya tisro'vasthāḥ-
prākkoṭiḥ, vartamānatā, phalaparyantatā ca | tatra prākkoṭau pramātureva 
vijṛmbheti darśayati prameyajijñāsāyām iti | sarvatraiva tāvadayaṃ 
pramātā

     duḥkhasaṃśleṣavidveṣī sukhāsvādarasādaraḥ |

ityanena nayena prameyajijñāsayaiva vyāptaḥ | mārgagamanādāvapi tatra 
jijñāsorapi avivekabalopanata eva madhye saṃśaya upajāyate 
yannirdhāraṇāya prekṣāpūrvakārī vyāpriyate | svaśarīramapihi 
paśyannayaṃ tattvamasya jijñāsamāno vivekabalādeva 
saṃśayamutthāpayati-kiṃ yathaiva idamahantāspadaṃ me śarīraṃ, 
tathaiva syāt; uta anyatheti | tataśca saṃśayāpākaraṇāya pramāṇamevaṃ 
pravartayitumicchaṃstadanusmarati | yatrāpi vastuvṛttādeva vivekamantareṇa 
api saṃśaya udeti yathā uccatādarśanāt sthāṇunarādau, tatrāpi eṣaiva 
gatiḥ | tadayaṃ pramāṇasya pravartanecchātmakaḥ saṃkalpaviśeṣo 
dharmiṇāṃ taddharmadvayaṃ dharmaniyamanirṇayaṃ tannimittaṃ ca 
pramāṇamekīkurvan vicāra iti abhidhiyate vividhaṃ kṛtvā cāraṇaṃ 
saṃcāraṇaṃ prameyasya vimarśotthāpanena vivekopanatena, viśeṣe 
cāraṇaṃ tasya prameyasya 
viśeṣāvagamanibandhanapramāṇānveṣaṇalakṣaṇaṃ ca viśeṣacaraṇe 
kartavye tatsamarthācaraṇamiti vicāraḥ | parita ālocanaṃ sarvato vivecanā, 
anyaparivarjanena ca

(page 175)

ālocanaṃ pramāṇapariḍhaukanamiti paryālocanaṃ sambhavato'rthasya 
saṃbhāvyamānatayā upapadyamānasya tadeva 
sambhavasamarthācaraṇamupapādanamityucyate | evamicchāpūrvakaṃ 
pramāṇasya pravartanaṃ saṃkalpaprayatnarūpaṃ vicāra ucyate | yastu āha 
-idamitthaṃbhūtaṃ yat, tadevamuta naivamiti vimṛśya 
evamevetyaniṣṭaparākaraṇena sthāpanaṃ vicāra iti pañcapado vicāra iti, 
sa praṣṭavyaḥ-vicāra iti kim vākyamabhipretaṃ, vākyārtho vā; 
vākyārtho'pi jaḍābhimato, jñānātmā vā; jñānamapi ekaṃ vā, 
jñānamālā vā | padāni ca kiṃ suptiṅntāni, tadartharūpāṇi vā; 
tānyapi jñānājñānabhedena vikalpanīyāni | padaśabdena vā bhāgā 
viṣayā vā, uta jñānaṃ vā, jñānamālā vā vicāra iti saṃbhāvyate 
tāvadetat | tatra ca suptiṅntānāmavasaraḥ, saṃjalpāntarāvasare'pi 
ekasmin jñāne saṃśayarūpe nirṇayarūpe vā vicāratvena saṃmate 
bahūnāṃ padānāṃ ko'vakāśaḥ, kalpanāyāṃ tu ka iyattāniyamaḥ | 
jñānamālāyāmapi etenaiva kṛtaḥ padaniyamanirāsaḥ | atha ekasya 
jñānasya pañca padāni jñeyarūpāṇi, tadā parvato dhūmavāniti 
kāmaṃ jñeyamastu padadvayaṃ; tataḥ paraṃ tu kimidamevamuta naivamiti 
agnimattvānagnimattvasaṃśayo'yaṃ bodho, na viṣayarūpaṃ 
padadvayametat | agnerbhāvābhāvau viṣayāviti cet, astu evaṃ; saṅgatistu 
kā | ekatraiva jñāne parvatadhūmāgnibhāvābhāvāgniniyamāḥ pañca 
yadi viṣayatāṃ gatā śikharasthasyaiva jñāne ghaṭapaṭādayaḥ, tat 
parvato'gnimāneveti kathaṃ parasparāpekṣāsiddhirbhavet, 
agniniyamaścāgnibhāvābhāvā iti so'yamagnibhāva eveti na pañcamaṃ 
padametat syāt; ekadaiva ekatraivaca jñānaṃ bahnerbhāvamabhāvaṃ ca 
kathaṃ viṣayayediti vācyam | atha pṛthagbhūtairjñānairviṣayīkṛtāni 
pañca vastūni padāni anusandadhānaṃ jñānaṃ pañcapado vicāra iti 
ucyate,

(page 176)

tatra dharmijñānaṃ dhūmajñānamiti jñānadvayasya tāvadastu 
viṣayadvayam, tataḥ paraṃ tu yat saṃśayajñānaṃ vimarśākhyaṃ, tasya 
eka eva dvyātmanā kalpyamāno viṣayaḥ sthāṇurvetyatraiva 
vākyānupraveśena pakṣāntaradolayoḥ praveśitatvādaparathā 
viṣayadvayamekamanekaṃ vā jñānamiti ubhayathāpi kaḥ saṃśayārthaḥ 
| tadayaṃ kimevamitiśabdabhede'pi ekasvabhāva eva saṃśaya iti kathaṃ 
padadvayātmatvamasya | evamevetisthāpanaṃ ca nirṇaya ucyate | tasya 
dharmidharmasaṃvedanaṃ saṃśaya ityādīni kathaṃ padāni 
vikalparūpāṇi bhaveyuḥ | upayogamātrāt tāni tasya padāni,-iti 
cedaniṣṭaparākaraṇamapi padāntaratvena kimiti na gaṇitamiti 
pañcapadatvaṃ kathaṃ syāt | kaśca ayamatra abhimānaḥ-pañcapado 
vicāra iti na kenacit jñātamasmābhireva andhatamasamapasāritaṃ lokasyeti 
| bālā apihi prathamaṃ vyākaraṇasūtramadhītya nyāyasūtramadhīyate 
yatra uktaṃ

vimṛśya pakṣapratipakṣābhyāmarthāvadhāraṇaṃ nirṇayaḥ | (1|1|40)

iti | vimarśo hi saṃśayaḥ | saca sati dharmidarśane pratipakṣopālambha 
evaca aniṣṭaparākaraṇamiti ko'yamapūrvapradarśanābhimānaḥ | 
evaṃvidhābhimānanirmāṇamapivā bhagavata eva svātantryamiti 
vandyatetamāmasmābhiḥ | vyavasthāpanaṃ vicāra iti ca pratijñā yayā 
lakṣaṇapadaprayojananirūpaṇāvasare yaducyate-idamitthamityanabhidhāne 
bhittyabhāvāt vimarśānaṅgatvācca nirālambano vicāro bhavediti, tadastu; 
yattu ucyate kimevamityādipadadvayānabhidhāne nīrūpo vicāraḥ syāditi, 
tadatitamāmanusandhānavandyatvaṃ hṛdayasya | anena hi vacasā vimarśa 
eva saṃśayātmā vicārasya lakṣaṇamuktaṃ bhavet, natu sthāpanamiti | 
punaśca abhihitaṃ-yadi evameveti padaṃ na syāt, niṣphalo niravadhiśca 
vicāro bhavediti, tadanenāpi

(page 177)

sthāpanaṃ vicāra iti prakrāntapūrvaṃ sāmānādhikaraṇyaṃ virudhyeta | 
nahi tadeva svātmani phalamavadhirvā bhavitumarhati | tadanena vicāraṃ 
vicārayatā pūrvāparaṃ na vicāritam | naca ānumānikanirṇayayogādeva 
parīkṣakatā vicārakatā khyātā loke carame cetasītinayena 
ratnatattvavicārasya pratyakṣeṇa api saṃbhavāt | ānumānikavicāro'pi 
jñānamālātmā yadi ucyate, tat ṣoḍaśapada iti vācyaṃ tāvatā 
tadutpādāt | naca nirṇayo vicāraḥ prasiddho vicāritametat sūribhiḥ, naca 
adyāpi nirṇītamiti vyavahārāt | tathāhi mahābhāṣyakṛt 
sandhyakṣaravārtike

     idaṃ vicāryaṃte--------------------| (2|3|4)

itisaṃśaye sati pramāṇānveṣaṇameva vivekāvatāraṇaṃ prakalpitaṃ 
vicāratvena vyavahṛtavān | āgame'pi

     tāvadvicārayedyogī yāvattattvaṃ prapaśyati |

iti | tattvadṛṣṭilakṣaṇāt nirṇayāt pūrvāvasthaiva vicārayitṛtvaṃ 
nirūpitam | mahāguruṇā api savicārasamāpattyanantaraṃ

     nirvicāravaiśāradye'dhyātmaprasādaḥ | (yo. sū. 1|47)
iti uktvā

     ṛtambharā tatra prajñā | (yo. sū. 1|48)

iti nirṇayarūpāyāḥ prajñāyāḥ paścātsvarūpamabhidadhatā 
nirṇinīṣaiva vicāratvena uktā | kiṃca vitarka eva sūkṣmo viṣayatāṃ nīto 
vicāra iti darśitaḥ | naca vitarko nirṇaya iti yuktamuktam | 
pramāṇopanyāsarūpā nirṇinīṣaiva vicāra iti alamavāntareṇa | evaṃ 
prākkoṭau pramāṇasya pramātureva upayogamuktvā parakoṭāvapi 
darśayati parato'pi iti | pravṛtteḥ iti digyoge hetau ca pañcamī 
pūrvottarasambandhena | madhyakoṭau tu pramāṇaṃ pratapat 
lakṣyamāṇamapi

(page 178)

pramātārameva vastuta ujjvalayatīti darśayati | taṃ prati iti pramātāraṃ 
pratītyarthaḥ | evaṃ madhyakoṭau pramāṇaṃ pratapatu, tattu yathā 
kṛtārthaṃ bhavati, tathā pūrvāparakoṭimeva anudhāvatīti nirūpyate 
tathāpi iti pūrvakoṭiraparakoṭiśca tulyaiva | darśitaṃ prāk 
tāvadarthāvalehenaivottiṣṭhatītyādinā | pratiṣṭhāṃ 
dṛḍhaniścayarūpāmarthaḥ pramātari ādādayatīti saṃbandhaḥ | 
vyavahartari iti yaduktaṃ, tadeva sphuṭayati sāsnādi ityādinā | 
vyavahāraśca sārvatrikatvena vyavahāre upayujyamāno'numānaṃ 
śaraṇīkaroti | tacca mohamātranivartanaphalameva sarvatra | vicārayan iti 
pramāṇaṃ pravartayitumanvicchan | etadeva koṭidvayena prādhānyaṃ 
pramāturupasaṃharati | madhyakoṭeśca aprādhānyamaparakoṭyā 
paryavasāne vyavahāryatvābhāvāt saugatādidarśaneṣu nirūpayati tataḥ 
iti vicāralakṣaṇā pūrvakoṭirbhavantī api na sarvatra sphuṭasaṃvedyeti 
paścādupāttā | prasupta iva jagadantarvartini pramāṇaprameyavarge 
ityādinā madhyakoṭiḥ sūcitā | mohanivartanamātraphalatve'pi yatra 
pratyakṣapramāṇadṛṣṭatvaṃ vṛkṣatvasya na puraḥsarīkriyate hetutayā, 
apitu śiṃśapātvameva, tatra tadvṛkṣatvamapramitameva abhipretamiti 
apūrvaprasādhakaṃ tatra svabhāvahetvanumānam | tatrāpi pramātaiva 
pratyakṣaṃ sārvatrikatvena vyāpārayannupayogītyāha yā yā iti | nanu 
evaṃ yadi pramāṇasya sambandhī sa vyāpāraḥ, kathaṃ pramātrā 
sārvatrikatvena vyāpāryate | atha evaṃ na, tarhi pramāṇasya sa na 
sambandhī syāt; apitu pramātureva | satyamevamiti āha vyāpāro'pi iti | 
kāraṇasya iti paraśoriva udyamananipātanādikayā | iha iti asmaddarśane 
yatra pramātṛlagno navābhāsaḥ pramāṇaṃ pratyakṣam | anenaiva ca 
granthena vartamānatākoṭāvapi pramāṇasya 
pramātṛprādhānyaśaraṇataiveti

(page 179)

darśitam,-iti tisṛṣu api pramāṇāvasthāsu pramātaiva vijṛmbhate iti yukto 
mūḍhaṃ prati tadvyavahārasādhanavyutpādanasaṃrambhaḥ | sa evahi 
pramātā vastusādhanaṃ ca pramāṇaṃ vyāpārayati 
vyavahārasādhanaṃ ca | tatastadāyattameva pramāṇasya viceṣṭitamiti 
darśayati tena iti tasmādityarthaḥ | pramātṛsamānādhikaraṇaṃ 
vāpadamapravṛttamasmadādeḥ pratyakṣānumānāptopadeśalakṣaṇaṃ 
pramāṇaṃ yasmin svargādau tattvasaṃkhyāniyame ca 
ṣaṭtriṃśattattvānīti, ādigrahaṇāt mantraprabhāvadīkṣādisāmarthye ca | 
śāstrākāreṇa iti vedaśaivādirūpatayā svavimarśaṃ 
prasiddhiparyantaṃ prasārayatītyarthaḥ | kriyate iti tenaiva pramātrā 
śāstrakārarūpeṇeti sambandhaḥ | yāvanti hi ātmajñānaśāstrāṇi 
śrutyantasiddhāntarahasyatantrarūpāṇi, tāni ātmani naiva 
siddhimapūrvarūpāṃ racayanti | tasmāt vyavahāramātrasādhanaphalāni 
eva tānīti bhāvaḥ | ata eva iti yadetat tisṛṣvapi koṭiṣu tasyaiva 
pratapanamuktam, tato hetoryatpramātuḥ prādhānyaṃ, tasmāt hetoridamapi 
siddhyati yat pūrvamuktam-ekenaiva pramāṇena aviśiṣṭe vahnyādau 
kāryakāraṇatetyādi (2|3|8) | ekatra hi pramātari pradhāne 
tadvyāpāravimarśabalāt pradhānasya bhedābhedavyavasthā | eka evaca 
asau sārvakālikatvena vimarśa iti ekaṃ pramāṇam | anyathāhi asmanmate 
bhinnasaṃvedyoparāgāt paradarśane svabhāvasaṃkocabalāt 
kālabhedavatyaḥ saṃvido bhinnāstadadhyavasāyā api bhinnāḥ 
kṣaṇikasvabhāvā iti kathamekameva pramāṇaṃ 
tātkālikavastuprakāśanaparyavasitaṃ svānusāritayā 
satyavyavahārahetuṃ vikalpādhyavasāyaṃ janayat sārvatrikatve 
pramāṇaṃ bhavet, bhinneṣu saṃvedaneṣu sarvasyaiva 
apūrvagrahaṇarūpateti kā gṛhītagrāhitā pramātrantaragṛhīte iva | 
tataśca kathamidamuddhoṣyate dhārāvāhivijñānamālāyāmādyameva 
saṃvedanaṃ

(page 180)

pramāṇamityādi | nanu idānīṃ janmāvasara eva anena 
vahnyādibhāvasvabhāvagrāhiṇā pramāṇena pramāṇyamāsāditamiti 
uttarakālaṃ jñānānāmapramāṇatvameva syāt | ābhāsamātre khalu 
evameva pratipadyatāmāyuṣmān, naca 
apramāṇatvamekāntatasteṣāmābhāsāntareṣu agṛhītapūrveṣu 
yojanābhāse vā anullasitapūrvasya vimarśalakṣaṇasya 
pramātṛvyāpārasya ullāsanāt | nanu pramātṛvyāpāro vikalpaḥ, so'pica 
jñānasvabhāvatvāt kṣaṇika iti kathaṃ pramātṛvyāpārasya kvacidapi 
aikyamucitam | etadāśaṅkitaṃ pariharati tathāpi iti | 
antarmukhatāprādhānyena asau vartamānaḥ pramātrā yāvati svātantryāt 
na cchidyate, tāvadeka eveti | nanu antarmukhasvabhāvo na tena 
kimaṅgīkriyate | netyāśaṅkya āha saca iti māyīyabhedasaṃskārāt 
vikalpo'sau pragīyate śuddho'pi vimarśaḥ | nanu antarmukhena 
ahamityetāvanmātrarūpeṇa vikalpatābhājā api vimarśanena na 
pramāṇānāṃ phalavattā, api tu ghaṭo'yamiti bahirmukhena | naca tena 
bāhyo'rthaḥ spṛśyate iti kathamuktaṃ vimarśaprādhānyena 
arthavyavastheti | atra uttaraṃ yo'pica iti | indriyavyāpārāt iti tajjāt 
nirvikalpakajñānāditiyāvat | so'pi na nirviṣayaḥ, apitu sārvatrikatve 
sāmānyaviṣayaḥ; anyathā tu svalakṣaṇaviṣaya iti | uktam iti

     bhrāntitve cāvasāyasye---------------------------------| (1|3|5)

ityādau | nanu puro'vabhāsamānaṃ sāmānyaṃ svalakṣaṇaṃ vā 
spaṣṭapratibhāsamaspaṣṭapratibhāsaṃ ca vikalpe, tat kathamuktaṃ 
tadviṣaya eveti | atra āha nacāpi iti

     bhinnāvabhāsacchāyānāmapi mukhyāvabhāsataḥ |
     ekapratyavamarśākhyādekatvamanivāritam || (2|3|11)

(page 181)

iti uktam | tāvadgrahaṇena svamate tāvat na idaṃ durupapādamiti darśitam, 
paro'pi na bhedamatra vaktumutsahate ityāha yo'pi iti bauddhaḥ | 
anavadhāraṇameva darśati nirvikalpam iti karttṛpadametat | sva iti 
ātmīyādavabhāsādanyarūpam | tataḥ iti paramate'pi yataḥ 
pratibhāsabhedo'śakyāvadhāraṇo'nena | naca 
vimarśabalādaikyaprasādhanena prakṛte'pi prameye karāvalambaḥ kṛta iti 
darśayati tataḥ iti śabdavikalpe īśvaraḥ pramātā sarvaśaktirātmaiveti 
upadeśāvasare vyavahārasādhanabalopanate śabdaiḥ prameyatāṃ nītasya 
api paramārthaparāmarśe'hantātmani viśrama iti | idamiha tātparyam-
bhagavata idameva svātantryaṃ-yat paśulokāpekṣayā atiduṣkaram, 
tatsaṃpādane'pi apratīghātaḥ itaśca kimitarat duṣkaram-yat 
prakāśātmanyeva prakāśamāne eva 
prakāśaniṣedho'prakāśamānatābhimāna eva | evaṃbhūtaṃ yat 
svātantryaṃ, tadeva grāhakollāsanaṃ taddvāreṇaca grāhyollāsanamapi | 
saiṣā māyāśaktirvimohanīti uktā | tatkṛto yaḥ svātmani svatantre nitye 
vyāpake ca smṛtyādiyogāt kālāyogāt deśāyogācca prakāśamāne eva 
sati ghanatamo'prakāśamānatābhimāno mohamalādiparyāyanirukta 
ābhāsaviśeṣastadvaśāt svātmani pūrṇamīśvaravyavahāraṃ na 
pravartayati mūḍhaḥ | so'nena icchādiśaktiprabhāvaprakhyāpakena 
pūrṇaparārthānumānarūpeṇa vyavahārasādhanena pratyabhijñākhyena 
śāstreṇa avabodhyate | yathāhi bhautaḥ kaścit mohādapahāritaṃmanya 
evaṃ bodhyate-kaḥ khalu bhavān yasya īdṛṅmukhamīdṛgvastramiti cet, 
paśya svātmanyetaditi punaḥ punarabhidadhatā naca apūrvamasya 
utpāditaṃ kiṃcit, tathaiva paśuloko bhāsamāne eva svātmani na 
ahamīśvara ityādi mohādabhimanyamāno vibodhyate | yatra khalu 
jñānādiśaktayaḥ, sa īśvara iti vyavahriyate

(page 182)

tanmātranimittakatvāt tadvyavahārasya yathā purāṇādiprasiddhaḥ; 
tvayyapi ca tāḥ santīti | athavā yatra  yadāyattaṃ, sa tatra īśvaro rājā iva 
nije rājye; tathāca tvayi viśvam | yallagnaṃ yat bhāti, tat tena pūrṇaṃ 
nidhānakumbha iva ratnaiḥ; tvayi ca lagnaṃ viśvaṃ bhātīti yasya 
yadantarvarti bhāti, sa tāvati vyāpako ratneṣu iva maṇibhāvaḥ; 
śiṃśapādiṣu iva vṛkṣatvam | tvayi ca saṃvidrūpe 
dharādisadāśivāntaṃ śāstraprakriyādyavagataṃ viśvamantarvarti bhāti 
| yasminsati yadudeti līyate ca, tat tatpūrvāparabhāgavyāpi bhūmāviva 
aṅkuraḥ; tathāca tvayi prakāśarūpe viśvamiti | 
evamīśvaratvavyāpitvanityatvadharmā vyavaharaṇīyāḥ, anye'pi 
āgamoktāḥ sahasraśaḥ śaktiśabdavācyā dharmāḥ | tatprakaṭanāya 
idaṃ pūrṇaparārthānumānarūpaṃ 
pramāṇādinigrahasthānaparyantapadārthaṣoḍaśakanibandhanena samyak 
paravyutpattisaṃpādanasamarthaṃ śāstram | evaṃhi samyak paraḥ 
pratipādito bhavati hitāhitaprāptiparihārayorityādinā ca 
pratyakṣādipadārthaṣoḍaśikā paravyutpādanaprayojanatayā 
parārthānumānarūpetyanyathā prāmāṇyaṃ pratilabhamāne svaśāstre 
mithyaiva nyāyatattvavedimunimatavidveṣopāttā kuśaladoṣaiḥ parairapi 
pradarśitaiva | etacca madīyādeva kathāmukhatilakāt vitatamavadhāryam | 
evaṃ vyavahārasādhanena prakāśamāna eva yat na prakāśate 
ityabhimananaṃ saṃsāraśabdavācyam, tadapasāryate | tadapasāraṇameva 
muktiḥ | abhimananābhāsamātraparamārthau hi bandhamokṣau 
bhagavadicchāvijṛmbhitameva hetvaṃśe'pi vyāmuḍhasya | tatrāpi 
mohāpasaraṇameva kartavyamiti na apūrvaṃ kiṃcidaprasiddhaṃ 
prasādhyate | vyavahārasādhanapramāṇaprabhāvasamāśvastahṛdayastu 
mohasaṅkarakalayā parameśvareṇaiva parojjihīrṣādikṛtyanirvāhaṇāya 
kaṃcitkālaṃ prayatnasaṃdhāryamāṇe dehādāvahantābhimāne

(page 183)

prabhuddha iti abhidhīyate viditendrajālatattva iva paśyannapi tadabhrānta 
eva yataḥ, yasya śrutacintābhāvanātadgāḍhatābhirbheda uktaḥ | 
śivaśāsanopadiṣṭavidhipūrvakopāyena bhāvanābhyāsadārḍhyena tu 
tatraiva dehe prāṇādau ghaṭādāvapi vā 
saṃcāritapārameśvaradharmaprabandhaḥ siddhibhājanaṃ yogīti 
abhidhīyate yasya āgame 
saṃprāptaghaṭamānasiddhasiddhatamabhedo'nvartharūpo nirūpitaḥ | 
iyatyapi tu sarvathā mohakalāsaṃskārasya prakṣayaḥ | prakṣaye tu asya 
dehādyahaṃbhāvaniyamavigalanāt parameśvarataiva | 
īśvarecchāvaśādeva tu kasyacit prayatnaśatairapi pratyabhijñānaṃ na 
utpadyate | tasya api śrotrapathagamanamātrādapi avaśyaṃ 
saṃskārapākakrameṇa svarūpalābhaḥ | yathoktamāgame

     niṣkampa ātmasaṃvittau jīvanmukto'bhidhīyate |
     tattve vikalpamānastu piṇḍapātācchivaṃ vrajet ||

iti | mayā api vyākhyātametat

     saṃsārajīrṇatarumūlakalāpakalpa-
     saṃkalpasāntaratayā paramārthavahneḥ |
     syurvisphuliṅgakaṇikā api cettadanta
     rdedīpyate vimalabodhahutāśarāśiḥ ||

iti | tadamunā na apūrvaṃ kiñcitprasādhyate svātmanīti | tadadhunā 
nirvyūḍhaṃ paramārthato yaduktaṃ śāstrādau

     kartari jñātari svātmanyādisiddhe-------------------------| (1|1|2)

ityādīti śivam ||
iti śrīmahāmāheśvaraśrīmadācāryābhinavaguptaviracitāyāmīśvara-
pratyabhijñāvivṛtivimarśinyāṃ kriyādhikāre 
pramāṇatatphalaprameyaparamārthavimarśastṛtīyaḥ || 3 ||




atha caturtho vimarśaḥ |

     aikyaparamārthakalayā triśaktiyugaghaṭitavaiśvarūpyamaham |
     amṛtatanumatanubodhaprasaramahākāraṇaṃ smarāmi haram ||

     kriyāśaktisphāra eva sambandha iti uktam | saca 
jñāpyajñāpakabhāvātmā nirṇītaḥ, adhunā tu kāryakāraṇatārūpo 
vimṛśyate ślokaikaviṃśatyā

     eṣa cānantaśaktitvāt-------------------------------|

ityādikayā

     ---------------------hetutā kartṛtā kriyā |

ityantayā | tatra kartṛkarmataiva tattvaṃ kāryakāraṇatāyā iti svamate 
ślokena upakṣipya trayeṇa jaḍasya kāraṇatā nirākriyate, ṣaṭkena 
cetanasyaiva sā kartṛtātmeti prasādhyate, kāraṇavicāraprasaṅgācca 
anumāne'vaśyaṃ niyatiśaktirupajīvanīyeti trayeṇa darśyate, śākyoktā 
api karyakāraṇatā asmannayameva śaraṇamavalambate'nyathātu 
nistattvaiva seti trayeṇa, kāpiloktā api evameveti trayeṇa, iyatā cetanasya 
kartṛtvamiti prasādhya tasya api anīśvaratāyāṃ tat na nirvahatīti dvayeneti 
saṃkṣepaḥ; pratisūtraṃ tu prayatyate | evaṃ kriyāśaktimukhena 
pramātṛtā parameśvare prasādhitavyavahārā, kartṛrūpā tu tata eva 
anāyāsaghaṭiteti darśayati sūtreṇa

     eṣa cānantaśaktitvādevamābhāsayatyamūn |
     bhāvānicchāvaśādeṣā kriyā nirmātṛtāsya sā || 1 ||

     eṣa eva purāṇaḥ pramātā amūn bhāvānābhāsayati avicchedena | 
katham | īśituravyatirekeṇa avikalpā ca akramā ca yā nirūpitā icchā, 
tasyāḥ sāmarthyāt | kva asya te bhāvā

(page 185)

iti cet, āha anantaśaktitvāditi | anantā viśve bhāvā hi tasyaiva śaktayaḥ iti 
uktaṃ

     svāmina----------------------------------------------| (1|5|10)

ityatra | yaditthamābhāsanamicchāprāṇitametadeva bhagavataḥ karaṇaṃ 
nirmātṛtvaṃ sraṣṭṛtvamucyate,-iti sūtrārthaḥ | tamavatārayati idānīm 
ityādina | nirākariṣyan iti

     jaḍasya tu na sā-----------------------------| (2|4|2)

ityādinā prabandhena | nityasya iti parasya etatsaṃmatamiti bhāvaḥ | 
svamataṃ tu āha nāpi iti | tasya tu iti anena kramayaugapadye eva sta iti 
parasya bhramaṃ bhanakti | iyatā ca tatpratyuktaṃ yadāhuḥ-sṛṣṭyādau 
yadi nityamicchā, sahaiva sṛṣṭipralayau syātām; kādācitkatve tu asyā 
hetvantaraṃ vācyamityādi | eṣaṇīyoparāgabhedāśayena icchā iti 
bahuvacanapāṭho'pi aduṣṭa eva | nirābhāse niṣkrame ca bhagavati na 
kālayoga iti prācyameva smārayati kramāvabhāsana  ityādinā | 
īśvaro'pi iti kumbhakārādirapi evamiti apiśabdaḥ | tathāca vakṣyate 
saṃsāripramāturapīcchaiva ityādi | yataḥ iti idantābhāgoparāgopanatena 
vedyatvena sparśe bhavet kālayogo vikalparūpatāyām, natu sā 
vikalparūpā nirmātrī tadabhāve'pi deśopakramaṇādikāryodayāt 
tvaritadhāvanādau tatsadbhāve'pi tadveṣṭito bhavedekaḥ, dvitīyaśca 
apaveṣṭita iti uromaṇḍalādiprāyakaranartanāsampatteḥ | tatra hi 
pramātṛsaṃvedanasadbhāvo 
viśiṣṭasaṃrambhalakṣaṇo'pratihataprayatnatātmakaḥ-kṛtameva idaṃ 
mayeti niṣkampapratibhānalakṣaṇo na tasya kartavyasya 
saṃpannastvaritavācanādau saṃpanna iti sa eva anvayavyatirekābhyāṃ 
nirmāṇarūpo viśvasya | tadetadāha vācana ityādinā |

(page 186)

nanu tathābhūtapratibhāyoge vikalpo'pi kvacit nirmāṇāya 
vyāpriyamāṇo dṛṣṭo mantharagamanavācanādau | tat kathaṃ tasya 
akramatvam | atra ucyate yo'pi iti etacca

     ghaṭo'yamityadhyavasā-----------------------------------| (1|5|20)

ityatra uktam | vikalpasya ca nirmātṛtvaṃ māyīyapade, natu 
prakṛtāyāmīśvarasṛṣṭāvityāha īśvarasya ca iti | saiva iti 
icchāmātrarūpā | upapāditam iti kumbhakāracaitanyamīśvara eva | 
tanniyatimahimnā tu cakradaṇḍādivargapatita eva 
kulālakāryakāraṇatāvabhāsaḥ svapnasaṃkalpādivaditi hi asakṛt 
niveditam || 1 ||
     nanu bījādudbhavati aṅkure cetanānupraveśo naiva astīti cidrūpa 
eva viśvāvabhāsaka iti kimetat | atra uttaraṃ sūtreṇa

     jaḍasya tu na sā śaktiḥ sattā yadasataḥ sataḥ |
     kartṛkarmatvatattvaiva kāryakāraṇatā tataḥ || 2 ||

     aṅkurasya sato vā asato vā yat paridṛśyate sattvaṃ, tatra na bījasya 
śaktirna aṅkurasya | aṅkuro jāyate iti hi aṅkuravṛttānto'nyasya bījasya 
kathaṃ śaktiḥ, aṅkuraśca na kaścana tadā | tasmāt kriyāśaktyā 
bhāsyamānaṃ karmaiva kāryaṃ, bhāsayitā ca kartaiva kāraṇam | 
asadrūpasya sata iti vā arthaḥ | pūrvaṃ tu vārthagarbhīkāreṇa 
vyākhyānam-asato'ṅkurasya sato vā bījasyeti, yadivā 
sāṃkhyātānudeśaḥ prativarti padārthaṃ vāvataratīti yathāsambhavaṃ 
yojanā || 1 ||

     yadasattadasadyuktā, nāsataḥ satsvarūpatā |
     sato'pi na punaḥ sattālābhenārtho'thacocyate || 3 ||

(page 187)

     kāryakāraṇatā loke sāntarviparivartinaḥ |
     ubhayendriyavedyatvaṃ tasya kasyāpi śaktitaḥ || 4 ||

     sadvā asadvā kāryaṃ saṃbhāvyate dvyātmakam, 
anubhayarūpama-nirvācyamiti tu svavācaiva virudhyate | tatra yadi asattā 
ghaṭasya rūpaṃ, tarhi svarūpaviruddhāṃ sattāṃ 
kathaṅkāramaṅgīkurutāṃ pādapatanairapi rājoparodhairapivā nīlamiva 
pītatām | atha asya sattātmakaṃ rūpaṃ, tadayaṃ kimupayācatāṃ 
daṇḍādibhyaḥ | vyaktiviṣayatvasphuṭatvādayo'pi sadasattayā anuyojyāḥ | 
naca iyatā tūṣṇīmeva āsitumucitaṃ prāmāṇikasya | loke hi apratihatā----
-----prahataśca vyavahāraḥ | sa ca itthaṃ samarthyate-
kulālahṛdayāntarmanogocaratāpatterapi 
prācyāvasthāyāmantaḥsvasaṃvidi tādātmyena vicitratayā viśvasya 
bhedābhedamayyā parivartamānasya sphurato yadantaḥkaraṇaikavedyatvaṃ 
sukhāderantarbahiṣkaraṇadvayavedyatvaṃ ca ghaṭāderābhāsyate 
yadayameva sa loke kāryakāraṇabhāvaḥ | tasya kasyāpi iti 
asmadādyacintyaprabhāvasyetyarthaḥ | yathāhi darpaṇasvapnasaṃkalpeṣu 
kumbhakāranirmīyamāṇo'yaṃ ghaṭa ityābhāse'pi tattvato 
darpaṇādikasyaiva mahimā, tathaiva saṃvida eva ghaṭābhāse mahimā 
kumbhakāranirmīyamāṇatvābhimānābhāsanotthāpane'pi | evaṃ 
saṃvinmahimnā ghaṭe daṇḍacakrakulālakāyādau sati bhāsamāne anena 
idaṃ nirmitamiti bhāti | tatra ca jaḍo daṇḍādirna 
evaṃvidhābhimānabhājanamiti citsvabhāve kartṛtvaṃ vyavatiṣṭhate | 
ubhayendriyavedyatvena sphuṭamarthakriyākāryābhāsarūpaṃ lakṣitamiti 
sūtrārthaḥ | asaditi asannaṅkura iti na aṅkurasya anena svarūpaṃ 
kiṃciduktaṃ yat sattayā virudhyate | asataśca sattā nāma 
kāryatvamityanena aṅkurasya kaṃcit dharmaṃ 
pūrvamaṅgīkṛtavatastadviruddhadharmopagama uktaḥ | nanu yadi 
ubhayamapi idaṃ

(page 188)

vaikalpikaṃ, vāstavaṃ tarhi kim | āha vastutastu iti | anyathātvasya iti 
asattvasya | nanu tucchaṃ tat, sutarāṃ tarhi paryanuyojyaḥ sa ityāha 
tādavasthyāt iti tucchena atucchasya vapuṣo'tiraskārāt | nanu bīje sati 
aṅkuro'stīti aṅkurasya rūpamuktam, tataḥ padadvayamapāsya kathaṃ 
paryanuyoga iti parasya mohamapahanti naca iti antenetinā sambandhaḥ | iti 
yatparasya mataṃ tat, na kiṃ tat parasya matam | āha bīja ityādi 
prasaṅgapadāntam | pūrvam iti parāvasthā api upalakṣyate bīje sati eva 
aṅkuro'stītyanena bījānantaraikakṣaṇamātrasattāsvabhāvasya uktatvāt | 
nanu kasmādetat paramataṃ na aṅgīkriyate | āha yataḥ iti | yadyapica iti 
paramate | tathāpi iti asmanmate | vṛttiṃ vyācaṣṭe siddhā ityādinā | 
vṛttau satsvabhāvatāyā apūrvatvaṃ yadalabdhamasataḥ 
ityetatsannidhānāt, tena saha virodhaḥ siddhāyāḥ sattāyā vyākhyātaḥ | 
nanu evaṃ sūtre'pi virodha eva vaktavyo, na niṣprayojanatvam | 
satyamabhyupagamavādena tu sūtraṃ mā bhūdvirodhastathāpi 
nairarthakyamiti | ata eva sūtrānusāreṇa vyākhyāntaraṃ vṛtteḥ karoti 
yadvā iti | viruddhā iti pūrveṇa na abhisambandho'tra kartavya iti yāvat | 
tathāpi ca iti anucite dvaiguṇye sati apītyarthaḥ | nanu sā dvitīyā sattā 
pūrvasattāyā aviśiṣṭā, tat kathamasatkāryatā | tarhi tayā anyayā kim | 
etadāha pūrvasattāyāstu iti | dūra iti | satkāryavādo hi svadarśane 
śakyāvatāraṇastāvat | ata eva iti | etacca

     bhāvābhāvāvabhāsānāṃ bāhyatopādhiḥ---------------------| 
(1|8|5)

ityādyuddeśeṣu darśitameva | niyataikarūpatāvalambanena tu virodha 
upapāditaḥ |

(page 189)

indriyadvayavedyatā iti sphuṭaparipūrṇābhimatārthakriyākāryābhāsa-
teti yāvat || 3-4 ||

     amunā vicāreṇa prakṛtamapi siddhamiti darśayati

          evamekā kriyā saiṣā sakramāntarbahiḥsthitiḥ |
          ekasyaivobhayākārasahiṣṇorupapāditā || 5 ||

     saiṣeti yā svarūpata āśrayataśca ciramupalabdhā paraiḥ, sā 
adhunā vijayate sāmrājyena | tathāhi saṃvidrūpādāntarātprabhṛti 
bahiṣkaraṇaviṣayatvāpattiparyantāyāṃ sthitau 
sakramatvamucitamekāśrayatādātmyācca ekatvamasyāḥ | ekaśca 
asāvāśrayaḥ saṃvidrūpo bhagavān svacchandatvasvacchatvābhyāṃ 
sahate eva ubhayamantarbahīrūpam | ekasya iti kartuḥ karmaṇaśca | 
kartṛsthakarmasthatvena hi prasiddhā kriyā, karmaṇo'pi 
antarbahirubhayākārasahatvaṃ parāmarśābhedāt | anyakartṛka iti 
pūrvameva asmābhiretat vyākhyātam, tato na punarlikhitam | 
arthasaṃvedanasya iti jñānarūpasya | svasaṃvedane tu iti pramātṛrūpe | 
nanu sukhādinirmāṇe'ntaravasthaiva asti, na bahiravasthā; tat 
kramikatvamasya kutaḥ | tatrāpi tu antarbahīrūpatā astyeva, viparyastā tu 
paramiti nirūpayati sukhādīnām iti | ādipadāt 
vaikalpikaghaṭādīnāmayameva vidhiḥ | prāk iti | etacca pūrvamuktaṃ 
śabdādīnāmeva sukhāditeti upapādayatā pañcabrahmanyāse'pi hi 
ityatra | śabdādyanapekṣatāyāmapi sakramatvamupapādayati sukhādi vā 
iti | atraiva svadarśanasiddhaṃ dṛṣṭāntamāha yathā iti | kariṣyate iti 
āgamādhikāraprārambhe | nahi sukhasya iṣyamāṇatāyāṃ ya eva 
ābhāsaḥ, sa eva lābhe lābhānupayogāpatteriti yāvat | tadbhedāt iti 
ābhāsabhedādekasyaiva karmaṇaḥ | aneka iti 
ābhāsabhedayoge'pītyarthaḥ |

(page 190)

sarvaiva tāvatkriyā kartṛsthā, kācittu karmaṇyapi; viśeṣadarśanātiśayāt 
karmasthā ucyate | sādhāraṇyena vyapadeśā bhavanti iti tadyathā pākaḥ | 
tathāca karmabhedāt tasya bhedovakṣyate, natu gamanasya karmaṇi 
viśeṣānādhānāt kartṛsthasya | nirmāṇakriyā tu karmaṇi 
viśeṣamādadhānā api karmaṇo'pi prakāśamānasya 
saṃvidātmakapramātṛsāratvāt tulyakakṣyatayaiva kartṛsthā karmasthā ca 
uktā | pākakriyāyāḥ iti ekanarapatimahānasagatāyāḥ | nanu 
bhinnāścetkriyāḥ, kathamekaśabdābhidheyā ityāśaṅkya āha kevalam 
iti | ata eva uktaṃ na tiṅantānyekaśeṣaṃ prayojayanti iti | nanu 
āśrayaikyenaiva kimasyāḥ samarthitena, svarūpata eva iyamekā astu | āha 
kriyāyā hi iti | nanu karmalakṣaṇāśrayaikyādekatve kriyāyāḥ 
kartraikyaṃ kimiti kāryabhāre samabhiṣicyate yena tasya kasyāpi iti 
kartṛsvarūpanirūpaṇaprasaṅgena idamuktamekānekā kriyeti | atra ucyate 
karmaṇo'pi hi iti parāmarśabalāt hi karmaṇa eva aikyamuktaṃ 
kriyāpūrvāparabhāgayogena bhinnābhāsasya api | parāmarśaśca 
kartureva anuvyavasāyayogena bhinnānāmābhāsānāmanusandhāna-
lakṣaṇa iti kartaiva bhagavān pradhānatvena uktaḥ || 5 ||

     nanu acetane bīje kriyāśūnyatayā śuṣkaiva kāraṇatā yuktā 
netyāha

     bahistasyaiva tat kāryaṃ yadantaryadapekṣayā |
     pramātrapekṣayā coktā dvayī bāhyāntarasthitiḥ || 6 ||

     bāhyatābhāsanameva nirmāṇam | yacca vastu yamapekṣya 
bahiṣkaraṇīyamucyate, tat vastu tasyaiva kāryam; pramātāraṃ ca apekṣya 
bāhyāntārūpateti bījādernaiva  kāraṇatā jaḍasya | tathāhi vaśanaṃ

(page 191)

samarthayitṛtvaṃ prabhāvo balaṃ svātantryamitīdamicchārūpaṃ 
citsaṃbandhi eva | tattu niyatiśaktipuraḥsarīkṛte śarīrakalpe iva cidrūpasya 
jaḍe bījādāvaupacārikaṃ tadvaśāt tatsāmarthyādityādi vyavahriyate, 
natu jaḍasya vaśādi kiṃcit | kalpyamānāpivā naikā bhavediti sambandhaḥ 
| apitu tattaddeśādijātatetyevaṃrūpaiva bhavediti yāvat | 
kalpanāmākārato darśayati bījam ityādinā | evakāraṃ sautraṃ 
vyākartuṃ pūrvapakṣayati evamapi iti | atra uttaram etat iti 
bāhyatāyāmapi āntaratvamatruṭitamiti niyamagrahaṇam | naca 
bījāpekṣayā āntaratvaṃ saṃbhāvanīyamityāśayena āha 
cidrūpamapekṣya iti cidrūpābhedasaṃkrāntatayaiva tu 
bījāntargamanamapi sahyamiheti āśayaḥ | kulālādereva iti ciraguṇitāt 
jaḍakāraṇavādāt nivartita iyat tāvatparo'vabudhyatāmityeva yuktam | 
kulālasyāpitu parameśvarasaṃvedane eva viśrāntiriti tattvam || 6 ||

     kāryaṃ cet na jaḍasya, tataḥ kāraṇaṃ na jaḍe iti siddhaṃ saṃvida 
eva kāraṇatvam; tacca kriyātmakameveti sūtraṃ

     mātaiva kāraṇaṃ tena sa cābhāsadvayasthitau |
     kāryasya sthita evaikastadekasya kriyoditā || 7 ||

     ābhāsadvayaṃ bāhyāntaratayā | arthatayā iti 
pūrvānubhūtabāhyarūpaparāmarśaikyeneti yāvat | tena pūrvānubhava 
eva atra prathamābhogamātram | yathoktaṃ prāk sukhādīnāṃ 
bahirābhāsapūrvottarābhāsa iti | yadivā arthatayeti sphuṭarūpayā 
pramātṛbhāgāt pṛthaktvena | yathoktaṃ

     vikalpe yo'yamullekha---------------------------------| (1|8|8)

ityādi | tadāca bahiścikīrṣāmātraṃ prathamābhogaḥ | etacca 
sukhādāvapi yojyam || 7 ||

(page 192)

etadeva draḍhayati

     ata evāṅkure'pīṣṭo nimittaṃ parameśvaraḥ |
     tadanyasyāpi bījāderhetutā nopapadyate || 8 ||

     satyapi īśvare kāraṇe tato'nyasya api īśvarādatiriktasya jaḍasya 
yā hetutā tairupagatā, sā na saṃbhavati aprekṣāpūrvakāriṇa iti | 
sanniveśo hi nāma sajātīyavijātīyatāvibhāgotthāpako 
ghaṭaśarāvakuṇḍādau mṛdupādānasaṃbhāvī 
saṃbhūyaniviṣṭatārūpaścidrūpakārya iti ekavāramavalokite sarvatra 
sanniveśena tathaiva bhāvyamiti ekānta eva ayam | yattu ucyate-
tadadarśane'pi tatkṛtatvapratipattirityādi tat 
svadṛṣṭipakṣapātavyāmohavyāhṛtaṃ dhūme'pi samānatvādasyeti 
alamavāntareṇa | etat hi granthakāreṇaiva vitānitamīśvarasiddhau, ihatu eṣa 
paramārthaḥ-īśvara eva niyatiśaktiṃ nijāmanurundhāno 
bījabhūmijalābhāsapuraḥsarīkāreṇa aṅkurātmānaṃ svacche 
svaprakāśe nirbhāsayatīti || 8 ||

     sarvatra cetanena vinā na jaḍasya kāraṇatā, cetanaśca kartā īśvara 
eva paryavasyatīti sūtreṇa āha

     tathāhi kumbhakāro'sāvaiśvaryaiva vyavasthayā |
     tattanmṛdādisaṃskārakrameṇa janayed ghaṭam || 9 ||

     kubheti nidarśanaṃ vyāptighaṭanāya | cetanamantareṇa cet 
jaḍānāmeva pūrvottararūpatāmātraṃ kāryakāraṇabhāvaḥ, 
śivikastūpakādāvapi kiṃ kumbhakāreṇa; tataśca upasarpaṇapratyayo'pi 
cetano na kvacidapekṣyeta | so'pi hi deśāt deśāntaraniyamanāya 
vyāpriyate | tadevaca sanniveśa ucyate | tataśca ayaṃ prayogaḥ-
yadacetanaṃ kāryakṛt, tat cetanāpekṣaṃ mṛdādi iva, tathāca bījādīti 
svabhāvaḥ | kādācitkaṃ hi jaḍasya kāryakāritvaṃ, na animittaṃ, na 
anyanimittamiti

(page 193)

vyāptisiddhiḥ | tataśca kumbhakṛdeva tatra īśvaro yatastaṃ taṃ 
mardanapraguṇīkaraṇaparivartanādikaṃ mṛddaṇḍacakrādikasya 
saṃskāraṃ kurvaṃstatkrameṇa śivikastūpakādinā ghaṭaṃ janayatīti 
niyoga eṣaḥ | īśvara evaca tathā niyatiśaktisvīkṛtatāthārūpyābhāsaḥ 
kumbhakṛdvā kuvindo vā,-iti sarvatra sa eva kartā, anyathā kumbhakṛtaḥ 
icchāṃ mṛddaṇḍādayaḥ kathamanuvarteran, tantavo'pivā paṭakaraṇāya 
kiṃ na anuvarteran | kumbhakṛtastu yaḥ kartṛtvābhimāno niyato 
dharmādharmādisthitiḥ, so'pi īśvaravyavasthayaiva 
spaṣṭābhimānotthāpikayā pratibhuva iva adhamarṇabhāva iti sarvatra 
bhagavāneva karteti sūtrārthaḥ | cetanasannidhimantareṇa kāryānutpāda 
ityāśayena yadi īśvaraḥ kartā iṣyate, bījādāvasti evam; ghaṭādau tu 
kulālāderbuddhimataḥ sannidhirastyeva, tat kathaṃ sarvatra īśvaraḥ karteti 
yo mohastannivāraṇatātparyeṇa sūtramavatārayati buddhimat iti | 
udāhṛtām iti tathāhi iti nidarśanopakrameṇa uktāmityarthaḥ | vivṛṇoti 
iti sakalena vṛttivākyena ekadeśasūciteneti mantavyam | buddhimati sthite 
viśeṣo vācya ityanena āśayena vākyasya bhāgadeśe'bhiprāyaṃ 
vyācaṣṭe anena hi iti kumbhakārarūpābhidhāyinā ekadeśena | nanu 
evaṃ sati buddhimati kimanyadīśvararūpāt viśeṣāntarādapekṣyamiti 
bhramaṃ dhvaṃsayati buddhimānapi iti | saṃskāra iti mandarādike sa 
kumbhakāra upayujyate | nanu saṃskṛtāt mṛdāderghaṭa utpadyate, 
kimīśvaratāviśeṣeṇa | atra api āha saṃskāro'pica iti | saṃskṛte'pi iti 
saṃskṛtatvena iṣyamāṇe mṛdādau sannapi kumbhakāro na 
anusandhātṛtvaṃ cetanadharmatāṃ mṛdāderādhātuṃ samarthaḥ | naca 
acetanasya 
kāraṇatvamantarbahirābhāsakramaparāmarśaparamārthakartṛtva 
sāramucitamiti

(page 194)

citamiti uktaṃ punarapi iti aṅgīkṛte'pi kṛmbhakṛtītyarthaḥ | anupayogitve 
pūrvoktameva prameyaṃ saṃkṣepoktyā hetūkaroti saṃskāre'pi iti so'pi 
ca na saṃbhavatīti apiḥ | tataśca iti yadi cetaḥparisphuraṇamātreṇa 
kuryādityarthaḥ | saṃskāro'pi abhyupagamavādena aṅgīkṛtaḥ, so'pitu na 
upapadyate ityāha naca iti | tadicchayaiva yadi saṃskārastarhi 
asāvākāśameva svecchayā saṃskṛtya saṃkalpitaṃ viśvamutthāpayet | 
nanu bhavatu ayamasatkāryavādinaṃ prati upālambhaḥ, satkāryavādimate 
tu kiñcideva kvacitkāraṇamasti; na sarvaṃ sarvatra, tataśca cetanamapekṣya 
sahakārimātraṃ vā ciñcideva kutaścidutpatsyate, kimīśvararūpatayā 
atra kṛtyam | tadapi na sahate naca iti | nahi cidrūpatā bījasya kadācit yena 
tattadantarvartitā aṅkurasya bhavet | vakṣyate iti atraiva vimarśe | 
parapakṣaṃ sadoṣīkṛtya svapakṣamupasaṃharati tat iti tasmādubhayasya 
api cetanācetanarūpasya upayogo yaḥ, sa īśvarecchayeti sambandhaḥ || 9 ||

     cetanasya svātantryaṃ dṛṣṭameva kāryakāraṇe iti prasiddhena 
dṛṣṭāntena āha

     yogināmapi mṛdbīje vinaivecchāvaśena tat |
     ghaṭādi jāyate tattatsthirasvārthakriyākaram || 10 ||

     mṛdbīje vināpīti sambandhaḥ, vyaktipradhānatayā kāraṇatvāt 
jātiparatā ucitā atra, na ekavadbhāvaḥ | ubhayopādānaṃ lokaprasiddhaṃ 
jaḍaikahetukaṃ cetanāpekṣaṃ ca ubhayamapi kāryaṃ nidarśayitum | nanu 
tatra ghaṭāṅkurādau śabdasāmyamātraṃ, vastutastu anyadeva taditi 
paramohavyapohanahetuṃ viśeṣaṇamāha tattatsthira ityādi | tattaditi 
vicitrarūpam | sthiraṃ ca arthakriyākaraṃ

(page 195)

ceti yojanā vṛttikṛtā kṛtā | tāṃ tāṃ vividhākārāṃ sthirāmarthakri-
yāntarānubandhinīṃ svāmarthakriyāṃ hetutacchīlānulomatvayogena 
karotīti samāse'pi na kaścit doṣaḥ | yogīcchāpi na upādānaṃ vinā 
kāryaṃ kuryāditi paramatamanuvadati niṣeddhuṃ na caitat iti anūdya 
yataḥ iti niṣedhahetuṃ vakṣyamāṇamupakṣipya tatprāṇitopayogi 
paramataṃ satattvamanuvadati yasmāt iti svopādānarūpāt | sajātīyam iti 
jñānaṃ jñānasya | yattirodhāna iti bījamaṅkurasya | etacca 
yathāyogaṃ samastavyastatayā upādānalakṣaṇaṃ pareṣāṃ matam | 
ādigrahaṇādālambanaṃ heturadhipatirityādeḥ paroktasya bhedasya 
saṃgrahaḥ | yadāhuḥ

     sato'nye kāraṇaṃ hetuḥ---------------------|

ityādi | paramataṃ satattvamanūdya yataḥ iti yo 
niṣedhaheturūpakṣiptastaṃ darśayati aṅkurasya ityādinā | manāgapi 
deśakālākārasahāyādi-viśeṣavyāptaprasiddhalokasthityullaṅghanaṃ cet 
sahyate, kimupādānapari-grahadainyena yoginaḥ; atha na sahyate, 
kumbhakārabheda eva yogī bhavediti tātparyam | teṣām iti yoginām | etacca 
pūrvottarayoryojyam | sūkṣma iti etadabhyupagamamātramatra | tadānīṃhi 
paramāṇupradhānādidarśanamanupakārameva | tadapica 
prasiddhahetukameva upapādyate, naca pradhānasya asaṃvedyaparvatvena 
paramāṇvāderapi netrādyagocaratvena prasiddhasya 
sākṣātkāraheturlokasiddho'sti,-iti | nanu sūkṣmadarśitvameva 
yogitvamastu, na adhikam | atra āha sarva eva iti abhīṣṭakartṛtāparyantaḥ | 
siddhānām iti yogiviśeṣaṇaṃ saṃprāptaghaṭamānādīnāṃ 
vyavacchedāya | kramonmiṣatprabhāvātiśayā hi yogino'tra 
bhuvisamastaniyatyullaṅghanenaiva abhīṣṭāpādanāpratihataprabhāvāḥ | 
yataḥ

(page 196)

kutaścit kāraṇakāraṇāt vyavahitādapīti yāvat | atha iti tasyāṃ 
daśāyāṃ tadeva kāraṇam, natu tadā vyavahitakāraṇaṃ taditibhāvaḥ | 
asataḥ iti śūnyādeva, asato vā kāryasya | kādācitkatvaniyamo hi 
ahetukasya svayaṃniḥsvabhāvasya kutaḥ | sahakārī iti dikkālākāśādeḥ 
| atha tatra vyatireko na upalabhyate nityasya avyatirekatvāditinyāyena, tarhi 
yogīcchaiva upādānamastu; yoginirmāṇamapica kuvindakṛtivat 
māyākṛtā-bhimānamātrasārameva vastutastadapi īśvaranirmāṇameva 
yataḥ | etatprameyaṃ prakṛte yojayati dṛṣṭāntatvena tadeva yathā iti | 
lokaprasiddhamapi dṛṣṭāntamupādānaniyamābhāve brūte keśādikaṃ 
ca iti tatparāmarśayogācca na vastvantaram | pareṇāpica kvacit deśe 
kānicit dravyāṇītyādiṣu viniścayādipradeśeṣu 
kṣetrakālasaṃskārādibhedā-dekāmāmalakādijātimavyatikrāmata eva 
bhāvajātasya rasavīryādinā urarīkṛtameva bahuprakāraṃ vaicitryaṃ 
kathañciditi hlādatāpādanena arthakriyākāritvaṃ tu bhavatyeveti āśayaḥ 
| tato'pi iti dṛṣṭāntāt | tatra hi prasiddhanijakāraṇānādareṇaiva 
sraṣṭṛtvamīśvarasya || 10 ||

     nanu adhunā vidhūtaṃ dhairyamanumānasya | tathāhi anyasya 
kalpitasya akalpitasya ca anyatra niyame nidānaṃ 
tādātmyatadutpattilakṣaṇamakṣuṇṇamālakṣyate | nahi niḥsvabhāvo 
bhāvaḥ, nāpi bhinnasvabhāvaḥ paryāyaśaḥ, ekaikatyāge hi 
niḥsvabhāvataiva | evamahetukatve bhinnahetukatve ca vācyam | 
ubhayamapica etat kāraṇaniyamādeva śiṃśapāyā vṛkṣasvabhāvabhāja 
eva kāraṇādutpatterhutabhugviśeṣasya ca dhūmajananasvabhāvabhājaḥ | 
vyākhyātanītimārgeṇa tu samastanītiviplavaḥ | yogīcchayā hi śiṃśapā 
api avṛkṣasvabhāvā

(page 197)

bhavet, kāryahetau tu dviguṇo'sau dhūmo'pi anagnijaḥ, agniviśeṣo'pi 
adhūmakṛditi kathaṃ laulikamanumānaṃ syāditi | satyamevam, itthaṃtu 
etat ghaṭate iti sūtraṃ

     yoginirmāṇatābhāve pramāṇāntaraniścite |
     kāryaṃ hetuḥ svabhāvo vāta evotpattimūlajaḥ || 11 ||

     yat kathitamapratihatā yogīccheti, ata eva hetoryoginirmāṇatābhāve 
iti viśeṣaṇaṃ pramāṇāntareṇa yadi niścitaṃ bhavati, tadā kāryahetuḥ 
svabhāvahetuśca kāraṇe svabhāve ca anumātavye heturbhavati, na anyathā 
| nanu svabhāvahetau kimetat dainyam | nahi tatra kāraṇatāniyamāniyamā-
bhyāṃ kiṃcit | kathaṃ na kiṃcit, yāvatā svabhāvo'pi 
svabhāvāntaraniyato yo jātastatra utpattireva kāryakāraṇabhāvātmikā 
mūlam | tathāhi

     ekasāmagryadhīnasya------------------------|

itinyāyena yato hetoḥ śiṃśapā api ajani nijāt, tata eva 
avṛkṣatvavyāvṛttā asau jāteti | nanu viśeṣaṇagrāhi kiṃ tatra pramāṇam | 
uktameva paraiḥ

     yauktikaṃ mānasaṃ vā pratyakṣaṃ lokaprasiddhirāgamaḥ 
pratibhāviśeṣo'nantajanmābhyāsamūlastatkālaghaṭito vārthāpattirvā |
iti kimasmākamanena saṃvyavahāropayoginā prakṛtānuparodhāt | 
īśvaraḥ svaprakāśo viśvātmeti hi ko'sya prameyasya 
khaṇḍanāvakāśo'numāna-daurbalye ityāheti sūtrārthāvatāraṇam | 
upapādita ityādikam ata eva ityasya sūtrāṃśasya vyākhyānam | na 
etatprakṛtaṃ prameyamasmākamiti prasaṅgapadam | pratyeti ityādinā 
svārthaparārthabhedo'numānasya darśitaḥ | iha dvividhaḥ svabhāvahetuḥ 
sphuṭagarbhitakāryakāraṇabhāvo viparīto vā | tatra ādyamudāharati

(page 198)

agnimān iti | dhūmavato hi agnimattvaṃ svabhāva evaṃ bhavet yadi 
dhūmo'gnereva siddhyet | dvitīyamudāharati śiṃśapātvādi iti | 
bauddhānām iti kāṇādādayastu bhinne ete sāmānye kathayanto na 
svabhāvatāmanumanyante | sādhyasya iti sādhyaṃ yat vṛkṣatvaṃ, tasya 
yā śiṃśapāmātraṃ prati anubandhitā tatsadbhāve sadbhāva 
evetyevaṃrūpā, sā kāryakāraṇabhāvenaiva upapādyate | kasmādevamiti 
cet, āha nahi iti | kāraṇaṃ hi kārye'nubandhi 
kāryasannidhāvavaśyaṃbhāvisannidhānaṃ yuktam | nanu yathā 
kāryahetau dhūmasya agniḥ kāraṇam, tathā kiṃ śiṃśapātvasya 
vṛkṣatvaṃ kāraṇam | vṛkṣatvātmakamevahi śiṃśapātvam, tataśca 
svabhāvahetāvanyatvameva nāstīti kathamuktamanyadatreti | atra āha 
ananyatva iti | yadi tadātmakameva tat, tadavaśyaṃ śiṃśapātvasiddhau 
tadapi siddhameva bhavet | yatkila yatsiddhau na siddhaṃ, tat cet tena tadātma; 
tarhi viśvaṃ viśvena tathā syāt | tasmāt na siddhaṃ cet, tat 
tadavaśyamanyat | anyasya ca tanmātrānubandhitvamanyatra na yuktamṛte 
kāryakāraṇābhyāmiti sthitametat | nanu anyadanyatra na svarūpadvāreṇa 
anubaddhamucyate yadi kāryakāraṇabhāva āpātyeta, apitu pratītidvāreṇa | 
yataḥ śiṃśapātvapratītau vṛkṣatvaṃ pratīyate, tataḥ 
śiṃśapātvamātrānubadhi taducyate | etat dūṣayati naca iti | śiṃśapātve 
hi pratipanne vṛkṣatvaṃ pratipitsurevaṃ paryanuyojyaḥ-kimiti anyasmin 
pratipanne'nyaḥ pratyetumārabdhaḥ | sa cedāha-nanu 
vṛkṣatvapratipattiravaśyaṃ tatpratipattari bhavatīti, tadamunā praśna eva 
uttarīkṛtaḥ syāt | atha vastusvabhāva eva ayamaparyanuyojyaḥ iti uttarasya 
tattvam, tadā itthaṃ paryanuyojyam-nanu nālikeradvīpanivāsī api kathaṃ 
tathā na pratīyāt, 

(page 199)

nahi vastusvabhāvaḥ pakṣapātena uttiṣṭhati-iti | nanu tena 
tanmātrānubandhitvamasya na viditam | nanu kasmāt na viditam | 
pratītidvārakaṃ hi tat, pratītiśca vastusvabhāvata eveti uktam | kathaṃca 
anyasya anyatra pratītihetutvaṃ pratibandhamantareṇa vastusvabhāvo bhavet | 
bhavati cet, kimanumānena | etadāha vaiphalyāt ityantena | nanu yadā ayaṃ 
pronnatāṃ śiṃśapāṃ śākhādimatīṃ pratipanno vṛkṣarūpāmapi, 
tadā tanmātrānubandhipratītikatvaṃ vṛkṣatvasya kālāntare vāmanāṃ 
śiṃśapāṃ paśyan pronnatatvamapaśyan vyāmohāt vṛkṣatvamatra 
anavabudhyamānaḥ svayaṃ vā paraprasādāt vā prabuddho vṛkṣatvaṃ 
tanmātrānubandhipratītikatvena anusarati, tadanusaraṇena 
vyavahitavṛkṣatvāvabodho'numānamucyate | etadapi āśaṅkya nirasyati 
atha iti pronnatāyāmapi śiṃśapāyāṃ kathamayaṃ vṛkṣatvaṃ pratīyāt 
| tatsvabhāvatvāditi cet, pakṣe'pi tatsvabhāvatvādeva pratīyāditi 
vyāhanyeta anumānam | nahi sapakṣe 
dṛṣṭānte'numānasaṃbhavo'navasthāpātāt | tadetadāha sapakṣa iva iti 
evaṃ tanmātrānubandhipratītitvādanyadanyatra tanmātrānubandhi 
bhavatīti dūṣitamaṅgīkṛtya api pratītidvāreṇa tanmātrānubandhe 
dūṣaṇāntaramāha pratītyanubandho'pi iti | anyadanyatra niyamena 
pratītiṃ karotīti hi pratītyanubandha ucyate | tatra eṣa niyamaḥ kathaṃ 
pratibandhamantareṇa | nanu sati eva pratibandhe pratītyanubandho bhaviṣyati, 
ko doṣaḥ | āha anumeyatāmātraṃ ca iti | tanmātrānubandhī 
pratītidvāreṇeti ko'rthaḥ, hetunā anumātavya iti yāvat | etacca rūpaṃ 
kāryahetvanumeyasya api astīti

     tadbhāvamātrānvayiniḥsvabhāvo heturātmanā |
iti

(page 200)

     hetuḥ svabhāvo bhāve vā bhāvamātrānubandhini |

iti ca svabhāvahetoreva yo viṣayadvāreṇa viśeṣa ucyate, sa na syāt | 
tasmādābhāsapṛthaktayā tathaiva vastutvāt 
vṛkṣatvaśiṃśapātvayoranyatvameva paramārthataḥ, 
parameśvaraniyatiśaktyapekṣeṇa tu kāraṇena śiṃśapābhāso 
vṛkṣatvābhāsena saha militaḥ sṛṣṭa iti yat pūrvamuktaṃ

     pṛthagdīpa-----------------------------| (2|3|7)

ityatra, tadavalambanena svabhāvaheturucyatāṃ nāmeti iyato granthasya 
āśayaḥ | nanu sarvo'yamanumānānumeyavyavahāro buddhyārūḍhena 
dharmadharminyāyeneti uktam, tataśca yadyapi svalakṣaṇamanaṃśaṃ, 
tathāpi

     yāvanto'rthasamāropā-----------------------| (pā. vā. 1|51)

ityanena nyāyena aśiṃśapātvāt yā vyāvṛttiryā ca avṛkṣatvāt 
tayorvyāvṛttimūlatayā vyāvṛttasya ca aikyāt tādātmyamucyate, 
kālpanikastu bheda iti ko doṣaḥ | etat na kṣamate kālpaniko'pi iti | iha 
vyāvṛttī yadi vastu, yadi avastu, tayostarhi kathaṃ parasparaṃ vyāvṛttena 
vā saha tādātmyaṃ bhevet ghaṭapaṭavat 
śaśaśṛṅgakharaśṛṅgaśakaṭavacceti; bhedo'pica nānātvalakṣaṇaḥ 
kathamavastunorvyāvṛttyośca yayorgamyagamakatā tayoreva tādātmyaṃ 
vaktavyaṃ tadutpattivat, natu vastvantareṇa saha tayoḥ | nahi 
ghaṭapaṭayorvastvantareṇa saha kāryakāraṇabhāvo'stīti kṛtvā 
gamyagamakabhāvo yuktaḥ | ataḥ kalpanayā yadekameva viśvasitaṃ vastu, 
tasya bhedābhāvāt na gamyagamakatā | atha sā kalpanā vastuni na 
paryavasāyyate, vyavasāyabalena tadā vastunaḥ siddhiḥ; avastu ca na 
kiñciditi vastuno na siddhirna kācana asiddhiriti uktaṃ syāt | 
etatsvavacanenaiva paraṃ bodhayati vastunaḥ iti | iyattu svabhāvahetuṃ prati 
yadasmābhiruktaṃ prameyaṃ, tatparairapi anakṣaramupagatameveti

(page 201)

darśayati ata eva iti uktāt prameyāt | ayaṃ hi svabhāvahetuḥ pareṣāṃ 
saṃmataḥ | tatra gotvameva sādhyaṃ yuktaṃ yat svabhāvo heturnatu 
vyavahāraḥ | sa hi asvabhāvabhūto'nyatvāt | vyavahāraviṣayatā nāma 
svabhāva iti cet, etat vikalpitaṃ naca upapadyate | tasmāt vyavahāraḥ 
sādhyate itivadatāṃ svabhāvasya siddhatve tatsvabhāvabhittau 
vastvantarameva sādhyaṃ, natu svabhāva eveti hṛdaye parisphuritameva | 
nanu kāryahetāvapi sarvatra vyāvṛttyoreva viśiṣṭayorgamyagamakabhāvo 
dhūmadhūmadhvajādāviva, tatko'yaṃ svabhāvahetau 
dūṣaṇasaṃrambhaḥ | atra āha vyāvṛtti iti anagnivyāvṛttimukhena bāhya 
eva vahniḥ siddha iti adhyavasāyaḥ | yadāha

     prāmāṇyaṃ vastuviṣayam------------------|

iti | svabhāvahetau tu kiṃ siddhamanumāneneti na vidmaḥ | na vastu tasya 
sādhanādhyavasāyenaiva adhyavasāyāt, na vyāvṛttistasyā avastutvāt | 
evaṃ paramataṃ dūṣayitvā svamatameva paramabhyupagamayati tadevam 
iti | kalpanāviṣayo'pi iti vikalpasya na nirviṣayatvameṣitavyam | tataśca 
ābhāsau dvau vikalpitau, tau bhinnāveva; ekasvalakṣaṇatāpannau tu 
kathitanayena | tatra ca niyatyupajīvī kāryakāraṇabhāva eva mūlamiti 
ābhāsanikurumbātmakasvalakṣaṇavādena svamatena svabhāvahetuḥ 
samarthitaḥ | adhunā niraṃśasvalakṣaṇavāde'pi abhyupagamavādena 
aṅgīkṛte svabhāvahetāvavaśyaṃ kāryakāraṇabhāva upajīvitavya 
ityasya prameyasya atidārḍhyaṃ nirūpayati tathāsvabhāvatvāt iti 
bhinnamapi anye kathayanti | ekamapi bhedayanti, tameva 
bheditamadhyavasāyena ekayanti hi vikalpānāṃ svabhāvāḥ | 
tatastathāvidhavikalpādhyavasāyabalena gamyagamakabhāvaśca 
tādātmyaṃ ca bhaviṣyati 
sarvavyavahārāṇāmadhyavasāyamukhaprekṣitvāt |

(page 202)

atrāpi ucyate tathāpi iti | bhinna iva iti adhyavasāyabalena śakyabhedane iti 
yāvat | iyatā gamyagamakabhāva uktaḥ | niraṃśameva iti 
svabhāvahetutva-muktam | etat parakīyamanūdya svābhimataṃ 
tadutpattimūlametatprameya-pṛṣṭhe yojayati tathāca iti | svoktimeva 
sphuṭayati hetuḥ ityādinā | svabhāvahetau samavyāptike 
tanmātrānubandhavaicitryaṃ nāsti, viṣamavyāptike tu astītyāśayena āha 
natu iti | hetoḥ iti janakasya hetoryā kṛtakaṃ prati kāraṇatā, saiva 
kṣaṇikatvaṃ tatra niveśayati | śiṃśapābī-jasya viśiṣṭasya yā 
śiṃśapāṃ prati bījatā śiṃśapākāraṇatā, saiva vṛkṣatvaṃ tatra 
niveśayatīti gamakaṃ svabhāvaṃ prati gamyasya tanmātrānubandhitvaṃ 
siddhaṃ bhavatīti yatkāryahetvanumeye nāsti | nahi dhūmakāraṇameva 
agniṃ sādhyaṃ niveśayatīti | dhūmakāraṇatā hi agnereva, 
agnilakṣaṇakāraṇabalādevaca śikhariṇo dhūmavattvam, natu tata eva 
agnimattvam; taddhi indhanādihetvantarabalāditi na atra tanmātrānubandhaḥ 
| tadyadeva tadeva tadavaśyamevetyevaṃbhūto hi tanmātrānubandho 
vivakṣita ācāryasya, natu tasminsati so'pīti kathaṃ kāryahetau 
tādātmyamūlatvaṃ syāditi | tena yat bhaṭṭena pratibandhasiddhau 
svabhāvapratibandhasya pradhānatvaṃ samarthitaṃ, na tat 
nyāyamanuyātīti darśitaṃ | ataśca tanmātrānusāreṇa yo brūte 
dhūmavato'gnimattvamasādhāraṇa ātmabhūtaḥ svabhāvo lakṣaṇamiti, 
sa pratyukto veditavyaḥ | tāntrikahetulakṣaṇasamarthanāya 
prayogabalāvabhāsitasāmānādhikaraṇyādhyavasāyavaśādayaṃ 
svabhāvatvābhimāno, natu vāstavamatra svabhāvatvam | tathāhi vastuto 
dhūme dṛṣṭe agniḥ pratīyate | naca dhūmasya agnirlakṣaṇam | agnijanyatā 
lakṣaṇamiti cedastu tāvadevamagnestu

(page 203)

iyatā kā lakṣaṇatā | naca agnijanyatā anumeyā, apitu agnireva 
śītāpanoda-pākādyarthināṃ paramārthato'numeyaḥ | 
tadarthitāpūraṇaṃ hi na dhūmasvabhāvādagnijanyāt, apitu agneḥ naca 
dhūmavato'gnimattvaṃ lakṣaṇamiti yuktam | dhūmavāniti hi kimucyate, 
dhūmaḥ parvataśceti hi saugatamate, kāṇāde tu 
saṃyogasamavāyādṛṣṭādikamadhikam | evamagnimattvamiti cintyam | tadā 
anayorubhayoḥ pakṣayorbhāgaśo dviśaḥ triśaḥ sarvaśaśca 
vikalpyamānaṃ svabhāvatvaṃ kathaṃ saṃgaccheta anyasya anyaṃ prati 
svabhāvatvābhāvāt | samavāyaikatayā pāryantikyā tathābhimāne na 
kiṃcit kasyacit svabhāvo bhavet | lakṣaṇaṃ ca svabhāva eva ucyate yo 
vijātīyebhyo vyāvṛttimasya jñāpayati lakṣyate'neneti kṛtvā, natu 
utpattyupayogini lakṣaṇavyavahāraḥ; tathātve vā nimittameva lakṣaṇamiti 
parakīyaṃ tanmātranimittatvaṃ dūṣayitvā yat 
tanmātralakṣaṇatvamaṅgīkriyate, tena kimadhikaṃ kṛtaṃ syāt paryāyeṇa 
abhidhāne vastuni abhedāt | naca svabhāvamātrasya api lakṣaṇatā, apitu 
jñāpakasya | jñāpakaśca pramāṇasāmagrīmadhyaniveśī yukto, na 
prameyaḥ | tataśca

     jñāpyasya lakṣaṇaṃ ca-----------------------|

iti duradhigatadharmottaramatānusāreṇa yaducyate, tadasadeva | tathāhi 
pratyakṣasya jñānaviśeṣasya jñānāntarādanumānāderyat 
vyāvṛttarūpajñāpakaṃ lakṣaṇaṃ nirvikalpābhramarūpam, tatra 
vipratipattinirākaraṇāya ucyate lakṣaṇaṃ vidhīyate lakṣyamanūdyeti | 
yadevaṃbhūtaṃ lakṣaṇamasya prasiddhaṃ loke, tat hi mūḍhānāṃ na 
viditaṃ vipratipattisthānamiti śāstreṇa vyutpadyamānatvāt vidheyamucyate 
| yathoktaṃ prāk

     prasiddhāni pramāṇāni--------------------|
iti

(page 204)

     ----------------------------śāstraṃ mohanivartanam |

iti ca | naca evamanumānakāle dhūmavattāvalokana eva vahnimattvaṃ 
prasiddhaṃ yena atrāpi mohanivartanamātraphalatvena lakṣaṇaṃ vyāpyaṃ 
bhavet | tanmātraśabdāntaraprayuktena ca nimittaśabdena kiṃ duṣyati, 
kiṃca puṣyati lakṣaṇaśabdeneti na vidmaḥ paryanuyogasya parihārasya 
sāmyāt | tathāhi etanmātramasya nimittamiti kutaḥ | yata etanmātramasya 
lakṣaṇam, tatra yadi kaścidāha etanmātramasya lakṣaṇamiti kuta iti, tadasau 
yadi evamucyate-etallakṣaṇābhimatarāśivyatirikto yo dvitīyo rāśiḥ, sa 
yato'sya lakṣaṇaṃ na bhavati asaṃbhavāvyāptyativyāptidoṣayogāditi; 
tarhi etāvanmātramasya nimittaṃ yato nimittāntaramasya na bhavati 
asambhavādiyogādityucyamāne kiṃ vadanaṃ vakrimṇā vikriyeta | 
lakṣaṇatvanirākaraṇe'mī doṣāḥ prasiddhā iti cet, kiṃ 
nimittatvanirākaraṇe na prasiddhā asaṃbhavādidoṣeṣu 
nimittatvānupapatterlokaprasiddhatvāt | yadyatkila duṣyate kiṃcit, tat 
doṣaprasaṃjanena, doṣāśca amī sarvatra asaṃbhavādaya iti 
kimetadapūrvam | tathāhi na śabdasya pṛthivī samavāyinī tasyāṃ 
satyāmapi asaṃbhavādasatyāmapica saṃbhavāt tasyeti 
asambhavāvyāptyādaya eva prasaṅgasādhanatvena doṣatayā udbhāvyante 
| lakṣaṇaṃ ca bhāvasya na ekaḥ svabhāva eva 
kāryakāraṇasahacāriprabhṛtevyabhicāriṇo lakṣaṇatvāt | 
tatkāraṇatvādisvabhāva eva lakṣaṇamiti cet, na tasya lakṣaṇīyatvāt | 
kiṃca dhūmavattvasya anagnimattvaṃ lakṣaṇaṃ na bhavati 
asaṃbhavādiprasaṅgāditi tāvallakṣaṇatvābhāvastadvyavahāro vā 
sādhyaḥ | tatra kvacit tasyaiva sādhyatā yathā anupalabdhyantareṣu | tatra na 
tāvadatra pratyakṣatvaṃ lakṣaṇatvābhāvasya 
tathātve'sambhavādyupanyāsāyogāt | tadyamānumāniko

(page 205)

bhāvaniścayo vaktavya iti punarapi tadeva āyātaṃ yat cirantanā manyante-
bādhakapramāṇena aniṣṭarāśerapākaraṇamiti | nanu anumāne'navasthā, 
kiṃ nu khalu nāmadheye parivartite vastudoṣāḥ śāmyanti 
asaṃbhavādayo, yuktirityuktāvapi hi kiṃvā'navasthā | tathāhi 
asaṃbhavo'nagnau dhūmasyeti saṃbhavasya abhāvaḥ, saṃbhavaśca 
nāma dhūma evocyate dhūmasya svakāraṇaṃ sattā, samavāyo vā | tasya 
ca abhāvo yadi saṃvedanasvabhāva āntaro'nupalabdhirūpastarhi 
svasaṃvedanapratyakṣatvamadaḥ, bāhyastu yaḥ, sa vastvantarātmā 
pramāṇāntareṇa svenaiva pratyakṣādinā grāhyaḥ | tatra ca yat nimittatve 
sārvatrikatvādi codyate, tadatrāpi śakyacodanaṃ yadi nāma kuḍye'nagnau 
na saṃbhavo dhūmasya dṛṣṭo'nagnyantare'pitu piśācasthānīyasya 
saṃbhavo na bhaviṣyatīti kuta etat | nanu yadi tatrāpi asaṃbhavaḥ 
syādihaiva tadabhāve na dhūmasya saṃbhavaḥ syāt | atra etadeva tāvat 
cintyam-sa kaścidadṛśyaḥ piśācasthānīyo'tra nāsti yo dhūmasya iha 
janaka iti kuto gatiḥ | atha ucyate tādṛśāt cet kuto'pi dhūmaḥ 
syādagnirapekṣaṇīyo'sya na bhavedityagnyabhāve'pi syāt, naca evamiti 
hanta tarhi vyatirekagrāhi idamanupalambhalakṣaṇaṃ pramāṇamiti 
pratyakṣānupalambhapañcakā-deva 
asmaddarśanocitāntarmukhasvasaṃvedalakṣaṇasvatantrātmatattva-
viśramādeva kāryakāraṇabhāvasiddhiḥ | tatrāpica sārvatrikatāniścaye 
vyavahārato vyutpattito vā āgamādvā svapratibhāyā vā 
janmāntarābhyāsoditāyāḥ samavadhāritā bhagavanniyatiśaktireva 
prabhavantī nirūpaṇīyā, natu asaṃbhavādayaḥ | te'pica 
udbhāvyamānāḥ prasaṅgasādhanarūpāḥ svaparyāyeṇa abhimataṃ 
sādhayanto'numānatāṃ na ativartante | nahi sādhanadūṣaṇe 
kadācidapramāṇāt, sādhutāṃ duṣṭatāṃ ca samyagavabodhayat 
sādhanaṃ dūṣaṇaṃ ca, avabodhakataivaca pramāṇatā |

(page 206)

yacca ucyate-vyaktidvayadarśanādeva kāraṇāṃśānāṃ kāryāṃśeṣu 
vyāpāro'vadhāryate, palālaprabhavāṇi hi vahnisahasrāṇyapi ekaiva 
vyaktiriti; tatra idamapi śakyaṃ vaktuṃ palālakāṣṭhasaṃbhavagomayod-
gatavahnisahasradarśane'pi akaiva sā vahnivyaktirindhanodbhavā nāma 
dṛṣṭā bhavati śakramūrdhasūryakāntaprabhavāṇāṃ 
vyaktīnāmadarśa-nāt, tataśca indhanamapi vahneḥ kathaṃkāraṃ 
kāraṇatāmiyāt tāsāmapi darśane'nindhanānāmanyāsāmadarśanamapi 
saṃbhāvyeteti anagnisvabhāvaḥ śakrasya mūrdhā ceti 
avyutpattivijṛmbhitameva | evamasaṃbhavādīnāmapi na sārvatrikatvena 
niścayopāyo'sti | atha samastalokaprasiddhyā yo vyutpannaḥ, sa eva 
prāmāṇiko'numāne'dhikārīti ucyate; tarhi sā niyatiśaktireva | kiṃca 
asaṃbhavādibhiralakṣaṇatvamitthaṃ vyāpyate yadi sambhavena 
vyāptyānativyāptyā ca lakṣaṇatvaṃ vyāpyate | tathāca sati 
vyāpakānupalambhādeva lakṣaṇaniścaya iti anumānāt na uttīryate | nanu 
anumānamavasthāpādakaṃ tataḥ kimasambhavādayo 
nihnutānumānaśabdābhidheyabhāvāḥ pratipattayeṅgaṃ 
bhavanto'pramāṇabhūtā eva, apramāṇācca kā vastusiddhiḥ, 
pramāṇaṃ vā te katamaditi | nanu bhavān brūtām-yathā etat siddhyatīti, 
na cet vaktuṃ śaknoti, tarhi asambhavādaya eva asmaduktāḥ sthirībhūtāḥ 
| tadanena vacasā satyaṃ prathamaśrāvakāḥ pratyāyyante, na cirantanāḥ | 
tathāhi brahmaṇo'hamaurasaḥ putra iti rathyāpuruṣeṇa ukte 
kaścitparyanuyuṅkte-kimatra pramāṇamiti | sa āha nanu 
utpannastāvadahaṃ, naca ahetukaḥ | yadica bhavānpitaramanyaṃ me 
pradarśayati, tat tameva aṅgīkurve; na cet, maduktireva iyamomiti 
pratipūjanīyā ca amṛtarasavadādaraṇīyā 
cetivacaḥsabrahmacārivacanamidam | asambhavādīnāṃ ca lakṣaṇatvena 
saha virodho grahītavyaḥ | saca itthaṃ bhavati-yadi

(page 207)

asaṃbhavādayo lakṣaṇatvasya vyāpakāsteṣāṃ ca vyāpakatvamasambha-
vāntarādibhirgrahītavyamiti saiva anavasthā | anavasthetaretarāśrayasāṅ-
karyaprabhṛtayaśca ye doṣā ucyante pramāṇaparidṛṣṭamanyo'nyāśraya-
mavasthitamasaṃkīrṇaṃ ca bhāvasvabhāvamapekṣya atyantābhāvarū-
pāḥ santo'pi buddhyā ullikhyamānā abhūtaṃ bhūtasya, abhūtasya vā 
bhūtamabhūtasya bhūtasya vā gamakamitinyāyena hetutāṃ gacchanto 
vyāptisiddhaye pratyakṣādipramāṇāntaracchāyātaḥ kathamiva mucyante | 
tathāhi bhagavānantanāthaḥ

     itaretarāśrayāṇi ca na kalpante |

ityuktyā dṛṣṭāntaṃ pratyakṣapramāṇopajīvanāya avocat

     nahi naurnāvi baddhā-----------------------|

iti | nanu pratyakṣe kathamāśvasimaḥ sārvatrikatāniścayaṃ kartum | hanta 
pratyakṣe'nāśvastāḥ saṃbhāvanāmātre tatrabhavantaḥ samāśvasantīti 
mahat prāmāṇikatvam | saṃbhāvanālakṣaṇotprekṣotthāpitā hi amī 
bhavadabhihitā asaṃbhavādayaḥ | utprekṣā ca vikalparūpā | sarvaśca 
vikalpo mūle pratyakṣameva apekṣate | anubhavavāsanotthāpitā hi vikalpā 
iti pratyakṣameva tatrāpi pratapati, na anyat | tata eva 
tarkatantranirmāṇaprathamamuniḥ

     tatpūrvakaṃ ca trividhamanumānam | (nyā. sū. 1|1|5)

iti pratyakṣapūrvakatāmeva anumānasya avādīt | nanu pratyakṣaṃ kathaṃ 
sārvatrikatāyāṃ vyāpriyate | nanu saṃbhāvanā api kathaṃ vyāpriyate | 
nahi dṛṣṭe'nupa-----------tūttaraṃ pratyakṣe'pi na bhakṣite śvabhiḥ | 
tadevahi yauktikaṃ pratyakṣamiti kecit vadanti | kiṃca saṃbhāvanā 
cedevaṃbhūtā vyabhicāravirahitā, tarhi tadeva mānasaṃ pratyakṣaṃ 
vyāptigrahaṇanipuṇamiti aṅgīkṛtaṃ bhavet | atha asambhavādi 
svīkurvāṇā sā vicitrībhavati

(page 208)

saṃbhāvaneti, tarhi arthāpattireva iyaṃ syāt | tathāhi pratyakṣānupalam-
bhairdṛṣṭastāvadagnau dhūmaḥ, saca anyatheti anagnau saṃbhave sati na 
upapadyate iti anagnāvabhāvastasya kalpyate iti sphuṭameva etat | 
arthāpattiśca tārkikamate'numānameveti saiva anavasthā | tatpraśāntaye 
ca pratyakṣameva anumantavyaṃ mūle | tathāpi kāpilairāvītahetuprayogena 
vipakṣabādhane nirūpite darśanameva paryante śaraṇīkriyate | nahi asataḥ 
kāraṇaṃ dṛṣṭam | naca sarvasya sarvasmādudbhavo dṛṣṭaḥ | naca 
aśaktena aśakyaṃ kriyate iti dṛṣṭamiti asaṃbhavādayo nirūpyamāṇāḥ 
pratyakṣa eva viśramayitavyāḥ | ativyāptiśca sādhyasya nāstīti yaducyate, 
tat sakalamataviparītamabhidhīyamānaṃ kamarthaṃ puṣṇāti | 
sapakṣaikadeśavṛttayo gamakā hetava iti hi ṣaṭtarkyāṃ prasiddhiḥ | 
tadanena viparyāsitena kiṃ siddhyati | lakṣaṇatvamitthaṃ nirdoṣaṃ 
bhavatīti cet, na tasya dūṣitatvāt | nahi vahnirlakṣaṇaṃ dhūmasya yena 
dhūmavattvasya vahnimattvaṃ lakṣaṇaṃ bhavet | nahi yathā 
bhramavikalparūpatāvirahitavijñānarūpatā eva sākṣātkārarūpatvam, 
tāṃ muktvā na anyat tasya vapurābhāti, nirdiśyate vā; tathā 
dhūmavattvasya agnimattvam | pṛthagevahi dhūmena labdhapratiṣṭhena 
ahnervārtāmapi aspṛśatā parvato dhūmavānkṛtaḥ, anyathāhi 
vahnirūpatāsvīkāre vahninā api svakāraṇasvīkāre viśvamatra svīkṛtaṃ 
syāditi tāvati anābhāsamāne na kiñcit bhātaṃ bhavediti andhataiva syāt | 
yat codyate-paraistāvallakṣaṇatvamaṅgīkṛtaṃ 
kevalavyatirekirūpānumānaviṣayamasmābhistu sarvānumānaviṣayamiti, 
tadapi mṛṣā | cirantanairhi hetorlakṣaṇatvamaṅgīkṛtam, bhavadbhiḥ punaḥ 
sādhyasyeti mahānbhedaḥ | tasmātpramāṇaiva sā sādhanadūṣaṇe 
kartavye | tataśca vastunirṇayaḥ | yadāha muniḥ

(page 209)

     vimṛśya pakṣapratipakṣābhyāmarthāvadhāraṇaṃ nirṇayaḥ |
                                                       
                                                       
                                                       
                                                       
                                                       
               (nyā. sū. 1|1|41)

iti pakṣaśabdena tadgataṃ sādhanaṃ, pratipakṣaśabdenaca tanniṣṭhaṃ 
dūṣaṇamiti tatra kā yuktirnāma anyā bhavet | pramāṇasya sā parikara iti 
tu anayā bhāṣayā śabdaprayojana āvarjyate, na vastupriyaḥ | parikaro hi 
kāraṇaṃ vā kāryaṃ vā sahakāri vā sahakāryaṃ vā, na punaraparaḥ 
parikaraḥ kaścit | tasmāt yuktiriti tāvadanumānameveti sāṃkhyādayaḥ | 
āvītahetubhyo hi vipakṣavyāvṛttiṃ te icchanti | samādhānanairmalyāt-
mikā pratibhā iti tu tatrabhavadbhartṛhariprabhṛtayaḥ | tadanusāra evaca 
ayamamandatvaṃ prajñāyā iti arthāpattiriti mīmāṃsakāḥ | 
bādhakapramāṇarūpameva anumānaṃ 
pratyakṣavikalpaparyantībhavadekopalambhānubhavāditinyāyena 
svasaṃvidi pariniṣṭhitamiti bauddhāḥ | pramāṇayojanātmakaṃ 
pramātṛsvātantryameva yuktiriti pratyabhijñātattvavit | yatkiñcidapi ca 
a"gnīkurvatā avaśyameva paryante pramātṛsvātantryameva 
jñānakriyāśaktiyojanātmakamaṅgīkartavyamiti asakṛduktam | loke'pica 
upāyayojanameva svātantryotthāpitaṃ yuktiriti prasiddham-yuktyā kuru, 
yuktyā saṃkaṭāduttīrṇo'smīti | tat tatraiva avadheyaṃ sumatibhiriti atra 
asmābhirnibandhaḥ kṛtaḥ, natu āhopuruṣikayeti alam | evaṃ 
tanmātrānubandhitvaṃ yatsvabhāvahetuviṣayasya jīvitaṃ, tatrāpi 
kāryakāraṇabhāva eva mūlamiti upapādya, ācāryasya etadeva 
saṃmatamiti upapādayati ata eva taiḥ iti | nanu kimanena uktena 
bhavadabhimatamuktaṃ bhavati | bhavatītyāha tena iti itiśabdāvamṛṣṭena 
paṭhitena granthena niraṃśe'pi vastuni tairidamuktaṃ bhavati-yat 
gamakasyetyādi itiśabdaparāmṛṣṭam | nanu iyatā kiṃ sidhyati | āha 
evaṃca iti |

(page 210)

asyāpi iti yasya āpāte kāryakāraṇagarbhatā na ābhāti mandamatīnām, 
tasyāpi; na kevalaṃ dhūmavattvādagnimattvamityādeḥ | tato'pi iti 
pūrvameṣa granthaḥ svabhāvahetorviśeṣaṇāya upāttaḥ svabhāvahetuṃ 
kaṃcideva gamayatītyevaṃ vyākhyātam | adhunā tu sarva eva 
svabhāvaheturevaṃbhūto veditavya iti paraṃ bodhayituṃ viśeṣaṇaṃ 
prayuktamiti vyākhyābhedaḥ | evaṃcābhidhānasya phalaṃ kṛpayā 
asmannaye sopānakrameṇaiva paro'dhirohaṇīyo mohamahāndhakūpāt 
yena ayaṃ viśrāmyediti vyutpādanam | etameva svapakṣaṃ parighaṭayati 
svabhāvo hi ityādinā | mukhya iti sarvato vyāvartakaḥ, saca gamaka iti 
yāvat | anyastu iti yaḥ kutaścideva vyāvartakaḥ, saca gamyaḥ | siddham iti 
sarvato vyāvartakenaiva svīkṛtatvāt | apara iti utpattimattvādergamakasya 
svabhāvasya gamyo yaḥ svabhāvastadyathā kṣaṇikatvamanityatvaṃ 
matāntare āśritatvādi, sa svabhāvo gamakagrāhiṇā pramāṇena na 
siddhaḥ; utpadyamāne kriyamāṇe prayatnajanye dīpādyabhivyajyamāne ca 
bhāvakṣaṇe dṛśyamāne hi kṣaṇāntare bhaviṣyatyayaṃ navetyādikā 
cintā na kṛtaiva, śiṃśapātvaṃ tu śākhādimattvaviśeṣarūpaṃ 
gṛhṇatā pramāṇena śākhādimattvamātraṃ svīkṛtameveti na tatra 
vastusādhanatā | tena gamakagrāhiṇā pramāṇena kṣaṇikatvaṃ yat na 
svīkṛtaṃ, tat gamakādutpattimattvāderitthamanumātuṃ śakyaṃ yadi 
gamakasya utpattimattvāderyo heturnijaṃ kāraṇaṃ tenaiva kāraṇena sa 
utpattimāniva kṣaṇiko'pi kṛta iti | nanu evaṃ tanmātrānubandhitvaṃ 
kṣaṇikasyaiva uktaṃ bhavet vastunaḥ sādhyaṃ, natu 
vṛkṣatvasyetyāśaṅkya tatrāpi tat vyutpādayati śiṃśapātva iti | tathā 
bhāvāt iti vṛkṣatvāt | śiṃśapāniṣṭham iti śiṃśapārūpanigīrṇam | 
yadi param iti etacca paryāyavyavahārasādhanaṃ,

(page 211)

natu vastuvyavahārasādhanam | vyāvṛttyantara iti adhyavasāyaḥ 
pratyakṣaphalaṃ; naca śiṃśapāṃ śuddhāṃ vilokya dhavatulyeyamiti 
avasā, apitu dhavasahitām | evamiha adhyavasāyānyatvāt 
vyāvṛttyantarāpekṣā aśiṃśapā na bhavatīti, etāvatā hi na vṛkṣaḥ | 
evaṃhi dhavo na vṛkṣaḥ syāt, sahi aśiṃśapā bhavati tatastasyā 
vyāvṛtteranyā vyāvṛttiravṛkṣo na 
bhavatītyevamātmābhāsamapekṣamāṇaṃ tadvṛkṣatvaṃ pratyābhāsaṃ 
pratyadhyavasāyaṃ vā viśrāntatvāt pramāṇānāṃ pūrvapramāṇena 
asvīkṛtaṃ pratyakṣāntareṇaiva tathādhyavasāyaparyantena svīkartavyam, 
svīkṛtamapitu yadi mohāt na niścitam, tadā 
vastuvyavahārasādhanamanumānam | tatrāpi ca kāraṇamahimaiva 
anumantavyaḥ | kṣaṇikatvādyanumānaṃ tu vastusādhanamiti tridhā 
svabhāvaheturākhyātaḥ | kṛtakatvakāraṇam iti kartṛpadam, 
śiṃśapātvamapi iti karmapadam śiṃśapātvakāraṇam iti ca, arthāt 
kartṛlābhaḥ | tat iti pūrvata ākṛṣya etadarthatvena neyam | nyāyaḥ iti 
pramāṇatattvam | taṃ darśayati nahi iti | tena iti hetunā cet nityo janyate 
svabhāvāparityāgāt, na asya anyadeśakālavastusambandho bhavet | nanu 
anaśvaro'pi utpanno deśādikṛtanāśe taṃ viruddhamavalambiṣyate | etat 
dūṣayati deśādīnām iti svabhāvāntarāpādakatvena 
saṃmatānāmityarthaḥ | nīlarūpatvena iti tataśca bhāvaṃ na karotīti 
karaṇatvamapākṛtaṃ bhavet, natu nāśakaraṇatvamuktaṃ bhavediti 
vyatirekapakṣībhāvasya etaduktam, pakṣāntare tu āha vinaśvara iti | nanu 
kālāntare'sya nāśahetavo vinaśvaraṃ viśrāṇayantu svabhāvaṃ 
bhāvasya | āha vinaśvara iti | teṣām iti nāśahetvabhimatānām, kartuḥ 
śeṣavivakṣāyāmiyaṃ ṣaṣṭhī | uktanyāyena iti abhāvasya 
vastutvāvastutvavyatirekābhidhānalakṣaṇena | 

(page 212)

tathāca iti anaśvaratve satītyarthaḥ | dṛśyate ca asau | anaśvaro hi 
avaśyaṃ kālāntarāvasthāyitvena upagamyastadevaca naśvaratvaṃ 
pūrvasvabhāvatyāgātmakatvāt | etatpariharati tat iti yat vaktavyaṃ 
taduktameveti, taditi vā uttarasya upakrame hṛdayākarṣaṇena smaraṇaṃ 
dyotayati | nyāyāgatatvameva niyatyupajīvanena vinā na niyantuṃ śakyam | 
yadihi evaṃ badhiragrāme śrūyate kvacana deśe'pararātre nidrāyamāṇe 
rājani tannidrācchedabhayāt bherītāḍanaṃ tatprayatnena na kiryata iti, 
tadā badhirairapi saṃbhūya nyāyo'vasthāpyate śataśo'pi tatra 
kriyamāṇe na asmākaṃ nidrācchedaḥ kasyāpi dṛṣṭa iti kimanyatra 
bhāvasvabhāvā viparivartanta iti | tasmāt nyāyo nāma bhāvānāṃ 
prasādhakaṃ pramāṇamucyate | te cedavabhāsasārāḥ, kiṃvā rūpaṃ na 
saheran | nīlamapi pītatāṃ saheta citrajñāne iva | yathoktam

     ananyabhāgaśakyadarśane nīlādicitravijñāne |

iti | saṃkalpasvapnādau ca avabhāsānāṃ saṃyojanaviyojanavaicitryasaha-
srāṇi dṛśyante | tatra ka ābhāsaḥ kimābhāsaikaniyata iti kaḥ pratīyāt | 
enamāśayaṃ vyanakti avabhāsasāra ityādinā | nanu mā bhūt 
dhavādīnāmabhāve tatsādhāraṇo vṛkṣatvāvabhāsaḥ, asādhāraṇastu 
kena nivāryate | tatra āha dhavādisadbhāva iti, taddhi asādhāraṇaṃ 
bhavat śiṃśapātvameva, natu tena gamyamaparaṃ kiṃcit | nanu 
dhavādyasṛṣṭe vṛkṣatvarahitaśiṃśapābhāsasṛṣṭiḥ saṃbhāvyā, 
anityatvarahitakṛtakasṛṣṭistu katham | kiṃ khalu kathamityāha 
kṛtakatvetyādi diṣṭyā vasanamidaṃ kāraṇavyāpārādutpannamiti ya 
ābhāso hlādajanako vasanādeḥ, sa eva tāvat na vinaṅkṣyatītyābhāsaḥ, 
apitu anya eva hṛdbhaṅgamiva

(page 213)

mitadhanasya vidadhānaḥ | tat pūrvābhāsaikarase pramātṛvarge dvitīya 
ābhāso na sṛṣṭa eva taṃ prati rūpamiva andhān tatpramātṛvargāntaraikī-
bhāvena bhagavatā teṣāmasṛṣṭeḥ | kiṃca kāpilāḥ kāryaṃ sadeva 
ācakṣāṇāḥ pūrvāparadaśāsu anapāyitvaṃ nityatvameva kṛtakasya 
ācakṣate iti | nanu yasya asau bhāvaḥ kṛtaka iti ābhāto'pi, anitya iti na 
bhātaḥ; sa deśāntare taṃ bhāvaṃ paśyan kathaṃ svabhāvānyatvena 
pratīyāt | itthamityāha tadetat iti | bhinnadeśatayā hi tadānīṃ 
pūrvasvabhāvatyāgādanityatvamanena viditam, natu kṛtakatayā | nanu sa 
tarhi svabhāvatyāgo nāma heturniyataśaktyapekṣaḥ susādhyo 
vyabhicārasaṃbhāvanāvirahādityāśaṅkya āha bhinnadeśatā yadyapi 
iti | na idaṃ vastuno, nāpi vastuvyavahārasya sādhanamapitu 
śabdavyavahārasya; tadarthaṃ mātrapadaṃ, śabdavyavahāraśca 
niyatyapekṣa iti kimatra citraṃ sāṅketikatvena asya prasiddheḥ | 
etadupasaṃharati tadevam iti | yadi gamyagamakābhimatayorvyāvṛttyoḥ 
paryāyamātrarūpatā, tadā vyavahāramātraṃ sādhyam; atha 
bhinnābhāsatvena aparyāyatā yāvastu tadā eka ābhāsa 
ābhāsāntaraparihāreṇa api āsīta yogīśvarādiprabhāvabalādityā-
śaṅkā avaśyaṃ śamayitavyeti tātparyam | etadudāharaṇena sphuṭīkaroti 
sattvaṃ hi iti hi yasmādevaṃbhūtaṃ sphuṭaṃ nidarśanamasti, tasmāt 
yuktametadityarthaḥ | ata eva iti kramayaugapadyābhāsāt | tadāca tadeva 
kṣaṇikatvaṃ svabhāvatyāgalakṣaṇaṃ kramaṃ hi akṛtvā karaṇam, 
yaugapadyaṃ tu akaraṇaṃ kṛtvā; tadāca śabdavyavahāra eva sādhyaḥ | 
anyathā iti | yadi kramayaugapadyābhāsaparamārthatvameva 
arthakriyākāritvābhāsasyeti na ucyate, tadā tābhyāṃ sa

(page 214)

yāptaḥ iti kutaḥ | nanu yadi tata eva anityatvaṃ sidhyati, tarhi prakṛte kim | 
āha kramika ityādi | prakārāntareṇa api gamake gamyānupraveśamāha 
krama ityādinā | vyatirekatattve vicāryamāṇe anvaya āgacchan 
sādhyābhāsānupraveśaṃ gamakābhāse sphuṭayatīti tātparyam | 
vipakṣa iti nitye | tatsvabhāva iti kramayaugapadyābhāsasvabhāvaḥ | 
svapakṣa iti anityaḥ | tat iti tasmāt | nanu evamarthakriyākāritvaṃ yadi 
yadeva kramayogapadyābhāsātmakaṃ kṣaṇikatāmayaṃ, tadevaca 
sattvaṃ; tadā tattvakṣaṇikatvavyavahārasādhane naiva 
niyatiśaktirapekṣyate | bhavedetadevaṃ, yadi tadeva sattvaṃ syāt, natu 
evamiti darśayan

     arthakriyāpi sahajā nārthānām-----------------------| (2|3|12)

iti pūrvoktaṃ smārayati arthakriyā ityādinā | tadapi iti 
arthakriyākāritvam | īśvaro yat karoti, tatra ko niyamaḥ-evaṃ-bhūtameva 
karotīti | tadāha aniyamakaraṇāt iti | nityāpekṣayā iti vyavahārakāle | 
nanu evaṃ vyavahāre kiṃ kṣaṇikataiva paramārthaḥ | netyāha 
vinaśvaratā tu iti na bhāvasya kiñcit nijaṃ nityamanityaṃ vā vapuḥ | 
īśvarastu svasaṃvinmukure viśvamābhāsayan kṣaṇikatāmapi 
ābhāsayediti naḥ pakṣaḥ || 11 ||

     nanu ābhāsavastuvāde ābhāsayoreva kāryakāraṇabhāva iti 
anābhāto'gnirakiñcidrūpaḥ | tena kathaṃ dhūmābhāso janita iti 
śakyaṃ vaktum | ghaṭābhāsāt dhūmābhāsaḥ, dhūmābhāsācca 
anantaramagnyābhāsa iti ābhāsānāṃ niyatamānantaryamiti kathaṃ 
niyatyavalambane'pi dhūmādagnyanumānamityāśaṅkāṃ śamayati

     bhūyastattatpramātrekavahnyābhāsādito bhavet |
     parokṣādapyadhipaterdhūmābhāsādi nūtanam || 12 ||

(page 215)

     kāryamavyabhicāryasya liṅgamanyapramātṛgāt |
     tadābhāsastadābhāsādeva tvadhipateḥ paraḥ || 13 ||

     vijñānavādī pratisantānaṃ bhinnamābhāsamicchan svagatayoreva 
dhūmāgnyābhāsayoḥ kāryakāraṇabhāvamagrahīt 
santānāntaragatābhāsavṛttāntamātrāsaṃvedanāt | tadidānīṃ 
dhūmābhāsa eva asya, kutastato'gnyābhāsānumānam; asmaddarśane tu 
tāvatyābhāse bhagavatā pramātṝṇāmaikyena sṛṣṭiriti bāhyanaye iva 
vyāptigrahaṇakāle tāvatpramātṛbhedavartī dhūmābhāsa eka eva 
agnyābhāsaśca | tataśca pramātṛbhedatyāgena 
pratyakṣānupalambhabalena dhūmābhāso'gnyābhāsāt jāyate iti 
vyāptirekavāraṃ śakyā grahītum | bhūyaśca punarapi bhūyasāṃ vā 
anvayavyatirekaparyāyeṇa aniyatānāṃ teṣāṃ 
krimisarvajñaparyantānāṃ pramātṝṇāmeka eva yo vahnyābhāso, natu 
santānabhedena bhinnaḥ ādigrahaṇāt bījābhāsādi; tata eva 
dhūmābhāsāṅkurābhāsādi bhavet janituṃ śaknoti, na anyataḥ | tacca 
vahnyābhāsādi yato'numātuḥ parokṣaṃ, tato'dhipatipratyaya iti ucyate | 
tacca nūtanaṃ, natu dhūmajadhūmatulyam | tacca tasya 
vahnyābhāsāderniyatiśaktyapekṣayā avyabhicāri kāryarūpaṃ liṅgamiti 
tadanumitau vyāpriyate eva | vahnyābhāsasāmānyāṃśe taiḥ 
pramātṛbhiḥ saha aikyena sa bhagavatā sṛṣṭo'numātā ucyate iti 
paramārthaḥ | parastu nūtanādanyo yo dhūmābhāsādiḥ, sa 
dhūmābhāsādereva pramātrantaragatādanumātrapekṣayā parokṣatvena 
adhipatipratyayarūpādutpanna iti tasyaiva svakāraṇasya anumānāya sa 
kāryaliṅgaṃ bhavet, natu kāraṇabhūtasya vahnyābhāsāderiti sarvaṃ 
svasthamiti sūtrārthaḥ | dhūmābhāso'gnyābhāsādeva 
jāyamānastasyaiva gamakaḥ, jātarūḍhastu dhūmābhāsādeva 
jāyamānastasyaiva gamaka iti pūrveṇa sambandha iti vṛttiyojanā | 
vivṛtikāra

(page 216)

āśaṅkāṃ vidhāya saṃkṣepeṇa sūtrārthaṃ pratīkayati tadetadevam 
ityādinā | sāca āśaṅkā na syāt ityantena darśitā | vijñānavādinā ca 
pratipramātṛsantānaṃ bhinnamābhāsarūpamarthamicchatā 
duḥsamarthametaditi āśayaśeṣo'tra | anyato'pi iti ghaṭādyābhāsāt | 
viparyayasya vā iti dhūmābhāsānantaramagnyābhāsaḥ 
parvatamārūḍhasyetyapi hi dṛśyate eva | parvatapṛṣṭhagato'pi ityādinā 
bhūyaḥśabdasya arthaṃ vyākhyāsyan vyāptigrahaṇasamayavṛttāntaṃ 
tāvat ghaṭayati sannikṛṣṭadeśavartini ityādinā | tadā iti tata 
uktādanvayavyatirekarūpāt hetorityarthaḥ | tāvat iti tacchūnyasāmagrī 
naiva kāraṇamiti yāvat | āgamasiddha iti anena 
pramāṇasamūhayojanātmikāṃ yuktiṃ vyāpārayatā pramāṇikena 
bhavitavyamityāha | āgamiko hi kāryakāraṇabhāvādiritiniyamo 
niyatervaśāditi | mātrapadaṃ vyācaṣṭe anyatra ityādinā | 
māyāśakteravasthānamupapādayati tam iti | tāvanmātram iti 
mātraśabdārthaṃ spaṣṭayati | viṣayāvabhāsastu iti sāmānyarūpā 
ābhāsā eva tattvaśabdavācyā vastūni | te ca prāksṛṣṭisṛṣṭā eveti 
uktamasakṛt | tat iti sautraṃ vyācaṣṭe krimikīṭādayo'pi iti | 
sūkṣmāsūkṣmatvena anayorbheda āgameṣu | ābhāso'pi parokṣo 
bhavatītyādi yadanantaroktaṃ vastu, tat na utsūtramiti darśayati etacca iti | 
bahutaraśabdena bhūyaḥśabdasya vyākhyāntaraṃ darśayati anyathā iti | 
yadi vijñānavādimate iva pratipramātṛniyatayoreva ābhāsayoḥ 
kāryakāraṇabhāvo'bhyupeyate, tadā śaṅketeti parvate; ataśca na tatra 
agniranumīyate | parvatavartipramātṛvartī hi anyo dhūmābhāso yastena 
pramātrā agnyābhāsakāryaḥ saṃviditaḥ, anyaśca 
anumātṛsaṃmatapramātṛvartī |

(page 217)

sa ca śarīrābhāsādereva jāta iti śaṅketa | atra iti parvate | tataśca 
sādhāraṇyena eka eva dhūmābhāsaḥ ityāśayaḥ | āgamasiddha iti 
pramāṇayojanāmupajīvyatvena smārayati | avigītā ca prasiddhirāgama 
eveti uktam | tataśca aśeṣavyavahāravyutpattiḥ | āgamatattvaveditvameva 
vidyāsthānaphalam | vedāyurvedadaṇḍanītikāmasūtraprayogamālāpra-
bhṛtigranthajñānameva hi paro vidagdhabhāvaḥ | 
evamasādhāraṇābhāsavāde dūṣite parastaṃ 
pratyujjīvayitumicchannāśaṅkate atha iti | etat samīkaraṇena tiraskaroti 
tarhi iti | atra hetuḥ antara iti | punaḥ paroktimāśaṅkate atha iti mahānase 
tāvadeva dṛṣṭam | yataḥ śarīrābhāsādudgacchantaṃ na dhūmābhāsaṃ 
paśyati, kintu vahnyābhāsādeva; anyatrāpica tajjātīyatvāt 
dhūmābhāsasya tatkāraṇakatvameva yuktamiti na bhittyābhāsāt 
tadudgama iti | vahnyābhāso na vyabhicārī dhūmābhāsaṃ pratīti 
ākūtaśeṣaḥ | tarhi iti prodgate dhūme mahānasaṃ praviṣṭavato yadā 
ūrdhvādadhaḥ prasarpantī dṛṣṭirvyāpriyate, tadā dhūmābhāsādeva 
ūrdhvagamanalakṣaṇapravṛttyābhāsasahakṛtādagnyābhāsodgama iti 
viparyayeṇa api kāryakāraṇatā syāt | nanu tadāpi pramātrantarāṇāṃ 
vahnyābhāsādeva dhūmābhāsodgama iti pratipattiḥ | tataḥ kim | 
vahnyābhāsasyaiva kāraṇatvaṃ tataḥ, tato'pica idam-yatparokṣo'pi 
vahnyābhāso dhūmasya kāraṇamiti | bhavedevaṃ 
sarvapramātṛsādhāraṇamekamābhāsamicchatāṃ, natu saugatānāmiti 
darśayati pratipramātrā iti | tataḥ iti vyavahitatvāt hetoradṛśyo'pi 
anyairekena pramātrā upalabhyata iti | ato hetoḥ sa pūrvotpanna eveti 
sambandhaḥ | atraiva iti mahānasābhāsasya api sādhāraṇyamupayogīti 
darśayati | avivṛtamapi

(page 218)

iti saugatādibhiḥ | kasyacit iti kāryasya | tasya iti kāryasya | kuta 
idamadhipaterlakṣaṇamiti cedāha tathāca iti lakṣyāt lakṣaṇaṃ kalpitamiti 
yāvat | samīhāṃ ca iti vyāpārādiviṣayām | santānāntara iti 
pramātrantare | sūtre yadāigrahaṇaṃ, tat vṛttau tyaktamiti yasya mohastaṃ 
pratyāha vṛttau iti yat sūtre saṅgṛhītaṃ, tat vṛttau na na 
vivṛtamupalakṣakatvāśayena, natu niyamāśayena | 
dhūmāgnyorupādānaṃ yata evamavyabhicāri asya liṅgamityantaṃ 
sūtrārthamupasaṃharati tadevaṃ sati ityādinā | anyapramātṛgāt ityādi 
vivṛṇoti gopāla ityādinā | lekhāpadena vahnijadhūmavailakṣaṇyadiśaṃ 
darśayati | tataḥ iti | bahnyābhāsāt | devadattasya iti 
anumātṛbhūmikāpannasyetyarthaḥ || 12-13 ||

     nanu agnyābhāsāt dhūmābhāsa iti cedūrīkṛtaṃ, tadvadeva 
bījābhāsādaṅkurābhāsa ityādi yujyate eveti kimetaduktaṃ

     tadanyasyāpi bījāderhetutā naiva yujyate | (2|4|8)

iti cetana eva karteti | etat pratisamādhatte sūtreṇa

     asmin satīdamastīti kāryakāraṇatāpi yā |
     sāpyapekṣāvihīnānāṃ jaḍānāṃ nopapadyate || 14 ||

     jaḍatvāt na apekṣā | tadabhāvāt na niyamaḥ | tadabhāvāt 
niyamaviśiṣṭaṃ na paurvāparyaṃ kāryakāraṇabhāva iti 
vyāpakaviruddhopalabdhivyāpakānupalabdhayaḥ | parasya yaḥ paratra 
niyamaḥ, sa na svabhāvabhūtaḥ svaniṣṭhatvātsarvabhāvānām | 
tato'nusandhānarūpā apekṣā tasya vyāpikā | sā ca jaḍeṣu nāstīti 
sūtrārthaḥ | atraivaca sūtre pūrvasāmarthye parasya satteti 
pūrvasāmarthyaṃ parasya satteti pakṣāvapi sūcitāveva | sattāmātre 
ghaṭapaṭayorniyamavatī sattā

(page 219)

sahabhūtayorekasāmagryadhīnayorna ca kāryakāraṇatvam | tato'tra 
prayojyaprayojakatāparyavasitaṃ yat niyatāparapūrvabhāvaṃ sattvaṃ, sā 
kāryakāraṇatā pareṇa abhyupeteti darśayati dvayoḥ ityādinā prasaṅga 
ityantena sandarbheṇa | pradeśasya ca iti pradeśo'tra samānakālaṃ 
bhūtalam | bhavatiśabdena iti asti ityetasya vyākhyānena vṛttigatena | 
evamapi iti | tatra hi bhavadbhūtaprādurbhāvaḥ | tadāpi iti 
bhāvikālaviśiṣṭasya api syādanumānamiti yāvat | sahabhāvena iti 
agnidhūmasantānau hi prabandhapravṛttī | tatra samānakālau yau 
dhūmāgnikṣaṇau, tayoḥ sahasattayā asti 
saṃbandho'vaśyaṃbhāvaviśiṣṭo, natu bījamaṅkure jāte'stīti 
sambandhasyaiva abhāvādavaśyambhāvalakṣaṇo niyamaḥ kasya viśeṣaṃ 
bhavet | abhūtapūrva iti prakaraṇāt sattā labhyate | iyat sūtre saptamyā 
kathaṃ svīkṛtamiti cedāha tathāhi iti | yasya ca bhāvena iti |

     yasya ca bhāvena bhāvalakṣaṇam | (3|2|37)

ityetatsūtranirdiṣṭā yā saptamī, sā viśeṣaṇamenamāheti darśayati saha 
iti | ādau iti agnyabhāve satā api pradeśena tasya dhūmasya lakṣaṇaṃ yato 
na bhavati, tata ityarthaḥ | sahabhāvaṃ nirākṛtya uttarakālabhāvitāmapi 
nirākaroti uttara ityādinā | tasya iti agneḥ | nanu uttarakālamapi 
bhavato'gneḥ kiṃ na siddhatetyāśaṅkya āha svakāla iti | asya rūpasya 
vyāpakatāṃ darśayati bījena iti athavā pūrvaṃ sahakārilakṣaṇaṃ 
vahnirdhūmasyeti vyākhyātam, etena tu upādānalakṣaṇamiti viśeṣaḥ | 
etat tātparyato nigamayati tena iti | tayoḥ iti nirdhāraṇavibhaktiḥ | eṣaca 
niyamārthaḥ sidhyatīti sambandhaḥ | tadapi iti abhāvasya

(page 220)

upakrame'pi napuṃsakaṃ prasajyaniṣedharūpasya vākyārthasya 
asatsvabhāvatvena prādhānyaṃ darśayituṃ tasya na 
vahnerabhāve'nyato'pi anagnerdhūmo bhavatīti yadāśaṅkyate, tat 
netyayaṃ hi vākyārthaḥ | nanu saptamī kathaṃ niyamamākṣipet | āha 
anyasmin ityādi | aghaṭe'pi hi sati yaḥ paṭo bhavati, sa ghaṭasannidhau 
vilokyamāno'pi paṭo naivaṃ vyapadiśyate-ghaṭe sati bhavatīti | ata eva iti 
yata iti saptamyartho viśrāntastato vyatireko'pi gamyata evetyarthaḥ | vṛttau 
tu iti vṛttirhi sūtraṃ vyācakṣāṇā vṛttirbhavatīti tasyāṃ vyatireko 
darśitaḥ | nanu paurvāparyasya viśeṣaṇaṃ niyatamiti | paurvāparyaṃ ca 
bhāvadvayam | tasmin niyamaviśiṣṭe nirūpite vyatirekaḥ kathaṃ darśito 
bhavet | sa hi abhāvātmā bhāvaviśeṣaṇena ucyate iti kimetat | etat 
dūṣayati niyata ityādinā | ihahi vyatireko nāma anvayasacivaḥ 
kāryakāraṇabhāvātmā prastutaḥ | kāryakāraṇabhāvaśca vastunī eveti 
vyatireko'pi anvayavat niyatavastudvayaparamārtha eva | nanu 
tathātve'sāvadvayāt kathaṃ bhidyate, kathaṃca asāvanupalambhena 
abhāvaviśeṣeṇa avagamyaḥ syāt, ghoṣyate ca pratyakṣasādhano'nvayaḥ, 
anupalambhasādhanaśca vyatireka ityevaṃ pratyakṣānupalambhābhyāṃ 
tairvā bhāvaniṣṭho'nvayavyatirekātmā kāryakāraṇabhāvaḥ sādhyate 
iti | tadetat codyadvayaṃ vyudasyati anupalambhena iti | bhāvasvabhāvo hi 
niyata itthaṃ vyavahṛto bhavati yadi vidhiniṣedhābhyāṃ vyavahriyate | 
evaṃhi svarūpamasya anyato vyāvṛttaṃ vyavahṛtaṃ syāt, tataḥ 
svarūpamityatra vidhibhāge'nvayarūpatā ucyate pratyakṣasādhanatā ca | 
niyataṃ vyāvṛttam ityatra niyatatāṃ kāraṇasya tāvat darśayati niyatā 
dhūme'gnyādisāmagrī

(page 221)

iti | sāmagrīgrahaṇena kāraṇatāmantyadaśāpratipannatvena vahnerācaṣṭe 
| atra anupalambhaṃ sādhanatvena āha tadā iti dhūmavyāptābhimate 
kṣaṇe dhūmapratiṣedhamayo ghaṭādirnāsti, bhavannapihi ghaṭādiḥ 
sadhūma eva | ghaṭādirapica na vahneranantarakṣaṇabhāvī anyadāpi asya 
bhāvāt | evaṃ kāraṇasya kārye niyatatāṃ pradarśya kāryasya kāraṇe 
pradarśayati dhūmo'pi iti | etatsādhanāya anupalambhaṃ darśayati agni 
iti agnyabhāvaprāṇitāt hi na pradeśāt mṛdādervā dhūmaḥ, apitu 
vidyamānavahnikādeva, naca pradeśamṛdādikāt dhūmastadbhāve'pi 
agnyabhāve'bhāvāt | evaṃ dvayorapi niyame darśite samavyāptikatvaṃ 
gamyagamakayoriti darśayatā gamye'pi gamakaniyamo bhavatīti saṃmataṃ 
bauddhasyaiveti darśitaṃ bhavati | yat vārtikaṃ

     dhūmahetusvabhāvo hi vahnistacchaktibhedavān |

iti | tato'smadupajñameva idamiti vyāptiśūnyatvaṃ gamyasyeti 
yo'bhimānaḥ, so'bhimāna eveti alam | nanu kimanena gamyasya niyatatvena 
uktena | vastuvṛttyā hi bhavadapi tat na anumānasya aṅgam | anumānaṃ hi 
hetubalāt, hetośca kāryamiti tasyaiva pratibandharupatvaṃ 
vaktavyamanagnau na bhavatīti | etadāgūrya āha kāryasyaivaca iti | atrāpi 
pakṣe pratikṣipta eva pūrvokto doṣa iti darśayati niṣedhamātraṃ tu iti | 
ata eva iti vidhiniṣedharūpatayā vastunyeva vyavahāra iti yaduktaṃ, tato 
hetoḥ | nanu vastudvayamātraṃ na kāryakāraṇabhāvaḥ, apitu 
niyamaviśiṣṭaṃ tat, sa niyamaśca parāpekṣāmapi āpādayati | ucyate 
niyamo'pi iti | niyamaviśeṣam iti yatra niyatamiti vyavahriyate vastu, tat | 
kastarhi niyamo nāmetyāha tathā iti nijanijena

(page 222)

rūpeṇa | kathaṃ na iti iyadevahi niyamasya vapuryatparasparaṃ 
bhāvātmāno yathā dṛṣṭāstadanyena rūpeṇa na bhavantīti | anyena 
prakāreṇa abhavanaṃ sphuṭayati ayaṃ hi iti | anayoḥ iti agnidhūmayoḥ | 
ko'sau iti bhāvadvayaṃ muktvā na atra kācidapekṣā sphuratīti yāvat 
evaṃ pūrvasminsati paro bhavatīti bauddhīyaṃ mataṃ vitatya anubhāṣitam 
| etat dūṣayati syādetat iti abhyupagamyate | astyetadatiprasaṅgāvahaṃ 
tu iti yadivā etaditi ucitocitaṃ vācoyuktivaidagdhyena bhavedetat, yat tvayā 
uktaṃ, tattu vaidagdhyena nirvahatīti | atiprasaṅgāpādanādi darśayati 
evamapi iti | tathābhāvaḥ iti kāryakāraṇabhāvaḥ | 
pūrvadṛṣṭatvāvagataiḥ iti jyotiḥśāstrāderetadavagamyate-na 
rohiṇyaḥ kṛttikābhyo jāyante iti | tataḥ pūrvadṛṣṭatvaṃ 
kṛttikābhyo'nudbhavatvamāsāmavagamyate ityarthaḥ | rohiṇyudgama iti 
viśiṣṭadeśako rohiṇīkṣaṇa iti yāvat | etadeva sphuṭayati udgamaśca 
ityādinā jāyate eva ityantena | atraiva dṛṣṭāntamāha gopāla iti 
viśiṣṭadhūmalakṣaṇasya sā kāraṇameveti yāvati | nanu astu evaṃ 
kṣaṇābhiprāyeṇa kṛttikāḥ prati rohiṇīnāṃ kāryatvam | netyāha naca iti 
| evam iti dhūmanyāyena | tathā bhūtā api iti udgacchadviśiṣṭarūpā iti 
apiḥ | rohiṇyaḥ kṛttikābhyaḥ kāraṇabhūtābhyaḥ kāryarūpatayā 
bhavantyo bhūtāḥ prādurbhāvayoginya iti na lokasya pratipattiriti | etacca iti 
atiprasaṅgāvahatvaṃ yaduktaṃ paurvāparyasya 
kāryakāraṇabhāvalakṣaṇatve tatsambhavatvāt tāmupagamya, saiva tu 
nāstītyāha punaḥ iti | yadi nāma puruṣo daivayogāt ghaṭānantaraṃ 
paṭaṃ paśyet tricaturānapi vārānkimiyatā bhāvayoḥ 
parasparanirapekṣayoḥ kimapi jñāteyaṃ

(page 223)

niyāmakamudiyāt | nirapekṣatāmeva darśayati nahi iti | agre iti tatra hi 
pūrvasya sāmarthyaṃ nāma svabhāvaḥ sa parasya sattārūpo neti vakṣyate 
| yathāca sāmarthyaṃ svabhāvastathā svarūpamapīti, tadapi na pūrvasya 
sambandhi parasyeti yuktam | nanu astu bhāvayoreva apekṣā | sā tarhi 
parasparasvabhāvatāmānayati | tadāha tathātve vā iti 
sāpekṣatve'bhidheyamāne, sā sāpekṣatā 
anyonyasvabhāvatādātmyaparyavasitā āpadyeta prasajyetetyarthaḥ | nanu 
tādātmyena kimatra aṅgīkṛtena | apekṣā nāma svabhāvaviśeṣaḥ 
kāryakāraṇasvasvarūpamātraviśrānto bhaviṣyati | etat dūṣayati naca iti | 
nanu upagamyatāmevaṃ, ko doṣaḥ | ayamityāha evaṃ hi iti | yo hi yasya 
viśeṣaḥ, sa taṃ viśeṣaṃ vihāya api āste vṛkṣa iva śiṃśapātvam, 
tathāca tathābhūtāpekṣātmakaviśeṣaśūnyāvapi dhūmāgnī 
bhavetām, dhūma evaveti sa syāditi sambandhaḥ | evakāreṇa svarūpasya 
anyathābhāvamāha | vāgrahaṇena idamāha-agnyādisāmagrī yadyapi 
antyadaśāpratipannā dhūmajanikeva aṅgīkṛtā kṣaṇasya 
avivekādapratibandhanīyatvāt, akiñcitkarasya ca apratibandhakatvāditi 
nayena; tathāpi laukikapratyavamarśabalena anantyā api vahnyādisāmagrī 
saivetidṛṣṭyā nāvaśyaṃ kāraṇāni kāryavanti iti bhavedapi 
vacanāvakāśo, dhūmasya tu svapne'pi anagnijatvaṃ na sahyate | tadāha 
tathāca iti | tadeva darśayati artha iti arthasya yat svarūpamātraṃ, tatraiva 
tairidaṃ kāraṇameva, idaṃ kāryameveti vyavasthā upagatā | nanu tayaiva 
vyavasthayā sarvaṃ siddhaṃ; viśeṣaṇapakṣe ca tattyāgaśaṅkā yā uktā, 
sā api parākṛtetyāśayaṃ parakīyamāśaṅkate atha ityādinā 
sarvasiddhivyavahāraśca ityantena | viśeṣaṇatyāgaśaṅkā nanu 
ityādinā

(page 224)

parākṛtā | niṣidhyamānāyā anyāpekṣāyāḥ svarūpaṃ saptamyā 
darśayati anagnau ityādinā | vyavahāramātre tu iti saptamī | 
kāryakāraṇabhāvādivyapadeśalakṣaṇaṃ sāṅketikam | atraiva 
diksaṃkhyāsanniveśadṛṣṭāntatrayaṃ nirūpayati yathā ityādinā | 
bhāvasya yat viśiṣṭaṃ rūpamanyatovyāvṛttaṃ, tadeva sāṅketikena 
śabdena abhidhīyamānamapekṣādhyavasāyaṃ vaikalpikamutthāpayati 
pañcasaṅkhyārūpasya viśeṣasya abhāve'pi | vastūnyeva iti 
paramāṇurūpāṇi ghaṭādirūpāṇi vā | etat dārṣṭāntike yojayati 
tathaiva iti anyasya arthasya sambandharūpasya abhāvāt vyatirekeṇa api 
saptamyādisaṅketavikalpādhyavasitena upalakṣitaḥ kāryakāraṇabhāvaḥ | 
sa vastudvayasya yat svarūpaṃ, tata eva mūlabhūtādutthitaḥ | nirmūlatve 
hi tathā vikalpo na niyamena ullasediti nirūpayati na iti svarūpānītatvena | 
etat paramataṃ dṛṣṭāntadūṣaṇopakramaṃ dūṣayati etat iti 
aniyatāvasthānāṃ ghaṭapaṭādīnāṃ yeṣāṃ na niyataṃ paurvāparyaṃ, 
teṣāmapi paurvāparyaṃ dikkālakṛtaṃ nirmūlatvena vikalpotthāpitamiti 
saṃbhāvyaṃ yat, tadapi na upapadyate iti pūrvaṃ darśitaṃ

     kriyāsaṃbandha----------------------------| (2|2|1)

itiprakaraṇe | kāryakāraṇatā iti niyatāvasthānāṃ 
paurvāparyarūpetyarthaḥ | niyatatāmeva spaṣṭayati yāvat iti niyato 
yo'nyonyamaviyogastadeva rūpaṃ yasyā 
apekṣāyāstaccharīrasārarūpaṃ yasyāḥ kāryakāraṇatāyāḥ | 
digādisattābhāve niyatamapi paurvāparyaṃ na upapadyate, digādica 
sambandhaprāṇitaṃ, sambandhaśca tādātmyaparyavasāna iti apekṣā api 
tādātmyarūpaiva dhūmāgnyoriti āśayaśeṣaḥ | etadeva spaṣṭayati 
tathāhi iti | tathaivaca iti ātmamātraniṣṭhatayā anyāsaṃpṛktaḥ 
pratyakṣeṇaiva siddhaḥ | evam iti vakṣyamāṇena

(page 225)

prakāreṇa | etau iti agnidhūmau | evam iti upādeyagamakarūpau | 
apekṣāvirahe'pi iti vyatiriktāyāmasaṃbhavantyāmapi 
apekṣāyāmityarthaḥ | pareṇa api etadupagataprāyamityāha tathāca iti 
heturantyadaśāpanna ākṛṣṭakāryarūpa eva, kāryamapi 
ākṛṣṭaheturūpamevetyarthaḥ | arvāgdarśibhistu tadrūpaṃ draṣṭuṃ 
samarthanāpekṣa ivaśabdaḥ prayuktaḥ | ata eva tatkāryaṃ 
hetuvyāptyavyatirekāt tatsvabhāvāviśiṣṭamiti tadanupalambhaḥ 
svabhāvānupalambha eva uktaḥ ityādipradeśeṣu upacāra āśritaḥ, 
vastutastu tāvatsvabhāvataiva tasya | etadarthameva āryaḥ 
svabhāvapratibandhe sati ityādau svabhāvapadamavādīt | bhaṭṭena api 
svabhāvapratibandha eva pratibandhasiddhau samarthitaḥ | tat iti heturūpam | 
pareṇa punarasamarthanīyametaditi darśayiṣyati tena ityādinā | etat 
saṃkṣipati sarvathā iti | ābhāsavimarśabhedena upalakṣitaṃ 
yadarthāntaram, tasya bahiraikyābhāve'ntaḥsamanvayalakṣaṇamaikyamasti 
eva, itarathā na apekṣārthaḥ kaścit | tadbhavati iti apekṣaṇīyarūpaṃ na 
bhavatītyarthaḥ | pūrvādi iti apekṣyam iti vākyatraye saṅgamayitavyam | 
bāhyadarśane ca bahirbhedaḥ, pramātari 
aikyamityevaṃbhūtabhāvasvarūpānaṅgīkaraṇādetadāpadyate iti 
nirūpayati tena iti syātām iti naca evaṃ bahirdṛśyate iti āśayaḥ | ghaṭa 
iti aniyate parasparamityarthaḥ | sādhyatara iti niyamena sahitopalambhe'pi 
parasparamakiñcidrūpa eveti yāvat | agnimātrataiva dhūmakāraṇatetyādi 
yaduktaṃ, tadanuvadati dūṣayituṃ tasmāt iti | kimaparam iti 
agnyādirūpatvādadhikaṃ tat na kiñciditi śabdagatamātramidaṃ bhavet 
dhūmakāraṇa------------------ya iti ca | paraspara iti daṇḍī

(page 226)

viṣāṇītinyāyena anyo'nyarūpalagnarūpataiva āpatati | sāpica na yuktā 
svasvarūpavyavasthiteḥ sarvārthānāmiti khyāpayati naca iti | tathā iti 
anyonyalagnatayā na agnidhūmayorupalambho nirvikalpako'nubhavaḥ | 
tataśca sarvāsu gatiṣu kṣīṇāsu idamāpatatīti kathayati abhiprāyavaśāt 
iti | tṛṣito hi jalalagnatayā na upalabhyate, jale ca sāpekṣaḥ | tat hi tasya 
saṃvidi abhimukhībhāvaṃ pratigatamiti | tathaiva dhūmasya agnau, tasya api 
dhūme'pekṣā bhavet | sā iti abhiprāyakṛtā apekṣā | evaṃ yat 
pūrvamupakrāntametacca abhyupagamya uktamiti, tat nirvāhitam | nanu 
kimanena abhyupagamena, dūṣaṇameva sautraṃ vṛttau kasmāt na darśitam | 
darśitameva tadidaṃ tu atiprasaṅgāpādanamadhikaṃ dūṣaṇamuktamiti 
darśayati iti ityādi | etat vastu vṛttau vivarīṣyate | kathaṃ pūrvasya 
sāmarthyaṃ parasya satteti | yasmāt sāmarthyapakṣo bhaviṣyati tena saha 
yadaikadhyamekaprakāratvaṃ tulyayogakṣematvaṃ tena hetunā | etaduktaṃ 
bhavati asmin iti yat sūtre bhāvaṃ sāmarthyaṃ ca parāmṛśati, tadeva 
itthaṃ vṛttau darśitam; kevalaṃ pūrvasya rūpasya 
atiprasaṅgāvahatvodbhāvanayā sāmarthyapakṣa upakṣiptaḥ 
pratikṣeptumiti | itthamevaca pūrvamupasaṃharannuttaraṃ 
pakṣamavatārayati evam ityādinā etadāha ityantena mahāvākyena | 
imāṃ kāryakāraṇatāṃ doṣadvayayuktāṃ pratipādya etat vastu āha | 
kiṃ tat | iyamapi kāryakāraṇatā na yuktā uktahetorityetat | naca sā 
utsūtrā, apitu sūtreṇa nirdiṣṭā,-ityato hetorvṛttau vartanīyatvena 
āśrīyamāṇā | asmiṃśca pakṣe'tiprasaṅgo nāstītyamunā hetunā 
śaṅkyo'yaṃ pakṣa iti hiśabdena saha āha kṛttikā ityādi | 
nābhivyavasthitadhruvāvabaddhamidaṃ nakṣatracakraṃ 
yugapadavasthitamapi nityameva pravahaditthaṃ

(page 227)

krameṇa ghaṭīyantramiva parivartamānaṃ dṛśyate paraṃ, natu krameṇa 
udeti | darśanasya iva niyate paurvāparye bhāvasvabhāvasya kimāyātamiti 
darśayati nanu ityādinā | ayamapi pakṣo'tiprasaṅgāvahaḥ sāmarthyasya 
darśanādarśanagamyatvena tulyakalpanākatvādityāśayena āha yadyapica 
iti | kāraṇatvaṃ sāmarthyaṃ kṛttikānāṃ yadyapi śaṅkyaṃ rohiṇīnāṃ 
tu na kāryatvaṃ dhūmavat, tata udgacchatsvabhāvatālakṣaṇaṃ 
śaṅkyamiti cet; tatra api ucyate kāryarūpatāpi iti | nahi aṅkuro dhūmavat 
prasaraṇasvabhāvo'thaca bījāt krameṇa prasṛta ucyate, tathā 
rohiṇyo'pītibhāvaḥ | pramāṇāntara iti pratyakṣeṇa 
tatsantānaniścayasya utthāpitatvāt kṛttikābhya udayarahitaṃ darśanameva 
kramikamiti yo viśeṣa uktaḥ, so'yukta ityetadāha na darśanamātram iti | 
nanu pūrvapūrvadineṣu api rohiṇyo dṛṣṭāḥ | atha dhūmaḥ kiṃ 
pūrvadineṣu na dṛṣṭaḥ | dṛṣṭo vahnyantarastu sanniti cet, rohiṇyo'pi 
dṛṣṭāḥ, natu sāmarthyamasti, vahnyādau tadastīti nirnibandhano vibhāgaḥ 
kathaṃ śraddhīyeta | tadāha tathātva ityādi | nanu evaṃ tulyatve ko'sya 
pūrvasmāt pakṣāt viśeṣaḥ | na kaścidevetyāha tathāpi iti 
jyotiḥśāstrapramāṇyopagamamātramatra pakṣe'bhyupagamabījamiti 
āśayaḥ | kāraṇādimattvam iti ādipadātkāryatvam, tathā 
pūrvatvaparatvaniyamādi api | nanu vṛttau sa iti vaktavye kathaṃ tat iti 
nirdeśaḥ | āha parasya ityādi | na atra kāryakāraṇabhāvaḥ parāmṛśyate, 
apitu tallakṣaṇatvena saṃmato viśiṣṭaḥ sattvabhūto vākyārtha itibhāvaḥ 
| tadapi iti ubhayamapi yadaviśeṣeṇa sarvatra ucitaṃ paurvāparyam | 
niyamamātrāt iti bhāvamātrapaurvāparyarūpāt | svabhāvavyāpinī

(page 228)

iti sārvatrikī | tathāhi svaniṣṭhatālakṣaṇaṃ svabhāvamauṣṇyamiva 
śītatā paraniṣṭhatā viruddhā satī apekṣā kathaṃ vyāpnuyāditi ekā 
tāvadapekṣā na yuktā, dvitīyā api natarāmityāha abhiprāya ityādi | 
anyānuṣaṅgitā iti paraniṣṭhārūpā anusandhānarūpā vā 
saptamyutthāpitā | pratītimātra iti dhavaśca khadiraśceti dhavo vā 
khadiro vetyādau hi pramāturabhimānasthitaṃ parasparaṃ 
chidādāvapekṣyamāṇatvaṃ vikalpyamānatvaṃ vā sphurati, natu vatuno 
rūpaṃ tat kiñcit | tata eva antaḥsaṃvedanadharmatvāt cādyartho 
bāhyaprātipadikārthavadupacayādidharmā saṅkhyānadharmā vā na 
yukta iti aliṅgasaṃkhyānamasya | evaṃ sāmarthyapakṣe saptamyartho 
vighaṭita iti gatyantarābhāvāt parasya yaducitopagamamatra, tat atha 
ityādinā iti ityantena āśaṅkate | tasya iti pūrvasya | nanu parasya sattā 
kāryatvarūpā, sā tato'nyasya pūrvasya sāmarthyamiti kathametadunmīlati 
| itthamityāha tasya iti | yadā tāvat paro nāsti, tadaiva karya ucyate; tadāca 
pūrva eva astīti tadgatameva sāmarthyaṃ kāryakāraṇabhāva iti āpatati | 
asato hi niḥsvarūpasya svarūpoparivartī kathaṃ kāryatālakṣaṇo'tiśayo 
bhavet | jātasya tarhi bhaviṣyati | āha utpannasya iti sata iti yāvat | 
utpattirevahi vimatipadapatitā asatastāvatkāryatvamanucitamiti apiśabdaḥ | 
tasya sato'pi svarūpe'tiśayaḥ kāryatālakṣaṇaḥ 
kāraṇasāmarthyādadhiko na labhyate, tathā vahneḥ kāryo'yaṃ dhūma 
ityatrāpi | ayamarthaḥ-vahneḥ sāmarthyaṃ tat yadayaṃ dhūmo bhavatīti | 
tatra bhavatīti dhūmasvarūpaṃ tasya kāryasya ca, vahneḥ sāmarthyaṃ 
tacca; tadeva pūrṇaḥ kāryakāraṇabhāvaḥ | nanu dhūmaniṣṭhataiva 
agnikāryatā nāma yuktā---------nahi iti dhūmamātratā yā, sā 
ekāgnikāryatā na yuktā |

(page 229)

sā hi agniniṣṭhā bhavati | tataśca agniniṣṭhatā api dhūme pratipanne 
pratipannaiva syāt | tataśca pramāṇāntaropayāñcā syāt vyāmohasya 
apasṛtyai kṣaṇikatva iva seti cedasiddhamasiddhena sādhyate iti āyātam | 
nahi bhāvasvarūpe pratipanne tadanatiriktamapratipannamiti yuktam | 
pratipattau kuto vyāmohaḥ | dhūmarūpatāyāmapi kuto vyāmoho bhavet | 
nanu dhūmasya vahnikāryatā svarūpaṃ, tataśca tāmajahat 
niḥsvabhāvo'yaṃ kathaṃ bhavet | maivam | sā tasya svarūpamityetadevahi 
vivektumupakrāntaṃ, naca nirvahati | tadāha tataḥ iti | nanu yadi vahnereva 
sāmarthyamubhayamapi, tarhi kathaṃ dhūmo hi atra pratītau praviśati | ka 
evamāha praviśatīti | vyavahāramātreṇa hi vikalparūpeṇa apekṣātmā 
sambandhaḥ paraniṣṭhatālakṣaṇaṃ vā parasya rūpamadhyavasīyate | 
tadāha vyavahāramātram iti | idamapi dūṣyate etadapi iti | pūrvā sattā 
yadi avāstavī dhūmasya, tadā tatprayojakatvaṃ nāma vahnerapi yat 
sāmarthyaṃ, tadavāstavameva syāditi kāryakāraṇe nāma na kecana 
syātām; atha sā vāstavī, tadā dhūmasya sattā yā pūrvā; sā 
agnisāmarthyāditi vaco ghaṭo'yaṃ lohitaḥ, etatpaṭasya 
śauklyamityetattulyaṃ bhavet | tadāha anyasya iti || 14 ||

     pratijñāmātraṃ pūrvasūtreṇa kṛtaṃ hetuviṣayam 
apekṣāvihīnānām iti | tatsādhanāya hetustu sūtrāntareṇa abhidhīyate

     nahi svātmaikaniṣṭhānāmanusandhānavarjinām |
     sadasattāpade'pyeṣa saptamyarthaḥ prakalpyate || 15 ||

     vṛttivivṛtyostu etadarthopajīvanaṃ pūrvasūtre 
kṛtamekavākyatādarśanāya | tatra prathamapādena anyonyalagnatātmikā 
apekṣā nivāritā, dvitīyena abhiprāyakṛtā 
kāryakāraṇayorubhayoranyatarasya vā

(page 230)

sattāyāmasattāyāṃ ceti pakṣacatuṣṭaye'pi saṃbhāvyamāne'pekṣā na 
yukteti hetuḥ pūrvo na yujyate iti avāntareṇa uktaṃ nigamayati 
pūrvapratijñāyā hetvapadeśāt punarvacanametadityarthaḥ | 
vāgrahaṇamuttarāpekṣam | sattāyām iti bāhye rūpe, natu dvitīye 
vāpekṣā vaikalpike | dvayyāmapica apekṣāyāṃ vikalpo jīvitam | 
vahnyauṣṇyayorhi vyāvṛttimātrakalpito vaikalpiko bhedaḥ | yadihi vahniriti 
bhāsvararūpaṃ svalakṣaṇamucyate, tadā tasya sparśasvalakṣaṇaṃ 
tulyahetukaṃ bhavadapi kathaṃ svarūpaṃ bhavet | ata eva vastutaḥ ekadhā 
iyamapekṣā anusandhānajīvitetyāśayena pūrvasūtre jaḍānāmityeva 
uktam | anenaiva āśayena asmābhiḥ sūtravimarśinyāmekarasatvenaiva 
idaṃ sūtraṃ vyākhyātam, ihatu yāvadgati vicārayitumitthaṃ vibhāgena 
apekṣā vyākhyātā | ubhayī api nāstīti pratijñāya 
pūrvasyāstāvadasaṃbhavamupapādayati yadi ityādinā nāsti ityantena | 
kāryatā iti bījamevahi tāvadaṅkura iti na īdṛgavabhāsaḥ kramavicitro 
bhāva ityapi uktam | deśakramacitre citrapaṭe yathā bhāgaśaḥ 
kāryakāraṇatākalpanaṃ kalpanameva, tathā kālakramacitre'pi bhavediti 
kāryameva na kiñciditi kathaṃ satkāryasiddhiḥ | tathāhi ekameva 
deśakālakramacitraṃ yat, tadeva viśvaṃ syāt | bhavatu iti 
prāptakālātisargaloṭā bhavadapi tatkāryamityartha uktaḥ | evam iti 
kālabhedādevetyarthaḥ | anyathā iti kāraṇasya yadi kāryaniṣṭhameva 
svarūpaṃ, kāryasya ca kāraṇaniṣṭham, evaṃ yadi bhavanasvabhāvatā 
anayostadā tadeveti dhūmāsaṃpṛktena vapuṣā yat vahniravalokyate 
dhūmo'pi vahnyasaṃpṛkteneti, tadetat niyatarūpaṃ na syāt | nahi 
śuddhaṃ tasya rūpamasti vahneriva auṣṇyaśūnyam | tacca iti 
anyonyarūpatayā bhavanaṃ yat saṃbhāvitam | nanu dviprakārā api yadi

(page 231)

apekṣā nāsti, kimiyatā saptamyartho na kalpate iti śaṅkitvā āha evaṃca 
iti saptamī kimanarthikā, tataḥ prātipadikārthamātreṇaiva arthavatī, 
kiṃvā prātipadikārthātiriktena vaikalpikena arthena, 
āhosvitprātipadikārthātiriktena vastubhūtena | tatra triṣu pakṣeṣu 
anuktasamatā vastutaḥ | caturthaṃ pakṣamāha utasvit iti kiñcidbhūtam iti 
vāstavamakalpitamityarthaḥ | tatra nairarthakyaṃ nirākaroti tatra iti | 
tāvadgrahaṇena sarvaprasiddhivirodho'tra hetuḥ siddha evetyāha | 
caturthapakṣam atha iti saṃbhāvya dūṣayati | tadetat ityādinā 
tadviśiṣṭaṃ rūpaṃ nirdiśati vidyamānam ityantena | 
prathamāntādītipāṭhe ādiśabdastiṅāṃ saṃgrahāya | tadetat iti 
uktaviśeṣaṇaviśiṣṭam | tāvat iti yat kiñcit 
karmādikārakaśaktisambandhatadbhedarūpaṃ tāvaditi, tat 
sarvamapākṛtamuktābhiryuktibhiḥ | nanu sarvaṃ kasmādapākṛtam | āha 
arthāntaraṃ pradhānasaṃmatamabhilaṣyati anudhāvati na svātmani 
viśrāmyati yadetadeva rūpamanyonmukhatvasya | nanu dvitīyādayo 
guṇavibhaktaya ucyante, tat prātipadikārthasya tābhirguṇabhāva ādheyaḥ, 
natu anyonmukhatvamucyate, tadevahi guṇabhāva ucyate | tadāha āsāditaḥ 
prāpita etāvanmātralakṣaṇaḥ svātmāviśrāntyātmako guṇabhāvo yena 
prātipadikārthastat | āsādiḥ prāpaṇārtho dvikarmakaḥ | anena pradhāna 
iti guṇavibhakti iti ca vṛttirvivṛtā | bīje sati aṅkuro, bījādaṅkuro, bījena 
aṅkuro'ṅkurasya bījamityevaṃprāyaḥ kāryakāraṇabhāvo na yujyate 
eveti upasaṃharati saptamī ityādinā || 15 ||

     evaṃ saugatādidṛśi kāryakāraṇabhāvo na upapadyate iti upapādya 
svadarśane tamupapādayati

(page 232)

     ata eva vibhaktyarthaḥ pramātrekasamāśrayaḥ |
     kriyākārakabhāvākhyo yukto bhāvasamanvayaḥ || 16 ||

     yato jaḍānāṃ na apekṣā, ata eva hetorbhāvānāṃ vibhaktibhiḥ 
saptamīpañcamyādibhirabhidheyo yaḥ samanvayaḥ, sa sati pramātari 
tadviśrāntidvāreṇa bhavan kriyākārakabhāvarūpa eva pramāṇopapanna 
iti sūtrārthaḥ | taṃ saṃkṣipya avatārayan ata eva iti sautraṃ 
vyācikhyāsuḥ pūrvoktaṃ sarvaṃ hetutayā upajīvati yataśca iti | 
vastusthiti iti dhūmārthī vahnimādatte, dhūmātsa pratīyate iti hi uktam | 
bhedābhedamayatāṃ vyācaṣṭe anyonya iti anusandhātreka iti 
hetudvayena | anyeṣām iti akāryakāraṇātmanāṃ svasvāmyādīnām | 
vyapadeśya iti vyapadeśārhaḥ | kṛṣīvala iti cidrūpaḥ | 
śṛṅgādityādāvīśvaraścid-rūpaḥ kṛṣīvalasya apica īśvaraḥ iti 
viśeṣaṇam || 16 ||

     nanu bījāṅkurādīnāṃ svātmaikaniṣṭhatve mā bhūdapekṣā, 
sāṅkhyasaṃmate tu parasparātmakatve ko doṣa ityāśaṅkya

     parasparasvabhāvatve kāryakāraṇayorapi |
     ekatvameva bhede hi naivānyonyasvarūpatā || 17 ||

     sūtreṇa etat pratyakṣabādhitaṃ tāvat prakṛtaṃ ca kāryādivādaṃ 
bādhate ityāha | spaṣṭamanyat || 17 ||

     ekameva kramavicitrasvabhāvaṃ vastu | tasya svabhāvavargasya 
madhye pūrvaḥ svabhāvaḥ kāraṇamuttaraḥ kāryamiti sāṅkhyadṛśi 
śuṣka eva kāryakāraṇabhāvaḥ | na śuṣkastatrāpi 
kriyākārakabhāvasyaiva prathanādityāha sūtreṇa

     ekātmano vibhedaśca kriyā kālakramānugā |
     tathā syātkartṛtā vaivaṃ tathāpariṇamattayā || 18 ||

     tata eva amī sukhādyā vicitravaiṣamyabhājastadeva idaṃ 
bījamātmātiśayādyaṅkurāvasthāparyantībhūtamiti

(page 233)

pratyakṣānumānāgamādyanyatamamānapratyabhijñānabalena 
yadekātma saṃkucitadṛśā bījaṃ, vitatadṛṣṭyā vā pradhānam, tasya 
ekāśrayasya ya 
ābhāsānābhāsotthāpitakramātmakakālavibhāgānugṛhītaḥ 
svabhāvabhedaḥ, iyameva sā pariṇamanalakṣaṇā kriyā pūrvasya 
svabhāvasya parityāgena anuvivṛtsitasya parivarjanena apahānena uttare 
svabhāvāntare namanaṃ prahvatā autsukyamiti | tataśca tadvatastasya 
pradhānabījādeḥ śuṣkarūpasaṃmatasya api hānādānādau na 
anuvartanalakṣaṇapariṇamanakriyāveśasvātantryāt kartṛtvameva bhavediti 
sūtrārthaḥ | enamavatārayati triguṇātmanaḥ iti 
sukhaduḥkhamoharūpasya samanvayabalena 
pratyabhijñāyamānatvādavasthitasya nityasya abhinnasvāvasthākasya 
niḥśeṣottaradaśopādānabhūtasya vā | mahat iti buddhiḥ | 
pṛthivīparyantā iti samastasusūkṣmavyūhavibhavaparyanteti yāvat | 
bījasya vā iti lokadṛṣṭyā | aṅkuraparyantā iti 
sajātīyapariṇāmādyatiśayapramukheti āśayaḥ | pariṇamane 
kriyālakṣaṇe pūrvoktaṃ yojayati kriyā hi iti guṇasvābhāvyāt iti ca | 
guṇavṛttam iti vividhavaiṣamyātmakaviśvarūpatāsahatvāt kevalaṃ nahi 
citrībhavati nīlamiva, sattvatamasī tu parasparavibhinne rajasā cañcalena 
vicitreṇa citratayā anyonyābhibhavādivicitrabhāvena pariṇāmasahasrāṇi 
nīyete | tata ucitaṃ vaiśvarūpyam | taducyate nāmiśraṃ pariṇamati iti 
vyatirekeṇa | puruṣārthatvena iti bhogyarūpatvena | dṛśyaṃ 
pradhānamavivekena darśanaṃ bhogyāparaparyāyaṃ, vivekena ca 
darśanaṃ kaivalyakāraṇatayā mokṣavyapadeśyaṃ puruṣasya 
draṣṭṛśaktiṃ kṛtārthāṃ vidadhat puruṣārthamiti ucyate, 
tathāpariṇamat itīyatā paramatānuvādaḥ | śiṣṭaṃ svadarśane 
pātanamasya upagamyam | asya vyaktasya iti mahadādeḥ || 18 ||

(page 234)

nanu iyatā uktena pradhānasya kartṛtvaṃ samarthitaṃ bhavet, na cidrūpasya; 
tacca na aniṣṭaṃ parasyetyāśaṅkya sūtraṃ

     naca yuktaṃ jaḍasyaivaṃ bhedābhedavirodhataḥ |
     ābhāsabhedādekatra cidātmani tu yujyate || 19 ||

     evam iti abhinnarūpasya dharmiṇaḥ 
pravahaddharmabhedasaṃbhedana-svātantryātmakaṃ 
pariṇamanakriyākartṛtvaṃ yat nirūpitam, tat pradhānāderna yuktaṃ 
jaḍatvāt | jaḍo hi pariniṣṭhitanijarūpaḥ prameyatvāt tadasāvityapekṣayā 
bhinna iva vyavasthāpyo nīla iva anīlāpekṣayā, svāpekṣayā tu abhinna 
eva, natu sa eva svabhāvo bhinnaśca abhinnaśca virodhāt | 
svabhāvāntaratve kathamekatvaṃ

     bhedābhedavyavasthaivamutsannā----------------|

itinyāyāt | tasmāt jaḍamanekarūpaṃ na bhavati prameyatvāt nīlādivaditi 
anekaviruddhamekatvaṃ, tena vyāptaṃ prameyatvaṃ, pariniṣṭhitarūpatayā 
vyavasthāpanīyatvaṃ prameyatvamiti viruddhavyāptopalabdhiḥ | 
cidātmanaḥ punaḥ prameyadaśānāpannasya darpaṇasya iva svacchasya 
svatantrasya ca citrasaṃvedanasya iva pratibimbabhūta ābhāsavargo bhinna 
ekasya api nyāyena ghaṭate iti sutrārthaḥ | enamavatārayati 
prāktanamupasaṃharan evam ityādinā | śuṣkaḥ 
kartṛtātmasvātantryalakṣaṇobhayamelanātmakarasaśūnyaḥ | eṣā 
tāvadupadyate hetutā, sāpitu paradṛśi na yujyate iti apiḥ | ata eva iti yato 
jaḍatvānupapattau hetustatastadviruddhamajaḍatvamupapattau heturiti 
ayatnasiddham | nanu hastiparvatādīni kimiti tatra ekatāṃ na virundhyuḥ | 
virundhyuryadi tāni kānicit svarūpeṇa bhaveyuḥ | naca evam | darpaṇa evahi 
tāni | tadāha nahi iti | svātantryavihīne'pi svacchatāmātrasya ayaṃ 
mahimeti apiḥ | naca iti bhavadapi etat

(page 235)

na asmākaṃ pakṣaṃ bādhate | mūlata evaca idaṃ na upapadyate iti 
ubhayathā yadupakrāntaṃ naca bhede'pi iti, tat krameṇa vibhajati 
bhrāntyāpi ityādinā naca bhrāntiḥ ityādinā ca | tāvanmātram iti 
tathāprathanam | tadeva spaṣṭayati ekam ityādinā | nanu ādarśa iva 
mṛtpiṇḍo'pi anekatayā bhāsatām | atra āha naca iti | asvacche hi 
pratibimbānekatā vicitrapratibimbadhāritvarūpā hīyate pramāṇena na 
upapadyate | asvacchaśca ghaṭaśarāvādyapekṣayā mṛtpiṇḍa iti ekaḥ 
sannasau na aneko bhavati | atha svacchameva kiñcit ghaṭādi 
pratibimbānekayogi bhaṇyeta, tarhi pariṇāmavādo'yaṃ na bhavati 
pariṇāmavāde pariṇāmānāṃ pṛthageva vastutopagamāt | nacāpi 
svacchamiti tu pāṭhe'yamarthaḥ-svacchamapi vastu pratibimbānekatvaṃ 
hitvā prakārāntareṇa ekaṃ sadanekaṃ na yujyate, prakṛte tu prakāre 
pariṇāmavādo hīyate bādhakābhāvāt iti sarvasaṃvāditvena 
vimarśānunmūlanāditi yāvat | nanu sāmānyāvayavyādau 
sarvānubhavasaṃvāde'pi yauktiko bādhaḥ, tadvat prakṛte'pi 
syādityāśaṅkāṃ śamayati ekasya ityādinā | sāmānyāderapihi 
sarvasādhāraṇābhāsaviṣayasya vimarśasya unmūlanaṃ na kiñciditi 
vicāritacarameva | tathānubhavenaiva iti sārvatrikena sadātanena ceti yāvat 
| nanu evaṃ pradhānasya paripelavatamaguṇagaṇarūpasya svacchasya 
jaḍasya api ādarśasya iva na pratibimbarūpaṃ bhaviṣyati mahadādi | 
satyam, darśanakṣatistu sāṅkhyasyetyāśayena taddarśanamāha jaḍasya 
tu iti | vastusattāḥ iti natu pradhānamātraikaparamārthatayā 
anyonyamakiñcidrūpāḥ | etadeva āha natu iti | pariṇāmavāde 
avidyākṛtā sattā na iṣyate yathā brahmadarśane | nanu avidyā 
tuccharūpā, sā kathaṃ sattāṃ kuryāt | āha

(page 236)

upaplavarūpā sā sattā tucchaiveti yāvat, yadivā avidyākṛtasattāyāmapi 
vāstavyāmupaplavātmakaṃ tucchaṃ rūpaṃ yeṣāṃ, te tādṛśā na 
iṣyante sāṅkhyairiti samastapadaṃ pūrveṇa saṃbandhanīyam | tasmāt 
yaducyate

     guṇānāṃ paramaṃ na dṛṣṭipathamṛcchati |
     yattu dṛṣṭipathaprāptaṃ tanmāyeva sutucchakam ||

iti, tat pradhānabrahmavāde, natu pradhānapariṇāmavāde iti mantavyam | 
etadeva ghaṭayati ayameva iti | hi iti yata evaṃ, tato 
yuktamasmābhirvibhaktam | naca etat svabuddhikalpanāmātraṃ yasmāt 
pariṇāmavāde dharmiṇāṃ dharmarūpatā, dharmāṇāṃ dharmirūpatā 
aṅgīkṛtaiva | tathāca iti dharmadharmirūpatayā | evaṃ 
pariṇāmavṛttāntaṃ pradarśya vivartavṛttāntaṃ paropagatamāha 
brahmaṇastu iti | ekasya iti tattvādapracyutasya ityapi ekatvenaiva 
ākṣiptamiti pṛthaṅma?likhitam | bhedānukāreṇa iti tu 
asatyavibhaktatābhidhānenaiva svīkṛtam | ekasya vibhaktarūpagrāhitā 
mṛtkūṭasya śarāvādirūpagrahaṇena kūṭarūpatattve cyāvastu 
asatyarūpagrahaṇena pariṇāmavādāt bheda uktaḥ | asatyavibhaktarūpateti 
ukte avibhaktarūpataiva śaṅkyeta rajjoriva sraksarpādyavabhāsa iti 
anyapadam | nanu tāni cedasatyāni rūpāṇi, kathaṃ brahmaṇo'nyānīti kā 
vibhaktatā; atha brahmaṇo'nanyāni, tarhi bhavati vibhaktatvamasatyatā tu 
kutaḥ | atra āha cidātmano brahmatattvāt iti viśeṣaṇena 
anapahnavanīyatāṃ prakāśasya darśayati asya iti brahmaṇaḥ | 
sarvapravādeṣu avicāritacārutvameva avidyāyāstattvaṃ vicārasya 
vidyārūpasya prakāśasya iva tamastattve'vidyāsatattve 
nirūpye'vakāśāyogāt | iyatā pariṇāmavāde tāvat na satyatvamiti 
upapāditam |

(page 237)

nanu mā bhūdasau, pradhānabrahmavādastu bhaviṣyati yathā ucyate 
śrutyanteṣu | etat na sahate tatra iti jaḍasya prameyarūpasya 
viruddhadharmayogena aikyānupapattirhi vitatya uktā

     bhedābhedavyavasthaivamutsannā----------------|

iti | tato jaḍabrahmavādo na yuktaḥ, saṃvidbrahmavādastu upapannaḥ 
svadarśana iti āvartayati cidātmani iti | 
aparicchinnaprakāśasvātantryameva cillakṣaṇam | eṣām iti bhāvānām | 
nanu ca avidyārūpatvaṃ cidbrahmaṇi iva jaḍabrahmaṇi api 
samastopālambhasaṃbhārabhañjanabrahmāstraṃ bhaviṣyati | maivam | 
saṃvido hi svātantryādatidurghaṭakāritvaṃ nāma yā 
śaktirapūrṇakhyātiparamārthāmakhyātiṃ prakāśadhāmani 
khaṇḍanārūpanañarthollekhanāvedanasvabhāvāmullāsayantī, saiva 
māyābhidhānā avidyāsamutthāpakatvādavidyeti ucyatām ; natu jaḍasya 
iyamasti | tatsadbhāve hi kiṃ jāḍyaṃ nāma | pūrṇamevahi ajāḍyamadaḥ | 
atra iti brahmādvaye | ādiśabdena bhagavati 
śaktisañcayagaṇanamaśakyamiti darśayannetadāha 
asmaddarśanānabhyupagame brahmavivartavādo jaḍavivartavāda eva | tatra 
ca avidyā api vivartatattvopapādikā na samarthayituṃ śakyeti vitānitaṃ 
śrīśivadṛṣṭau | tadetaduktaṃ yadi ityādinā syāt ityantena | 
paramaśivarūpatvādi parāparamadhyamaparaparyantaṃ yat saṃvidaḥ 
satattvaṃ, na tat vedāntavādināṃ spaṣṭena pathā dṛśyate 
pārameśvarādvayasaṃvalane tu syāditi āśayaḥ | atha yaduktaṃ, 
cidātmano'tyantanirmalatvātpratibimbanyāyena iti tatra 
parāśaṅkāṃ vyapohati naca iti | iti ca na śakyaṃ vaktamiti sambandhaḥ | 
hetumāha asti tāvat iti svacchasya vastunaḥ svavilakṣaṇaṃ 
rūpamādarśayato'pi svaccharūpasya anupādhikatvamiti hi āvedite

(page 238)

svacchatvasya ayaṃ prabhāva ukto bhavati, natu pratibimbatāyāḥ 
pratibimbādirūpasya svayamasāratvāt ; asārasya ca kā prabhāvacarceti 
sārasvacchaprabhāva eva ayaṃ varṇanīyaḥ | tattu svavilakṣaṇaṃ rūpaṃ 
yadanyat, tatsādṛśyamapekṣya ādarśanīyam; tadā pratibimbavyavahāraḥ, 
samarpakāntarābhāve tu nirmeyavyavahāraḥ | ata eva pratibimbatveneti na 
uktamapitu pratibimbanyāyeneti | tadāha tatra tu iti ādarśe 
saptamyarthopakrame'pi ca | cittattvasya iti ṣaṣṭhyā yadākṛtibhedanaṃ, 
tadaiśvaryaśaktisambandhitāṃ prakṛtaprameyarūpāṃ nirvāhayitum | nanu 
evaṃ pradhānamapi ādarśakalpaṃ bhavat mahadādipratibimbacitritaṃ 
bhaviṣyati | na etadityāha ekasya iti atyaktasvabhāvasyetyarthaḥ | eṣṭavya iti 
anyathāhi na pariṇāmavādo bhavet | vivarta evahi tadā syāt, so'pivā 
ayuktaḥ samarpakāntarābhāve pratibimbatvāyogāt jāḍyena ca 
nirmāṇasāmarthye nirmeyatvāyogāt | nanu svaccha ādarśaḥ kiṃ 
parvatādirūpo bhavati, uta tathā bhāsate | ubhayathā api adoṣa ityāha 
svacchasya tu iti | nanu svaniṣṭhatā kathaṃ yuktā 
viruddhadharmādhyāsāpatteraparihārāt | viruddhata eva na kācidityāha 
tathādṛṣṭatvādeva iti | nanu evam ābhāsabhedāt iti sūtre cidātmani 
iti ca kimarthamuktaṃ svaniṣṭho'pi hi svacchasya jaḍasya api ca 
saṃbhavatyeva bheda ityāśaṅkya āha sa ca yathā iti yena prakāreṇa 
tathādṛṣṭatvalakṣaṇena so'viruddhīkriyate bhedastena prakāreṇa phalata 
ābhāsaniṣṭhatāyāṃ viśrāmyati darśanasya pramātṛvyāpāratvena 
ābhāsaviśrāntatvāt | 
agṛhītapuraparvatādipratibimbasahasrasaṃbhedino'pi hi ādarśasya 
ābhāsasārameva tattvato vapuḥ | ābhāso dṛśyate hi atreti hi ādarśaḥ | 
nanu evaṃ pratibimbagrahaṇe jaḍasya virodhāt cidātmana

(page 239)

eva ekasya bhedena sthitirityetat yujyate, jaḍasya tu evamayuktam; abhinnasya 
bhedasthitirhi viruddheti vṛttau kimiti pratibimbadhāraṇaṃ darśitam | kiñca 
nirmeyatā cidapekṣayā bhāvānāṃ, na pratibimbateti | atra āha pratibimba 
iti | dṛṣṭāntāśayena etaduktamiti yāvat, athavā yadvinā yat 
nīrūpamapṛthagbhūtamapi pṛthagbhūtatayā iva nirbhāsate, tat tatra 
pratibimbamiti pratibimbasāmānyalakṣaṇaṃ cidapekṣayā asti bhāvānām 
| naca ādarśo'pi nāma svatantraḥ kaścit jaḍaḥ | so'pihi 
tathābhāsanapara-mārtha eveti jaḍasya asaṃbhava eva pratibimbāditi 
āśayo'traṭīkāyāṃ varṇanīyaḥ | atha bāhyārthavādino mataṃ 
nirākaroti āśaṅkamānaḥ naca iti itiśabdāntametat 
yadācāryadharmottarādibhiruktam, tat na vacanārhaṃ yata evamityatra 
granthena sambandhaḥ | kiṃ tairuktam | āha yadyapi ityādi arthasya ityantam 
| yadyapi ityādinā anupapatteḥ ityantena vijñānamātravādisaṃmataṃ 
yadanumānaṃ-yat prakāśate, tat prakāśādabhinnamiti, tadanubhāṣate | 
atraiva prayoge hetusāmyayorvirodhaṃ darśayituṃ tamāha tathāpi 
ityādinā | prakāśate hi nīlaṃ, nīlataivaca saṃvidrūpādahantālakṣaṇāt 
prakāśāt bhinnatā svaprakāśarūpatā ca | tataśca 
ahaṃprakāśādabhinnaṃ nīlamiti nīlaṃ na kiñcit bhavet | nanu evametat, 
nīlasya hi saṃvideva paramārthaḥ | etat pariharati cinmātra ityādinā | yat 
na bhāti yasya rūpaṃ, tat tasya paramārtha iti mahatī iyaṃ māyā | nanu 
yathā parvatasya darpaṇa eva tattvato rūpaṃ, tathā nīlasya api saṃviditi 
paramataṃ parākartuṃ dṛṣṭāntameva apanudati darpaṇa ityādinā | 
svadeśagata eva hastī darpaṇe rūpasanniveśamātreṇa saṃkrāntaḥ, 
svadeśagatāt vā hastino'nyarūpa eva saṃniveśamātrāt sa hastī 
tathābhūta

(page 240)

eva jātaḥ iti na asya darpaṇarūpatā sattvam | nanu rūpam---------------
kathaṃ miśrībhavet sapratighadharmatvāt tasya | atra āha nahi iti | tatra 
taddarśanamiti hi yadi niṣpratighatvaṃ, tadālokarūpe'pi 
tadantargataghaṭādisahasre samasti; ekatāpattistu na hastidarpaṇarūpayorapi 
atra ghaṭarūpayoriveti samānam | nanu ādarśa eva ayamitthaṃbhūta ityasti 
pratipattiḥ | atra āha bhrāntirevahi iti | eṣeti ghaṭasya darpaṇātmatā 
bhramajñānopakalpitā, natu tattvam | nanu evaṃ nīlasya kathaṃ 
prakāśamānatā jñānasyaiva prakāśadharmatvādityāśaṅkāṃ 
vyapohati jñānasya caivam iti | na khalu nīlaṃ prakāśate, jñānamevatu 
ātmanā prakāśamānamanātmanā api prakāśate iti nīlaprakāśarūpa-
jñānaprakāśa eva nīlaprakāśa ityetadāyātamaṅgīkāryameva | kuta 
āyātam | āha arthādarthāvabhāsanasya anihnavanīlamayatvāt 
jñānalakṣaṇasya ca arthasya anādisiddhaivaṃbhūtasvabhāvatvāt | nanu 
ātmānātmanorvirodhāt kathaṃ tadubhayaprakāśamanekasya rūpaṃ 
bhavet, arthaśca aṇusthūlātmā ṣaṭkayogaraktāraktādidoṣaduṣṭa iti | atra 
āha atraiva iti ubhayarūpatvasamarthane saṃvedanasya avasāyagrahaṇena 
idamāha-vastuto'tra bādho'sambhavatvādeva parihṛto vastunaḥ 
saṃkucitātmano deśataḥ kālataśca aṇurūpasya kṣaṇikasya 
virodhābhāvāt jñānasya ca anādisiddhatayā svabhāvatvāt, kevalaṃ 
tathā niścetumaśaktāḥ paraiḥ śuṣkatarkakarkaśairasannyāyairjīyante iti | 
asya iti jñānasvabhāvasya pratibhāsamānasya ca bāhyasya 
abādhitasaṃvedanasākṣikasya ullaṅghane svacchandavāditvamāpadyeteti 
vitānanārthinā bāhyārthasiddhigrantho'tra smartavyaḥ | etat neti 
yaduktaṃ, tatra hetumāha yataḥ iti | anena ca dṛṣṭāntasamarthanena 
svacchasya vilakṣaṇarūpāntarāvabhāsasāmarthyena vyāptiruktā | 
tathaiva iti darpaṇāntarāvasthānena |

(page 241)

bhavataiva iti pratītisiddhaṃ na apahnavanīyamiti vadateti ayamāśayaḥ | 
tataḥ iti evamabhidhānāt | deśāntarastha iti yaḥ satyasaṃmato hastī, sa 
eva tāvadasau na tato deśabhedena avabhāsāt, tata eva sa pratisaṃkrānta iti 
nistattvaṃ bhāṣāmātramadaḥ, nāpi hastyantaravat tajjātīyo 
darpaṇapāratantryāvabhāsananiyamābhāvaprasaṅgāt | tadāha 
tathāprakāśanābhāvāt iti | yadapi uktamanya evāyamiti, tadapi 
apanudati ādarśābhyantare iti | rūpaikatattvo hastī svatantrastāvat na 
bhavati darpaṇadeśatyāgena anavabhāsāt | gṛhābhyantara iva 
darpaṇābhyantare bhātīti cet, āha ādarśarūpeṇa iti | nibiḍaṃ hi 
rūpamādarśasya, tatra kathamasya praveśo bhavet, tatparamāṇūnāṃ vā 
sāntaravyantaratāyāṃ darpaṇaparvatasanniveśadvayameva na bhāyāt, 
ālokarūpāpasāraṇenaivaca ghaṭādirūpāṇi dṛśyante, natu 
taddeśamātrarūpāṇi | etacca piśācaṭīkāyāṃ (1|7|11) vitatya 
vicāritameva | pratītyanapahnavavādinaśca idamāpatatītyāha tacca iti | 
dṛśyate iti | naca tathetibhāvārthaḥ | tameva hetutvena nirdiśati tat iti | 
anyatra iti ādarśasya madhye pṛṣṭhe paścādbhāge svatantre deśāntare 
vā | nanu abhrāntipratītisiddhaṃ na apahnavanīyaṃ, bhrāntā ca 
iyamādarśe'dripratītirityāśaṅkya bhrāntatāṃ nirākartuṃ tādrūpyaṃ 
tāvat parighaṭayati pītameva iti | vaidharmyeṇa 
dṛṣṭānto'yamatirodhānāpekṣayā, yadivā pramātrantarāṇāṃ 
śuklarūpamapi sphuratyeveti sādharmyeṇaiva kathaṃ na ādarśarūpaṃ 
syāditityetadapekṣayā tu mukhyatvena sādharmyadṛṣṭāntaḥ | pītarūpasya 
hi yathā śuklarūpaparamārthatvameva iṣyate śuklarūpeṇaiva 
jñānajanakatvāt, tathaiva parvatarūpasya ādarśarūpaparamārthataiva 
yukteti pītarūpasya tu asatyateti

(page 242)

anyadetat | netyāha tatraivaca iti pītaśaṅkhādau, natu 
darpaṇaparvatādāvitarasya śuklarūpasya paramārthasato'pi aprakhyānāt | 
akhyātirevaca apūrṇakhyātimayī bhrāntestattvamiti upapāditameva, 
prakṛte tu na akhyātiḥ kāciditi darśayati ubhayorapi iti darpaṇaparvatayoḥ | 
tenaiva iti dvayaprakāśena evamavasthāpyate darpaṇarūpaṃ 
parvatarūpānākramaṇena api, parvatarūpaṃ 
darpaṇarūpānākramaṇeneti, pītaśaṅkhādau tu naivamityāha nahi iti | 
pītāvaruddhaṃ śuklaṃ, śuklākārākramaṇena ca pītamiti na 
vyavasthāpayituṃ śakyaṃ kāmalāvatāṃ śuklasya avedanāditareṇa ca 
pītasya | nanu darpaṇo'lpadeśo'lpaparimāṇaśca, tadviparītastu parvata iti 
deśena parimāṇena ca virodhāt kathamanyonyarūpatālakṣaṇo virodhaḥ | 
yadāha

     viruddhaparimāṇeṣu vajrādarśatalādiṣu | 
     parvatādisarūpāṇāṃ bhāvānāṃ nāsti saṃbhavaḥ ||

iti | etat nirākaroti deśaparimāṇavirodha eva nāstīti vadan vitatamapi 
ityādinā | tasya deśādeḥ iti parvatadeśasya parvataparimāṇasya ca 
darpaṇadeśaparimāṇollaṅghanena prasaraṇaṃ yato nāsti | nanu 
aprasaraṇaṃ cet, bhrāntatvamastu pītasya iva śuklollaṅghanena aprasarataḥ | 
atra ucyate atirodhanācca iti pītena tu śuklaṃ tirodhīyate eva yato na 
khyātiḥ | nanu parvata ādarśasatattvamiti atidanturametat | na kācidatra 
danturatetyāha tathābhūtasya ca iti aviruddhadeśaparimāṇasya vastunaḥ 
iti abhrāntasya adarśanamātrasāratvamavalambya siddhiryataḥ | naca sā 
asaṃbhavinītyāha saṃbhavitvena iti itthaṃbhūtatṛtīyā | tatra hetuḥ 
tathāprakāśasāmarthyāt iti | etadeva sphuṭayati viruddha iti āpāte 
yadyapi virodho'vakalpyate, tathāpi na

(page 243)

asau virodha iti | tadāha tathāprathanādeva san iti | nanu āpādyamāno 
virodho virudhyate katham | itthamityāha viruddhatva ityādi | etadeva hi 
ādarśasya svacchasvabhāvatvaṃ suspaṣṭamabhiṣṭuvate niṣṭaṅkayato 
bhāvatattvam | nanu bhramamātrametaducyate, kimatra yatnena 
vastutvasamarthanāyāmityāśaṅkya āha nanu iti | ihaca 
ubhayapūrṇaprakhyāyāṃ svaccharūpaivaṃvidhatāprakhyāyāṃ ca na 
kācidakhyātiriti bhāvaśeṣaḥ | nanu parasparāvirodhe parvatatattvaṃ 
darpaṇarūpamityapi na kasmāt, tataśca nīlādiparamārthaṃ cittattvamiti 
āpatet nīlādeḥ paramārthatvam | etatparāṇudati parvatādi iti 
parvatādiviraheṇa api śuddhasvacchatayā bhāvāt tathaivaca 
arthakriyākaraṇāt cittattvasya ayameva vidhiranusartavyaḥ | nau 
darpaṇākārāvarodhitve samarthite'pi darpaṇaikarūpatvaṃ kathaṃ syāt, 
asadvā kathaṃ na bhavediti bhramaṃ bhanakti nacāpi iti naca na 
darpaṇarūpaṃ, naca asaditi śakyaṃ vaktumiti | atra hetuḥ 
darpaṇākārasya avarodhena paramārthato'vaṣṭambanena 
bhāsamānamapi iti | nanu evaṃbhūtamapi tathā ucyatām | āha 
darpaṇasyeva iti | etadeva spaṣṭayati tasya iti adrirūpasya | tasmāt iti 
ādarśāt | upapattyā vicāryamāṇaṃ prakāśamānamapi yadi na 
upapadyate, tadasya bhavatu asatteti yo brūyāt; taṃ pratyāyayati 
nairmalyamapi iti | etadevahi tat nirmalatvaṃ yat svātmānatiriktasya api 
atiriktasya iva avabhāsanam | vicchedena iti idantayā | evaṃca iti 
vicchedāvabhāse'pi | asmābhiḥ iti vayaṃ hi prakāśaikasāraṃ 
sarvamarthajātamācakṣmahe | tatrāpitu māyāśaktivaśāt yathaiva 
nīlādayo bāhyīkṛtā nāma bhāvāstathaiva darpaṇaparvato'pīti brūmaḥ 
| vijñānavādino'pi

(page 244)

na svasaṃvedanāṃśena asau nirbhāsate, apitu nīlādivadeveti 
vijñānamātratayā tasya uktayā na 
āsmākīnaprakṛtadṛṣṭāntatāvighaṭanaṃ kiñcit | adhunā uktamarthaṃ 
saṃkalayya brūte evam ityādinā, prakṛtaṃ tu bhrāntervailakṣaṇyaṃ 
darśayati pīta iti śuklaśaṅkhāvabhāsanirapekṣataiva svātantryamiti 
darśayati naca iti bhrānta iti pītaśaṅkha iti sambandhaḥ | etat prakṛte 
upayojayati natu iti | ādarśata iti ābhāsate hi saḥ, natu śuklakambuvat na 
ābhātītyatra vai bharaḥ | evaṃ dṛṣṭāntaṃ ghaṭayitvā dārṣṭāntike 
yojayati tat iti tasmāt parighaṭito'yaṃ dṛṣṭāntastasmāt hetoḥ | ittham iti 
dārṣṭāntike sāmyāpādanam | nanu cidrūpābhedena 
prakāśanamasiddhamahambhāvabahiṣkāreṇa nīlādīnāṃ 
pratyayādityāśaṅkya āha māyāpramātuḥ iti ṣaṣṭhī avabhāsata 
ityetadapekṣayā, tadāca citsvarūpāt iti pārameśvarāditi mantavyam; 
pañcamī vā sāmānādhikaraṇyena, tadā ayamarthaḥ-saṅkocabhāgapi 
yaḥ pramātā ahamiti, tasya yo'cidaṃśastata eva nīlādayo bhedena bhānti; 
natu cidaṃśāditi yat śarīraśūnyādeḥ pramātṛtvena utthānamayamasau 
prathamameva māyāśaktivyāpārakṛto bhrama ityato hetoḥ | etat iti | 
tadvyatirekena yat prathanaṃ nīlādīnāṃ, tadapekṣayā ca 
ahambhāvabāhyatvaṃ; tadastu nānaṅgīkṛtametadityarthaḥ | saca 
bhramonāṭyatulyasya 
aparamārthasato'tyaktasvarūpāvaṣṭambhananaṭakalpena 
parameśvaraprakāśena pratītigocarīkṛtasya saṃsārasya nāyakaḥ 
sūtradhāraḥ pradhānabhūtaḥ pravartayitā itivṛtte nāyako vā, yallagnaṃ 
viśvetivṛttamābhāti; tata eva prathamaḥ | nanu jaḍasya yat 
pramātrīkaraṇamayameva kasmāt prathamo vibhramaḥ | 
prakāśarūpāṇāṃ hi śarīraghaṭādīnāṃ yat vedyīkaraṇaṃ, tasya 
prathamavibhramatā yuktā | maivamityāha mūlabhūtaḥ

(page 245)

iti | nahi atra kālapravṛttyā prāthamyaṃ tasyā eva abhāvāt | yat 
nareśvaravivekaḥ

     tena māyābhidhā śaktiḥ sahaiva kurute dvayam |
     vedyānsadasataḥ sarvānkāṃścidvedyāṃśca vedakān ||

iti | tarhi mūlabhūtatā api katham | tathāhi grāhyāṇāṃ tebhyo 
grāhakebhyaśca, grāhakāṇāmapi tebhyo grāhyebhyaśca yo 
bhedāvabhāsalakṣaṇo vibhramaḥ; sa māyīyavyāpārakṛte 
bhramarūpe'ntaḥpraviṣṭastāvāneva asau vibhramo 
bhūyastamaśākhāśatanicita iti yāvat | satyamevam, tathāpitu sarve 
vibhramā grāhakalakṣaṇe ātmasvarūpe nipatanti | nanu evaṃ 
satyapramātaiva itthaṃ syāt

     yadyapyarthasthitiḥ------------------------| ( a. pra. si. 20)

itinyāyāt | na khalu pāryantikī siddhiratra viśrāntiriti darśayati tattat iti 
tasya tasya vibhramasya āśrayabhūto yo grāhakātmā māyīyaḥ | 
etaduktaṃ bhavati-sati māyīye grāhake tadapekṣayā 
vibhramāntaramucitodayamiti māyīyagrāhakollāsa eva mūlabhūtaḥ, yat 
sa eva mūlam, anyastu ahambhāvo vedyeṣvapi āṇavo mala iti | evaṃ 
māyāpramātrapekṣayā na pṛthaktā kiñcit khaṇḍayatīti uktam, 
satyacidrūpāpekṣayā tu sā nāstītyāha yatpunaḥ iti | nanu 
cinmātrāpekṣayā api asti nīlādīnāṃ bhedo mantreśvarādīnāṃ 
cinmātrasvabhāvatvāt, teṣāṃ ca bhedena nīlādiprathanādityāśaṅkāṃ 
pariharati bhramo'stu iti | śarīrādiśūnyā api te na cinmātrasvabhāvāḥ, 
apitu sajātīyebhyo vedyāt ca 
pṛthagbhāvābhimānasaṃkocātmakamāyīya-
malādhikasaṃvitsvabhāvāste bhagavatā nirmitāḥ | yat vakṣyate

(page 246)

     bodhānāmapi kartṛtvajuṣāṃ kārmamalakṣatau |
     bhinnavedyajuṣāṃ māyāmalaṃ vidyeśvarāśca te || (3|2|9)

iti | idantayaiva iti evakāreṇa śrīsadāśivapramātṛpadāt yo bhedaḥ 
sūcitastaṃ sphuṭayati nanu iti | sadāśivapade hi idantonmeṣe sati 
ahantācchādanamapi asti | sajātīyebhyo'pi bhedābhimānameṣāṃ 
darśayati svātmani iti na kevalaṃ vedyavarga iti apiḥ; yasya asaṃbhāvyaṃ 
bhedanaṃ prakāśaikaparamārthatvāt, so'pi bhinna itīśvarasya parametat 
durghaṭakāritvamāgame mahāmāyeti vidyeti vyavahṛtamiti darśayituṃ 
dvitīyo'piḥ | yat vakṣyati

     bhedadhīreva bhāveṣu---------------------------| (3|1|6)

ityādi | ata eva iti yataḥ pramātṛvargāt prameyavargāt ca 
saṃkucitacidrūpā, tataḥ kṛtakā anyathā śuddhacidrūpatāyāṃ 
nityatvena kṛtakatvāyogāt | nanu evaṃ te māyīyā eveti kathaṃ 
māyātattvoparivartina ucyate ityāśaṅkya āha tāvacca iti | 
vedyadehādyahambhāvajñatvakar-
tṛtvavirahāvabhāsanalakṣaṇapūrṇamāyāvyāpārābhāvādamāyīyāst
e ucyante satyapi tāvati māyāvyāpāre ityarthaḥ | tarhi māyottīrṇatayā 
yaducyate śuddhavidyāmayatvam, tat kutra | āha īśvarasya tu iti 
ahantācchāditedantābhāvasyaiva vidyāmayatvam | yat vakṣyati

     idambhāvopapannānām-----------------------| (3|1|4)

ityādi | nanu asti tāvadayaṃ saṃbhavo bhagavatprabhāvo bodhasvabhāve 
dehādyasaṅkocavati api pramātari bhedamavabhāsayatīti, tadidānīṃ 
brahmādayo'pi kīṭāntāḥ śarīrādipramātṛbhāvavantaḥ santo bhedaṃ 
gṛhṇanti,-iti kimarthamuddhoṣyate te'pi cinmātrapramātṛrūpāḥ 
santvityāśaṅkāmanūdya pariharati na yuktam iti na 
asmābhirbhedābhimānānyathānupapattyā

(page 247)

dehādeḥ pramātṛtā unnītā | svasaṃvedanādeva hi sā nirbhāsate 
kṛśo'haṃ sukhyahamityādeḥ pratyātmavedyasya pratyayasya 
apratyākhyeyatvāt | upapattirapi atra arthe saṃbhavatītyāha 
bodhātmanyeva iti cakāro hetusamuccaye | bodhamātrasya hi 
pramāturāharaṇīyo bodho nāsti, yatra indriyādisāmagryupayogaḥ | 
vedyoparāgamātreṇa hi tasya nīlādibodharūpatā, vedyaṃ ca sadā 
sannihitamiti sārvajñyameva asya yuktam,

     kena nāma na rūpeṇa bhāsate parameśvaraḥ |

iti ca nayena bhagavatā sārvajñyamapi nirbhāsanīyameva, tanmātraṃ ca 
ete dehādipramātāra iti āśayaḥ | 
prasaṅgāgataprameyāntarasāntarīkṛtaṃ prakṛtaṃ sūtrārtham 
abhāsabhedādekatra ityādikaṃ nigamanavyājena anusandhatte tat 
ityādinā || 19 ||

     nanu iyatā vijñānarūpaṃ brahmaiva viśvātmanā bhātītyucyate, 
kimīśvaratayeti yo mohaḥ, tamapahanti

     vāstave'pi cidekatve na syādābhāsabhinnayoḥ |
     cikīrṣālakṣaṇaikatvaparāmarśaṃ vinā kriyā || 20 ||

     cita ekatvaṃ vāstavaṃ, bhedastu avidyeti aṅgīkṛte'pi kriyā 
karaṇaṃ na upapadyate ābhāsena bhinnau ghaṭacetanau 
tayoryaścikīrṣālakṣaṇa ekaḥ parāmarśo yadi na bhavet kriyāpekṣayā vā 
sambandhasāmānye ṣaṣṭhī, paścāttu aucityāt karmatvakartṛtvābhyāṃ 
sa sambandho vibhajanīyaḥ, ābhāsena bhinnayoridamahamitijaḍacetanayorya 
ekaḥ parāmarśaḥ paracittattvaviśrāntilakṣaṇastaṃ vineti vā, tena kriyāṃ 
cikīrṣāṃ parāmarśaṃ vā apekṣya ṣaṣṭhīsamāsaśca nityasāpekṣatvāt 
| etaduktaṃ bhavati-vāstavaṃ svabhāvasiddhaṃ jaḍasya iva ghaṭasya 
ghaṭatvaṃ cito yadi ekatvamucyate, bhedastu avidyeti;

(page 248)

tadā nirūpyaṃ kasya seti | nahi vidyaikarūpasya 
brahmaṇastadabhāvarūpamavidyā nāma, naca anye jīvādayaḥ kecit, 
avidyayaivahi te utthāpyāḥ | anirvācyā seti cet, kasyeti na vidmaḥ | bhāti ca 
anirvācyeti ca yakṣabhāṣā | yuktyā na upapadyate iti cet | 
bhāsanātikramaṇe kā yuktiḥ | avikalpe śuddhameva brahma ābhāti, 
savikalpake tu seti cet; so'pi kasyeti pūrvavat vācyam | avikalpakaṃ ca 
satyaṃ, na itaraditi bhāsamānatvāviśeṣe kuto vibhāgaḥ, bādhāditi cet 
viparītatve parasparatastulyo bādhaḥ | pratītinirūḍhistu bhede yathā, tathā 
na abhede iti bhedasyaiva satyatā yuktā | bādho'pi bhāsamānatvādeva san, 
tathā bhedo'pīti so'pi kathamavidyā; bādho'pica bheda eveti so'pi avidyā 
| tadidaṃ śaśaśṛṅgaṃ gaganakusumasya chedakamuktaṃ syāt | āgamāt 
sarvamiti na ābhāsanāditi cet, āgamo'pi avidyeti sarvamālajālam | yat 
vakṣyati

     brahmāpīṣṭamavidyayā saha tato naikāntavādo'pyayam |

iti sūtratātparyam | tadāha vṛttau akasmāt iti nimittasya 
alābhāditibhāvaḥ | ābhāsabheda ityādinā vedyagataṃ rūpamuktam | 
tadviṣayatvena yat kriyātvaṃ nāma kartṛtādhāyakaṃ, tat na ghaṭate iti 
brahmagataṃ rūpamuktam | tat iti ābhāsabhedasya ghaṭanaṃ kriyātvam | 
nanu dṛṣṭaṃ jaḍasya kartṛtvam 

astyuttarasyāṃ diśi devatātmā himālayo nāma nagādhirājaḥ |

iti | naitadityāha jaḍasya iti akatṛtvamiti sambandhaḥ | tam iti jaḍam | sa iti 
pramātā | etadabhimatameva sārasvatasya devatātmeti viśeṣayataḥ | 
sūtrārthamavatārayati cittattvasya ityādinā | na ityanena nirmeyagataṃ, 
nāpi iti tu

(page 249)

nirmātṛgataṃ rūpamabhidadhatā sautram ābhāsabhinnayoḥ iti spaṣṭaṃ 
yat pratipāditaṃ, tat saṃkṣepeṇa smārayati kāruṇikatayā yathā 
ityādinā | aiśvaryaśaktiṃ vinā nirmittatvāt krame nimittābhāvāt 
kādācitka iti vicitraḥ kramo na syāditi sambandhaḥ | 
antargatasarvābhāsollāsanasvabhāvatve hi yaugapadyameva ucitamityāha 
nityameva iti | aiśvaryaśaktistu samarthā codyamenaṃ parihartumityāha 
īśvaratvāt iti | tattat iti vicitrakramakamiti yāvat | parāmarśa eva 
kriyālakṣaṇo yukta iti sambandhaḥ | lakṣaṇaṃ darśayati kramiko'pi 
ityādinā | kramikatve hetuḥ antar ityādi, ekatve kartṛvyāpāra iti tat iti 
codyaṃ ca uttaraṃ ca parāmṛśati krameṇa vṛttigranthadvayaṃ paṭhan | 
kriyā api cet vedyā, tarhi nirmeyā, tatra ca kriyāntaraṃ, tatrāpi evamiti 
anavasthāṃ mā śaṅkiṣṭa kaścidityāśayena 
parāmarśatattvamuktapūrvamapi smārayati sā caiṣā iti | anyāsu 
pākādikriyāsu sambhavatu kadācidiyaṃ cintā, natu asyāmiti bhāvaḥ | 
nanu yadi vimarśaḥ pramātuḥ saṃvidrūpādabhinno na 
saṃvedyapadamabhipatati, tarhi kramarūpatvābhāvāt kriyātvamasya kutaḥ 
| atra āha pramātrabhedena tu iti avabhāsate iti | 
māyāpramātṛvṛttāntaśca asau parameśvaraprabhāvādeva bhavati,-iti 
tatrāpi kriyāśaktitvamuktam | uktaṃ ca etat

     sakramatvaṃ ca laukikyāḥ-----------------------| (2|1|2)

ityatra | etacca iti sakramatvam | nanu parāmarśa eva icchā bhagavataḥ kriyā, 
tataśca vṛttau tritayaṃ yaduktaṃ cikīrṣayā ityādi, tat kathamuktam | etat 
pariharati abhyupagamapūrvaṃ parāmarśo'pica iti | tasya tasya iti 
karmaṇi ṣaṣṭhī | mātragrahaṇena

(page 250)

karmaṇo'nunmeṣamāha | tata eva mṛjyāddūratvam ? | vṛttyarthaṃ 
vyākaroti atra hi iti vṛttigranthe | ābhāsanā ca kriyā, tasyā ādya eva 
parāmarśo lakṣaṇam | sa eva bahiṣkaraṇātmakābhāsanāparyantaḥ | tena 
ābhāsanāyā eva ayaṃ rūpavibhāgaḥ cikīrṣayā parāmṛśan iti | tena 
trayametadupakrame bhāsamānamapi dvayameva, vastutastu ekamapīti 
tātparyam | ityapi iti na kevalaṃ parāmṛśyamānoparāgāt, 
yāvadicchāprayatnarūpatvādapītyarthaḥ | jaḍasya ityādikāṃ vṛttiṃ 
codyena upakramate evaṃca iti evaṃ tarhītyarthaḥ | mahābhūtasya iti 
devatārūpatve hi yujyate etat | naca devatā dahati tathādarśanāditi manyate | 
nanu icchāyāmacaitanyamapi asti | satyam, iṣyamāṇagataṃ tu tat, na 
svarūpagatam | tadāha nāmarūpa iti | etacca

     ghaṭo'yamityadhyavasā------------------------| (1|5|20)

ityatra uktam | anantaram iti vācakavācyarūpaśabdārthamātrasya 
saṃvedyatvena prakāśanāditi hi atraiva sūtre nirūpitam | atra 
abhyupagamenaiva uttaramāha āstām ityādinā | svagate bhavanādau 
sthiratvādeva rūpāntaraṃ nāstīti kutra anusandhānam, spandanādau tu 
akarmake syandanarūpatvāt pūrvāparakṣaṇaviṣayamekamanusandhāna-
masti, dahanādau tu sakarmake na kevalaṃ pūrvottarakṣaṇaviṣayanusan-
dhānaṃ, yāvat vyatiriktakarmaikīkāralakṣaṇamapīti 
anusandhānadhārādhirohamayameva; tadacetane kathaṃ syāditi darśayati 
āstāṃ tāvat iti | asau iti vyāpāraḥ | yadā ucyate, tadāpīti saṅgatiḥ | 
sattāmātra iti sthirāyāṃ ca abhūtvābhāvinyāṃ ca sattāyāmityarthaḥ 
| nanu vastuvṛttena bhavantyeva tāvat te svatantrāḥ | tat kathaṃ vṛttāvuktaṃ 
svātantryābhāvāt iti | atra

(page 251)

āha svātantryam ityādi mama na bhātamasya avaśyaṃ bhātītyetadeva 
vastuvṛttamucyate, natu anyatkiñcit tat | tataśca bhavanamapi 
prakāśalagnaṃ sat tathābhavatīti bhavanasvātantryeṇa 
prakāśamukhaprekṣiṇā kiṃ kariṣyate iti prakāśane ananyavadanāvalokini 
yat svātantryaṃ, tadeva svātantryamucyate; tacca jaḍānāṃ nāstīti 
yuktaiva yuktiḥ svātantryābhāvāt iti | prakāśasya ca paradaśāyāṃ 
camatkāramātrātmā yo vimarśastadeva svātantryaṃ, natu icchārūpaṃ; 
parāparatve tu tadicchārūpamiṣyamāṇonmeṣāt, aparadaśāyāṃ tadeva 
apūrṇamiti darśayati prakāśo'pi ityādinā cikīrṣaiva ityantena | 
camatkāro hi iti svātmani ananyāpekṣe viśramaṇam | evaṃ 
bhuñjānatārūpaṃ camattvaṃ, tadeva karoti saṃrambhe, vimṛśati na 
anyatra anudhāvati | camaditi kriyāviśeṣaṇam, akhaṇḍa evavā śabdo 
nirvighnāsvādanavṛttiḥ | camaditi vā āntaraspandāndolanoditaparāmarśa-
mayaśabdanāvyaktānukaraṇam | kāvyanāṭyarasādāvapi 
bhāvicittavṛttyantarodayaniyamātmakavighnavirahita eva āsvādo 
rasanātmā camatkāra iti uktamanyatra | viśvanirmāṇe tu iti 
vyatiriktāvyatirikteṣyamāṇatayā śrīsadāśivādibhuvanata ārabhya 
ahambhāvācchādanasya krameṇa saṅkocakramonmeṣe ca 
idambhāvatāratamyasya anantādividyeśvarāntaṃ tathāvasthātuṃ 
parāpararūpatāṃ darśayati bhedāprarohe karaṇavyavahārābhāvāt, 
kṛtamiti tu vyavahārabhedanirūḍhāveva gāḍhāyāṃ brahmādīnāṃ 
kulālādīnāṃ ca | tadāha māyīyasarga iti tathā iti 
saṃkucitarūpatāyāmapi brahmādeḥ kuvindādeśca vyatiriktatve'pi 
iṣyamāṇasya apārimityāt parimityāt ca viśeṣa ityāha evam iti 
parimāṇaśūnye paradaśāyāṃ nāsti icchāvyavahāra iti 
śāntaśivādipravādābhiprāyeṇa

(page 252)

uktvā sadāśaktirūpāviṣṭa eva śiva ityevaṃbhūtadarśanāśrayaśiva-
dṛṣṭimatāvalambanena āha athavā iti | sarvatra hi camatkāra eva icchā, 
saca parabhūmāvapi asti | yaduktaṃ

     tadecchā tāvatī-----------------------------| (1|3)

iti | saivahi iti | camatkāritā hi bhuñjānarūpatā svātmaviśrāntilakṣaṇā 
sarvatra icchā | kvacittu svātmaviśrāntirbhāvāntaramanāgūritaviśeṣama-
pekṣya utthāpyate yatra sā icchā rāga iti ucyate, āgūritaviśeṣatāyāṃ tu 
kāma iti | ādigrahaṇādabhilāṣamalo yatra bhāvāntaraṃ 
sāmānyākāramapi vāsanāvaśeṣamātreṇa āste yathāha

     ------------------------bhāvasthitāni jananāntarasauhṛdāni |

iti | sautsukyaṃ ca nityatatsannidhānavyapagataśaṅkānuviddhā icchaiveti | 
evamanyadanusartavyam | tadabhāvaśca iti svātantryābhāvasya 
nimittamukta icchābhāva iti saṅgatiḥ | iyatā vṛttirubhayathā gamitā-
bubhūṣāyogena yat svātantryaṃ, tasya abhāvāt; ayogena ca yaḥ 
svātantryābhāvastata iti | nanu evaṃ himavānastīti katham | āha 
kartṛtopacārastu iti āropaṇe nimittaṃ tatpāratantryātmakaṃ tātsthyaṃ 
nāmetyarthaḥ | svātantryasya gamyamānasya atra āropaṇamityatra 
arthe'bhidhīyamānasvātantryāropaṃ dṛṣṭāntīkaroti kūlam ityādinā | 
āśaṅkāyāmacetaneṣviti pratyākhyātuṃ yat vākyaṃ na vā 
tulyakāraṇatvādicchāyā hi pravṛttita upalabdhiriti, tatra 
pramātṛsvātantryāropaṇameva tattvamavaseyamiti āśayaḥ | tata eva 
icchāsaṃbhavapakṣaṃ vākyamadṛḍhaṃ matvā parihārāntaramākhyat 
upamānādvā siddhamiti, tattu tṛtīyamuninā na asahyata na 
tiṅantenopamānamastīti | tadāstāmavāntareṇa | sarva eva iti 
nityapravahattāṃ

(page 253)

vartamānasya darśayan māyāpramātrapekṣametaduktaṃ, 
satyapramātrapekṣayā tu anupacaritameva idamityāśayaṃ sūcayati | 
māyāpramātrapekṣayā tu anupacaritameva idamityāha athavā iti | 
māyīyapramātṛtā pade'pica satyapramāturavirodha ityāśayena apiśabda 
aṅkurapadena abhūtaprādurbhāvaṃ piśunayati | mama pramātā iti 
māyāpramātruddeśenaiva idaṃ sāmarthyam, paramārthapramātari tu na 
kiñcidatra prayāsyamityāha || 20 ||

     itthaṃ tathā ghaṭapaṭādyābhāsajagadātmanā |
     tiṣṭhāsorevamicchaiva hetutā kartṛtā kriyā || 21 ||

     arthaḥ spaṣṭaḥ | saivaca kriyāśaktiriti yaduktaṃ, tatra kaścit 
brūyāt-bhagavati icchā, śrīsadāśive jñānaśaktiḥ, īśvare punaḥ 
kriyāśaktiriti āgame śaktivibhāgastadetat kathamiti | tatra āha 
viśvāvabhāsana iti caḥ śaṅkādyotakaḥ | na kevalaṃ loka prasiddhā 
kriyā spandanarūpā, yāvadiyamapīti apiḥ | yadā tadā iti 
hetuhetumadbhāvadyotakau nipātau, yadyapi-tathāpītyetadarthavṛttī vā | 
kriyāyāṃ śaktirityevaṃ vyākhyāya sāmānādhikaraṇyamapi 
svābhimataṃ vyācaṣṭe tasyāmapivā iti | śaktiḥ iti kriyātmā | 
yathoktaṃ

     susūkṣmaśaktitritayaṃ sāmarasyena vartate | (śi. dṛ. 1|4)

iti | tanmukhena iti ciddhanakartṛmukhena | yadāhuḥ iti vaiyākaraṇāḥ | 
evaṃbruvāṇaiśca aparakārakaparyāyāpāye'pi sati kartari kriyātattvasya 
darśanamasati tu aparakārakasāmagryāmapi adarśanamiti 
anvayavyatirekābhyāṃ kartṛviśrāntireva kriyeti nirūpitaṃ bhavati | na iha 
pacyate ityādāvapi adhikaraṇākṣiptā eva pākabhogādiyogyā bhāsanta 
eva kartāraḥ | natu iti karmaṇaḥ

(page 254)

kriyāveśo na saṃbhavati icchāvirahitatvāditi uparitaḥ saḥ | upacāre ca 
nimittaṃ kartṛgatayā api tayā karmaṇi āhitābhisaṃhitaviśeṣadarśanam | 
yadāha ityuktvā yat vākyaṃ paṭhitaṃ, tat tādṛśaṃ vṛttau nāsti 
sambandhinī ityasya padasya vṛttāvapāṭhādityāśaṅkya āha śeṣa iti 
adhyāhāra ityarthaḥ | ṣaṣṭhyā iti vṛttau śrutayā | tataśca 
sādhyāhārametat paṭhitamiti uktaṃ bhavati | karaṇādīnāṃ ca iti 
kārakatvam iti sambandhaḥ | nanu karotīti kārakamiti kartṛvyutpattipakṣe 
satyamupacāro'vaśyaṃbhāvī, avyutpannastu nimittaparyāya ityatra pakṣe 
kimupacāreṇetyāśaṅkāmapāsyati nimittatvaṃ ca iti 
sadasatkāryavādavicāre hi nirākṛtaḥ śuṣkaḥ kāryakāraṇabhāvaḥ | 
teṣām iti karaṇādīnām | etat iti nimittatvam | tataśca kāṣṭhaiḥ 
pacatītyasyāmapi daśāyāṃ saṃvittattvasvātantryānupraveśādeva 
kārakatvam, natu anyathā | nanu avayavakriyāyāmasti eṣāṃ svātantryaṃ 
kāṣṭhāni jvalantīti kartṛtvadarśanāt, tataśca sā yadā 
pradhānapākalīnā vivakṣyate, tadā karaṇatve'pi kārakatvasya kā 
khaṇḍaneti kimatra cittattvamukhena | etadāśaṅkya āha kāṣṭhāni iti | 
jijvaliṣoreva jvalanakartṛtvaṃ yuktamityādi pūrvoktavadanusandheyamiti 
śivam |

iti 
śrīmahāmāheśvaraśrīmadācāryābhinavaguptapādaviracitāyāmīśvar
a-pratyabhijñāvivṛtivimarśinyāṃ kriyādhikāre kāryakāraṇa-
bhāvavimarśaścaturthaḥ || 4 ||




īśvarapratyabhijñāvivṛtivimarśinī |

mahāmāheśvaraśrīmadācāryābhinavaguptapādaviracitā |

āgamādhikāraḥ |

atha prathamo vimarśaḥ |

     otaprotaṃ sakalaṃ viddhvā? svarasena śivamayīkurute |
     yo'nuttaradhāmnyudayansvayamamṛtaniṣecanaṃ tamasmi nataḥ ||

evamadhikāradvayena nirṇīte vitatya jñānakriye, adhunā tu kriyādhikāre 
yaduktaṃ

     viśvavaicitryacitrasya-----------------------------| (2|3|15)

ityādau sarvapadārthāvabhāsanirmalalakṣaṇatvameva kriyāśakteḥ 
svarūpamiti, tatra ko'sau padārthavarga iti vaktavyam | tatra asmadādipratya-
kṣaṃ na aśeṣasākṣātkāri, anumānamapi evaṃ sarvasya liṅgavyāptyupa-
labdhisambhavābhāvāt | asaṅkucitaprakāśātmakaparameśvaravimarśāt-
makaḥ punarāgamo viśvaṃ pramātuṃ samarthaḥ, tata eva vivṛtāvavatār-
yate padārthatattvopapādanārthamiti pārameśvarāgama eva tattvamupapā-
dayituṃ śaktaḥ; yuktistu tadupabṛṃhaṇāya | naca viśvaprameyatāpā-
danaṃ na upayogi prakṛtāyāmīśvarapratyabhijñāpanāyām | 
viśvaprame-yīkaraṇe hi tāvatprameyapadottīrṇā 
tāvadantaḥkaraṇapratilabdhapūrṇa-bhāvā satyapramātṛtā 
hṛdayaṅgamīkṛtā bhavet | yaduktaṃ

     didṛkṣayeva sarvārthānyadā vyāpyāvatiṣṭhate |
     tadā kiṃ bahunoktena svayamevāvabhotsyate || (spa. kā. 43)

(page 256)

iti | samastasaṃpat itipadena bahubrīhipakṣe prajñāviśeṣaṇena 
sphuṭīkṛtam | samastasya hi mūrtikriyānmano deśakālaprapañcasya 
saṃvidi avabhāsane tadaparicchinnasvabhāvā asau vibhunityarūpā 
sarvaśaktiḥ svaprakāśataiva nirbhāsate | tadapi māyāvaraṇādanyathā api 
bhāyāditi tatrāpi īśvarāgamaśaraṇatā | taduktaṃ

     pramāṇamekaṃ tadvākyaṃ tathyamīśvarabhāṣitam |
     tasyoktiḥ pauruṣaiḥ sthūlaiḥ pramāṇairna prabādhyate ||

iti | tadanena āśayena āgamādhikāra ucyate | tatra ślokaikādaśakena

     evamantarbahiḥ---------------------------------|

ityādinā

     -----------------------------------sthūlasūkṣmatvabhedataḥ |

ityantena śivādidharaṇyantānāṃ tattvānāṃ pārameśvarāgamasiddhaṃ 
yuktyā api anugṛhyamāṇaṃ pratyekataḥ svarūpaṃ darśayati | tāni eva 
pramāṇavyāpāraviṣayatvādekaikābhāsarūpāṇi vastūni yeṣāṃ 
darśanāntare sāmānyavyavahāraḥ | tairevaca niyataśaktyanugrahagṛhīta-
sāmānādhikaraṇyavaiyadhikaraṇyavaicitryairanantasvalakṣaṇāvabhāsāt-
makavyūhavibhavaviśeṣamayaḥ śarīrabhuvanādiḥ samasto'pi ayaṃ sarga 
otaprota iti prakaraṇatātparyam | tatra uktārthopajīvanena adhikārasaṅgatiṃ 
kurvan pūrvapakṣanirākriyāṃ ca upasaṃharan śivatattvameva 
sarvametadevaca sarvabhāvānāṃ tattvamiti tadeva tāvat 
jñānakriyāyogādābhāsavimarśasāraṃ svarūpato darśayati

     evamantarbahirvṛttiḥ kriyā kālakramānugā |
     mātureva tadanyonyāviyukte jñānakarmaṇī || 1 ||

jaḍe pratiṣṭhitaḥ kāryakāraṇabhāvo na upapadyate, apitu cidrūpa

(page 257)

eva, prakāśavimarśaikaparamārtho'pi svātantryādantarbahirātmā 
avabhāsamānaḥ kālakramamutthāpayan jñānaśaktivapuṣā 
dharmirūpaḥ san tāmantarbahirātmatāṃ kramikāvabhāsāṃ 
kriyāśaktiṃ dharmatvena svīkurute iti | evaṃ yata uktaṃ tat iti tato 
hetoranyonyamaviyukte jñānakriye prakāśavimarśātmike | tadevaca 
sarvabhāvānāṃ pāramārthikaṃ vapuḥ | tataḥ 
kriyāśaktidvārasvīkṛtasakalakṛtyapañcakaprapañcanasvātantryaṃ 
bhāvanādyupayogitayā upadeśena ābhāsyamānamavabhāsarūpamapi 
śivatattvamiti ucyate | tathoktaṃ

     śvātantryāmuktam-------------------------------------------| (1|5|16)

iti | tathā śrīkiraṇāyāṃ 

     māyātītaṃ śivaṃ tattvaṃ kathaṃ mukhyaṃ manobhuvi |
     vibhāset---------------------------------------------------------------||

 itipraśne

     adhovyāptiḥ śivasyaiva svaprakāśasya sā-----------------|

iti nirūpitam | svaprakāśatā hi svatantratā, adhovyāptistathā sṛṣṭireveti 
sūtrārthaḥ | vivṛtikāro

     jñānaṃ kriyā ca bhūtānāṃ---------------------| (1|1|4)

iti pūrvapakṣopakṣiptaṃ svātmani īśvaratābhijñānarūpaṃ vaktavyaṃ 
vastu samastamuktaṃ, tat kimidānīṃ prameyāntaramasti yadarthamadhikā-
rāntā ramiti parāśaṅkāṃ hṛdi gṛhītvā prakaraṇārthaṃ saṃkṣepeṇa 
avatārayati 'evam ityādinā 'upadarśya' ityantena prakṛtasaṅgatiṃ 
kurvataśaṅkābījamapi upakṣiptaṃ 'upakramate' itivacasā sūtrārtho'pi 
avatāritaḥ | śivatattvaṃ hi sarvapadārthānāṃ vapuḥ | tadbhittipṛṣṭhe ca 
sarvabhāvacitranirbhāsa iti tadabhidhānameva teṣāmupapādanopakramaḥ | 
āgamasya ca samastasya tātparyeṇa śivatattvameva artha 

(page 258)

iti bhaṅgyā sūtrāvatāraṇaṃ kṛtameveti pūrvaśailī api anusṛtaiva 
avataraṇikāyām | nanu kartuḥ kriyeti samucitaṃ vaktum, natu pramātuḥ 
kriyeti | atra āga 'avabhāsana'  iti | bahiḥsattādānaṃ yadyapi ābhāsana-
meva, tathāpi laukikasarvapramātṛsādhāraṇarūpasaṃpādakakaracaraṇā-
divyāpāraviśeṣaparyantībhūtameva abhipretaṃ tathā laukikānāṃ 
prasiddheḥ | tāmevaca saṃjñāśabdena darśayati śivatattvalakṣaṇasya 
parapramāturalaukikatvena vyākartumaśakyatetyāśayena | yadyapi 
māyīya-pramātṛmukhena pramātṛtattvaṃ vyākhyātam, tasya ca na 
tattvabhuvana-vargo nirmeyastathāpi māyāpramātṛtattvaṃ śivatattva eva 
prakāradvayena sāmānyāt tadekarūpatvāccetyevaṃ paryavasāyayiṣyatīti 
tadabhiprāyeṇa tattvādigrahaṇam | ādipadena ca 
māyāpramātravabhāsanīyaghaṭaśarīrā-disaṃgrahaḥ | 'ātmanaḥ' iti 
vṛttau tattvabhuvanādayo'rthāḥ pramātravya-tiriktatvāt yato nirdiṣṭāḥ, 
tata ātmānameva pramātṛsaṃjñaṃ karmabhāvena kartṛbhāvena ca 
avalambamānā kriyā karmasthatvena kartṛsthatvena vā vivicyamānā 
ekāśrayaiva bhavantī vastuta ekaiva | ghaṭāvabhāsanasya paṭāvabhāsanāt 
hi na paramārthato bhedo ghaṭapaṭayorevaṃ vodhaikaparamārthatvena 
abhedāt | māyākṛtatadbhedoparāgāvabhāsitastu bhavatu kriyāṇāṃ 
bheda iti vastu-sthitigrahaṇam | nanu avabhāsamānapadārthaviṣayaṃ yat tat 
samarthā-caraṇaṃ pramātuḥ sambandhi, tat jñānavirahitaṃ kasmādanyat 
kiñcit na bhavedityāśaṅkya āha 'bodhātma'  iti | bodhaikarūpasya 
pramāturyadadhi-kamabodharūpaṃ, tat nirmātavyapakṣe nikṣipyate iti tasya 
yat nijaṃ śakti-rūpaṃ dharmaḥ-itivyapadeśyaṃ, tat bodharūpameva 
yuktamiti yāvat | viduṣaḥ karmaṇi adhikāro 
dīkṣāsamarcanadhyānādikriyāyuktasya ca 
tattvajñānasampattirityetasminnarthe yadyapi ayamāgamo vyākhyātaḥ, 
tathāpi 

(page 259)

ayameva artha etadarthamūlatve sati yujyate | anyathā jñānaṃ yadi 
kriyāyāmupayogi, tadastu; kriā tu jñānaṃ vardhayatīti kaḥ prakāro 
bhāvanāmātreṇa api tatsiddhidarśanāt | yadātu kriyā nāma paraṃ 
tattvamapi śarīraparyantībhāvena dṛḍhībhūto vimarśaḥ sakalamidaṃ 
hṛdyakusumavilepanādi parameśvare'rpayaṃstadabheditayā vimṛśāmīti 
pūjanaṃ, tadā yuktamucyate-arcanādikriyāvirahitaṃ jñānaṃ na 
dṛḍhībhavatīti | tathā ca śrīsadāgamaḥ

     yogo nānyaḥ kriyā nānyā tattvārūḍhā hi yā matiḥ |
     svacittavāsanāśāntau sā kriyetyabhidhīyate |

iti | mayā ca vārtike etat vyākhyātaṃ 

     śvacitte vāsanāḥ karmamalamāyāprasūtayaḥ | 
     tāsāṃ śāntinimittaṃ yā matiḥ saṃvitsvabhāvikā ||
     sā dehārambhibāhyasthatattvavrātādhiśāyinī |
     kriyā saiva ca yogo'pi tattvānāṃ cillayīkṛteḥ ||
     loke'pi kila gacchāmītyevamantaḥsphuraiva yā |
     sā dehamakṣaṃ deśaṃ cāpyāviśantī gatikriyā |
     tasmātkriyāpi yā nāma jñānameva hi sā tataḥ || 
                                                       
                                                       
                                                       
                                                       
                                        (taṃ. lo. 1 | 155)

iti | tadetat darśayati parasparāviraha ityādinā | 'anyathā' iti aparasparāt-
matāyāṃ vṛkṣatvaśiṃśapātvayoriva tādātmye'bhidhīyamāne 
paramārthato vyatireka eva ābhāsavimarśabhedāditi pratipādayitum 
'anyathā'  iti 'vyatireka' itica ubhayamupāttam | 'yadi nāma' iti cetanasyaiva 
kriyā, ratho dhāvatītyādau punarupacāra iti yadi mataṃ; tadeva suvacamiti 
āśayaḥ | nanu parameśvarasya jñānakriye bhavetāṃ parasparāvirahite | 
bodhasvabhāvo

(page 260)

hi parameśvaraḥ satataṃ navanavakṛtyapañcakāvabhāsanāsvabhāvaḥ, 
paśupramātṝṇāṃ tu pūrvanirmitaviśvavartinīlādibodhāvasare navāva-
bhāsanā nāsti eva | etat pariharati māyā ityādinā | mukhena ityatra 
avacchedaḥ | parasparāviraho yuktaḥ iti ca pūrveṇa sambandhaḥ | 
tasyāścito rūpaṃ yadaiśvaryaṃ, nahi jñānakriyātmakaiśvaryātiriktā 
cit kācit, tanmukhena taddvāreṇa yuktaḥ paśūnāmapi 
jñānakriyayoranyonyāvi-yogaḥ | yat nareśvaravivekaḥ

     aṇavaścidacidrūpāścittvādeko maheśvaraḥ |
     tena kecidacittvāttu kathamākṣepabhūmayaḥ ||

iti | nanu bhagavato'pi sadā kathaṃ na avabhāsanā nirvahati,-iti śaṅkāṃ 
bhinatti nīla ityādinā | yadivā yat pūrvaṃ samarthitamīśvarasya, 
tadaiśvaryamukhena māyāpramātṝṇāmapi nirmāṇaṃ 
samarthitamityekarasatayaiva grantho neyaḥ | vṛttau pramātuḥ kriyāḥ iti 
sambandhe ṣaṣṭhī, natu bahiṣkārāpekṣayā kartari | tatrāpi na niyamena 
niṣedhaḥ śeṣe vibhāṣā iti abhyanujñānāt yadi na strībhāvapratyaya eva 
śeṣaḥ | svātantryeṇa vā iti īśvarasṛṣṭyanapekṣayā | nirmāṇamiti 
samarthitamiti sambandhaḥ | uktaṃ hi

     yathābhimatasaṃsthānābhāsanādbuddhigocare |
     ata eva yathābhīṣṭa-------------------------------------|| (1|6|11)

ityādi | nanu paśupramātrupakrameṇa kimartho vicāraḥ | atra āha 
śuddhaiśvarya iti | nanu paramārthato yadi ete na atiricyete, tat 
kimatiriktatāyā vicāreṇa | atiriktatā api avabhāsamānā na 
atyantamasaṃbhavinīti darśayati kevalam iti | nirmātṛpade iti | 
māyīyānāṃ kīṭāntānāṃ svakāryakaraṇāvasare yat kāryaṃ purā 
hṛdaye sphurati, tatra hṛdaye bhedasphuraṇāvasthāyāṃ cidabhedapūrvako

(page 261)

bheda iti yadyapi kramo'sti, kramānītā ca kriyāpi asti, tathāpi na tāvataiva 
lokastuṣyati pramātrantarasādhāraṇatvākāṅkṣī 
bahirindriyavedyatvātma-svarūpāntarāpattilakṣaṇaṃ kramaṃ 
yato'pekṣate, tato'pūrṇo'yaṃ krama iti abhimatavimarśātmikā kriyā api 
apūrṇeti tāmasatkalpīkṛtya jñānatayaiva vyavahāro na yuktaḥ | ucyate iti 
vyavahriyate ityarthaḥ | nanu evaṃ yadi sukhādeḥ sāṅkalpikasya ca 
ghaṭāderantareva buddhibhūmau karaṇaṃ nirmāṇaṃ, tadā kathaṃ kriyā | 
āha antaḥ iti | etadanantaram apica iti yojyam | na kevalaṃ bahiriti apiḥ | ca 
uktaśaṅkādyotakaḥ | evamanyatra | tatra tarhi kramaḥ kimapekṣayā | āha 
antarapica iti | buddhibhūmau hi 

     svāminaśca----------------------------------| (1|5|10)

ityuktanyāyena cittattvāntarvartina eva bahiṣkāraḥ | nanu tatra cinmātre 
kathaṃ kramaḥ | iṣṭameva etadityāha cinmātra iti

     sakramatvaṃ ca laukikyāḥ----------------------------------|  (2|1|2)

iti hi uktam | nanu tādṛśī prābhavī kriyā sūtravṛttyoḥ kathaṃ na darśitā 
| ka āha na darśiteti | yāvadevahi uktam antarbahirvṛttiḥ iti, tāvadeva 
āntaratvapratipādanena sarvābhyantaratā api ākṣiptaiva | 
kramanirbhāsasāmarthyameva tatra kriyetyāśayavyaktaye śaktipadam | asya 
ca iti pūrṇacitsvarūpasya tvityarthaḥ | aiśvaraḥ śuddhaḥ sargo yatra ucyate

     śūdhe'dhvani śivaḥ kartā---------------------------|

iti, māyīyastu aśuddho yatra uktaṃ

     ---------------------------prokto'nanto'site prabhuḥ |

iti | sarvatra ca vastutaḥ śivasyaiva kartṛtve'pi 
tadicchākṛtādabhimānato'nyasya kartṛtvamucyate | yat vidyāguruḥ

(page 262)

uttarottaramavagrahagrahaiḥ
paśyato'pyadharamuttarasya yaḥ |
sādhanasya nijabhāvanāgraho
heturatra bhavato marīcayaḥ ||

iti | tatra aiśvarasarge'bhyantaracinmātrāpekṣayā antarbahirbhāvasya 
sadbhāvaḥ, māyīye tu sarge'bhyantareśvaravṛddhyādyapekṣayā 
bahuśākho'sau | sa eṣa dvayo'pi sargaḥ paramaśivasya bhagavataḥ 
śaktivijṛmbhā | tataḥ sā śaktirantaravabhāsamānasvabhāvatayā 
jñānaśaktirucyate, bahirbhāvarūpeṇa tu kramopabṛṃhitena 
vimarśadārḍhyena upalakṣitā kriyāśaktiriti vyapadiśyate | yadāgamaḥ

evametaditi jñeyaṃ nānyatheti suniścitam |
jñāpayantī jagatyatra jñānaśaktirnigadyate |
evaṃbhūtamidaṃ vastu bhavatviti yadā punaḥ |
jātā tadaiva tattadvat kurvatyatra kriyocyate || 
                                                       
                                                       
                                                       
                         (mā. vi. 3|8)

iti | bhagavata eva paramaśivasya akramatve'pi yukto 
jñānakriyāśaktiyogaḥ | nanu māyīye sarge kālatattvonmeṣāt bhavatu 
kramaḥ, vidyātattvānte tu māyānunmeṣāt kālayogābhāve kathamasau 
kramayogaḥ uktaḥ | atra āha atra ca iti | iha dvaitavanto māyīyāḥ 
pramātāra upadeśyāḥ, te ca kālakramabhājaḥ 
sadāśivāvasthāyāmapica idantonmeṣasya ahantācchādanīyasya api 
sambhavamutthāpayantaste'vaśyaṃsaṃbhā-vinaḥ | aparadaśāveśo hi tata 
eva | atastānapekṣya kramo bhavatyeva, satu aprarūḍha iti kimavāntareṇa 
anena | dvaitavat iti bhūmādiṣu yathāyogaṃ matup | yata evaṃ, tasmāt 
śivadṛṣṭau yaducyate

(page 263)

     yadātu tasya ciddharmavibhavāmodajṛmbhayā |
     vicitraracanānānākāryasṛṣṭipravartane ||
     bhavatyunmukhatā cittā secchāyāḥ prathamā tuṭiḥ | (2|8)

iti | paramaśive'pi bhagavati aunmukhyarūpāyā 
ānandaśaktericchāśaktya-pekṣayā prathamatvaṃ pūrvabhāvitvaṃ 
tuṭiriti kālāṃśarūpatvaṃ tadupapadyate; anyathā kramābhāve kathaṃ 
pūrvāparībhāvavyavahāraḥ, kintu upadeśyāpekṣayā 
antargatamāyīyapramātrapekṣayā ca yukto'sāviti | nanu atra sūtre 
kramavanto māyāpramātāraḥ sṛṣṭāḥ, natu śivatattvam | āha 
pramātṛsāmānyāt iti | tatrāpi hi upapāditā kramsthitiḥ | ata eva uktaṃ 
tadevam iti | te vā na keciditi vāstavaṃ pakṣamāha athavā iti || 1 ||

     nanu evaṃbhūtaṃ cet śivatattvaṃ, tarhi tadatiriktaṃ kiṃ 
tattvāntaraṃ bhavet; viśeṣataḥ sadāśiveśvarau kathaṃ tattvāntaraṃ 
syātām | yadāgamaḥ

     layādhikārabhogādhvatritattvoktinidarśanāt |
     padārthaḥ patināmāsau prathamaḥ parikīrtitaḥ || (ma. taṃ. 2|1|14)

iti | anena patyureva īśvaratā uktā | ekacittattvaviśrāntānāṃ ca 
tattvānāṃ deśakālāyogāt kaḥ kramaḥ | etadabhyupagacchanneva 
samarthayate sūtreṇa

     kintvāntaradaśodrekātsādākhyaṃ tattvamāditaḥ |
     bahirbhāvaparatve tu parataḥ pārameśvaram || 2 ||

     satyaṃ śivatattvameva ekaṃ vastu sat, viśeṣāntaramapitu asti | 
taducyate | tat hi svaśaktitaḥ svātmani pratibimbakalpena vaicitryaṃ bhāsayat 
kāladeśakramaṃ bhāsayedeva vaicitryasya kriyāmūrtibhedamayatvāt | ata 
āntaryā jñānarūpāyā daśāyā udrekāvabhāsane

(page 264)

sādākhyaṃ sadākhyāyāṃ bhavaṃ sṛṣṭikramopadeśādau prathama-
darśanīyaṃ tattvaṃ yataḥ prabhṛti saditi saditi prakhyā tadā sadāśiva-
śabdavācyaṃ ca | idantonmeṣe'pi śivatetihi sadāśabdena uktam | 
bahirbhā-vasya kriyāśaktirūpasya paratve udrekāvabhāsane 
bhagavato'tyantadurgha-ṭākāritāparipoṣaṇaucityāt 
parameśvaraśabdavācyamīśvaratattvaṃ sādākhyasya 
paścānnirūpaṇārham | etaduktaṃ bhavati-iha tasya bhāvastattvamiti 
vargāṇāṃ viśeṣarūpāṇāmekīkaraṇanimittaṃ sāmānyamucyate 
mṛtpāṣāṇadārvasthimāṃsādīnāṃ pṛthivī, 
saritkūpasaraḥsamudrādīnāṃ jalamiti | taduktaṃ śrīmataṅgāgame

     tattvaṃ yadvasturūpaṃ syātsvadharmaprakaṭātmakam |
     tattvaṃ vastupadaṃ vyaktaṃ sphuṭamāmnāyadarśane ||
     yadacyutṃ svakādvṛttāt tataṃ cātmavaśaṃ gatam |
     tatamanyena no tasmāttattattvaṃ tattvasantatau || (1|5|4)

iti | tatra śuddhacaitanyavargasya mantramaheśvarākhyasya yat 
bhāvacakramasmadādyantaḥkaraṇavedyabhāvarāśisadṛśaṃ 
dhyāmalaprāyamunmīlitamātracitrakalpaṃ prathamasṛṣṭau, saṃhāre ca 
dhvaṃsonmukhamiva pratibimbatayā bhāti; tatra bhāvacakre tasya 
caitanyavargasya tathāprathanaṃ nāma yat cidviśeṣasāmānyaṃ, tat 
sadāśivatattvam; mantreśvarādirūpasya tu bahiṣkaraṇavedyasadṛśi 
pūrṇacitrapratime sthityavasthā īśvaratattvam | yadāgamaḥ

     tasminneveśvare tattve saṃsthitāḥ parameśvarāḥ |
     śivecchānumatāḥ sarve jagataḥ prabhaviṣṇavaḥ || (ma. taṃ. 1|5|5)

ityādi | sadāśiveśvarabhaṭṭārakau tu tathābhūtatattvādhiṣṭhāyakau 
yatra upāsyādi brahmaviṣṇvādivat, tata etadanavakāśaṃ-
brahmādīnāṃ kiṃ na tattvamadhye gaṇanamiti sūtrārthaḥ | 
vṛttirvivṛtiśca spaṣṭā | āntaradaśāśabdābhyāṃ

(page 265)

śivatattvamākṣiptamiti īśituḥ iti vṛttau darśitam || 2 ||

     nāmāntareṇa idameva tattvadvayamuktam, natu atra kimetatsyāditi 
bhramitavyamiti ardhasūtreṇa āha

     īśvaro bahirunmeṣo nimeṣo'ntaḥ sadāśivaḥ |
     yasyonmeṣādudayo jagataḥ---------------------------|

ityatra unmeṣaśabdena bāhyatvasphuṭatāvidhāyi yat viśvasya 
caitanyasāmarthyamīśvaratattvaṃ, tat nirdiṣṭam;

     yasya nimeṣātpralaya---------------------------|

ityatra tu nimeṣaśabdena antārūpamasphuṭamutthāpayat sadāśivatattvam | 
tadetadubhayamacalasya api cittattvasya calanāvabhāsanena 
kiñciccalanātmakamiti śuddhaspando'yamuktaḥ | sarvāṇi hi tattvāni 
bhagavataḥ śaktirūpāṇi spanda eva | yathoktaṃ

     guṇādispandaniḥṣyandāḥ sāmānyaspandasaṃśrayāt |
     labdhātmalābhāḥ-----------------------------------------|| (sp. kā. 19)

iti | kācittu śaktiranantāḥ śaktīrākṣipyaiva vartamānā nedīyasī 
bhagavataḥ, anyāstu dūrālpatamā davīyastamā iti upāsanā vicitrā 
āgameṣu darśitāḥ ||
     evamunmeṣanimeṣātmakeśvarasadāśivalakṣaṇarūpadvayasvīkṛta-
samastatattvaṃ pūrvasūtroktaṃ śivatattvamiti ardhaślokena uktam, 
paripūrṇeśvaratākasya tu tasyaiva vyāpāro 
vimarśalakṣaṇo'haṃbuddhīdaṃbuddhyoḥ samānādhikaraṇatvena yaḥ, 
sā

     sāmānādhikaraṇyaṃ ca sadvidyāhamidaṃdhiyoḥ || 3 ||

     satī śuddhā vidyā; aśuddhavidyā tato'nyaiveti avāntarasya arthaḥ | 
idaṃ tātparyam-ahamiti ananyonmukhaḥ prakāśavimarśaḥ,

(page 266)

idamiti anyonmukhaḥ | ekaḥ śivabhaṭṭārake, dvitīyo vidyeśvaravarge | 
māyāpramātari ca tau grāhakagrāhyalakṣaṇe pṛthagadhikaraṇe siddhau | 
yadātu madhyakoṭau samadhṛtatulāvat viśrāmyatastadā ahamidamiti 
grāhake grāhyasya prakṣepo'ta eva dhyāmalagrāhyāṃśo vimarśaḥ 
sadāśivanāthe | idamahamiti grāhye sphuṭībhūte'hamitiprakṣepāt 
sāmānādhikaraṇyaṃ vimarśa īśvarabhaṭṭārake | enaṃ 
sūtrārthamavatārayati unmeṣa ityādinā | śāstrakṛtām iti 
spandādiśāstrapraṇetṝṇām | tasya ca iti yena śivasya aiśvaryaṃ 
sadāśivatattvopakramaṃ pūryate, tena ubhayorapi asau vyāpāro 
vidyākhyaḥ | ubhāvapica tadvyāpāramayau paramaśivanāthasya 
ekaghanamaiśvaryam | nanu viśvaṃ nimiṣitaṃ cedekarasaiva ahantā yuktā, 
sā ca śivateti nimeṣaḥ kathaṃ sadāśivarūpatā; tataśca kathaṃ 
gurubhirunmeṣaḥ, kathaṃ nimeṣo'pi bhagavato vyatirekeṇa nirdiṣṭo

     yasyonmeṣanimeṣābhyām---------------------------| (spa. kā. 1)

ityatreti śaṅkāṃ parāsyati natu iti | viśvaṃ nimiṣitam iti hi viśvasya 
idantāsparśa eva kiñcidrūpaṃ vaktavyam | naca śivapade viśvaṃ kiñcit |

     sarvathā tvantarālīnā---------------------------| (4|1|14)

iti hi vakṣyate | āgame hi

     svabhāvenaiva śāntātmā ghoraḥ saṃsāra evahi |
     sa yasmānneṣyate patyuraghorahṛdayastataḥ || (ma. taṃ. 1|4|14)

iti paṭhitam | tataśca viśvasya yā antariti ahantāyāṃ parivartamānā 
dhyāmalatā, sa eva nimeṣaḥ | ata eva tadā tat viśvaṃ pralīnamucyate 
vyavahāraṇīyatvābhāvāt | etadāha sadāśivadaśā hi iti aśeṣāṇāṃ 
puruṣāṇāṃ māyāpramātṝṇāṃ buddhitattva

(page 267)

eva, natu bahiḥ sphuranto'ta eva asādhāraṇatayā pratyekaṃ nijanijayā 
saṃ-vidā vedyāstata evaca sādhāraṇyābhāvena avyavahāryatayā 
dhyāyama-latvena pralīnaśabdavācyā 
ye'rthāstatsāmānādhikaraṇyaprathā sadā-śivapadam | yadyapi 
vivṛtāvahametaditi tulyatayaiva pradarśitam, tathāpi etattāyā 
asphuṭatvābhidhānāt pūrvadaśāyāmahamityatra bharaḥ, īśvarapade tu 
sphuṭatvokteretadityatra | nanu atra aiśvaryasya pūrṇatvādī-śvaratā, 
pūrvatra tu sadā īśvaropalakṣitaḥ śivavyavahāraḥ kuta iti śaṅkamāna 
etadīśvaradaśāvyatirekaṃ smārayan sadāśivapadaṃ vyācaṣṭe 
sarvathā iti | idantā tāvadīśvarapadaṃ sphuṭatvena uktā, tata eva 
dedīpyamānā | yadātu sā praśāntyupalakṣitā dhyāmalatvena asphuṭā 
saṃpadyate, tadā vedyayoge'pi śivatāyā unmajjanāt sarveṇa 
kalanāprakāreṇa śivateti sadāśivatā ucyate | sā ca māyāpadavyavasthi-
tānāṃ bhūtānāṃ grāhakagrāhyarūpāṇāṃ pralayaḥ sarvathaiva 
māyīyarūpapradhvaṃsāt | māyātattve ca tadā bhūtāni nidhīyante, tacca 
parameśaśaktirūpaṃ sadāśivapade idamityaṃśasparśena viśrāmyatīti 
nimeṣaḥ sadāśivatā | evameṣa grantho neyaḥ, natu pūrvaḥ nanu 
ityādigranthārtho'tra smārya ityāśayena paramaśivatā vyākhyātavyā 
tathāsati nimeṣataḥ pralayaḥ sadāśivavyāpāra ityanena virodhāpatteḥ | 
nanu yadā samastagrāhakagrāhyamahāpralayastadā bhavatu evam, yadātu 
māyāyā apralīnatve sati pārthivaprākṛtādivedyavargapralayaḥ 
puṃstattvāni grāhakāṇi sthitāni yadā puṃstattvānāmeva 
antaḥkaraṇeṣu saṃskārarūpatayā suṣuptavadavasthānaṃ viśvasya 
pralayo, natu ahantāntaḥpraveśastadā kathaṃ nimeṣo'ntariti ucyate | atra 
āha grāhaka ityādi | antar iti puṃstattveṣu, nimeṣaḥ saṃskāraśeṣateti 
yāvat | nanu evamapi sadāśiva

(page 268)

ityayaṃ sūtrāṃśo na vācakīkṛtaḥ, vācakīkṛtaścetyāha tadānīṃ ca 
iti tasyāṃ savedyāvasthāyāmapi yo 
māyīyagrāhakāntaḥkaraṇaparivartana-saṃskārarūpo nimeṣaḥ, so'pi 
tattvataḥ

     idamityasya vicchinnavimarśasya---------------------| ( a. pra. si. 15)

itinyāyena ahamitipade viśrāmyannahamidamitisadāśivatāmeva spṛśati | 
yadātu saṃskārarūpatve'sya ahantaiva tattvaṃ, tadā pramukha eva 
sadāśivatā idantayā māyīyāhantayā vā saṃskārateti hi vakṣyati | 
vyākhyādvayamapica yuktamityāha ata eva iti | yataḥ pralayo dvidhā 
puṃstattvāvaśeṣatāyāṃ tatsaṃskārarūpatābhājāṃ 
vedyānāmarthānāṃ sadbhāve savedyatayā, puṃstatvānāmapitu 
māyāśaktau pralīnatvena sadāśivapadāntargamane 
pṛthakpramātṛtvābhāvāt tadapekṣayā vedyānāṃ 
pratiṣṭhānādapavedyatayā | tataśca tādṛśasya suṣuptasya api 
ubhayarūpatvaṃ vakṣyate

     tāvanmātrasthitau proktaṃ sauṣuptaṃ pralayopamam | (3|2|15)

ityatra | evaṃ yasya nimeṣātpralaya iti vyākhyāya yasyonmeṣādudaya iti 
vyācakṣāṇaḥ sadāśivapadādīśvarapadasya vyatirekamāha 
īśvaradaśā iti | daśāśabdo'vasthāśabdasya arthe | māyāyāṃ 
sphuṭedantābhājo'rthā īśvarapade sṛṣṭā bhavanti tatraiva paramārthata 
idambhāvasya sphuṭatāpatteḥ | nanu

     yasyonmeṣanimeṣābhyām---------------------------| (spa. kā 1)

ityatra jagadgrahaṇena vedyavarga eva kasmāt saṃgṛhītaḥ, yāvatā 
sadāśivaparyante'pi pralayaḥ sargaśca āgame śrūyate

yatsadāśivaparyantaṃ pārthivādyaṃ ca suvrate |
tatsarvaṃ prākṛtaṃ jñeyaṃ vināśotpattisaṃyutam || (sva. 10|1264)

(page 269)

iti | tataśca tayorapi unmeṣanimeṣasvīkṛtābhyāmudayapralayābhyāṃ 
vyapadeśaḥ kartavyaḥ | kiñca yathā śivasya unmeṣanimeṣavyāpārau 
tattvāntaraṃ sadāśiveśvarāvuktau, tathā tayorapi unmeṣanimeṣavyāpā-
rau kasmāt na uktau tattvāntaratayā | tadetadāśaṅkādvayamekena 
vākyena nirākaroti sadāśiva ityādinā | idantābhāgasyaiva apararūpasya 
tatra āgame pralayodayau paramārthata uktau mantavyau | tadabhiprāyeṇaiva 
ca tatra

     māyākālaṃ parārdhānāṃ guṇayitvā śatena tu |
     īśe dinaṃ rātrirevam---------------------------------------||

ityādikrameṇa śaktitattvānte'pi śrīsvacchandādigranthena

     guṇayitvaiśvaraṃ kālaṃ parārdhānāṃ śatena tu |
     sādāśivaṃ dinaṃ rātrirmahāpralayaḥ---------------||

ityādinā kālayogo vyapadiṣṭaḥ | nanu īśvaraśaktirūpayostayoḥ 
pralayodayau yuktau; tathā tayorapi yat pralayodayavyāpāravattvaṃ, tat 
paramārthataḥ śivasyaiveti pṛthak tayorna vyāpārāntaramuktaṃ tāvataḥ 
pūrṇaśivarūpatvāt | etadeva āha ekamevahi iti | yeṣu iti yeṣu bhāveṣu 
madhye | tadānīṃ ca iti avabhāsanākāle | na kevalaṃ grāhyāṇāmiti 
apiḥ | śūnyatārūpāṇām iti apavedye pralaye saṃskārarūpatayā 
svarūpamātrāvaśeṣavedyatā puryaṣṭakarūpāṇāṃ, savedye 
grāhakāyattatvāt ca grāhyāṇāmapi asau pralaye iti na sa bhedena abhihitaḥ 
| evaṃca sadāśiveśvarau śivatattvāt na bhidyete | tataḥ kathaṃ tayoḥ 
sṛṣṭipralayau vyāpārāntaraṃ vyapadiśyate ityetat prakṛtaṃ nirvāhayituṃ 
na etat prayāsasādhyamityamunā āśayena prameyāntaraṃ nirūpayati 
tadetādṛśa ityādinā pratyupasthāpayanti ityantena | triṃśat iti 
bhūtatanmātrabuddhikarmendriyaviṃśakaṃ

(page 270)

mano'haṃbuddhiprakṛtipuruṣarāganiyatividyākalākālāśceti | 
praviśanti iti śatā | icchā iti śaktitattvasaṃgrahaḥ, mayaṭā 
uttarottaratattvānāṃ tatpūrvapūrvānuprāṇitatvamāha | jñānakriye 
sadāśiveśvarau, tadvyāpāro'pi vidyātattvaṃ tatraiva anupraviṣṭam | 
māyātattvaṃ dehe na upādānakāraṇamātratvena pṛthaktvena saṃmatam, 
api tu parameśvara-śaktitayā | tathāhi mṛdādiḥ padārthaḥ 
parameśvaraśaktirūpa eva saṃstadicchāvaśāt ghaṭakāraṇatayā api 
niyatau nirbhāsamānaḥ pṛthak kāraṇamucyate | ata eva sarvabhāvānāṃ 
śivaḥ svabhāvastena vinā niḥsvabhāvatvāt sarvasyetyāśayena 
spandaśāstre
     
     tamadhiṣṭhātṛbhāvena svabhāvam-----------------| (spa. kā. 11)

iti kathitam, vṛttāvapi

     svasvabhāvasyaiva śivātmakasya | (spa. kā. vṛ. 1)

ityādi | śrītriśiromate hi

     sāmūhyaṃ caiva tattvānāṃ grāmastaddharmatā śivaḥ |

iti sarvaṃ śivaśaktyātma uktam | tadvat māyāpi iti | pañca etāni tattvāni 
| tato'pi iti tebhyo'pi tattvebhyo hetubhūtebhyaḥ | śivatattvasya 
ṣaṭtriṃśattamasya na bhedaḥ iti sambandhaḥ | abhedāt iti | pratibimbe hi 
bhedo'sannapi ābhāti tāvat, śaktau tadapi neti āśayaḥ | ādipadena 
niyatirāgau | tāsām iti kālādiśaktīnām | śivatādaśāyām iti yathā 
ghaṭādapṛthagbhūtāvabhāsamudakāharaṇasāmarthyaṃ 
makurāpekṣayā pṛthagbhāvāvabhāsi eva, nahi tat makurasya 
śaktirityavabhāsaḥ paramārthatastathātve pratibimbameva hi ucyate, tathā 
prakṛte'pi mantavyam | etacca iti | kālādayo grāhakatve upayujyaṃte | 
adhunā na kiñcitkaromi jānannabhiṣvakto'hamiti hi 
kālakalāvidyārāgānuviddha eva

(page 271)

aṇurniyatyanuprāṇito grāhaka ucyate | anyaiḥ iti śaivavyākhyātṛbhiḥ | 
tathāhi śivabrahmatanugranthe gurupādairnirūpitaṃ

     pañcatriṃśattattvī śivanāthasyaiva śaktirukteyam |
     tatra catasrastu parā antyaṃ vai pañcaviṃśakaṃ sthūlāḥ ||
     madhyāstu sūkṣmarūpāḥ śaktaya iha sāñjanāstu param |

ityādi | grāhyāyattatvāt grāhakatāyā yadyapi kālādiśaktayo'pi 
grāhyaṃ spṛśanti, tathāpi sāmānyata eva na viśeṣataḥ; 
buddhikarmendriyaśaktayastu jñeyatayā kāryatayā ca viśeṣata eva 
grāhyaṃ spṛśanti,-iti śabdādipadasya āśayaḥ | tā api iti 
sthūlasūkṣmatayā ubhayyaḥ | māyāpramāturapi paramārthataścideva 
tattvamiti śivasya eva etāḥ śaktayaḥ | tathāhi

     yataḥ karaṇavargo'yaṃ---------------------------| (spa. kā. 6)

itinītyā, vastutastu sa eva sarvaṃ jānāti karoti ceti | etadāha 
grāhakānyapi iti | nirābhāse iti vedakaikarūpe | samudyamarūpā iti | 
ahaṃ śabdaṃ jānāmi karomīti hi śrotravākśaktyostattvam | ata eva āha 
vimarśajātīya iti ahamitivimarśasya viśeṣarūpā etāḥ, vimarśaśca 
bhagavata eva śaktiriti uktaṃ

     vimarśa eva devasya---------------------------|

iti | tadetaduktaṃ

     guṇādispandaniḥṣyandāḥ sāmānyaspandasaṃśrayāt |
     labdhātmalābhāḥ-------------------------------------------------|| 
                                                       
                                                       
                                                       
                                                       
                                                       
                                                  
     (spa. kā. 19)

iti | ye'pi pratibimbarūpā grāhakāsteṣāṃ cidbhāgaḥ śiva eveti 
upapādya acidbhāgo'pi vedyātmā tacchaktireva sadāśivarūpeti 
upapādayati

(page 272)

grāhakā api iti | etacca pūrvameva asmābhirvimṛṣṭam | 
citiśaktirviśvarūpā bhavati nacādhikyaṃ spṛśati iti sambandhaḥ | cetanā 
atidurghaṭakāritvādinā adbhutatāṃ vyanakti | etat saṃkṣipya ghaṭayati yo 
hi iti idantābhāk iti | nirūḍhedantāko'rthāvabhāsaḥ iti sambandhaḥ | 
etat prameyaṃ prakṛte upayojayati evam iti | īśvarādi vyavahriyate 
śivatvādbhedeneti sambandhaḥ | ādipadena sadāśivādi | nanu etāvanti 
tattvāni śivapralīnānīti na asmābhiḥ śrutam | śroṣyate iti darśayati 
vakṣyamāṇa iti | pramāṇabhūmau sadāśivapada eva sthitiḥ, 
vastubhūmau tu pralaya ityāśayena sargasthitī sargapralayāviti ca darśitam | 
nanu sadāśivatā pūrvakūṭāvapi asti, kathaṃ pralayataiva asyāḥ | atra 
āha prapañca iti | asphuṭataivahi pralīnatvamuktaṃ śuddhena pralayapadena 
| vyapadeśe hetumāha pralayasya iti | 
vyaktisphuṭatvaprapañcādyupapādavirahitaḥ pralayaśabdo 
bhūtapūrvasphuṭadaśādarśanaṃ yadasphuṭanaṃ vināśaśabdena 
prasiddhaṃ, tat brūte iti loke nirūḍhiḥ | evaṃ ślokārdhaṃ vyākhyāya 
avāntaraṃ vivṛṇoti tasya ca iti | sadāśiveśvarobhayarūpasya yaḥ 
svarūpādabhedaparāmarśastadvidyā nāma tattvam | atraiva 
sacchabdārthanirūpaṇāśayena hetumāha svātmollāsa ityādinā | tasya 
iti vargasya | nanu yathādṛṣṭaṃ bheda eva 
svakāraṇaparamparādhīnajanmā astu,-ityāśaṅkya atrāpi pūrvoktaṃ 
hetutvena smārayati prakāśāt iti | atra iti vṛttau | anena ghaṭādīnāṃ 
yādṛgāntaratvamantaḥkaraṇabhuvi rūḍhatvaṃ, na tādṛgihetyāha | nanu 
īśvaradaśāyāṃ sa eva pramātā śūnyapuryaṣṭakādīnāṃ, tatra 
ekarasaiva vedyatā; tataśca ko'nyo vedakastatra syāt yasya na vedyena 
sākamekatra cinmātrātmani adhikaraṇe viśrāma ucita iti 
codyāśaṅkāyāmāha vedakaśca iti | vakṣyate iti

(page 273)

     te tu bhinnāvabhāsārthāḥ---------------------------| (4|1|8)

ityādyuddeśeṣu | nanu yathā nīlaguṇotpalajātyordravyātmani adhikaraṇe 
viśrāntistṛtīye, tathā ahantedantayorapi sā vācyā; naca tṛtīyamasti 
cidaciddvitvameveti yatnena upoddhāte samarthitatvādityāśaṅkya āha sa ca 
iti | vedakaścidrūpameva pūrṇatayā saṃkocanyakkāreṇa 
sthānāntarasaṃkrāntamiva tṛtīyamadhikaraṇamiti yāvat | matiśabdena iti 
vṛttau | anena manovyāpāro matiḥ | sā 
kathamindriyavarganirapekṣasaṃvedane bhagavati īśvare bhavediti 
śaṅkāṃ kṛntati tataḥ ī citsvarūpādīśvarāt | yathaiva iti 
upadeśabhāvanādyarthaṃ sṛṣṭena kalpanāyātena vibhāgenetyarthaḥ | 
nanu śaktitattve eva tarhi vidyā antarbhavediti kathaṃ pṛthak tattvaṃ tat | atra 
api āha yenaiva iti | śuddhaśabdena iti vṛttau | iyaṃ ca prameśvareṇa 
citāvahamityasyāmidamitisamastasvīkāriṇī mataṅgamunipraśnānantaraṃ 
nirūpitā śuddhavidyā | tathāhi tatra praśnagrantho

     māyāntarvartinaḥ proktāḥ paśavaḥ pāśadharmiṇaḥ |
     māyātītā parā vidyā viśuddhādhvapradarśikā ||
     sā kathaṃ yujyate'ṇūnāṃ chindhi sandehajaṃ tamaḥ || (1|10|22)

uttaragranthastu

     śivādyavaniparyanto yo'yamadhvātivistṛtaḥ |
     sa samastaścitau jñeyo nāśivatvādvimucyate || (1|10|23)

iti | ayamiti hi idantā uktā, citāviti ahantā || 3 ||

     asyā vidyāyāḥ kathaṃ śuddhatetyāśaṅkāyāṃ sūtram

          idambhāvopapannānāṃ vedyabhūmimupeyuṣām |
          bhāvānāṃ bodhasāratvādyathāvastvavalokanāt || 4 ||

     avalokanaṃ vedanaṃ vidyā | sā ca iyaṃ vastvanusāriṇīti

(page 274)

śuddhā | tathāhi vedyadaśāmaṅgīkṛtavatāmapi ata eva ucitena 
idantāparāmarśena parāmṛśyānāṃ bodha eva prakāśātmā sāraṃ 
vastu, prakāśaśca ananyonmukhāhaṃvimarśamayaḥ | tatraivaca 
prarūḍhatvena idantāyā ahamidamiti bhavatīti śuddhamidaṃ vedanamiti 
sūtrārthaḥ | etamavatārayati | aśuddha ityādinā | 
śuddhāśuddhayorvidyayoḥ paṭāntaraparīkṣaṇādanyonyavyatirekeṇa 
svarūpamupalakṣyaṃ bhavatīti manasikṛtya aśuddhavidyāṃ tāvat 
darśayati māyā ityādinā vakṣyate ityantena vākyena | aśuddhavidyāyā 
upayogaṃ darśayituṃ paśoḥ svarūpamāha prathita ityanena svātmaiva 
asya paraṃ prakāśate, na paraṃ kiñcidityarthaḥ | māyīyānāṃ 
kālabhedasaṃgatiḥ, natu parameśvaraśaktirūpāyā māyāyāḥ | tato 
māyāmūlo'pi malo'nādireveti nitya eva paśuḥ | yat śrīkiraṇoktiḥ

     paśurnityo hyamūrto'jño niṣkriyo nirguṇo'prabhuḥ |

iti | tata eva sarvataḥsaṅkocādaṇuḥ | so'ṇuryadvaśādbhinnavedyavedaka-
stanmāyīya iti sambandhaḥ | māyīyatvaṃ vakṣyāmi iti śuddhavidyāto 
vyatireko darśitaḥ nanu ityādinā | tadabhedena iti vidyābhedena | param iti 
tato'nyadamāyīyam || 4 ||

     adhiṣṭhātṛdevatāvyatiriktameva tatsanāmakametat tattvadvayamiti 
bhaṅgyā pratipādayituṃ sūtram

     atrāparatvaṃ bhāvānāmanātmatvena bhāsanāt |
     paratāhantayācchādātparāparadaśā hi sā || 5 ||

     aparatvamapūrṇatā anyākāṅkṣitvamidamiti, paratvaṃ pūrṇatva-
mahamiti | ata evaca tattvadvaye'pi tāvaṃśau sta iti vedyabhāvaniṣṭhā 
daśā tattvasvarūpā tadavabhāsayitṛśuddhamātṛvedyavastusādhanā | 
tadvedyaniṣṭhasaṃvedanadaśā

(page 275)

tu śuddhavidyā, tatpramātṛrūpamantramaheśvarādivargādhiṣṭātṛtvaṃ 
śrīsadāśiveśvarabhaṭṭārakarūpateti tātparyataḥ sūtrārthaḥ | taṃ 
saṃkṣipya āha āgameṣu ityādinā | tattvagataśabdena devatārūpāt 
vyatirekaḥ sūcitaḥ | īśvarāvasthāyāṃ sphuṭīkṛtatvādidantayāstulā-
dhṛtaṃ paratvamaparatvaṃ cetyāśayena āha īśvarāvasthā iti | etaddvā-
reṇa ca sadāśivadaśā api na svīkṛtā bhavediti abhiprāyaḥ | na atra 
sāṃkhya iva pariṇāmakrameṇa daśāvyavahāra iti darśayati 
ātmīyasvā-tantrya iti | parāparatve śuddhe kīdṛśe 
syātāmityākāṅkṣāyāṃ paratvaṃ tāvat nirūpayitumāha tatra iti | 
tadviparītam ityādinā śuddhamaparatvamāha | tāvat iti 
dvitīyaviparyāsānudaye'pi iyataiva aparatvamullasitaṃ vidyeśānāmiva, 
tadudaye tu tadeva brahmādikīṭāntānāmiva sphuṭatāmeṣyatīti āśayaḥ | 
tatrāpi iti dvitīyaprakāśane | sthita iti tadadhikamityarthaḥ | 
pūrṇatāyogyasya iti idamitiparāmṛśyatayaiva hi pūrṇatā 
niravakāśīkṛtā rājña iva abhāgyavaśāt dāsadaśāmadhiśayānasya 
ahamitiparāmṛśyatāyāṃ bhavitavyaṃ pūrṇatayeti tayā na bhavantyā 
śocyatamatvaṃ tasyaiva prāpte'pi svāmipade śaktitritayāniyoga iva | 
anena iti aparattvam ityantena vṛttigranthena | puṃstattvagrahaṇena 
brahmādeḥ saṃgrahe'pi māyīyaiśvaryāṃśodrekāt 
sāmyamaparasaṃsāribhiralpabuddhibhirna saṃbhāvayeteti 
pṛthagupādānam | etena iti paratā ityantena vṛttivākyena | śuddhe dve 
daśe nirūpya miśrīkāreṇa tṛtīyāmāha vṛttau iti ato 
hetorubhayāṃśavaśādeṣā daśā parāparāvastheti | sākalyavādinā iti, 
natu jātyākhyāyāmāyātena, apitu vyaktibhūmānamabhidadhatā | 
pūrṇatvaṃ pūritam iti sambandhaḥ | vidyeśvaradaśā tarhi kā bhavediti

(page 276)

nirūpayituṃ vyatirekaprasaṅgāt punaraparāvasthāṃ spṛśati dvitīyārtha 
ityādinā | atyanta iti aparatvaṃ bhavati, natu saṃsārijanatulyamiti yāvat | 
tena vedyāṃśe saṃsāritulyā eva te iti nirupya vedakāṃśamukhena 
utkarṣaṃ darśayati pakṣāntareṇa cidrūpācalanādvā iti || 5 ||

     evamahamidamiti saṃvedane yadāchādakamahamitirūpaṃ, 
tatprādhānyena vyāpāraḥ śuddhavidyeti pratipāditam, idamiti tu ya 
ācchādanīyo'tra bhāgastatprādhānyeneti tu matāntaraṃ darśayituṃ 
sūtraṃ

     bhedadhīreva bhāveṣu karturbodhātmano'pi yā |
     māyāśaktyeva sā vidyetyanye vidyeśvarā yathā || 6 ||

     śūnyādirūpamāyāpramātranullāse'pi saṃvinmātre eva 
boddhari kartari ca bhāveṣu tanmayeṣvapi bhedaprakāśanalakṣaṇaṃ yat 
svātantryaṃ māyāśaktirūpamiva tat pramātṛbhāge viparyayābhāvāt 
śuddhavidyā yena prakāreṇa anantabhaṭṭārakādyā vidyeśvarā vartante | 
te hi śuddhacinmātrabaddhāhambhāvā eva bhinnaṃ bhāvavargaṃ 
paśyanti dvaitadṛśi iva īśvaraḥ | tena parameśvarasvātantryopajīvinī 
vidyeśvara-śaktiḥ śuddhavidyeti tātparyaṃ sūtrasya | tadāha 
vidyeśvarāṇām ityādinā | athaca iti nikṛṣṭā, idambhāvasya 
prarūḍhatvāt nikarṣaḥ | tāmeva āha vidyā iti | śabdena iti saṅgatiḥ | ata 
eva iti sphuṭapaśubhāvā-prādurbhāvāt | karmaṇām iti 
laukikavaidikātmanām | dīkṣādhyānār-canādereva tu tadvaśena kṛtāt 
tatprāptiḥ, akṛtaprāyaścittaśca gṛhītādhi-kāro'pi akṛtādhikāro 
yogyavidhilābhe'pi tatpadameti | yadāgamaḥ

     adhikāraṃ na cet kuryādvidyeśaḥ syāttanukṣaye |

iti | evamāgamo'pi avaśyamabhyupeya ityāha īśvara ityādi

(page 277)

sārthakam iti vidyātattve sthitā īśvarāḥ sarvajñāḥ sarvakartāraśceti 
vidyeśvarāḥ | nanu evamapi kasmāt pṛthak teṣāṃ na tattvāntaratāpra-
saṅga ityāśaṅkya āha tattvānāṃ ca iti māyāyām iti | pārthive 
brahmā, prākṛte viṣṇuḥ, māyīye pade rudraḥ; iyacca māyāśaktivijṛm-
bhitamiti sāmānyena māyāyāmiti uktam | vṛttiṃ vyacaṣṭe mantravidyā-
nām iti | aikyaṃ śuddhānādiparāmarśasāraśabdarāśikalāśarīratvena, 
avāntarabhedastu muktisiddhyoḥ saṃvedanavācyaspandayoḥ 
śaktimacchakti-rūpayośca krameṇa prādhānyāt | tathā śrīmataṅgādau 
vidyeśvarebhyaḥ pṛthageva vidyārājñyo'mbikādyā nirūpitāḥ || 6 ||

     svātantryātmikā tāvadicchaiva bhagavataḥ śaktiḥ | sā tu kṛtyabhe-
dena bahudhā upacaryate | tatra yathāprarūḍhasphuṭāsphuṭedantāprakā-
śane sadāśiveśvaratā jñānakriyāśaktirūpā, cinmātragrāhakatve'pi 
idantāprarūḍhau kriyāśaktiśeṣarūpaiva mahāmāyā vidyeśaśaktiḥ, 
grāhyagrāhakaviparyāse paśupramātṛṣu māyāśaktiḥ, tathā grāhaka-
grāhyobhayaviparyāsasaṃskāraśeṣatve'pi yogijñāniviṣayaṃ yat vastu-
paramārthaprathanaṃ, tatra yat bhagavataḥ svātantryaṃ māyāśaktivipa-
rītaṃ, tadavaśyaṃ tattvāntaram | yat vivarīṣyate pṛthakprayojana iti 
tadeva vidyātattvam iti | māyāvyatirekeṇa tadrūpaṃ darśayati sūtreṇa

     tasyaiśvaryasvabhāvasya paśubhāve prakāśikā |
     vidyāśaktistirodhānakarī māyābhidhā punaḥ || 7 ||

     paśubhāve grāhakagrāhyaviparyāsobhayātmani pāśayogalakṣaṇe 
sthite'pi tasya pramātṛparamārtharūpasya aiśvaryalakṣaṇasya 
svabhāvasya yā prakāśikā bhagavataḥ śaktiḥ, sā niṣkalapramātṛṣu 
vartamānā vidyā | yat vakṣyate

(page 278)

     vidyābhijñāpitaiśvaryaḥ---------------------------| (3|2|2)

iti | māyāśakterna atra vyāpāraḥ | sā hi tirodhānasvarūpāvaraṇaṃ 
hetutācchīlyādinā karoti | yat bhaviṣyati

     eṣa pramātā māyāndhaḥ saṃsārī--------------| (3|2|2)

iti | tena svarūpaprakāśanaśaktervyatiriktaiva seti sūtrārthaḥ | tamavatāra-
yati māyā ityādinā | tathā iti aiśvaryātmanā | māyāto vyatirekaṃ 
vyākhyātuṃ yat tirodhānakarī ityādi sautraṃ, tat vivṛṇoti aiśvaryasva-
bhāva ityādinā | tirodhānamāvaraṇaṃ svarūpāprakāśanaṃ mālama-
jñānaṃ prasajyapratiṣedhātmakaṃ yat, tadekam; tatpṛṣṭha evatu tadupa-
prāṇitaparyudāsātmanā viparītaprakārarūpaṃ dvitīyam | tadāha anyat 
iti | tathāprasiddham iti rūḍhimātrāt, tathā māyāśaktikṛtatvaṃ tu 
sarvasya api | etadarthameva

     athātmamalamāyākhya---------------------------|

itiśrīrauravasūtre ākhyagrahaṇam | sṛṣṭisthiti iti pralayaviparītatā 
jāgara-svapna iti suṣuptaviparītatā uktā | pralayasuṣuptayoḥ 
sarvāsarvasādhāra-ṇetaraśīghraciratvādinā bhedo mantavyaḥ | evaṃ 
trīṇi sṛṣṭyādīni kṛtyāni tirodhānarūpāṇi pratipādya caturthamapi 
vilayanāmakaṃ tirodhānaśabdena prasiddhaṃ tirodhānaṃ 
māyākāryamāha naraka ityādinā | nanu brahmahatyādito 
narakagamanamiti sṛṣṭyāditrayameva etat | maivamityāha  
karmaphalātiriktam iti | yat kila pārameśvarasamayamaṅgī-kṛtavato'pi 
antastadviṣayaṃ dveṣakāluṣyaṃ tatkarmānapekṣayā eva śuddhayā 
parameśvarecchayā eva prakopāparaparyāyayā bhavati, tena ye 
sukhaduḥkhe niyativadanāvalokiśubhāśubhabalāt bhavataste dharmādhar-
manimitte; ye tu śubhāśubhānusaraṇamantareṇa eva, te parameśvarecchāta 
eva

(page 279)

kevalāyāḥ | tatra tatkṛtā duḥkhāvāptirvilayastirodhānaṃ ca ucyate | tacca 
tātkālikamātraṃ vā kālāntarānubandhi vā | pūrvaṃ 
kāmāndhakatripu-rarāvaṇādīnām, uttaraṃ tu 
śivaguruśāstrasamayādidveṣiṇāṃ narakapātamayam | ata eva iti yataḥ 
kṛtyāntaramuktaṃ, tataḥ | nanu pañcamaṃ tat kim | āha anugrahaśca iti | 
so'pi kramiko varadānātmā nandīśvarādiṣu, akramikastu 
dīkṣāprāptyādirjhagityapavargadaḥ | sarvam ityukte'nugrahasya api 
māyākāryatā uktā, tat kiṃ vyāpārāntareṇa atreti śaṅkāṃ 
dhvaṃsayati varadānādirapi iti | ādigrahaṇena siddhiprepsayā 
dhanādikāmyayā ārtivivārayiṣayā apica yat parameśvarasamayapratipā-
danaṃ, tadapi anugraharūpamevetyāha | unmeṣaśabdena tīvratvaṃ tatra 
vidyāyā ācakṣāṇastīvravidyākṛtānugrahabalena rudraśaktyāviṣṭo 
mokṣaprepsureva gurūpasadanādikaṃ 
dīkṣājñānayogacaryādikametadde-hapāta eva apavargaphalaṃ prāpnoti,-
iti darśayati | syāt itipadena idameva asya sūcitam | yadyapi varadānādau 
māyāyā avinivṛttiḥ, tadāśayena ca sarvam iti uktaṃ, tathāpi 
saṃbhāvyata eva atra vidyāśaktikṛto leśena āveśaḥ, yaḥ paripāke 
mokṣaphalaḥ | ata eva gītam

     caturvidhā bhajante mām--------------------| (7|16)

iti uktvā

     udārāḥ sarva evaite---------------------------| (7|18)

iti | tīvravidyāśaktyanugrahastu darśitaḥ

     ------------------------jñānī tvātmaiva-------| (7|18)

iti | etacca prapañcitaṃ prathamata eva, tathā navadhā mukhyatayaiśvaraḥ 
śaktipātaḥ (13 ā.) iti suvivecitaṃ śrītantrālokādau || 7 ||

(page 280)

     vidyāsvarūpaṃ sphuṭayituṃ māyāto vyatirecanaṃ yat vaktavyaṃ, 
tadāśayena yat māyāyā svarūpamuktaṃ tirodhānakarī iti; tadeva 
sūtrāntareṇa spaṣṭīkriyate

     bhede tvekarase bhāte'hantayānātmanīkṣite |
     śūnye buddhau śarīre vā māyāśaktirvijṛmbhate || 8 ||

     ata eva avatāraṇyāṃ viparyayadvayahetuḥ iti taddhetutvena 
sphuṭena rūpeṇetyarthaḥ | suṣupte pralaye vā iti na iti abhāvasamādhau 
ca yat vyomakalpamanātmarūpamiva ābhāti, tadanusmaryamāṇatvena 
vedyaṃ sadahamiti ātmatvena svātantryeṇa abhiniviśyate | ucchvasimi, 
niḥśvasimi,-ityatra prāṇo vāyukalpaḥ, bubhukṣe, pipāsāmi,-itipratyaye 
manyuprajvalanādau ca sa eva tejaḥsamupabṛṃhitaḥ | antarahaṃ vedmi 
sukhī duḥkhī mūḍho'ham,-ityādyavasthāsu svacchasalilāśayasadṛśī 
buddhiḥ, kṛśaḥ sthūlo gauro'ham,-ityādau śarīrameva pṛthvīprāyam | 
atra ca cinmātratāparamārthe'pi yat vedyatābhāsanam, etadādyaṃ 
viparyāsaṃ māyīyam; atiraskṛtavedyabhāvameva tu tat jaḍamapi sat 
yadahamiti ātmata-yā bhāti, tat dvitīyam | 
evaṃvidhātiduṣkaravimohanavyāpārasaṃpattya-pratighātarūpā iyamiti 
kathayituṃ vijṛmbhate iti | vāgrahaṇena vivekāva-gamyatāyāmapi 
buddhiprāṇaśūnyapramātṛbhāvasya heyatvena aviśeṣa iti vadatā 
dārasutadhanabhavanādāvapi gāḍhāmahantāṃ sūcayati,-iti 
sūtrārthaḥ |

     sāmānādhikaraṇyaṃ ca---------------------------| (3|1|3)

iti yā vidyā darśitā, tāmanuvadati māyāśaktiṃ tato vyatirecayitum 
īśvarasya ityādinā | śarīrasya śīryamāṇatāṃ darśayati jarā 
ityādinā | agnirūpam iti tadavyabhi cāriṇamiti

(page 281)

yāvat | prāṇata eva vargapañcakasya tritayasya ca anupraveśāt 
puryaṣṭakarūpatāmicchanti | smaryamāṇatvāt iti saṃvidrūpaṃ hi 
avicchinnaprakāśasvabhāvaḥ kathaṃ smaryate | taduktaṃ

     nābhāvaḥ---------------------------| (spa. kā. 12)

ityādi upakramya

     yato'bhiyogasaṃsparśāt tadāsīditi niścayaḥ |

iti uktvā

     natvevaṃ smaryamāṇatvaṃ tat tattvaṃ pratipadyate | (spa. kā. 13)

iti | yadāvā evaṃ, tadā anātmā eva ahantayā pratipanna ityevaṃ 
sarvo'yaṃ dvitīyo viparyāsaḥ iti mahāvākyasya saṅgatiḥ | tathaiva iti 
ātmatayā | eṣa evaca dvitīyo viparyāso'nātmani ātmabhāvanākhyaḥ 
sāṃkhyādiśāstre sarvatra heyatvena siddhaḥ, natu pūrvaḥ | tenaivaca 
prathamena viparyayeṇa antaḥkroḍīkṛta eva ayaṃ dvitīyo viparyāsaḥ, 
yadupasaṃhariṣyati tadeka evāyam iti, natu samaśīrṣikayā dvāvimau 
viparyāsāviti nirṇayan malatvamasya upapādayati adarśanaṃ ca ityādinā 
| nanu adarśanayogyaṃ puryaṣṭakādi prakāśamānatayā nāma 
saṃbhāvyatāṃ ghaṭādivadeva, tasya tu kimahaṃpratītyā adhikayā yena 
uktaṃ pratītau iti | āha tasyaiva iti | kevalam iti iyadadhikamavaśyamaṅgī-
kāryam | ahaṃpratītyabhāve hi sa eva śuddhājñatvasahita iti ātmatayā 
yo na dṛśyate bhāvavargo nīlādiḥ, sa naiva prakāśeta, prakāśate ca asau | 
nīlamidamiti hi na mūrcchāndhatamasapadamadaḥ | tadavaśyamahambhā-
vena adhikena atra bhavitavyaṃ yena kevalaṃ kṛtvā śuddhā tatra ajñatā na 
bhavati | nanu asti ahambhāva aiśvara ācchādakaḥ, tat kimapareṇa 
pṛthagbhūtena teneti codyaṃ pariharati

(page 282)

puryaṣṭakādyapi iti | tena ahambhāvena ajñatā sarvathaiva tirodhīyate iti 
punarapi nīlamidamiti na prarohet | tatastādṛgaparo'hambhāvo'tra 
viṣektavyo yastatra jñatāṃ nirmalatayā tiraskartuṃ na śaktaḥ iti 
āśayaśeṣaḥ | prathamaḥ iti ādyaḥ pradhānabhūtaśca | yat 
nareśvaravivekaḥ

     vedyīkaraṇamarthānāṃ malo māyākhya ucyate |
     malam--------------------------------------------------------||

iti | malatvena evaca tatra nidānāpekṣayā māyākhyatayā prasiddhirāga-
meṣu bhagavatā utthāpitā, dvitīyasya tu malasya viṣayaprayojanāpekṣayā 
āṇava iti | tatra asya prathamasya śuddhaṃ viṣayamāha āṇavo yatra nāsti 
tat yathā ityādinā | sarvavittvādeva āṇavābhāvaḥ | vācakaḥ iti 
parāmarśasāro, natu kevalaśravaṇaviṣayarūpaḥ śabdaviśeṣo 
māyīyavarṇānuprāṇanakṛdamāyīyaḥ | yathā uktaṃ

     te tairāliṅgitāḥ santaḥ---------------------------| (mā. vi. 3|28)

ityādi | sa ātmā ahambhāvabhājanaṃ yeṣāṃ te tena śabdaśarīratvāt 
saṅkucitā vedyavargādanyonyataśca, śabdasya ca atyantaṃ prakāśaṃ 
prati niviḍāvaraṇarūpatvābhāvāt na sarvajñatāhāniḥ | etacca 
viśeṣagraha-ṇena pramātrityādiviśeṣaṇopādānena ca āsūtrītam | 
etadeva samarthayitumuttaro granthaḥ | atra ca

     ghaṭo'yamityadhyavasā---------------------------| (1|5|20)

ityetatsūtravivṛtiprameyamanumantavyam | anyonyaṃ bhinnaṃ mantrāṇāṃ 
vargaṃ sāmānyātmanā tāvat sādhāraṇena rūpeṇa 
brahmāṅgavaktreṣu iva mūlamantrāṃśarūpatayā anuyantaḥ 
sāmānyaviśeṣagotvāśvatvā-dinyāyena bhinnāḥ svayaṃ tu 
vācakaśabdaśarīrā eva | tadāha ubhaye ca

(page 283)

iti mantrā mantreśāśca | mantreśvarā api 
vācakaśabdaśarīramantreśvara-rūupamantraviśeṣādhiṣṭhātāro 
mantreśvararūpataiva atra saṅgṛhītāḥ | yat vakṣyati

     bodhānāmapi kartṛtvajuṣām------------| (3|2|9)

ityādi upakramya

     ---------------------------vidyeśvarāśca te |

iti | tadapekṣayā iti 
vācakaśabdaviśeṣātmakaśarīropādhisambandhaprati-
labdhasaṅkocavaśenetyarthaḥ | parasparavyatirekeṇa svalakṣaṇatā prameya-
sya bhavati,-ityāśayena māyāpramātṝn vidyāpramātṝṃśca sāntara-
vicāreṇa vyatirecayati māyāpramātāraḥ ityādinā mantrāṇāṃ hi 
ityādinā ca | idantā evahi śarīrabuddhiprāṇādiṣu pradhānabhūtā | nahi 
ete śabdanarūpavat saṃvedanagāminaḥ iti saṃvidaṃ saṅkocayanto 
nibiḍa-tamamāvṛṇvate nanu | evaṃ śabdanaśarīro mantrātmā 
hṛdayākāśe vimarśarūpatayā viparivartamānaḥ, ata eva 
anāhataśabdavācyo nityodito mantraḥ | tādātmyaṃ darśayati 
sparśādeḥ iti | etadalpamuktam, iyaṃ tu ucitoktiriti vāgrahaṇam | ata eva 
punarādipadam | bhūtāntaravartinaḥ iti 
khaṭakhaṭācchalacchalādirūpasya meyaikarūpasyetyarthaḥ | tatrāpi yastat-
parāmarśakastadavyaktaprameyabhūtasvalakṣaṇātmakaśabdānukaraṇatve
-na vaiyākaraṇairgītaḥ, sa ākāśīyo vācaka eva 
pramātṛviśrāntisatattvaḥ | anena ākāśīyapadasya vyavacchedyaṃ 
darśitam | śivatāpi iti idantānun-mīlane pramātṛpade | īśvaratāpi iti 
idantonmīlane pramāṇabhūmau | tat iti tasya bhagavato yā kartṛtā ahamiti 
svātantryātmā, sā yatra upacaryate samāropyate sparśādau so'rtho yato 
vedyaikarūpastatastattādātmyāvibhāgagāminyau te śivateśvarate api

(page 284)

taccharīraprabhṛtigatasparśaśabdarūparasagandhādiniṣṭhameva deśakāla-
saṅkocaṃ bhajata iva | buddhiḥ iti prakāśabhāgena, paśyantī iti 
vimarśāṃśena | tata eva prameyatā vācyatā ca prāk pṛthaguktā | 
tayośca iti nirdhāraṇapadena pūrvakasya eva arthasya idaṃ 
sphuṭīkaraṇamiti darśitam | tataḥ iti yataḥ pramātṛpramāṇe 
deśakālavacchedavatī, tatastayorāyattā vedyasaṃvittistathaiva ābhāti | 
mukhyam iti pramāṇapade yataḥ karaṇatāyā avasthānaṃ, natu 
karmatāprameyatā tatra avasthitā | tadā mukhyaṃ saṃpūrṇaṃ 
vedyavedakatālakṣaṇaṃ māyāpramātṛtvaṃ nāsti, 
vedyopādhānasaṅkocāt tu tadapūrṇamasti eva | mantrātmanā iti 
śuddhavimarśarūpeṇetyarthaḥ | asau iti saṅkocaḥ | tacca iti kakārādi-
vibhāgātmakam | pratibimbakalpam iti pratibimbakalpatayā eva sarvasya 
nirbhāsanamiti ākūtam | atra śarīraghaṭādi apihi vastutaḥ 
pratibimbaprāya-meva | tatra sphuṭapṛthagbhāvena vedyatvaṃ naiva bhāsate, 
natu evaṃ vācakaparāmarśaniṣṭhaḥ kakārādivibhāgaḥ | etadāha natu 
vijātīyam iti pṛthakparāmṛśyatvena saṃvedyamiti yāvat | tat iti 
varṇavibhāgarūpaṃ kartṛ | ajñatvam iti karma | dṛṣṭānto vaidharmyeṇa | 
pratibimbakalpatvena bhāsamānatvāt iti hetumuktvā hetvantaramapi āha 
svaprādhānyābhā-vācca iti | śarīrādau māyāpramātṝṇāṃ 
paramāsthā bandhasthāna-tvena bhāti samastānāṃ 
tadbhaṅgabhīrusvabhāvatvāt | kakārādivarṇa-grāmastu 
vidyāpramātṝṇāmupādhānavat māyāpramātṛgatanīlādi-bhedavat 
nijakṛtyopakaraṇatayā bhāsate | saṃvedana eva ātmatābhimāno hi eṣām | 
upādhānatāmeva darśayati kevalam iti | nanu

     karmataśca śarīrāṇi---------------------------|

(page 285)

iti tāvaducyate | teṣāṃ tu vidyāmayānāṃ nirmāṇe kiṃ kāraṇam | āha 
parameśvarecchā iti | karmādyanapekṣāmeva prāha sā ca iti icchā | 
evaṃ viṣayadvāreṇa aśuddhaṃ māyākhyamalasvarūpamuktamupasaṃha-
rati tadayam iti | param iti kevalam | etadeva sphuṭayati nanu iti | agre iti

     bodhānāmapi kartṛtvajuṣām----------------------| (3|2|9)

ityatra | ekavacanāntam iti vṛttau dehādirityetadapekṣayā cakāreṇa 
sphuṭatvena vākyabhedo'tra ānīta ityāśayena evamuktam | tatra iti

     māyā vimohinī nāma kalāyāḥ kalanaṃ sthitam |

iti hi śrīrudrayāmalasāravākyam | tadvaśādeva iti | vivartapariṇāma-
kāryakāraṇatāvādā hi vitatya nirākṛtā iti bhagavacchaktirūpā eva 
māyā viparyāsāntarākṣepiprathamoktaviparyāsakrameṇa svātmani 
bhāvātmātaḥ ? karotīti || 8 ||

     nanu anātmā śūnyādirātmatayā yāvadabhiniviśyate, tāvat 
cidrūpatayā abhiniviṣṭo bhavati | sā ca anāvṛteti punarapi 
viśuddhaiśvarya-yoga eva asya yuktaḥ ityāśaṅkāṃ 
tattvapañcakasaṃvalitapuṃstattvapradarśanena apohati

     yaśca pramātā śūnyādiḥ prameye vyatirekiṇi |
     mātā sa meyaḥ san kālādikapañcakaveṣṭitaḥ || 9 ||

     syādeva doṣo yadi pramātṛtāyāṃ śūnyādirmeyatāṃ jahyāt, 
natu evam | tathāhi sati vyatirikte meye kathaṃ mātā bhavet | pārimityaṃ hi 
atra prameyatve māturvyatireke ca prāṇaḥ | tadevaca 
kālādipañcakakañcu-kanicitatvamiti sūtrārthaḥ | taṃ saṃkṣipya 
avatārayati idānīm iti | syāt iti

(page 286)

     api tvātmabalasparśāt---------------------------| (spa. kā. 8)

itinītyā | sā iti ahamidam iti aiśvarasaṃvit | atra iti śarīre | vakṣyate iti

     kalodvalitametacca---------------------------| (3|2|11)

ityatra sūtre | tadrūpatā iti | ātmarūpatāhi satī api saṃsāritve nivartate 
eva śarīre gṛhavastrādāviva | mānyapadena apūrṇaṃ prāmāṇikatva-
māha | śaṅkitānavasthāparihārāśayena viśinaṣṭi nityoditā ityādinā | 
atathā iti tadadhīnatvādeva ajñamakartṛ ceti aṇulakṣaṇaṃ yijitamatra | 
nanu strībālādīnāṃ puryaṣṭakādi na bhavet ātmā śarīrameva iti uktyā, 
tataśca aparalokinaste syuḥ | atra āha śarīrātmamānināmapi iti | etat ca 
prāk vyākṛtameva ayameva hi anātmani ātmābhiniveśāvataraṇa-
kramaḥ ityatra | aṣṭādaśavidhaniṣedhyāpasaraṇe nañparāmarśaviśeṣa-
mapi yadā ayamabhyāsavaśādujjñati

     ---------------------------yena tyajasi tattyaja |

iti, tadā netyapiviśeṣasya astamayāt viśuddhameva cittatvaṃ bhāti; 
kevalaṃ tatsaṃskārāt bhedo'treti vyutthānādisambhavaḥ | saṅkocitam 
ityantaṃ kartṛpadam | anubhūta ityādi karmapadam | sā iti ātmarūpatā | 
yatpadena kriyāparāmarśe'pi kriyāyāḥ kārakotkalitaśarīratvāt 
karaṇasya prakṛtasya parāmarśa ucita eva, natu vāsanāpekṣametat liṅgaṃ 
punaḥ saṃskārāpekṣayā puṃnirdeśāntaraprasaṅgāt | athavā iti na 
idantayā vedyam, apitu māyīyā tāvadāgṛhītarūpā sā ahantā eva 
yuktetyarthaḥ | tathāhi vyākhyātā tāvat saṃskāravantamātmānaṃ 
manvāno vyākhyātumudyacchati, natu tān saṃskārān 
pṛthagvedayamānaḥ | rudrādestulanam ityādau

(page 287)

ca so'ham iti tāvat saṃskārapūrṇa eva ahamitiparāmarśāt 
garvakopādyu-dayā yuktāḥ | svakṛtasaṅkocasaṃskāravatī yā cit, 
tanmayatayā pralīna-mapasāritaśabdādirūpaviśeṣamekamiti 
puryaṣṭakāntarāderbhinnam | dvitīyaviparyāsasya 
ādyaviparyāsanāntarīyakaṃ svarūpaṃ viṣayadvā-reṇa upasaṃharati 
tadevametat iti | prathamaviparyāsabhittau rūpāntaramida-miti ajñapadena 
asamastapadena āha | evaṃ mātā sa meyaḥ san ityantaṃ vyākhyāya 
kālādika ityādi vyākhyātumārabhate anyadapi iti | iyamapi āśaṅkā 
anena eva parihṛtā yaduta kalananiyamanādi kāryamaśeṣaprame-
yaniṣṭhaṃ dṛśyate, tadamī kālādyāḥ pramātṛdharmatvena eva 
kimucyante iti | pāratantryaṃ tattvāntarasambandhe sati samarthatā 
svayamasamarthatā tu aprabhutvamityanayā bhaṅgyā bhedanopādānam | 
tatra viśeṣaṇatātirekeṇa na kālādīnāṃ svarūpamasti | viṣeṣaṇaṃ ca 
pratītyārūḍhameva tathā bhavati | tatra daṇḍādīni viśeṣaṇāni api na 
ābhāsanakriyāṃ bhindanti tathā bhavanti, apitu puruṣādikameva 
viśeṣyaṃ saṃyogādidvāreṇa | tatasteṣāṃ vastvavacchedakatayā purvaṃ 
pramātṛbhāgāvaccheda upayujyate daṇḍī ayamiti iyatā eva kṛtyasya 
pūrṇatvāt | kālaḥ punaḥ sphuṭāsphuṭarūpatayā ābhāsakriyāmeva 
bhāvābhāvavatīṃ nirbhāsayatā parameśvareṇa sṛṣṭaḥ | sa ca 
ābhāsanakriyayā eva bhāvābhāvavati idantābhāge patitatvādahamiti 
avabhāsalīnatvāt ca pramātari eva prathamaṃ sphurati | taddvāreṇa tu 
ghaṭādau yo'hamayami-dānīṃ sphuṭarūpo varte, parikṛśo bhūtvā 
sthūlataraśca bhaviṣyāmi aśvagandhaghṛtopayogena tatsahabhāvino'mī 
ghaṭādayaḥ sphuṭarūpā vartamānā 
ityevaṃvartamānātmakadhruvakālāvadhiparigraheṇa bhūtabhaviṣyatoḥ 
pramātṛgatayoreva satoḥ prameye viśrāntiḥ,-iti

(page 288)

pravahadvayaḥkālaḥ sa puṃsa eva kañcukatvena yukta ityāgameṣu tathā 
nirdiṣṭaḥ | niyatyādereṣa eva nayaḥ | eva iti vata vata iti kiñcit iti hyaḥ iti 
āsa iti hi vimarśā niyatirāgakalākālavidyātmānaḥ saṃvidi eva, na vedye 
| tadayaṃ vargo na svatantraḥ, nāpi sāmānyena prameyadharmaḥ,-iti 
tātparyam | taduktaṃ śrīkālapādāyāṃ

     yāvatyeva hi saṃvittiruditā susphuṭā bhavet |
     tāvān kṣaṇo vartamānaḥ kalpo vānyadvayāvadhiḥ ? ||

iti | etat tathā ca ityādinā sphuṭayati | sarvamiha ābhāsarūpamiti utsargaḥ, 
tat kiṃ vṛttāvābhāsapadena,-ityāśaṅkya āha sarvaṃ hi iti | bahirvastu 
iti sakalasādhāraṇatayā eva bāhyatvaṃ, sā ca na viśeṣaṇatāyāṃ 
nīlasya api kaṃcitprati viśeṣyatvāt utpalasya ca viśeṣaṇatvāt | yat 
madhyamamuniḥ

     viśeṣaṇaviśeṣyayorubhayaviśeṣaṇatvāt

ityādi | devadattaṃ prati iti apratītatve'rthakriyāsambandhe ca ubhayatra 
yojyam | nanu apratītaṃ sā avacchidadarthakriyāntaraṃ tu kariṣyati,-ityāha 
naca iti | nīlaṃ hi pṛthageva sukhaduḥkhādikaṃ janayat na 
viśeṣaṇamucyate | etat nidarśanena sphuṭayati nahi iti | 
daṇḍipratīterupayogyāninīṣitapuruṣā-vacchedanādityarthaḥ | tathāhi iti 
evaṃca satītyarthaḥ | pramātṛbhūmau pramātṛbhūmau iti vīpsā, 
avyayībhāvena sādhāraṇatārūpabāhya-tvābhāva uktaḥ | ekatāmaya iti 
sambandharūpaḥ | prathate iti anapahnava-nīyatayā vastu eva | tātkālika 
iti tathaiva tadā sṛṣṭaḥ | anyadāhi tasyaiva pramāturasau anyathā 
sphuratyeva | evaṃ viśeṣaṇavṛttāntaṃ prakṛta upayojayati tataśca

(page 289)

iti | yata evaṃbhūto viśeṣaṇamātrasya api vṛttāntastato hetoḥ kālādīnā-
mābhāsanakriyāmukhena pravṛttānāṃ kathaṃ pramātṛpratīterbahir-
bhāvaḥ śaṅkyetetyarthaḥ | ādipadāt niyatyādīnām | ata eva āgameṣu

     rāgeṇa rañjitātmāsau kālena kalitaḥ priye |
     niyatyā yamito bhūyaḥ puṃbhāvenopabṛṃhitaḥ ||
     kalodvalitacaitanyo vidyādarśitagocaraḥ |

iti uktam | nipātāvamarśanīyā niyamādayaḥ, sa jātaḥ ityādyavamṛśyā 
rāgādayaḥ saṃvedanagatāḥ santaḥ saṃvedyān spṛśantīti | 
apṛthaksiddhānām iti pramātṛśaktirūpāṇām | viśeṣyasya yā 
viśeṣaṇakriyā avacchedalakṣaṇā, tasyā yā pratītistatra anupayogināṃ 
tato bahirbhūtānāṃ siddhireva na saṃbhāvyate | daṇḍādibāhyaviśeṣa-
ṇena vastutaḥ pramātṛdharmatvameva eṣāmucitam,-iti bhāvaḥ | kālasya 
iti sarvasāmānyamapi viśiṣyata iti yāvat | mātrapadena 
sarvapramātṛsādhāraṇyaṃ nirākṛtam | ata eva āha ābhāso'pi iti 
dūrata eva tāvadavacchedanakriyā, dūre ca arthakriyāntaram | 
ābhāsanamapi daṇḍavat na kālasya pṛthak sarvasādhāraṇyena bahirasti | 
kundacūtamallikākuṭajakamalamālatīsantānaṃ hi kramikaṃ paśyet, natu 
tatpratīterbahirbhūtaṃ daṇḍamiva kālaṃ kramarūpam | etadeva 
śrīpūrvāgame svarūpalakṣaṇādādyāt bhedāt 
pramātrapekṣabhedāntaroktyā darśitaṃ

     śaktimacchaktibhedena dharātattvaṃ------|
     svarūpasahitam----------------------------------|| (mā. vi. 2|2)

ityādau | nanu bhavatu evaṃ kālasya pramātṛlagnatvam, parameśvarasya tu 
kathaṃ tacchaktiyogaḥ,-ityāśaṅkya āha vicitra iti | 
vicitrānābhāsanānābhāsopabṛṃhitānābhāsān kundādimayān yataḥ

(page 290)

parameśvaraḥ karoti, tataḥ parameśvarasya śaktiḥ pramātṛdharmaṃ 
kālamutthāpayati; tataḥ pramāturdharmaḥ kālaḥ | pramātā hi kalitaḥ san 
kalayitā kālena kalita iti uktaḥ | parameśvarasya tu kālaśaktiḥ 
kriyāśaktiprāṇitarūpeti | prāk iti

     kramo bhedāśrayaḥ---------------------------| (2|1|4)

ityatra prakaraṇe | eṣa eva anyatra kañcukavarge vṛttāntaḥ, iti darśayituṃ 
niyatiṃ vyākarturtyā vṛttiḥ, tāṃ vivṛṇoti kāryakāraṇabhāvaśca iti | 
kāryalakṣaṇaśabdena tadbhāva ucyate | sa ca kartṛtvaparyavasāna iti tasya 
kartṛtvasya kālaśaktyā vakṣyamāṇayā dattasya yo niyamo yato 
niyamyamānatāpūrvakaniyantṛtvalakṣaṇāt dharmāt, sā niyatiḥ 
pramāturdharmaḥ | tacchaktistu kriyāśaktiśeṣarūpā bhagavata eva 
ciducitā | kartṛtā citkartṛtā | tatra iti niyativiṣayatve | kāryakāraṇaśabdena 
tadābhāsaḥ | tataśca ayamarthaḥ-vastuto bhagavāneva tathā nirbhāsate 
itisthite na bījasya aṅkuraṃ prati ghaṭaṃ vā upādānatāpi mṛda iti 
tulyamasāmarthyaṃ dvayoḥ, tathāpi sarvapramātṛsādhāraṇyena 
evamābhāti-bījamupādānamaṅkurasya, na mṛt; sā tu ghaṭasya, na 
bījam,-ityevaṃbhūto ya ābhāsaviṣaye niyamyamānatālakṣaṇo 
dharmaḥ, sa vastutaḥ pramātari eva, na prameye | tatra tu

     mātrābhāsanadvāreṇa---------------------------|

iti pramāturdharmo niyatiḥ sarvajñena uktā | yaduktaṃ

     niyatyā yamito bhūyaḥ---------------------------|

iti | sādhāraṇyameva darśayati tathā iti | anenaiva karmatatphalaniyamavyā-
khyāne siddhe pṛthak tadabhidhānaṃ saṃsāravṛttānte tatprādhānyāt | 
tadāha yaśca iti | vṛttau karmaśabdena cet

(page 191)

kriyā, tadā phalaṃ tatkṛta ātmavartī saṃskāraḥ; atha sa eva 
karmaśabdena, tadā phalaṃ svargādīni | ubhayathā vṛttirvivṛtā | rāgaṃ 
vyācaṣṭe kartuḥ iti | matsarādeḥ iti abhidharmādau bhāratādau ca 
darśitaścittavṛttigaṇo rāgamūla eva | ata eva

     vītarāga---------------------------| (nyā. sū. 3|1|25)

iti dveṣoddharṣamatsarādivigamo'pi asya pratīyata eva | nanu avairāgyaṃ 
śaivadṛśi buddhidharmatvena api vakṣyate, tat kimanyena rāgeṇa | kāṇā-
dānāṃ tu na anyat tadasti,-iti yuktamicchādveṣayorātmaguṇatvamityā-
śaṅkāmapanudati buddhiguṇaśca iti | tattvāntaratayā iti | rāga iti 
anena kañcukatveneti yāvat | tathāhi bubhukṣā, pipāsā, 
strīsaṃbubhukṣāla-kṣaṇa ullāso yaḥ, tadavairāgyam | tatra ca bhavati 
vṛddhāturāderabhi-
ṣvaṅgo bhavati evaṃ bhūyādetat mama itipratipatteḥ | tato rāgatattvaṃ 
pradhānabhūtam | tasya tu bahiṣparyantatāprasaraṇaṃ yatsaṃpattaye 
vṛddhāturādīnāṃ bhaiṣajyaṃ bhaviṣyati, tadavairāgyaṃ | 
dharmādayo'pi abhiṣvaṅgavāsanāyā eva pallavāḥ-iti samasto'yaṃ 
rāgavargaḥ | te tu viśeṣollāsātmāno buddhidharmatvena gaṇitāḥ | tata etat 
sarvameva māyāmūlata eva sthitam | tathāca dīkṣāsamaye tadantarvartina 
eva sarvasya śodhyatvaṃ śrīsvacchandādiśāsaneṣu nirūpitaṃ mūle 
dagdhasya punaḥ prarohābhāvāt | rāganiyatyādau tat 
pallavitamukulitaprāyaṃ, buddhau punaḥ phullitaṃ ca phalitaṃ ca | tadetat 
sarvamāha buddhiguṇaśca ityādinā viṣayaviśeṣa ityantena | rāgaṃ 
vyākhyāya kartṛtvajñatvātmanā vikasitasya caitanyasya 
bhinnakāryajñeyaviṣayasya abhivyañjanāya dvayorvyāpāra iti samameva 
kalāvidye nirūpayati śūnyādeśca iti | co dharmiṇi dharmāntaraṃ 
samuccinoti | caitanyamaniruddhaṃ

(page 292)

satatānāvṛtaṃ, tatra kimabhivyañjanenetyāśaṅkya satyamevaṃ paramār-
thacaitanye, bhinnaviṣayakalpitacaitanyacarcā punariyaṃ vartate ityāśayena 
āha caitanyaṃ ca iti | iha iti puṃstattve | tadvivakṣābhāve hetumāha 
cinma-yatvāt ityādinā | karmakakṣyām iti pāratantryeṇa 
prakāśyamānatām | cit ityādi grāhakāt bhinnamiti yāvat | arthāntarāt 
grāhyāntarāt vilakṣa-ṇam; tata eva avibhaktamapi grāhakagrāhyābhyāṃ 
vibhāgamāpāditam, tathābhāve'pi svayam iti svena rūpeṇa 
saṃvinmātramayatāṃ prakāśa-mānatvena anujjhadapi nīlādi 
jaḍamucyate | kutaḥ | padārthāntarāṇāṃ viviktatayā bhedena yat 
saṃvedanavaicitryaṃ, tatra asamarthatvāt | tatra ca hetuḥ idantā ityādinā 
uktaḥ | abhedaprakāśanaṃ tu anastamitameva śava-śarīraghaṭādāvapi,-
iti na tatkṛto laukiko'yaṃ jaḍājaḍavibhāgaḥ iti yāvat | tadāha natu iti | 
nanu anena prakāreṇa hetunā jaḍamucyate sambandhaḥ parasya bhinnasya 
sato yat saṃvedanaṃ kartavyaṃ lokayātrotthāpakaṃ tasya akaraṇāt | na 
kevalaṃ śūnyādāvevaṃ, ghaṭādāvapi evamityāha ata eva ityādi 
parādhīnatayā ityantam | yadarthamiyat vicāritaṃ, tat 
prakṛtamanubadhnāti vidyākalābhyām iti | sarvaśabdo yogyatāṃ 
pramāṇavaicitryeṇa āha, arthaśabdo bhedam | nanu te vidyākale 
jñatvakartṛtve vyakte cet, vāstavena rūpeṇa abhedātmanā vyaṅktām | atra 
āha māyīyatvāt iti | nanu bhedena te sarvaviṣaye stām | ucyate niyati iti | 
etāni hi kañcukāni modakarasavadanyonyānugrahalakṣaṇa--melanavṛttīni, 
tata eva veṣṭita iti uktamāgameṣu | ata eva amīṣāṃ vicitreṇa 
paurvāparyakrameṇa abhidhānamaviruddham | tathāhi mālinīsāre

(page 293)

     hṛdaye yaḥ sthito granthiradha-ūrdhvaṃniyāmakaḥ |

iti upakramya uktaṃ

     kadalīgarbhadalavanmodakādirasādivat |
     kadambagolavaccitrāt kramāt kañcukasambhavaḥ ||

iti | etenaiva āśayena āha na cātra iti | iyat tāvat prathate ca āgamānugṛ-
hītaṃ ca | adhunā idaṃ vidan kurvan rakto niyamavān yaḥ, so'hamityevaṃ-
prāye tattvagrāme saṃvedanānusaraṇanimittamavadhānaṃ dhīdhanairna 
atyantamādriyate | yaditu ādaro'tra bhavet, tadetadvitānayediti | kiṃ tat | āha 
ayameva kramo'nyathāvā iti ullāsasya citrakramatvāt | tattvāntarā-
ṇām iti adhikānāṃ vāgrahaṇāt na upayogo vā iti | anādare hetuḥ 
niṣprayojanatvāt iti | kutra tarhi ādaraḥ ,-ityāha etāvat tu iti | ādartavya-
tāyāṃ hetumāha etāvacca iti | madhyavartinastu prayojanaśūnyatāṃ 
darśayati anyat tu iti | anupayogi iti dūreṇa sambandhaḥ | kathamanupayogi | 
āha idānīm ityādi evam ityantam | saṃviditam iti sadbhāvo'nena lakṣyate 
| tataśca ayamarthaḥ-idānīmiyadasti, anyadā tu adhikamapi syāt | ata eva 
pakṣāntaramāha avadhānābhāvāt ityādinā | idānīṃ 
ṣaṣṭhaviṣayādi sannihitamapi asaṃvedyaṃ syāditi śaṅkyata iva, 
tadavalokane'pi saptamādi-viṣayasaṃbhāvanānivṛttiḥ | tadāha acintya 
ityādi | etena ṣaṭṣoḍaśādi-bhedena madhyamaprameyagaṇanaṃ 
bālukāgaṇanaprāyamaśakyaṃ nirupa-yogaṃ ceti darśayati 
pāratādīnāṃ pārthivādirūpavilakṣaṇānāmapi sambhavāt | etadeva 
saṃvādayati taduktam iti prakṛtaṃ yadasmākamabhidheyaṃ, tat bhāti ca 
upapadyate ca

(page 294)

upayujyate ca; naca madhyamaprameyāsaṃvedane tasya sarvordhvapadavarti-
naḥ kācit khaṇḍanetyāha iyaṃ tu ityādi | tathārūpatvam iti svātmā 
jñātā kartā svatantra iti | anena vinā na kiñcit prakāśate, anyadvā 
kalpyamānaṃ dūre tiṣṭhatu,-ityāśayena āha nāpīyam iti | yatra tu 
etadupayogi, tatra dīkṣādividhau sarvametat sunirūpitameva || 9 ||

     ---------------------------prameye vyatirekiṇi | (3|1|9)

iti uktam, tat prameyaṃ yugalakena āha

     trayoviṃśatidhā meyaṃ yatkāryakaraṇātmakam |
     tasyāvibhāgarūpyekaṃ pradhānaṃ mūlakāraṇam || 10 ||
     trayodaśavidhā cātra bāhyāntaḥkaraṇāvalī |
     kāryavargaśca daśadhā sthūlasūkṣmatvabhedataḥ || 11 ||

     saṅkṣepeṇa spaṣṭametat, prapañcastu vivṛtāveva asti,-iti pṛthaṅ 
na vimṛṣṭam | prameyaṃ vacaśca śodhayituṃ codyena upakramate nanu 
ityā-dinā bhavediti ityantena | ata eva iti yataḥ 
sāmānyalakṣaṇasaṅgrāhyataiva ucitā, tata ityarthaḥ | etadeva vyatirekeṇa 
āha avāstave ca iti | tattu iti asaṃ-vedanīyatvādeṣām | etacca 
karmendriyaviṣaye'pi sañcāraṇīyam | karaṇa-tvamapi anucitameṣāmiti 
darśayati tathā iti | kālakalādayo hi pramātṛtāṃ pūrayantaḥ 
pratipramātṛbhinnasvabhāvāḥ, kvacittu naṭamallaprekṣādāvī-
śvarecchayā tāvati ekībhavanta ekaviṣayatayā vā anyatra rakto'nyat niyat-
yā kāryate ityādisthityā karaṇāṃśagāminaḥ; tat kimanyena karaṇeneti 
prameyaṃ codayitvā vacanacodyamāha tathā ityādinā | atra iti pradhāna-
sya eva parāmarśo yuktaḥ, naca tasya udito nirāvaraṇāyogāditi bhāvaḥ | 
uktam iti idamapi

(page 295)

vacanacodyameveti āśayaḥ | itiścodyasamāptisūcakaḥ | punarapi iti 
vibhā-gavibhāgo'yamiti yāvat | bhuvanādaya iti ādipadāt 
dehabhedādayaḥ | tathātvena ca iti karaṇatvena ca iti 
karaṇatvayogivedyatvena | buddhipari-ṇāmādi iti 
buddhergandhādirūpapariṇāmopayogīni buddhīndriyāṇi, bāhyasya apitu 
mṛtpiṇḍāderghaṭādipariṇāmāya karmendriyāṇi | etacca apipadena āha | 
nahi  iti | etacca ādisiddhasūtroktameva smāritam | iha kāraṇāni iti 
asaṃviditasya api bījāderaṅkurādau kāraṇatā eva yato'numīyate iti, tena 
vāstavaṃ prādhānyamaśabdaspṛṣṭamapi āśritya parāmarśa ityarthaḥ | 
tāvatā iti na vāstavaṃ vacanavṛttyā bādhyate iti yāvat | etacca 
prauḍhavāditvena uktam | evaṃ tu sūtraṃ netuṃ śakyameva 
yatkāryakaraṇātmakaṃ vastu trayoviṃśatidhā, yacca tasya 
mūlakāraṇaṃ; tat sarvaṃ prameyamiti sākṣātpadasya vyavacchedyaṃ 
darśayan pramātari prameyatāṃ nirākaroti vikalpajñāne hi ityādinā | 
nanu evameva pradhānasya api asākṣātkāryatā astu 
vikalpamātravedyatvāt, ataśca evaṃ yat kāpilairidamapi 
asaṃvedyaparvatayā eva gaṇitamiti yo manyeta, taṃ prati āha pradhānam 
iti | punaḥśabdaḥ pramāturasya viśeṣaṃ dyotayan sākṣādvedyatāṃ 
spaṣṭayati asmadādyapekṣayā api prameyatāmapi āha anumāna 
ityādinā | etaduktaṃ bhavati-ātmā vikalpajñāna idamiti prakāśamāno 
mūlaparāmarśe'hantātmani eva pramātṛtaikaparamārthe viśrāmyati | 
etacca uktaṃ

     nāhantādiparāmarśabhedāt---------------------------| (1|5|17)

ityatra | pradhānaṃ tu vikalpe nirbhāsamānamapi sākṣādvedyāṃśaika-
rūpameva idantayaikarasatayā bhātīti parāmarśaikyāt tadeva tat | etadapi 
uktaṃ

(page 296)

     dūrāntikatayā---------------------------| (2|3|10)

ityatra | nanu evaṃ svakaṇṭhena eva kasmādasya prameyatā na uktā | atra 
āha kevalam iti | atha ekaprahāreṇa sarvaṃ pariharati sarvamevaca iti | ata 
eva iti yato lokayātropayoga eva pradhānabhūtaṃ, tata ityarthaḥ; anyathāhi 
sūtrānusāreṇa karaṇavarga ādau nirdeśyo bhavediti ākūtam | 
vargiprādhānyenāpi iti codyabījaṃ yat parasya, tadeva vastutaḥ 
samādhānamiti darśayati bahuvacanena iti | nahi vargibhyo'paro vargaḥ 
kaściditi yāvat | athavā iti bahuvacanena lokaprasiddho bhāvagrāmaḥ 
samasto gṛhīto vargaśabdena sūtre sa eveti yāvat | sūkṣmasya sthūlataḥ 
pratipattirutpattistu viparītā,-ityāśayena sūtravṛttyoḥ kramaviparyayeṇa 
nirdeśaḥ | mahattattvam iti vācoyuktyā

     prakṛtermahāṃstato'haṅkāro niḥsattā sattā niḥsadasataḥ
     sattāmātraṃ mahadabhivyajyate tato mahātmī saṃvidaḥ sitā ?

ityādikāpiloktismāraṇena na buddhermanaścakṣurvāgādivat 
karaṇaskandhatā eva, apitu kāraṇaskandhatāpi asti,-iti samarthayate | 
kāryatvasya śabdākāśādirūpa eva viṣayo yatra kāraṇatvaṃ nāsti | 
teṣām iti karaṇadaśaikabhājāṃ 
pariṇatasthūlākāśādidharmatārahitānāmiti yāvat | tathā iti kāryatayā 
| prakārāntareṇa api saiva sāṅkhyoktiḥ samarthayate kāryatvañca iti 
bhoktṛbhogyatatkaraṇavicāraṃ hi karoti bhogakriyāviśrāntaḥ | tathā iti 
kāryatvena | vṛttigataṃ kramamutpattinirūpaṇena samarthayate kāryaṃ ca 
iti | āvirbhavat iti vyajyamānatayā satkāryavādamāha | sūkṣmam iti na 
paramāṇurūpam, apitu vibhāgarahitaṃ paripelavātmakaṃ 
kāryavargāpekṣayā vyāpakarūpam | sthūlatā api etadviparītā mantavyā

(page 297)

mātrapadaṃ vyācaṣṭe viśeṣarahitā iti etat kāraṇarūpaṃ paraṃ 
sāmānyaṃ mṛdrūpatā iva ghaṭādeḥ, sādṛśyalakṣaṇaṃ tu aparaṃ 
sāmānyaṃ ghaṭānāmiva ghaṭatvamiti | purastāt iti 
yoginirmāṇatādisūtreṣu (2|4|11) | sa ca iti kramaḥ | niyatiśaktimeva 
pramāṇato darśayati āgamato'pi iti anumānamatra durbalamiti āha | nanu 
asakṛt iti nanu āgamāntaramanyathākramapratipādakamapi atra nāsti,-iti 
kuto niścayaḥ | tatra ayameva kramo niyateriti duravagamameva | astu evam, 
prakṛte tu na kācit mlānateti āha nacāsiddhe'pi iti | saṃvedanasya 
anapahnavanīyasya yat saṃvedyātmatvaṃ, yacca tatsaṃvedyābhāsasaṃ-
yojanaviyojanabahirantarbhāvāpādanādisvātantryeṇa īśvaratvaṃ, tat 
sarvaṃ svaprakāśam | etat tu mūḍhaṃ prati upadeśatayā prameyamiha 
prakṛtaṃ, tasya na hāniḥ kācidasiddhe'pi sattvasaṅkhyākramaniyamādā-
viti saṅgatiḥ | etaduktaṃ bhavati-saṃvidaḥ sarvaśaktitāmeva paśyan 
kṛtārthaḥ, sarvaṃ tu madhyavarti kiyat syāditi gaṅgāgatasaikatakaṇa-
gaṇanaṃ kva upayogi parayoginaḥ | yadāha

     kīṭasaṅkhyāparijñānaṃ tasya na hyupayujyate |

ityādi | tanmātrāṇi upasaṃharan mahābhūtāni āsūtrayati tadevam 
ityādinā | sanniveśa iti āśayasaṅgrahāya | anyonyasamparkaṃ ca iti 
bhūtāntaraviṣayam | pakṣadvayanirūpaṇaṃ vā iti 
ekaikaguṇamahābhūtadarśane hi guṇāntaropalambho 
bhūtāntarasamparkata iti sanniveśata iti bhūtarūpatā sthūlā | 
ekaikaguṇavṛddhatāpakṣe tu parasparasamparkastanmātrāṇām, ākāśe tu 
sanniveśa eva sthaulyāpattiḥ saṃparkābhāvāt, ceṣṭāvyūhanakriyā 
vāyoḥ | ādipadāt paktisaṅgrahadhṛtayo'pi tejombudharāṇāṃ vṛttayo 
gṛhītāḥ |

(page 298)

yadvā iti ākāśasaṅgrahāya pakṣāntaram | etadeva sphuṭayati sanniveśa-
viśeṣa iti na atra anyonyasamparka iti evakāraḥ | śabdapariṇāmasya 
ubhayathā avakāśadātṛtvaṃ sambhāvyate vācakaśabdasya nādātmano 
vicitrasamayasahiṣṇuśābdavṛttamūlānekavarṇagrāmabījabhūtasya 
yato'nekavācyādhyāsavataḥ sarvāvakāśadānakṣamateti ekaḥ 
prakāraḥ, vācako vā astu avācako vā khaṭakhaṭādirapi śabdaḥ 
sarvāvakāśasahaḥ sparśasahacāritārahito mūrtatābhāvādapratighātako 
yata iti aparaḥ prakāraḥ | tannirūpayati nādātmā ityādi yadvā ityādi ca 
| api iti pṛthivyādīnāṃ tāvadavakāśadātṛtā naiva sambhāvyate 
kathañcit, dṛśyamānā api na teṣāṃ sā svabhāvaḥ; apitu tatsahacāriṇa 
ākāśasya evetyarthaḥ | tattvāntarātmanaḥ iti pṛthivyādiguṇasya 
sparśasahacā-riṇaḥ pratighātakṛtastatra ākāśe praveśo yasya na 
sparśasahacārī sa śabda iti tasya eva ākāśasya eva avakāśadātṛtā 
vṛttiḥ, natu śabdaguṇā-nāmapi bhūtāntarāṇāmiti tātparyam | 
sthaulyabhāga iti yo'sau sanniveśātmanā suṣirasvabhāvaḥ, 
tadākāśameva; natu tanmātram, yattu asanniveśātmakaṃ kṣobhamayaṃ 
rūpaṃ, sa śabdo guṇa iti abhiprāyaḥ | ata eva iti yataḥ 
śabdasanniveśarūpatā tatra avyabhicāriṇī, tato hetorvāyorākāśameva 
eko deśaḥ svarūpātmatvena avyabhicārāt | etadeva lokaprasiddhyā 
pramāṇayati tathā cāhuḥ iti | sarva evahi laukikālaukika-
khavāyvoravyabhicāramicchanti,-ityāśayena

     nityamevāviviktatvaṃ marudambarayoriva | (bha. gī. 9|6)
iti
     yathākāśasthito nityaṃ vāyuḥ-------------|

(page 299)

ityādi ca niyatamiha na paṭhitam | pakṣāntaramāha athavā iti | ata eva iti 
yataḥ śabdabhāga ākāśapadapatitaḥ | matāntareṇa api etat saṃvādayati 
tathāca iti | yadihi ākāśameva guṇāntarasparśādhikyāt vāyurityeṣā 
dik na bhavet, tadā śabdasparśābhyāṃ sparśādeva vāyorjanma; 
evamuttare-ṣām, tataḥ pūrvasya mahābhūtasya uttaraṃ prati kathaṃ 
kāraṇatvaṃ syāditi āśayaḥ | nanu kimarthaṃ śaivasāṅkhyādaya 
itthamāhuḥ | ucyate asya kramasya iti pṛthivīdhāraṇāyāṃ jitāyāṃ 
pṛthivīmapi jalavilīnāṃ bhāvayan yogī jalameva paśyaṃstatsiddhīḥ 
pratipadyate yāvadākāśaika-līnāni śūnyaikatābhāñji 
pūrvamahābhūtāni bhāvayannākaśa-siddhīḥ | dīkṣākālena ca 
viśuddhaṃ pūrvatattvaṃ dharāmapsu uttaratra yojanīyamiti yojanāsu 
nirūpitam |

     yeṣāmadhyavasāyo'sti na vidyāṃ pratyaśaktitaḥ |
     sukhopāyamidaṃ teṣāṃ vidhānamuditaṃ guroḥ ||

iti hi āgame dīkṣāyojanaṃ sarvānugrāhi yuktam, tatra kāraṇe kāryasya 
pravilayo yojanaṃ ca | yuktaḥ iti sa eva ayaṃ bahutarāgamānugṛhītaḥ 
pakṣaḥ iti yāvat | enāmeva pakṣadvayaśailīṃ bhūtāntareṣu darśayati 
evameva iti | ekaguṇatā eva bhūtānāmityetat saṃvādayati ata eva iti

     viṣayavatī pravṛttirutpannā sthitinibandhanī |

itisūtrabhāṣyakāraḥ pṛthivyādikṣetreṣu ekaikagandhādiguṇasaṃvedana-
meva nyarūpayat | śrīmataṅgaśāstre'pi

     kṣubhitāt sparśatanmātrāddviguṇo vyūhato marut |
 
ityādigranthena svabhāvataḥ ekaikaguṇatve  pūrvabhūtāntaravyūhanayo-
gāt tat dviguṇatvādi nirūpitam | tānyeva iti vṛttiṃ vyācaṣṭe

(page 300)

tānyevaca ityādinā natu vastvantaram ityantena | apratyakṣatvāt iti 
saukṣmyāt teṣāṃ mahābhūtadvāreṇa eva upalakṣaṇamanyathā māyā-
tattvameva ekaṃ śivatattvameva ekamiti vastuvṛttam | nanu evaṃ ghaṭāda-
yo'pi tattvarūpatayā gaṇyantām | netyāha pratyakṣa iti paratvaṃ prakṛt-
yante, sūkṣmatā tanmātrānte, vyūhatā dhāraṇānte pūrvapūrvasañca-
yena guṇādhikyasya anantarameva varṇitatvāt | tataḥ paro vibhavo dehagha-
ṭādiḥ | na atra vyūhanādadhikramasti | teṣām iti nirdhāraṇe | nanu eṣāṃ

     rūpādiṣu pañcānām---------------------------| (sā. kā. 28)

iti ālocanendriyatā ucitā, na buddhīndriyateti codyaṃ pariharan buddhibo-
dhopayogitayā ityetadeva sphuṭayati indriyāṇāmadhyavasāyātmatayā 
yato viṣayabodho niṣpadyate, tato buddhīndriyatā | nanu tāni svālakṣaṇyena 
āhaṅkārikatvasāmānyena pratyagātmanaḥ śaktirūpatvena ceti 
sarvātmanā parokṣāṇi, tat kathamadhyavasāyātmatā eṣām | satyam, 
amībhiḥ prakārairevameva; kintu svaviṣayākāraiḥ pariṇatāni santi 
buddhyāmanupraviṣṭāni tadākāratāṃ buddhāvarpayanti, tena 
viṣayākāratāpariṇāmena adhyavasāyamayāni bhavanti, natu 
svālakṣaṇyādinā rūpatrayeṇa | sa evaca eṣāṃ lokayātropayogī, natu tat | 
nanu ca ālocanameva iyati mūlamiti tena kasmāt na vyapadeśaḥ | atra āha 
ālocanamātreṇa iti buddhyadhyavasāyaparyantatāmāgacchatā | tena 
buddho mama ayamarthaḥ iti na pramāturviśrāntistasyāṃ tu satyāṃ sā 
bhavatīti | etat svarūpadarśanayorapi saṃmatamityāha adhyavasāyo hi iti 
anyatrāpi iti ca | parairapica yuktametadupagatamiti vadan svadarśanasya 
sarvasaṃmatatayā draḍhimānamāha indriyavṛtteḥ ityādinā

(page 301)

māyāpada evaca ālocanaṃ dvāraṃ, dvārīṇi antaḥkaraṇānītyādikā 
prakriyā, natu vidyāpade iti darśayati yataśca iti | anugamyate iti asmābhi-
rapi na na aṅgīkriyate iti yāvat | saukṣmyādikrama iti ghrāṇendriyaṃ 
sthūlaṃ yāvat paramasūkṣmaṃ śravaṇamiti, evaṃ paramasūkṣmaṃ 
vāgindriyam | viṣayāṇāṃ śabdādīnāṃ yathāyogaṃ svarūpaṃ 
nirvarṇayanti ghaṭādikaraṇāvasare tyāgo grahaṇaṃ dvayamiti bahiḥ 
pāyupāṇipādasya, antarvāgindriyasya, tatprakṣobhaviśrāntirupasthasya,-
iti asādhāraṇakriyāṇi sakalaśarīravyāpīni kevalaṃ 
niyatādhiṣṭhānaspaṣṭasvavṛttikāni karmendriyāṇi | tena rugṇapāṇirapi 
dorbhyāmādatte ityādi siddham | eṣām iti nirdhāraṇe | kecit iti āhuḥ | 
apare tu iti pratipannāḥ iti sambandhaḥ |

     tasmāt trividhaṃ karaṇaṃ dvāri dvārāṇi śeṣāṇi | (sā. kā. 35)

iti yaducyate, tat tāvadekarasameva | antaḥkaraṇasya apitu parasparaṃ dvāra-
dvāribhāve niyataḥ kramo yathiva kālakalādīnāṃ pramātṛbhāvopaga-
mane yato'tra abhiṣvaṅgaḥ, tato vedanaṃ, tataḥ karaṇam; yato vā 
vedanakaraṇe, tato'tra rāga ityādeḥ pramātṛdeśakālādibhedanakramasya 
vicitratvāt | nanu sarvāṇi karaṇāni māyākṛtabhedānusāreṇa bahiriti 
yuktam, māyāpramātrupayogādantaraṅgatvena vā antaritīdaṃ 
codyamāśaṅkya antarbahiṣkaraṇatāvibhāgaṃ ghaṭayituṃ 
buddhikarmendriyāṇāmuktamapi svarūpaṃ pratyāvartayati eṣu ca iti 
sarvaprasiddheṣvityarthaḥ | pramātrantara ityādi samāsapadam | manasi 
grāhaka ityādi ahaṅkāre, tanniṣṭha ityādi buddhau, sarva ityādi 
tritaye'pi antaḥkaraṇatāyāṃ hetutvena yojyam | anye iti 
vindhyavāsiprabhṛtayaḥ | te hi ahaṅkārabuddhyoḥ

(page 302)

kāraṇaskandhatāmeva āhuḥ, na karaṇaskandhatām | svadarśanasya 
yuktatāmāha-ihatu dvitvena uktamantaḥkaraṇaṃ bhinnavṛttivaśāt yojanā 
yatastridhā eva, anyathāhi ekameva tattvamiti uktam | ata eva uktamāgame

     mano garvastathā buddhirdvārametat sadātmanaḥ |
     bhūtaye bhūtanāthena nirmitaṃ karaṇaṃ tridhā || (ma. taṃ. 18|83)

iti | jñānakriyā iti | jñānaśaktireva māyāpramātari 
bhinnajñeyaviṣaya-tvena sattvam, evaṃ kriyāśaktirbhinnakāryaviṣayatvena 
rajaḥ, māyā eva bhinnavastuvimohamayī tama iti vakṣyate

     svāṅgarūpeṣu bhāveṣu patyurjñānam-------------| (3|2|3)

itisūtre | atastāsāṃ yo bhedollāso vibhinnajñeyakāryavisphāraviṣayaḥ, 
sā parā pakṛtirmūlakāraṇam | pradhānatvaṃ prathamato dhīyate viśvaṃ 
sṛṣṭau, yatra ca pralīnaṃ sat pralaye | nanu ityādinā vibhāgarūpatāṃ 
vyācaṣṭe | sarvatattvānāmādibhūtā, ata eva parāprakṛtiryā; sā 
pradhānatattvamiti sambandhaḥ | avibhāgātmatāṃ spaṣṭayati 
sakalabhedānabhivyaktiravibhāgarūpatā iti | natu sā tucchaṃ 
prasajyapratiṣedhamātramityāha mūlakāraṇarūpe vastuni iti tena 
tadvastusvabhāvabhūtaṃ tadavibhāgātmakatvamekatvaṃ vyācaṣṭe | 
ekatvaṃ ca asyāḥ sarvatra | ata eva sakalabhedānāṃ hi avibhāgaḥ sā | 
tataśca kathamasāvanyānyarūpā bhavedekayā eva 
samastabhedagrāsīkārāt | nanu pradhānaṃ sattvādi avibhāgarūpaṃ, 
tattvādīnāṃ ca bhavatā śaktitvaṃ na sahiṣyate

     bhedasthiteḥ śaktimataḥ---------------------------| (4|1|5)

itisūtrārthanirṇaye; patañjaliprabhṛtayastu atra śaktitvena vyapadeśaṃ 
kurvanti, tat kasmāt matabhedaḥ itīdṛśi codye | pratisamādhatte

(page 303)

sattvarajastamorūpatve'pi iti | bhedasthityabhiprāyeṇa asmābhiḥ śaktitā 
niṣiddhā, natu vāstavena vṛttena | yat vakṣyate

     ----------------patyurjñānaṃ kriyā ca yā |
     māyātṛtīye------------------------------------|| (4|1|4)

ityādi, tattvāgūrya māyāśaktivyapadeśo yukta eva pātañjalādau

     dṛgdarśanaśaktyorekātmatā eva | (yo. sū. 2|6)

iti hi sūtraṃ

     pradhānaśaktiḥ puruṣasya---------------------------|

ityādi ca bhāṣyam | ekatve prakārāntaramāha parameśvara ityādi | tena 
mūlapṛthaktvavādo na aṅgīkṛta eva iha | ihahi śaivairmāyātattvamupā-
dānakaraṇaṃ nirdiṣṭaṃ, tadeva paraprakṛtirūpeṇa uktam; māyā tu 
parameśvaraśaktiruktā | ata eva pārthivāṇḍānāmiva prākṛtāṇḍānāṃ 
yadasaṃkhyatvamuktaṃ

     pṛthagdvayamasaṃkhyātam---------------------------| (mā. vi. 2|50)

iti, tatra guṇatattvavaicitryabhedo jīvitam, māyātattvaṃ śaktiśceti tu 
ekameveti na tatra aṇḍavibhāga āgameṣu darśitaḥ | taduktaṃ

     pṛthagdvayamasaṅkhyātamekamekaṃ pṛthagdvayam | (mā. vi. 2|50)

iti | atra ca pratipuṃstattvaṃ na bhedosti,-iti abhidadhatā tadadharavartināṃ 
tattvānāṃ so'sti,-iti sūcitam | nanu atra kiṃ pramāṇamityāha eṣa ca iti | 
eṣa tattvakramo'numānena api pratyakṣapūrvakeṇa anvayavyatirekiṇā vā 
sādhayituṃ śakyate | nanu anumānena pratibandho duravadhāra iti uktam | 
satyam, kintu parameśvaraniyatiśaktimupajīvatā svavadhāra eva asau | sā 
tarhi tādṛśī kuto jñātā | ucyate, parameśvaraśāstraprāmāṇyena

(page 304)

upapāditaḥ saṃpādito niyatiśaktivyāpāraṃ prati viṣayabhāvo yasya 
tattvakramasya, sa tathābhūtaḥ | etaduktaṃ bhavati-pārameśvarasya 
tāvadāgamasya akhaṇḍitaprāmāṇyamupapāditaṃ pūrvam, sa ca 
niyatimevaṃbhūtāṃ darśayati-yaduta sthūlamavaśyaṃ 
sūkṣmapūrvakaṃ, kriyā karaṇapūrvikā, avibhāgapūrvako vibhāga iti | 
tatra pratibandhāt siddhādakhaṇḍyate ? pārameśvarāgamadvāreṇa api 
ābhāsitasya tathaiva vastutvena dhāraṇādīkṣādiphalānāmābhāsata eva 
siddhaḥ | nanu ucyatāṃ tarhi pārameśvarāgamokto vistara ityāśaṅkya 
āha iha iti | asmābhistu āgamagranthaniṣṭhe vārtikabhāṣyavṛttigranthe 
śrītantrālokādau prapañco nyakṣeṇa darśitaḥ | iyattu iha tātparyam-
dharādyābhāsā eva miśrībhūya ghaṭādisvalakṣaṇībhūtāḥ 
karmendriyairjanitāśca upasarpitāśca, buddhīndriyairālocitāḥ, 
antaḥkaraṇena saṅkalpanābhimanananiścayanaparyantatāṃ nītāḥ, 
aśuddhavidyāvivecitāḥ, kalādibhiḥ 
pramātāramupadadhadbhiranurañjitāḥ, māyāpramātari 
viśrāntidvāreṇa abhinnā api santo

     yadyapyarthasthitiḥ---------------------------| (a. pra. si. 20)

     itinyāyena satyapramātari eva bhedavigalanatāratamyena vigalita-
svakabhedāḥ prakāśavimarśaparamārthatayā eva viśrāmyantīti śivam ||

iti śrīmahāmāheśvaraśrīmadācāryābhinavaguptaviracitāyāmī-
śvarapratyabhijñāvivṛtivimarśinyāmāgamādhikāre 
tattvavimarśaḥ prathamaḥ || 1 ||




atha dvitīyo vimarśaḥ |

     auṣadhamādhivyādhiṣu pāśatrayaśātanaṃ triśūlakaram |
     vande'hamamṛtamūrtiṃ pūrṇatrikaśaktiparamārtham ||

evaṃ prameyatayā tattvarāśau nirṇīte tadanantaraṃ pramātṛtattvaṃ 
nirṇītamapi iha svātmani īśvaratāpratyabhijñāpanaprakṛtaprameyasāre 
śāstre prādhānyena vitatya nirṇayārham,-iti tadarthaṃ vimarśāntaraṃ

     tatraitanmātṛtā---------------------------|

ityādinā

     ---------------vyāno viśvātmakaḥ paraḥ ||

ityantena ślokaviṃśakena ārabhyate | tatra ślokena 
brahmāditrayasvarūpaṃ; tato dvayena heyopādeyapramātṛrūpavibhāgaḥ; 
tatastadupayogitayā malasvarūpaṃ, tatkṛtaṃ ca pramātṛvaicitryaṃ 
saptabhiḥ; iyatā heyarūpe pramāturukte tadupādeyarūpābhidhānāya 
samāveśasvarūpaṃ dvābhyāṃ; tataḥ prasaṅgāt pramāturavasthānāṃ 
suṣuptādīnāṃ svarūpaṃ pañcabhiḥ; tāsāmeva heyopādeyatāvibhāga-
stribhiḥ,-iti prakaraṇatātparyam | atha pratyekaṃ sūtrārtho nirūpyate

     tatraitanmātṛtāmātrasthitau rudro'dhidaivatam |
     bhinnaprameyaprasare brahmaviṣṇū vyavasthitau || 1 ||

     tatra iti evaṃbhūte'sminnāgamasiddhe saṃvedanayuktyupabṛṃhite 
mātṛmeyātmani tattvavarge nirṇīyamāne prastute yadetat kālādikañcuka-
pariveṣṭitaṃ, tadeva yasyāṃ śuddhamupasaṃhṛtaprameyatayā prameyān-
tarmukhaṃ bhavati daśāyāṃ; tasyāmadhiṣṭhātā 
tadabhisaṃpādanadvā-reṇa svopāsakavargasya taddaśādānena 
tadavasthādhyānasamāpannasya svābhimukhyasaṃpādanena ca bhagavān 
paramaśiva eva īśvaratāṃ bhajamānaḥ san rudratvena adhiṣṭhātā | tata 
eva asau māyāpade'pi prāṇāpānātmaka-

(page 306)

dharmādharmasūryendudinaniśāmṛtakasūtakādivibhāgavirahitatadvibhā-
ganibandhanabhūtamadhyamajyotīrūpapramātṛbhāgādhikasvarūpasaṃ-
sparśādunmīlitatṛtīyanetraḥ, bhinnasya tu prameyasya prasare 
saṃpādane'-dhiṣṭhātā brahmā, prasṛte tu 
tasmiṃstatsantānapravahaṇalakṣaṇe prasare'dhiṣṭhātā viṣṇuḥ | ata eva 
etau prameyameva idamiti prakāśātmanā pradhānīkurvāṇau, ahamiti 
pramātṛtāsārasvarūpaṃ nyakkarvāṇau na tṛtīyanayanayoginau, devataiva 
daivatamadhiṣṭhātṛrūpaṃ daivatamadhidaivatam,-iti sūtrārthaḥ | 
tamavatārayati viśveśvarasya ityādinā | viśveśvarasya 
brahmādirūpairaviśuddhena eva svarūpeṇa tāni kathamunmīlanti | āha 
buddhiguṇatvena, natu śuddhasaṃvinmātrarūpatayā | ata eva ādhāratvena 
sthitaṃ yadaiśvaryaṃ kartṛtālakṣaṇaṃ svātantryaṃ 
kriyāśaktiparyantaṃ jñānaṃ, tat teṣāṃ rūpam | tarhi dvitvaṃ kuta 
ityāha sattva iti ya eva aṅgibhūto guṇaḥ, tadviṣayameva tadaiśvaryaṃ 
jñānarūpamiti bhedaḥ | śūnye puryaṣṭakātmatātyantasūkṣmadeha 
evavā iti vṛttiṃ vyācakṣāṇo mātrapadaṃ sautraṃ vyākaroti yadyapi 
ityādinā | mūrtyā ākāreṇa, kālaviśeṣeṇa ca śarīrivat niyatena 
pārimityabhājā yo'vacchedastadrahitaḥ; sāmānyakālayogastu tasya api 
astyeva yadivā mūrtidvārā yaḥ kālabhedo niyataḥ kālaḥ | puryaṣṭakasya 
dehatā astyeva mahābhūtaiḥ samanvayāditi tadapi iha na vacanīyamiti 
mohavyapohanāya śaṅkodbhāvanārthaṃ dehagrahaṇam | 
upādānārhatābhidhānāya atyantasūkṣmagrahaṇaṃ na sthūladehasya api 
upacaritaṃ puṃstvamastīti āha | nanu śūnyaṃ tamoguṇātmakamiti 
pradhānatattvameva tat, tat kimanena bhāṣāntareṇa | atra āha sattvādi iti 
pradhāne'ntarbhavati, natu tadeva taditi yāvat | tathāpratīteḥ iti 
ahamitipramātṛtādhyāropeṇa | etadeva parighaṭayati

(page 307)

ghaṭayati āśaṅkāmapanayan adyāpica ityādinā | evam iti yuktamuktaṃ 
yat vastu tat tasmāt hetoryadyapi tulyatvaṃ sūkṣmāsūkṣmaśarīrayoḥ, 
tathāpi na mātāpitṛjanasya mukhyapuṃstattvateti sambandhaḥ | tadabhede-
naiva iti puryaṣṭakābhedena | pūrvapūrvarūpāveśena hi uttarottarasya 
tathābhāva iti uktam | nanu rūpādimayatvaṃ puryaṣṭake'pi astyeva,-
ityāśaṅkya āha prameyānavabhāsācca iti | nahi tatratyaṃ rūpādi 
pratibhāsate | tatsaṅkocopahitaṃ hi saṃvedanameva tatpramātṛbhāvena 
nirbhāti, na tadgataprameyabhūtaṃ rūpādi; śarīre tu tadeva 
pramātrīkriya-māṇaṃ gauro'hamitipratīteḥ | nanu 
puryaṣṭakaśūnyayorapi sarvajñān prati avabhāsamānatayā 
prameyatvamasti eveti punarapi kathaṃ tayoḥ pramātṛmātratetyāśaṅkya 
pakṣāntareṇa upakramate athavā iti tayorastu prameyatā, tābhyāṃ tu 
anyat pramīyate ghaṭādi bāhyaśarīreṇa asamparke 
bhogasaṃpādakatvāyogāt | ata eva iti yato'nyat na pramīyate tābhyāṃ, 
tataḥ | parameśvarasya iti sa evahi svātantryāt tathā bhātīti 
abhihitamasakṛt | ubhayarūpā iti savedyā, anyā ca | āṇavasaṃjño 
yo'jñānātmā māyākṛta eva malaviśeṣaḥ, yat vakṣyate

     -----------------------māyāśaktyaiva tattrayam | (3|2|5)

iti; tasya atisphuṭatāṃ saṃvedanabhāge kurvan buddhau tamoguṇamudreca-
yati bhinnābhāsayogaṃ saṃharati bhagavān rudraḥ | adhiṣṭhātṛtāmeva 
spaṣṭayati tasya ityādinā | atra ca iti sarvasaṃhārātmani pramātṛmātre | 
sa eva iti bhagavān rudraḥ | nanu samastavedyakṣayaścet vṛttaḥ, tadeva 
paramapadamiti kā khalu anyā turyadaśā suṣuptātiriktā syāditi | ata āha 
tatra ca iti kṣīṇe'pi

(page 308)

vedyāntare vedakatattvasya sarvottīrṇasarvamayasarveśvaratādidharmabhā-
janasya adyāpi vedya eva śūnyādau samupahitasaṃvitsaṅkocayogāt 
paramārthaprakāśo nāstīti tatprakāśasārāyāsturyadaśāyā yuktameva 
vailakṣaṇyam | nanu bhāvanāḥ puryaṣṭakabhāve śūnyasya bhāvayitur-
bhāvāt bhavantu, śūnye tu bhāve ko'sau bhedabhāvanāpradhāno 
bhāva-yitā anyo bhavet; saṃvidrūpāpekṣayā ca na bhāvyasya bhedo'sti | 
atra ucyate śūnye ca iti samakālameva yadā śikharasthasaṃvedanadiśā 
ubhayamapi vāgrahaṇāt śarīraghaṭādyapivā vyatiriktaṃ bhāvayati, tadā 
tanmadhyānupraviṣṭabhāvanīyaśūnyāntarāpekṣayā yat śūnyāntara-
miti uktaṃ, tadeva pramātṛtāmeti; naca anavasthā saṃvittattvāveśena eva

     yadyapyarthasthitiḥ---------------------------| (a. pra. si. 20)

iti

     api tvātmabalasparśāt----------------------|| (spa. kā. 8)

iti ca nītyā pramātṛtodgamāt | tadāha samarthitam iti | evaṃ sūtrārdhaṃ 
vyākhyāya śeṣaṃ vyācaṣṭe jāgara ityādinā ardham | sūtre ya 
evamarthaḥ prasaraśabdaḥ, sa ābhāsapadena vṛttau vivṛtaḥ iti saṅgatiḥ | 
sāmastyena devatādvayaṃ vyākhyāya vibhāgena sphuṭayati jāgaraṃ ca 
ityādinā | hṛdayābjagatatvādeva kamalāsanaḥ palāyati iti vyācaṣṭe 
na kevalaṃ tatraiva prathamakṣaṇe sa bhāvāvabhāso'sti,-ityetāvat, apitu 
smṛtyavasthāmapi svapnāvasthāmapi pratipadyate,-ityevaṃbhūtamanuvar-
tanaṃ kurvāṇaḥ pālaka ucyate bhagavān viṣṇurmadhyamāvaikharyātma-
kānuvartanollāsapade parameśvarāt prabhṛti paśupramātṛparyantapramā-
tṛvarge kaṇṭhabhūmau vartamānaḥ | hṛdaye hi 
prathamapaśyantīprasarātmani pratibhārūpatvena

(page 309)

prāthamakalpikī sṛṣṭiḥ

     yathecchābhyarthito dhātā jāgrato'rthān------------| (spa. kā. 33)

itisthityā | rudrāvasthā tu samastavādopasaṃhārarūpānāhataparavāktat-
tvānupraveśaprārambhabhuvi tāluni sarvopasaṃhārātmakasuṣuptallakṣa-
ṇe'pi kaṇṭhadeśe'pi nirūpite tadūrdhvapadagāmitvādeva labhyata iti 
tāluni iti na uktaṃ vivṛtikṛtā | tata eva brahmahṛdayoviṣṇukaṇṭho 
rudratā-lurīśvarabhrūumadhyaḥ 
sadāśivordhvabrahmarandhro'nāśritātmaka-śaktisopānoparipadaḥ 
kāraṇaṣaṭkavigrahaḥ parameśvaraḥ iti hṛdayādisvarūpābhidhānena 
sūcita āgamiko'rthaḥ

     pravibhajyātmanātmānaṃ sṛṣṭvā bhāvān pṛthagvidhān |
     sarveśvaraḥ sarvamayaḥ svapne bhoktā pravartate ||

ityāśayena āśaṅktate yadyapi iti | yadā iti yataḥ, tadā iti tataḥ; yadivā 
yadā saṃskāravataḥ svapnaḥ, tadā sthitirūpatā; svātantryena tu svapne 
jāgararūpataiva sā

tathā svapne'pyabhīṣṭārthān praṇayasyānatikramāt | (spa. kā. 34)

itinītyeti yadātadābhyāmuktamabhinavaṃ tāvadarthāvabhāsanaṃ 
sthapatikumbhakārādibhirgṛhakumbhādīnāmavabhāsane sphurati eva, 
tatsāmānyāt punastasyaiva darśanamityevaṃbhūtaviśeṣānapekṣā 
jāgaryāṃ yā sṛṣṭirūpatā | nanu evaṃ svapne'pi asti,-iti pakṣāntareṇa 
pariharati yadivā iti abhedabuddheḥ sarve vayamekaṃ vidmaḥ ityasyāḥ, 
bhedabuddhervā pūrvasṛṣṭivailakṣaṇyapratīterāspadaṃ pūrvaṃ 
pramātrantaraikyena asāvavabhātaḥ | tathārūpatā iti sṛṣṭirūpatā 
jāgradavasthāyā iti pūrveṇa sambandhaḥ | buddhiguṇa eva iti evakāreṇa 
śuddhaiśvaryasparśo'pi tayornāsti, rudrabhaṭṭārakasya tu 
śuddhamaiśvaryaṃ jñānaṃ ca

(page 310)

spṛśata eva buddhiguṇābhyāmaiśvaryajñānābhyāṃ yogaḥ iti darśayati 
| tadetat sphuṭena āgamikena abhijñānena darśayati ata eva iti | 
prapañcavigalane yadīśanamaiśvaryaṃ, tataḥ kila buddhiguṇasya 
aiśvaryasya pratyastamayaḥ sata eva nyakkaraṇaṃ, natu atyantamabhāvaḥ

     tasmin------------------------------------------------------| (spa. kā. 15)

iti,

     tadā tasmin mahāvyomni------------------------------| (spa. kā. 25)

iti ca | eṣāṃ madhyame mahāvyomni ekaghanatāsamāpattyabhāve'pi 
anupraveśamātramasti,-iti tṛtīyena netreṇa udānamahātejaḥprabodhāt 
bhedadahanātmanā yogaḥ || 1 ||

     asyaiva mātṛtāmātrasya vibhāgaṃ nirūpayan 
kālāditattvāntarayogo'vaśyopagamya iti sūtreṇa nirūpayati

     eṣa pramātā māyāndhaḥ saṃsārī karmabandhanaḥ |
     vidyābhijñāpitaiśvaryaścidghano mukta ucyate || 2 ||

     māyāvimohitaḥ, ata eva karmāṇi bandhakatvena abhimanyamānaḥ, 
eṣa iti kālakalādiveṣṭitaḥ śūnyapuryaṣṭakasaṅkucitasaṃvitsvabhāvaḥ, 
saṃsaraṇaśīlaḥ, vidyayā tu svarūpaprakāśanaśaktyā 
pratyabhijñāprā-pitamaiśvaryaṃ viśuddhaṃ svātantryaṃ yasya, ata eva 
cit yasya ghanā nibiḍā acidrūpānupraveśaśaṅkāśūnyā, sa 
punarjanmabandhavirahāt satyapi dehe muktaḥ, patite tu asmin śiva eva, ko 
muktaḥ bhūtapūrvagatyā tu muktaśivaḥ iti vyavahāra āgameṣu,-iti 
sūtrārthaḥ | taṃ saṅkṣipya āha idānīm iti | tata iti anyathāhi 
saṃvidrūpatve tasya pratyuta śaktirmāyā, natu tadadhīno'sau yena tasyāḥ 
sa ityucyetetibhāvaḥ | vakṣyate iti

     devādīnāṃ ca---------------------------| (3|2|10)

(page 311)

iti upakramya

     tatrāpi kārmamevaikam---------------------------| (3|2|10)

itisūtre | sa evaca iti yasyaiva bandhaḥ, tasyaiva muktatvamucitamiti yāvat | 
ādigrahaṇāt jñānacaryābhaktyādayaḥ | yathā uktaṃ śrīsarvavīramate

     kadācidbhaktiyogena karmaṇā dīkṣayāpivā |
     saṃsāriṇo'nugṛhṇāti---------------------------||

iti | śrīmataṅge'pi

     ---------------------------mokṣo vātha catuṣṭayāt |
     iti | nanu ātmatattvaṃ pratyuta heyamāgameṣu uktaṃ
     te tvātmopāsakāḥ śaive na gacchanti paramaṃ padam || 
                                                       
                                                       
                                                       
                                                       
                                                       
                                   (ne. taṃ. 8|4)

iti śaktiśivātmatāyā upādeyatvena uktatvāditi śaṅkitvā āha ātmana 
iti ṣaṣṭhīsamāso'yaṃ vṛttāvityarthaḥ | aiśvaryaśabda iti sautraḥ | nanu 
ciddhanatvaṃ kathamanena vivṛtaṃ bhavatītyāśaṅkya āha cinmātra 
ityādi | sadā iti bandhāpekṣā ca muktateti ākūtaśeṣaḥ || 2 ||

     asyaiva pramāturāgamikaṃ saṃjñābhedaṃ nirvacanato nirūpayati

     svāṅgarūpeṣu bhāveṣu pramātā kathyate patiḥ |
     māyāto bhediṣu kleśakarmādikaluṣaḥ paśuḥ || 3 ||

     yo'sau mukta uktaḥ, sa bhāvān svāṅgavat pramimīte iti teṣāṃ 
svāmī paramārtharūpārpaṇācca pālayitā | 
tadayamīśvararūpatāsamā-viṣṭa iti īśvaravadeva patiruktaḥ śāstre | 
yadātu māyāśaktyā kṛtabhe-dāṃstān mimīte, tata eva 
kleśairavidyādibhiḥ karmabhiḥ śubhāśubhai-rādipadāt vāsanābhiḥ 
karmavipākarūpaiśca bhogairuktakañcukapra-pañcitaiḥ 
kaluṣo'pahastitaikarasasvātantryaḥ; tadā taireva pāśaiḥ

(page 312)

pāśitatvāt paśuruktaḥ | tadā iti śivatāyāṃ, pālyamapekṣaṇīyaṃ yat 
patitve, tat na asti vyatiriktamityarthaḥ | nanu māyāto bhediṣu iti sautraṃ na 
spṛṣṭaṃ vṛttau, anyadevatu uktaṃ puṃstvāvasthāyām iti | sautrameva 
itthamuktamiti darśayati tadāca ityādinā puṃstvāvasthayaiva ityantena | 
atha kimanayā bhaṇiticitratayeti cet, āha prādhānika iti puṃstvāvastha-
yaiva iti kākākṣivat, tena tayā eva uktayā anyadupagamyaṃ pradhānādā-
gataṃ tatra ca bhavaṃ viśvamityevaṃ tāvat pārameśvare darśane parame-
śvaraśaktereva tathābhāvopagamādupagatam | yāni api darśanāntarāṇi 
kāpilavaiṣṇavādīni, tairanakṣarārūḍhamapi 
balādabhyupagantavyamasma-duktaṃ 
rāgakalāvidyāniyatikālādyādhikyam | īśvarādīśvara iti yaduktaṃ, 
tadeva spaṣṭayati avidyā ityādinā | nanu anīśvaro'stu īśvaraviparītaḥ, 
pumāṃstu tathā kutaḥ | āha sa evaca pumān iti | nanu ca 
kleśakarmavipākāśayairyukto'stu pumān, tatra kleśamadhye'vidyā 
mohanītvena vedanaviṣedharūpatayā ātmānaṃ viśvamātmatvena 
anīkṣayantī māyā asmitayā ca anātmānamātmatayā īkṣayantī kāmaṃ 
svīkṛtā, rāgāditrayeṇa ca rāgaḥ, niyatyādayastu kathaṃ saṅgṛhītāḥ | 
āha niyatyā iti niyatiryataḥ karmaṇo mūlabhūmiḥ | kāryakāraṇabhāvo 
hi tataḥ, tanmūlaṃ ca karmavāsanāvipākatrayam, tatastayāpi yuktaḥ | 
rāgeṇa ca upalakṣite vidyākale | yadevahi rāgāspadaṃ, tadeva 
kalāvidyayorviṣayo viparyayo vā, tatastābhyāṃ yuktaḥ | karma ca 
kriyārūpaṃ, kriyā ca kramalakṣaṇakālānuprāṇiteti karmaṇā 
aṅgīkṛtena kālo'pi aṅgīkṛta iti tenāpi yukta iti teṣāṃ 
rasanānārūḍhamapi asti hṛdaye | tat darśayati avacanam iti asmābhistu 
parameśvaradarśanānugṛhītaiḥ

(page 313)

spaṣṭameva sarvaṃ nirūpitam | pramāturhi śuddhāśuddhasvarūpaṃ 
vitatya vaktavyamadhyātmavidyāsu asyaiva arthasya mukhyatvena 
vistāraṇārhatvāt || 3 ||

     paśusvarūpaṃ vitatya nirūpayituṃ sūtrāntaramiti saṅgatiṃ 
ṭīkā-kāraḥ svayameva karoti paśoḥ iti | pārameśvara iti, anye tu 
asamyagetad-rūpavidaḥ, tata eteṣāṃ na samyak muktiriti śikṣitvā tu 
svaprakriyāyāṃ tāvadāropaṇe paramārthata idameva muktikāraṇam, 
aṅgīkṛtaṃ ca etat sadbhiriti āśayaḥ | tata eva āgama; 

     te tvātmopāsakāḥ śaive na gacchanti paramaṃ padam | (ne. ta. 8|4)

iti saptamītṛtīyābhyāṃ vyākhyātaḥ | vibhaktam iti lakṣaṇato 
viṣayataśca prakaṭayiṣyate'nena prakāreṇa malatrayam | tatra prathamata 
āṇavamāha sūtreṇa

     svātantryahānirbodhasya svātantryasyāpyabodhatā |
     dvidhāṇavaṃ malamidaṃ svasvarūpāpahānitaḥ || 4 ||

     svatantro bodha ityetat tattvam | tatra bhāgāntarahānyā svarūpāpa-
hārāt malamaṇutāṃ saṅkocamādadhānamāṇavaṃ dvidhā | nanu vṛttau 
male vyākhyeye nirmalasvarūpābhidhānaṃ kimetat | etadityāha śuddha-
svabhāvasya iti | malaṃ hi anyena vijātīyena yogaḥ kajjalāṃśaḥ svadhā-
yāḥ, tadaṃśo'pi kajjalasyeti ekajātīyamekaghanaṃ rūpaṃ yat nirmalaṃ 
viśuddhaṃ, tat pūrvaṃ vācyamityarthaḥ | sāmānyena iti anavabhāta-
pūrṇatvasvatantratvādidharmagrāmasyāpītyarthaḥ | dvitīyagrahaṇena 
tacchaktirūpatā eva māyāpradhānāderityāha pṛthak iti | yathākramaṃ 
mantreśarūpatayā ye bhavino vijñānākalāste evamuditāḥ, mantreśāstu 
svatantrā eva | darśanāt iti āgamādipramāṇakāditibhāvaḥ | nanu 
vijñānākalāderahantātmakacamatkāralakṣaṇakartṛtārūpasvātantrya-
viyogino'pi

(page 314)

bodhamātraṃ tāvat rūpamiti paśulakṣaṇe yadajñatvamuktaṃ

     paśurnityo hyamūrto'jñaḥ---------------------------|

iti, tat nāsti,-iti kathamaṇutvamāṇavamalaprayuktaṃ ca tadavaśyaṃbhāvi, 
-ityāśaṅkya āha svātantrya ityādi | jñatvaṃ hi tatra vyatiriktavedakāt-
makaṃ niṣiddhaṃ yat kalāvidyārūpatattvāntaraprasādāt sakalasya 
uditamucyate, tat ca vijñānākalasya naiva asti | svātmani api vedakatvaṃ 
pṛthagbhūtatayā na upapadyate, apṛthagbhāvena bhavadapi ahamiticamatkā-
rātmano vimarśasya tirodhānādasato na viśiṣyate | tadetadāha svātmani 
iti | bodhakatvaṃ bhinnaṃ bodhyamapekṣya, na svātmani | bhinnaṃ ca 
bodhya-masya na upapadyate, na sambhavati | tena ajñatā eva, natu jñatvamiti 
saṅgatiḥ | tadeva iti uktaṃ vastu yadāṇavatve prayojakaṃ sūtre ca 
āṇavavācoyuktyā aṅgīkṛtam, tat vṛttau mātrapadena sphuṭīkṛtam | nanu 
vyatirikte vedye vedakatā kāmaṃ mātrapadena nirākṛtā, avyatirikte tu sā 
kena nirākṛtā īśvarasya iveti śaṅkitamāha mātragrahaṇena iti | 
cakāro'tra apekṣyaḥ | mātragrahaṇena hi viśvātmatāṃ tathaivaca 
prathāṃ nirasyatā bhinnavedyavedakatvaṃ nirasituṃ śakyam | tasya hi sā 
pūrvabhāvinī nirvikalpadaśā yasyāmaiśvaro bhāvaḥ iti uktaṃ prāk | 
atha svātantryasyāpyabodhatā ityaṃśaṃ vivṛṇoti bodhanirākṛtasya 
tu iti | sthitaiva iti atra ajñatvaṃ na yadi asādhyamiti aṇulakṣaṇaṃ sphuṭa-
meva asti | śūnyadirhi vedyatvena sphurati upādhibhāvāt, saṃvidaṃśo'pi 
vedyacchāyācchurita eva | dvividhaphalam iti vijñānākalādayo 
devādayaśca phalamasyeti krameṇa vakṣyate | mūlamalatā

(page 315)

ca api ajñaptau grāhakasya pradhānyāt tadbhāvasya ca etadadhīnatvāt, 
sṛṣṭiyoge tu māyākhyasya mūlatvamuktamiti avirodhaḥ | nanu bodhamā-
trasya svātantryamātrasya ca yat nirmāṇamuktaṃ, tena 
anityatvamāpatitamiti paśulakṣaṇe yat nityatvaṃ mūrdhābhiṣiktamuktaṃ, 
tat tyaktaṃ syāt | neti darśayati bodhamātraṃ ca ityādinā nitya evāsau 
ityantena | svatantrabo-dhasya iti svātantryāṃśena bodharūpasya, natu 
saṃvedanāṃśena jñeya-tvasya asaṃvidrūpatvedantātmano'napahastanāt 
| na kvacit iti anāropita-svātantrye'pi ghaṭādau cidrūpatā sannihitā 
prakāśaikasāratvāt, sā kathamāropitasvātantryeṇa bhaviṣyati | tadāha 
viśeṣaṇa iti | nanu evaṃ ghaṭe'pi yadi cidrūpatāṃ kaścit paśyet, tarhi 
kimabhrānta eva asau | omityāha jaḍasya tu iti | yukta eva iti ucita 
evetyarthaḥ | śaktyā śuddhavidyārūpayā hi ayaṃ samyagiti 
jaḍarūpatānyakkriyayā cidrūpatāprādhānyena āveśaḥ ā samantāt 
svarūpapraveśaḥ ityarthaḥ | yadāha

     tṛṇāt parṇāt---------------------------|

iti | udgamanaṃ hi acidrūpatāyā nyakkāraḥ |

     aṣṭamūrte kimekasyām--------------|

ityatra tu sa eva toṣaḥ | nanu anātmani jaḍa ātmatvena abhimananaṃ 
viparyā-yākhyātirūpā iyamavidyā,-iti sāṅkhyayogādīnāṃ 
matamanityāśuci-duḥkhānāmātmasthityādivacanāt, tat kathamuktaṃ 
yukta eva asau,-ityā-śaṅkya āha ata eva iti | yata evamuktaṃ, tataḥ 
sāṅkhyīyamayuktameva boddhavyamityarthaḥ | prakṛtipuruṣāviveke hi 
prakṛtāveva puruṣābhimā-naḥ saṃmataḥ | nanu abhāvamātraṃ 
mokṣāvasthāyāmapi tadbhāvane saṃsaraṇaprasaṅgāt | etadeva nyāyena

(page 316)

ghaṭayati nahi iti | anātmani yadi na sannihitaḥ syādātmā, tat tatra tadabhi-
mananaṃ mithyājñānaṃ bhavet; natu gṛhe 
sannihitamākāśamadhyavasyan bhrānto bhavati | nanu sāṅkhyairna 
idamuktamityāha atha iti etadviṣayasya ātmānātmalakṣaṇasya 
prakāśanaṃ, tacca na tairbandhatvena uktam; apitu anātmaiva ātmatayā 
bhātīti | etadapi dūṣayati keyam iti | prakāśaprati-bhāsanaṃ yadi tadā, 
tarhi tathaiva tadvastu,-iti na aparamasya tattvamiti kā bhrāntatā | atha 
tathāprakāśanābhāve'pi tathādhyavasāya iti bhrāntatā | etadapi 
dūṣayati ākṣipan natu iti | prāptaḥ iti ucitaḥ | puruṣasambandhī iti 
puruṣaviṣayatayā ucitaḥ | tanna iti  saṅkṣepoktiṃ spaṣṭayati ātmani 
ityādinā ayuktaḥ ityantena | akārapraśleṣamakṛtvaiva ekavākyatvena 
neyaṃ na yukta iti | taditi ca nipāto'tra pakṣe vaktavyopakṣepadyotakaḥ | 
ahamityavasāyaḥ sāṅkhyadṛśi pratyuta anātmani eva buddhyahaṅkāra-
maye samucitaḥ, natu ātmani cinmātrasvabhāve | evaṃ tu etat iti 
parameśvareṇa hi sāṅkhyānāṃ tāvadeva upadiṣṭamapūrṇam, idaṃ tu 
pūrṇaṃ jñānamitibhāvaḥ | svakaḥ iti akṛtrimaḥ, tata eva ucitaḥ | tacca iti 
vākyārtharūpam | taiḥ iti sāṅkhyaiḥ | yat prameyaprasaṅgena idamāyā-
taṃ, tadeva upasaṃhāreṇa nirvāhayati asmākaṃ tu iti | evam iti

     ahaṃpratyavamarśo yaḥ---------------------------| (1|6|1)

ityādipradeśeṣu | yato'hamitivimarśamayatvamātmana upapāditam, tadeva 
kartṛtvamuktaṃ

     vimarśa eva devasya---------------------------| (1|8|11)

ityādipradeśeṣu; tataḥ kartṛtvaṃ vyatirikte kārye na upapadyate tādṛśasya

(page 317)

kāryakāraṇabhāvasya vitatya dūṣitatvāt | evaṃca kāryarūpaṃ jagat 
puruṣamayameva | yat śrutiḥ puruṣa evedaṃ sarvam iti | jagati iti samagra iti 
ca vadannekaka eva dehādau ghaṭādivailakṣaṇyena tathābhimāno viplava 
eveti darśayati | tata eva hi tatra tatra uktaṃ

     ---------------------------dviguṇo'yaṃ viplavaḥ |

iti | tatra iti jagati | pratyuta iti nipātasamudāyaḥ parasya atra vaiparītyena 
ayukto'bhiniveśo'yamiti dyotayati | mūlabandha iti sati tasmiṃstata eva 
anātmīkṛtāt vargādekadeśe śarīrādāvanātmani eva anapahastitajñeya-
bhāve'hamityātmābhimānarūpo'stu paścāttyo bandho yadabhiprāyeṇa 
dvuguṇaviplavotthāpakatvaṃ māyāśakteriti || 4 ||

     maladvayalakṣaṇāya yat sūtraṃ, tadavatārayati idānīm ityādinā

          bhinnavedyaprathātraiva māyākhyaṃ janmabhogadam |
          kartaryabodhe kārmaṃ tu māyāśaktyaiva tat trayam || 5 
||

     etadāṇava ityādipadena atraiva iti vyācaṣṭe | 
mantreśvarāṇāmapi āṇavaṃ malaṃ vakṣyate

     bodhānāmapi---------------------------| (3|2|9)

itisūtre ṭīkāyām | tena tatraiva sati malāntarayogaḥ | dviprakāre sati 
āṇave male vṛtte svarūpasaṅkoce bhinnasya yat prathanaṃ, tat 
māyākhyaṃ māyayā ākhyā yasya, tat māyīyaṃ malaṃ 
saṃjñāmātreṇeti, māyākṛtatvaṃ tu malatrayasya api,-iti atraiva śloke 
turyapādena uktam | tatra abodharūpasya 
karturdehāderbhinnavedyaprathāyāṃ satyāmahetuṣu api jaḍeṣu karmasu 
nimittāvagrahātmā viparyayaḥ | janmanastu niyatāvadhyākṣiptasya āyuṣo 
bhogasya ca sukhaduḥkhādeḥ kāraṇabhūtaṃ kārmaṃ malam | māyā 
nāma śaktiḥ parameśasya, sā aśuddhavidyāśaktimaṇorvyaṃnakti | 

(page 318)

tato'ṇurantarbahirindriyāṇi adhiṣṭhāya bhinnaṃ vedyaṃ jānāti | tadā 
ayamaṇurmāyākhyena malena malina iti ucyate ato'pi iti na kevalaṃ pūrvo 
viparyayo ya āṇavamalātmā uktaḥ, yāvadayamapītyarthaḥ | tatra iti 
pārameśvarāgameṣu | kathaṃ sūcitamityāha trayamapi iti | asya iti 
ākhyāgrahaṇasya | yuktaśca atra viśeṣato māyayā vyapadeśa iti darśayati 
dvaita ityādi | tatra iti māyākhye | tata eva utpattikrameṇa mūlamūlatva-
masya eva saṃvidātmakajñaptyapekṣatvādāṇavamalasya | ata eva

     vedyīkaraṇamarthānāṃ malo māyākhya ucyate |
     mūlamanyastvahambhāvo vedyeṣvapyāṇavo malaḥ ||

ityatra gurubhirmūlamiti kākākṣivadapekṣyamiti vyākhyātam | etadeva 
spaṣṭayati dvaitadarśane ca iti | muktāṇūnām iti 
saṃsāritottīrṇānāṃ mantramaheśādīnāmityarthaḥ | evaṃ sambhavet 
ityantena mukhyatayā māyākhyameva vyākhyātam, 
tadrūpavispaṣṭīkaraṇaprasaṅgāt tu maladvayamanyat nirūpitam; adhunā 
tu kārmaṃ vivṛṇoti karmaparādhī-natvam iti | tacca karmamalatāyā 
āspadaṃ yato viparyāsasāmānyena tasya asatyatvam | 
viparyāsasāmānyaṃ taditi kutaḥ | āha svātantrya iti pramātuḥ 
svātantryarūpā kriyāśaktireva karma, saivatu yata enaṃ paratantrīkaroti 
niyatiśaktyā yena vicitraphalabhāgī ayamanicchurapi jāyate; tato 
viparyāsatetyarthaḥ | prāk iti kāryakāraṇabhāvavimarśe | vakṣyate iti 
devādisūtre (3|2|10) | vijñānena bodhamātrarūpatvena akalāḥ 
kalopalakṣitāśuddhavidyārāgādiyogābhāvāt bhogaśūnyā ityarthaḥ | 
turyaṃ pādaṃ vyācaṣṭe tadetat ityādinā samāsapadena || 5 ||

(page 319)

atha eṣāṃ malānāṃ viviktaviṣayapradarśanena rūpaṃ sphuṭayituṃ

     svātantryahānirbodhasya---------------------------| (3|2|4)

ityamuṣya aṃśasya viṣayamāha

     śuddhabodhātmakatve'pi yeṣāṃ nottamakartṛtā |
     nirmitāḥ svātmano bhinnā bhartrā te kartṛtātyayāt || 6 ||

     ye saṃvinmātraparamārthā api ahamitisvātmaviśrāntilakṣaṇasvā-
tantryaparamārthānandacamatkāratirodhānayogāt na uttamāḥ kartāraḥ, te 
bhartrā parameśvareṇa apratihataparipuṣṭasvātantryeṇa tathā bubhūṣuṇā 
svātmanaḥ sakāśāt ghaṭādivadeva bhinnā nirmitā yena mantramaheśva-
rādīnāṃ bhedena bhānti | parameśvarāt bhede hetuḥ kartṛtātyayāt iti 
parameśvarasya ca uttamasvātantryamayatvāditi ākūtaśeṣaḥ | 
aśuddhyaṃ-śasya kasyacidapagama eva tāvadatra 
śuddhatvamaśuddhighanatānivṛttyava-taraṇarūpamiti vyācaṣṭe bodha 
ityādinā | anena iti vedyānuparaktaśab-dena | kaivalyaṃ kevalatā | 
upādhyayogaḥ iti eṣa eva paramārthāpavargaḥ sāṅkhyādīnāmiti 
kaivalyapadena piśunayati | sautrīṃ pañcamīṃ hetau vyācaṣṭe tadetat 
ityādinā | nanu īśvaranirmāṇaṃ kimiti tatra apekṣyate | āha 
īśvaranirmitim iti | svātantrya ityādi bahubrīhiḥ | ata eva iti yato 
durghaṭamapi etat mukhyasvabhāvaviyojanābhāsamutthāpayati, tataḥ 
svātantryamayatvameva; natu kathañcidapi asvatantratā kutracidapi apratī-
ghātādicchāyāḥ | nanu svātmanaiva bhagavānasvātantryeṇa api bhāti,-
ityevaṃvidhaṃ cedasya uttamaṃ svātantryaṃ, tarhi bhagavatsvarūpāt te 
bhinnā iti katham | etat pariharati tenaivaca iti bhagavatā bhinnaśabde 
samāsavartini | etadeva sphuṭayati nahi iti | sa hi svatantratvena bhāti,-

(page 320)

ityasyāṃ vācoyuktau yat tathābhāne svatantraṃ rūpaṃ, tadaṅgīkṛtame-
veti asvatantraṃ tato bhinnameva ābhātīti āyātam | nanu evamasvatantro 
bhagavān svātantryaṃ jahyādeva | netyāha sacāpi iti | svātantryahāni-
revaṃ syāt, yadi para enamevaṃ kuryāt; naca evam | tadāha svayam iti | 
nanu vastutaste vijñānākalādayaḥ parameśvarādabhinnā eva, tataḥ kasya 
tat svātantryamucyatām; kiṃ bhagavata eva, uta teṣāmapi,-ityāśaṅkya 
āha sāṅkhyapuruṣādayastu iti yo hi tathābubhūṣurna pratihanyate, sa 
svatantraḥ | etacca bhagavata eva asti tasya eva sarvapūrṇatvena

     svāminaḥ---------------------------| (1|5|10)

ityuktanayena bubhūṣālakṣaṇayā icchayā yogāt | tathā iti atra tu bhāge 
ye vartante, ghaṭādivat te | tadetadāha bhūtādi iti | ādipadāt 
bhuvanatattva-bhāvādigrahaṇam | te iti sāṅkhyapuruṣādayaḥ | nanu na 
tāvadete parame-śvarapramātṛtāpekṣayā bhedena bhānti ghaṭādivadeva, 
naca asmān prati te prakāśante; tat kimapekṣayā te 
bhidyantāmityāśaṅkya āha mantreśvarādyapekṣayā iti | te hi tān 
svato'nyonyato grāhakavargāt ca bhedena paśyanti | yadyapi 
asmadādipramātṝṇāmapi te āgamaprāmāṇi-katayā bhedena sphuranti, 
tathāpi sākṣātkāramūlatve sati āgamāvabhā-tasya bahiḥ 
sarvasādhāraṇābhāsaniṣṭhatā; anyathātu svatantravikalpā-
bhāsavadasādhāraṇatā eva, na bāhyatvam-ityāśayena 
mantreśvarādya-pekṣayā iti uktam | tadeva āha tadāgamasiddha iti 
evaṃ sati āgamasiddhāste bhavanti, na anyatheti yāvat || 6 ||

     nanu uktāt hetorastu vijñānākalānāṃ parameśvarāt bhedaḥ, 
anyonyatastu kathaṃ bodhātmatvena svarūpabhedasya abhāvāt 
deśakālabhedasya

(page 321)

ca bodhasvabhāvaṃ prati abhedakatvāt | tat kathaṃ te iti bahutvena eṣāṃ 
nirdeśa iti codyaṃ parihartuṃ sūtraṃ
     
     bodhādilakṣaṇaikye'pi teṣāmanyonyabhinnatā |
     tatheśvarecchābhedena te ca vijñānakevalāḥ || 7 ||
     
     bodharūpatā nityatvaṃ vibhutvamityādi lakṣaṇaṃ yadyapi eṣāṃ 
na bhinnaṃ, tathāpi īśvarecchā yatastathā bhidyate-
nityavyāpakabodhamā-trarūpo hi ahaṃ bhedena nirbhāse-iti; tatasteṣāṃ 
yukta eva anyonyaṃ bhedo grāhyebhyo grāhakāntarebhyaśca | te ca śāstre 
vijñānamātraṃ kartṛtāśūnyaṃ māyīyabhedāvabhāsaśūnyaṃ ca 
eṣāṃ svabhāva ityevaṃ vijñānākalā iti uktāḥ | naca vācyaṃ yadi 
īśvarecchā bodhamā-trāṇi api bhedavanti karoti, tarhi bodhasya eva 
pramātṛtvaṃ bhinne ghaṭādi-varge sarvadā nirūpyatām; kiṃ 
śūnyādidehāntāntarālapramātrantara-kalpaneneti yata 
uktamasakṛdavabhāsamānamanapahnavanīyamiti | avabhāti ca kṛśo'haṃ 
kṣudhito'haṃ sukhito'haṃ sarvottīrṇo'hamiti dehaprāṇādeḥ 
pramātṛbhāva iti sūtrārthamavatārayati acintya ityādinā | bhedaścet, 
kathaṃ bodhādirūpatā; sā cet, kathaṃ bhedaḥ iti bhede parasparaṃ 
bodhādilakṣaṇaikye ca paryanuyogo naiva kāryaḥ | ādipadena sautreṇa 
nityatvavyāpitvādeḥ saṅgraha iti vyākhyāsyaṃstadupayogi nirūpayati 
bodhātmanām ityādi | nanu iti tathānirmāṇe hi kathaṃ nityatādi bhavet | 
anyonyabhedābhāsamātrameva nirmāṇaṃ, natu adhikaṃ tadupari 
nīlādyābhāsāntara iva yena nīlāderiva anityatā bhavet | prakṛta 
upayojayati bodhasya iti | cakāreṇa prameyaṃ samuccinvannayatnasiddhatā-
masya arthasya āha | aiśvaryaṃ hi saṃvidaḥ pūrṇaṃ rūpamiti 
tadanābhāso'śuddhireva | tadāha natu śuddha iti | sāmyaṃ darśayati 
taiśca iti co hetau |

(page 322)

niṣiddha iti ahaṅkāravṛttitvena tadabhyupagamāt | asya iti puruṣasya | 
uktam iti taiḥ sāṅkhyairiti sambandhaḥ | nanu sūtravṛttigataṃ rūpaṃ 
vidyeśā-nāmapi asti,-iti viśeṣaḥ kutaḥ | āha teṣām iti 
kiñcitsvatantrāṇām iti 
parāpararūpasvātantryāṃśānugṛhītāparasvātantryayuktānāmiti yāvat 
| anāgatāvekṣaṇalakṣaṇena pūrvāparaparyālocanena tantrayuktito 
viśeṣa-lābhaḥ iti tātparyam | nanu tajjātīyatve tulye prāyapadena 
upamānatā kathamucyetetyāśaṅkya āha lokaprasiddheḥ iti 
māyīyalokottaraṃ pārameśvaraṃ śāsanaṃ yato pūrvaṃ lokasya, tatra hi 
samyagāgamite saṃvedane parāparasiddhilābhaḥ, asamyagapi 
gāṇapatyavaicitryaṃ; natu kathañcidapi pāśvātmakatā | tatastasmin 
vyutpipādayiṣite māyīyapra-siddhena vyutpādanīya iti prasiddhatvāt 
dṛṣṭāntīkaraṇaṃ tajjātīyasya api yathā ayaṃ gaurmadīyadāntaprāya 
eveti | śāstramiha pārameśvarameva | idānīṃ tajjātīyatāṃ nivārayan 
sādṛśyameva sphuṭayati sāṅkhyaiśca iti | amī tu iti vijñānakevalatvaṃ 
māyīyādhvottaraṇamātrādeva parayojanikāśūnyāt dīkṣāviśeṣāt 
gītādyuktakārmabandhavandhya-kevalapuruṣasvarūpabhāvanābalāt 
tadantādhvadhāraṇādhyānasamādhi-balāt ca labhyate iti | tallābhaśca 
bhogaviśeṣa eva | tata eva uktaṃ

     yo yatrābhilaṣedbhogān sa tatraiva niyojitaḥ |
     siddhibhāṅmantrasāmarthyāt------------------||

ityādi | tataḥ sāṅkhyaiḥ puruṣairyat sādṛśyaṃ, tadātyantikaṃ 
tajjātīyatāparyantaṃ na bhavati,-iti prāyikaṃ sādṛśyaṃ yuktam || 7 ||

     evaṃ

          svātantryahānirbodhasya-------------------------| (3|2|4)

(page 323)

ityamuṃ bhāgaṃ vijñānākaleṣu uktvā

     ---------------------------svātantryasyāpyabodhatā | (3|2|4)

ityasya viṣayamāha sūtreṇa

     śūnyādyabodharūpāstu kartāraḥ pralayākalāḥ |
     teṣāṃ kārmo malo'pyasti māyīyastu vikalpitaḥ || 8 ||

     etadavatārayati saṅgatiṃ kurvan evam ityādinā | eka iti ekarāśi-
raṇūnāmiti yāvat | bodhātmatvāt iti bodhasys yato'yamahaṃvimarśa 
ātmā sārabhūtastatastatra āropite svabhāvino'pi āropo jāta eva | 
etadevaca yuktamiti abhyuccayahetumāha vyatirikta iti vyatirikto bodhāt 
bāhyo yāvadahaṃvimarśasya viṣayastāvat sa svayamaprakāśamānaḥ 
kathamahamiti vimṛśyate | svaprakāśavimarśo hi ayam, tataḥ 
svaprakāśatayā api āropitayā bhavitavyameva | etat pariharati tathāpi iti 
svaprakāśatā kāmamāropitā vāstavī eva, na asau pratiprasūtā iva 
tathāpitu apahastitasvabhāvaiva vartate sā paraprakāśatvasya 
idamitivedyatārūpasya tādavasthyāt | tadāha bodhatātiraskāreṇa iti 
bodhatā yatastiraskṛtā tata evaṃ vṛttāvuktaṃ sautramabodhapadaṃ 
vyākhyātum, ahantā tu śuddhasvātantryarūpā āropyamāṇā sphuṭaiva 
vyatiriktatvasya vicchinnatālakṣaṇasya bhuṅkte-karotītyevaṃrūpasya 
pāratantryasya ca parānugrahādevaṃkaromītyevaṃlakṣaṇasya 
svātantryaviruddhasya anavabhāsāt | tattvajñānāvatarasampattaye hi 
yatnata evaṃbhūto'vabhāsa utthāpyamāno'pi na uttiṣṭhati, 
tato'hamityaṃśe yā svaprakāśatā; sā 
viruddhaparaprakāśyatātmakavedyatāpahastitasvarūpeti abodhatā uktā | 
yā tu avicchinnatā svatantratā ca tatraiva aṃśe, sā 
tadviruddhavicchannatvaparatantratāvabhāsanena anyakkṛteti

(page 324)

kartṛtā uktā śūnyādeḥ | pralayākalārthavyākhyānabalādeva teṣām 
ityādisūtrārtho vyākhyānārha ityāśayena āha pralaya ityādi | 
sargotthāpakaḥ saṃskāraḥ sargasaṃskāraḥ | vakṣyamāṇanyāyena iti

     savedyamapavedyaṃ ca---------------------------| (3|2|15)

ityatra | vyavasthitavikalpaśca ayam | tathāhi kecana śūnyādyaṃśasaṅku-
citasaṃvinmayā apavedyasuṣuptapadabhājaḥ, anye buddhyādibhāgāvarud-
dhacinmayāḥ sukhādiśeṣasāmānyavedyayogāt 
savedyasuṣuptapadajuṣaḥ; sthūlakāryakaraṇaviyogātmakatvaṃ tu 
pralayākalalakṣaṇameṣāmekameveti || 8 ||

evaṃ

     ------------------------svātantryasyāpyabodhatā | (3|2|4)

ityetadaṃśaviṣayābhidhānaprasaṅgāt kārmamalasya api viṣayo darśitaḥ, 
māyāmalasya api pākṣikaḥ; adhunā āṇavakārmadvayābhāve'pi 
māyākhyamalasya kevalo'sti viṣaya iti nirūpyate sūtreṇa

     bodhānāmapi kartṛtvajuṣāṃ kārmamalakṣatau |
     bhinnavedyajuṣāṃ māyāmalo vidyeśvarāśca te || 9 ||

     ye cinmātrameva ātmatayā ahamiticamatkāravantaṃ paśyanti tata 
eva apratihatajñānakriyāstata eva āṇavamalaviyoginaḥ 
karmasaṃskāravika-lāśca saṃsārottīrṇatvāt, te vyatiriktaṃ vedyaṃ 
kāryaṃ ca paśyanto dvaitadarśanāṅgīkṛteśvaratulyā 
māyākhyamalayuktā vidyāmantreśva-rādaya iti sūtrārthaḥ | 
tamavatārayati svātantrya ityādinā | kartṛtāyā bhedo 
vaicitryamuttamakartṛtvāt vailakṣaṇyam | prakārāntaram iti 
pralayākalagatatvena vikalpanamuktaḥ prakāraḥ, tato 
yo'nyastamāhetyarthaḥ | pralayākalāt sakalāt ca niyatyādi

(page 325)

ityanena uktvā kartṛtā ityādinā vijñānākalāt bheda uktaḥ | 
bodhayogena vidyāsparśaḥ, kartṛtayā ca īśvarateti vidyeśvaratve'pi 
ityatra vṛttivākye darśitam | tena iti māyākhyamalena, yato 
vedyādapṛthagbhūtarūpatā sadāśiveśvarocitā tirohitā pṛthagbhāvena 
eva avabhāsitā, tata ityarthaḥ | pūrṇatā atra parāvatāpi ? | pūrvavat iti 
vṛttiṃ vyācaṣṭe īśvarācca iti cakārāt bhagavato'pi | ata iti vivṛṇoti 
pūrṇa ityādinā pratīkena | apiśabdasya bhinnakramatāṃ 
darśayannasaṃbhāvyameṣāṃ tāvadaṇutvam, tattu nyāyabalāyātaṃ 
bhavedapi-ityetat dyotayati || 9 ||

     atha malatrayasya yaugapadyena viṣayaṃ vaktuṃ sūtraṃ

          devādīnāṃ ca sarveṣāṃ bhavināṃ trividhaṃ malam |
          tatrāpi kārmamevaikaṃ mukhyaṃ saṃsārakāraṇam || 
10 ||

     saṅkṣepeṇa sūtrārthaḥ spaṣṭaḥ, vitatastu ṭīkāyāmeva uktaḥ | 
saṃsārakāraṇam iti sāmagrīrūpatayā trīṇi api malāni 
saṃsārahetavaḥ, anvayavyatirekavaśena tu mukhyatā kārmasyetyarthaḥ | 
vicitrakāryakaraṇā iti dehendriyarūpaśaktivaicitryādeva caturdaśavidho 
bhūtasargaḥ caturdaśa iti spaṣṭayati | tatra iti trividham iti yojayati | eṣām 
iti caturdaśānāmapi mukhyatvaṃ vyācaṣṭe vidyeśvara ityādinā | 
kārmamalasya abhāve sati eva datto'saṃsaraṇasopānapadabandhaḥ, ata eva 
kārmamalasya nirākaraṇameva sāṅkhyayogapurāṇabhārataśrutyantādau 
yatnena upadiśyate | vyatireka iti kārmo malastābhyāṃ 
vyatiriktastadanāmiśro na dṛṣṭaḥ, nāpi svakāryaṃ tau vyabhicarya 
aprayojakīkṛtya karoti tatkāryasya api darśanāt | athavā iti sa eva artho

(page 326)

bhaṅgyantareṇa uktaḥ | mukhyatoktau kiṃ mūlam | āha kārma iti tenaiva 
ekena saṃsārākhyena prayojakena prayukte te male na bhavataḥ, 
saṃsārottīrṇena api vijñānākalamantreśvarādilakṣaṇena prayuktatvaṃ 
tayorastīti dīkṣādinā iti pūrvakṛtakarmavallyāḥ 
śoṣaṇamaparādhirohaṇavirodhikarmapraśamanamaparaṃ bhavati

     nahi dīkṣāsamaṃ kiñcit---------------------------|

iti śrīlalitāyām | śrīmadgurubhirapi uktaṃ

     kṛtamapi phalāya na syāddīkṣoparyūṣaroptabījamiva |
     balavadviśeṣaśāstravyatikarajātaṃ vihāyaikam ||

iti tathā

     avyāhatasya bhagavan---------------------------|

ityādi | vaśīkaraṇādi vā yathā mantrāḥ kurvate | naca tatra rāgadveṣavi-
dānarūpādyapasāraṇaṃ ? tena vinā api rogaviruddhasya iva bheṣajatvāt 
tathā rāgājñānādyavācchandatā ? api mantreṇa 
bandhaśaktirapasāryate, tato
     doṣāḥ svabījasantānā dīkṣite'pyanivāritāḥ |

iti abādhakam | evaṃ tribhistribhirekadvikabhedairekena ca trikabhedena sapta 
pramātṛvikalpāḥ, teṣāmapi vikalpasamuccayāṅgāṅgitādinā asaṅkhyo 
bheda iti sūtritam || 10 ||

     malatrayayaugapadyalakṣitabhavitātmakasakalāvasthāyā eva 
udbhavatirobhāvabhedena dvaidhaṃ prakaṭayitumudbhūtatāṃ tāvadāha 
sūtreṇa

     kalodbalitametacca cittattvaṃ kartṛtāmayam |
     acidrūpasya śūnyādermitaṃ guṇatayā sthitam || 11 ||

     devādīnāṃ yat kartṛtāṃśapradhānyena malāpahastitabodharūpa-
tayā svātantryātmakaṃ citastattvaṃ kalāśaktyā bhagavata udbalitaṃ 
malena

(page 327)

nyakkṛtamapi samudgatabalaṃ kṛtaṃ śūnyāderdehāntasya sambandhi, 
tadapradhānatvena sthitaṃ yasmāt 
mitamidantāpatitadehādiprameyanimagna-tvena prameyaṃ ca saṅkucitaṃ ca 
| yo gauro, yaḥ sukhī, yaḥ pipāsito, yaḥ sarvākāraśūnyaḥ; so'hamiti hi 
idantā eva iyamahantāviśeṣaṇībhāvena bhavināṃ sphurati, iyaṃ sā 
jāgradāditrayamayī saṃsāradaśā,-iti sūtrārthaḥ | asya avatāraṇamāha 
saṃsāriṇa eva iti sakalasya | 
ātmānātmanorahamidaṃbhāgayorupakramate iti 
anātmaprādhānyaṃ tāvadādeti yāvat | prasaṅkhyānavataḥ iti 
samāhitamanasaḥ | jaḍasya iti laukikasya | yadivā iti vaiśeṣikātmakalpam | 
te hi guṇabhūtān dharmarūpān rāgādīn samavetān 
nityavyāpakasvabhāvasya ātmana icchanti | nirmeyasya api bhinnatvaṃ 
prakaraṇādaśabdaspṛṣṭamapi mantavyam | śiṣṭamatra spaṣṭam || 11 ||

     evamudbhavamuktvā nyagbhūtatāmāha sūtreṇa

          mukhyatvaṃ kartṛtāyāśca bodhasya ca cidātmanaḥ |
          śūnyādau tadguṇe jñānaṃ tatsamāveśalakṣaṇam || 
12 ||

     yadā punaḥ kartṛtāyā mukhyatvaṃ, tannāntarīyaka evaca 
śūnyādermeyatāṃśasya guṇībhāvastatra ca acidrūpe guṇībhūte

     --------------------------svātantryasyāpyabodhatā | (3|2|4)

iti yo malavyāpāro'bhūt tasya apahastanāt bodhasya api 
cidātmanaścidrū-patāyāṃ pradhānasvabhāvasya mukhyatvam, tadā 
etadajñānarūpamala-pratidvandvitayā samāveśalakṣaṇaṃ satyasvarūpe 
samyagāsamantāt praveśalakṣaṇaṃ jñānaṃ yallābhena jñānī, 
yadabhyāsena ca 
dehaprāṇādāvanantasaṃviddharmātmakavibhavasamāsādanāt yogī 
bhavati | etaduktaṃ bhavati-yadā ahaṃbhāvaḥ svātantryadiśaiva 
vyāpitvanityatvādiparāmarśabalāt

(page 328)

śūnyādeḥ prameyīkṛtādunmajjya iva āste, tadā turyātītatā; tadāpica 
śūnyādisaṃskāro'pi asti,-iti avyatirekaturyātītasamatā eva | yadātu 
parāmṛṣṭanityatvavyāpitvādidharmakaiśvaryaghanātmanā ahambhāva-
siddharasena śūnyādidehadhātvantaṃ vidhyate yena prameyatvāt tat 
cyavata iva, tadā turyadaśā; yadāpi viddho'sau prāṇadehādidhātuḥ 
saṃvidra-sena abhiniviṣṭo'tyantaṃ kanakadhāturiva jīrṇaḥ kriyate yena sa 
drutarasa iva ābhāti kevalaṃ tatsaṃskāraḥ, tadāpi turyātītadaśā sā 
bhavati | sā iyaṃ dvayī api daśā samāveśo yallābhāya anyadupadiśyate | 
yat gītaṃ

     mayyāveśya mano ye---------------------------| (12|2)

iti upakramya

     athāveśayituṃ cittam--------------------------| (12|9)

iti | tasyaivaca pallavabhūtāḥ parameśvarastutipraṇāmadhyānapūjādayaḥ 
| teṣāṃ hi prahvībhāvaḥ svātmaguṇīkaraṇaṃ 
parameśvararūpapradhānatāpādanaṃ tattvam

     abhyāse'pyasamarthaḥ san matkarmaparamo bhava | 
                                                       
                                                       
                                                       
                                                       
                                                       
                    (gī. 12|10)

ityādi, dehapāte tu ekaghanā eva śivateti tadā samāveśādivyavahāro na 
kaściditi sūtrasya piṇḍārthaḥ | tamavatārayati tasyaiva iti | sūtravṛttyoḥ 
sāmyaṃ karoti pūrvasūtra ityādinā | pūrvasūtre tāvat kartṛtvamuktaṃ 
tadeva dehānusṛtaṃ kevalaṃ, tasya pūrvaṃ guṇatā uktā; atra tu 
pratipakṣabhūtā pradhānatā tatra astīti ṣaṣṭhyā sūtre yaduktam, tat 
vṛttau prathamānirdeśena nirdiṣṭasya api śūnyādeḥ 
paścādguṇatāpradarśanena vivṛtaṃ; natu sākṣāt | nahi kartṛtvasya 
prādhānyamiti vṛttirasti | nanu śūnyādeḥ paścādguṇīkaraṇaṃ cet

(page 329)

     prāk kṣālanāddhi paṅkasya---------------------------|

itinītyā kiṃ pūrvaṃ prathamānirdeśena prādhānyaṃ khyāpyate | āha 
vicāryamāṇatā iti tat tāvadiha prakṛtaṃ vicāraṇīyamiti pradhānaṃ 
mukhyatā | guṇatā iti tatpṛṣṭhe vicārasya śarīramityarthaḥ | nanu spaṣṭa-
meva kartṛtvasya prādhānyaṃ vṛttau kiṃ na darśitam, kimanayā bhaṅgyā 
| āha kartṛtva iti kartṛtāyā mukhyatve śūnyāderavaśyaṃ guṇatā, tasya 
tu mukhyatve tasyā iti anayā vṛttyā pratipādite tulānatyunnatinyāyo 
labhya-te | eṣā hi vṛttiravaśyaṃ sūtrārthamanusarantī kartavyeti 
yojanāyāmevaṃbhūto nyāyaḥ pratīyate | kimanena pratīteneti cet, ucyate 
itarathā iti | yadi eṣa nyāo na pratīyeta, tadā pūrvasūtre
     
     kalodbalitam---------------------------| (3|2|11)

ityatra śūnyāderguṇatve pratisambandhitvanirdeśena pradhānatvaṃ 
yadarthāpannaṃ, tat vṛttau na prakaṭīkṛtaṃ bhavet; anena tu nyāyena 
darśitena prakaṭīkṛtameva bhavati | pūrvasūtre vṛttau kartṛtvasya 
upasarjanatvaṃ tāvat kaṇṭhena uktam, tannāntarīyakatvena ca śūnyādeḥ 
prādhānyāvagamaḥ itinyāyāt pradhānatvaṃ yat śūnyādervaktavyaṃ 
pūrvasūtre, tadarthāpannam | guṇatvaṃ tu yat vaktavyaṃ, tadiha sūtre 
svakaṇṭhena uktamiti tuśabdo viśeṣadyotakaḥ iha tu iti | tat guṇatvaṃ 
sūtroktaṃ sat prathamānirdeśena vṛttau vivṛtam | atha kimarthaṃ 
prathamayā vivṛtam | āha pradhānatayā iti svatantrabodharūpatā tāvat 
sadaiva pradhānabhūtā sthitā, sātu śūnyādeḥ pradhānatāvabhāsena 
pūrvasūtre'rthāpannena nyakkṛtā; tataḥ sa cedapradhānatvamanubhavati 
sā hi unmajjatīti prathamānirdeśamāha | sa eva śūnyādirātmanaḥ 
prādhānyā prādhānye svīkurvāṇa evaṃ karotīti hi tasya prādhānyaṃ 
saṃsārabhūmau

(page 330)

paśutve patitve ca darśitaṃ bhavatīti prāguktanayameva smārayati yadāhi 
iti | svatantra iti | svatantrabodho nā boddhṛrūpo'hamiti yo gīyate, sa kaḥ iti 
cintāyāṃ yadā dehādinā tadrūpaṃ pūryate yo gauraḥ, so'haṃ; yaḥ 
kṣudhitaḥ, so'hamityādi; tadā dehādireva pradhānībhavati saṃvitsva-
rūpaṃ nyakkṛtaṃ jātamiti vedyameva pradhānībhavati, na vedakarūpam; 
yadā tu dehādeḥ kiṃ tattvamiticintopakramaṃ prakāśaghanameva saṃvid-
rūpamiti, tadā bodhasvarūpīkṛtaṃ tadrasānuviddhameva 
śūnyādidehān-tamavabhātīti abhyāsāt tasya saṃviddharmāḥ 
śaktiviśeṣāḥ samyagāvi-śanto vibhūtīrutthāpayanti, anabhyāse'pi tu 
tatkṣaṇāveśa eva ānandod-
bhavakampanidrāvyāptirūpadhūrṇyāvirbhāvanakrameṇa 
jīvanmuktatālābhaḥ | yathoktaṃ

     prāpte'pi siddhyanti nāstyatra vivādaḥ |

ityādi

     saiṣā paramārthavedhe dīkṣā---------------------------|

iti uktaṃ

     iyaṃ nirvāṇadīkṣā ca---------------------------| (spa. kā. 32)

iti gurubhiḥ, bhagavatā api

     ya evaṃ vetti tattvena tasya nirvāṇagāminī |
     dīkṣā bhavatyasandigdhā tilājyāhutivarjitā || (pā. trī. 25)

iti | alaṃ tāvadanena | tadāha śūnyādau bodho'dhyāropyate iti naca 
kusūla iva brīhīṇāmayamadhyāropa iti darśayati | tena kartṛtvena 
tāvadayatnavaśādekībhūtaṃ śūnyādi yat sthitaṃ, tat tenaiva 
kartṛtādvāreṇa 
deśakāladharmākārānavacchinnabodhasvabhāvatvamabhīti 
tallakṣaṇīyābhimukhyena niveśyate abhiniveśyate | 
abhiniveśapūrvakaṃ prāpyate iti dvikarmakaṃ vā 
tathābhiniveśyamānaṃ viśvātmakatvaṃ

(page 331)

yato bodhasya, tatastadapi svīkaroti | tadāṇoḥ iti ātmasaṃskāranivṛtterā-
veśyāveśakabhāvo yukta iti yāvat | viśeṣadarśaneṣu iti śāktādvaita-
pradhāneṣu, viśeṣaḥ śaktilakṣaṇa ātmano darśyate sākṣātkāraṃ 
nīyate yeṣu | jñānollāsa iti 
ajñānavigamādadvayabodhaprasaraṇādullāsa iti jñānam iti vṛvṛtam | 
turya iti etaddaśāsamāpattiparyantarūpā api turyā-tītatā tatraiva uktā, 
vyatirekeṇa tu śūnyāderavasthāpane bodhasya turyātī-tatā tatraiva uktā 
śuddhātmatā niṣkalatā śuddhacaitanyamiti sāmānya-darśaneṣu 
sarvottīrṇaikatadrūpavedakeṣu darśiteti sūcayati | nanu sūtre pūrvatra iha 
ca kartṛtāyā eva guṇapradhānabhāvau vaktumārabdhau, tada-śaṅkito 
bodhasya ca iti sūtrāṃśaḥ katham kartṛmayatāmāpannasya iti ca 
vṛttāvucitāyāṃ bodhamayatām iti kimetat,-ityāśaṅkya uktameva 
prameyametatsamādhāne saṅkṣepeṇa punaḥ parāmṛśya hetūkaroti | 
yaduktamadhunā eva, ata eva hetoḥ sūtre idamuktaṃ; tadevaca itthaṃ 
vivṛtamiti sambandhaḥ || 12 ||

     nanu evaṃ patyusturyadaśā tadatītā vā astu; paśostu 
suṣuptasvapna-jāgraddaśā āgameṣu yā bodhāvarohaṇakramatāratamyena 
darśitāḥ, tāsāṃ rūpaṃ vācyamiti hṛdi gṛhītvā 
turyāvarohānantarabhāvinā suṣuptasya ślokatrayeṇa tattvaṃ 
nirūpayannekena prathamasuṣuptasya tāvat pīṭhabandhaṃ karoti

     śūnye buddhyādyabhāvātmanyahantākartṛtāpade |
     asphuṭārūpasaṃskāramātriṇi jñeyaśūnyatā || 13 ||

     pīṭhabandhameva ṭīkākāro darśayiṣyati sauṣuptamubhayarūpam 
ityādinā | tṛtīyaśloke yadubhayātma vakṣyate, tasya 
apavedyabhedapīṭhikā iyamiti | iha saṃvittattvaṃ 
svasvarūpamāvṛṇvānaṃ jñeyātmanā

(page 332)
     
buddhyādinā dehāntena ghaṭādinā ca ābhāti | ekamevaca idaṃ 
svātantryavijṛmbhitam, natu atra kramo vā bhedo vā vastutaḥ, bhāti tu 
svātantryādubhayamapi | evaṃsthite cittattvasya yaḥ 
svarūpāvaraṇāṃśaḥ, sa eva 
uttarabhāgāntarānudayapradhvaṃsānādarayogena 
pralayasamādhānanidrāmūrcchādiṣu iva tadasaṅkīrṇābhāsaḥ 
parisphuran viśrāmyati | tatraivaca ahantārūpaṃ kartṛtāyāṃ padaṃ 
parāmarśasya sphuṭatvā bhāvādīṣadrūpaṇāsāreṇa saṃskārātmanā 
lokaprasiddharūpābhāvādarūpeṇa vāvedyena niṣedhyātmanā yuktaṃ 
yadā bhavati, tadā sā daśā netyevaparāmarśaśeṣā 
akiñcano'hamitipratipattivadākṣiptasāmānyā 
saṃskārāśeṣībhūtajñeyarūpā śūnya iti ucyate | tata eva āgamaḥ

     aśūnyaḥ śūnya ityuktaḥ śūnyaścābhāva ucyate |
abhāvaḥ sa tu vijñeyo yatra bhāvāḥ kṣayaṃ gatāḥ || 
                                   (sva. 4|292)

iti | iyameva saṃskāraśeṣatā bhāvāntare bhāvāntarāṇāṃ sarvatra 
abhāva ucyate, natu sarvātmanā satāṃ vināśa iti uktamasakṛt | 
sūtrārthamavatārayati prāktanena saṅgatiṃ kurvan evam ityādinā | 
prastauti iti tṛtīye tu nirvāhayiṣyatītibhāvaḥ | kāryāṇāṃ bhūtatanmā-
trāṇāṃ karaṇānāṃ ca trayodaśānāmabhāvena sarvābhāva uktaḥ | 
buddhyādyabhāvātmani iti jñeyaśūnyatā iti ca yaduktaṃ, tat 
nirvāhayati parāśaṅkāmanuvadan yadyapi ityādinā | nanu tat sadapi 
paramaśivādisaṃvittattva iva vedyatāmāpadyate ityāśaṅkāyāmapi 
āśaṅkāntaraṃ nanu ityādinā tadātmatayā ityantena nirākṛtam | tatra 
ca hetuḥ saṃskārarūpatayā iti | abhedena iti sato'pi bhedasya 
anavabhāsana itiyāvat | etadevahi saṃskāratvaṃ, tat sphuṭīkṛtaṃ 
pūrvānubhūtabalādityevamāśaṅkāmanūdya pariharati tathāpi iti | 
bodha eva saṅkucitaḥ

(page 333)

śūnyamiti bodharūpatvāt kā vedyatā | nanu bodhasya eva 
ābhāsacchāyāntarayoge vedyatā, natu aparaṃ vedyaṃ kiñcidasti

     ---------------------------dehābhāsāntaraṃ naca |

iti | etat pariharati śaṅkitvā śūnyarūpa ityādinā | lokaprasiddhyā yat 
vedyaṃ, tenāpi adhikena bhavitavyam; tat tatra nāsti tasya pratyuta niṣedhaḥ 
pratīyate itibhāvaḥ | tāvataiva iti vṛttigatamevakāraṃ vyākhyātuṃ 
sāmyaṃ darśayati sāṅkhyapuruṣāṇāṃ ca iti | viśeṣaṃ tu āha 
kevalam iti | nirāvaraṇāt iti vimarśarūpatā anena aṅgīkṛtā 
svābhāvikī, naca sā vijñānakevalāvasthāyāmasti | māyīyāyāḥ iti 
kalāvidyākṛtāyāḥ | āśrayābhāvāt iti | saṃskārarūpatā hi 
vedyabhāgabhūmāveva, natu saṃvidi tatra sarvātmanā 
tādātmyagamanāt vedyarāśeḥ, ata eva saṃskārābhāvāt 
punaradaḥsṛṣṭireṣāṃ nāstīti laukikīṣu jāgradādyavasthāsu sā daśā 
bījabhūtā na bhavatīti bījatvena upalakṣitaṃ yat sauṣuptarūpaṃ 
savedyaṃ, tadarūpatvamatra na bhavati, anyatra tu bhavatyeveti ākūtam | 
etadeva āgamāntareṇa saṃvādayati ata eva iti | yato bodhamātrameva 
saṅkucitaṃ śūnyamuktam, śūnyarūpatā tu na sphuṭavedyarūpā; tato

     jñānajñeyasvarūpiṇyā śaktyā paramayā yutaḥ |
     padadvaye vibhurbhāti---------------------------------------|| (spa. 2|2)

iti jāgratsvapnapadayorvedyasadbhāvaḥ sphuṭa uktaḥ | suṣuptaturyayoḥ 
punastadabhāvāt cinmayatvam | tadayogādayamiha vibhāgaḥ śivatattve 
īśvarānte śuddhasaṃvillakṣaṇe yadahamidamiti sphuritaṃ, tatra idantā eva 
ullasantī saṃvido bhāvānāṃ ca anyonyaṃ bhedanarūpaṃ niṣedhaṃ 
tāvadākṣipati | tatra niṣedhasya guṇatāyāṃ saṃvidaḥ prādhānyena 
pramātṛtāyāṃ mantramaheśatā, vijñānākalatā ca 
vimarśayogāyogābhyām,

(page 334)

niṣedhaprādhānye śūnyapramātṛtā, bhāvapradhānatāyāṃ sakalateti | 
nanu anyo'pi asti sāṅkhyapuruṣādasya viśeṣaḥ ityāśaṅkya pariharati 
sauṣupta ityādinā || 13 ||

     śūnyapramātureva vaktavyaśeṣamācakṣāṇo dvitīyasuṣuptasya 
bhūmikāṃ karoti sūtreṇa

     sākṣāṇāmāntarī vṛttiḥ prāṇādiprerikā matā |
     jīvanākhyāthavā prāṇe'hantā puryaṣṭakātmikā || 14 ||

     eṣa śūnyaḥ pramātā ahantārūpayā kartṛtayā abhiṣikto 
vidyākalāśaktiprapañcarūpasya buddhikarmendriyavargasya 
bāhyaviṣayālocanaviṣayanirmāṇalakṣaṇato bāhyavṛtteḥ 
pratyekamasādhāraṇarūpāyā vilakṣaṇā yā, asāvāntarī vṛttiryayā 
vāyurekaḥ prāṇanādikriyāpañcakaprapañcitaḥ 
pañcātmakatāmabhyeti; tāṃ vṛttiṃ jīvanalakṣaṇāṃ tasya akṣavargasya 
jaḍasya

     yataḥ karaṇavargo'yam---------------------------| (spa. kā. 1|6)

itinyāyena svāveśavaśādutthāpayan jīva iti ucyate | sā tathābhūtā yā 
vṛttistasya śūnyasya tathotthāpikā, sā jīvanakriyā; indriyaśaktīnāme-
vavā yā āntarī sādhāraṇarūpā prāṇanādikriyotthāpikā vṛttiḥ, sā 
paramārthataḥ kartureva vṛttiḥ; na jaḍānāmiti saiva jīvanam | yadātu 
prāṇa eva ahantā, tadā api evam; tadā tu prāṇa eva jīvastatraiva 
ahantāveśāt | ubhayorapica ayaṃ yonyantarasañcārī puryaṣṭakaśabda-
vācyo yato'tra prāṇādipañcakamindriyavargau dau niścayātmikā ca 
tṛtīyā svīkṛtāntaḥkaraṇāntarā dhīrvyajyate | sūtrārthamavatārayati 
anya ityādinā | sva iti śūnyakartṛrūpasaṃlagnānāṃ karaṇasvabhāva-
tvādeva tatpreraṇāt sā iti sūtre kāryakāraṇayorabhadopacārāt 
jīvanarūpākṣavṛttisaṃpādakatvādahantā

(page 335)

eva akṣavṛttiriti uktā | upacārasya ca prayojanamakṣāṇāmāhaṅkārikatva-
meva paramārthaḥ itijñāpanam | āntara iti ahamitisaṃrambhātmakaḥ | 
etena pūrvasūtrāt śūnye ityanuvṛttyā śūnye yā ahantā, sā prāṇādi-
hetvantarākṣavṛttikāraṇabhūtā satī jīvanaṃ yato'kṣavṛttirūpasya 
jīvasya yat kāraṇaṃ jīvanālakṣaṇamiti sūtrārthaḥ sūcitaḥ | evamupacā-
reṇa vyākhyāya karaṇasya paramārthataḥ kartṛsamāveśena karaṇatvāt 
tatkriyayā eva kriyāvattvaṃ khaḍgasya ivetyāśayena mukhyatayaiva sūtre 
yojayan vṛttimanyathā vyācaṣṭe athavā iti | pūrvavyākhyāne 
vṛttāvevaṃ vigrahaḥ-sarvendriyaśaktisādhāraṇaṃ jīvanākhyaṃ yat 
prāṇanādikriyāpañcakaṃ prāṇādivibhāgakāraṇabhūtaṃ tasya 
vyāpārapañcakasya preraṇātmikā ahamitisaṃrambhalakṣaṇā vṛttiryasya 
śūnyasya, sa tathā uktaḥ | idānīṃ tu evaṃ vigrahaḥ-sarvendriyaśaktī-
nāṃ sādhāraṇaṃ jīvanaśabdavācyaṃ prāṇādivāyūnāṃ preraṇa-
lakṣaṇamantarvṛttiśabdavācyaṃ, tat yasyeti; taddhi tasya sambandhi tasya 
eva kartṛtvāt, natu tāsāṃ kāraṇatvāditi āśayaḥ | tadāha 
tatsamavetatvāt iti kartṛrūpasamāveśādityarthaḥ | itiśabdo hetau | yata 
evaṃ tāsāmapi kriyā tasya sambandhinī, ato hetoratra pakṣe sa jīvaḥ 
ṣaṣṭhyā anyapadārthīkṛtaḥ; anyathā anyakriyā anyasya sambandhinī 
kathaṃ syāditi āśayaśeṣaḥ | etadavyatiriktānām iti ākṣiptaprāṇādi-
pañcakavṛttitādātmyāpannānāmityarthaḥ | tena indriyāṇāṃ 
sarveṣāṃ yaḥ prāṇādipañcakotthāpakastaddvāreṇa nāgādivikārān-
tarakāraṇatvato vikṛtāvikṛtāntaraprāṇacakradvāreṇa ca romakūpapar-
yantanāḍīcakrānucakramayadehamayayantravāhaka āntaraḥ sādhāraṇaḥ 
śaktivargaḥ pañcakaḥ, sa preryaṃ prāṇādivargaṃ prerakaṃ ca 
indriyavargamadhiṣṭhātrīṃ ca śūnyāhantāmākṣipya

(page 336)

vartamānaḥ puryaṣṭakaḥ iti uktaḥ | asminnapi iti prāṇāhantāpakṣe 
sarvasya abhimataṃ puryaṣṭakāvasthānam | kecit tu āgamāḥ 
śūnyāhantāpade'pi tadāhuḥ | yadāhuḥ

     līnaśūnyasamādhāvapyāste liṅgaśarīraḥ |

iti | tathāca iti yata evaṃ, tata evaṃ yojanā-sā śūnye'hantā prāṇādi-
prerikā akṣavṛttirūpā puryaṣṭakātmiketi | athavā ityādi sautraṃ 
vivṛṇoti yadā iti | prāṇaśabdaḥ sautraḥ sāmānyavācīti yāvat | tadā 
ityādinā uttarasūtropakaraṇārthatāṃ sūtradvayasya darśayati | tadāca 
prāṇādipañcakamahaṅkāraparamahaṅkāreṇa preryamāṇaṃ, na tena 
samaṃ gaṇanārham; apitu tena adhiṣṭhitamiti yāvat | kīdṛgityāha ākṣipta 
ityādi | kāraṇātmanā vargatrayeṇa sahitaṃ pañcakaṃ saṃvedanopadhā-
natvena adhiṣṭheyaṃ prāṇādirūpamahamityevaṃpramātṛbhāvena 
adhiṣṭhitaṃ puryaṣṭakamiti yāvat | pūrvaṃ tu sūkṣmatamatvāt liṅgasya 
tanmātrāṇāmākṣepo nadarśitaḥ, sūkṣmatvādevaca pūrvatra 
ahaṅkārastadākṣiptaṃ ca mano'pi samakakṣyatayā tat na gaṇitam, apitu 
ahaṅkārādhiṣṭhitamiti | sthūlatāmeva śaktimatpadena darśayati pūrvaṃ 
tu śaktīnāmeva iti sūkṣmatamatvameva darśitam | pelavaśarīrasya hi 
tadāsūtraṇamātram, upariparipūraṇaṃ tu sthūlatamaṃ śarīramiti tadeva 
madhyamaṃ prādhānyena utpattisthāneṣu sañcaramāṇaṃ saṃsārīti 
ucyate | tata eva prāṇāyāmaistasyaiva śithilatā utthāpanīyā dīkṣādi-
karmaṇā ca puryaṣṭakāṃśānāṃ kāraṇeśvareṣu samarpaṇadvāreṇa

     tanmātrodayarūpeṇa mano'haṃbuddhivartinā | (spa. 4|19)

itivacasā | yatastanmātrapañcakamantaḥkaraṇaṃ ceti kecana 
puryaṣṭakamāhuḥ sparśatanmātreṇa prāṇādisvīkārāt, tata eva atra 
pakṣavaicitrye vastuno na vaicitryamiti || 14 ||

(page 337)

yasya pīṭhabandhatvena sūtradvayaṃ, tat sauṣuptaṃ lakṣayituṃ sūtraṃ

     tāvanmātrasthitau proktaṃ sauṣuptaṃ pralayopamam |
     savedyamapavedyaṃ ca māyāmalayutāyutam || 15 ||

     śūnyamātra eva śuddhe śūnye yadā sthitirahantāviśrāntiḥ, 
yadā ca prāṇe; tadā māyayā malāvatāraṇāvabhāsinyā suptīkṛtaṃ 
caitanyaṃ kalāvidyābhyāmapi na prabodhitamiti suṣṭhu suptastasya 
bhāvaḥ pravṛttinimittātmā tāvadavabhāsaḥ, karma ca kriyārūpaṃ 
tāvadvimarśātmakaṃ sauṣuptam | vivṛtikṛt tu uttarasūtrānusāreṇa 
prakaraṇalabhyaṃ padaśabdaṃ matvā suṣuptasya idamiti 
vyutpattimabhimanyate | pūrvamapavedyamata eva māyākhyamalarahitaṃ, 
dvitīyaṃ tu tadviparītam | pralayasya api evaṃrūpatā sarvā, tatra paraṃ 
dehasya pradhvaṃsānudayau ciratarakālatā ca; iha tu tasya 
anācaraṇamaciratā ca | tadapica śrameṇa cet, nidrā; 
abhighātadhātudoṣādinā cet, mūrcchā; madyagaropayogādinā cet, 
madonmādādi; svātantryotthāpitāt prayatnabalāt cet, 
samādhirityādayo'vāntarabhedāḥ sauṣuptasya | sarvaviṣayatvāt ca 
pūrvaṃ savedyamuktamiti sūtrārthaḥ | idānīm iti kṛte pīṭhabandhe 
ślokadvayena nigamayatīti | anena prāktanaṃ nigamayiṣyati iti smārayan 
sūtratrayasya sauṣuptalakṣaṇārthatayā ekamahāvākyatāmāha | 
rūpavataḥ sphuṭasya vedyasya abhāvāt vidyākale bhinnaṃ vedyaṃ 
nirmeyaṃ ca prathayantyāvapi svarūpamāvṛṇuta eva saṃvittattvasyeti 
āvaraṇāṃśena māyākhyamalatvaṃ tayorityāśayena āha 
vidyākalārūpe iti | prāṇasauṣupte tu saṃvedanamapīti sambandhaḥ | 
vedyābhāvāt vedyasadbhāvāt iti pañcamībhyāṃ sūtre'pi 
hetuhetumadbhāvaṃ sūcayati | pūryaṣṭakāvayavā iti, anena āgamaḥ 
sūcitaḥ, tattadvedyatattadindriyādyanavadhānādinā sā yataḥ suptaṃ 
tatastatsvapnotthāpanādivaicitryabalāt
     
(page 338)

     tattadaṃśapradhāne'yaṃ prāṇe nidrāti cetanaḥ |

iti hi āgamaḥ | prāṇādau iti vṛttau sthitau iti pūrvakaṃ yadvaiyadhika-
raṇyena, tadapekṣaṇīyam | taiḥ iti rūpādibhiryena jāgrataḥ svapnāt vā na 
bhedo bhavediti āśayaḥ | kālayoga iti cirādirūpatā hi tatra smaryate eva || 
15 ||

     nanu sphuṭavedyavinirmuktā anyā astu suṣuptāvasthā sphuṭavedya-
yogāviśeṣe'pitu svapnajāgraddaśayoḥ ko bhedaḥ ityāśaṅkya 
svapnāvasthāṃ tāvat lakṣayati

manomātrapathe'pyakṣaviṣayatvena vibhramāt |
spaṣṭāvabhāsā bhāvānāṃ sṛṣṭiḥ svapnapadaṃ matam || 16 ||

     akṣagrahaṇaṃ sarvabāhyendriyopalakṣaṇam | tadayamarthaḥ-
golakapañcāṅgulyādīni adhiṣṭhānāni nistimitāni tāvat nidrāyamāṇa-
sya upalabhyante | atha cakṣuṣā kāntāṃ paśyāmi hastena ākārayāmīti 
spaṣṭāvabhāsā tātkālikaiśvarasṛṣṭipradhānā pratipattirasti svapne | tatra 
ca manomātrameva vyāpṛtaṃ pūrvasṛṣṭatayā jāte tu tadeva tāvatyevavā 
apekṣya parameśasṛṣṭimindriyaviṣayatāṃśe tu sādhāraṇyaṃ 
sthairyādyavabhāsāntarasaṃbhinne vimarśasthairyānuvṛtterjāgratpade 
bādhanāt vibhramarūpatā,-iti piṇḍārthaḥ | sūtrārthamavatārayati 
viśvabīja iti pralaye suṣupte ca yathāyogaṃ niḥśeṣaprakṛtakṛtsnābhi-
prāyeṇa viśvaśabdaḥ | manomātramapi atra puryaṣṭakāṃśatāvyavasthi-
tendriyaviṣayabhāgabījatānuviddhaṃ boddhavyam | sraṣṭṛtāviṣayam iti 
prādhānyādevamuktam, bhoktṛtā tu jāgrati api asti | evaṃ yaditi 
sambandhaḥ | cakṣurādi ityādinā mātrapadaṃ vibhramatāṃ vyācaṣṭe 
īśvarasya iti anicchorapi tathādarśanāditi bhāvaḥ |

(page 339)

yadāha anyathā tu svātantryāt syāt sṛṣṭiḥ ityādi | avadyotitam iti 
vastvapekṣayā manorūpatāṃ prāptā yā parameśvarasya śaktiḥ 
kriyātmā tayā,-iti hi atra arthaḥ | siddhāñjanādinā iti spṛṣṭamiti 
apekṣyam | anyathāpi iti itthaṃ mā bhūt, prakārāntareṇa 
bhaviṣyatītyarthaḥ | tat iti prakārāntaram | na ceha tathā iti naca 
tairdṛśyate jāgrati anuvṛttādhyavasitairapi tairāptairapi 
vāgbhavasyākaraṇāt | kālāntara ityādivṛttiṃ vyācaṣṭe yadica iti | 
uktam iti bhavatā eva taduktaṃ yat mama pakṣaṃ dīpayat tava svoktiṃ 
bādhate iti pūrvapakṣasya āśayaḥ | evameṣa iti asmanmate iti ākūtam | 
manasi iti pratibhāsate na vibhramaḥ, apitu vikalpite'vabhāsāntare iti 
bhāvaḥ | pūrvam iti bhramābhramarūpatāvicāre bahuśaḥ | tathāpi iti 
naca te tathā pratiyantīti hi apūrṇakhyātirūpatvena akhyātireva bhramasya 
tattvamiti smārayati | tato'pi iti na kevalaṃ yathā 
pūrvametadasatkhyātidṛṣṭyā vyākhyātaṃ tathā yujyate, yāvat 
tanmūlatā asmadupagatākhyātidṛśā api upapadyate evetyarthaḥ | tena iti 
aṇunā | susaṃvedanāt darśanāt ceti saṅgatiḥ | atra api asti bhoktṛtā 
jāgare iva, tatrāpica asti sraṣṭṭatā svapna iva; tathāpi prādhānyakṛtā 
nirūpaṇe vyavastheti darśayati jāgare tu ityādinā | īśvarasyāpi iti 
paśorapi bhoktṛtvaṃ yat, tat bhagavata eva vastuto

     yadyapyarthasthitiḥ---------------------------| (a. pra. si. 20)

itinyāyāt | tatra iti jāgare, atra eva avāntaravākyacchedaḥ | atra iti jāgare | 
uktam iti āgamādau | tadantargatatvāt iti sraṣṭṭataiva hi sā 
bhavatītyarthaḥ | ata eva

(page 340)

     pravibhajyātmanātmānam---------------------------|

ityatra

     ---------------------sṛṣṭvā bhāvān pṛthagvidhān |

iti sargaśaktiṃ mūlakāraṇatvena uktvā paścāduktaṃ tannāntarīyakaṃ 
bhoktṛtvaṃ

     sarveśvaraḥ sarvamayaḥ svapne bhoktā pravartakaḥ |

iti || 16 ||

     evaṃ sā sṛṣṭiḥ svapne padaṃ viṣayastadviṣayā pramātṛtā 
svapnāvastheti abhidhāya tadviparitasphuṭavedyaviṣayāṃ pramātṛtāṃ 
jāgradavasthātvena lakṣayati

     sarvākṣagocaratvena yā tu bāhyatayā sthirā |
     sṛṣṭiḥ sādhāraṇī sarvapramātṝṇāṃ sa jāgaraḥ || 17 ||

     sṛṣṭirjāgaraḥ iti tatsṛṣṭiviṣayaḥ pramātā vyāmohahetubhūta-
nidrāprakṣayayogitvena jāgartīti yata ucyate, tatastāvatpramātṛtvaṃ 
jāgradavastheti yojyam | pramātṛtvasya hi prameyabhedakṛtā etāḥ pañca 
avasthā āgameṣu uktāḥ | pūrvavat itivṛttyā svapnasvarūpatvamatidiṣṭa-
miti vivṛṇoti jāgare'pi iti | ata eva āgameṣu avasthānāmapi 
anyonyānupraveśo bahuśākha uktaḥ || 17 ||

     ūrdhvamupādeyamiti vaktuṃ tisro heyatvena āha

     heyā trayīyaṃ prāṇādeḥ prādhānyātkartṛtāguṇe |
     taddhānopacayaprāyasukhaduḥkhādiyogataḥ || 18 ||

     kartṛtātmani apradhānīkṛte prāṇādestadapekṣayā prādhānyena 
hetunā tasya svātantryabhagasya upacayabaloditasukhaduḥkhaviṣayahānā-
dānādipariśramāntaraistrayīmapi daśāṃ mumukṣurheyatvena 
abhimanyate iti sūtrārthaḥ | tamavatārayati etāsāmapi iti 
pañcānāmapīti

(page 341)

yāvat prastauti iti sādhāraṇyoktyā upādeyatāṃ gamyamānāmapi 
nirdiśati | yat vakṣyati sāmarthyādapariśiṣṭa iti | prāṇo vā iti śūnyo 
vetyetadapekṣo vāśabdaḥ | nanu yadi ātmanā svātantryameva, tadevaca 
udriktaṃ, tarhi kā tasya guṇatā yena uktaṃ sūtre kartṛtāguṇe 
ityāśaṅkya āha viśuddhaṃ yattat iti | tacchabdena adhunā 
saṃsāriṇāṃ tadaviṣaya eveti sūcayati āropyamāṇasyāpi iti 
krīḍāyāmapi dārakamadhye rājavadasyeti bhāvaḥ | tāvatyā iti 
mātrayā | ata eva bhaṭṭaśrīnārāyaṇaḥ

     trailokye'pyatra yo yāvānānandaḥ kaścidīkṣyate |
     sa binduryasya-------------------------------------------------|| (sta. ci. 61)

iti | pratipattiviveke ca sarvatra laukikaśāstrīyakartavyaviṣaye antarbhaktyā-
nandaśraddhānuvedho darśitaḥ, anyathā naiyāyikoktabodhādikakartavya-
rūpatāyāmeva na āroha iti |

     tayā śūnyaṃ bhavet puṃsāṃ śāstraṃ śāsanamātrakṛt |

ityanena taddhāna ityādi sautraṃ vyācaṣṭe, ādipadaṃ tu sarvathā tu 
ityanena | vakṣyate

     sattānandaḥ---------------------------| (4|1|6)

itisūtre | turyādi iti ādigrahaṇāt tadatītatāmapi svīkaroti | uktam iti 
sūtravṛttyoḥ | samāveśe hi dehaprāṇādeḥ prādhānyābhāvāt 
tanmahimopanatakṣutpariśramādiduḥkhānudaye

     ācchādayedbubhukṣām---------------------------| (spa. 4|8)

itinyāyena tatpraśamajaṃ tṛptiviśrāntirūpaṃ manāgahantātmakanaira-
pekṣyasvātantryānandakaṇarūpaṃ sukhamapi ceti paramānandamayataiva | 
agre ca iti

(page 342)

     sādhāraṇo'nyathācaiśaḥ sargaḥ---------------------------| (4|1|11)

iti prakaraṇe || 18 ||

     nanu prāṇādeḥ pradhānatvaṃ heyatāyā nidānaṃ, sāca traya eva 
uktā, na tadūrdhva iti tatra tat nāstīti syāt; tataśca samāviṣṭasya dehapāt 
eva, naca vyutthānaṃ syādityāśayena prāṇādivibhāgaṃ kartuṃ yat 
sūtradvayaṃ, tataḥ prathamaṃ tāvat trayīvṛttāntākhyānamāha

     prāṇāpānamayaḥ prāṇaḥ pratyekaṃ suptajāgratoḥ |
     tacchedātmā samānākhyaḥ sauṣupte viṣuvatsviva || 19 ||

     prāṇa iti prāṇanākhyā yā asāvāntaravāyusañcaritā cidvṛttirjī-
vanamiti uktā, sā sāmānyaparispandarūpā dehāderjaḍasya ajāḍyameva 
āpādayantī ahamitisvātantryāropatvena vikalparūpaparāmarśamayī; saiva 
prāṇādiviśeṣaspandātmanā pañcadhā bhavati | tatra kiñcit tyajantī, 
kvacit patantī krameṇa praśvāsaniḥśvāsātmanā prāṇāpānarūpā 
bhavati | sāca ubhayī api jāgrati sphuṭaiva dehāt viṣaye, tato'pi 
dehasmṛtyādāvābhyantara eva vedye viśramaṇāt | supte'pi svapne sā 
astyeva pareṇa svapataḥ prāṇapraveśanirgamayorupalambhāt svayamapi 
vedyasaṃpātopalabdheḥ | tena prāṇāpānaviśeṣadvayapradhānā 
prāṇanā jāgratsvapnayoḥ, suṣṭhu suptasya tu yat pramātuḥ padaṃ, tatra 
dvividhe'pi prāṇāpānasadbhāve'pi nirindriyahṛtpradeśaviśrāntireva 
mukhyaṃ suṣuptarūpamiti | tatra prāṇāpānayoryaḥ kaṃcit kālaṃ bhedo 
viśrāntistadātmā sakalarasādivargasya urdhvādharatiryakṣu 
samānīkaraṇavyāpārato'ta eva hṛdayakamalaṃ 
vikāsayannaśitapītajaraṇakārī 
dinarātrirūpaprāṇāpānasāmyavicchedātmakatvāt viṣuvattulyaḥ 
samāno nāma viśeṣaḥ, tanmayī sā prāṇanakriyeti paśuvargaḥ 
pralayākalāntaḥ, tacchedātmā yaḥ samānastasmin

(page 343)

viśeṣarūpe ā samantāt prādhānyena khyānaṃ prakhyā yasya; saivaca 
tadānīṃ saṃjñā yasya prāṇasya, sa tādṛk sauṣupta iti sambandhaḥ | 
viṣuṃ vyāptimarhatīti tadarham (pā. sū. 5|1|117) iti vatiḥ | upamāne 
vaterevaca avyayatvaṃ svābhāvikaṃ

     taveme lokāḥ pradiśo diśaśca parāvato nivata udvataśca | 
(tai. brā. 2|8|1|3)

iti darśanāditi kecit | yadāha parāśaraḥ

     vyāptiyoge hi kālāṃśe tadyogādviṣuvaddinam |

iti |

     sāmyaṃ vaiṣamyajanakaṃ viṣuvat santataṃ smṛtam |

iti tu śrīkālapādāyām | sūtre śatari muhurmuhurevamiti kathitam | 
viśeṣaṃ dinarātritadūnādhikatvalakṣaṇaṃ viṣamatātmakamavirataṃ 
suvati prerayatīti vā viṣuvat sandhyā api | madhye madhye samānena 
vyavadhānaṃ yat suṣuptasya, idameva pradhānatayā 
prāṇāpānarūpatāṃ satīmapi adhaspadīkurvadiva suṣuptarūpamiti 
sūtrārthaḥ | tamavatārayati idānīm ityādinā | vibhajan iti 
avicchinnavyāpāratāṃ darśayan dvitīyaślokavyāpāramapi spṛśati | sa ca 
iti yatra pūrvaṃ

     ------------prāṇe'hantā---------------------------| (3|2|14)

iti jīvanarūpatā uktā | ātmabhūtaḥ iti prāṇātmā iti vṛttau 
karmadhārayo'yamiti yāvat | nanu iti pratyekam ityasya 
vyavacchedyamuktam | tatsahabhāvinī iti anyathāhi jīvanaṃ vicchidyate | 
anayoḥ iti prāṇo'vabhāsanena dehādi riktīkurvanneva viṣayaṃ 
prakāśayan sūrya iti tatkālo dinaṃ, apāno vimarśanena 
antarviśrāntyānandadāyī dehādipramātṛbhāvamāpyāyayatīti 
candrastatkālo niśeti pramātrapekṣāpradhānatayā evaṃ vibhavajyate,

(page 344)

prameyāpekṣayā vaiparītyena api | ata eva āha arthānāṃ sarge'pi asau 
prāṇasya pravṛttiḥ pramātuḥ pralaya eva iti | bahiḥ praśamasthānaṃ 
viṣayo dvādaśāntaśca, antastu ahamiti hṛtsadanaṃ ca | pramātuḥ 
punarbhāvātmatayā sṛṣṭireveti sambandhaḥ | etāvataiva iti 
bhāvātmatvabhāgāpekṣāmātreṇetyarthaḥ | tadāha nanu iti | jāgrataṃ 
vyākhyāya svapnaṃ sūtre yatnapratipādyatvāt prathamoktamapi 
jāgraddṛśaiva vyākhyeyo'yamityāśayena paścāt vyācaṣṭe bhedena iti | 
atha tacchedātmā iti vyākhyāsyan jāgarādāvapi na na asti samāna iti 
vadan sarvatra sarvasaṃbhave'pi pradhānatākṛto vibhāga iti vyācaṣṭe 
bahiḥ iti | tuḥ pūrvato viśeṣadyotakaḥ | dvayoḥ ityetadeva sphuṭīkṛtaṃ 
bahirantaḥ iti viṣaye dvādaśāntapatite pramātari ca hṛdayabhūmigate yau 
viśrāntirūpau kṣaṇau, tayoḥ | vakṣyamāṇa iti tadānīmeva vivṛtau 
pralayatvam iti | grāhyagrāhakayorapi iti sarvapralayo'sāvityarthaḥ | 
idānīṃ tacchedātmā ityādi vivṛṇoti yadā tu iti | nyūnādhikatayā 
nāntarīyakastāṃ vinā na bhavati yaḥ, so'vaśyaṃ yatra bhavati 
pravṛttinivṛttikrame tasya abhāvādityenena viṣuvaddrūpatāmāsūtrayati | 
chedaḥ sāmyena vyākhyāyate ityatra upapattiṃ ghaṭayati prāṇa iti | 
jāgarasvapnayoḥ kṣaṇamātrarūpe'ntarāle | anyadā iti 
mūrcchāgāḍhanidrādiṣu cirakālaṃ tayoranullasanam, 
ubhayorvicchedameva sāmyamiti bījatāgamanaṃ 
vaiṣamyātmakollāsanivṛttiriti yāvat | anvartha iti samaṃ kṛtvā ā 
nijavyāpāraviṣayamaniti prāṇitīti hi samānaḥ | prāṇanaṃ ca tatra 
sūkṣmavṛttyā praśāntāṅgārajvalanavat sthitameva |

     ṣaṭtriṃśadaṅgulaścāraḥ---------------------------|

(page 345)

ityādidiśā tu dīrghaprasaraṇātmanā yā prāṇāpānarūpatā, sā 
vicchinneti ucyate; sūkṣmā tu astyeva | chedaḥ sāmyam iti danturamiva 
paśyannanyathā vivṛṇoti athavā iti | nanu sūtre nyūnatādi na 
śrūtameva, tat sarvanāmnā kathamāmṛśyate | atra āha rātrindiva ityādi 
| prāṇāpānau rātrindivātmānau sūtre tāvat nirdiṣṭau | tau ca 
pravṛttinivṛttirūpau, naca samatulādhṛtau bhavataḥ, apitu avaśyaṃ tatra 
nyūnādhikabhāvena vicitreṇa bhavitavyam, tataḥ so'vyabhicārī 
dharmastadantargataḥ sarvanāmnā nirdiṣṭa iti bhāvaḥ | vivṛtaśca iti 
nirodhe viccheda ti hi yuktā paryāyatā | ata eva pañcamīnirdeśāt 
tacchedāt samānākhya itipāṭhaṃ kecidāhuḥ | atra vṛttimapi 
sākṣiṇīmāhuḥ sa ca iti | nanu pūrvavyākhyāne sāmyeti saṃjñāyāṃ 
nimittatvena uktam, sāmye hetuḥ nirodhāt iti; adhunā tu etadeva 
saṃjñāyāṃ hetūkṛtam, sāmya iti tu kathaṃ neyam | itthamityāha tatra 
ca iti bījabhūmau yat sāmyaṃ 
prāṇāpānayorlokaprasiddhabāhyarātrindivayoriva, tat 
hetvantarānuktāvapi lokaprasiddhimeva apekṣya tatra nirodhe nimittabhāvena 
saptamīdyotitena āśritam | yuktaṃ ca etat yataḥ pūrvanirdiṣṭaṃ tat, nimittī 
tu nirodhaḥ paścāt nirdiṣṭaḥ; nimittakṛtā ca saṃjñā gārgyo'smi 
gotreṇetivat | tadāca iti prāṇāpānasāmyakṛte nyūnādhikatānirodhe 
kālādhikārāgamaprasiddhā viṣuvatsaṃjñā | laukikatadrūpatulyatvena 
tadeva darśayati tadāpi iti laukike meṣatulāviṣuvaddvaye prasiddho 
nyūnādhikabhāvaḥ prasariṣyate | nanu sakalameva dinaṃ rātrirvā 
viṣuvaditi loke prasiddham, na kṣaṇamātram | satyaṃ, prasiddhistu iyaṃ 
tatkṣaṇānugṛhītatvena tatpravāhapatitatvādupacāra iti darśayati 
tadānīṃ tu na ityādi |

(page 346)

na kevalaṃ viṣuvati evam, anyatra api dṛṣṭamevamityāha saṅkrāntau ca 
iti | rāśeryat rāśyantaracaraṇaṃ sūryasya, tat bodharūpasya prakāśasya 
vedyāt vedyāntaragamane iva

     ekacintāprasaktasya---------------------------| (spa. kā. 41)

iti

     ubhayorbhāvayorjñānaṃ jñātvā mādhyam-------| (vi. bhai. 61)

iti

     bhāve tyakte niruddhā cit---------------------------| (vi. bhai. 62)

itiśāstroktanyāyena svātmaviśrāntirūpaṃ paraṃ puṇyam | yaducyate

     ayaṃ sa paramo dharmo yadyogenātmadarśanam |

iti | tatra kṣaṇamātrarūpe'pi

     ------------------------daśa pūrvāndaśāparān |

itinyāyena ubhayato dvātriṃśaddhaṭikaḥ puṇyaḥ kāla iti kecana 
pratipannāḥ, pare tu ubhayataḥ ṣaṣṭighaṭika iti | tadvat viṣuvati apīti 
tātparyam | nanu apavedye suṣupte grāhyābhāvāt tadanusāreṇa 
prasaraṇādyabhāvāt bhavatu samānarūpatā, savedye tu sā 
kathamityāśaṅkya āha suṣupta ityādi | atra pratijñāte hetumāha 
cakṣurādi ityādinā | etaduktaṃ bhavati-grāhakāt vicchinnaṃ 
yadavabhāti, tatra avaśyaṃ prāṇasya prasaraṇena bhavitavyam, natu 
vedyamātre | sukhādi ca grāhakādavicchinnamiva bhavati | grāhakasya hi

     api tvātmabalasparśāt---------------------------| (spa. kā. 8)

itinyāyena svaprakāśataiva, kastatra prasaraṇāvakāśa iva | nanu svapne 
cakṣurādivyāpāro nāstyeva | atra āha svapne'pi iti | yadyapi manasā 
kevalena tadarthadarśanaṃ, tathāpi tat manobalenaiva cakṣurādikṛtatvena api 
sthāpitam | evaṃhi manasā utthāpitaṃ cakṣuṣā api

(page 347)

paśyāmi sati api manovyāpāre iti sā bhrāntiriti tu anyadetat grāhako'pi 
ityādi siddhāntavādī svayameva yatpūrvapakṣavādino hṛdaye sthitaṃ, tat 
kathayati, vastudṛṣṭyā na etat mama bādhakamityāśayena tāmeva 
darśayati yadica ityādinā | māyīyagrāhake'pi iti 
vedyagrāhakībhūte'vabhāsamāne | na caivam iti na atra pramāṇavṛttiḥ 
saṃvedyate tasyāsturyatadatītadaśāyāṃ sarvathaiva vigalanāt | yadūce

     yatroparamate prāṇo hyanirodhāt svabhāvataḥ |
     sā brahmaniṣṭhā turyātmā------------------------||

iti | nanu tasyāṃ māyīyaṃ grāhakamastītyāśaṅkya āha anyathā iti 
māyīyagrāhakābhāve parasaṃvittattve yā yuk ekatā, tayā saha vartate 
yastasya bhāvaḥ sāyujyam | prāṇaśūnyāderapi grāhakībhāvābhāvāt 
grāhyabhāvaikarasaireva vāyuśūnyādibhiḥ sāyujyaṃ 
prakāśamānatvācca paramārthacidrūpeṇa,-iti punaryadidaṃ 
vividhamutthānaṃ śarīraceṣṭāparyantaṃ, tat na syāt taddaśāpannasya 
yogino yadi māyīyo na syāt tadā grāhakaḥ | asti ca etat, tataḥ so'pi asti; 
naca tatra prāṇavṛtteḥ saṃbhava iti vyatiriktasaṃmate vedyate'syā ullāso, 
na vedyamātre; sukhādi ca na vyatiriktamiti | tadāha sukhādi ca iti | nca 
bāhyāmātreṇa evam, apitu grāhakatādātmyāditi darśayati tathāhi iti | 
nanu tadā api sukhādi smaryamāṇaṃ yathānubhavameva 
grāhakanirdiṣṭaṃ smartavyam, naca grāhake 
prāṇāpānavyapekṣetyāśaṅkya āha ātmāpi hi iti | etaduktaṃ bhavati-
svasaṃvedanabhāgastāvat nityānastamitaḥ |

     natvevaṃ smaryamāṇatvam------------------------| (spa. kā. 13)

itinyāyena smaryamāṇārhaḥ vikalpitastu tathā syāt | 
vikalpanapūrvakatāmeva

(page 348)

smaraṇasya abhidhātumadhunā eva vakṣyati vikalpyamāne smaryamāṇa 
iti | vikalpane ca ātmā api buddhibhūmipatitaḥ pṛthak sṛṣṭa eva 
vedyastādṛśamevaca sukhādi,-iti pṛthagasya smaraṇaṃ 
vikalpanapūrvatvāt yathānubhavameveti | tadātmano 
grāhyībhāvanāyāṃ bhavati eva prāṇaprasaropayogaḥ, grāhakatāyāṃ 
tu ekaghanāyāṃ na eṣa krama ityāha tataḥ iti prāṇamayoparohāt yadyapi 
vedyo vastutaḥ, tathāpi grāhakībhāvabhūmikārūḍho na tathā; 
tathātve'navasthā bhinne vedye grāhakāntarasya api 
grāhakāntarāpekṣaṇādityādiḥ | ata eva iti yato na grāhakāpekṣā 
grāhakatāyāṃ, tataḥ | śarīramapi iti sphuṭo yasya vedyabhāva iti apiḥ | 
āntarasparśarūpam iti netranimīlanādāvapi 
sthūlo'hamityādipratyayāt | ayam iti grāhakāntarāpekṣaṃ 
spandagranthamabhagnaṃ paṭhan

     yataḥ karaṇavargo'yam---------------------------| (kā. 6)

ityādi samagrakaraṇārthaṃ smārayati | nanu evaṃ cet dehasya 
cetanarūpāveśaḥ, tarhi pūrnaḥ svātantryalābhaḥ kasmāt na 
bhavatītyāśaṅkya āha śarīragatarūpādīnām iti | idantāyāḥ iti 
pañcamī hetau | ahamityekarasena anuvedhe tu yadā idantā ācchāditā 
bhavati bhāvanāsātmyādīśvarasadāśivasaṃvidi iva turyadaśāyāṃ 
rasaviddhatāmrakanakanyāyena, yadāvā sarvathaiva pradhvaṃsitā 
vidrāvitā vā bhavati turyātītadaśāyāṃ śāktasaṃvidi iva 
tannijarūpasamyagviddhakanakarūpatātyantajaraṇāpāditatatsaṃskāra-
vaśapītalatāvaśeṣavidrutarasanyāyena; tadā pūrṇasvātantryollāsa eva 
deha eva sati api niḥśeṣavibhūtilābhāt sadāśivādiśarīravat | evaṃ 
prasaṅgāduktvā prakṛtameva sukhādiprameyasya svasaṃvedanakāle 
prasarānapekṣatvamanubadhnāti manasāmapi ca iti | evaṃ 
sthūlaprasaraṇasvabhāvaḥ

(page 349)

saṃvedanapūrvakaḥ prāṇaprasaraḥ savedye'pi nāstīti uktam, 
abuddhipūrvakastu īśvarecchākṛto bhastrādhmānatulyaḥ so'pavedye'pi 
asti | yaditu śāntāṅgārajvalananyāyena antarapi sūkṣmaspando vicāryate, 
tadā astu prāṇāpānayogaḥ sūkṣmaḥ; saivatu samānateti dṛḍhametadeva | 
tadeva pakṣāntareṇa darśayati athavā iti || 19 ||

     evaṃ sarvatra pramātṛviṣaye'vasthātraye prāṇāditrayasya 
prādhānyamuktam, taddṛḍhatāvaśena evahi sati api 
pratikṣaṇamanekavedyadehatve bhāvabhūtaśarīravibhāgo 
bhaṭṭaśrīkallaṭādibhiḥ śrīśivasūtre

     prāṇākhyanimittadārḍhyam---------------------------|

ityatra uktaḥ | adhunā lokottarapramātṛviṣaye daśādvaye 
udānavyānapradhānatāṃ darśayati sūtreṇa

     madhyordhvagāmyudānākhyasturyago hutabhuṅmayaḥ |
     vijñānākalamantreśo vyāno viśvātmakaḥ paraḥ || 20 ||

     prāṇa eva hṛdayabhuvi madhyasthāne viśrāntaḥ samānatāṃ 
pratipadya yadā pārśvapravāhavicchedāt tena eva ūrdhvaṃ 
suṣiramārgeṇa pravahati, tadā ūrdhvamā samantādanitīti udānaḥ | saca 
bhedaṃ dahannagnikalpaḥ | tata eva sa turyabhūmau | sa evaca tadānīṃ 
pramāteti vijñānākalarūpāt māyordhvavartina ārabhya yat 
sadāśivapramātrantaṃ, tat tasya eveti sa eva vijñānākalaśca, mantraśca 
vividhaḥ, īśaśca sadāśivātmeti karmadhārayaḥ; sa eva tu samastaṃ 
dehavarti tattvabhuvanādi yadā vyāpya ā samantādaniti, tadā 
paramaśivasvabhāvasturyātītarūpatayā paraḥ pūrṇo vyānaḥ itīyatā 
yogijñānipramātṛviṣayaṃ rūpadvayamupādeyamuktam, jñānino'pi 
tatsaṃvedanalakṣaṇastadāveśātmaiva, yoginastu bahirdehāntatayā 
vibhūtaye bhagavataśca | sakalā eva prasaraṇaviśramaṇayogāt 
prāṇāpānarūpaṃ dvayam, 

(page 350)

pralayākalā vijñānākalāḥ samānaḥ, mantrādaya udānaḥ, śivarūpatā 
vyānaḥ,-ityapi darśitamiti sūtrārthaḥ | tamavatārayati udāna ityādinā | 
nidarśanamudāharaṇam, vijñānākalādi viṣayaḥ 
turyādilakṣaṇamūrdhvabhāktvādīti vibhāgaḥ, samānadaśāpūrvikā 
iyaṃ daśeti pārśvadvaya ityādinā labhate ityantena darśayan 
pūrvapūrva uttarottararūpamāpadyate iti sūcayati yadyapi iti | tataśca tau 
pravāhau naṣṭāveveti kathaṃ prāṇāpānau madhye ūrdhvena 
ekatāpannau pravahata iti vṛttau bhaṇitam | nahi gatireva sthitirbhavatīti 
bhavati, prāṇāpānayośca kathaṃ vyatirekeṇa tiryakpravāha uktaḥ iti 
ākūtam | etat pratisamādhatte tathāpi iti | pañcasvarūpatayā iti eka eva 
vāyurdharmī pañca rūpāṇi pratipadyate iti nirdiṣṭamiha | tataśca 
prāṇāpānaśabdena sa vāyureva ukta iti upapannā tasyaiva udānatā | 
tadāha cirakāla iti tayā pravāho dharmo yukta iti vyatirekanirdeśo 
nirdoṣaḥ | tadāha dharmadharmibhāvo'pi iti | uktam iti samānarūpatā, 
tāvatī seti yāvat | dvandvaṃ dvaitadṛṣṭiḥ | yathā tṛtīyaṃ 
cakṣuragnisvabhāvaṃ hetutrayāt, tathā so'pi,-iti sambandhaḥ | yat 
vijñaptaṃ mayā

brahmādikīṭāntamanantakaṃ yallokatraye vedakacakravālam |
taddvaitadṛṣṭyaiva svavarṇamitthaṃ tadīyacakṣuryugalaṃ vyanakti ||
itthaṃ vimṛśyāhamanantaśaktiṃ viśrāntadhīrdvaitadṛśaṃ jihāsuḥ |
tvadbhaktisandarśitaśuddhamārganirargalībhāvitabhūribhāvaḥ ||
samaṃ samagrodgatavedanākhyabindusthanetrāntaraśobhamānam |
bhavantamantaḥkṛtaviśvarūpamadvaitadṛṣṭiṃ śiva saṃśrito'smi ||
yattatparaṃ dhāma yadanyadhāmavidhvaṃsanādhāyi---------|

ityādi | etadeva saṃvādayati uktaṃ ca iti sadasatī sṛṣṭisaṃhārarūpe

(page 351)

prāṇāpānadinarātrijanmamṛtyurāgadveṣādirūpe parasparāvyabhicā-
riṇī yadā dvandvarūpatāsaṅghaṭṭayogena madhyaṃ praviśatastadā 
prāṇārkāpānacandrayorbhoktabhogyabhāvena 
anyonyasaṅgharṣātmakamelanāt jhagiti udgata urdhvavāhī yo hutāśanaḥ 
sarvasya arpitasya idantāpadapatitasya bhogyagramasya grasitā, yadāgamaḥ

     śucirnāmāgnirudbhūtaḥ saṅgharṣāt somasūryayoḥ |
     madhyanāḍīmadhyasaṃsthabindusūtrarucitrayā ?||

iti, etadudānasya paramaṃ pradhānaṃ rūpaṃ brāhmaṇā brahmāṇi 
vyānamaye vakṣyamāṇe viśrāntibhājo vidustadārohe 
tadudānabhūmikāyāḥ sopānakalpatvāt | ata eva 
māyāmaladāhaprādhānyena advaitapradhānatāyāṃ 
viśeṣavaiṣṇavādyāgameṣu viṣṇuviriñcāderapi

     vīreśvaratodaye bhinnaprameyaprasaraḥ |

iti uktapūrvarūpaparākriyayā tṛtīyanayanasya darśitameva unmīlanamiti 
alam | asyāṃ daśāyāṃ vijñānākalā vyavasthitāḥ,-iti sambandhaḥ | te 
ca pūrvameva uktāḥ | nanu iyaṃ nirmalā daśā, tasyāṃ te 
kathamityāśaṅkya āha yato'tra daśāyāṃ śuddhirasti maladvayasya 
mūlata eva abhāvāt, āṇavamalasya api anātmani puryaṣṭakādau jaḍe 
ātmabhāvābhimānaḥ,-ityevaṃbhūtasya nivṛtterbodha eva 
ātmatvābhimānāt; natu aśuddhirūpo viparyayaḥ, vijñānākalānāṃ ca 
etadrūpamityato hetorasyāṃ daśāyāṃ te'vasthitāḥ | nanu evamāgame 
teṣāṃ bahuśākhaḥ suṣuptāvasthāyogaḥ | yaduktam

akalau dau parijñeyau samyak svapnasuṣuptayoḥ | (mā. vi. 2|28)

iti,

     trayodaśātmake bhede svarūpamakalāvubhau |
     pralayākalabhede'pi svaṃ vijñānākalābubhau | (mā. vi. 2|30)

(page 352)

iti, tat virudhyate | netyāha teṣāṃ ca iti | ihatu saṃsārāduttitīrṣataḥ sā 
eva upādeyā prathamā avasthā yā bhagavatsvarūpāpekṣayā heyatamā 
adhamasya prathamaṃ prabubhūṣata iva 
āpatitasenāpatitvaparitrāṇaprakārasadṛśī daśeti, tatasturyatvena 
gaṇanamiti āśayaḥ | mantreśvarā apica iti mantreśaśabdo vyākhyāyate 
| asyāmeva iti turyāyām | yadyapica iti tataśca pūrṇarūpalābhāt 
turyātītatā yukteti yāvat | mantraśabdāt pṛthageva īśaśabda ityevaṃ 
vyācaṣṭe yadivā iti | anunmīlitavimarśāḥ ityetat mantreṣu 
dṛṣṭāntābhiprāyeṇa punaranūditam | tatraiva iti turyadaśāyām | tathā 
īśvaro'pi turye'vasthānaṃ yasya turyāvastha eveti sambandhaḥ | nanu 
bahavasta uktāḥ | āha tadā na jānāti iti | īśvaraścāsau iti atra 
ekatvaṃ nirvivādamitibhāvaḥ | karmadhārayaṃ 
jātivyaktyorekatābhiprāyeṇa samarthayate tasyāśca ityādinā | nanu atra 
vyākhyāne mantreśvarāḥ kena saṅgṛhītāḥ | mantrapadena 
tajjātīyatvādīśapadena samānavācyatākṛtena tantranyāyeneti darśayati 
athavā iti | tāstāḥ iti | savedyāpavedyādirūpatayā malatānavaṃ yathā 
prakṛṣyamāṇaṃ vividhabhūmikodbhāvanaṃ karoti, tathā kartṛtā api 
krameṇa prakṛṣyamāṇetyarthaḥ | īśvaraśaktyāveśāt iti 
ahamitipramātṛśaktyāveśāt, pramātṛviśeṣarūpatā samalā nirmalā 
kartṛtātiśayavatī ca tasyaiva yukteti yāvat | vyāno'pi iti vyāno 
viśvātmakaḥ paraḥ | ityatra | vivṛtam iti vṛttau | pūrvam iti 
sūtravṛttibhyām | vyāna iti vyācaṣṭe turyātītapade tu iti 
pravahaṇavyāpārāsaṃsparśanahetuḥ, deśakālabhedāpekṣaṃ gamanaṃ 
pravahaṇaṃ, deśakālāvapica atra ahantaikamātrasārajātau; natu kathañcit

(page 353)

bhinnāviti | viśvātmakaḥ ityanena śabdena kvacidīśvara uktaḥ, ihatu śiva 
eveti darśayati yadyapica iti | prathamavyākhyāne mantreśapadamekamiti 
cetasi nidhāya āha athavā iti | prathama iti ayaṃ hi pūrṇatāyāḥ 
prārambho vijñānākala iva nirmalatāyāḥ | pralayākale 
māyākhyamalābhāve'pi na nirmalatā kārmamalayogena tadabhāvasya 
anātyantikatvāt | asya iti īśvarasya vedyarūpatāparityāgena iti | 
krameṇa saṃvedanaṃ vedyākāratāmavabhāsapradhānyena 
svīkurvāṇaṃ tadākārasaukṣmyāt bindvardhendubhūmī pratipadya 
taddhvaṃsatamorūpatayā nirodhitvādavabhāsabhāge nyakkṛte 
vimarśabhāgasvīkāre śabdanabhāgaviśrāntyā 
prāṇapathāvalambikramasaukṣmyāt nādanādāntarūpatāmārohati, 
tato'pi pravāhātmakavāyurūpatāprakṣaye saṅkocatyāgatāratamyena 
śaktivyāpinīsamanaskonmanaskabhāvaṃ pratipadyate, parataḥ 
śuddhasvabhāvonmīlane śuddhātmatayā paramaśivatāmiti | āstāmetat | 
tadeva āha prāṇaśaktiḥ ityādi parameśvarādhiṣṭhitā 
parameśvaronmeṣamātrarūpā cetyarthaḥ | kalpaśabdena iti vṛttigatena | 
kalpaśabdaḥ svabhāvavācī | tathāhi parameśvaraniḥśvasitarūpaḥ 
samasto'yaṃ prameyapramātṛvargaḥ | tatra uktaṃ

     bhūtatattvābhidhānānāṃ yo'dhiṣṭheyaḥ sa ucyate |
     piṇḍastha iti taṃ prāhuḥ padasthamaparaṃ viduḥ ||
     mantrāstatpatayaḥ seśā rūpasthamiti kīrtyate |
     rūpātītā parā śaktiḥ savyāpārāpyanāmayā ||
     niṣprapañco nirābhāsaḥ śuddhaḥ svātmanyavasthitaḥ |
     sarvātītaḥ śivo jñeyo yaṃ viditvā vimucyate || (mā. vi. 2|42)

(page 354)

iti | evaṃ parameśvarābhiprāyeṇa vyākhyāya asmadādyabhiprāyeṇa 
vyācaṣṭe yogināṃ tu iti | tadapekṣayā iti prāṇādigrāhakāpekṣayā, 
yuktirābhāsasaṃyojanaviyojanaprakārasahasrābhāsaparāmarśaḥ, tayā 
pratipāditāyāṃ asau iti āgamārthasāraḥ bahu vitatya iti vitatya vipulaṃ 
na vihita ityarthaḥ,-iti śivam || 20 ||

iti śrīmāheśvaraśrīmadācāryābhinavaguptapādaviracitāyāmīśvara-
pratyabhijñāvivṛtivimarśinyāmāgadhikāre pramātṛtattva-
vimarśo dvitīyaḥ || 2 ||

samāptaśca ayamāgamārthasaṃgrahādhikāraḥ || 3 ||




īśvarapratyabhijñāvivṛtivimarśinī |

mahāmāheśvaraśrīmadācāryābhinavaguptapādaviracitā |

tattvasaṅgrahādhikāraḥ |

atha prathamo vimarśaḥ |

baindavamamṛtarasamayaṃ vedyaṃ yo'nuttare nije dhāmni |
pūrṇībhāvayatitamāmamṛteśaṃ taṃ namasyāmi ||
     
evaṃ svaprakāśamātmatattvaṃ jñānakriyātmakaśaktyaprati-
ghātāt maheśvararūpaṃ vitatya yuktyāgamopabṛṃhitamadhikāratrayeṇa 
uktaṃ, tadeva saṅkṣepeṇa svabhyastajñānatvajñānitvayogitvasiddhaye 
bhāvanādyupayogitayā śiṣyadhiyi niveśayituṃ tattvārthasaṅgrahaṃ 
ślokaiḥ pañcadaśabhirdarśayati

     svātmaiva sarvajantūnām---------------------------|

ityādibhiḥ

     --------------------------------------jānāti ca karoti ca |

ityantaiḥ | tatra ślokena pāramārthikaṃ svarūpamuktam, tataḥ 
pramātṛprameyatattvadarśanadiśā navabhirbandhatattvaṃ, pañcabhiḥ 
pratyabhijñātmakaṃ mokṣatattvamiti vimarśasya tātparyam | atha 
granthārtho nirūpyate

     svātmaiva sarvajantūnāmeka eva maheśvara |
     viśvarūpo'hamidamityakhaṇḍāmarśabṛṃhitaḥ || 1 ||

     tatra sūtramavatārayati idānīm ityādinā vitatābhidhānānantaram 
|

(page 356)

tena anunmīlitavaitatyā eva upodghātena anugṛhītāḥ, unmīlitavaitatyāstu 
punaḥ saṃkṣiptatattvārthābhilāṣiṇo'tyantavaitatyabhīravo'pi 
madhyamavaitatyābhilāṣiṇo'neneti apaunaruktyamiti darśayati | yat muniḥ

     iṣṭaṃ tu viduṣāṃ loke samāsavyāsadhāraṇam |

iti | jantupade bharaṃ darśayati iha ityādinā | tena iyadaviśeṣeṇa 
upadiśyate puruṣa evedaṃ sarvam | ityādi | tato'sya upadeśasya 
mahāviśeṣa uktaḥ | ata eva śrīparameṣṭhipādaiḥ śrīśivadṛṣṭau 
sarvabhāvāḥ śivaḥ, sarvabhāvānāmātmā śivaḥ iti na 
śivadṛṣṭiruktā, apitu teṣu svayamasphurattādharmasu ya eṣa 
sphurannātmā, sa śivaḥ iti | etacca ādāveva abhihītam | apitu iti 
svātmaiva sannīśvaraḥ, natu rājavat pṛthak vartamānaḥ sannīśvaraḥ | 
īśvaraḥ kīdṛk sannīśvara iti praśne evamuktaḥ, īśvaraḥ kena jñāteyena 
jantūnāṃ saṃbandhī, yena teṣāmīśvara iti praśne vā | svātmaiva asau 
teṣāṃ bhavati, natu te kecidanye iti | tadāha yadivā iti | pūrvoktaḥ iti 
viśvaśarīraḥ | kaḥ iti jantūnāṃ kena saṃbandhena asau saṃbaddha iti 
yāvat | tattvajñānaṃ hi jñeyaniṣṭhaṃ, jñeyaṃ ca viśvamiti tatpṛṣṭhe 
tattvopadeśāvakāśa ityāśayena āha kasya avasthāsvarūpam iti | 
tadanantaraṃ hi iti turyarūpatvādavarūḍhaṃ hi 
saṃvittattvamavyavahitameva viśvabhedaṃ svīkaroti, 
turyātītatvāvarūḍhaṃ madhye turyadaśāṃ śrayat viśvabhedaṃ 
svīkuryāditi | tayā asya viśvavṛttānto vyavahitaḥ | nanu evaṃ turyātīto 
viśvavṛttānte sarvathaiva na varṇyaḥ | na varṇyo'sau, tayā tu vyavahito 
varṇya ityāha tasyā api iti | athavā iti asyāṃ vyākhyāyāṃ

(page 357)

turyātītamapi tadīyāṃ prathamabhūmiṃ turyāntyabhūmikāṃ spṛśatā 
spaṣṭaṃ spṛṣṭameva | yadāha ādibhūmikāyām iti prathamopādeyatā 
tataḥ prabhṛti malavigalanārambhāt | akhaṇḍitagrāhaka ityādikaṃ 
vṛttigataṃ mahāpadaṃ vyācaṣṭe yattat iti | anena grāhakapadaṃ 
vyākhyātam, akhaṇḍitapadaṃ vyācaṣṭe yatra ityādinā akhaṇḍita 
ityantena | tathā ityādinā grāhyapadaṃ vyācaṣṭe, tatra ityādinā 
tadviśeṣaṇam akhaṇḍita iti, tayoḥ ityādinā melanāpadam | tayoriti 
grāhakagrāhyayoḥ | paraspara iti | akhaṇḍitapadena grāhakasya 
grāhakāntarāt, grāhyasya grāhyāntarāt na viccheda iti darśitam, amunā 
tu parasparato'pīti | upabṛṃhitapadaṃ vivṛṇoti nirākāṅkṣa ityantena | 
sarvamarthaṃ saṃkṣipati antaḥkṛta iti || 1 ||

     nanu evaṃ kasya ko bandho yadavamocanāya ayaṃ yatna 
ityāśaṅkya āha sūtraṃ

     tatra svasṛṣṭedaṃbhāge buddhyādigrāhakātmanā |
     ahaṅkāraparāmarśapadaṃ nītamanena tat || 2 ||

     evaṃ svātmani maheśvare sthite tatraiva svātmadarpaṇe tenaiva 
svātantryāt yaḥ sṛṣṭaḥ saṃkocapuraḥsaramidaṃbhāgaḥ, tanmadhye yat 
buddhiprāṇadehādirūpamidantayā vedyaṃ tadbhinnasya vedyasya 
grāhakatvasamucitaṃ yato'sya idantābhibhavāsamarthena 
grāhakasvabhāvabhūtena apūrṇena kṛtakena ahambhāvena parāmarśo 
bhāti | sa tathābhūto'haṃ sukhītyādi grāhakaḥ sṛṣṭaḥ, saca 
baddhastasya mokṣa iti sūtrārthaḥ | avatāraṇamāha idānīm ityādinā | 
tadabhede iti tasya ātmana aikye'pi tasmācca ātmano 
grāhakagrāhyarāśeravyatireke'pi | upapattau hetuḥ māyā śakte 
sāmarthyāt iti | prakramate iti ślokanavakasya

(page 358)

iyat tātparyamiti āśayaḥ | tatra iti vaiyadhikaraṇyena vivṛtya 
sāmānādhikaraṇyena vivṛṇoti tasminvā iti vaiyadhikaraṇyaṃ ca 
ubhayathā sūtravyākhyānāvasare yojitameva | yadvartate iti 
tanmadhyagatamevetyarthaḥ | tenaiva iti īśvareṇa | prathitam iti ṇici 
prakaṭīkṛtamityarthaḥ | idantayāpi iti sphuṭena vedyatveneti yāvat | 
uktameva iti saṃsaraṇaṃ kasya bhavatītyasyāṃ pramātṛcintāyām | 
tattvārtha iti paramārthopadeśaprakrama ityartha iti vaktuṃ pūrvaṃ 
nirdeśaścitsvarūpasyeti saṃbandhaḥ | tatraiva iti citsvarūpe | yat 
spandaśāstraṃ

     --------------tat prayatnena parīkṣyaṃ tattvam---------| (1|7)

iti | tena upodghāte

     tathāhi jaḍabhūtānām---------------------------| (1|1|4)

iti jaḍopakramaṃ yadabhidhānaṃ, tadatimūḍhān prati; idaṃ tu 
prabuddhān pratīti viśeṣo'tra darśitaḥ | na kevalaṃ

     svātmaiva sarvajantūnām-------------------------| (4|1|1)

ityanena pūrvamasya nirdeśaḥ, yāvat sūtrāntare'pi etadeva 
anusṛtamityāha tathāhi iti | svagrahaṇena pūrṇacitsvarūpameva 
parameśvarātmakaṃ nirdiṣṭam | udbhāvya iti

     evamanyonyabhinnānām---------------------------| (1|3|6)

ityādinā | anena hi iti pūrvoktena sūtradvayena | tadapivā iti jñānam | 
kartṛ neti pūrveṇa saṃbandhaḥ | tirodhatte ca iti ātmānamāvṛṇute 
nidrādyavasthāsu-iti yāvat | kartṛsthabhāvakatvāt yagabhāvaḥ | ātmane-
padaṃ tu ñittvādeva | tamaḥ ityanena tirodhatte iti vyākhyātam || 2 ||

     nanu evamapi astu, tathāpi na īśvarāt vyatirikto'sti

(page 359)

yasya bandho bhavet; buddhyādeśca ahambhāvo nijameva vapuḥ 
prakāśaparāmarśaparamārthatvāt, tat so'pi na asya bandhamāpādayati | 
yadavataraṇavivṛtiḥ vedyaikadeśe'pi ityādiḥ, anena hi 
ahambhāvābhiṣiktasya api buddhyāderna bandharūpatvaṃ samarthitameva 
bhavediti uktam | tasmāt bandha upapādanīya ityāha

     sa svarūpāparijñānamayo'nekaḥ pumān mataḥ |
     tatra sṛṣṭau kriyānandau bhogo duḥkhasukhātmakaḥ || 3 ||

     satyaṃ, na kasyacit kaścana bandho nāma; vastutaścitsvabhāvaḥ 
svatantra eva ekaḥ śiva iti, kintu tasyaiva anuttarāt svātantryāt yadā saṅku-
citā saṃvidavabhāti, tadā svasya pūrṇasya rūpasya yadaparijñānaṃ 
sarvasyaiva pūrṇānandautsukyena heyābhāsastatsvabhāvastannibandhanas-
tenaiva otaproto'khyātiparamārthaḥ prāṇaśūnyadehādisaṅkocavaicitrya-
carcitastata eva anekaḥ pumānabhimato loke sāṅkhyādiśāstre ca | saca 
bhoktā baddhaḥ, bhogaśca nāma-tatra tasminnanekatra puṃsi yau sṛṣṭau 
kalpitau kriyānandau kriyājñānaśaktī vimarśaprakāśamayyau, te eva 
krameṇa sukhaṃ duḥkhaṃ ca; madhye tu viśramātmakaṃ tamo 
māyāmayamiti sa eva bhogaḥ | āśaṅkāparihāraparatvena 
sūtramavatārayati | vedyaikadeśe'pi ityādinā api ityantena āśaṅkā 
sūcitā, śeṣeṇa tatparihāraḥ | puṃstvam ityasya sautrasya pumān iti 
padānusāriṇo vyākhyānam aṇutvam iti baddhatvamiti yāvat | 
anyonyabhedaḥ iti anekapadaṃ sautraṃ spṛśet, tasya bhogaḥ iti caramaṃ 
sūtrārdham | etat iti buddhyādirūpam | aparijñānaṃ ca tathā iti 
parimitatvādapi anyonyarūpam | tena yasya yat prasiddhaṃ tena tasya 
prasiddhaṃ vyākhyeyaṃ lakṣaṇasya sarvatra evaṃrūpatvāditi āśayaḥ | 
āṇavam iti

(page 360)

aṇutvotthāpanāt | etat iti parasvarūpāparijñānam | ata eva iti 
parimitatvamaparijñānameva, tatastatpratipakṣe'pi dvitīyapratipakṣa eveti | 
yadvā iti sukhī ahaṃ, duḥkhī ahaṃ dhanena vidyayā 
saṃbhogenetyādivṛttayaḥ, tāsu tu punarapi 
ekāhambhāvānusandhānādanekatve'navakḷptirvāśabdena dyotitā | 
anena iti vṛttigranthena | khaṇḍaśabdena 
atidīrghagonāsaśarīragatābhinnajīvatve khaṇḍīkaraṇe 
khaṇḍakhaṇḍānāṃ pṛthagjīvatvaṃ punarekībhāvāpattāvekajīvateti 
dhvanatā aṇutvamaparāparaśabdena ca parimitatvaṃ darśitam | 
anekatvāparijñāne tu svaśabdenaiva ukte | tirodhatte iti akhyātiṃ 
darśayati | atraiva upapattiṃ smārayati viparyāse hi iti | pūrvaṃ yaduktaṃ, 
tadeva saṃkṣipya punarāha yāvaddhi iti | asatkhyātimapāsya akhyātiṃ 
ghaṭayati kevalam iti | teṣām iti pramātrantarāṇām | taiḥ iti 
pramātrantaraiḥ | tacca iti pramātrantarāṇāṃ tathāpratīterabhāva iti 
vākyārtharūpam | nanu vyavahāreṇa kiṃ prayojanaṃ yena uktaṃ 
vyavajihīrṣuṇā avaśyajñātavyam iti | atra āha vyavahārapathe iti | 
ihāpi iti puṃsvarūpavicāre | sa ca iti āśrayaḥ | pūrṇena ahambhāvena 
apratyabhijñātamiti sa ca asaḥ | anyathā iti 
viśvapūrṇāhambhāvapratyabhijñāne | ādyamardhaślokaṃ vyākṛtya 
dvitīyaṃ vyākurute ye ca ityādinā | nirmitau iti pumān striyā (pā. sū. 
1|2|67) iti ekaśeṣaḥ | pratipādayiṣyate iti

     sattānandaḥ kriyā patyuḥ---------------------------| (4|1|6)

ityatra | nirmitam iti etacca sūtre ahaṅkāra iti karotinā uktam | tatra 
ityamuṃ bhāgaṃ vyācaṣṭe grāhakākāragataśabdena | tasyaiva 
vyavacchedyaṃ darśayati parakīya ityādi | yoginaḥ iti

(page 361)

yasya tadbhedane'pi saṃsārivat grāhakākāragatasukhaduḥkhāntarayogena 
api bhogaḥ saṃbhāvya ityevaṃparaṃ yogipadaṃ, natu ayogināmapi 
parasukhādisaṃvideva bhoga ityevaṃparam | buddhau ca iti grāhakatvena 
abhimanyamānāyāmitibhāvaḥ | buddhistāvat bhinnāvabhāsā 
grāhakīkṛtā api parimitā, tanniṣṭhe api ānandakriye avaśyaṃ tathābhūte 
eva bhinnāvabhāsaviṣayatvena vā bhinnāvabhāse | tadā iti tataḥ 
parimitatvādityarthaḥ || 3 ||

     sṛṣṭau ityasya saṃgrāhyavyavacchedyavibhāgadarśanāya sūtraṃ

     svāṅgarūpeṣu bhāveṣu patyurjñānaṃ kriyā ca yā |
     māyātṛtīye te eva paśoḥ sattvaṃ rajastamaḥ || 4 ||
     
svarūpāvyatirekiṇi viśvatra bhagavataḥ prakāśavimarśau jñānakriyā-
śaktī, kriyāśaktereva vijṛmbhātmikā sadāśiveśapade ācchādanīye-
dantonmeṣadāyinī māyāśaktiḥ | tā etā naisargikyo bhagavato dṛṣṭāḥ | 
svarūpāparijñāne tu bhāveṣu jñānaṃ kriyā śuddhameva bhinnatvaṃ 
prakāśavimarśānanugṛhītamiti paśvapekṣayā prakāśaḥ prakāśāpra-
kāśatvamaprakāśa iti prakāśakriyāniyamanātmakāni sattvādīni | 
tanmayatvam iti sukhādimayatvam | māyāśaktyā ca iti | anena idamāha-
bhagavati viśuddhacidātmani kriyāśaktireva svātantryātmikā 
vimarśamayī, natu māyātvaṃ tatra kiñcit; nirmātavyabhedāpekṣayā tu 
taditi paśurūpatānulagnaiva māyā | tata eva jñānakriyāmāyānāṃ 
sūtre samakakṣyatayā na upādānamiti | acirāt iti sattānandasūtre (4|1|6) | 
ata eva prakramate ityavatāraṇikāyāmuktamihaiva na tanmayatvaṃ 
sphuṭīkaroti || 4 ||

     nanu īśvarasya iva jñānādayaḥ paśorapi sattvādaya āgameṣu 
śaktaya eva kiṃ na uktā ityāśaṅkāyāṃ sūtraṃ

     bhedashiteḥ śaktimataḥ śaktitvaṃ nāpadiśyate |
     eṣāṃ guṇānāṃ karaṇakāryatvapariṇāminām || 5 ||

(page 362)

bhedavyavahāro'yaṃ vicāryate | tatra ca saṅkucitacinmātrasvabhāvaḥ 
puruṣaḥ, na asya naisargikaṃ bhāvaviṣayaṃ prakāśādirūpaṃ sarvadā 
tatprasaṅgāt | tato'nyasaṃbandhakṛtaṃ tat | tataśca tasmāt śaktimattvena 
śaṅkyamānāt paśorbhedena sthitāni yataḥ sattvādīni, tato na 
śaktivyapadeśyāni | puruṣaśca bhoktṛrūpāt svasmāt tāni yato bhedena 
manyate, tatastadabhimānamahinnā paramabhokturapi śaktimato bhinnānīti 
vastuto'sya dharāntāḥ śaktirūpā api na tathā | nanu puruṣāt kimiti 
bhedena sthitāni iṣyante | ucyate iha karaṇakāryātmakaṃ yadica 
sukhādayaḥ puruṣāvyatirekeṇa syuḥ, tarhi puruṣa eva karaṇamayo, naca 
asau pariṇāmena tadvādasya dūṣitvāditi svātantryeṇa puruṣo viśvamaya 
iti | tathāca īśvara eva ayaṃ, na puruṣaḥ kaścit | tasmādapratyabhijñāna-
maye puruṣasvarūpe cintyamāne sattvādayaḥ pṛthivyantapariṇāmamayās-
tato bhinnā eveti pṛthageva teṣāmāgameṣu gaṇanā yukteti sūtrārthaḥ | 
tamavatārayati jñānakriyā ityādinā | na tathā iti śaktitvena | atra hetuḥ 
-bhedena yadavabhāsanaṃ paśvapekṣayā tadabhimānakṛtayā ca bhoktaḥ 
sarvasmāt sata eva eteṣāṃ bhede itinītyā parameśvarāpekṣayā api, tena 
saha śaktitvaṃ viruddham | śaktirhi na vastvantaramiti bhaṇitamasakṛt | 
bhoktāram iti paramaṃ paśuṃ ca | bhoktuṃ iti paramāt paśośca | paśoḥ 
kutra upayoga ityāśaṅkya āha tato'pica iti māyāśakterhetubhāvena 
abhimatāyāḥ | tadupapattaye iti pṛthakprathanasya upapattaye | yo māyayā 
upakalpitaḥ, sa pramātā taṃ sattvādikaṃ dharāntamahambhāvāviṣayaṃ 
manyate iti sambandhaḥ | nanu paśorastu asya bhedaḥ, paramabhoktustu 
katham | āha bhoktṛtvena kiyatā api iti | tataśca evamasya abhimāno-yo 
bhoktā,

(page 363)

tataḥ sukhādirūpaṃ sattvādi bhinnameveti | atha ayamabhimāno na 
ādriyate, tarhi na kecana sukhādayo, sattvādayo, ghaṭādi vā; apitu 
jñānādiśaktaya eva | tadāha śaktistu iti | tena sattvādirūpataiva 
udbhavantī śaktitvanyakkriyayā udbhavatīti āśayaḥ | tathābhāvasya 
jñātṛtvakartṛtvarūpasya prasaṅgaḥ śaktereva anumīyate iti anyathā 
anupapannatvādanuvādasya | anvarthaḥ iti guṇaḥ śeṣa 
upakaraṇamityarthaḥ | teṣām iti mate iti śeṣaḥ | āgame iti 
śrīmaṅgalāśāstre || 5 ||

     jñānaśaktyādīnāṃ paśuṃ prati 
sattvādiguṇarūpatvamupapādyate

     sattānandaḥ kriyā patyustadabhāvo'pi sā paśoḥ |
     dvayātmā tadrajo duḥkhaṃ śleṣisattvatamomayam || 6 ||

     patyurviśvaprabhoḥ sattā sphurattā bhavane kartṛtaiva śuddhavimar-
śarūpā kriyāśaktiḥ, anyāpekṣāvaikalyācca viśrāntirūpatvena 
ānandaśaktiriti | tadiyaṃ cidrūpataiva iyatī | paśostu sattā ānandaḥ, 
tadabhāvo dvayātmā ca | tatra ādyo yaḥ sattānandabhāgaḥ seti sattā 
sattvaṃ prakāśasukhātmakamiti yāvat | yastadabhāvaḥ prakāśānanda-
yorabhāvaḥ, sa sattvasya abhāvastamaḥ āvaraṇarūpam | dvayasya ātmā 
vyāmiśrasvabhāvaścitrapataṅgagatanīlānīlanyāyena ekaparāmarśa-
balāt vartamānaḥ, ata eva śliṣṭe parasparamiśre sattvatamasī prakṛte 
rūpaṃ yasya, tat prakāśāprakāśarūpaṃ duḥkhātmakaṃ rajaḥ | 
ekaghanatve hi prakāśāprakāśayoḥ sukhamohamātratā putrasya tu 
vyādhitasya prakāśaḥ kalyāṇasya aprakāśa iti, etat duḥkham | iyamevaca 
paurvāparyeṇa cañcalarūpā kriyā, anubhayarūpaṃ tu nāsti yathā 
nīlaṃ vastu dhiyi nīlānīlaṃ tadubhayānusandhānadhiyi sphuret caturthaṃ 
na kalpitāyāṃ na akalpitāyāṃ dhiyi bhātumarhati | anīlanīle

(page 364)

eva hi tadā bhavetāmiti traya eva guṇā iti | apiścārthe | sattā iti āvartate | 
enaṃ sūtrārthamavatārayati sattvādīnām ityādinā | paramārtha 
ityādinā sthitameva ityantena saṃvidrūpataiva iyatī iti

     sā sphurattā---------------------------| (1|5|14)

ityādi yaduktaṃ, tadeva smārayati | pratiyoginā iti abhāvena, tamapi hi sā 
vyāpnoti tasya api prakāśavimarśajīvitatvāditi hi uktam | 
abhāvapratiyoginī iti, paśostu svātmābhāvapratiyoginīti | atra hetuḥ 
pārimityaṃ, tatra api grāhyatāpādanam | uparañjanāt itinirvacanaṃ 
vyācaṣṭe anyonya-ityādinā | nanu caturtho'pi guṇo'nubhayarūpaḥ 
kasmāt na ukta iti | āha anubhayarūpatvaṃ tu iti | na kathañcit pratī, 
tiryasya, tadapratītirūpam | evaṃ hi tat kiñcit syāt yadi nīlamanīlaṃ ca 
muktvā ubhayaṃ nāma bhavet; tadā api ubhayamakalpitaṃtadabhāvaśca 
anubhayaṃ kalpanābuddhyā viṣayīkriyate | naca ubhayaṃ te muktvā 
saṃbhavi | citrapataṅge rūpaṃ nīlamiti ca parāmṛśyamanīlaṃ 
cetyevamubhayaṃ, natu tattyāgena ubhayatā tṛtīyā kācit | tadāha tṛtīyā 
ityādi | etadeva parighaṭayati tathāhi iti | anīlaṃ ca ityādinā 
avabhāsasāratvena abhāvasya vastutvaṃ pratipādayati | evaṃca iti vastutve 
virodhaṃ darśayati | yat iti ubhayaṃ nāma | nīlādanīlācca rāśyantaraṃ 
na kiñcidityeva draḍhayati tathāca iti | nanu evaṃ tṛtīyo guṇaḥ katham | 
anusandhibalāt ityāha | tathāpi iti apratītirūpam iti yaduktaṃ, tat 
spaṣṭayati yatpunaḥ iti | taddhi iti yathā asmābhistṛtīyo guṇa iṣṭastata eva 
uktaṃ dvayātmā

(page 365)

iti, dvayaṃ ca iti, tadātmā ca  iti, dvayasya vā ātmā iti, ubhayathāpi 
iti, nīlatayā ca eka pratītau iti anusandhirūpāyām | evaṃ tṛtīyamupa-
pādya etadvyatiriktaṃ caturthaṃ na kiñcidastītyetadupasaṃharati yatpunaḥ 
iti | tat iti nīlam, atat iti anīlam, vastu pratītau iti na kiñcit iti śabdamātra-
meveti yāvat | tṛtīyasya tu apratītirūpatvaṃ nāstīti darśayati kriyā tu iti | 
atraiva upapattimāha nahi iti | tadā iti kriyāpratibhāse | nanu kriyā cet 
duḥkhaṃ, bhagavati sā aṅgīkṛteti sa duḥkhī syāt | netyāha pūrvam iti

     sa svarūpāparijñānamayaḥ-----------------| (4|1|3)

ityatra sāmānyena nirdiṣṭasya

     -------------------paśoḥ sattvam------------------| (4|1|4)

ityādau

     -------------------------tadabhāvo'pi sā paśoḥ | (4|1|6)

ityādau ca yat viśeṣaṇamupāttaṃ paśupadaṃ, tannimittako'yamartho 
labhyate-kriyāyā yat rajoduḥkharūpatvamayaṃ māyīyaḥ prakāra iti | 
tataśca idaṃ jātamityāha māyāparapāre iti | ataḥ iti cinmayyāḥ 
kriyāyāḥ | etadeva anyonyavailakṣaṇyaṃ śuddhe pade māyīye ca 
sphuṭayati tadviparītarūpā iti nanu iti ca | tato'kramāviparītā sakramā 
aṇutvamāṇavamala eva saṃskārānadhiko'pi adhika iva saṃvidi tatpade 
paśutve, na citpade tatra anābhāsātmano viparītasya kālanidānasya 
abhāvāt | atra hetuḥ tadā iti | nanu yadi tataścinmayyāḥ kriyāyā na 
jñānaṃ bhidyate, tarhi cidrūpāpekṣayā kathaṃ jñānakriye bhedena ukte

(page 366)

     svāṅgarūpeṣu---------patyuḥ---------------------| (4|1|4)

ityatra | etat pariharati raudrī ityādi | pārthivamaṇḍaṃ vicitrasṛṣṭipradhā-
naṃ brahmaṇā adhiṣṭhitaṃ, prākṛtaṃ tu sphuṭasaṃskāraśeṣatayā 
sthitipradhānaṃ viṣṇunā, māyāṇḍaṃ tu nīlasaṃskārarūpatonmeṣaka-
leti pratyayapradhānaṃ saṃhārapadamiti rudreṇa | tasya bhagavato yā 
kriyāśaktiḥ saṃharaṇarūpā avabhāsanapradhānāyā jñānaśakte-
ranyā, sā netyevaṃ pramātṛprameyāṇāṃ parasparavyavacchedātmaka-
śūnyatāpradhānā māyāśaktiriti ucyate | sā ca niṣedharūpā rudrā-
dhiṣṭhitā śaktiraparadaśāsamāsūtraṇarūpā sadāśiveśvaradaśāyā-
mapi asti | tatra hi ahamityamunā rūpeṇa ācchādanīya idaṃbhāvo'para-
svabhāvaḥ | sa tayā rudrasambandhinyā śaktyā samutthāpanīyaḥ | 
saṃharaṇarūpatayā ca śakteścidrūpatā ucitā tasyāṃ daśāyāṃ 
parabhāge'pi na na ucitā | sadāśiveśvaratā ca paramapadāt na bhidyate 
deśakālādibhedābhāvāditi tāvāneva śivanāthaḥ, tata eva rudreśvara-
sadāśivabhūmayaḥ parameśvarapadamayyaḥ iti tadadharavartināṃ 
viṣṇubrahmādīnāṃ kṣetrajñatvaṃ paśutvaṃ ca | yathā uktaṃ

     bhinnaprameyaprasare brahmaviṣṇū------------------| (3|2|1)

iti, tathā nareśvaravivekaḥ

     ------------------sāca daśā rudrādhidevatā |
     niṣedharūpāpyaiśāne pade'haṃ sarvamityapi ||

ityādi | tataśca rudrapade tāvadubhayaṃ prakāśāprakāśalakṣaṇaṃ 
melayantī jñānaśaktirbhedena vyavasthāpyate iti saṃbhāvyametat | 
tasyāṃ hi satyāmidantānirdeśyatā bhavati apararūpā tadabhinnā ca, 
ahamiti pūrṇā parāpi asti saṃvit, ata eva parāpararūpā 
kriyāśaktipradhānā

(page 367)

āgameṣu īśvarāvasthā uktā; sāca bhagavati na bhidyate tāvadrūpatvāt-
saṃvida iti pūrvaṃ patyurjñānakriye bhedena yat nirūpite, tat na ayuktamiti 
|| 6 ||

     evaṃ pramātṛtattvaṃ paśupatibhedena nirūpitam, bhogaśca sukhā-
dyātmā yathāyogaṃ nirūpitaḥ; idānīṃ prameyasya bhogyātmanas-
tattvaṃ vācyam | eka evaca ayaṃ bhoktṛbhogabhogyatattvārthavimarśa 
ekaghanatayaiva kartavyo vimarśavicchedo mā bhūditi prakaraṇamekameva 
idaṃ vyākhyātam | tatra patyau tāvat prameyasya itthaṃ vyavastheti 
nirūpayati

     ye'pyasāmayikedantāparāmarśabhuvaḥ prabhoḥ |
     te vimiśrā vibhinnāśca tathā citrāvabhāsinaḥ || 7 ||

iha ābhāsā eva tāvadarthāste ca parāmarśaikyena kadācit miśrīkriyante 
yatra svalakṣaṇatā miśratābhavana evatu kadācidanāmiśrā eva 
avamṛśyante yatra sāmānyalakṣaṇatā, ubhayātmāno'pi asāmayikena 
akṛtakena aṅgulyādinirdeśyaprakhyeṇa idambhāvena sahajabhedāvamar-
śanarūpeṇa prabhorapi īśvarasya api na kevalaṃ sadyojātabālādergocarī-
kāryāḥ, tena sāmānyaviśeṣaprakāreṇa citraṃ kṛtvā yugapadekāhantā-
viśrāntyā avabhāsanaśīlāḥ | īśvaradaśāyāṃ hi bhāvollāsanānta-
rīyakatayā saṃvitsaṅkocarūpaṃ niṣedhyānuparaktanañarthamātra-
rūpaṃ śūnyaṃ rudrādhiṣṭhātṛkaṃ saṃvitprakāśenaiva prakāśa-
mānamahantāniṣedharūpāmasāmayikīmidantāmullāsayati | etacca 
anantarameva nirṇītam | evaṃ patyau prameyavṛttāntaḥ, paramapatau tu 
bhagavati prameyakathaiva na astītyāśayaḥ sūtrasya | pūrvāparaṃ 
saṅgamayan prakaraṇāvatāraṇe sūtramavatārayati evam ityādinā | 
yadyapi iti bāladārakādeḥ | na kevalam iti | iyatā sūtre apiśabdaḥ 
prabhoḥ ityetadanantaratvena vyākhyeya iti darśitam |

(page 368)

nanu asāmayikedantāparāmṛśyatvaṃ bāle'pi na pratītam, tat kathaṃ tat 
vṛttau dṛṣṭāntīkṛtam | pratītamiti darśayati tasya ityādinā anumānāt 
ityantena | etadeva ghaṭayati yadihi iti | sa tu iti bālaḥ | tasya iti bālasya | 
prāk iti sākṣātkārasūtre | evaṃ dṛṣṭāntaṃ sūtre'piśabdena sūcitaṃ 
vṛttau sphuṭīkṛtaṃ parighaṭayya dārṣṭāntike yojayati te ca iti aneka 
ityādipadena svalakṣaṇātmānaḥ, pṛthak ityādinā tu sāmānyalakṣaṇa-
rūpā nirdiṣṭā | nanu pratyābhāsaṃ pūrvaṃ pramitivyāpāraścarcitaḥ, 
tataśca sarvadaiva pṛthagābhāsā bhānti; natu miśratayetyāśaṅkya 
ekābhāso'pi kaścidantarnītastannāntarīyakābhāsavargo na nāsti 
vākyaparāmarśasamucita iti hṛdaye gṛhītvā āha tatra ca ghaṭa ityādi | 
tathā iti ghaṭa-ityekāvabhāsasya | naca anekābhāsatāmātrādeva 
svālakṣaṇyamityāha deśakālādi iti | ādigrahaṇena 
pramātrantaragrāhyatvādi deśādikāvabhāsāntarāsaṃbhede tu 
sāmānyarūpataiva, natu svalakṣaṇateti darśayati anekāvabhāsa 
ityādinā | puraḥ iti deśāvabhāsaḥ | avasthitaḥ iti 
vartamānakālābhāsaḥ | evaṃ svalakṣaṇāvabhāsaṃ miśraṃ vicārya 
sāmānyābhāsaṃ vicārayati puro'vasthitāvabhātam iti | apiśabdāt 
svātantryeṇa vikalpyamānatā yadyapi īśvarāpekṣayā na asti, tathāpi 
sākṣātkāro'pi īśvarasya upapannaḥ sāmānyābhāsastathā 
sākṣātkāryāṇāmīśvare bhāsanāditi dhvanati | ata eva īśvarasyāpi iti 
apiśabdaṃ paṭhiṣyati | nanu pṛthagdīpasūtre (2|3|7) aviruddhābhāsānāṃ 
melanamupapāditam | virodhāvirodhau ca niyatiśaktyapekṣayā 
paśupramātṝn prati, natu bhagavati ko'pi virodhāvirodhaniyamaḥ tataśca 
niyamābhāve viṣāṇitvābhāsasya pṛthubudhnodarākārābhāsena

(page 369)

api kiṃ na miśratā | tataśca asmaducitā ete kathaṃ bhagavati svalakṣaṇā-
bhāsa ityāśaṅkāṃ darśayan vyapohati tathā iti tena uktena prakāreṇa 
ābhāsānāṃ yat vaicitryavattvaṃ miśrīkaraṇātmakaṃ, tat yadyapi 
bhagavati na niyataṃ, tata eva īśvarāpekṣayā ghaṭo'pi viṣāṇī, 
maṇḍūko'pi jaṭābhārabhāsvaraḥ sākṣātkārarūpa eva avabhāti; 
tathāpi sṛṣṭyā ye'nugrahītavyā jantavastadapekṣayā niyatiśaktimahimnā 
viṣāṇitvasāsnādimattvaniyamo'pi na na prathate tena adhiprathā tatra astu, 
natu asmaducitaprathā tatra na astīti | nanu te bhāvāḥ kiṃ pūrvasṛṣṭā eva 
kecana sthitāḥ | netyāha te ca iti | te na iti te naiveti yāvat | asmadādidṛśyā 
hi arthāstenaiva bhagavatā nirmīyante | prajāpatimātāpitṛkumbhakārā-
destu nirmātṛtābhimāno yaḥ, so'pi tasyaiva sṛṣṭiriti uktamasakṛt || 7 ||

     evaṃ sadāśiveśatāyāṃ prameyavṛttānto nirūpitaḥ, 
paramaśivasya tu iyadeva prameyayogitvaṃ, na pṛthak kiñciditi | ataḥ paraṃ 
paśuṃ prati prameyavṛttāntaḥ ślokatrayeṇa ucyate | tatra prathamena 
pīṭhabandhaṃ karoti

     te tu bhinnāvabhāsārthāḥ prakalpyāḥ pratyagātmanaḥ |
     tattadvibhinnasaṃjñābhiḥ smṛtyutprekṣādigocare || 8 ||

     turīśvaraprameyāt viśeṣadyotakaḥ | īśvarasya hi śuddhavimarśa-
viṣayāḥ sarve arthāḥ, natu vikalpyāḥ paśoriveti te viśeṣasāmānyarūpa-
tvena dharmidharmatayā bhinnāvabhāsāḥ; tathā pratiprāṇi pratyavasthaṃ 
ca svavāsanānusāreṇa svayamavasthāpitābhiḥ priyo'yaṃ, 
śatrurayamityevaṃprāyābhirvibhinnābhiḥ saṃjñābhirbhinnāvabhāsāḥ 
prakalpyā vikalpanīyāḥ | tata eva sambandhātmakavidyonmeṣe'pi 
māyāvijṛmbhitapradhānāpohanasāratayā

(page 370)

hānādānādiviṣayīkāryatvena arthā bhavanti nīlamidaṃ, gauro'haṃ, 
sukhyahamiti sarvathaiva avabhāsasya viśrāntidhāmatvāt | kasya kva | āha 
pratyagātmanaḥ pratipuruṣamavyāmiśrasvasaṃvedanāvagamarūpatvena 
asaṃkīrṇadehādisaṃkucitāhaṃprakāśātmanaḥ 
kṛśo'hamityāditattadvibhinnasaṃjñābhirupalakṣitasya 
smṛtāvutprekṣaṇe saṃkalpane anyatra ca vikalpe viṣayatvena | 
etadvikalpapradhāna evaca sadā paśuriti sūtrārthaḥ | taṃ saṃkṣipya āha 
evamiti na kevalaṃ paśūnāṃ bhāvābhāsaḥ, yāvadīśvarasya api sa tu 
evam iti avikalpyatayeti viśeṣaḥ | yadvā īśvaraśabdena paramaśivaḥ, tasya 
api bhāvābhāsa evamiti īśvaratādvāreṇa | evakāreṇa torartho 
vyākhyātaḥ | upakramate iti tṛtīye tu śloke nirvāhayiṣyatītyarthaḥ | 
tuśabdārthaṃ vyākhyātuṃ pūrvapūrvapramātṛtattvāviyogaṃ ca 
uttarottarapramātṛbhūmiṣu darśayituṃ pūrvoktamanuvadati evam 
ityādinā avasthāpitāḥ ityantena | sāmānyātmānaḥ iti 
svalakṣaṇarūpā api śabdagocarīkāryatvena sāmānyātmakā eveti 
prāgeva uktamasakṛt | te vicitrasaṃjñāprapañcena 
vyavahārapathamupanīyante iti sambandhaḥ | svayamapi 
anekasaṃjñāspadaiḥ ityanena tattat ityādi sautramubhayaviṣayatvena 
yojayati | anantaram iti

     tasyāsādhāraṇī---------------------------| (4|1|9)

ityatra | iyatā tribhiḥ ślokairvākyaikavākyatayā prastutavastu 
nirvāhyamityāha tattadvibhinna ityādinā sautraṃ vṛttāvapi ubhayathā 
yojitamiti darśayati pramātṝṇāmapi iti | etadeva upapādayati māyīya 
ityādinā | prameyabhede hi sati māyāpramātṛsthitiḥ, tasyāṃ ca satyāṃ 
prameyabheda iti yugalakasṛṣṭirevaṃ bhagavataḥ

(page 371)

saṃsārotthāpanam | etadeva vyatirekamukhena āha paramārthe'pi 
tadubhayam iti vedyavedakātmakamabhinnameva | uktaṃ ca etat mayā

     tanmayā dṛśyate dṛṣṭa---------------------------| (1|4|8)

itisūtre | nanu evaṃ paramārthapramātari cet sarvamabhinnaṃ, tarhi 
prāṇādyapekṣayā tāvat śarīramastu vedyam; prāṇādi tu kimapekṣayā 
vedyamucyate | atra āha śūnyapramātrapekṣayā tu iti | nanu 
śūnyamapi vedyameva, tattu kimapekṣayeti vācyam | ucyate śūnyasya api 
iti | vedakaḥ iti vikalpaka iti yāvat | arvāgdṛśāṃ hi na śūnyaṃ 
sākṣātkārabhūmiriti sphuṭabhāvena, apitu 
samastaśabdādivedyavinirmuktaṃ netinetibrahmavādidṛṣṭyā 
yadupakalpitaṃ tat vikalpavijñāne yuktyāgamādiprabhave cakāsti | atha 
atra śūnyapramātari sākṣātkārātmakaṃ saṃvedanaṃ kiṃ na 
saṃbhavatyeva | saṃbhavati cetyāha yogiṣu iti 
prāṇabuddhyādisākṣātkārānantaraṃ bhāvanāprabhavena jñānena ye 
śūnyamapi viṣayīkartumudyatāste śūnyāntare tadvedyaśūnyāpekṣayā 
vitatabaddhapramātṛbhāvā bhavanti | tathāhi dehābhāvarūpaṃ śūnyaṃ 
dehātītabrahmarandhrordhvaśūnyapramātṛbhāvena viṣayīkriyate, 
mahāvidehadhāraṇāsamāpattau punastadūrdhvaṃ śūnyaṃ 
prāṇābhāvarūpaṃ dvādaśāntopalakṣitena śūnyena, tadapi 
paratareṇetyevaṃ tāratamyabhedena māyāpade anavasthaiva 
sṛjyamānaśūnyānāṃ paryantasya alābhāt | naca iyamanavasthā 
kāṃcana kṣatiṃ vidhatte | yadihi kalpito grāhako grāhakāntareṇa gṛhīta 
udriktāṃ vedyatāmeva vedakatāyāṃ prayojakīkurvāṇaḥ san vedyaṃ 
jānātīti upagamyeta, tadā anavasthāto vedyasyaiva jñaptirna bhavet 
yāvatā grāhakasya saṃvitsamāveśitāhambhāvasya svātantryaṃ, sa eva 
grāhakatāyāṃ prayojaka iti śuddhasaṃvideva paramārthataḥ sarvatra 
grāhikā

(page 372)

     yadyapyarthashitiḥ---------------------------| (a. pra. si. 20)

itinyāyāt | vedyatā tu tatra māyīyā, tatra grāhakāntarānavasthaiva na 
dūṣaṇaṃ vastutaḥ khaṇḍanāyogāt | tatpramātṛtāvasare ca 
saṃvidāviṣṭamapi tat śūnyaṃ 
bhinnabodharūpavidyeśvarādisarvajñapramātrantarāpekṣayā bhinnaṃ 
vedyaṃ ceti | tadāha naca iti anavasthā na doṣāvahā atreti yāvat | nanu atra 
mā bhūdanavasthāto doṣaḥ, īśvarapade tu yat tat śūnyaṃ yadapekṣayā 
ācchādanīyasya idambhāvasya ullāsaḥ, tat kena saṃvedyam | 
śūnyāntareṇeti cet, tadapi keneti anavasthā, avedyatve ca tat śūnyaṃ na 
idantayā prakāśeteti aprakāśarūpatvādasat syāt; tadasadbhāve ca ka 
idantonmeṣa iti doṣaḥ | bhavedeṣa doṣo yadi śūnyāntaraṃ vedyameva atra 
grāhakaṃ syāt, naca tathā | nāpi pūrṇaṃ cidrūpaṃ tadapekṣayā 
idantolāsātmakabhedaprathanāyogāt, apitu tatra pūrṇacidrūpe yat 
saṃkucitaṃ viśvataḥ palāyamānamiva viśvābhāvarūpaṃ saṃvedanaṃ 
svaprakāśamakālakalitaṃ pūrṇaṃ cidrūpāt paramārthena abhinnamapi 
bhinnamiva prathate | cidrūpatāsvātantryādeva 
parāparasvarūpollāsakāriṇastadapekṣayā idantollāso yukta eva, na 
anavasthā kāciditi | enamarthaṃ vitatya āha yataḥ ityādinā | cinmātra iti 
viśuddhapūrṇacidrūpāpekṣayetyarthaḥ | advayānupapattiḥ iti | 
upapāditaṃ ca śuddhacidapekṣayā sarvasya avyatirekādadvayamiti 
āśayaḥ | na saṃvidapekṣayā, nāpi anyonyāpekṣayā bhāvānāṃ bhedo 
yujyate, naca na asti asau | tato hetoridamupagamyam | kiṃ tadityāha tasya 
ityādinā | īśvaraḥ parāparāvasthātmā, tasya yā śuddhacidrūpatā, sa 
parāvasthātmā bhāgaḥ | tatrāpi iti tasyāmeva viśrāntaḥ | punaḥ iti 
tataḥ paradaśābhāgāt viśeṣamasya āha abhāvarūpatvādeva iti 
cidrūpatā

(page 373)

prakāśaparāmarśapūrṇā sphurati | viśvābhāvastu viśvasya na 
prakāśanaṃ na vimarśanamityevaṃ nañarthaḥ | svayaṃ tu so'pi 
avaśyaṃ prakāśavimarśāvadhiśete evetyāha tadabhāvavimarśe ca iti 
prakāśatvena vimṛśyatvaṃ ca sphurati yataḥ | nanu evaṃ jaḍa eva astu | 
etadapi neti brūte nāpi iti śabdādīnāṃ yādṛśo bhāvaḥ pṛthak vedakāt 
kiñcididamiti, tena rūpeṇa asphuraṇāt | nanu abhāvo niṣedhyadharmātmā 
niṣedhyasya bahirapi ākhyātidharmatvena sphuratiśabdābhāvaḥ, 
sparśābhāva ityevam | satyaṃ, yatra pratiyogī sphurati, tatra evam; ihatu na 
tathetyāha nahi iti | avabhāsaḥ syāt iti | sa evaca viśvāvabhāsa idantayā 
cintayitumārabdha iti abhiprāyaḥ | kathaṃ tarhi asāvabhāvavimarśaḥ | āha 
kintu nirviśeṣaṇa eva iti | nanu tādṛśasya api atra kiṃ svarūpam | tatra ca 
kathaṃ na anavasthā | atra āha vedyam ityādi codyate ityantam | atra 
īśvarapade nañartho yaḥ prathate, na tatra grāhakāntaramupayujyate iti 
sambandhaḥ | vedyaṃ nāstītyevaṃ yat vedyamātraṃ, tena api aviśiṣṭo 
vedyaviśiṣṭatvādeva yat niṣedhyamātraniṣṭhatvaṃ tato hetoḥ 
kṣetrajñarūpāṇāṃ cittattvānāṃ māyāpramātṝṇāmapi sa 
niṣedhātmā nañarthaḥ | viśvam iti mātṛmeyarūpaṃ sarvaṃ māyīyaṃ 
neti niṣiddhaṃ bhavatītyarthaḥ | tasya nañarthasya rūpāntaraṃ samuccinoti 
| sa ca kālasya prathayā sphuṭena rūpeṇa rahitaḥ | tatra heturayamiti 
sākṣātkriyamāṇatayā sa itica smaryamāṇatayā, tata eva militvā 
anusandhīyamānatayā yato na ābhāsapadavīmeti, tata ābhāse idambhāge 
niṣṭhito yaḥ kālaḥ, sa tasya na viśeṣakaḥ | ata eva sa nañarthaḥ īśvarasya 
śivanāthasya dvitīyamiva rūpam | vakṣyate hi

(page 374)

     sā ca rudradaśā śivatattvasya aparāvasthā

iti | dvitīyatvameva sphuṭayati svātmasaṅkoca iti bhedavādināmiva 
saṃvittattvaṃ samastāt viśvarāśeḥ saṅkucitamiva nityam | saṅkocādeva 
śūnyaśabdavācyaṃ viśvānavabhāsaṃ saṃhāratamaḥpradhānena 
māyāyāḥ pade rudranāthena adhiṣṭhitam | ivaśabdārthameva sphuṭayati 
pūrṇameva iti vastutaḥ pūrṇameva saṃvitsvarūpaṃ tat, prathate tu paraṃ 
tathā saṅkocenetyarthaḥ | īśvarasya vā parāparadaśātmano 
dvitīyamaparadaśātmakaṃ svarūpaṃ sa nañarthaḥ, 
pararūpanimagnataivaca asyeti ivaśabdaḥ | tāmeva sphuṭayati so'pica iti | 
viśvamīśvarasaṃvidi yadyapi ahantāyāmantarbhūtaṃ, tathāpi sā ahantā 
viśvataḥ saṅkucitā api tatra sphurati prakāśavimarśasārā bhavati | katham 
| cidghanatayaiva paradaśānimagnatvenetyarthaḥ | nanu yāvadahantā na 
saṅkucitā, na tāvadidantollāsaḥ, yāvacca na asau, tāvat kathamahantā 
saṅkucediti anyonyāśrayam | bhavet yadi paurvāparyamatra syāt, naca taditi 
darśayati ekaivaca iti | etaduktaṃ bhavati-saṃvidaḥ 
svātantryādanuttarādatidurghaṭamidamapi samameva bhāti ahamidamiti | 
tatra ahamiti pūrṇameva saṃvidrūpam, idamityetadākṣiptaṃ tu saṅkucitam 
| yadahamitirūpaṃ, tatra ahambhāgasya 
pūrṇasaṃvidrūpāhambhāvāvyatirekeṇaiva prathā, saṅkocabhāgastu 
yaḥ sa idantā uttīrṇa iva tatraiva ahamityatra rūpe pratibimbakalpatayā 
sphurannapi na sphuṭo na idambhāvena, apitu nirmalatame ādarśe 
dvitīyamalinādarśavadaparedantānugrāhakatveneti ekarasamīdṛśaṃ 
saṃvidaḥ svātantryam | na kevalamaprarūḍhamāyāyāmīśvarabhuvi 
idaṃ rūpaṃ, yāvat pratirūḍhasaṅkocāyāṃ māyādaśāyāmeṣā eva 
vartanīti nirūpayati māyādaśāyām ityādinā | nīrūpatvāt iti pṛthak 
tasya na kiñcit rūpaṃ saṃvidaḥ

(page 375)

saṃvedyāt ca nirbhātītyarthaḥ | tau iti ghaṭābhāvapaṭābhāvau | 
māyāpadatvameva sphuṭayati saṅkocaśca iti | etadeva spaṣṭayati 
ahaṃvimarśena iti parihāro viyogaḥ | mukhyā tāvat iti 
mahāśūnyarūpā | cita eva iti mahāsaṃhārarūpā raudrī daśā, eṣā ca 
īśvarasaṃveda eva paramārthato viśrānteti vāgrahaṇena āha, anyathā 
pṛthageva enāmaparetyamunā upakrameṇa nirdiśet | nanu 
mahāsaṃhāre'pi puryaṣṭakarūpatvena 
bhāvisaṃhāravaicitryavanto'ṇavastiṣṭhanti eva, tatra kathaṃ cito 
viśvābhāvarūpatetyāśaṅkya āha puryaṣṭakasaṃhāro'pi iti 
apavedyapralayasamaye puryaṣṭakasya api bījabhāvopagamanaṃ 
śūnyarūpatāyāmiti saiva śūnyarūpatā tadbījavaicitryeṇa 
pramātṛbhedātmikā tatra raudre mahāśūnye saṃskārarūpatayā 
tāvadāste yāvat sṛṣṭimukhaṃ, tataḥ punarbījaprabodhāt 
puryaṣṭakasṛṣṭau pūrvāntargatakarmavāsanānusāreṇa 
śarīrakaraṇādivicitrabhāvaḥ | apara iti saṃsārabhuvi 
jāgratsvapnadaśāyām | pūryaṣṭakaṃ ca buddhiśarīrayorapi upalakṣaṇam 
| yadāha yatra iti | tadanyeṣāṃ puryaṣṭake yo bhāvastanniṣṭhā 
kācidakhyātiḥ śuddhapuryaṣṭakamātraprathārūpā mahāpralayāt 
pūrvoktāt māyāniṣṭhādanyatra pralaye 
pradhānādiviśramaṇarūpe'vāntarapralaye | etacca suṣuptasya api 
upalakṣaṇaṃ savedyasya, apavedyaṃ tu mahāpralayena upalakṣitam | evaṃ 
vedakasya śuddhasya kalpitasya ca vedyena viyoga eka eva, vedyasya apivā 
teneti parasparaṃ viyogaḥ; so'pi aviyogaviśrānte na veti yathāyogaṃ 
bhedā ete iti | idānīṃ vedyasya vedyāntareṇa viyogaḥ, tayorvā 
parasparamiti darśayati anya iti vedyagatatvāt viśeṣāt parasparābhāvaṃ 
pṛthagupakramaṃ vinaiva vāgrahaṇena āha | sarvaiva iti 
īśvarapadādārabhya vedyamātraparyantamabhāvaprathāyāmidameva 
tattvaṃ yadanyasya

(page 376)

tatra aprathanam; anyātmatve'pica yat tathā, tat bhramarūpatvaṃ 
saṃhāraśūnyābhāvādiśabdābhidheyaṃ rudrādhiṣṭhitaṃ 
śuddhasaṃvedanasya aśuddhamidambhāvākhyaṃ 
samāsūtrayadādyādicchārūpādeva svātantryāt bījabhūtamunmiṣati | 
tadāha śuddha ityādi | etadeva āgamena saṃvādayati saca iti 
sāmyamubhayordaśayoryojayati tatra ityādinā | sāmye'pi yena viśeṣeṇa 
bhedaḥ paratvāparatvayogaśca, tamāha kevalam iti | sabījā api iti bījamapi 
vilīnaṃ parameśvarasvātantryaśaktiśeṣatāmetīti bījāvaśeṣā viśve 
bhāvā rudrabhūmau yogyatādiśabdābhidheyā iti sambandhaḥ | 
yogyatārūpatayā api aṃśataḥ śivarudradaśayoḥ sāmyamāha tadānīm 
iti | rudrabhuvi bījapātayogena ye māyīyā bhinnā arthāḥ, te śivātmani 
api vedyatayā avasthitā iti vyajyante vyapadeṣṭum | nanu yogyatā 
bījarūpatā, sā api tatra vilīnā | satyaṃ, bhedarūpatve yāyogyatā, sā 
vilīnā bhedābhedarūpatvena parāparatayā; tayā tu yā īśvarasaṃvidi 
prathā sphuṭā, tasyā avaśyaṃ sa eva bījabhāvo yat bhagavataḥ 
svātantryamiti viśiṣṭaiva iyaṃ yogyatā | nanu kāraṇe kāryaṃ yogyatayā 
ucitaṃ, na śiveśvarayoḥ kāryakāraṇatetyāśaṅkāmanuvadan pariharati 
yadyapica iti arvāgdarśanā jñānayogābhyāṃ tathā pāryantikīṃ 
daśāmadhyāsīnāḥ krameṇa yato buddhyante svīkurvate ca, 
tatastadīyābhāsāpekṣayā paurvāparyaṃ sṛṣṭasya api bhavet; tasya ca 
pāramārthikarūpānulagnatayā

     svātantryāmuktam---------------------------| (1|5|16)

iti uktanyāyena sṛṣṭatvā paramārthe'pi tathābhāvavyavasthā, natu svataḥ 
| svato'pivā kāryakāraṇabhāvo'stu yathā uktaṃ

(page 377)

     yatsadāśivaparyantaṃ pārthivādyaṃ ca suvrate |
     tatsarvaṃ prākṛtaṃ jñeyaṃ vināśotpattisaṃyutam ||

iti | sakalapralayākalavijñānakevalimantratadīśamaheśānāmapi hi 
idambhāvāṃśena pārimityalakṣaṇena anuvedhāt tadapekṣayā eva 
kṛtakatvamucyate, tadvat sadāśiveśvarayorapi | tata eva uktaṃ prākṛtam iti 
| tadetadāha idambhāga ityādinā | etadupasaṃhāreṇa spaṣṭayati tadevam 
iti | idantāvamarśa eva yadi tatra sphuṭaḥ syāt, tadā viśvameva tat bhavet; 
natu viśvabījamiti ucitapadam | bījasaṃskārayogyatāśaktirūpaṃ ca 
asmadādīnāṃ nityānumeyamapi sarvajñapade ca 
sphuṭaprakāśanocitameveti ahantāyāmeva viśrāmyati, naca asau 
śuddhaiva ahantā viśvabījatāyāḥ 
parisphuraṇādanabhivyaktatadrūpacakravartipaṇḍitakaviśilpiprabhṛtigata-
svasvakaraṇīyaviśeṣasphuraṇavat | ata eva śaktivācoyuktyā atra 
vyavahāraḥ | ata eva āha yannānyagrāhakāpekṣam iti | nau evameṣā 
śūnyarūpā bījabhūmirnityameva īśvarasaṃvidanulagnā, tataḥ 
śūnyasya kathaṃ pṛthak pramātṛtā, prameyatā vā | atra āha tacca iti 
śūnyaṃ kartṛ ahantācchādanamīśvarasaṃvidabhedaṃ vihāya 
māyāśaktervaśāt vijṛmbhālakṣaṇāt | tathaiva iti tenaiva śuddhena 
rūpeṇa parasaṃvidanuvedhavandhyenetyarthaḥ | tacca śūnyaṃ 
saṃvinmātrarūpaṃ ca saṅkocādhikaṃ ceti ubhayaṃ darśayati tacca iti 
śūnyam | tadā iti suptamūrcchāsamādhānādau | nanu bodha eva tathā 
smariṣyati, kiṃ bodhātiriktaśūnyatādhikyena | etat netyāha nahi iti | 
svayam iti sṛṣṭisṛṣṭitve saṅkocādhikye vā yat smaraṇaṃ, tat 
vedyāṃśagatameva | taduktaṃ

     natvevaṃ smaryamāṇatvaṃ tattattvaṃ pratipadyate | (spa. kā. 1|13)

(page 378)

iti | sāca iti tatra sparśādimaye prāṇapramātari viśramaḥ | tathā sati iti 
prāṇādipramātravasthāne | atra avasthānam iti śūnyapramātari eva 
avasthitatvāt iti hetutāśayena vyākhyeyam | na nivṛttaḥ iti tannivṛttau 
pralayākalavat dehānuprāṇanataddehādyutthānādyayogāt | tathābhāva 
iti rāgadveṣakṣuttṛṣṇāderabhāvaḥ | parimitameva iti śālibījaṃ hi 
palālataṇḍulakaṇamātrapūrṇaṃ 
nyagrodhabījāderantaḥkṛtānantaśākhāpallavaskandhādermahābījāt 
parimitameva | evaṃ saṃsāriṇi kramavikāso yāvat sarvajñeṣu 
vikāsatāratamyena, paramo vikāso rudrabhuvi śūnyasya | tadāha 
sarvabhāva iti | tat iti cittattvam | ivaśabdena vāstavo na ko'pi 
saṅkocastadābhāsamātraṃ muktveti darśayati tathāpi iti saṅkoce'pi | 
evaṃ śūnyasya antargatatattadvastunyūnatādhikyakṛtaṃ 
saṅkocavikāsatāratamyamiti uktvā tadā sarvāvaraṇalope tasya jñānasya 
ānantyāt jñeyamalpamityanayā dṛṣṭyā 
jñeyasaṃskāravicchedatāratamyena saṃvidbhāgavikāsāt 
vikāsatāratamyaṃ grāhyagrāhakabhāvotthāpakamiti darśayati yogināṃ 
ca iti naca anastheti smārayati tasya tu iti | śūnyāntare vedyāt 
śūnyādasya viṣeśaṃ tunā āha | evaṃ samāveśopadeśaśūnyānāṃ 
pratiyogisaṃvalitameva niṣedhameva 
buddhyamānānāmabuddhānāmanantasṛjyamānaśūnyayogo yogināmiti 
uktam | ye tu samāveśaviśāradāstattvavidaste dehādimeva yadyapi 
bodharūpāviṣṭamabhimanyante, tathāpi 
taddehaprāṇādibhedollāsanopayoginā śūnyena avaśyamantarā 
bhāvyaṃ, natu tatra śūnyāntareṇa kiñcidityetat darśayati 
pāramārthikapakṣāntaraparigraheṇa yadivā iti | viśeṣābhāvāt iti 
ghaṭena yā śūnyatā neti bhāti, yā ca ghaṭapaṭābhyāṃ; tatra 
pratiyogibhedaṃ

(page 379)

muktvā na svarūpato bhedo vivekavatāmavabhātīti na śūnyāntaraṃ 
kiñcidasti | nanu evaṃ saṃsāriṇāṃ yogabhuvi śūnyasaṃvedanaṃ kena, 
nahi teṣāmaiśvarī saṃvidasti | ka evamāha, astyeva sā | tadāha sarvā 
caiṣā iti | pratipāditam iti pūrvaḥ pūrva uttaramuttaraṃ vyabhicarati, natu 
uttaraḥ pūrvamiti hi uktam | tatra iti tasyāṃ pramātṛparamparāyām | 
madhye raudra iti so'pi māyīyatvena heyaḥ | tathāpi na heyaḥ ityāha sa tu  
iti | evaṃ śūnyapramātṛsvarūpaṃ pradarśya vṛttiṃ vyācaṣṭe atra iti | 
kṣetraśabdena śarīraṃ vadatā tacchūnyānāṃ na asti vikalpanaśaktiriti 
uktam | apohyamāna iti saṃvidamapekṣya yā vikalpanaśaktiḥ, sā 
bhedadṛṣṭyā tattvarūpatāmāpannā mano'ntaḥkaraṇam | tacca 
pratiyogyapohanasahitārthāvamarśanavyāpāram | tatraiva ca rūḍhatā 
saṃsāritā, tata eva paścādapohaprakaraṇaṃ sambandhastu śaktisparśa iti 
bodhābodhātmā pramātā paramārthapramātari ajaḍe cidvimarśātmani 
viśrāmyati | tata eva apohanāntaṃ prasaratīti prakaraṇapañcakasya 
pratilomānulomabhāvanāyāṃ tātparyam | tadapohane paraḥ pradhānam | 
etadeva sphuṭayati mano hi iti | sā ca iti vikalpanaśaktiḥ

     śabdarāśisamutthasya---------------------------| (spa. kā. 3|17)

iti

     svarūpāvaraṇe cāsya---------------------------| (spa. kā. 3|15)

iti ca nayena śabdanaśaktaya eva pratiprāṇi pratyavasthaṃ vicitratayā 
lokaśāstravyavahārānubaddhaṃ vikalpanavyāpāraṃ grāhyagrāhaka-
viṣayaṃ vicitramutthāpayantyo malatritayamanuprāṇayanti | yat nirūpitaṃ 

pīṭheśvaryo mahāghorā mohayanti muhurmuhuḥ |
iti

(page 380)

     viṣayeṣveva saṃlīnān---------------------------| (mā. vi. 3|31)

iti ca | tā eva tu śuddhavimarśāvaśeṣatāṃ vikalpanamapi nayantyo 
muktidāyinyaḥ | yadādiṣṭaṃ

     -------------------jantucakrasya śivadhāmaphalapradāḥ |
     parāḥ prakathitāstajjñairaghorāḥ śivaśaktayaḥ | 
(mā. vi. 3|33)

iti

     ekaiva māmikā māyā sthitāṣṭāṣṭakabhedinī |

iti

----svamārgasthā jñātā siddhyupapādikā | (spa. kā. 3|16)

iti | tadāha saṃjñāvikalpe iti

     saiṣā saṃsāriṇāṃ saṃjñā bahirantaśca vartate | (vā. pa. 1|127)

iti pratipramātṛvicitratayā śabdanaśaktimayī śabdabhāvanā, tatkṛte 
vikalpavaicitrye | iyatyeva iti mūlaparāmarśabhūmimaspṛśati, tatsparśe hi 
vikalpe'pi na bandharūpatā | etacca vakṣyate saṃsāro viśrāntaḥ 
saṃsaraṇasya heyatāmāha bandharūpa iti | svarūpajīvitaṃ tu asya āha 
malatraya ityādi | māyīyatvaṃ trayasya api uktaṃ

     -----------------māyāśaktyaiva tattrayam | (3|2|5)

iti | iyatā śabdamaya itivṛttirvyākhyātā | etacca paramupadeśatattvamiti 
āha atraiva iti | avadhānena vikalpasya praśamanaṃ vā

     vikalpahānena---------------------------| (4|1|11)

itibhāvinītyā, śuddhaparāmarśaśeṣīkaraṇaṃ vā

     sarvo mamāyaṃ vibhavaḥ---------------------------| (4|1|12)
itisthityā kāryam || 8 ||

(page 381)

     nanu evaṃ vikalpyamāna eva artho bandhaka iti uktam, tacca ayuktam, | 
vikalpyatve yāvān yathā vā, avikalpatve'pi tāvānevahi so'rthaḥ | tat ko 
viśeṣaḥ prameyasya patipaśupramātṛtāyām | ayamiti hi

     tasyāsādhāraṇī sṛṣṭirīśasṛṣṭyujīvinī |
     saiṣāpyajñatayā satyaiveśaśaktyā tadātmanaḥ || 9 ||
     svaviśrāntyuparodhāya calayā prāṇarūpayā |
     vikalpakriyayā tattadvarṇavaicitryarūpayā || 10 ||

     tasya iti paśukartṛkā sṛṣṭirīśasṛṣṭipṛṣṭhapātinītvena tadupajī-
vinī satī asādhāraṇī pratipramātṛ pratikālaṃ ca pramātrantaradaśānta-
rādyanuvartanavihīnā | tathāhi idaṃ hṛdyamiti yena yadā sṛṣṭaṃ, tat 
tasyaiva tadaiva | nanu paśoḥ sraṣṭṛtvaṃ cet, īśvara eva tarhi asāviti 
tatsṛṣṭeḥ kiṃ na sādhāraṇatā syāt | yadi svaśaktiḥ sā asya viditā syāt, 
kintu tasya ajñātā paravaśasya eva sato vikalpanaśaktirudeti | kena sā asya 
prabodhyate iti cet, īśatvena eva | tadaparijñānaparijñānamātrato hi 
baddhamuktatā | tathāhi īśvarasya viśvaparāmarśavigrahatvena śabdarā-
śiśarīrasya yā māyākhyā śaktirnijasvabhāvaviśramaṇātmakapāramai-
śvaryoparodhaprayojanā tattadbrāhmyādidevatācakrādhiṣṭhitavargāṣṭa-
kamayī, tata eva kakārādivarṇagatavyāsasamāsavaicitryaśatasahasragar-
bhatayā aṣṭāṣṭakabhedasahasravaicitryavicitrā, tata eva prāṇāpānādi-
preṅkhārohaṇacañcalā kṣaṇamapi ekatra rūḍhimanāsādayantī, 
mitramidaṃ śatrurayamityevamādikaṃ vikalpanaṃ yayā kriyate; tadātmana 
īśvarasvabhāvasya eva paśorasādhāraṇī sṛṣṭirdaśaradano dantītyapi 
pṛthagābhāsānīśvarasṛṣṭāneva upajīvati,-iti sūtrārthaḥ | taṃ 
tātparyata āha eṣa ca ityādinā |

(page 382)

yataḥ iti aiśvaryā eva śakterutthita iti yāvat | yathāca iti tathāparijñāna-
mātreṇetibhāvaḥ | nirūpādānāneva sṛjati iti mahāvākyena sarvaḥ 
sūtrārthaḥ saṅkṣepeṇa vyākhyātaḥ | tattat ityādinā saṃskṛta ityantena 
samāsapadena īśasṛṣṭyupajīvinī iti vyākhyātam | nanu niyatadeśakālā 
eva svatantravikalpe'pi ābhāsante'rthāḥ, tat kathaṃ vṛttau 
sāmānyarūpān iti uktam | etat pariharati sāmānyarūpatvena iti 
smṛtiviṣayo vikalpyamāno'pi na svotthāpitadeśakālayogī, kintu 
nirūḍhadeśakālayogī eveti svalakṣaṇātmā tena 
svasṛṣṭadeśakālābhāsamelanā eva arthāḥ svātantryavikalpaśaktau, natu 
nirūḍhāveṣāṃ kaucana deśakālābhāsāvityetat tātparyam | 
sāmānyarūpān itivṛttigranthasya punarapi upalabhyate kevalam 
ityatraiva cchedaḥ | tatra dvitīya upalambhaḥ punarupalambhaḥ itibhramaṃ 
bhinatti pūrvānubhava ityādinā sphurati ityantena | pūrvaka eva 
upalambhaḥ punarunmīlanāmātramastīti yāvat | kevalam iti yaduktaṃ 
tadeva spaṣṭayati nanu ityādinā | nanu mumūrṣamāṇa eva smarati, tat 
kathamuktaṃ aprabhaviṣṇutvāt iti | atra āha anyūnādhikabhāvena iti 
yathā didṛkṣamāṇe'pi paśyatinā arthāṃśe tadicchā prabhavati, tathā 
atrāpīti bhāvaḥ | nanu pūrvamasau sphuṭaḥ, adhunātu na tatheti 
kamanūnādhikatā | atrāpi āha asphuṭatvam iti | 
tātkālikendriyavyāpāraviṣayīkāryatāyāṃ sphuṭatvavyavahāro lokasya, 
sa ca atra nāstīti yāvat | nanu evaṃ paśoranubhavagocare na astyeva 
sargaśaktiḥ | na na asti; sabhittistu sā nirbhittervilakṣaṇeti āha 
anubhūyamāna iti | rāgādiviṣayatvaṃ hṛdyābhāsādirūpaṃ 
kṣetrajñanirmitireveti

(page 383)

sambandhaḥ | atra hetuḥ svaccha ityādi | pratipramātṛ iti asādhāraṇatva-
muktam | yaḥ punartho'vabhāsate, sa kṣetrajñasṛṣṭireva | atha tathātva-
śaṅkābījamāha pūrva ityādinā | hṛdyatā hi na bahīrūpaṃ kiñcidanu-
bhūtam | ihatu kūpajalābhāsatantryābhāsādyanubhūtameveti kva aṃśe 
paśurabhiṣicyate sraṣṭṛtayeti śaṅkābījam | nanu etadeva astu, sṛṣṭistu 
tasya sā kutaḥ | āha tatkūpa ityādi | mokṣa ityantena prathamaślokavyā-
khyānena paśuṃ prati iti apunaruktatā | māyāśaktāveva asyāṃ 
malatrayaṃ saṃsāramantarbhāvayan

     seyaṃ kriyātmikā śaktiḥ śivasya paśuvartinī |
     bandhayitrī------------------------------------------------| (spa. kā. 3|16)

ityāmnāyamanusarati niṣedhamātra ityādinā | tucchatābhāsopakramo 
vaiparītyābhāso nañarthaḥ | vaiparītyajñāne kriyāyāṃ ceti tryaṃśā 
iyaṃ māyā malatrayeṇa prasaratīti tātparyam | anupapannam iti sphuṭayati 
bhinnaṃ parimitaṃ ca iti | jñeyaṃ prakāśyaṃ kāryaṃ ca vimṛśyaṃ, 
tacca prakāśavimarśarūpāt saṃvedanāt deśādyaparimitādavyatiriktaṃ 
sadabhinnamaparimitaṃ ca upapannaṃ, tadviparītābhāsamanupapannam | 
ābhāsayantyāḥ iti jñeyīkurvatyāḥ | kāryaṃ ca kurvatyāḥ  iti 
vimarśanīyīkurvatyā ityarthaḥ | kriyābhāsa eva vitatātmani 
kārmamalasthitirityāha kāryakāraṇa ityādinā | kakārādi iti | 
sphuṭāsphuṭāvyaktabhāvena vaikharyādivaicitryeṇa ca vicitratābhājāṃ 
samastavyastaviparyayabhedena vikalpābhivyañjanavyāpriyamāṇatvena 
vyañjanasaṃjñānāṃ vargadevatābhiḥ sṛṣṭisthityādivaicitryanirbhāsa-
naśaktiyogena brahmaviṣṇurudraprabhṛtyanantapramātṛvargatatkāryarāśi-
tadbhogavibhavasamadhiṣṭhānakāritādinā

(page 384)

ca pratilabdhatattadāgamaprasiddhānantanāmadheyābhirutthāpyamāna-
sthāpyamānanirudhyamānayojyamānaviyojyamānādirūpāṇāṃ 
parameśvararūpānuprāṇakabījabhūtaśabdanātmanā antaḥsukhādi-
parāmarśapīḍanena samastākṣepakatvena ca akārādibhiḥ svayaṃ 
rājattayā svarasvarūpairanuprāṇitānāṃ kakārādivarṇānāṃ 
vaicitryaṃ yato gaṇanātītam, atastāsāmapi anantatvaṃ darśitaṃ āga-
meṣu | svopalabhyān iti cittavṛttibhedamayān iti ca | 
pratipuruṣamayantaḥ iti asādhāraṇatvamuktamāntarapratītimātrasā-
ratvaṃ ca | kṣaṇamātra iti pratikṣaṇaṃ yantīti cañcalatvaṃ 
prakārāntareṇa api uktam | tata eva āgameṣu varṇeṣu kālabhedo 
hrasvamitivaduktaḥ | kālottarasaṃvidantaḥpratyayasaṃjñān iti | āgame 
hi tattvabhūtabhuvanapṛṣṭhapātī bhāvasargaḥ pratyayasarga uktaḥ | tatra ca 
śabdarāśibhāgavarṇadevatādhiṣṭhānamuktaṃ

     svarūpāvaraṇe cāsya śaktayaḥ satatotthitāḥ |
     yataḥ śabdānuvedhena na vinā pratyayodbhavaḥ || (spa. 3|15)

iti | śrīmāyāvaibhavāgame

     ekaiva māmikā māyā sthitāṣṭāṣṭakabhedinī |

ityādi | śrīsarvavīre'pi

     na tairvinā bhavecchabdo nārtho nāpi citeḥ-----|

iti | kādi iti tairvarṇairadhiṣṭheyaistāsāmanantā gaṇanā | tāśca 
īśvaraśaktereva vijṛmbhābhūtāḥ | yathoktaṃ

     taṃ śakticakravibhavaprabhavaṃ śaṅkaraṃ numaḥ | (spa. 1|1)

iti | tathā iti varṇabhedaśatānantagaṇanā iti vṛttigatena 
bahubrīhiṇetyarthaḥ | sa iti kṣetrajñaḥ | kumbhakṛt iti kumbhanirmitimayaḥ 
| sa iti tathāpratyayasargaḥ kumbha iva

(page 385)

kumbhakāranirmitatābhāsaśarīraḥ | parameśvaraikanirmitatve'pihi 
svapnasaṅkalpādivadidamavabhāsavaicitryamiti avocāma bahuśaḥ | 
ubhayam iti | yata utthito'yaṃ bhedapratibhāso, yathāca bhandharūpatāṃ 
dhatte iti yadavatāraṇikāyāmuktaṃ, tadanena nirṇītam | īśvaraśaktereva 
māyātvaṃ prāptāyā utthitaḥ svarūpāvaraṇakāriṇībhiśca 
varṇadevatābhirvikalparūpatāṃ yato nītaḥ, tato bandharūpatāṃ 
dhatte'yaṃ bhedapratibhāsa iti | vakṣyamāṇa iti anantarasūtra eva | upari 
tadupajīvitvena sabhittikatvamuktam | nanu dūrādeva jhaṭiti dṛśyamāne 
yadayaṃ rajyati virajyati vā, tatra asya rāgadveṣātmikā sṛṣṭiḥ 
svayaṃkṛtā api pāratantryādeva utpannā anicchoreva kāmakrodhabhaya-
trāsādyudayāt | tatastatra svarūpāparijñānaṃ bandhakāraṇatvena 
varṇādhiṣṭhātṛvimohakaśakticakrotthāpitamastu, yatra tu eṣa rājāhaṃ 
varte, śatrurmayāyaṃ hataḥ iti manorājyādau svecchāprayatnavaśādeva 
rāgadveṣādiprayuktāt vāhanamātmano nirdalanakāriṇaṃ 
śatrordantinamantarnirmimīte, tatra sphuṭameva svātantryamasyeti tatra 
svarūpāvaraṇābhāvāt kathaṃ bandharūpateti svayamāśaṅkya 
apākaroti yāpi vā iti | vāśabdaḥ samuccaye | rāgadveṣādigrahaṇaṃ 
pūrvapakṣe svātantryasya prayojakamiti uddīpakamabhimataṃ parasya 
tadeva tu pratisamādhānāvakāśakāraṇamiti darśayati balāt ityādinā 
vākyena | yato'sau kṣetrajño balādākramya anicchuriva rāgādiparīto 
vikalpapratyayaiḥ kakārādivarṇavigrahābhirmohanībhiḥ 
śaktibhirullāsitaiḥ kriyate, tathākṛtaśca tāṃ sṛṣṭiṃ 
devatādhiṣṭhitaistairbalādākramya kāryate manorājyodaye'pi asya 
pāratantryāt saumanasyādhāyakamanorathotthāpanecchāyāmapi 
bhayadaurmanasyādinidānabhūtānāṃ 
manorājyāntarāṇābhojaḥkṣayādāvudayāt | tataḥ svādhīnatayā 
pramukhe

(page 386)

bhāsamānā api sā sṛṣṭiḥ parādhīnā eveti saṃbandhaḥ | etadeva 
draḍhayati kṣetrajñatāyā eva iti | unmīlitasvātantryo hi asau kṣetrajña 
eva na bhavati, apitu bhagavāneveti | vikalpākhyavyāpāra itivṛttyā sūtre 
vikalpakriyayā iti bahubrīhirayaṃ śaktiṃ viśinaṣṭi,-ityāha || 10 ||

     yadi pāśavī bandharūpā, pārameśvarī tarhi sṛṣṭiḥ 
kimityāśaṅkāyāṃ sūtraṃ

     sādhāraṇo'nyathā caiśaḥ sargaḥ spaṣṭāvabhāsanāt |
     vikalpahānenaikāgryāt krameṇeśvaratāpadam || 11 ||

     aiśvarasya sargasya spaṣṭāvabhāsatvam, ata eva avikalpyateti rūpam 
| saca ghaṭādiḥ sādhāraṇaḥ san cakārādasādhāraṇo vā dvicandrapra-
mukhādiḥ, ubhayo'pi pāśavasṛṣṭeranyathābhūtaḥ; kiṃca sādhāraṇo 
vā anyathā ceti asādhāraṇaḥ | so'yaṃ sargo yadā vikalpahānakrameṇa 
avikalpakaparigṛhītaspaṣṭavastuviṣayaikāgratāvalambanena ahamidamiti 
aiśvaryaparāmarśapadatvameti, tadā antarlakṣyabahirdṛṣṭinimeṣonmeṣa-
parihāradṛśā kramādabhyāsatāratamyaparyante paśoḥ paśutvaṃ hanti, 
īśvaratāṃ ca darśayati | yathoktaṃ
     
kaivalyaṃ jāyate sadyo netrayoḥ stabdhamātrayoḥ | (vi. bhai. 113)

iti | kiṃca pāśavo'pi sargo anyatheti parijñātayā īśaśaktyā parijñāta-
tādātmyasya yadi spaṣṭāvabhāso bhavati, tadā so'pi sādhāraṇa eva 
bhavannīśvaratāmasya dadāti āpyāyanābhicaraṇādivikalpa iva 
nyastamantrasya bhāvitāntaḥkaraṇasya | so'pi ca aiśvara eva sadā sarga 
ityāśayena vivṛtau vṛttau ca na vyākhyāntarametadāśritam, asmābhistu 
abhīṣṭaṃ spaṣṭatarameva abhidheyamityevaṃ vibhaktam |

(page 387)

sūtrārthamavatārayati evam ityādinā | iti ca iti vaktumiti sambandhaḥ  | 
aiśvaraḥ sargo yataḥ sādhāraṇaḥ, tasmāt pāśavāt sargādanyathābhū-
taḥ; cakārāt yo'pi asādhāraṇaḥ, so'pi dvicandrādisargastasmādanya-
thābhūto'tispaṣṭābhāsatvena avikalpyatayā,-ityevaṃ sūtraṃ vivṛṇoti 
aiśvara ityādinā anyathātvameva ityantena | sargasya 
pramātṛsādhāraṇyādicintā kva upayujyate iti cet pramātṛsāhityena 
prameyasya sṛṣṭirna anyathā bhedāvabhāsabhājanaṃ vinā 
tadanupapatteriti darśayati saha ityādinā | uktyā iti vṛttigatayā | etāvatā 
iti vṛttigranthena | ata eva iti yata ekapramātṛgatatvamapi aiśvarasargasya, 
tato'tra sūtre sādhāraṇo'nyathā ca iti sādhāraṇāsādhāraṇapade 
dvidhā aiśvaraḥ sarga ityapi sūtrārtho vācya ityarthaḥ | nanu yadi 
spaṣṭāspaṣṭāvabhāsatayā aiśapāśavasargabhedaḥ, sā tarhi svapne'pi 
asti | satyaṃ, tata evahi sarvatra api ubhayī sthitaiva sṛṣṭiḥ | tadāha 
svapne'pi iti | tatra iti | svapne'pi hi saṅkalpanādi saṃvedyate eva | 
sparśarasādi iti | ādigrahaṇāt gandharūpaśabdaviśeṣā api 
kecidasādhāraṇā eva | ata eva

     ------------dṛśyaṃ śravyaṃ ca yadbhavet |

iti sakalapramātṛsādhāraṇyaṃ na api asya muninā darśitam | sā ca 
ahamidamityetāvat iti vṛttyekadeśaḥ paṭhitaḥ | tadavabhāsasya iti | 
māyīyasya kṣetrajñasya yo'vabhāsaḥ, sa yataḥ pratiyoginā 
apohyamānena sahitaḥ; tataḥ prāguktamatra vikalpalakṣaṇaṃ

     ------------------sa hyukto dvayākṣepī viniścayaḥ | (1|6|1)

iti saṃbhavati | iyaṃ ca bhedodayasahitā spaṣṭāvabhāsitā 
sarvaprāṇisādhāraṇyena

(page 388)

paśoranicchata eva sato bhavati | naca rāgādivadabhyāsāpekṣiṇīti 
brahmaṇā adhiṣṭhitā ucyate | evam iti | bhedānudayāt iti | anena aiśva-
rasya sargasya pāśavāt sargāt vailakṣaṇyaṃ darśitam | yata evaṃ, taditi 
tasmādīśvarasṛṣṭirna bandhahetuḥ, apitu tatpṛṣṭhe yā pāśavī; sā api na 
brahmādhiṭhitā bhedodayamātrasārā māyīyāṇavamalamātrollāsa-
rūpā, apitu kārmamalāpyāyikā pratyayasṛṣṭireva parāmṛtarasaḥ svavi-
śrāntyānandaghanatā, tato'yameva apāyoḥ yaḥ pratyayasṛṣṭerudbhavo 
yatastena ayaṃ kṣetrajñatāmasvātantryaṃ pratipadyate | sa ca pratyayod-
bhavaḥ parameśvarasṛṣṭaśabdādiviṣayapṛṣṭha eva rāgadveṣādyātmā 
udetīti | yaduktaṃ

     tenāsvatantratāmeti sa ca tanmātragocaraḥ | (spa. kā. 3|14)

iti | evaṃ ślokārdhaṃ vyākhyātam | atha vikalpahānena ityādi yat 
sūtraṃ, tadvṛttiṃ tatrāntara ityādikāṃ vyākhyātumupakramate 
tasyāśca iti pratyayasṛṣṭeryāvadeva tānavāpattiḥ | tatra hetuḥ vikalpa 
ityādiḥ | kasmāt tathābhyāsa iti cet, āha bandha ityādi | ihaiva iti sati api 
dehāhambhāvāparityāge | yadāha bhaṭṭadivākaravatsaḥ

jāte dehapratyayadvīpabhaṅge prāptaikadhye nirmale bodhasindhau |
avyāvartyaivendriyagrāmamantarviśvātmā tvaṃ nityameko'vabhāsi ||

iti | anena sarvendriyasākṣātkārakakṣyāyāmeva dehādyucitapratyayasarga-
prakṣaye ghaṭādyābhāsamātre sarvapramātṛsaṅkucitanityasaṃvedanā-
vaśeṣatvamabāhyatāsāramadbhutatvena uktam | yadyapi iti | sahabhāve ca 
antarāntarā iti yuktamiti bhāvaḥ | tathāpi iti na atra vikalpasṛṣṭeranta-
rāntarā sambhava uktaḥ, kintu tannirhrāsasya | madhye ca vikalpasya 
nirhrāso dṛṣṭaḥ

(page 389)

     saṃhṛtya sarvataścintāṃ---------------------------|

iti

vikalpayannapyekārthaṃ yato'nyadapi paśyati | (pā. vā. 3|207)

ityādidaśāsu | tamevaca vikalpanirhrāsaṃ yadi pariśīlayati, tadā anavarata-
nirvikalpakasaṃvedanaratnamālābhūṣitahṛdayaḥ parameśvarapadamāvi-
śatīti evaṃ sūtravṛttī vyākhyāya, na atra durlabhatayā avasādaḥ 
kartavyaḥ iti darśayan kāruṇika ācāryaḥ saṃsāriṇāmapi eṣā bhūrna 
na gocaraḥ kevalaṃ tāmeva upadeśāvadhānābhyāsaniḥśreṇikrameṇa 
ārohayediti utsāhayan pūrvoktaṃ prameyamekīkaroti saṃsāriṇām 
ityādinā | iha ca tattvārthasaṅgrahaprakaraṇe pūrvoktāni prameyaratnāni 
yadavāntarāyātaprameyāntarebhyaḥ proccitya darśyante sāratvena 
hṛdayagañje niveśanayā parameśvaratāsiddhaye, tat bhūṣaṇameva; natu 
punaruktāśaṅkyā dūṣaṇamiti bhramyam | tatra 
bhāganirvikalpakamamunaiva nirṇītaṃ bhavedityāśayena sarvaṃ 
nirvikalpasaṃvedanamīśvarabhūriti darśayitumāha sāmānya  iti | 
sāmānyakaraṇarūpe ye vidyākalāśaktī, tayorvijṛmbhārūpatvena 
saṃbandhīni yāni antarbahiṣkaraṇāni, teṣu ye 
śabdāvabhāsanacintananirmāṇādaya ākāraviśeṣāstairabhivyakto 
yathāyogaṃ jñānakriyāśaktileśo'pūrṇatvena yeṣāmiti 
śabdayojanāmātraṃ kṛtaṃ prameyasya vitatya nirṇītatvāt

     ghaṭo'yamityadhyavasā---------------------------| (1|5|20)

ityetatsūtraṭīkāvasāne, ādisiddhasūtre, anyatra ca | evaṃ nirvikalpe 
vṛttāntamuktvā anekadarśina ekavikalpane'pi ayameva vṛttānta ityāha 
aneka ityādi | etadeva  prameyadvayaṃ ghaṭayituṃ prathamaṃ tāvat 
prameyaṃ ghaṭayati yataḥ ityādinā eva ityantena prakṛta etat yojayati tataḥ 
ityādinā ghaṭādigatāpi ityantena |

(page 390)

atra ca ahamidamiti pratītiriti pūrveṇa sambandhaḥ | phalamasya prameyasya 
āha tāvati iti | nanu evaṃ saṃsāritā kathamityāśaṅkya malatrayameva 
nirūpayannetaddaśānuśīlanameva malanivāraṇakāraṇaṃ sat 
mokṣamākṣipatītyādinā? kevalam ityādinā bhaktajana ityantena | 
kathyante iti | iyati na kiñcit saṃvedanamuditaṃ sahajasya āvṛtatvāt 
kṛtakasya nirjitatvāt | uktam iti ādisiddhasūtre | tat iti 
prakāśāprakāśātmakaṃ sattānandasūtre (4|1|6) yat rajaḥ uktam | tadā 
iti māyīyamātṛmeyābhivyaktau | etaddaśānuśīlanaṃ ca 
mokṣaheturityāha tataḥ iti | tanmaladvayavyapagama eva 
māyordhvalābha iti iti saṃsārābhāvāt kaivalyarūpā muktirjātā | 
yaditu āṇavamalavidalanamanavaliptatayā kuryāt, śivatāveśamapi labhata 
ityāha tatrāpi iti bhaktajanaḥ iti yo bhagavacchaktipātāt 
tathābhūtadraḍhīyastamavāsanātiraskārakasāṃsārikavāsano, natu 
tiraskaraṇīyasvavibhavo, na bhavati; tena etadadurlabhameveti bhāvaḥ | iyat ca 
sarvaṃ svaprakāśamevetyāha sarvaṃ ca ityādi | tam iti 
sahajamidantāvamarśam | nanu yadi iyam iti vimarśastat nirvikalpakatā 
kutaḥ | atra āha naca iti ihaca ahantācchādanāt na pratiyogyābhāsa iti 
āśayaḥ | āntara iti yataḥ saṃtamase'pi dehābhimānaḥ | sarva eva iti 
darpaṇapratibimbavat śarīrasparśādi bāhyaghaṭādi vā tadā 
bhātītyarthaḥ | etat iti āntarasparśādiprabhṛti ghaṭādyantaṃ yat 
prakāśanaṃ, tat grāhyagrāhakayorbhedena vinā na upapadyate iti yat 
śaṅkyate, tat na | atra hetuṃ smārayati yataḥ ityādinā | nanu evaṃ kiṃ 
śāstropadeśādiprayāsena | atra āha evaṃca iti svaprakāśe'pi 
vikalpamohena tirohite | nanu prakāśādabhede nīlādirūpatā kutaḥ |

(page 391)

āha cittattvasyāpica iti svataḥ iti saṃvedanasaṃnidhau nīlādi bhāsate 
itihi darśanenāntaravipralambhābhāve bhāti eva | pravādaḥ iti māyīya-
lokaśāstrakalpitaḥ | nanu yat nīlādi bhāsate, yat vā avadhānātiśayavatā 
yoginā adhikamapi bhāsyate; tāvadābhāsanarūpatvaṃ saṃvittattvasya 
astu saṃvedanasiddham, viśvāvabhāsanarūpatvaṃ tu parameśvararū-
patvaṃ kutaḥ, adhikādhikasaṃvedanadarśanāt tathābhāve'pi yogyatā 
asyeti cet, sā tarhi kutaḥ pramāṇāt | svaprakāśatvena pratyakṣādeveti 
darśayati | viśvābhedāvabhāsarūpapārameśvarye'pi yā yogyatā, na 
kevalaṃ svarūpāmātraṃ yāvat, sā api svataḥsiddhaiva | katham | āha 
uktanītyā yat citsvabhāvasya paryālocanamanavarataṃ

     --------------prayatnena parīkṣyaṃ tattvam----------| (spa. kā. 1|7)

itinayena pariśīlanaṃ, tena saṃskṛto'dhivāsita āśayo vikalpo yasyeti | 
nanu yogyatā kāryataḥ kalpyā, na pratyakṣasiddhetyāśaṅkya bodhasya 
tadviṣaye svabhāvahetuṃ vadataḥ sā pratyakṣasiddhaiva sarvaḥ 
svabhāvaheturvyavahāramātrasādhanaphalaḥ iti nirṇītatvāditi 
dṛṣṭāntopakramaṃ nirūpayati agnīndhanādi iti 
kālaparivāsāpekṣanapekṣāviśeṣaṇaḥ kāryodayādubhayopādānam | 
ādigrahaṇāt vaikalyam | nanu kāraṇatā nāma śaktirūpo dharma iti 
parokṣaiva sā | netyāha kārya ityādinā darśanam ityantena | tadatra 
pūrṇakāraṇatve pratyakṣatayā nirūpye saṃbhāvanīyakāraṇatve 
dṛṣṭāntīkaroti yathā iti yadihi agnerdhūmaṃ prati na saṃbhāvayate 
kāraṇatāṃ dhūmārthī, tasmin dṛṣṭe'pi loṣṭa iva na sahakāriṇaḥ 
saṃbibhṛyāt | etat dārṣṭāntike yojayati tathā iti | yathāhi pūrṇatā 
patyakṣīkṛtā tadadhikasaṃbharaṇaprayatnādarśanāt, tathā 
pūrṇakāraṇatā apīti

(page 392)

yāvat | nanu na agneḥ svarūpamātradarśanaṃ kāraṇatādarśanam, apitu 
agneḥ paścāt niyamena dhūma ityevaṃ darśanīyaṃ 
tatkāraṇatvadarśanam | etadapi astu, tathāpi agnereva tat tathādarśanaṃ 
jātaṃ yena kālāntare dhūmamapaśyato dhūmārthino vahnisaṃbharaṇam 
| etadāha kārya ityādi | ityapi yaducyate, tat yujyate yatastena uktena tat na 
ullaṅghitaṃ bhavati yadasmābhiruktaṃ-kāraṇatāviṣayaṃ 
pratyakṣasiddhatvam | kathametat na ullaṅghitam | āha tathā iti 
agnyanantaraṃ dhūmajñānamityevaṃsaṃskṛtasya puruṣasya 
agnimātraniṣṭhastathāvabhāsaḥ kāraṇatāvabhāso'sti yathā 
dhūmapaścādbhāvāvalokane sāhityam | atra 
niścayāpekṣāniyatapaurvāparyataiva pratyakṣānupalambhagocarīkāryā 
mantavyā | evaṃ dṛṣṭāntaṃ vicārya prakṛte yojayati evam iti | sā ca iyaṃ 
sarvārthāvabhāsanayogyatā nāma īśvaratvāt prabhṛti 
śivatāpattiparyantā satī api jñāniyogidīkṣitānāṃ nivṛttamalatve'pi 
malasaṃskārasya sadbhāvādanabhivyaktā tasya prakṣaye'bhivyajyate yato 
dehakṣaye muktaḥ | malasaṃskārasya vā dehādyāvaraṇarūpasya sata eva 
abhyāsena śivatāmāveśayati yadā, tadātu na pūrṇā sā śivatā 
īśvaratā vā abhivyaktā bhavati | dehādisaṃskāra evahi tathā vilupyeta, 
tata eva sā na parā siddhiḥ, apitu aparā, parāparā veti | iha api 
pūrvamuktaṃ kaṃcit vibhūtibhāgam iti | evaṃ 
nirvikalpakarūpamavabhāsanaṃ cidrūpasya jñānaśaktyātmakaṃ 
svasaṃvedanasiddhamaiśvaryaṃ samarthya kriyāśaktyātmakamapi 
samarthayate bhedaparāmarśo'pi ityādinā | pūrvaṃ ca yadyapi 
svaprakāśe pramāṇavyavahāro yatnena apasārita ādisiddhasūtre 
pramātrekavapuṣaḥ iti, tathāpi siddhe vastutattve svaprakāśataiva yadi 
etābhirvācoyuktibhirucyate jñānamālā iva ātmaśabdena śākyaiḥ, tat 
vastuni

(page 393)

kā kṣatirityāśayena sarvajanāśvāsasthānabhūtapratyakṣādivācoyuk-
tyā vyavahāro'pi aduṣṭa eva | ādipadena āgamādiḥ | 
evamadūratopapādanena asya

     ------------------------antikaṃ ca tat | (bha. gī. 13|15)

iti smāraṇena śiṣyān protsāhya prakṛtaṃ sūtrārthaṃ nigamayati 
tadevam ityādinā || 11 ||

     evaṃ vikalpanaṃ tanūkṛtya nirvikalpakasātmībhāvena viśvātma-
sākṣātkāralakṣaṇaḥ svapratyaya eva svaprakāśatvena mokṣo darśitaḥ, 
vikalpanirhrāsābhāve tu yathā sa, tathā darśayati sūtreṇa

     sarvo mamāyaṃ vibhava ityevaṃ parijānataḥ |
     viśvātmano vikalpānāṃ prasare'pi maheśatā || 12 ||

     na pratyagātmā nāma kaścidanyo'haṃ, kintu grāhyagrāhakapra-
kāśaghanaḥ parameśvaro yaḥ, sa eva aham; saca ahameva, na anyaḥ kaścit | 
tato vikalpasṛṣṭirapi mama svātantryātmā vibhavaḥ,-ityevaṃvimarśe 
dṛḍhībhūte vikalpā api asya mahāvimarśapatitā avikalpībhavanti | yathā 
uktaṃ śrīpāradarśane

     śaṅkāpi na viśaṅkyeta niḥśaṅkatvamidaṃ sphuṭam |

iti | kevalam ityādinā bandhātmakamaparijñānaṃ pradarśya itarat 
darśayati parijñānaṃ tu iti | svāvaraṇarūpo vibhavaḥ kva dṛṣṭa 
ityāśaṅkāṃ

     yathā nṛpaḥ sārvabhaumaḥ prabhāvāmodabhāvitaḥ |
     krīḍan karoti pādātadharmāṃstaddharmayogataḥ ||
     tathā prabhuḥ pramodātmā---------------------------| (śi. dṛ. 1|38)

iti śivadṛṣṭyāśayena dṛṣṭāntāntareṇa śamayati yathāvā iti
prakṛtitvamapi prāptān vikārānākaroti saḥ |

(page 394)

sa eva brahmalakṣaṇaḥ svasvabhāvo vikārān svaṃ svaṃ rūpaṃ vikirataḥ 
khaṇḍayato vikalpādirūpānākaroti svaśaktivikṣobhātmakān prakaṭayati | 
te ca vikārāḥ prakṛtitvaṃ viśvavyavahārabījatvaṃ prāptā yathā ṛtūn 
dhatte iti ṛtudhāmā ādityo dharmānte kulīramṛgarājarāśiyugabhogāt-
make saṃcāraviśeṣe prāvṛḍiti prasiddhe svasvavibhavabhūtānantaḥsau-
ṣumnanāḍikatādātmyapratipannapūrvaprasaraṇaprārambhayogiviśvarasa-
pracayarūpān svarūpasya bhāsvarasya vikīrṇatāmāvṛttiṃ ca nirbhāsa-
yato mahato viśvauṣadhīphalādirasaprakṛtibhūtān meghasaṃplavānāka-
roti,-iti bhartṛharipaṭhitāgamagranthasaṃvādo darśitaḥ | pratyāpadyante 
iti svarūpameṣāṃ vimarśamātrarūpaṃ, tadevaca punarāpatitaṃ 
māyāpramātrutthāpitaviśeṣāvabhāsabhaṅgāditi pratyāpattiriyamucyate 
| maheśvarataiva iti vṛttiṃ vivṛṇoti pratyabhijñā ityādinā || 12 ||

     nanu evaṃ baddhamuktayoḥ prameyaṃ prati ko bheda 
ityāśaṅkāyāṃ sūtraṃ

     meyaṃ sādhāraṇaṃ muktaḥ svātmābhedena manyate |
     maheśvaro yathā baddhaḥ punaratyantabhedavat || 13 ||

     śrīmatsādākhyapadāt prabhṛti ākrimi yo mātṛvargastadadhiṣṭhā-
tṛyadahamitirūpaṃ, tadeva ātmatayā mukto'bhiniviśate | tataśca viśvasya 
yat prameyaṃ, tat mama api; yat mama, tadanyasya api | meyaṃ ca idaṃ 
mamaiva aṅgabhūtaṃ, meyāntarapi tathā,-ityevaṃ meyaṃ parasparato 
mātṛvargāt ca avyāvṛttamiti ekarasābhedaviśrāntitattvamasya sarvaṃ 
parāmarśapadamabhyeti | yat nirūpitaṃ śivadṛṣṭau

     ghaṭo madātmanā vetti vedmyahaṃ ca ghaṭātmanā |
     sadāśivātmanā vedmi sa vā vetti madātmanā || (5|106)
     atrākāre na yanme'sti tadākārāntare'sti me | (7|91)

(page 395)

     atrākāre na me pūjā sāca sādāśivātmani || (7|93)

ityādi | baddhasya tu sarvametat viparyayeṇeti ekaghanabhedaviśrānta eva sa 
iti sūtrārthaḥ | tulyam iti kriyāviśeṣaṇam | tasya arthaḥ sāhityena 
aviśeṣeṇa ca iti | taditi vailakṣaṇyena āha | grāhako'pi bhedaikarasa eva 
bhāti, na kevalaṃ grāhyamityenaṃ bhedasya atiśayaṃ vivṛtya 
grāhyagatasya eva bhedasya prarūḍhalakṣaṇamatiśayaṃ 
pakṣāntaraparigrahadiśā vivṛṇoti athavā iti | tathāpi iti āstāṃ 
tāvadabhedaḥ paramaḥ, parāpararūpatayā api sa na astītyarthaḥ | 
tathātvasya iti yathāyogaṃ baddhamuktabhedena parijñānāparijñāne 
yojye, natu yathākramam || 13 ||

     nanu sadāśiveśabhūmau jīvanmuktipade paśupramātṛgocare ca 
prameyavṛttāntaḥ parīkṣitaḥ, paramaśive tu kathamasau; vikalpāvikalpa-
bhuvi ca yoginaḥ pronmīlitakaraṇasya uktaḥ prameyakramaḥ, nimīlitasakala-
karaṇasya tu kīdṛgasauḥ; na kaścideva tatra asāviti sūtreṇa āha

     sarvathā tvantarālīnānantatattvaughanirbharaḥ |
     śivāścidānandaghanaḥ paramākṣaravigrahaḥ || 14 ||

     sarvathāpadasya vyavacchedyaṃ vivṛṇoti sarvam ityādinā | 
avabhāsa eva iti prarūḍhiṃ na prāpta iti tu anyadetaditi ākūtam | nirbhara-
padaṃ vivṛṇvānaḥ paratvamatra anvarthena darśayati ahaṃpratītireva 
pūryate iti śūddhatvaṃ sphuṭayati svāṅgabhūte'pi iti | dūrāpetā 
tāvat bhinnaprameyākāṅkṣā, dainyayoginī pramātṛteti apiḥ | 
cidānandaghanaḥ iti sautram ahaṃpratītau pūrṇāyām itīyatā 
vyākhyātamiti prakaṭayati pūrṇe vā ityādinā ucyate ityantena | 
paramākṣara ityapi anayaiva vyākhyayā vyākhyātam || 14 ||

(page 396)

     evamadhikāracatuṣṭayoktaṃ yat vastu, tatphalamāha sūtreṇa

     evamātmānametasya samyag jñānakriye tathā |
     jānan yathepsitān paśyañjānāti ca karoti ca || 15 ||

     evamiti īśvararūpamātmānaṃ, tasya śaktirūpe jñānakriye 
paśyan, natu kāpilakāṇādādidiśā samāvṛṇvan, yat yadicchati; tat tat 
jānāti karoti ca samāveśābhyāsaparo'nenaiva dehena, atatparo'pi sati 
dehe parameśvarapramātṛtaddarśanadṛḍhahṛdayo jīvanmuktaḥ, tatpāte 
parameśvara eveti pūrvoktaṃ samastamarthaṃ saṃkṣepāntareṇa 
sūtravṛttyarthayojanādisamastavighnaleśavirahitena nirmakṣikameva 
śiṣyadhiyi niveśayituṃ paramakāruṇikatvena pratyāvartayan evam iti 
sautraṃ vivṛṇoti iha ityādeḥ | māyāpade'pi evaṃbhūtaścitprakāśaḥ | 
asya ca deśakālāspṛṣṭatvam, ato'yaṃ pūrṇaḥ śivasaṃjña ityevaṃ 
paramaśivatvaṃ darśitam | sadāśiveśarūpatāmapi āha saca ityādinā | 
evaṃ parameśvaraparamaśivāntarvartitacchaktirūpasadāśiveśadaśā-
darśapatitaiva iyaṃ māyāmayī saṃsārabhūmirityāha tathā ityādinā | 
sā ca cidrūpaṃ na khaṇḍayatīti darśayati atrāpi ca iti | kācit iti neti 
saṃbandhaḥ | tena na svarūpeṇa śaktau kācit khaṇḍaneti uktaṃ bhavati | 
atra hetuḥ manāgapi iti nīlādyābhāsatvaṃ bhinnabhinnaṃ, śuddhapra-
kāśātmatā ca kālāspṛṣṭeti ekasyā eva saṃvida iyat vapuriti daṣṭāntena 
ghaṭayati yathā bauddhānām iti | abhāvāt tasya iti nimittāntarasya, 
tadapi aprakāśatāyāṃ na kiñcit, prakāśatve cideva iyat | prathamata eva 
iti svaprakāśatvena ayatnasiddhatāmāha | tathāpi upadeśopayogamāha 
kevalam iti | pūrvapakṣamapi saṃkṣipya smārayati yattvatra iti vivadantīti 
sambandhaḥ | eṣām

(page 397)

iti bhinnānāmavabhāsānāmāśrayabhūtasya pramātuḥ pratītirna 
viṣayaiveti sambandhaḥ | atra hetuḥ avyatiriktaviṣayā iti ahamiti tāvat 
vikalparūpaḥ pratyayo'vyatiriktasvātmaviṣayaśca, vyatirikto hi idamiti 
vikalpaḥ | tatra svātmaviṣayatvaṃ vikalpatvameti asaṅgatamadaḥ svātmano 
vikalpyatvāsaṃbhavāt | atra ca

     aśakyasamayo hyātmā---------------------------| (pā. vā. 3|249)

ityāgamo'nusartavyaḥ | nanu yadi etadasaṅgatam | kiṃ tarhi etat | 
ātmagraho'yamavidyā iti asatkhyātirūpaṃ bhramamātrametaditi yāvat | 
tādṛśa eva kṣaṇasthitidharmā sa bhāva utpanna iti kā virodhacintā yata 
uktaḥ asato nāma virodhāt ityevaṃ virvarṇayatā bauddhena 
viruddhadharmādhyāsaparamāstratyāgastāvat kṛtaśca evamapi śakyate 
vaktum-āmudgarasaṃpātasthāyī saṃjāta iti | tadetadāha naca ityādinā | 
nanu yadaiva bhāvaḥ san, tadaiva yadi na san; tadā virodhaḥ | yadātu 
kṣaṇāntara eva asan, tadā kālabhedāt ko virodhaḥ | etadāha dvitīye'pi iti 
dvitīyakṣaṇe nāśena saha na virodha ityetadapi yaducyate, tadapi na 
nāśakṛtatvādeva kṣaṇadvitīyatāyāstasyā eva paryanuyuktatvāt 
virodhacintayā | tadāha satyam iti | evaṃ kālasaṅkocaṃ 
kṣaṇikatānibandhanamapākṛtya paramāṇutānibandhanaṃ 
deśasaṅkocamapi apāsyati deśabhede'pi iti | ābhāsasvabhāvasya 
kathamanābhāsarūpateti asmābhiḥ paryanuyuktaṃ, tat kathametadeva 
uttarīkartuṃ yuktamiti āśayaśeṣaḥ | iyatā 
kṣaṇaparamāṇumātratodgrāhaṇena bhāvatattvaṃ saṅkocena 
dūṣitanijaruci racayanto jaḍānāmudgārairityatra pakṣe nikṣiptāḥ | tato 
bhāvānāṃ paramavikāsa eva tattvamiti uktaṃ

(page 398)

bhavati, jaḍānāṃ vā yadasti, tadastu; saṃvidastu kālādisaṅkocaḥ 
sarvathā na yukta ityāha naca citaḥ iti | nanu nīlādipratiṣṭhāsthānaṃ 
saṃviducyate, sā ca sābhāsaiva | netyāha niravabhāsā iti | yaduktaṃ

     yadyapyarthasthitiḥ---------------------------| ( a. pra. si. 20)

iti | tatprasaṅgena iti | etadeva sphuṭīkṛtaṃ kriyākāraka iti | 
arthabhedena api iti ekānekarūpatā iti pūrveṇa sambandhaḥ | tayorapi 
iti deśakālayoḥ | nanu yathā śuktirajatābhāsasya 
vimarśānuvṛttibhaṅge'sthairyaṃ śuktivimarśasya anuvṛttighanatvena 
sthairyamityevaṃ śuktireva iyaṃ, na rajatamiti viplavatvaṃ vyavasthāpyate; 
tathā pramātari bhaviṣyati | etat niṣedhati na ābhāsīya iti ābhāseṣu eva 
etaducitaṃ vaktuṃ yeṣu vyatirikto vimarśaḥ, natu saṃvidi 
avyatiriktavimarśāyāmiti taddhitasya abhiprāyaḥ | sati ca bādhake yujyate 
etat, ihaca tat netyāha nacāpi iti | pratyuta paradṛśi bādhakamastītyāha 
athairya ityādi | nanu avicāritacārutāsāramasamañjasamupaplutamidaṃ 
sarvam, astu tāvadetadapi bādhayituṃ, bādhaśca sati sthire pramātarītyāha 
āsamañjasya iti | atraiva iti svasyāmuktau tṛtīyarāśyabhāvena paraiḥ 
samarthita iti abhiprāyaḥ | evaṃ tuṣyediti sambandhaḥ | tadapi iti anyatvaṃ 
saṃvedanāt, saṃvedanaṃ ca ekasāmānyaviṣayamapi astyeveti 
viśeṣarūpatayā anekatvaṃ, sāmānyākāreṇa ca ekatvamiti 
ekānekarūpatāpratītiḥ | nanu rājño viśeṣaṇatvena 
ahaṃpratyavamarśanīyatve svarūpameva luptamiti aviśiṣṭa eva puruṣaḥ 
syādityāśaṅya āha idantāparāmarśa iti idantayā iti nirūḍhayeti 
śeṣaḥ | evaṃśabdārthaṃ vyākhyāya

(page 399)

etadekavākyatvena ātmānam iti vyācaṣṭe evamekaścinmayaḥ ityādinā 
| nanu aikādhikaraṇyena ekarūpā saṃvidīśvaratā, saiva vyavahārakāle, 
nanu śivatā | etadāśaṅkya pariharati tayośca iti | tataśca īśvaratā api 
paramaśivarūpāntarlīnaiva sphurati, tata eva ucyate

     yatra sthitamidaṃ sarvaṃ kāryam----------------------| (spa. kā. 1|2)

ityādi,-iti śivam || 15 ||

iti śrīmahāmāheśvaraśrīmadācāryābhinavaguptaviracitāyāmīśvara-
pratyabhijñāvivṛtivimarśinyāṃ tattvārthasaṅgrahādhikāre 
mātṛmeyabandhamokṣatattvavimarśastṛtīyaḥ || 3 ||




atha caturtho vimarśaḥ |

     prasṛtamanuttararūpādānandādikrameṇa viśvamadaḥ |
     sarvāmṛtadharamantarbahiśca visṛjantamabhivande ||

     jñānakriyādhikārayugalena tattvārthasaṅgrahasahitena 
svaprakāśe'pi tattve yuktyupabṛṃhite nirūpite svataḥ ityaṃśaḥ pūritaḥ 
āgamādhikāreṇa, tameva arthamupodbalayatā śāstrataḥ iti ayam | 
śāstradṛṣṭirapi tatprasiddhaguruparamparopadeśena samyagāgamatvaṃ 
neyā | yathā uktaṃ prāk śāmbhavanītyādīnāmapi ityādi | tata eva 
paramahadantarāladivyadivyādivyādivyasambandhamanādṛtya 
sbuddhipustakamātraśaraṇā viḍambitā ityāśayena

     pustakādhītavidyāśca gurukramavivarjitāḥ |
     ācaranto diśantaśca pacyante narake ciram ||
     yātanārājarājānāṃ te bhoktāro vininditāḥ |
     tasmādgurukramāyātaṃ diśanneti paraṃ śivam ||

iti uktam | tato gurutaḥ iti ayaṃ tṛtīyaḥ aṃśaḥ pūrayitavyaḥ | uktaṃ hi 
śrīkiraṇāyāṃ

     ---------------------------gurutaḥ śāstrataḥ svataḥ |

iti | tamaṃśaṃ pūrayituṃ ślokatrayeṇa prakārāntaramāha | tatra 
prathamaślokena svaguruparvakramaṃ vadannādiśrīkaṇṭhanāthāt 
pravṛttimasya darśayati upadeśasya apūrvatvena aprayāsakāritvena 
avaśyopadeśyatāṃ ca | dvitīyena abhijñānaprakaṭanātmanā upadeśaḥ 
sato'pi asatkalpasya anuprāṇakaḥ iti tatra ādaraḥ kartavyaḥ iti darśitam | 
tṛtīyena vyākhyānaśravaṇacintanābhyasanasāphalyasiddhaye 
svakapūrvaguruvandanamavaśyaṃ kartavyamiti śikṣayā 
pravṛttaśiṣyānugrahāya svātmano gurutve yogyatābhidhānāya

(page 401)

     kīrtanīyo gurorvargaḥ śāstrārthasya prasiddhaye |

itinayaṃ pālayituṃ pituralaukikavastuviṣayaprasiddhyabhidhānena

     upakārāya prasiddho diṣṭe lokaḥ pravartate |

iti lokasya apravṛttasya pravartanādvāreṇa ca anugrahāya ca svātmano 
vaṃśapradarśanapūrvakanāmaprakaṭīkaraṇapuraḥsaramadhikāraprayoja-
nasambandhābhidheyābhidhānānāṃ nigamanamiti prakaraṇārthaḥ | 
pratiślokaṃ tu artho nirūpaṇīyaḥ | saca spaṣṭa eva, vṛttivivṛtyośca 
nirūpitaḥ | yattu kiñcit kiñcidaspaṣṭamatra, tadeva vimṛśyate

     iti prakaṭito mayā sughaṭa eṣa mārgo navo
     mahāgurubhirucyate sma śivadṛṣṭiśāstre yathā |
     tadatra nidadhatpadaṃ bhuvanakartṛtāmātmano
     vibhāvya śivatāmayīmaniśamāviśansidhyati || 1 ||

     ata eva iti yataḥ pratyabhijñāmātrāt mokṣaḥ, tata eva 
yamaniyamādikleśayogo'nupayoga eva atra | aspaṣṭatvāt iti

     sphuṭopāyamanāyāsamanārambhaṃ mahāphalam |
     śrotumicchāmi deveśa yogaṃ yogavidāṃ vara ||

iti

     prāṇāyāmādikairaṅgairyogāḥ syuḥ kṛtrimā yataḥ |
     tena nākṛtakasyāsya kalāmarghanti ṣoḍaśīm ||

ityādi ca yadapi rahasyāgameṣu nirūpitam, tathā vispaṣṭatvena na uktaṃ 
garbhīkṛtya tu nirūpitaṃ

     nacaitadaprasannena śaṅkareṇopadiśyate |
     kathañcidupalabdhe'pi vāsanā na prajāyate ||
     vāsanāmātralābhe'pi yo'pramatto na jāyate |
     tamanityeṣu bhogeṣu yojayanti vinyāyakāḥ ||

(page 402)

iti | yadi ahaṃ paramaśivaḥ sarvajñasarvakartṛtvāt, tarhi kimiti na 
śatrūnsarvān sapadi grase ityādirmāyīye dehādāvanabhyāsena 
vibhavecchāmayo hi paramo vighnaḥ | sa etacchāstrārthapariśīlanena 
nivartate | loke mokṣopāyatvena na pratītāḥ, nañabhāve tu lokaprasiddhā 
ye jñānakriyādayastairiti vyākhyā | prathamaṃ pādaṃ vyākhyāya 
dvitīyaṃ vyācaṣṭe eṣa ca ityādinā anāviṣṭa ityantena

     vikalpahānenaikāgryāt---------------------------| (4|1|11)

ityatra anupraveśaḥ uktaḥ śaśvat ityādiḥ |

     sarvo mama---------------------------| (4|1|12)

ityatra śivapada ityādinā svātmani māyāmohasaṃskārakaluṣasādhaka-
vargābhilaṣitocitavibhūtyanāsaṅgena samyaktattvadarśitayā kṛtakṛtyatve 
jñānakriyayoḥ pariśeṣaviśeṣatvān parānugrahatantratā | sakalalokalo-
canatāṃ prapannena avalokatvena prasiddhiparyavasānaṃ nāma 
pūrvoktagurulakṣaṇam | śivadṛṣṭi iti tadgatamāśrīkaṇṭhanāthāt 
guruparvakramaṃ sūcayati | tatrahi śrīśrīkaṇṭhanāthaḥ śāsane 
samutsanne śrīdurvāsomuniṃ tadavatāraṇāya dideśa, so'pi 
śrītryambakādityaṃ traiyambakākhye lokaprasiddhyā tairimbābhidhāne 
gurusantāne pravartayitāraṃ mānasaṃ sasarja,-ityādi vitatya uktam | 
śrīkaṇṭhanāthaśca adhigatatattvaḥ śrīmadanantanāthāt, so'pi 
śrībhagavacchaktitaḥ ityādi āgameṣu nirūpitamiti saṃpūrṇo 
guruparvakramaḥ uktaḥ | samūḍhaḥ iti prabodhitaḥ, 
pakvacandanādisaṃskārasthirīkṛtasaurabhaśca | ghanasāraḥ karpūram | 
aṣṭādaśabhujādyākārasākṣātkaraṇabhrāntirvikatthano'yamadyāpi 
atattvajño'yamanupayoginirūpaṇarasiko'yamitica pratītiphalā mā 
bhūdityāśayena āha antaḥkṛta iti | citrakarmaṇaḥ kva prakṛte upayogaḥ | 
āha tajjñānasya

(page 403)

eva aiśvaryajñānasya adhikālaukikavastuprāptau mūḍhānāṃ 
dṛḍhapratyayatā bhavatīti | dvitīyamardhaṃ vivṛṇoti īśvara ityādinā | 
anena hetutṛtīyāntena padena tat iti sautraṃ tasmādityarthaṃ vivṛtavān |

     --------------------jīvanmukto na saṃśayaḥ |

ityādiṣu āgamasthāneṣu niyamārthavyākhyānāya vṛttau yaḥ evakāraḥ, 
taṃ vyācaṣṭe dehapātāt ityādinā | adbhutatamatvamapi ca evakāreṇa 
sūcitamasya upadeśasya | dehapātādekabhaviko mokṣaḥ itihi etadeva 
tāvadadbhutam |

     ihaikabhaviko mokṣa eṣa tāvat parīkṣyatām |
     anekabhaviko mokṣaḥ paścātsa ca gamiṣyati ||

iti hi paramakṛpālunā bhagavatā āgamagranthena nirūpitamadbhutatvam | 
idaṃ tu adbhutatamaṃ yatkila jīvanneva mukta iti || 1 ||

     taistairapyupayācitairupanatastanvyāḥ sthito'pyantike 
     kānto lokasamāna evamaparijñāto na rantuṃ yathā |
     lokasyaiṣa tathānavekṣitaguṇaḥ svātmāpi viśveśvaro
     naivālaṃ nijavaibhavāya tadiyaṃ tatpratyabhijñoditā || 2 ||

     upayācitaiḥ iti 
devatāprārthanadūtīpreṣaṇātmāvasthānivedanābhiḥ | tanvyāḥ iti 
virahakṛśāyāḥ na rantumalam iti saṃbandhaḥ | 
pratyabhijñānamātrādānandalābhaḥ, pariśīlanāt tu 
saṃbhogasahasraprāptiriti tulyamubhayatra | vastuviśeṣa iti vastuni 
arthakriyālābhe | kānte ca iti pūrvadṛṣṭe'pi mohātpūrvamavijñāte iti 
bhāvaḥ | yadvā iti nirbhāte api anirbhātakalpatvaṃ, tato dṛḍhaniścaye 
tathābhimāna iti ubhayatra api tulyamiti yāvat | ekatā prakāśātmā iti 
so'yaṃ iti hi atrāpi tattvedantayorekīkaraṇaṃ prakāśanam, ihāpi 
īśvaratāhantayorityarthaḥ |

(page 404)

āśrayaucitya iti | dṛṣṭāntadārṣṭāntikarūpau yāvāśrayau, 
tadaucityādeva tadbalānīto viśeṣo bhūṣaṇam, anyathāhi aikyameva syāt, 
na sādṛśyam || 2 ||

     janasyāyatnasiddhyarthamudayākarasūnunā |
     īśvarapratyabhijñeyamutpalenopapāditā || 3 ||

     yaḥ kaścit jananadharmā, tasya ataḥ siddhiḥ; natu atra 
jātyācārādau bharaḥ iti sarvānugrāhakatvamuktam | etacca prārambhe eva 
asmābhirvitatam | tato'pi iti yaśaḥsamucitena phalena pituryogāt | asya iti 
kartuḥ | anena sarvataḥ kṛtakṛtyatvaṃ darśitam,-iti śivam || 3 ||

     vivṛtikāraḥ saṃkṣipya sarvamāha ittham ityādiślokaiḥ | anena 
asmaduktena īśvaratāprakāreṇa yā susaṃvittiḥ sthitā, tām | lāṭa 
ityādinā pūrvaṃ śuddhavaṃśajanmano dvitīye vāgīśvarīgarbhajanmani 
kṛte pūrṇaṃ dvijatvaṃ bhavatīti | antaḥprakṛtiḥ iti amātyasuhṛtprāyaḥ | 
karkābhidhānaḥ iti yadiyaṃ karkasaṃgrahādiśāstram | janmamātre 
carame'bhimānaḥ iti darśayati tryambaka iti

     tisro devyo yadā cainaṃ---------------------------|

iti śaktitrayaparipūrṇatryambakadāsyalakṣmīyogāt 
pūrvoktamitātmatāguṇīkaraṇatadrūpatonmajjanasamāveśāt taddāsaḥ 
kṛtakṛtyatvena sābhimāno'smi | bhoga ityādi viśveśvarasya 
pratyabhijñāmṛtasya ca viśeṣaṇam | asya upādeyatāmāha prāyeṇa 
ityādinā | kheṭapālācāryaprabhṛtayo dvaitaprādhānyamaśiśriyan, 
tadanusāriṇo'pi anye tathaiva | avidyayā iti anirvācyarūpayā | ayaṃ 
brahmavādo'pi na ekāntavādo, na niścitādvayavādaḥ iti | mataṃ na 
viśadamiti sambandhaḥ | ātmā īśvaro nāsti teṣāṃ yo vastuto'sti, 

(page 405)

santānāntaraṃ ca asti yat vastuto nāsti,-iti | avasanna iti 
upāyalābhābhāvāt | asmiṃstu sati āgameṣu dvaitavyākhyānamapāsya 
brahmavāde avidyāṃ māyāśaktīkṛtya 
vijñānādvayamātmeśvarābhiprāyeṇa nirūpya sidhyati eva jano yathā 
pūrvamuktamiti darśayati asminnevam iti | pārameśvareṣu tāvadāgameṣu 
śaivavaiṣṇavarahasyeṣu vedānteṣu ca spaṣṭa eva 
ukto'yamasmadukto'rthaḥ | tadanusāriṇā eva sugatena uktaṃ

     cittamātramidaṃ yaduta traidhātukam |

iti | tadatra vivaraṇakārairdurabhiniveśavaśena vipratārito janaḥ | idameva tu 
tattvamiti tu tātparyam | ata eva prathāto'khilagrahaṇena idamāha-sakalo 
lokaḥ sakalaṃ ca śāstramasmābhiryadyapi na avalokyate, tathāpi yatkiñcit 
vastu vā, vikalpitaṃ vā; tat sarvaṃ prathamānameva sat bhavati | 
prathamānatā ca prathārūpāt bhagavataḥ paramaśivādanatirekiṇī,-iti sa 
eva paryantopāsanīyaḥ paramaśivaḥ upāsitaḥ kalpate paramaśivāya,-iti 
śivam ||

bhaṭṭātriguptakulajātavarāhagupta-
janmābhavat cukhulakaḥ śivamārganiṣṭhaḥ |
śrībhūtirājavadanoditaśambhuśāstra-
tattvāṃśuśātitasamastabhavāndhakāraḥ || 1 ||
tajjanmadehapadabhāk padavākyamāna-
saṃskārasaṃskṛtamatiḥ parameśaśakteḥ |
sāmarthyataḥ śivapadāmbujabhaktibhāgī 
dārātmajaprabhṛtibandhukathāmanāptaḥ || 2 ||
nānāgurupravarapādanipātajāta-
saṃvitsaroruhavikāsaniveśitaśrīḥ |

(page 406)

śrīśāstrakṛddhaṭitalakṣmaṇaguptapāda-
satyopadarśitaśivādvayavādadṛptaḥ || 3 ||
sarvānyaśāsanakathāḥ kalaviṅkakeli-
kalpāḥ paraṃ prakalayanniha śāstrasāre |
ājñāmalaṅghyaphaladāṃ gurunāthapāda-
nityārcanasmaraṇayogakṛtāmavāpya || 4 ||
śrīśāmbhavādvayapade janatāṃ niyoktu-
mabhyuditaḥ sakalasaṃpadudāravṛttau |
ṭīkāvimarśamakarollaghunā nayena
spaṣṭena cābhinavaguptapadapratiṣṭhaḥ || 5 ||
nādātuṃ naca dātumeṣa sulabhaḥ kiṃ kṛtyametāvate-
tyevaṃ tarkayatā janena śakalīkṛtyātha yadgṛhyase |
māṇikyācala candrakīrtiracalā sā te jagadvyāpinī
lokasyaiva mitopayogarasikasyaiṣā punaḥ khaṇḍanā || 6 ||
saṅkocya niñcidiha kiñcidatha prasārya
prakṣipya kiñcidiva kiñcidathāpyapāsya |
vidvāñjano bhavatu saṃprati śāstrakṛcca
samyakpracāraṇavidhiḥ sahi janma tasya || 7 ||
kalpāntāmbunidheḥ pracaṇḍapavanaprakṣobhitaurvānala-
jvālājālamilattaraṅgavalanānaśyatkulakṣmābhṛtaḥ |
bhūyānapyavagāhanāya vibhavennatvīśvarābhijñayā
nirṇītasya vidhervimarśavidhaye śaktaḥ paraḥ śaṅkarāt || 8 ||
prāk paśyantyāṃ sphuratu bhajatāṃ madhyamāyāṃ vikāsaṃ
vaikharyāṃ ca prakaṭapadavīṃ śrotravṛttiṃ prayātu |

(page 407)

viśrāntā cedabhinavamatistadvimarśinyathānta-
statsāphalyaṃ bhajati nitarāmīśvarapratyabhijñā || 9 ||
pāṣāṇān prati vaktu kaḥ śṛṇuta bho yuṣmān bruve jaṅgamāḥ
śayyotthāyamanarthamarthasaraṇe ko'yaṃ vṛthaivodyamaḥ |
saṃviddhāmani śāmbhave viśatha cetkālīyamekaṃ lavaṃ
kiṃ kiṃ varṇanikābhirābhirabhitaḥ satyaṃ svayaṃ jñāsyatha || 10 
||
paricinuta tadenāmīśvarapratyabhijñāṃ
dahata hṛdi niviṣṭaṃ vāsanācakravālam |
jvaladanalaśikhāntarlelihānāraṇeya-
sthiraparicayabhāk kiṃ sūtaye bījapuñjaḥ || 11 ||
vākyapramāṇapadatattvasadāgamārthāḥ
svātmopayogamamutaḥ kila yanti śāstrāt |
bhaumān rasāñjalamayāṃśca na sasyapuṣṭyai
muktvārkamekamiha yojayituṃ kṣamo'nyaḥ || 12 ||
ātmānamanabhijñāya vivektuṃ yo'nyadicchati |
tena bhautena kiṃ vācyaṃ praśne'smin ko bhavāniti || 13 ||
yāvānātmāvaraṇavidhaye kalpate ko'pi kalpa-
stāvānātmaprakaṭanavidhau nīta evopayogam |
yena spaṣṭaṃ paramagurave tīvrakāruṇyapūrṇa-
śrīśarvāṇīdayitasatatāveśabhāje namo'smai || 14 ||
iti navatitame'smin vatsare'ntye yugāṃśe
tithiśaśijaladhisthe mārgaśīrṣāvasāne |
jagati vihitabodhāmīśvarapratyabhijñāṃ
vyavṛṇuta paripūrṇāṃ preritaḥ śambhupādaiḥ || 15 ||

(page 408)

paramaśiva na tādṛk kvāpi yattāvakīna-
sphuritavibhavavandhyaṃ syādathāntarbahirvā |
iti sudṛḍhavimarśāveśi---------------------------
stutiraraci mayeyaṃ saṃmukhaṃ tvāṃ vidhātum || 16 ||
īśvarapratyabhijñā tu vimarśādīśvareṇa-------------|
--------------tmavimarśodyoginīṃ kriyāt || 17 ||

iti mahāmāheśvaraśrīmadācāryābhinavaguptaviracitāyāmīśvara-
patyabhijñāvivṛtivimarśinyāṃ samastanigamanaṃ 
caturtho vimarśaḥ || 4 ||


samāptā ca iyamīśvarapratyabhijñāvivṛtivimarśinī ||
kṛtiḥ śrītrinayanacaraṇacintanalabdhaprasiddhīnā-
mabhinavaguptapādānām ||



###########   END OF FILE  #######